← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

80:548:01 ܬܢܝ݂ܘܗܝ ܙܲܒ݂̈ܢܵܬ݂ܵܐ ܣܲܓܝ݂̈ܐܵܬ݂ܵܐ܂ ܘܐܸܢ ܬܘ݂ܒ݂ ܫܵܓܹ݁ܫ ܐܵܘ ܐܵܠܹ݁ܨ ܠܵܟ݂܃
80:548:02 ܐܲܪܦܵܐ ܠܙܘ݂ܡܵܪܵܐ܃ ܘܣܝ݂ܡ ܒܘ݂ܪܟܵܐ ܒܲܨܠܘ݁ܬ݂ܵܐ܃ ܘܐܸܡ݁ܲܪ܃ ܐܸܢܵܐ ܠܵܘ
80:548:03 ܡܝ݂̈ܠܹܐ ܕܐܸܡܢܸܐ ܨܵܒܹ݁ܐ ܐܼܢܵܐ܃ ܐܸܠܵܐ ܕܠܵܐܘܵܢܵܐ ܐܸܡܛܸܐ ܒܵܥܹ݁ܐ ܐܼܢܵܐ܂ ܒܟ݂ܠ
80:548:04 ܫܒ݂ܝ݂ܠܵܐ ܕܲܡܫܲܒܸܠ ܠܝ݂ ܥܓܲܠ܃ ܒܹܗ ܐܵܙܹ݁ܠ ܐܼܢܵܐ܂ ܗܵܘ݁ ܥܲܡܵܐ
80:548:05 ܕܲܚܫܲܠ݂ܘ ܥܸܓ݂ܠܵܐ ܒܡܲܕ݂ܒ݁ܪܵܐ܃ ܐܲܪܒ݁ܥܝ݂ܢ ܫܢ̈ܝ݂ܢ ܗܲܠܸܟ݂ܘ ܟܲܕ݂ ܦܵܗܹ݁ܝܢ
80:548:06 ܒܡܲܕ݂ܒ݁ܪܵܐ܃ ܣܵܠ݁ܩܝ݂ܢ ܘܢܵܚ݁ܬܝ݂ܢ ܛܘ݂ܪܹ̈ܐ ܘܪ̈ܵܡܵܬ݂ܵܐ܂ ܘܠܲܐܪܥܵܐ ܕܡܘ݂ܠܟܵܢܵܐ܃
80:548:07 ܐܵܦܠܵܐ ܡ݂ܢ ܪܘ݂ܚܩܵܐ ܚܙܵܐܘ݂ܗ݀܂ ܘܐܸܢ ܢܸܙܟܹܝܟ݂ ܩܵܘܡܵܐ ܟܲܕ݂ ܫܵܗܲܪ
80:548:08 ܐܲܢܼܬ݁ ܡܸܛܠ ܢܲܓܝ݂ܪܘ݂ܬܹܗ܃ ܘܬܸܬ݂ܚܲܒ݂ ܡ݂ܢ ܠܹܐܘܬ݂ܵܐ܂ ܐܵܡܲ݁ܪ ܠܵܟ݂
80:548:09 ܓܹܝܪ ܚܘ݂ܫܵܒ݂ܵܐ܃ ܡܵܠܘ݁ܢ ܕܹܝܢ ܐܘ݂ܡܵܢܵܐ ܕܠܵܥܹ݁ܙ ܒܚܘ݂ܫܵܒ݂ܵܐ ܐܲܝܟ݂
80:548:10 ܕܲܒ݂ܚܸܘܝܵܐ܃ ܕܣܲܩܸܡ݂ ܡܸܟܹܝܠ܃ ܟܲܕ݂ ܠܲܝܬ݁ ܚܲܝܠܵܐ ܠܩܵܘܡܵܐ܂ ܐܸܡܲܪ܃
