← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

09:114:01 ܕܟܲܕ݂ ܡܦܲܠܦܠܝ݂ܢ ܐܢܼܬ݁ܘ݁ܢ ܒܲܕ݂ܡܵܐ ܕܡܲܚ̈ܘܵܬ݂ܟ݂ܘ݁ܢ ܬܸܬ݂ܚܙܘ݁ܢ ܒܹܗ
09:114:02 ܒܲܩܪܵܒ݂ܵܐ܃ ܟܲܕ݂ ܠܵܐ ܒܵܛ݁ܠܝ݂ܢ ܐܢܼܬ݁ܘ݁ܢ ܡ݂ܢ ܬܲܟ݂ܬܘ݂ܫܵܐ ܕܠܘ݂ܩܒܲܠ
09:114:03 ܒܥܸܠܕܒ݂ܵܒܹ̈ܐ ܠܲܓ݂ܡܵܪ܂ ܗܵܠܹܝܢ ܐܸܢܘ݁ܢ ܙܘ݂ܗܵܪ̈ܵܘܗܝ ܕܛܘ݂ܒ݂ܵܢܵܐ ܡܦܲܫܩܵܢܵܐ܀
09:114:04 ܒܪܲܡ܃ ܠܵܐ ܗܼܘ݂ܵܐ ܕܢܸܬ݂ܪܲܫܲܠ ܙܵܕܹܩ ܠܲܢ ܡܸܛܠ ܗܵܠܹܝܢ܂ ܘܵܝ ܠܹܗ
09:114:05 ܠܝ݂ܚܝ݂ܕܵܝܵܐ ܕܲܡܕܲܓܸܠ ܒܲܩܵܝܵܡܹܗ܃ ܘܥܲܡ ܕܵܘܫܵܐ ܕܬܹܐܪܬܹܗ ܝܵܗܹ݁ܒ݂
09:114:06 ܐܝ݂ܕ݂ܵܐ ܠܣܵܛܵܢܵܐ ܠܡܲܥܠܵܢܘ݂ܬ݂ܵܐ ܕܲܥܠܵܘܗܝ܃ ܒܲܙܥܘ݁ܪ ܘܪܲܒ݂ ܒܐܵܕܹܫܹ̈ܐ
09:114:07 ܕܲܚܛܝ݂ܬ݂ܵܐ܂ ܕܬ݂ܘ݂ܒ݂܃ ܠܵܐ ܡܸܫܟܲܚ ܚܲܝܠܵܐ ܠܲܡܩܵܡ ܒܐܲܦܲܝ̈ ܬܘ݂ܪܥܬ݂ܵܐ
09:114:08 ܕܲܥܒܲܕ݂ ܒܢܲܦܫܹܗ ܩܕ݂ܵܡ ܒܥܸܠܕܒ݂ܵܒܹ̈ܐ܂ ܘܒܲܐܝܠܹܝܢ ܐܲܦܹ̈ܐ ܢܸܚܙܸܐ ܡܵܐ
09:114:09 ܕܡܸܬ݂ܘܲܥܕܸܝܢ ܢܲܟ݂̈ܦܹܐ ܚܲܒ݂ܪ̈ܵܘܗܝ ܠܘܵܬ݂ ܚܕ݂ܵܕܹ̈ܐ܃ ܗܵܠܹܝܢ ܕܲܦܪܲܫ݂
09:114:10 ܡܸܢܗܘ݁ܢ ܐܘ݂ܪܚܹܗ ܠܡܹܐܙܲܠ ܠܐܘ݂ܪܚܵܐ ܕܐܲܒ݂ܕܵܢܵܐ܃ ܘܲܠܦܵܪܹܗܼܣܝ݂ܵܐ
