← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

18:141:01 ܒܵܬܲܪ ܬܸܫܡܸܫܬ݂ܵܐ ܕܹܝܢ ܕܨܲܦܪܵܐ܃ ܡܵܐ ܕܝܵܬܹ݁ܒ݂ ܗܼܘ݂ܵܐ ܠܩܸܪܝܵܢܵܐ܃
18:141:02 ܕܵܡܹ݁ܐ ܗܼܘ݂ܵܐ ܐܲܝܟ݂ ܐܼܢܵܫ ܕܲܚܛܝ݂ܦ܂ ܘܲܒ݂ܟܠ ܦܵܣܘ݁ܩܵܐ ܕܩܵܪܹܐ܃
18:141:03 ܙܲܒ݂̈ܢܵܬ݂ܵܐ ܣܲܓܝ݂̈ܐܵܬ݂ܵܐ ܢܵܦܹ݁ܠ ܗܼܘ݂ܵܐ ܥܲܠ ܐܲܦܵܘ̈ܗܝ܂ ܘܲܒ݂ܣܘ݁ܓ݂ܐܗܘ݁ܢ
18:141:04 ܕܦܸܬ݂ܓ݂ܵܡܹ̈ܐ ܦܵܫܹ݁ܛ ܗܼܘ݂ܵܐ ܐܝ݂ܕ݂ܵܘ̈ܗܝ ܠܲܫܡܲܝܵܐ܃ ܘܲܡܫܲܒܲܚ ܗܼܘ݂ܵܐ ܙܲܒ݂̈ܢܵܬ݂ܵܐ
18:141:05 ܣܲܓܝ݂̈ܐܵܬ݂ܵܐ܂ ܓܲܒ݂ܪܵܐ ܗܼܘ݂ܵܐ ܕܲܡܫܘ݂ܚܬ݂ܵܐ܃ ܐܲܝܟ݂ ܒܲܪ ܐܲܪܒ݁ܥܝ݂ܢ ܫܢ̈ܝ݂ܢ܂
18:141:06 ܙܥܘ݁ܪܝܵܐ ܗܼܘ݂ܵܬ݂ ܡܹܐܟ݂ܘ݂ܠܬܹܗ܃ ܘܝܲܒ݁ܝ݂ܫ ܗܼܘ݂ܵܐ܃ ܘܚܲܡܝ݂ܡ ܗܼܘ݂ܵܐ
18:141:07 ܒܡܘ݂ܙܵܓܹܗ܂ ܘܡܸܛܠ ܗܵܝ݁ ܕܥܵܨܹ݁ܐ ܗܼܘ݂ܵܐ ܢܲܦܫܹܗ܃ ܐܸܡܲܬ݂ܝ ܕܠܵܐ
18:141:08 ܡܩܲܒܸ݁ܠ ܗܼܘ݂ܵܐ ܓܘ݂ܫܡܹܗ܃ ܒܲܙܒܲܢ ܙܒܲܢ ܡܸܬ݂ܚܙܸܐ ܗܼܘ݂ܵܐ ܐܲܝܟ݂ ܛܸܠܵܢܝ݂ܬ݂ܵܐ܂
18:141:09 ܥܕܲܡܵܐ ܕܚܵܐܹ݁ܣ ܗܼܘ݂ܵܐ ܐܼܢܵܫ ܥܠܵܘܗܝ ܡ݂ܢ ܡܚܝ݂ܠܘ݂ܬ݂ܵܐ ܕܦܲܪܨܘ݁ܦܹܗ܃
18:141:10 ܕܫܵܠܹ݁ܡ ܗܼܘ݂ܵܐ ܘܗܵܘܹ݁ܐ ܗܼܘ݂ܵܐ ܐܲܝܟ݂ ܬܲܪܬܹܝܢ ܨܸܒ݂̈ܥܵܢ܂ ܐܸܡܪܹܬ݂ ܠܹܗ ܐܸܢܵܐ
