The Comprehensive Aramaic Lexicon

0300	ܐܡ݁ܪ ܒܕܘ̈ܟܝܬܐ ܣܓܝ̈ܐܬܐ ܕܦܘܩܕܢܐ ܫܩ݂ܠ ܡܢ ܐܒܐ܇
0301	ܘܕܗܠܝܢ ܕܫܡ݂ܥ ܡܢܗ ܡܡܠܠ܂ ܘܒܪܡ ܟܕ ܡܚܘܐ ܗ݀ܝ ܡܠܟܝܬܐ ܘܕܠܐ ܫܘܥܒܕܐ܇
0302	ܘܫܘܝܘܬ ܐܝܩܪܐ ܕܠܘܬ ܐܒܐ܆
0303	ܐܡ݂ܪ ܕܐܦ ܗ݂ܘ ܐܒܐ ܒܗ݀ ܒܕܡܘܬܐ ܥܒ݁ܕ ܥܒ̈ܕܐ܂ ܘܕܐܝܬܘܗܝ ܐܒܐ ܒܗ ܘܗ݂ܘ ܒܐܒܐ܇
0304	ܡܛܠ ݁݁݁݁݁܂
0305	ܡܕܝܢ ܗ݀ܘ ܕܡܦܠܓ ܠܗ ܠܥܡܢܘܐܝܠ܇
0306	ܘܒܬܪ̈ܝܢ ܟܝ̈ܢܝܢ ‍[‍86‍]‍ ܡܬܚܡ ܠܗ ܒܬܪ ܚܕܝܘܬܐ ܠܐ ܡܬܡܠܠܢܝܬܐ܆
0307	ܡܦܠܓ ܥܡ ܟܝ̈ܢܐ ܘܡܥܒ̈ܕܢܘܬܐ ܘܕܝ̈ܠܝܬܐ ܘܬܪ̈ܝܢ ܟܝ̈ܢܝܢ ܣܐܡ ܕܡܥܒܕܝܢ܇
0308	ܘܕܠܐ ܒܨܝܪܘܬܐ ܚܫܝܢ ܗܠܝܢ ܕܝܠܗܘܢ܂ ܗ݀ܘ ܕܝܢ ܕܚܕ ܟܝܢܐ ܕܡܒܣܪ ܕܐܠܗܐ ܡܠܬܐ ܡܘܕܐ܇
0309	ܘܚܕܝܘܬܐ ܠܐ ܒܠܝܠܬܐ ܡ݁ܠܦ݂ ܠܐ ܟܦ݁ܪ ܒܗ݀ܝ ܕܢܕܥ ܫܘܚܠܦܐ ܘܕܝܠܝܘܬܐ܇
0310	ܗ݀ܝ ܕܐܝܟ ܕܒܡܫܘܕܥܘܬܐ ܟܝܢܝܬܐ ܕܟܝ̈ܢܐ ܕܡܢܗܘܢ ܚܕ ܡܫܝܚܐ܂ ܗ݀ܝ ܕܝܢ ܕܢܐܡܪ ܕܡܢ ܬܪ̈ܬܝܢ ܕܝ̈ܠܝܬܐ ܐܘ ܬܪ̈ܬܝܢ ܡܥܒ̈ܕܢܘܬܐ ܐܬܪܟܒ ܥܡܢܘܐܝܠ܆
0311	ܣܟܠܬܐ ܗܝ ܘܠܐ ܪܕܝܬܐ܂ ܐܪܐ ܓܝܪ ܡܛܠ ܕܗ݀ܝ ܕܢܬܚܫܒ ܕܝܠܝܬܐ ܗ݀ܝ ܕܢܦܫܐ ܡܠܝܠܬܐ܇
0312	ܕܓܘܫܡܐ ܕܝܢ ܐܘܟܡܘܬܐ ܐܘ ܚܘܪܘܬܐ ܐܢ ܬܓܕܫ܇
0313	ܡܛܠ ܗܕܐ ܐܡ݁ܪܝܢܢ ܠܒܪܢܫܐ܇
