← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

80:549:01 ܕܬ݂ܵܢܹܐ ܗܼܘ݂ܵܐ ܠܦܸܬ݂ܓ݂ܵܡܵܐ ܗܵܢܵܐ ܒܚܲܫܵܐ ܟܲܕ݂ ܒܵܟܹ݁ܐ܃ ܘܠܵܐ ܫܵܠܹ݁ܐ
80:549:02 ܗܼܘ݂ܵܐ܂ ܘܲܚܠܵܦ ܬܸܫܡܸܫܬ݂ܵܐ ܐܝ݂ܬܹܝܗ݀ ܗܼܘ݂ܵܬ݂ ܠܹܗ ܗܵܕܹܐ ܨܠܘ݁ܬ݂ܵܐ
80:549:03 ܒܲܠܚܘ݁ܕ݂܃ ܒܠܸܠܝܵܐ ܘܒ݂ܐܝ݂ܡܵܡܵܐ܂ ܐܝ݂ܬ݂ ܬܘ݂ܒ݂܃ ܕܟܲܕ݂ ܩܲܠܝ݂ܠ ܡ݂ܢ
80:549:04 ܪܲܡܫܵܐ ܡܙܲܡܲܪ܃ ܫܲܪܟܹܗ ܕܠܸܠܝܵܐ ܒܥܘ݁ܢ̈ܝܵܬ݂ܵܐ ܘܲܒ݂ܬܸܫ̈ܒ݁ܚܵܬ݂ܵܐ ܘܲܒ݂ܡܲܕ݂ܪ̈ܵܫܹܐ܃
80:549:05 ܘܲܒ݂ܫܲܪܟܵܐ ܕܩܵܠܹ̈ܐ ܚܢܝ݂̈ܓܹܐ ܡܲܥܒܲܪ܂ ܘܐܝ݂ܬ݂܃ ܕܲܡܦܲܠܸܓ݂ ܠܗܹܝܢ ܠܫܵܥܹ̈ܐ
80:549:06 ܕܠܸܠܝܵܐ ܠܡܵܘ̈ܬ݁ܒܹܐ܂ ܘܒܹܝܬ݂ ܡܵܘܬ݁ܒ݂ܵܐ ܠܡܵܘܬ݁ܒ݂ܵܐ ܥܵܒܹ݁ܕ݂ ܢܲܗܝ݂ܪܵܐ܃
80:549:07 ܘܲܡܦܲܪܓܸܐ ܒܲܟ݂ܬ݂ܵܒ݂ܵܐ ܥܲܕ݂ ܡܸܬ݁ܬ݁ܢܝ݂ܚ܂ ܐܝ݂ܬ݂ ܬܘ݂ܒ݂ ܕܣܵܐܹ݁ܡ ܬܚܘ݂ܡܵܐ
80:549:08 ܠܢܲܦܫܹܗ܃ ܕܠܵܐ ܢܸܟܘ݁ܦ ܒܘ݂ܪ̈ܟܵܘܗܝ ܠܲܓ݂ܡܵܪ܂ ܐܵܦܠܵܐ ܒܲܨܠܘ݁ܬ݂ܵܐ
80:549:09 ܕܫܘ݂ܠܵܡ ܡܲܪܡܝ݂ܬ݂ܵܐ܃ ܐܲܝܟ݂ ܕܐܝ݂ܬ݂ ܥܝܵܕ݂ܵܐ ܠܫܵܗܪܹ̈ܐ܂ ܐܸܠܵܐ ܒܚܲܕ݂
80:549:10 ܡܸܬ݂ܚܵܐ ܡܲܥܒܲܪ܃ ܠܠܸܠܝܵܐ ܟܠܹܗ܂ ܐܵܦ ܥܲܠ ܚܲܕ݂ ܡ݂ܢ ܩܲܕܝ݂̈ܫܹܐ
