← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

09:112:01 ܚܦܝ݂ܛܵܐܝ݂ܬ݂ ܠܡܸܥܒܲܕ݂ ܨܸܒ݂ܝܵܢܵܐ ܕܲܒܥܸܠܕܲܪܹܗ܃ ܟܲܕ݂ ܡܛܲܝܒ݂ܝ݂ܢ ܠܹܗ
09:112:02 ܗܲܕܵܡܵܘ̈ܗܝ ܙܲܝܢܵܐ ܠܣܵܛܵܢܵܐ ܒܟ݂ܠܵܗ݀ ܡܸܫܬܲܡܥܵܢܘ݂ܬ݂ܵܐ܂ ܘܕ݂ܵܐܦ ܠܵܐ
09:112:03 ܚܵܐܲܪ ܠܡܸܬ݁ܬܵܘܝܵܢܘ݂ܬ݂ܵܐ܃ ܠܡܸܬ݂ܩܲܪܵܒ݂ܘ݂ ܠܘܵܬ݂ ܡܝܲܬ݁ܪܘ݂ܬ݂ܵܐ܃ ܘܲܠܡܸܥܒܲܕ݂
09:112:04 ܫܘ݂ܠܵܡܵܐ ܠܐܘ݂ܪܚܹܗ ܡܲܚܣܪܵܢܝ݂ܬ݂ܵܐ܂ ܐܼܚܪܵܢܝܬ݂ܵܐ ܐܸܢܹܝܢ ܫܲܪ̈ܥܵܬ݂ܵܐ ܘܡܲܦ̈ܠܵܬ݂ܵܐ
09:112:05 ܕܣܝ݂̈ܡܵܢ ܒܐܘ݂ܪܚܵܐ ܕܲܡܝܲܬ݁ܪ̈ܵܬ݂ܵܐ܃ ܘܲܒ݂ܡܲܪܕܝ݂ܬ݂ܵܐ ܕܙܲܕܝ݂ܩܵܘ݂ܬ݂ܵܐ܃ ܐܲܝܟ݂
09:112:06 ܡܸܠܲܬ݂ ܐܲܒ݂ܵܗ̈ܬ݂ܵܐ܂ ܒܐܘ݂ܪܚܵܐ ܠܲܡ ܕܲܡܝܲܬ݁ܪܘ݂ܵܬ݂ܵܐ ܐܝ݂ܬ݂ ܡܲܦ̈ܠܵܬ݂ܵܐ܃ ܐܝ݂ܬ݂
09:112:07 ܫܘ݂̈ܚܠܵܦܹܐ܃ ܐܝ݂ܬ݂ ܩܛܝ݂ܪܵܐ܃ ܘܫܲܪܟܵܐ܂ ܘܲܐܼܚܪܹܬ݂ܵܐ ܗ݂ܼܝ ܡܝ݂ܬ݂ܘ݂ܬ݂ܵܐ
09:112:08 ܕܢܲܦܫܵܐ܃ ܘܐܲܒ݂ܕܵܢܵܐ ܓܡܝ݂ܪܵܐ܃ ܘܲܫܒ݂ܝ݂ܩܘ݂ܬ݂ܵܐ ܟ̄ܠܵܢܵܝܬ݂ܵܐ܂ ܘܗܵܕܹܐ
09:112:09 ܡܸܬ݂ܝܲܕ݂ܥܵܐ܃ ܡ݂ܢ ܗܵܝ݁ ܕܟܲܕ݂ ܢܵܦܹ݁ܠ܃ ܠܵܐ ܛܵܥܹ݁ܐ ܚܘ݂ܒܵܐ ܕܐܲܒ݂ܘ݂ܗܝ܂
09:112:10 ܘܟܲܕ݂ ܣܵܒܹ݁ܐ ܫܲܪ̈ܥܵܬ݂ܵܐ ܕܟ݂ܠܙܢ̈ܝ݂ܢ܃ ܚܦܝ݂ܛܘ݂ܬܹܗ ܠܵܐ ܡܸܬ݂ܥܵܘܟ݂ܵܐ