0314	ܕܡܢ ܗ݀ܝ ܕܢܬܚܫܒ ܘܡܢ ܚܘܪܘܬܐ ܡܪܟܒ܇
0315	ܐܘ ܡܢ ܐܘܟܡܘܬܐ܆
0316	ܐܠܐ ܘܠܐ ܐܢܫ ܕܐܝܬ ܠܗ ܗܘܢܐ ܐܡ݁ܪ ܗܕܐ܂ ܐܠܐ ܡܢܗܘܢ ܕܟܝ̈ܢܐ ܡܢ ܓܘܫܡܐ ܘܢܦܫܐ ܐܡ݂ܪ ܕܡܩ݂݁ܝܡ ܒܪܢܫܐ܂ ܠܐܠܝܢ ܕܗܠܝܢ ܕܐܡܝܪ̈ܢ ܢܩ̈ܦܢ ܘܡ̈ܬܚܙܝܢ܆
0317	ܘܐܟܚܕܐ ܠܐ ܡܦܪܫܐܝܬ ܡܟܢܢ܂ ܐܚܪܢܝܐܝܬ ܕܝܢ܂ ܐܝܟܢܐ ܠܐ ܓܚܝܟܐ ܘܗ݀ܝ ܕܢܐܡܪ ܬܪ̈ܬܝܢ ܕܝ̈ܠܝܬܐ ܐܘ ܬܪ̈ܬܝܢ ܡܥܒ̈ܕܢܘܬܐ܂ ܣܓܝ̈ܐܬܐ ܓܝܪ ܐܝܬܝܗܝܢ ܕܝ̈ܠܝܬܐ ܕܟܠ ܟܝܢܐ܆
0318	ܘܠܘ ܬܪ̈ܬܝܢ ܒܠܚܘܕ܂ ܕܐܝܟ ܐܝܟܢ܂ ܕܐܢܫܘܬܗ ܡܬܓܫܫܢܘܬܐ܆
0319	ܘܡܬܚܙܝܢܘܬܐ ܘܡܝܘܬܘܬܐ܂ ܘܗ݀ܝ ܕܬܗܘܐ ܡܫܥܒܕܐ ܠܟܦܢܐ ܘܠܨܗܝܐ ܘܠܗܠܝܢ ܐܚܪ̈ܢܝܬܐ ܒܗ݀ ܒܕܡܘܬܐ܂ ܘܕܟܝܢܐ ܕܝܢ ܐܠܗܝܐ ܣܓܝ̈ܐܢ ܕܝ̈ܠܝܬܐ܆
0320	ܠܐ ܡܬܚܙܝܢܘܬܐ܆
0321	ܠܐ ܡܬܓܫܫܢܘܬܐ܆
0322	ܗ݀ܝ ܕܡܢ ܩܕܡ ‍[‍87‍]‍ ܥܠܡ̈ܐ܆
0323	ܠܐ ܡܣܝܟܘܬܐ܂ ܒܗ݀ ܒܕܡܘܬܐ ܘܗܠܝܢ ܕܡ̈ܬܬܥܒܕܢ܆
0324	ܣܓܝ̈ܐܬܐ ܘܡܫ̈ܚܠܦܬܐ܂ ܘܟܠܗܝܢ ܗܠܝܢ܆
0325	ܟܡܐ ܕܢܐܡܪ ܐܢܫ ܕܐܝܬ ܣܥܘܪ̈ܘܬܐ ܐܢܫ̈ܝܬܐ ܘܐܠܗ̈ܝܬܐ܂
0326	ܗ݀ܘ ܗܟܝܠ ܕܡ݁ܦܠܓ ܠܥܡܢܘܐܝܠ ܒܬܪܝܢܘܬ ܟܝ̈ܢܐ ܒܬܪ ܚܕܝܘܬܐ ܠܐ ܡܬܐܡܪܢܝܬܐ܆
0327	ܡ݁ܦܠܓ ܥܡܗ ܐܝܟ ܡܐ ܕܙܒ̈ܢܝܢ ܣܓܝ̈ܐܢ ܐܡܪܢܢ܆