09:114:11 ܕܲܚܣܲܝ̈ܵܐ ܕܲܠܘܵܬ݂ ܐܲܠܵܗܵܐ܃ ܘܗܵܝ݁ ܨܠܘ݁ܬ݂ܵܐ ܕܡ݂ܢ ܠܸܒܵܐ ܢܲܟ݂ܦܵܐ
09:114:12 ܣܵܠ݁ܩܵܐ܃ ܘܡܸܬ݂ܥܲܠܝܵܐ ܘܥܵܒ݂݁ܪܵܐ ܐܵܦ ܠܡܲܫܪ̈ܝܵܬ݂ܵܐ ܕܡܲܠܲܐܟܹ̈ܐ܃ ܘܠܵܐ
09:114:13 ܡܸܬ݂ܟܲܠܝܵܐ ܥܕܲܡܵܐ ܕܥܵܐ݁ܠܵܐ ܩܕ݂ܵܡ ܪܲܒܘ݂ܬܹܗ ܕܐܲܠܵܗܵܐ܃ ܟܲܕ݂ ܐܲܚܝ݂ܕ݂ܵܐ
09:114:14 ܩܠܝ݂̈ܕܹܐ ܒܐܝ݂̈ܕ݁ܝܗ݀ ܘܠܵܐ ܡܸܬ݂ܟܲܠܝܵܐ܃ ܥܕܲܡܵܐ ܕܫܵܩ݁ܠܵܐ ܫܸܐܠܬ݂ܵܗ݀܃
09:114:15 ܘܥܵܛ݁ܦܵܐ ܠܘܵܬ݂ ܦܘ݂ܡܵܐ ܕܫܲܕܪܵܗ݀ ܒܚܲܕ݂ܘ݂ܬ݂ܵܐ܂ ܘܗܵܝ݁ ܕܥܲܣܩܵܐ ܡ݂ܢ
09:114:16 ܟܠܗܹܝܢ܃ ܕܐܲܝܟ݂ ܕܲܦܪܲܫ݂ ܗܘ ܗܵܪܟܵܐ ܐܘ݂ܪܚܹܗ ܡܸܢܗܘ݁ܢ܃ ܦܵܪܹܫ
09:114:17 ܠܹܗ ܡܫܝ݂ܚܵܐ ܡܸܢܗܘ݁ܢ ܒܗܵܘ݁ ܝܵܘܡܵܐ܃ ܡܵܐ ܕܲܥܢܵܢܹ̈ܐ ܢܲܗܝ݂ܪ̈ܵܬ݂ܵܐ
09:114:18 ܛܵܥ̈ܢܵܢ ܥܲܠ ܚܲܨܝ̈ܗܹܝܢ ܠܦܲܓ݂ܪܹܐ ܕܐܸܙܕܲܗܝ݂ܘ ܒܕܲܟ݂ܝܘ݂ܬ݂ܵܐ܃ ܘܥܵܐ݁ܠܝ݂ܢ
09:114:19 ܒܬܲܪܥܵܐ ܪܲܒܵ ܕܲܫܡܲܝܵܐ܂ ܡܸܛܠܗܵܢܵܐ܃ ܠܵܐ ܢܩܘ݂ܡܘ݂ܢ ܪ̈ܲܫܝ݂ܥܹܐ ܒܕܝ݂ܢܵܐ܂
09:114:20 ܒܗܵܝ݁ ܕܡ݂ܢ ܟܲܕ݂ܘ܃ ܕܝ݂ܢ ܗܼܘ݂ ܥ݁ܒ݂ܵܕ݂ܗܘ݁ܢ܂ ܐܵܦܠܵܐ ܚܲܛܵܝܹ̈ܐ ܒܲܟ݂ܢܘ݂ܫܬ݂ܵܐ
09:114:21 ܕܲܡܝܲܬ݁ܪܹ̈ܐ ܒܲܩܝܵܡܬ݂ܵܐ ܕܕ݂ܝ݂ܢܵܐ܃ ܐܵܦܠܵܐ ܙܲܠܝ݂̈ܠܹܐ ܒܣܸܕ݂ܪܹ̈ܐ ܕܩܲܕܝ݂̈ܫܹܐ܂