The Comprehensive Aramaic Lexicon

0200	ܘܚܕܝܘܬܐ ܠܐ ܡܒܠܒܠܬܐ ܡܗܝܡܢܝܢܢ ܕܗ݂ܘܬ܆
0201	ܝܕܥܝܢܢ ܐܠܨܐܝܬ܆
0202	ܘܕܝ̈ܠܝܬܐ ܕܟܝ̈ܢܐ ܕܡܢܗܘܢ ܥܡܢܘܐܝܠ܆
0203	ܘܗܕܐ ܐܡܪܝܢܢ ܕܝܠܝܬܐ ܘܡܫܡܗܝܢܢ܂ ܗ݀ܝ ܕܐܝܟ ܕܒܫܘܚܠܦܐ ܕܡܫܬ‍<‍ܘ‍>‍ܕܥܘܬܐ ܟܝܢܝܬܐ܂ ܕܗ݂ܝ ܓܝܪ ܟܕ ܗ݂ܝ ܐܡ݁ܪ ܙܒ̈ܢܝܢ ܣܓܝ̈ܐܢ ܠܐ ܦܐܫ ܐܢܐ܂ ܘܠܘ ܗ݀ܝ ܕܒܡ̈ܢܘܬܐ ܘܒܩܘܝܡܐ ܕܡܢܗ ‍[‍81‍]‍ ܘܠܗ ܡܩܝܡܝܢ ܟܝ̈ܢܐ܂ ܗܕܐ ܓܝܪ ܕܗ݀ܢܘܢ ܕܦܣܩܝܢ ܠܗ ܒܬܪܝܢܘܬܐ ܒܬܪ ܚܕܝܘܬܐ ܠܐ ܡܬܐܡܪܢܝܬܐ ܐܝܬܝܗ݀ ܕܢܐܡܪܘܢ܆
0204	ܘܠܘ ܕܝܠܢ܂ ܐܝܠܝܢ ܕܚܕ ܡܢ ܬܪ̈ܝܢ ܡܘܕܝܢܢ ܠܗ܂
0205	ܘܡܛܠ ܡܥܒ̈ܕܢܘܬܐ ܬܘܒ܆
0206	ܟܕ ܠܘܬ ܒ̈ܢܬ ܩ̈ܠܐ ܕܐܒܗ̈ܬܐ ܠܒ̈ܝܫܝ ܐܠܗܐ ܪܗܛܝܢܢ܆
0207	ܡܫܟܚܝܢܢ ܕܡܦܪܫܐ ܡܠܬܐ܂ ܗ݀ܘ ܓܝܪ ܪܒܐ ܘܚܟܝܡܐ ܒܗܠܝܢ ܐܠܗ̈ܝܬܐ ܒܣܝܠܝܘܣ܇
0208	ܒܡܐܡܪܐ ܕܗܘܦܟ ܚܘ̈ܫܒܐ ܕܠܘܩܒܠ ܐܘܢܡܝܘܣ ܟܬ݂ܒ܆
0209	ܕܐܚܪܢܐ ܗܘ ܗ݀ܘ ܕܥ݁ܒܕ ܘܐܚܪܬܐ ܡܥܒܕܢܘܬܐ܆
0210	ܘܐܚܪܢܐ ܗ݀ܘ ܕܐܬܥܒܕ܂ ܘܗܠܝܢ ܣܓܝ ܪܚܝܩܝܢ ܡܢ ܚ̈ܕܕܐ܂ ܗ݀ܘ ܓܝܪ ܕܥܒ݁ܕ ܐܝܬܘܗܝ܆
0211	ܗ݀ܘ ܕܠܘܬ ܗ݀ܝ ܕܢܥܒܕ ܡܕܡ ܡܬܬܙܝܥ܂ ܡܥܒܕܢܘܬܐ ܕܝܢ ܗ݀ܝ ܕܐܝܟ ܡܐ ܕܙܘܥܐ ܡܥܒܕܢܐ܇
