← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

80:558:01 ܒܫܘ݂̈ܟܵܢܹܐ ܕܲܡܩܲܒ݁ܠܝ݂ܢ ܒܟܸܣܝܵܐ ܗܵܢܘ݁ܢ ܕܫܵܗ݀ܪܝ݂ܢ܃ ܐܸܠܵܐ ܚܵܣܹ݁ܡ
80:558:02 ܒܗܘ݁ܢ܃ ܡ݂ܢ ܐܸܣܟܹܡܵܐ ܢܲܟ݂ܦܵܐ ܕܩܵܘܡܗܘ݁ܢ܃ ܘܡ݂ܢ ܡܥܲܙܝܵܢܘ݂ܬ݂ܵܐ
80:558:03 ܕܠܘ݂ܩܒܲܠ ܫܸܢܬ݂ܵܐ ܒܥܝ݂ܪܘ݂ܬ݂ܵܐ ܕܲܒ݂ܬܸܫ̈ܒ݁ܚܵܬ݂ܵܐ ܘܙܘ݂ܡܵܪܵܐ܃ ܘܲܨ̈ܠܵܘܵܬ݂ܵܐ
80:558:04 ܕܒܲܟ݂̈ܦܵܦܹܐ ܘܲܦܫܵܛܹ̈ܐ܃ ܘܒܲܓ݂̈ܗܵܢܵܬ݂ܵܐ ܘܓ݂ܘ݂ܪ̈ܓܵܚܹܐ ܕܥܲܠ ܐܲܪܥܵܐ܃
80:558:05 ܘܬܲܚܢܲܢܬ݂ܵܐ ܠܸܒܵܢܵܝܬ݂ܵܐ ܕܟ݂ܠܹܗ ܠܸܠܝܵܐ܂ ܚܵܣܹ݁ܡ ܘܐܵܦ ܝܲܬܝ݂ܪܵܐܝ݂ܬ݂܃
80:558:06 ܒܗܵܝ݁ ܕܟܲܕ݂ ܐܼܚܪ̈ܵܢܹܐ ܪܡܹܝܢ ܥܲܠ ܬܸܫܘ̈ܝܵܬ݂ܗܘ݁ܢ ܐܲܝܟ݂ ܡܝ݂̈ܬܹܐ܃
80:558:07 ܘܡܸܨܛܲܕܸܐ ܒܗܘ݁ܢ ܐܲܝܟ݂ ܨܸܒ݂ܝܵܢܹܗ ܒܚܸܙ̈ܘܵܢܹܐ ܢܕܝ݂̈ܕܹܐ ܘܲܡܫܲܟ݁ܪܹ̈ܐ
80:558:08 ܕܗܲܓܵܓ݂ܵܘ̈ܗܝ܃ ܘܲܡܥܲܪܓܸܠ ܠܵܗܘ݁ܢ ܐܲܝܟ݂ ܕܒܲܣܝܵܢܵܐ ܒܦܲܢܛܵܣ̈ܝ݂ܵܣ
80:558:09 ܡܫܲܚ̈ܠܦܵܬ݂ܵܐ ܒܫܸܢܬ݂ܵܐ ܥܒ݂ܝ݂ܬ݂ܵܐ ܕܡ݂ܢ ܝܘ݂ܩܪܵܐ ܕܐܸܣܛܘ݂ܡܟܗܘ݁ܢ ܟ̄ܠܹܗ
80:558:10 ܠܸܠܝܵܐ܃ ܗܵܠܹܝܢ ܕܹܝܢ ܨܵܝܪܝ݂ܢ ܒܢܲܦܫܗܘ݁ܢ ܡܸܟܵܐ܃ ܠܗܵܝ݁ ܥܝ݂ܪܘ݂ܬ݂ܵܐ
80:558:11 ܕܲܩܝܵܡܬ݂ܵܐ܂ ܘܚܵܙܹ݁ܐ ܠܗܘ݁ܢ ܕܟܲܕ݂ ܥܕܲܟܹܝܠ ܬܚܹܝܬ݂ ܐܲܦܲܝ̈ ܬܲܪܥܵܐ ܕܒܸܣܪܵܐ