80:549:11 ܐܲܡܝ݂ܪ܃ ܕܡܸܛܠ ܕܡܲܩܪܸܒ݂ ܗܼܘ݂ܵܐ ܥܲܡܹܗ ܫܹܐܕ݂ܵܐ ܕܙܵܢܝܘ݂ܬ݂ܵܐ܃ ܘܲܒ݂ܚܲܕ݂
80:549:12 ܡ݂ܢ ܙܢ̈ܝ݂ܢ ܠܵܐ ܫܵܠܹ݁ܐ ܗܼܘ݂ܵܐ ܡܸܢܹܗ܃ ܝܲܗ݂ܼܒ݂ ܢܲܦܫܹܗ ܠܥܲܡܠܵܐ ܕܫܲܗܪܵܐ܂
80:549:13 ܘܣܵܡ݂ ܬܚܘ݂ܡܵܐ ܠܢܲܦܫܹܗ܃ ܕܠܵܐ ܢܸܟܘ݁ܦ ܒܘ݂ܪ̈ܟܵܘܗܝ ܠܲܓ݂ܡܵܪ܂ ܐܸܠܵܐ
80:549:14 ܩܵܐܹ݁ܡ ܗܼܘ݂ܵܐ ܟܠܹܗ ܠܸܠܝܵܐ܃ ܟܲܕ݂ ܦܬ݂ܝ݂̈ܚܵܢ ܥܲܝܢܵܘ̈ܗܝ܂ ܘܠܵܐ ܣܵܐܹ݁ܡ
80:549:15 ܗܼܘ݂ܵܐ ܒܘ݂ܪܟܵܐ܃ ܥܕܲܡܵܐ ܠܨܲܦܪܵܐ܂ ܗܵܠܹܝܢ ܟܠܗܘ݁ܢ ܦܘ݂ܪ̈ܫܵܢܹܐ ܐܝ݂ܬ݂
80:549:16 ܒܥܲܡܠܵܐ ܕܫܲܗܪܵܐ܃ ܘܲܒ݂ܗܵܠܹܝܢ ܫܵܠ݁ܚܝ݂ܢ ܟܲܫܝ݂ܪܹ̈ܐ ܠܒܲܪܢܵܫܵܐ ܗܵܘ݁ ܥܲܬܝ݂ܩܵܐ
80:549:17 ܕܐܸܬ݂ܚܲܒܲܠ ܒܲܪ̈ܓ݂ܝ݂ܓ݂ܵܬ݂ܵܐ ܕܛܘ݂ܥܝܲܝ܃ ܘܠܵܒ݂ܫ݁ܝ݂ܢ ܠܲܡܫܝ݂ܚܵܐ ܘܡܸܬ݂ܦܲܪܩܝ݂ܢ܂
80:549:18 ܒܗܵܠܹܝܢ ܙܢܲܝ̈ ܥܲܡ̈ܠܹܐ ܥܡܝ݂̈ܠܹܐ ܕܚܸܟ݂ܡܬ݂ܵܐ ܡܸܫܬܘܹܝܢ ܩܲܕܝ݂̈ܫܹܐ ܠܗܵܘ݁
80:549:19 ܬܸܡܗܵܐ ܕܓܸܠܝܵܢܵܐ ܐܲܠܵܗܵܝܵܐ܃ ܕܪܵܡ ܡ݂ܢ ܬܲܪܥܝ݂ܬ݂ܵܐ ܕܒܸܣܪܵܐ܂
80:549:20 ܟܲܕ݂ ܕܹܝܢ ܒܗܵܠܹܝܢ ܘܕܲܐܝܟ݂ ܗܵܠܹܝܢ ܐܵܕ݂ܫܹ݁̈ܐ ܡܦܲܪ̈ܫܹܐ ܡܸܬ݂ܒܲܣܡܝ݂ܢ
80:549:21 ܒܫܲܗܪ̈ܲܝܗܘ݁ܢ ܟܲܫܝ݂ܪܹ̈ܐ܃ ܡܲܥܒ݁ܪܝ݂ܢ ܠܹܗ ܕܠܵܐ ܩܘ݂ܛܵܥ ܠܟ݂ܠܹܗ