← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

09:113:01 ܘܝܵܗܹ݁ܒ݂ ܠܹܗ ܙܵܘ̈ܥܹܐ ܚܲܝ̈ܠܬ݂ܵܢܹܐ ܠܲܡܣܲܝܒܵܪܘ݂܃ ܘܲܠܡܹܐܪܲܥ ܓܹܐܪܹ̈ܐ
09:113:02 ܝܵܩ̈ܕܹܐ ܕܒ݂ܝ݂ܫܵܐ܂ ܗܵܕܲܐ ܗ݂ܼܝ ܚܸܟ݂ܡܬ݂ܵܐ ܕܡ݂ܢ ܐܲܠܵܗܵܐ܃ ܘܗܵܢܵܘ ܟܪܝ݂ܗܵܐ
09:113:03 ܚܲܟ݁ܝ݂ܡܵܐ܂ ܦܣܵܩ ܣܲܒ݂ܪܵܐ܃ ܗܸܢܝܵܢܵܐ ܠܵܐ ܩܢܸܐ܂ ܦܲܩܵܚ ܠܲܢ ܓܹܝܪ ܕܥܲܠ
09:113:04 ܚܲܕ݂ܚ̈ܕ݂ܵܢܵܝܬ݂ܵܐ ܢܸܬ݁ܬ݁ܕܝ݂ܢ܃ ܘܠܵܐ ܥܲܠ ܫܒ݂ܝ݂ܩܘ݂ܬ݂ܵܐ ܓܡܝ݂ܪܬܵܐ܂
09:113:05 ܘܒܲܕ݂ܓ݂ܘ݁ܢ ܛܘ݂ܒ݂ܵܢܵܐ ܡܦܲܫܩܵܢܵܐ܃ ܟܲܕ݂ ܡܙܲܗܲܪ ܕܠܵܐ ܬܸܡܐܲܢ ܠܲܢ
09:113:06 ܡ݂ܢ ܣܲܓ݁ܝ݂ܐܘ݂ܬ݂ ܬܲܟ݂ܬ݁ܘ݂̈ܫܹܐ ܘܲܙܢܲܝ̈ ܩܪ̈ܵܒܹܐ ܣܒ݂ܝ݂̈ܣܹܐ ܕܐܝ݂ܬ݂ ܒܐܘ݂ܪܚܵܐ
09:113:07 ܕܙܲܕܝ݂ܩܘ݂ܬ݂ܵܐ܃ ܘܢܸܥܛܘ݁ܦ ܠܒܸܣܬ݁ܪܲܢ܃ ܘܢܸܬܸܠ ܙܵܟ݂ܘ݂ܬ݂ܵܐ ܕܠܲܓ݂ܡܵܪ
09:113:08 ܠܲܒ݂ܥܸܠܕܲܪܲܢ ܒܚܲܕ݂ ܡ݂ܢ ܙܢ̈ܝ݂ܢ ܕܒ݂ܝ݂̈ܫܵܬ݂ܵܐ܃ ܟܲܕ݂ ܣܵܕܲܪ ܠܗܘ݁ܢ ܐܲܝܟ݂
09:113:09 ܕܲܒ݂ܪ̈ܘ݂ܫܡܹܐ܃ ܐܵܡܲ݁ܪ܃ ܐܸܢܗ݂ܘ݂ ܓܹܝܪ ܕܒܲܫܪܵܪܵܐ ܚܦܝ݂ܛܝ݂ܢ ܐܢܼܬ݁ܘ݁ܢ
09:113:10 ܠܲܡܚܵܪ ܠܘܵܬ݂ ܡܝܲܬ݁ܪܘ݂ܬ݂ܵܐ܃ ܘܲܠܡܹܐܨܲܦ ܕܫܲܦܝܘ݂ܬ݂ ܪܸܥܝܵܢܵܐ ܕܲܠܘܵܬ݂
09:113:11 ܐܲܠܵܗܵܐ܃ ܘܲܠܡܸܣܥܲܪ ܐܲܝܠܹܝܢ ܕܠܹܗ ܡܸܬ݂ܚܲܙ̈ܝܵܢ܃ ܐܵܠܨܵܐܝ݂ܬ݂ ܙܵܕܹܩ
