The Comprehensive Aramaic Lexicon

0600	ܐܬܐܠܨܬ ܕܐܥܡܨ ܥܝ̈ܢܝ܆
0601	ܘܕܡܥܬܐ ܕܠܐ ܝܕܥܬܐ ܡܠܝܚܬܐ ܕܒ݁ܬ܂
0602	ܘܡܢ ܟܠܦܪܘܣ ܐܡ݁ܪ ܐܢܬ ܐܘ ܡܡܠܠ ܐܠܗ̈ܝܬܐ܆
0603	ܕܐܡ݂ܪ ܡܠܬܐ ܗܝ ܡܬܬܩܪܒܢܝܬܐ܂ ܠܘ ܟܕ ܡܒܠܒܠ ܐܢܐ ܥܡ ܚ̈ܕܕܐ ܘܡܡܙܓ ܐܢܐ ܟܝ̈ܢܐ܂ ܐܠܐ ܝ݁ܕܥ ܐܢܐ ܡ݁ܢ܆
0604	ܕܟܕ ܚܕܝܘܬܐ ܐܠܗܝܬܐ ܡܫܬܡܗܐ܆
0605	ܡܪܚܩܝܢ ܗܠܝܢ ܕܒܘܠܒܠܐ܂ ܟܕ ܠܐ ܡܬܡܙܓܝܢ ܟܝ̈ܢܐ܇
0606	ܒܚܘܠܛܢܐ ܐܠܗܝܐ ܘܠܐ ܡܬܐܡܪܢܐ ܘܒܩܢܘܡܐ܆
0607	ܠܘ ܪܝܫܐܝܬ ܡܬܪܢܝܐ ܚܕܝܘܬܐ܂ ܘܐܝܟܢܐ ܐܢܐ ܚܕ ܟܝܢܐ ܡ݁ܢ ܡܒܣܪܐ ܕܡܠܬܐ ܐܙܥܩ܂ ܠܗܠܝܢ ܕܝܢ ܕܝܕܥܝܢ ܠܗ܂ ܠܡܫܝܚܐ ܬܪ̈ܝܢ ܟܝ̈ܢܝܢ ܐܪܫܐ ܚܣܝܪܘܬ ܗܘܢܐ܂ ܐܝܟܢܐ ܕܝܢ ܘܠܗ݀ܝ ܚܟܡܬܐ ܡܡܠܠܬ ܐܠܗ̈ܝܬܐ ܐܥܕܘܠ ܕܐܡܪܐ܇
0608	ܗ݀ܝ ܕܒܡܪܟܒܘܬܐ ܕܠܥܠ ܡܢ ܡܠܬܐ ܡܬܡܙܓܝܢ ܟܝ̈ܢܐ܇
0609	ܘܡܫܡܗܐ ܫܘܝܚܘܬܐ ܕܐܟܚܕܐ܂ ܕܒܐܝ̈ܕܝܗ݀ ܟܝ̈ܢܐ ܠܘ ܕܣܝܡܝܢ ܠܘܬ ܚ̈ܕܕܐ ܝ݁ܠܦ ܐܢܐ܆
0610	ܐܠܐ ܕܚܠܝܛܝܢ ܣܓܝ ܚܬܝܬܐܝܬ ܠܘܬ ܚܕ ܝܘܩܢܐ ܘܚܕ ܩܢܘܡܐ܂ ܐܝܟܢܐ ܕܟܕ ܗܟܢܐ ܚܬܝܬܐܝܬ ܡܬܪܢܝܐ ܡܪܟܒܘܬܐ܆
0611	ܐܘܣܝܐ ܕܬܠܝܬܝܘܬܐ ܐܠܗܝܬܐ ܠܐ ܬܬܝܬܪ܆
0612	ܕܠܘܬ ܬܠܬܐ ܦܪ̈ܨܘܦܐ ܒܠܚܘܕ ܚܝܪܐ܂ ܘܬܚܘܡܐ ܐܒܗܝܐ ܚܢܢ ܢܙܗܪ ܟܕ ܡܦܠܝܢ ܚܢܢ܆