0212	ܘܗ݂ܘ ܚܐܦܐ ܐܝܟ ܐܢܫ ܢܐܡܪ ܕܨܒܝܢܐ܇
0213	ܗ݀ܘ ܕܠܘܬ ܗ݀ܝ ܕܢܥܒܕ ܡܕܡ ܡܬܡܬܚ ܘܪܡ݁ܙ܂ ܘܡܚܕܐ ܡܬܬܙܝܥ܂ ܡܥܒܕܢܘܬܐ ܕܝܢ ܕܨܒ݁ܐ ܦ݁ܐܫ ܘܡܫܬܡܠܐ܂ ܘܩܠܝܠܐܝܬ ܐܬܬܙܝܥ ܘܥܒ݂ܕ܆
0214	ܘܕܠܐ ܩܢܘܡ ܗܘ܂ ܗܠܝܢ ܕܝܢ ܕܡܬܥܒ̈ܕܢ܆
0215	ܗܠܝܢ ܕܡܢ ܗܢܐ ܡܫ̈ܬܡܠܝܢ ܘܩ̈ܝܡܢ܂ ܟܕ ܓܝܪ ܥ݁ܘܠܐ ܐܘܢܡܝܘܣ ܐܡ݁ܪ ܗܘܐ܇
0216	ܕܗ݀ܘ ܡ݁ܢ ܕܡܬܥܒܕ܇
0217	ܘܠܘ ܝܠܕܐ ܕܐܒܐ ܐܝܬܘܗܝ ܒܪܐ܇

0218	ܚܣܝܐ ܒܣܝܠܝܘܝܣ ܟܕ ܡܢܗܘܢ ܕܣܘ̈ܟܠܘܗܝ ܡܦ̈ܬܠܐ ܘܣ̈ܥܝܐ ܐܢܫ̈ܝܐ ܒܡܨ̈ܝܕܬܐ ܡ̈ܠܝܠܬܐ ܡܥܪܙܠ ܠܗ ܐܡ݁ܪ܂ ܐܢܗ݂ܘ ܕܡܬܥܒܕ ܐܝܬܘܗܝ ܒܪܐ ܐܝܟ ܡܠܬܟ܆

0219	ܡܢܐ ܡܣ݁ܬܟܠ ܐܢܬ ܗ݀ܘ ܕܡܬܥܒܕ܂ ܐܪܐ ܗ݀ܘ ܕܡܢ ܡܥܒܕܢܘܬܐ ܡܫܬܡܠܐ܆
0220	ܡܕܝܢ ܕܬܠܬܐ ܡܢ ܐܒܐ ܐܝܬܘܗܝ ܘܠܘ ܕܬܪ̈ܝܢ܂ ܐܢ ܗ݀ܘ ܕܐܥܒܕ ܡ݁ܢ ܐܒܐ ܡܣܬܟܠ܂ ܡܥܒܕܢܘܬܐ ܕܝܢ ܙܘܥܐ ܡܥܒܕܢܐ܂ ܗ݀ܘ ܕܡܬܥܒܕ ܕܝܢ ܫܘܡܠܝܐ ܗ݀ܘ ܕܡܢ ܙܘܥܐ܂ ܐܡ݁ܪ ܕܝܢ ܗܟܢܐ܂ ܙܕܩ ܓܝܪ ܕܒܗ݀ ܒܡܠܬܐ ܢܣܝܡ ܠܡ̈ܠܐ ܕܡܠܦܢܐ ܀
0221	ܒܣܝܠܝܘܣ܀
0222	ܐܢ ܒܪܐ ‍[‍82‍]‍ ܡܥܒܕܢܘܬܐ ܗܘ ܘܠܘ ܝܠܕܐ܆
0223	ܘܠܐ ܗ݀ܘ ܕܐܥܒܕ ܘܠܐ ܗ݀ܘ ܡ݁ܢ ܕܐܬܥܒܕ ܐܝܬܘܗܝ ܗ݂ܘ܆
