← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

66:471:01 ܒܗܵܠܹܝܢ ܛܲܒ݂̈ܥܹܐ ܐܸܬ݂ܪܫܸܡܘ܂ ܕܡܸܢܗܘ݁ܢ܃ ܡܕܲܒ݁ܪܵܢܘ݂ܬ݂ܵܐ ܕܥܲܡܵܐ
66:471:02 ܥܲܫܝ݂ܢܵܐ ܐܸܬ݂ܗܲܝܡܲܢܘ܂ ܘܡܸܢܗܘ݁ܢ܃ ܐܵܦ ܥܲܠ ܐܸܣܛܘ݂̈ܟ݂ܣܹܐ
66:471:03 ܐܸܫܬܲܠܲܛܘ܃ ܘܲܒ݂ܕ݂ܘ݂ܡܵܪܵܐ ܪܲܒܵܐ ܟܝܵܢܹ̈ܐ ܕܲܒ݂ܪܝ݂ܬ݂ܵܐ ܠܦܘ݂ܩܕܵܢܵܐ
66:471:04 ܕܡܸܠܲܝ̈ܗܘ݁ܢ ܐܸܫܬ݁ܡܲܥܘ܂ ܡܸܢܗܘ݁ܢ ܕܹܝܢ܃ ܟܲܣ̈ܝܵܬ݂ܵܐ ܕܲܡܣܲܬ݁ܪ̈ܵܢ
66:471:05 ܒܫܸܬ݂ܩܹܗ ܓܢܝ݂ܙܵܐ ܕܡܵܪܹܟܠ܃ ܠܚܘ݂ܕܵܬ݂ܵܐ ܕܓ݂ܵܘܵܐ ܐܸܬ݂ܗܲܝܡܲܢܘ
66:471:06 ܠܲܡܒܲܕܵܩܘ݂܂ ܐܵܦܠܵܐ ܓܹܝܪ ܦܲܐܝܵܐ ܗ݂ܼܘܲܬ݂܃ ܕܲܒ݂ܟܲܪܣܵܐ ܕܡܲܠܝܵܐ
66:471:07 ܘܗܵܘܢܵܐ ܦܲܪܝ݂ܕ݂ܵܐ ܕܡ݂ܢ ܠܲܥܒ݁ܘ݂ܬ݂ܵܐ܃ ܢܸܫܬܲܡܫܘ݂ܢ ܗܼܘ݂ܵܘ ܕܐܲܝܟ݂ ܗܵܠܹܝܢ
66:471:08 ܐܼܪ̈ܵܙܹܐ܃ ܐܵܘ ܕܢܲܡܪܚܘ݂ܢ ܗܼܘ݂ܵܘ ܗܸܢܘ݁ܢ ܩܲܕܝ݂̈ܫܹܐ ܠܥܸܢܝܵܢܵܐ ܕܲܠܘܵܬ݂
66:471:09 ܐܲܠܵܗܵܐ܃ ܘܨܹܝܕ݂ ܟܲܣ̈ܝܵܬ݂ܵܐ ܕܐܼܪ̈ܵܙܵܘܗܝ ܠܡܸܬ݂ܥܲܠܵܝܘ݂܃ ܐܸܠܵܐ ܐܸܢ
66:471:10 ܒܲܡܚܝ݂ܠܘ݂ܬ݂ܵܐ ܕܗܲܕܵܡܹ̈ܐ ܘܓ݂ܵܘܢܵܐ ܕܡܵܘܪܸܩ ܡ݂ܢ ܚܲܫܵܐ ܕܟܲܦܢܵܐ܃
66:471:11 ܘܗܵܘܢܵܐ ܕܲܒ݂ܗܝ݂ܠ ܥܲܠ ܛܲܥܡܹܗ ܒܣܘ݂ܪܵܩܵܐ ܕܡ݂ܢ ܟܠܗܘ݁ܢ
66:471:12 ܚܘ݂̈ܫܵܒܹܐ ܐܲܪ̈ܥܵܢܵܝܹܐ܂ ܡܵܐ ܓܹܝܪ ܕܲܒ݂ܢܘ݂ܓ݂ܪܹܗ ܕܙܲܒ݂ܢܵܐ ܕܲܒ݂ܓ݂ܵܘ ܟܘ݂ܪܚܵܟ݂܃
66:471:13 ܒܝܲܕ݂ ܥܲܡ̈ܠܹܐ ܥܡܝ݂̈ܠܹܐ ܘܲܢܛܘ݂ܪܬܵܐ ܟܣܝ݂ܬ݂ܵܐ܃ ܘܲܪܒ݂ܝ݂ܨܘ݂ܬ݂ܵܐ
66:471:14 ܕܪܸ̈ܓ݂ܫܲܝܟ ܡ݂ܢ ܟܠ ܦܸܓܥ̈ܝ݂ܢ܃ ܡܲܓܸܢ ܥܠܲܝܟ ܚܲܝܠܹܗ ܕܫܸܠܝܵܐ܃
66:471:15 ܠܘ݂ܩܕܲܡ ܦܵܓܲܥ݁ ܐܲܢܼܬ݁ ܒܚܲܕ݂ܘ݂ܬ݂ܵܐ ܗܵܝ݁ ܕܲܕ݂ܠܵܐ ܥܸܠܬ݂ܵܐ ܕܒܲܙܒܲܢ ܙܒܲܢ
66:471:16 ܡܲܡܠܟ݂ܵܐ ܒܢܲܦܫܵܟ݂܂ ܘܗܵܝܕܹܝܢ ܡܸܬ݂ܦܲܬ̈ܚܵܢ ܥܲܝܢܲܝ̈ܟ ܠܡܸܚܙܵܐ ܚܲܝܠܵܐ
66:471:17 ܕܥܵܒ݂ܘ݁ܕ݂ܘ݂ܬܹܗ ܕܐܲܠܵܗܵܐ܃ ܘܫܘ݂ܦܪܵܐ ܕܒܸܪ̈ܝܵܬ݂ܵܐ܃ ܠܦܘ݂ܬ݂ ܟܡܵܝܘ݂ܬ݂ܵܐ
66:471:18 ܕܕܲܟ݂ܝܘ݂ܬ݂ܵܟ݂܂ ܘܡܵܐ ܕܐܸܬ݂ܢܓܸܕ݂ ܗܵܘܢܵܐ ܒܬܲܗܪܵܐ ܕܲܚܙܵܬ݂ܵܐ ܗܵܕܹܐ܃
66:471:19 ܠܸܠܝܵܐ ܡܸܟܹܝܠ ܘܐܝ݂ܡܵܡܵܐ ܚܲܕ݂ ܗܵܘܹ݁ܐ ܠܹܗ܃ ܒܬܲܗܪܵܐ ܕܲܫܒ݂ܝ݂ܚܘ݂ܬ݂
66:471:20 ܥ݁ܒ݂ܵܕ݂ܵܘ̈ܗܝ ܕܐܲܠܵܗܵܐ܂ ܘܡܸܟܵܐ܃ ܡܸܬ݂ܓܲܢܒܵܐ ܠܵܗ݀ ܡ݂ܢ ܢܲܦܫܵܐ ܪܓܸܫܬ݂ܵܐ
66:471:21 ܕܚܲܫܹ̈ܐ ܒܗܲܢܝ݂ܐܘ݂ܬ݂ ܚܙܵܬ݂ܵܐ ܗܵܕܹܐ܂ ܘܒ݂ܵܗ݀ ܥܵܐ݁ܠܵܐ ܠܲܬ݂ܪ̈ܲܝܗܘ݁ܢ