0328	ܘܡܥܒ̈ܕܢܘܬܐ ܘܕܝ̈ܠܝܬܐ܂ ܥܝܕܐ ܗܘ ܓܝܪ ܕܗܠܝܢ ܕܡ̈ܬܬܥܒܕܢ ܐܦ ܡܥܒܕܢܘܬܐ ܢܩܪܐ ܙܒ̈ܢܝܢ ܣܓܝ̈ܐܢ܂ ܐܝܬ ܕܝܢ ܐܡܬܝ ܕܐܦ ܠܗ ܠܗ݀ܘ ܕܡܥܒܕ ܢܟܢܐ ܡܥܒܕܢܘܬܐ܂ ܡܛܠ ܕܡܥܒܕܢܘܬܐ ܡܪܢܐܝܬ ܐܝܬܝܗ݀܇
0329	ܐܝܟܢܐ ܕܒܗܠܝܢ ܕܩ݁ܕܡ ܐܬܐܡܪ ܚܘܝܢܢ܇
0330	ܗ݂ܘ ܙܘܥܐ ܡܥܒܕܢܐ܂ ܡܢ ܗܪܟܐ ܘܝܘܠܝܘܣ ܡܡܠܠ ܐܠܗ̈ܝܬܐ܆
0331	ܗ݀ܘ ܕܗ݂ܘܐ ܐܦܝܣܩܦܐ ܕܪܗܘܡܐ܇
0332	ܒܡܐܡܪܐ ܕܪܫܝܡ ܠܘܬ ܗ݀ܢܘܢ ܕܡܬܟܬܫܝܢ ܠܘܩܒܠ ܡܬܒܣܪܢܘܬܐ ܐܠܗܝܬܐ ܕܡܠܬܐ܇
0333	ܒܥ݂ܠܬܐ ܕܒܪ ܟܝܢܐ܆
0334	ܗܕܐ ܐܡ݁ܪ܂ ܀
0335	ܝܘܠܝܘܣ܀
0336	ܐܠܐ ܐܝܬܘܗܝ ܚܕ ܟܝܢܐ܂ ܚܕ ܩܢܘܡܐ܂ ܚܕܐ ܡܥܒܕܢܘܬܐ܂ ܚܕ ܦܪܨܘܦܐ܂ ܟܠܗ ܐܠܗܐ܂ ܟܠܗ ܒܪܢܫܐ܂ ܗ݂ܘ ܟܕ ܗ݂ܘ܀
0337	ܡܛܠ ܓܝܪ ܕܚܕ ܗܘ ܗ݀ܘ ܕܡ݁ܥܒܕ܂ ܚܕܐ ܐܝܬܝܗ݀ ܐܦ ܡܥܒܕܢܘܬܗ܂ ܘܙܘܥܐ ܡܥܒܕܢܐ܂ ܗܠܝܢ ܕܝܢ ܕܡ̈ܬܬܥܒܕܢ ܐܝܟ ܡܐ ܕܐܡܪܢܢ܆
0338	ܣܓܝ̈ܐܬܐ ܘܡܫ̈ܚܠܦܬܐ܂ ܠܗܠܝܢ ܕܝܢ܆
0339	ܐܝܠܝܢ ܕܝܕܥܝܢ ܚܕ ܟܝܢܐ ܕܐܠܗܐ ܡܠܬܐ ܕܡܒܣܪ܂ ܕܚܕ ܘܕܝܠܗ ܟܕ ܕܝܠܗ ܐܡܪܝܢܢ ܕܐܝܬܝܗܝܢ܂ ܐܦܢ ܗܠܝܢ ܡ݁ܢ ܐܝܬܝܗܝܢ ܦܐܝܬ ܠܐܠܗܐ܂ ܗܠܝܢ ܕܝܢ ܐܢܫ̈ܝܬܐ܇
0340	ܐܝܟ ܡܐ ܕܐܦ ܒ̈ܢܬ ܩ̈ܠܐ ܦܐܝ̈ܬ ܠܐܠܗܐ ܘܐܢܫ̈ܝܬܐ܆
0341	ܕܡܢ ܚܕ ܘܗ݂ܘ ܟܕ ‍[‍88‍]‍ ܗ݂ܘ ܐܬܐܡܪ ܡܗܝܡܢܝܢܢ܂ ܗܠܝܢ ܕܝܢ ܕܡܦܠܓܝܢ܇