0224	ܡܥܒܕܢܘܬܐ ܓܝܪ ܡܕܡ ܐܚܪܝܢ ܠܒܪ ܡܢ ܗܠܝܢ܂ ܐܠܐ ܘܕܠܐ ܩܢܘܡ܂ ܘܠܐ ܚܕܐ ܓܝܪ ܡܥܒܕܢܘܬܐ ܩܢܘܡܝܬܐ܂ ܐܢ ܕܝܢ ܗ݀ܘ ܕܐܬܥܒܕ܆
0225	ܕܬܠܬܐ ܗܘ ܡܢ ܐܒܐ܆
0226	ܘܠܘ ܕܠܐ ܡܨܥܝܐ܂ ܗ݀ܘ ܕܥܒ݂ܕ ܓܝܪ ܩܕܡܝܐ܂ ܘܒܬܪܟܢ ܡܥܒܕܢܘܬܐ܆
0227	ܘܗܟܢ ܗ݀ܘ ܕܐܬܥܒܕ܀
0228
0229	ܟܕ ܗܕܐ ܗܟܝܠ ܗܟܢܐ ܐܬܢܗ݀ܪܬ ܘܐܝܕܝܥܬܐ ܩܡܬ܇
0230	ܕܐܚܪܢܐ ܗ݀ܘ ܕܥܒ݂ܕ܇
0231	ܘܐܚܪܬܐ ܡܥܒܕܢܘܬܐ܇
0232	ܘܐܚܪܢܐ ܗ݀ܘ ܕܐܬܥܒܕ܆
0233	ܐܘ ܟܝܬ ܕܐܬܬܥܒܕ܇
0234	ܘܡܨܥܝܬܐ ܡܕܡ ܐܝܬܝܗ݀ ܡܥܒܕܢܘܬܐ܆
0235	ܗܢܘ ܕܝܢ ܙܘܥܐ ܗ݀ܘ ܡܥܒܕܢܐ܇
0236	ܕܗ݀ܘ ܕܥܒ݂ܕ ܘܕܗ݀ܘ ܕܐܬܥܒܕ܇
0237	ܐܦܢ ܘܠܘܬ ܐܠܗܐ ܘܗ݂ܝ ܗ݀ܝ ܕܢܨܒܐ ܡܫܡܠܝܢܝܬܐ ܐܝܬܝܗ݀ ܕܥܒ݁ܕܐ܇
0238	ܘܠܘ ܕܠܝܠܐ ܕܗ݀ܝ ܡܨܥܝܬܐ ܢܫܟܚ܇
0239	ܒܗ݀ܝ ܕܟܠܡܕܡ ܒܪܡܙܐ ܩܐܡ܇
0240	ܘܐܝܟ ܕܒܪܦܦ ܥܝܢܐ ܐܝܟ ܕܐܡ݁ܪ ܦܘܠܘܣ܆
0241	ܠܘܬ ܗ݀ܝ ܕܩܕܝܡܐ ܣܝܡܐ ܢܝܬܝܗ݀ ܠܡܠܬܐ܂
0242	ܘܠܘܩܕܡ ܥܠ ܬܚܘܝܬܐ ܕܒܪܢܫܐ ܕܐܟܘܬܢ܇
0243	ܗܕܐ ܢܒܚܢ܂ ܕܒܪܢܫܐ ܗܟܝܠ ܕܐܟܘܬܢ ܗܠܝܢ ܕܡ̈ܬܥܒܕܢ܆
0244	ܗܠܝܢ ܡ݁ܢ ܐܝܬܝܗܝܢ ܡܬܝ̈ܕܥܢܝܬܐ܆