18:141:11 ܙܲܒ݂̈ܢܵܬ݂ܵܐ ܣܲܓܝ݂̈ܐܵܬ݂ܵܐ܃ ܕܚܘ݂ܣ ܥܲܠ ܗܵܢܵܐ ܣܸܕ݂ܪܵܐ ܬܪܝ݂ܨܵܐ ܕܕ݂ܘ݂ܒܵܪܵܟ݂
18:141:12 ܐܵܚܝ܃ ܘܥܲܠ ܗܵܕܹܐ ܐܘ݂ܪܚܵܐ ܫܲܦܝ݂ܪܬܵܐ ܕܲܠܒ݂ܝ݂ܟ݂ ܐܲܢܼܬ݁܃ ܘܠܵܐ
18:141:13 ܬܒܲܠܒܸܠ ܘܬܸܦܣܘ݁ܩ ܣܸܕ݂ܪܵܟ݂ ܗܵܢܵܐ ܕܡܘ݂ܬ݂ ܫܸܫܠ̄ܬ݂ܵܐ ܪܘ݂ܚܵܢܵܝܬ݂ܵܐ܃
18:141:14 ܡܸܛܠ ܝܲܥܢܘ݂ܬ݂ܵܐ ܕܩܲܠܝ݂ܠ ܥܲܡܠܵܐ ܝܲܬܝ݂ܪܵܐ ܕܡܵܘܣܸܦ ܐܲܢܼܬ݁܃
18:141:15 ܘܲܡܦܝ݂ܫ ܠܵܟ݂ ܡ݂ܢ ܟ̄ܠܹܗ ܪܲܗܛܵܟ݂܂ ܐܲܟ݂ܘ݁ܠ ܒܲܡܫܘ݂ܚܬ݂ܵܐ܃ ܕܐܲܡܝ݂ܢܵܐܝ݂ܬ݂
18:141:16 ܬܹܐܟ݂ܘ݁ܠ܂ ܘܠܵܐ ܬܲܣܓܸܐ ܗܠܲܟ݂ܬ݂ܵܟ݂ ܡ݂ܢ ܚܲܝܠܵܟ݂܃ ܕܠܵܐ ܬܦܘ݂ܫ
18:141:17 ܠܵܟ݂ ܓܡܝ݂ܪܵܐܝ݂ܬ݂܀ ܘܲܡܪܲܚܡܵܢ ܗܼܘ݂ܵܐ ܓܹܝܪ ܘܡܸܬ݂ܟܲܚܕ݂ܵܢ ܣܲܓܝ݂܃
18:141:18 ܘܲܦܨܝ݂ܚܵܐܝ݂ܬ݂ ܡܪܲܚܸܡ ܗܼܘ݂ܵܐ܂ ܘܲܫܦܸܐ ܡ݂ܢ ܟܝܵܢܹܗ ܘܲܕ݂ܠܝ݂ܠ ܠܲܦܝܵܣܵܐ
18:141:19 ܣܲܓܝ݂܃ ܘܚܲܟ݁ܝ݂ܡ ܒܐܲܠܵܗܵܐ܂ ܘܡܸܛܠ ܫܲܦܝ݂ܘ݂ܬܹܗ ܘܲܦܨܝ݂ܚܘ݂ܬܹܗ܃
18:141:20 ܥܲܠ ܟܠܢܵܫ ܪܚܝ݂ܡ ܗܼܘ݂ܵܐ܃ ܘܟ݂ܠܢܵܫ ܡܲܚܸܒ݂ ܗܼܘ݂ܵܐ ܠܹܗ܂ ܘܥܲܡ
18:141:21 ܟܠܗܘ݁ܢ ܐܲܚܹ̈ܐ ܦܵܠܲܚ ܗܼܘ݂ܵܐ ܛܝ݂ܢܵܐ ܒܸܩ̈ܠܵܝܵܬ݂ܗܘ݁ܢ ܐܸܡܲܬ݂ܝ ܕܐܝ݂ܬ݂
18:141:22 ܗܼܘ݂ܵܐ ܠܗܘ݁ܢ܃ ܐܝ݂ܬ݂ ܕܲܬ݂ܠܵܬ݂ܵܐ܃ ܘܐܝ݂ܬ݂ ܕܐܲܪܒ݁ܥܵܐ ܝܵܘ̈ܡܵܬ݂ܵܐ܂ ܘܡ݂ܢ