0342	ܒܗ݀ܝ ܕܐܡܪܝܢ ܬܪ̈ܝܢ ܟܝ̈ܢܝܢ ܒܬܪ ܚܕܝܘܬܐ܆
0343	ܡܦܠܓܝܢ ܥܡܗܘܢ ܘܗ݀ܢܝܢ܇
0344	ܐܝܠܝܢ ܕܐܝܟ ܕܝ̈ܠܝܬܐ ܟܝܢܐܝܬ ܟܠܚܕ ܡܢ ܟܝ̈ܢܐ ܢܓ݁ܕ܇
0345
0346	ܠܐ ܕܝܢ ܬܛܥܝܟ ܕܗ݀ܘ ܩܕܝܫܐ ܝܘܠܝܘܣ ܟܕ ܚܕ ܟܝܢܐ ܡܒܣܪܐ ܕܡܠܬܐ ܐܠܗܐ ܡܘܕܐ܇
0347	ܡܘܕܐ ܕܢܕܥ ܐܦ ܕܝ̈ܠܝܬܐ ܕܟܝ̈ܢܐ ܕܡܢܗܘܢ ܚܕ ܡܫܝܚܐ܇
0348	ܘܫܘܚܠܦܐ ܕܗܠܝܢ܇
0349	ܟܕ ܕܚ݁ܩ ܦܘܠܓܐ܂ ܟܬ݂ܒ ܓܝܪ ܒܗ ܟܕ ܒܗ ܒܡܐܡܪܐ ܗܠܝܢ܂ ܀
0350	ܝܘܠܝܘܣ܀
0351	ܚܕ ܓܝܪ ܘܗ݂ܘ ܟܕ ܗ݂ܘ ܦܓܪܐ ܘܐܠܗܐ ܕܕܝܠܗ ܦܓܪܐ܂ ܠܘ ܐܝܟ ܡܐ ܕܐܬܗܦܟ ܒܣܪܐ ܠܠܐ ܦܓܪܢܘܬܐ܂ ܐܠܐ ܟܕ ܐܝܬ ܠܗ ܘܕܝܠܗ ܗ݀ܝ ܕܡܢܢ܇
0352	ܐܝܟ ܝܠܝܕܘܬܐ ܕܡܢ ܒܬܘܠܬܐ܇
0353	ܘܗ݀ܝ ܕܠܥܠ ܡܢܢ܇
0354	ܐܝܟ ܡܘܙܓܐ ܕܡܠܬܐ ܐܠܗܐ ܐܘ ܚܕܝܘܬܐ܀
0355	ܘܬܘܒ ܒܡܐܡܪܐ ܕܪܫܝܡ܇
0356	ܡܛܠ ܚܕܝܘܬܐ ܕܦܓܪܐ ܠܘܬ ܐܠܗܘܬܐ ܕܐܠܗܐ ܡܠܬܐ܂ ܗܠܝܢ ܐܡ݁ܪ܂ ܀
0357	ܝܘܠܝܘܣ܀
0358	ܡܬܬܘܕܐ ܒܗ ܕܝܢ܆
0359	ܕܗܢܐ ܡ݁ܢ ܐܝܬܘܗܝ ܒܪܝܐ܇
0360	ܒܚܕܝܘܬܐ ܕܠܐ ܒܪܝܐ܂ ܗܢܐ ܕܝܢ ܠܐ ܒܪܝܐ܆
0361	ܒܟܢܝܫܘܬܐ ܕܐܟܚܕܐ ܕܒܪܝܐ܂ ܟܕ ܚܕ ܟܝܢܐ ܡܢ ܬܪ̈ܬܝܗܝܢ ܡ̈ܢܘܬܐ ܡܬܩ݁ܝܡ܀
0362	ܘܒܬܪ ܐܚܪ̈ܢܝܬܐ܀
0363	ܡܢ ܗܪܟܐ ܡܢ ܐܢܢܩܐ܆
