← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

80:555:01 ܦܵܪ̈ܘ݁ܚܹܐ܃ ܟܡܵܐ ܕܲܟ݂ܝܵܢܵܐ ܒܲܠܚܘ݁ܕ݂ ܕܦܲܓ݂ܪܵܐ ܒܹܗ ܡܸܬ݂ܢܛܲܪ ܗܼܘ݂ܵܐ
80:555:02 ܒܚܲܝܘ݂ܬ݂ܵܐ܂ ܥܲܠ ܫܲܪܟܵܐ ܬܘ݂ܒ݂ ܕܥܘ݂̈ܗܕܵܢܹܐ ܡܵܘܬ݁ܪ̈ܵܢܹܐ܃ ܕܲܒ݂ܙܲܒ݂̈ܢܹܐ
80:555:03 ܗܵܠܹܝܢ ܡܸܬ݁ܬ݁ܙܝ݂ܥܝ݂ܢ ܡ݂ܢ ܛܲܝܒ݁ܘ݂ܬ݂ܵܐ܃ ܠܒ݂ܘ݂ܝܵܐܵܐ ܕܒܲܪܢܵܫܵܐ܂
80:555:04 ܟܲܕ݂ ܕܹܝܢ ܒܗܵܠܹܝܢ ܘܕܲܐܝܟ݂ ܗܵܠܹܝܢ ܥܸܢܝܵܢܹ̈ܐ ܐܝ݂ܬ݂ܵܘܗܝ ܒܲܪܢܵܫܵܐ
80:555:05 ܒܗܵܘܢܹܗ܃ ܗܵܝܕܹܝܢ ܪܵܘܹ݁ܐ ܐܲܝܟ݂ ܕܲܒ݂ܚܲܡܪܵܐ ܚܲܝܵܐ܃ ܘܛܵܥܹ݁ܐ ܝܵܬܹܗ܂
80:555:06 ܘܚܵܙܹ݁ܐ ܬܘ݂ܒ݂ ܠܢܲܦܫܹܗ ܘܡܸܬ݁ܕܲܡܲܪ܃ ܕܲܒ݂ܟ݂ܠܹܗ ܗܵܘ݁ ܟܪܘ݂ܟ݂ܝܵܐ
80:555:07 ܕܲܒ݂ܡܲܕ݂ܒ݁ܪܵܐ ܘܦܸܓ݂ܥܵܐ ܕܩܲܕܝ݂̈ܫܹܐ܃ ܠܲܓ݂ܡܵܪ ܢܸܟ݂ܝܵܢܵܐ ܠܵܐ ܦܵܓܲܥ ܒܹܗ
80:555:08 ܒܗܵܘܢܵܐ܂ ܐܸܠܵܐ ܐܲܝܟ݂ ܗܵܘ݁ ܕܥܲܡܗܘ݁ܢ ܕܩܲܕܝ݂̈ܫܹܐ ܗܵܢ݁ܘ݁ܢ ܐܝ݂ܬ݂ܵܘܗܝ
80:555:09 ܡܸܟܹܝܠ܃ ܘܓܲܠܝܵܐܝ݂ܬ݂ ܚܵܙܹ݁ܐ ܠܗܘ݁ܢ܃ ܗܵܟܲܢܵܐ ܡܸܣܬ݁ܒܲܪ ܠܹܗ ܒܥܸܕܵܢܵܐ
80:555:10 ܗܵܘ݁܂ ܘܡܸܟܵܐ ܡ݂ܢ ܗܵܢܵܐ ܕܘ݂ܟ݂ܪܵܢܵܐ ܕܕ݂ܘ݂ܒܵܪ̈ܲܝܗܘ݁ܢ ܕܩܲܕܝ݂̈ܫܹܐ܃ ܕܲܡܗܲܓܸܓ݂
80:555:11 ܗܵܘܢܵܐ ܡ݂ܢ ܥܘ݂ܗܕܵܢܵܐ ܕܬܲܫܥ̈ܝܵܬ݂ܗܘ݁ܢ܃ ܘܡ݂ܢ ܗܵܢܵܐ ܗܸܪܓܵܐ ܕܲܒ݂ܗܘ݁ܢ܃