0245	ܗܠܝܢ ܕܝܢ ܡܬܪ̈ܓܫܢܝܬܐ ܘܦܓܪ̈ܢܝܬܐ܂ ܐܟܙܢܐ ܕܗ݀ܝ ܕܢܬܚܫܒ ܘܢܬܪܥܐ ܡܛܠ ܡܕܡ ܕܙܕܩ ܕܢܬܥܒܕ܇
0246	ܘܢܫܡܠܐ ܘܢܪܫܘܡ ܒܬܪܥܝܬܐ܇
0247	ܘܢܩܝܡ ܘܢܬܚܡ ܚܘܫܒܐ܆
0248	ܗ݀ܘ ܕܡܬܬܥܒܕ ܐܝܬܘܗܝ ܡܬܝܕܥܢܐ܂ ܐܝܟ ܡܐ ܕܢܣܝܡ ܕܐܝܟܢܐ ܘ݁ܠܐ ܕܡܕܝܢܬܐ ܢܥ݁ܬܕ܆
0249	ܐܘ ܒܝܬܐ ܐܘ ܐܠܦܐ܇
0250	ܗ݀ܝ ܕܝܢ ܕܢܒܢܐ ܒܝܬܐ܇
0251	ܐܘ ܢܩܒܘܥ ܐܠܦܐ܇
0252	ܡܬܪܓܫܢܝܬܐ ܘܓܘܫܡܢܝܬܐ܆
0253	ܘܚܕ ܡ݁ܢ ܒܪܢܫܐ ܗ݀ܘ ܕܡܥܒܕ܇
0254	ܗ݀ܘ ܕܡܢ ܢܦܫܐ ܘܦܓܪܐ܆
0255	ܘܚܕܐ ܡܥܒܕܢܘܬܐ܂ ܚܕ ܓܝܪ ܙܘܥܐ ܗ݀ܘ ܡܥܒܕܢܐ܇
0256	ܗ݀ܘ ܕܐܝܬܘܗܝ ܚܐܦܐ ܕܝܠܗ݀ ܕܗ݀ܝ ܕܢܨܒܐ܂ ܗܠܝܢ ܕܝܢ ܡ̈ܬܬܥܒܕܢ ܡܫ̈ܚܠܦܬܐ ܗܕܐ ܡ݁ܢ ܓܝܪ ܡܬܝܕܥܢܝܬܐ܂ ܗ݀ܝ ܕܝܢ ܡܬܪܓܫܢܝܬܐ ܘܓܘܫܡܢܝܬܐ܂ ܗܟܢܐ ܐܦ ܥܠ ܥܡܢܘܐܝܠ ܐܝܬ ‍[‍83‍]‍ ܠܡܚܙܐ܂ ܕܚܕ ܗܘ ܡ݁ܢ ܗ݀ܘ ܕܡ݁ܥܒܕ܇
0257	ܗܢܘ ܕܝܢ ܗ݂ܘ ܡܠܬܐ ܕܐܠܗܐ ܕܡܒܣܪ܂ ܘܚܕ ܙܘܥܐ ܘܡܥܒܕܢܐ ܗ݀ܘ ܕܐܝܬܘܗܝ ܡܥܒܕܢܘܬܐ܂ ܡܫ̈ܚܠܦܢ ܕܝܢ ܗܠܝܢ ܕܡ̈ܬܥܒܕܢ܂ ܗܢܘ ܕܝܢ ܫܘ̈ܡܠܝܐ ܕܡܢ ܡܥܒܕܢܘܬܐ܂ ܕܐܝܟ ܐܝܟܢ܂ ܗ݀ܝ ܕܦܓܪܢܐܝܬ ܥܠ ܐܪܥܐ ܢܗܠܟ ܘܢܚܙܘܩ܇
0258	ܐܢܫܝܬܐ ܗܝ܂ ܗ݀ܝ ܕܝܢ ܕܠܗ݀ܢܘܢ ܕܚܓܝܪܝܢ ܒܪ̈ܓܠܐ܇
