← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

80:561:01 ܫܲܪ̈ܒܹܐ ܕܐܲܡܝ݂ܪܝ݂ܢ ܥܲܠ ܗܵܘ݁ ܨܲܠܡܵܐ ܓܡܝ݂ܪܵܐ ܕܲܡܝܲܬ݁ܪܘ݂ܬ݂ܵܐ
80:561:02 ܘܲܕ݂ܟ݂ܠܗܘ݁ܢ ܫܘ݂ܦܪܹ̈ܐ ܪ̈ܘ݂ܚܵܢܹܐ܃ ܐܵܡܲ݁ܪ ܐܼܢܵܐ ܕܹܝܢ ܛܘ݂ܒ݂ܵܢܵܐ ܐܲܪܣܵܢܝ݂ܣ܂
80:561:03 ܗܵܢܵܐ ܕܟܲܕ݂ ܢܓܲܕ݂ ܢܲܦܫܹܗ ܓܡܝ݂ܪܵܐܝ݂ܬ݂ ܡ݂ܢ ܟ̄ܠܹܗ ܚܘ݂ܠܛܵܢܵܐ ܕܥܲܡ
80:561:04 ܒܢܲܝ̈ܢܵܫܵܐ܃ ܘܐܲܒ݂ܥܸܕ݂ ܥܘ݂ܡܪܹܗ ܒܛܵܘܪܵܐ ܣܲܓܝ݂ܐܵܐ ܐܵܦ ܡܸܢܗܘ݁ܢ
80:561:05 ܕܐܲܚܹ̈ܐ ܒܡܲܕ݂ܒ݁ܪܵܐ ܗܵܘ݁ ܛܒ݂ܝ݂ܒ݂ܵܐ ܕܐܸܣܩܹܛܝ݂ܣ܃ ܝܲܗ݂ܼܒ݂ ܢܲܦܫܹܗ
80:561:06 ܡܲܠܝܵܐܝ݂ܬ݂ ܠܦܘ݂ܠܚܵܢܵܐ ܗܵܢܵܐ ܬܡܝ݂ܗܵܐ ܕܫܲܗܪܵܐ܂ ܦܪܝ݂ܫ ܗܼܘ݂ܵܐ ܕܹܝܢ
80:561:07 ܘܐܵܦ ܗ݂ܘ ܩܵܘܡܹܗ ܕܲܒ݂ܫܲܗܪܵܐ܃ ܡ݂ܢ ܟܠܗܘ݁ܢ ܐܲܒ݂̈ܗܵܬ݂ܵܐ ܕܲܒ݂ܙܲܒ݂ܢܹܗ܂
80:561:08 ܐܲܝܟ݂ ܕܐܵܦ ܬܲܫܥܝ݂ܬܹܗ ܣܵܗ݀ܕܵܐ܂ ܕܲܒ݂ܪܲܡܫܵܐ ܠܲܡ ܕܡܲܥܵܠܲܝ ܚܲܕ݂ܒܫܲܒܵܐ
80:561:09 ܫܵܒܹ݁ܩ ܗܼܘ݂ܵܐ ܠܫܸܡܫܵܐ ܠܒܸܣܬ݁ܪܹܗ܃ ܘܡܵܬܲܚ ܗܼܘ݂ܵܐ ܐܝ݂ܕ݂ܵܘ̈ܗܝ
80:561:10 ܠܘ݂ܩܒܲܠ ܫܡܲܝܵܐ܃ ܥܕܲܡܵܐ ܕܕ݂ܵܢܲܚ ܗܼܘ݂ܵܐ ܫܸܡܫܵܐ ܒܐܲܦܵܘ̈ܗܝ܂
80:561:11 ܘܬ݂ܘ݂ܒ݂܃ ܒܕܸܘ݂ܟ݁ܬ݂ܵܐ ܐܼܚܪܹܢܵܐ܂ ܟ̄ܠܹܗ ܠܲܡ ܠܸܠܝܵܐ܃ ܒܫܲܗܪܵܐ ܡܲܦܸܩ
80:561:12 ܗܼܘ݂ܵܐ ܠܹܗ܂ ܘܐܸܡܲܬ݂ܝ ܕܨܵܒܹ݁ܐ ܗܼܘ݂ܵܐ ܠܘܲܥܕܵܐ ܕܨܲܦܪܵܐ ܡܸܛܠ ܟܝܵܢܵܐ
80:561:13 ܕܢܸܬ݁ܬ݁ܢܝ݂ܚ܃ ܟܲܕ݂ ܡܸܬ݂ܟܲܬܲܫ ܥܲܡ ܫܢܬ݂ܵܐ܃ ܐܵܡܲ݁ܪ ܗܼܘ݂ܵܐ܃ ܙܸܠܝ ܠܹܟ݂ܝ
80:561:14 ܡܹܢܝ܃ ܐܲܡܬ݂ܵܐ ܒܝ݂ܫܬ݂ܵܐ܂ ܘܗܵܟܲܢܵܐ ܩܲܠܝ݂ܠ ܚܵܛܹ݁ܦ ܗܼܘ݂ܵܐ ܫܸܢܬ݂ܵܐ܃
80:561:15 ܘܡܸܬ݁ܬ݁ܥܝ݂ܪ܂ ܘܗܵܢܵܐ ܥܲܡ ܟ̄ܠܵܗ݀ ܗܵܝ݁ ܣܲܝܒ݁ܘ݂ܬ݂ܵܐ܃ ܕܐܲܡܝ݂ܪ ܕܟܲܦ݂
80:561:16 ܗܼܘ݂ܵܐ ܠܹܗ ܡ݂ܢ ܥܸܠܲܬ݂ ܣܲܝܒ݁ܘ݂ܬ݂ܵܐ܂
80:561:17 ܘܐܲܝܟ݂ ܕܝܲܬܝ݂ܪ ܬܸܬ݂ܝ݂ܕܲܥ ܚܠܝ݂ܨܘ݂ܬܹܗ ܕܲܒ݂ܫܲܗܪܵܐ܃ ܢܸܫܡܲܥ ܡ݂ܢ
80:561:18 ܬܲܫܥܝ݂ܬ݂ܵܐ ܐܼܚܪܹܬ݂ܵܐ ܕܲܥܠܵܘܗܝ܃ ܐܲܝܟܲܢܵܐ ܡܥܲܙܸܐ ܗܼܘ݂ܵܐ ܒܟ݂ܠܵܗ݀ ܗܵܝ݁
80:561:19 ܣܲܝܒ݁ܘ݂ܬ݂ܵܐ ܘܲܡܚܝ݂ܠܘ݂ܬ݂ܵܐ܃ ܓܲܒ݂ܪܵܐ ܒܲܪ ܬܸܫܥܝ݂ܢ ܫܢ̈ܝ݂ܢ܂ ܗܵܢܵܐ ܕܹܝܢ
80:561:20 ܒܲܙܒܲܢ ܩ݂ܪܵܐ ܠܲܬ݂ܪܹܝܢ ܡ݂ܢ ܬܲܠܡܝ݂ܕ݂ܵܘ̈ܗܝ܃ ܗܵܢܘ݁ܢ ܕܐܝ݂ܬܲܝܗܘ݁ܢ