80:555:12 ܩܘ݂ܛܵܥܵܐ܃ ܒܵܛܹ݁ܠ܂ ܘܡܲܐܝ݂ܢܘ݂ܬ݂ܵܐ܃ ܡܸܬ݂ܪܲܕ݂ܦܵܐ܂ ܗܲܕܵܡܹ̈ܐ܃ ܡܸܬ݂ܚܲܨܝ݂ܢ܂
80:555:13 ܘܫܸܢܬ݂ܵܐ܃ ܡܸܬ݁ܛܲܪܕܵܐ ܡ݂ܢ ܬܸܡܪܹ̈ܐ܂ ܘܬܲܪܥܝ݂ܬ݂ܵܐ܃ ܡܸܬ݂ܓܲܒ݁ܪܵܐ܂
80:555:14 ܘܕܸܚܠܬ݂ܵܐ܃ ܫܵܕ݂ܝܵܐ ܡܸܢܵܗ݀܂ ܘܦܸܗܝܵܐ܃ ܓܲܢܼܒܵܪܵܐܝ݂ܬ݂ ܡܸܣܬ݁ܚܸܦ܂ ܘܪܸܥܝܵܢܵܐ܃
80:555:15 ܡܸܬ݂ܟܲܢܲܫ܂ ܘܪܸܬ݂ܚܵܐ ܚܲܡܝ݂ܡܵܐ ܒܠܸܒܵܐ܃ ܡܸܬ݂ܓܵܘܙܲܠ܂ ܘܚܲܕ݂ܘ݂ܬ݂ܵܐ ܠܵܐ
80:555:16 ܡܸܬ݂ܡܲܠܠܵܢܝ݂ܬ݂ܵܐ ܒܢܲܦܫܵܐ܃ ܢܵܒ݂݁ܗܵܐ܂ ܘܡ݂ܢ ܗܵܪܟܵܐ܃ ܕܸܡ̈ܥܹܐ ܚܲ̈ܠܝܵܬ݂ܵܐ
80:555:17 ܕܲܡܨܲܒ̈ܥܵܢ ܠܦܲܟܹ̈ܐ܂ ܪܘܵܙܵܐ ܪܘ݂ܚܵܢܵܐ܃ ܕܡܲܪܘܸܐ ܠܗܵܘܢܵܐ܂ ܒܘ݂̈ܝܵܐܹܐ
80:555:18 ܕܠܵܐ ܡܸܬ݂ܦܲܫܩܝ݂ܢ܃ ܕܲܡܩܲܒ݁ܠܵܐ ܢܲܦܼܫܵܐ܂ ܣܲܒ݂ܪܵܐ ܕܣܵܡܹ݁ܟ݂ ܠܠܸܒܵܐ܃
80:555:19 ܘܲܡܓܲܒܲܪ܂ ܘܗܵܝܕܹܝܢ ܐܲܝܟ݂ ܗܵܘ݁ ܕܒܲܫܡܲܝܵܐ ܡܕܲܝܪ܃ ܗܵܟܲܢܵܐ ܡܸܬ݁ܕܲܡܸܐ
80:555:20 ܠܹܗ ܠܒܲܪܢܵܫܵܐ܃ ܒܫܲܗܪܹܗ ܗܵܘ݁ ܣܒ݂ܝ݂ܣ ܡ݂ܢ ܛܵܒ݂̈ܬ݂ܵܐ܂ ܒܗܵܠܹܝܢ
80:555:21 ܘܕܲܐܝܟ݂ ܗܵܠܹܝܢ ܐܵܬܹ݁ܝܢ ܠܲܩܕ݂ܵܡܲܝܗܘ݁ܢ܃ ܗܵܢܘ݁ܢ ܕܲܒ݂ܦܘ݂ܪܫܵܢܵܐ ܥܵܡ݁ܠܝ݂ܢ
80:555:22 ܒܫܲܗܪܵܐ܂ ܠܲܝܬ݁ ܓܹܝܪ ܡܸܕܸܡ ܕܗܵܟܲܢ ܡܙܲܗܸܐ ܪܸܥܝܵܢܵܐ ܘܲܡܚܲܕܸܐ܃