0259	ܘܒܦܪ̈ܣܬܐ ܠܐ ܡܫܟܚܝܢ ܠܡܬܚܫܚܘ܇
0260	ܡܬܓܪܓܚܝܢ ܕܝܢ ܕܪܫܦܝܢ ܐܝܟ ܪܚܫܐ܇
0261	ܢܩܝܡ ܘܢܦܩܘܕ ܕܢܪܗܛܘܢ܆
0262	ܝܬܝܪ ܡܢ ܟܠ ܦܐܝܐ ܠܐܠܗܐ܂ ܐܠܐ ܚܕ ܗܘ ܡܠܬܐ ܕܐܬܒܣܪ܆
0263	ܘܚܕܐ ܡܥܒܕܢܘܬܗ܇
0264	ܗ݀ܝ ܕܐܝܬܝܗ݀ ܙܘܥܐ ܡܥܒܕܢܐ܇
0265	ܕܗܕܐ ܘܗ݀ܝ ܐܥܒܕ܂ ܘܠܘ ܡܛܠ ܕܡܫ̈ܚܠܦܢ ܗܠܝܢ ܕܐܬܥܒܕ܇
0266	ܡܛܠ ܗܕܐ ܬܪ̈ܝܢ ܟܝ̈ܢܝܢ ܠܗܠܝܢ ܕܡܥܒܕܝܢ ܐܡܪܝܢܢ܂ ܚܕ ܓܝܪ ܐܝܟܢܐ ܕܐܡܪܢܢ ܡܠܬܐ ܐܠܗܐ ܕܐܬܒܪܢܫ ܣܥ݂ܪ ܬܪ̈ܬܝܗܝܢ܂ ܘܐܝܟܢܐ ܕܠܐ ܐܢܫ ܡ݁ܦܠܓ ܡܠܬܐ ܡܢ ܒܣܪܐ܇
0267	ܗܟܢܐ ܘܠܐ ܗܠܝܢ ܡܥܒ̈ܕܢܘܬܐ ܢܦܠܓ ܐܘ ܢܦܪܫ ܡܫܟܚܐ܂ ܡܛܠ ܕܐܦ ܕܒ̈ܢܬ ܩ̈ܠܐ ܝܕܥܝܢܢ ܫ̈ܘܚܠܦܐ܂ ܗ݀ܢܝܢ ܓܝܪ ܐܝܬܝܗܝܢ ܦܐܝܬ ܠܐܠܗܐ܂ ܗܠܝܢ ܕܝܢ ܐܢܫ̈ܝܬܐ܂ ܚܕ ܕܝܢ ܡܠܬܐ ܗ݀ܘ ܕܐܬܒܣܪ܂ ܕܐܦ ܗ݀ܢܝܢ ܘܗܠܝܢ ܡܡܠܠ܂ ܐܝܬ ܓܝܪ ܒ̈ܢܬ ܩ̈ܠܐ܆
0268	ܕܒܗ݀ ܟܕ ܒܗ݀ ܡܫ̈ܘܕܥܢ ܦܐܝܘܬ ܐܠܗܘܬܐ ܐܝܟ ܚܕܐ ܕܥܡܢܘܐܝܠ ܘܐܢܫܘܬܐ܂ ܐܝܟ ܗ݀ܝ ܕܚܕ ܡܪܢ ܝܫܘܥ ܡܫܝܚܐ܇
0269	ܕܒܐܝܕ̈ܘܗܝ ܟܠ ܡܕܡ܇
0270	ܘܡܢܗܘܢ ܡܫܝܚܐ ܕܒܒܣܪ܂ ܗ݀ܘ ܕܐܝܬܘܗܝ ܐܠܗܐ ܕܥܠ ܟܠ ܡܒܪܟܐ ܠܥܠܡ܂ ܘܠܗܠܝܢ ܘܠܐ ܐܢ ܫ݁ܢܝ ܐܢܫ ܡܡܪܚ ܕܢܦܠܓ ܠܬܪ̈ܝܢ ܐܘ ܢ݁ܦܪܫ܂ ܕܠܗ ܟܕ ܠܗ ܡܩܝܡܢ ܠܐ ܡܬܦܠܓܢܐܝܬ܆