0364	ܘܗ݀ܝ ܓܘܫܡܢܝܬܐ ܥܠ ܟܠܗ܂ ܘܗ݀ܝ ܐܠܗܝܬܐ ܥܠ ܟܠܗ ܬܬܐܡܪ܂ ܘܗ݀ܘ ܕܠܐ ܡܫܟܚ ܒܡܫ̈ܚܠܦܐ ܗܠܝܢ ܕܡܚܝܕܝܢ ܢܕܥ ܕܝܠܝܬܐ ܕܟܠܚܕ ܡܢܗܘܢ܆
0365	ܒܣܩ̈ܘܒܠܝܬܐ ܕܠܐ ܫ̈ܠܡܢ ܢ݁ܦܠ܂ ܗ݀ܘ ܕܝܢ ܕܐܦ ܕܝ̈ܠܝܬܐ ܝ݁ܕܥ܆
0366	ܘܚܕܝܘܬܐ ܢ݁ܛܪ܆
0367	ܘܠܐ ܠܟܝ̈ܢܐ ܡܕܓ܆
0368	ܘܠܐ ܠܚܕܝܘܬܐ ܛܥ݁ܐ܀
0369	ܚ݁ܙܐ ܐܢܬ ܐܝܟܢܐ ܐܡ݂ܪ ܕܕܝ̈ܠܝܬܐ ܕܟܝ̈ܢܐ ܝ݁ܕܥ܇
0370	ܘܚܕܝܘܬܐ ܢ݁ܛܪ܇
0371	ܟܕ ܟܝܢܐ ܚܕ ܡܢ ܬܪ̈ܬܝܗܝܢ ܡ̈ܢܘܬܐ ܡܬܩܝܡ܂
0372	ܠܘܬ ܗ݀ܝ ܕܝܢ ܕܐܡ݂ܪܬ ܢܟܦܘܬܟ܇
0373	ܕܡܛܠ ܕܡܫܚܠܦܐ ‍[‍89‍]‍ ܐܝܬܘܗܝ ܗܘܐ ܐܝܟ ܕܠܘܬܢ ܙܢܐ ܕܕܝܠܝܘܬܐ ܕܒܒܣܪ ܕܦܪܘܩܢ܇
0374	ܡܢ ܒܬܘܠܬܐ ܓܝܪ ܘܪܘܚܐ ܩܕܝܫܐ܂ ܡܛܠܗܕܐ ܙܕܩ ܗܘܐ ܕܐܦ ܠܐ ܕܝ̈ܠܝܬܐ ܕܐܢܫܘܬܐ ܢܬܚܙ̈ܝܢ ܠܘܬܗ܂ ܫܦܝܪܐ ܕܢܝܬܐ ܠܟ ܠܡܨܥܬܐ܆
0375	ܒ̈ܢܬ ܩ̈ܠܐ ܕܚܟܝܡܐ ܒܣܝܠܝܘܣ܂ ܕܟܬܝ̈ܒܢ ܒܡܐܡܪܐ ܗ݀ܘ ܕܐܬܥܗܕܢ ܕܠܘܬ ܐܘܢܡܝܘܣ܂ ܟܕ ܓܝܪ ܗ݀ܘ ܐܡ݁ܪ ܗܘܐ܇

0376	ܕܡܛܠ ܕܐܒܐ ܠܐ ܝܠܝܕܐܝܬ ܐܝܬܘܗܝ܇

0377	ܘܒܪܐ ܝܠܝܕܐܝܬ܇
0378	ܘܪܘܚܐ ܢܦܘܩܐܝܬ܇
0379	ܙܕܩ ܕܥܡ ܫܘܚܠܦܐ ܕܝܬܐ ܕܟܠ ܩܢܘܡܐ܇
0380	ܬܬܦܠܓ ܐܦ ܐܘܣܝܐ܂ ܟܕ ܫ݁ܪܐ ܠܗܦܟܬܐ ܗ݀ܘ ܝܕܘܥܬܢܐ ܕܪܘܚ ܘܚܟܝܡܐ ܗܟܢܐ ܐܡ݁ܪ܂ ܀
0381	ܒܣܝܠܝܘܣ܀