09:112:11 ܕܲܠܘܵܬ݂ ܦܘ݂ܠܚܵܢܹܗ ܫܲܦܝ݂ܪܵܐ܂ ܘܡ݂ܢ ܪܲܗܛܹܗ܃ ܠܵܐ ܦܵܐܹ݁ܫ܂ ܘܠܲܡܩܵܡ
09:112:12 ܒܬܲܟ݂ܬܘ݂ܫܵܐ ܡܸܢܕܪܹܫ ܠܘ݂ܩܒܲܠܗܹܝܢ܃ ܘܒ݂ܵܗ݀ ܒܡܸܙܕܲܟ݂ܝܵܢܘ݂ܬܹܗ܃ ܠܵܐ
09:112:13 ܡܲܡܐܸܢ܂ ܘܠܲܣܚܝ݂ܦܘ݂ܬ݂ܵܐ ܕܒܸܢܝܵܢܹܗ ܟܠܝܘ݁ܡ ܠܡܸܥܒܲܕ݂ ܫܘ݂ܪܵܝܵܐ
09:112:14 ܠܫܲܬ݂ܐܸܣܬ݂ܵܐ܃ ܠܵܐ ܫܵܠܹ݁ܐ܂ ܘܡܸܠܬܹܗ ܕܲܢܒ݂ܝ݂ܵܐ ܒܦܘ݂ܡܹܗ܃ ܥܕܲܡܵܐ
09:112:15 ܠܫܵܥܬ݂ܵܐ ܕܡܲܥܒܲܪܬܵܐ ܕܡ݂ܢ ܥܵܠܡܵܐ ܗܵܢܵܐ܃ ܠܵܐ ܬܸܚܕܸܐ ܠܝ݂
09:112:16 ܒܥܸܠܕܒ݂ܵܒ݂ܝ܃ ܕܢܸܦ݁ܠܹܬ݂ ܬܘ݂ܒ݂ ܩܵܐܹ݁ܡ ܐܼܢܵܐ܂ ܘܲܕ݂ܝܸܬ݂ܒܹ݁ܬ݂ ܒܚܸܫܘ݁ܟ݂ܵܐ܃
09:112:17 ܡܵܪܝܵܐ ܡܲܢܗܲܪ ܠܝ݂܂ ܘܠܵܐ ܫܵܠܹ݁ܐ܃ ܥܕܲܡܵܐ ܠܡܵܘܬܵܐ ܡ݂ܢ
09:112:18 ܕܲܠܡܲܩܪܵܒ݂ܘ݂܂ ܘܠܵܐ ܝܵܗܹ݁ܒ݂ ܢܲܦܫܹܗ ܠܡܸܙܕܲܟ݂ܝܵܢܘ݂ܬ݂ܵܐ܃ ܟܡܵܐ ܕܐܝ݂ܬ݂
09:112:19 ܢܫܲܡܬ݂ܵܐ ܒܲܢܚܝ݂ܪ̈ܵܘܗܝ܂ ܘܟܲܕ݂ ܟܠܝܘ݁ܡ ܡܸܬ݁ܬܲܒܪܵܐ ܐܸܠܦܹܗ܃ ܘܫܵܪܟܵܐ
09:112:20 ܕܘ݂ܥܬ݂ܵܐ ܕܬܹܐܓ݂ܘ݂ܪܬܹܗ ܠܥܘ݂ܡܩܵܐ܃ ܠܵܐ ܫܵܠܹ݁ܐ ܡ݂ܢ ܕܝܵܙܹ݁ܦ ܘܲܡܪܲܟܸܒ݂
09:112:21 ܣܦܝ݂̈ܢܹܐ܃ ܘܪܵܕܹܐ ܥܲܠ ܣܲܒ݂ܪܵܐ܂ ܥܕܲܡܵܐ ܕܟܲܕ݂ ܢܸܚܙܸܐ ܡܵܪܝܵܐ
09:112:22 ܚܦܝ݂ܛܘ݂ܬܹܗ܃ ܚܵܐܹ݁ܣ ܥܲܠ ܬܒ݂ܵܪܹܗ܃ ܘܡܲܪܟܸܢ ܠܹܗ ܪ̈ܲܚܡܵܘܗܝ܂