09:113:12 ܠܟ݂ܘ݁ܢ ܠܡܸܣܒܲܠ ܩܪ̈ܵܒܹܐ ܟܠܗܘ݁ܢ ܕܥܲܠ ܐܲܦܲܝ̈ ܗܵܠܹܝܢ܃ ܕܡ݂ܢ
09:113:13 ܚܲܫܹ̈ܐ ܟܝܵܢܵܝܹ̈ܐ ܘܡ݂ܢ ܢܘ݂ܬܵܦܵܘ̈ܗܝ ܕܥܵܠܡܵܐ ܗܵܢܵܐ ܘܒ݂ܝ݂ܫܘ݂ܬ݂ܵܐ
09:113:14 ܕܕܲܝܘܹ̈ܐ ܬܟ݂ܝ݂ܒ݂ܵܐܝ݂ܬ݂ ܡܥܵܕ݂ܝ݂ܢ ܠܡܸܬ݁ܬ݁ܥܵܪܘ݂ ܠܘ݂ܩܒܲܠܟ݂ܘ݁ܢ܂ ܟܲܕ݂ ܠܵܐ
09:113:15 ܠܵܐ ܡܸܬ݂ܪܲܫܠܝ݂ܢ ܐܢܼܬ݁ܘ݁ܢ ܡܸܛܠ ܐܲܡܝ݂ܢܘ݂ܬܹܗ ܘܠܵܐ ܡܸܫܬܲܠܝܵܢܘ݂ܬܹܗ
09:113:16 ܕܬܲܟ݂ܬܘ݂ܫܵܐ܃ ܘܠܵܐ ܕܵܚ݁ܠܝ݂ܢ ܐܢܼܬ݁ܘ݁ܢ ܡ݂ܢ ܬܟ݂ܝ݂ܒ݂ܘ݂ܬܹܗ ܘܥܘ݂ܙܹܗ
09:113:17 ܕܲܩܪܵܒ݂ܵܐ܂ ܘܠܵܐ ܡܸܣܬܲܪܕ݂ܝ݂ܢ ܐܢܼܬ݁ܘ݁ܢ ܡ݂ܢ ܡܲܫܪ̈ܝܵܬ݂ܵܐ ܕܲܒ݂ܥܸܠܕܒ݂ܵܒܹ̈ܐ܃
09:113:18 ܘܠܵܐ ܢܵܦ݁ܠܝ݂ܢ ܐܢܼܬ݁ܘ݁ܢ ܒܲܦܣܵܩ ܣܲܒ݂ܪܵܐ ܐܸܢ ܢܸܓ݂ܕܲܫ ܘܬܸܫܬܲܪܥܘ݂ܢ
09:113:19 ܒܕ݂ܘ݂ܟ ܘܬܸܚܛܘ݁ܢ܃ ܘܡܲܚ̈ܘܵܬ݂ܵܐ ܘܫܘ݂̈ܡܵܬ݂ܵܐ ܐܲܝܟ݂ ܕܒܲܩܪܵܒ݂ܵܐ ܕܗܵܢܵܐ
09:113:20 ܟ̄ܠܹܗ ܪܲܒ݁ ܬܩܲܒ݁ܠܘ݂ܢ ܥܲܠ ܐܲܦܲܝ̈ܟ݁ܘ݁ܢ܂ ܐܸܠܵܐ ܐܵܦ ܠܵܐ ܡܸܬ݂ܪܲܚܩܝ݂ܢ
09:113:21 ܐܢܼܬ݁ܘ݁ܢ ܡܸܛܠܗܵܕܹܐ ܡ݂ܢ ܨܸܒ݂ܝܵܢܟ݂ܘ݁ܢ܂ ܡܩܵܘܹܝܬ݁ܘ݁ܢ ܕܹܝܢ ܒܲܓ݂ܒ݂ܝ݂ܬ݂ܵܐ
09:113:22 ܕܕ݂ܘ݂ܒܵܪ̈ܲܝܟ݁ܘ݁ܢ܃ ܟܲܕ݂ ܪܚܝ݂ܡܬ݂ܵܐ ܘܲܫܒ݂ܝ݂ܚܵܐ ܚܵܫ݁ܒ݁ܝ݂ܬ݁ܘ݁ܢ ܠܵܗ݀ ܠܗܵܕܹܐ܃