0382	ܐܢ ܗ݀ܢܘܢ ܕܡܫܚܠܦܐܝܬ ܐܝܬ ܠܗܘܢ ܝ݁ܬܐ ܕܗ݀ܝ ܕܐܝܬܝܗܘܢ܇
0383	ܡܫܚܠܦܬܐ ܐܦ ܐܘܣܝܐ ܐܝܬ ܠܗܘܢ܂ ܐܦܠܐ ܒܢܝ̈ܢܫܐ ܕܡ̈ܝܝ ܐܘܣܝܐ ܐܝܬܝܗܘܢ܂ ܐܚܪܬܐ ܗܝ ܓܝܪ ܝܬܐ ܕܐܕܡ ܕܡܢ ܐܪܥܐ ܐܬܓܒܠ܇
0384	ܐܚܪܬܐ ܕܝܢ ܚܘܐ ܕܡܢ ܐܠܥܐ ܗ݂ܘܬ܆
0385	ܐܚܪܬܐ ܕܝܢ ܕܗܒܝܠ܂ ܡܢ ܙܘܘܓܐ ܓܝܪ܆
0386	ܐܚܪܬܐ ܕܝܢ ܕܗ݀ܘ ܕܡܢ ܡܪܝܡ܂ ܡܢ ܒܬܘܠܬܐ ܓܝܪ ܒܠܚܘܕ܀
0387	ܡܕܝܢ ܗܟܝܠ ܐܢ ܗ݂ܘ ܕܗ݂ܝ ܟܕ ܗ݂ܝ ܐܘܣܝܐ ܐܝܬ ܠܗ܇
0388	ܘܠܗ݀ܘ ܕܐܬܓܒ݂ܠ ܡܢ ܐܪܥܐ܇
0389	ܘܠܗ݀ܝ ܕܐܬܦܣܩܬ ܡܢ ܐܠܥܐ܇
0390	ܘܠܗ݀ܘ ܕܡܢ ܢܩܝܦܘܬܐ ܕܐܟܚܕܐ ܕܐܢܬܬܐ ܘܕܓܒܪܐ ܢܦ݂ܩ܇
0391	ܘܕܗ݀ܝ ܕܡܢ ܒܬܘܠܬܐ ܒܒܣܪ ܐܬܝܠܕ܇
0392	ܐܝܟܢܐ ܠܐ ܢܩܦܐ ܕܢܬܚ݁ܫܒ܇
0393	ܕܐܦ ܕܝ̈ܠܝܬܐ ܕܐܘܣܝܐ܇
0394	ܥܠ ܟܠ ܚܕ ܡܢܗܘܢ ܒܗ ܒܙܢܐ ܡܬܚ̈ܙܝܢ܂ ܒܪܡ ܕܝܢ ܗܪܟܐ܂ ܡܛܠ ܕܡܠܬܐ ܕܐܠܗܐ ܡܚܝܕ ܗܘܐ ܩܢܘܡܐܝܬ ܠܒܣܪܐ ܗ݀ܘ ܕܡܢ ܝܠܕܬ ܐܠܗܐ ܡܪܝܡ܇
0395	ܕܝܕܘܥܬܢܐܝܬ ܡܢܦܫ ܗܘܐ܆
0396	ܠܘ ܟܠܗܝܢ ܝܗ݀ܒ ܗܘܐ ܡܠܬܐ ܠܒܣܪܗ܇
0397	ܕܢܚܫ ܗܠܝܢ ܕܝܠܗ܂ ܕܝܠܗ ܕܝܢ ܐܡܪܝܢܢ܆
0398	ܠܘ ܡܛܠ ܕܠܡܠܬܐ ܢܦ݁ܪܫ܇
0399	ܗܠܝܢ ܓܝܪ ܕܐܡܪܝܢܢ ܕܚܐܫ ܒܣܪܐ܂ ܗܠܝܢ ‍[‍90‍]‍ ܚܫ̈ܐ ܕܡܠܬܐ ܕܐܬܒܣܪ ܐܝܬܝܗܘܢ܇