0271	ܕܐܝܬܘܗܝ ܘܡܢ ܐܝܣܪܐܝܠ ܒܒܣܪ܂ ܘܐܠܗܐ ܠܥܠܡ ܡܒܪܟܐ܂ ܘܬܘܒ ܠܗ ܟܕ ܠܗ ܡܫܝܚܐ ܡܛܠ ܕܐܬܒܣܪ܂ ܠܡܬܒܣܪܢܘܬܐ ܓܝܪ ܠܚ݁ܡ ܣܘܥܪܢܐ ܕܡܫܝܚܘܬܐ܂ ܘܠܗ ܟܕ ܠܗ ܕܒܐܝ̈ܕܘܗܝ ܟܠܡܕܡ ܐܬ݂ܐ ܠܘܬ ܗܘܝܐ܂ ‍[‍84‍]‍ ܕܡܢܐ ܕܝܢ ܠܗܠܝܢ ܒ̈ܢܬ ܩ̈ܠܐ܆
0272	ܐܦ ܗ݀ܝ ܕܒܗ݀ ܟܕ ܒܗ݀ ܦܐܝܘܬܐ ܐܠܗܝܬܐ ܡܚܘܝܐ ܘܐܢܫܘܬܐ܇
0273	ܗ݀ܝ ܕܦܪܘܩܢ ܐܡ݂ܪ ܥܠ ܡܘܬܐ ܕܠܥܙܪ܂ ܠܥܙܪ ܪܚܡܢ ܕܡ݂ܟ܂ ܐܠܐ ܐܙ݁ܠ ܐܢܐ ܕܐܥܝܪܝܘܗܝ܂ ܦܐܝܬ ܡ݁ܢ ܓܝܪ ܠܐܠܗܐ܆
0274	ܠܗ݀ܘ ܕܐܪܒܥܐ ܝܘ̈ܡܝܢ ܡܬܡܢܐ ܗܘܐ ܒܡܝ̈ܬܐ ܘܕܒ ܘܣܪܝ ܒܓܘܫܡܐ܇
0275	ܢܐܡܪ ܕܡܩܝܡ ܐܝܟ ܗ݀ܘ ܕܕܡܝܟ܂ ܘܢܗܦܘܟ ܒܫܪܪܐ ܡܘܬܐ ܠܫܢܬܐ܇
0276	ܡܛܠ ܣܒܪܐ ܕܩܝܡܬܐ܂ ܐܢܫܝܬܐ ܕܝܢ ܗ݀ܝ ܕܢܐܡܪ ܕܐܙ݁ܠ ܐܢܐ ܘܡܥܝܪ ܐܢܐ ܠܗ܂ ܡܫܟܚ ܗܘܐ ܓܝܪ ܐܝܟ ܐܠܗܐ ܕܐܦ ܟܕ ܪܚܝܩ ܢܥܒܕ ܗܕܐ܂ ܐܠܐ ܚܠ݂ܛ ܬܪ̈ܬܝܗܝܢ܂ ܟܕ ܡܩܝܡ ܕܠܐ ܡܬܦܠܓܢܐ ܐܝܬܘܗܝ܂ ܗ݀ܘ ܚܕ ܘܗ݂ܘ ܟܕ ܗ݂ܘ ܒܪܐ ܘܡܠܬܐ܂ ܗ݀ܘ ܕܡܛܠܬܢ ܠܐ ܡܫܬܚܠܦܢܐܝܬ ܗ݂ܘܐ ܒܪܢܫܐ܂ ܗ݀ܘ ܕܦܐܝܘܬ ܐܠܗܐܝܬ ܘܐܢܫܐܝܬ ܡܠܠ܂ ܗܟܢܐ ܘܒܗܠܝܢ ܕܐܬܥܒܕ ܐܝܬ ܕܣܓܝ̈ܐܬܐ ܢܚܙܐ ܕܡܚܠܛܐ܇