80:558:12 ܚܒ݂ܝ݂ܫܝ݂ܢ܃ ܘܲܒ݂ܟ݂ܠܫܵܥ ܓܲܠ̈ܠܹܐ ܕܡܵܝܘ݁ܬ݂ܘ݂ܬ݂ܵܐ ܡܸܬ݁ܓܲܪܹܝܢ ܒܗܘ݁ܢ܃
80:558:13 ܘܲܒ݂ܚܲܝܹ̈ܐ ܡܣܲܝ̈ܟܹܐ ܬܚܹܝܬ݂ ܫܘ݂ܠܛܵܢܵܐ ܕܐܵܐܲܪ ܕܥܵܠܡܵܐ ܗܵܢܵܐ ܡܬܲܚܡܝ݁ܢ܃
80:558:14 ܛܘ݂ܦܣܵܐ ܕܗܵܘ݁ ܕܘ݂ܒܵܪܵܐ ܕܲܥܬ݂ܝ݂ܕ݂ ܡܚܵܘܹܝܢ ܒܲܟ݂ܝܵܢܗܘ݁ܢ ܡܵܝܘ݁ܬ݂ܵܐ܂
80:558:15 ܚܲܝܠܵܐ ܪܲܒܵܐ ܩܲܝܢܵܐ ܨܠܘ݁ܬ݂ܵܐ ܕܲܒ݂ܥܸܕܵܢܹ̈ܐ ܕܠܸܠܝܵܐ ܡܸܬ݂ܩܲܪܒ݂ܵܐ܃
80:558:16 ܝܲܬܝ݂ܪ ܡ݂ܢ ܕܒ݂ܐܝ݂ܡܵܡܵܐ܂ ܘܡܸܛܠܗܵܢܵܐ ܟܠܗܘ݁ܢ ܙܲܕܝ݂̈ܩܹܐ܃ ܒܠܲܝ̈ܠܵܘܵܬ݂ܵܐ
80:558:17 ܡܨܲܠܹܝܢ ܗܼܘ݂ܵܘ܃ ܟܲܕ݂ ܡܲܩܪܒ݂ܝ݂ܢ ܗܼܘ݂ܵܘ ܠܘ݂ܩܒܲܠ ܝܘ݂ܩܪܹܗ ܕܦܲܓ݂ܪܵܐ܃
80:558:18 ܘܠܘ݂ܩܒܲܠ ܚܲܠܝܘ݂ܬ݂ܵܗ݀ ܕܫܸܢܬ݂ܵܐ܂ ܘܠܲܟ݂ܝܵܢܵܐ ܡ݂ܢ ܕܝ݂ܠܹܗ܃ ܕܵܚܩ݁ܝ݂ܢ
80:558:19 ܗܼܘ݂ܵܘ܂ ܐܲܝܟ݂ ܕܐܵܦ ܢܒ݂ܝ݂ܵܐ ܐܸܡ݁ܲܪ܃ ܕܲܠܐܝܲܬ݂ ܒܬܸܢ̈ܚܵܬ݂ܝ܃ ܘܨܲܒ݁ܥܹ݁ܬ݂
80:558:20 ܒܟ݂ܠ ܠܲܝܠܹܗ ܥܲܪܣܝ܂ ܟܲܕ݂ ܡܸܬ݁ܬ݁ܢܲܚ ܗܼܘ݂ܵܐ ܒܚܲܫܵܐ ܕܲܨܠܘ݁ܬ݂ܵܐ܃
80:558:21 ܡ݂ܢ ܥܘ݂ܡܩܵܐ ܕܠܸܒܹܗ܂ ܘܬ݂ܘ݂ܒ݂܃ ܒܦܸܠܓܹܗ ܕܠܸܠܝܵܐ ܩܵܡܹ݁ܝܬ݂ ܕܐܵܘܕܹܐ
80:558:22 ܠܵܟ݂ ܥܲܠ ܕܝ݂ܢܲܝ̈ܟ܃ ܙܲܕܝ݂ܩܵܐ܂ ܥܲܠ ܟܠ ܫܸܐܠܬ݂ܵܐ ܕܹܝܢ ܕܐܵܠܨܵܐܝ݂ܬ݂