80:548:11 ܠܵܘ ܗܵܟܲܢܵܐ܂ ܐܸܠܵܐ ܢܸܬܸܒ݂ ܡܸܬܲܒ݂܃ ܘܛܵܒ݂ܵܐ ܝܲܬܝ݂ܪ ܡ݂ܢ ܫܸܢܬ݂ܵܐ܂ ܕܐܵܦܸܢ
80:548:12 ܟܲܕ݂ ܠܵܐ ܗܼܘ݂ܵܐ ܡܲܙܡܘ݁ܪܵܐ ܐܹܡܲܪ܃ ܢܸܫܠܸܐ ܕܹܝܢ ܠܸܫܵܢܝ܃ ܟܲܕ݂ ܥܢܸܐ
80:548:13 ܪܸܥܝܵܢܝ ܒܲܨܠܘ݁ܬ݂ܵܐ ܘܥܸܢܝܵܢܵܐ ܕܐܲܠܵܗܵܐ܃ ܦܵܩ݁ܚܵܐ ܗ݂ܼܝ ܥܝ݂ܪܘ݂ܬ݂ܵܐ
80:548:14 ܡܸܢܟܠܦܪܘ݁ܣ ܡܸܢܵܗ݀ ܕܫܸܢܬ݂ܵܐ܂ ܠܵܐ ܗܼܘ݂ܵܐ ܩܵܘܡܵܐ ܐܝ݂ܬ݂ܵܘܗܝ ܫܲܗܪܵܐ
80:548:15 ܟܠܹܗ܃ ܘܠܵܘ ܬܘ݂ܒ݂ ܬܸܢܝܵܐ ܕܡܲܙܡܘ݁ܪܹ̈ܐ ܒܲܠܚܘ݁ܕ݂܃ ܐܸܠܵܐ ܐܝ݂ܬ݂܃
80:548:16 ܕܲܒ݂ܙܲܡܘ݁ܪܹ̈ܐ ܡܲܦܸܩ ܠܸܠܝܵܐ ܟܠܹܗ܂ ܐܝ݂ܬ݂ ܕܒܲܣܝܵܡ ܒܘ݂ܪ̈ܟܹܐ
80:548:17 ܘܲܨ̈ܠܵܘܵܬ݂ܵܐ ܚܲܫܝ݂ܫܵܬ݂ܵܐ܃ ܘܓ݂ܘ݂ܪ̈ܓܵܚܹܐ ܕܥܲܠ ܐܲܪܥܵܐ܂ ܘܐܝ݂ܬ݂ ܕܒܲܒ݂ܟ݂ܵܬܐ
80:548:18 ܘܲܒ݂ܕܸܡ̈ܥܹܐ܃ ܘܐ̈ܘ݁ܠܝܵܬ݂ܵܐ ܕܥܲܠ ܚܛܵܗܵܘ̈ܗܝ܂
80:548:19 ܐܲܡܝ݂ܪ ܥܲܠ ܚܲܕ݂ ܡ݂ܢ ܐܲܒ݂ܵܗܲܝ̈ܢ܃ ܕܙܲܒ݂ܢܵܐ ܕܐܲܪܒ݁ܥܝ݂ܢ ܫܢܝ݂̈ܢ ܚܕ݂ܵܐ
80:548:20 ܡܸܠܬ݂ܵܐ ܗܘ݂ܵܬ݂ ܨܠܘ݁ܬܹܗ܃ ܐܸܢܵܐ ܚܛܹ݁ܝܬ݂܃ ܐܲܝܟ݂ ܒܲܪܢܵܫܵܐ܂ ܐܲܢܼܬ݁ ܕܹܝܢ
80:548:21 ܫܒ݂ܘ݁ܩ ܠܝ݂܃ ܐܲܝܟ݂ ܐܲܠܵܗܵܐ܂ ܘܫܵܡ݁ܥܝ݂ܢ ܗܼܘ݂ܵܘ ܠܹܗ ܐܲܒ݂̈ܗܵܬ݂ܵܐ ܘܐܲܚܹ̈ܐ