0277	ܗ݀ܝ ܕܦܐܝܘܬ ܐܠܗܐ ܐܟܚܕܐ ܘܐܢܫܝܬܐ܂ ܗ݀ܝ ܓܝܪ ܕܥܠ ܪܛܝܒܘܬܐ ܢܗܠܟ ܐܝܟܢܐ ܐܢܫ ܢܦ݁ܠܓ܂ ܕܟܝܢܐ ܓܝܪ ܐܢܫܝܐ ܢܘܟܪܝܬܐ ܗܝ ܗ݀ܝ ܕܢܪܗܛ ܥܠ ܝܡܐ܂ ܠܐ ܒܝܬܝܬܐ ܕܝܢ ܠܟܝܢܐ ܐܠܗܝܐ ܗ݀ܝ ܕܒܪ̈ܓܠܐ ܦܓܪ̈ܢܝܬܐ ܢܬܚܫܚ܂ ܡܕܝܢ ܐܪܐ ܕܡܠܬܐ ܗ݀ܘ ܕܐܬܒܣܪ ܐܝܬܝܗ݀ ܗܕܐ ܡܬܬܥܒܕܢܝܬܐ܂ ܕܐܝܬ ܠܗ݀ ܦܐܝܘܬ ܐܠܗܐ ܐܝܟ ܚܕܐ ܘܐܢܫܝܬܐ ܠܐ ܡܬܦܣܩܢܝܬܐ܂
0278	ܕܠܩܘܒܠܐ ܕܗܠܝܢ ܐܝܬ ܠܡܚܙܐ ܕܐܬܝܢ ܓܠܝܐܝܬ܇
0279	ܗ݀ܢܝܢ ܕܣܝ̈ܡܢ ܒܛܘܡܣܐ ܕܠܐܘܢ܂ ܘܐܝܠܝܢ ܐܡ݁ܪ ܐܢܐ܂ ܀
0280	ܠܐܘܢ܀
0281	ܡܥܒܕܐ ܓܝܪ ܟܠܚܕ ܡܢ ܕܡ̈ܘܬܐ ܗ݀ܘ ܡܕܡ ܕܐܝܬܘܗܝ ܕܝܠܗ݀܂ ܟܕ ܡܠܬܐ ܡ݁ܢ ܡ݁ܥܒܕ ܗ݀ܝ ܕܐܝܬܝܗ݀ ܕܡܠܬܐ܆
0282	ܦܓܪܐ ܕܝܢ ܡܫܡܠܐ ܗܠܝܢ ܕܐܝܬܝܗܝܢ ܕܦܓܪܐ܂ ܘܗܢܐ ܡ݁ܢ ܡܢܗܘܢ ܡ݁ܦܪܓ ܒܬܕܡܪ̈ܬܐ܆
0283	ܗܢܐ ܕܝܢ ܒܨܥܪ̈ܐ ܢ݁ܦܠ܀
0284	ܐܢ ܓܝܪ ܟܠܚܕܐ ܡܢ ܕܡ̈ܘܬܐ ܐܘ ܟܝ̈ܢܐ܇
0285	ܗܠܝܢ ܕܝܠܗ ܡܥܒܕܐ܆
0286	ܗ݀ܢܝܢ ‍[‍85‍]‍ ܕܫܘܬܦܘܬܐ ܛܝܫܬܐ ܘܕܒܝܬܝܘܬܐ ܕܪܚܡܘܬܐ ܐܝܬܝܗܝܢ܆
0287	ܐܝܟ ܡܐ ܕܢܩܒܠ ܥܠܘܗܝ ܡܪܐ ܗܠܝܢ ܕܡܢ ܥܒ݂ܕܐ ܡܣܬܥܪ̈ܢ܇
0288	ܐܘ ܒܗܦܟܐ ܥܒܕܐ ܒܩ̈ܢܝܘܬܐ ܡܝܬܪ̈ܬܐ ܕܡܪܐ ܢܫܬܒܚ܇
0289	ܟܕ ܡܟܬܒ ܥܠܘܗܝ ܡܛܠ ܪܚܡܘܬܐ ܚܘܒܢܝܬܐ܇
0290	ܗܠܝܢ ܕܠܐ ܐܝܬܝܗܝܢ ܕܝ̈ܠܝܬܐ ܕܟܝܢܐ ܐܢܫܝܐ܂ ܐܝܟ ܓܝܪ ܒܪܢܫܐ ܠܒܝܫ ܠܐܠܗܐ ܗܢܐ ܕܕܐܝܟ ܗܟܢܐ ܒܚܝܠܐ ܢܘܟܪܝܐ ܡܬܚܫܚ܂ ܘܡܢ ܗ݀ܘ ܕܡܥܒܕ ܡܬܢܓܕ ܐܝܟ ܐܘܪܓܢܘܢ ܕܠܐ ܢܦܫܐ܇
0291	ܡܣܪܐ ܐܘ ܥܫܦܐ ܐܢ ܬܓܕܫ܇
0292	ܕܡܬܚܫܚ ܒܗ ܐܢܫ ܡܢ ܐܘ̈ܡܢܐ܂
0293	ܐܠܐ ܝܫܘܥ ܠܐ ܕܐܝܟ ܗܟܢܐ܂ ܫܢܐ ܠܗܠ܂ ܡܬܚܙܐ ܓܝܪ ܕܒܚܝܠܐ ܕܢܦܫܗ ܡܬܚܫܚ݂ ܐܝܟ ܐܠܗܐ ܕܐܬܒܪܢܫ܂ ܘܒܝܕ ܒ̈ܢܬ ܩ̈ܠܐ ܦܐܝܬ ܠܐܠܗܐ ܗܕܐ ܡܫܪܪ܂ ܘܠܝܡܐ ܡ݁ܢ ܐܡ݁ܪ܆
0294	ܫܠܝ ܙܓܝܪ ܐܢܬ܂ ܠܦܛܪܘܣ ܕܝܢ ܕܐܙܥܩ ܕܦܩܘܕ ܠܝ ܕܐ݁ܬܐ ܨܐܕܝܟ ܥܠ ܡ̈ܝܐ܆
0295	ܦܩ݁ܕ ܕܬܐ܂ ܘܠܓܪܒܢܐ܆
0296	ܨܒ݁ܐ ܐܢܐ ܐܬܕܟܐ܂ ܘܣܐܡ ܢܡܘܣܐ ܒܫܘܠܛܢܐ ܕܐܠܗܐ ܘܐܡ݁ܪ܂ ܐܢܐ ܕܝܢ ܐܡ݁ܪ ܐܢܐ ܠܟܘܢ ܕܠܐ ܬܪܓܙܘܢ܂ ܘܠܐ ܒܕܘܟ ܐܡ݂ܪ ܕܗܕܐ ܐܡ݁ܪ ܡܪܝܐ܇
0297	ܡܫܡܗ ܕܡܪܝܐ ܙܦܠܢ ܥܒ݁ܕ ܐܢܐ܆
0298	ܘܗܠܝܢ ܟܕ ܛܒ ܡܛܠ ܗ݀ܝ ܕܦܐܝܐ ܠܡܕܒܪܢܘܬܐ܂ ܘܡܛܠ ܬܟܬܘܫܐ ܘܥܣܩܘܬ ܡܐܬܝܐ ܕܝܗ̈ܘܕܝܐ ܕܠܘܬ ܐܠܗܐ܆
0299	ܘܐܚܪܢܝܐܝܬ ܠܐ ܡܫܡܠܝܘܬܐ ܕܗܠܝܢ ܕܫܡܥܝܢ܇