0613	ܚܕ ܟܝܢܐ ܕܡܠܬܐ ܐܠܗܐ ܕܡܒܣܪ܂ ܘܕܠܘ ܐܝܟ ܗ݀ܢܘܢ ܕܠܩܘܒܠܐ܇
0614	ܠܝܘܠܦܢܐ ܗܢܐ ܡܠܟܝܐ ܒܝܫܐܝܬ ܡܦܫܩܝܢܢ܂ ܐܡܪܝܢ ܓܝܪ ܐܡܪܝܢ ܚܕ ܟܝܢܐ ܕܡܠܬܐ܂ ܒܗ݀ܝ ܕܝܢ ܕܡܒܣܪ܇
0615	ܫܘܘܕܥܐ ܕܗ݀ܘ ܐܚܪܢܐ ‍[‍100‍]‍ ܡܬܚܙܐ܂ ܠܘ ܕܗܢܐ ܐܩ݁ܦ ܠܗ ܡܠܬܐ ܒܩܢܘܡܐ܂ ܘܗܟܢܐ ܡܟܢ ܚܕ ܡܢ ܬܪ̈ܝܢ܂ ܐܠܐ ܕܚܕܝܘܬܐ ܕܠܘܬ ܣܝܡܐ ܐܝܟ ܕܡܦܩܩܝܢ ܗ݂ܘܬ܂ ܟܕ ܗ݀ܝ ܕܡܒܣܪ܆
0616	ܡܫܘܕܥܢܝܬܐ ܕܟܝܢܐ ܕܡܢܗ ܘܠܗ ܣܝܡ ܐܝܬܝܗ݀܂ ܗܠܝܢ ܕܗܦܟܐ ܡܠܬܐ ܕܟܐܢܘܬܐ܇
0617	ܕܚܕ ܟܝܢܐ ܡܒܣܪܐ ܕܡܠܬܐ ܫܪܝܪܐܝܬ ܝܕܥܐ܂
0618	ܐܠܐ ܙܒܢܐ ܗܘ ܕܠܘܬ ܗ݀ܝ ܕܩܕܝܡܐ ܣܝܡܐ ܢܪܗܛ܂ ܡܪܓܫ ܐܢܐ ܓܝܪ ܒܐܢܫ ܕܟܐܐ ܘܐܡ݁ܪ܆
0619	ܕܗܠܝܢ ܕܫܪܟܐ ܒܪܚܡܬ ܥܡܠܐ ܫܡ݂ܥ܂ ܕܐܝܟ ܚܕ ܒܪܐ ܘܗܟܢܐ ܡܣ݂ܬܟܠ܂ ܗܕܐ ܕܝܢ ܘܢܣܛܘܪܝܘܣ ܥܗܝܕ ܐܢܐ ܕܐܡ݁ܪ܆
0620	ܗܟܢܐ ܝ݁ܠܦ ܐܢܐ ܕܐܝܬ ܠܗ݀ ܠܡܠܬܐ ܕܡܪܟܒܘܬܐ܂ ܗ݀ܝ ܕܡܢ ܬܪ̈ܝܢ ܐܘ ܣܓܝ̈ܐܐ܂ ܦܫܝ̈ܛܐ ܠܚܕ ܟܢܘܫܝܐ ܐܝܬ܂ ܕܒܗ ܘܡܫܡܠܝܐ ܡܢܬܐ ܐܝܬܘܗܝ܂ ܘܒܬܪܗ ܠܐ ܡܟܝܠ ܡ̈ܢܘܬܐ ܐܝܟ ܡܠܬܐ ܕܬܪܝܢܘܬܐ ܡܬܕܝܢܢ܂ ܟܕ ܚܕܐ ܙܒܢ ܚܕܐ ܐܘܣܝܐ ܗ݂ܘܬ݂ ܐܦ ܡܫܘܕܥܘܬܐ܂ ܐܢ ܗܟܝܠ ܟܝ̈ܢܐ ܕܡܢܗܘܢ ܡܫܝܚܐ ܠܐ ܡܒܠܒܠܐܝܬ ܠܐ ܐܬܡܙܓܘ ܐܟܚܕܐ܆
0621	ܐܝܟܢܐ ܗܠܝܢ ܕܗܟܢ ܩܘܝܘ ܠܐ ܡܡ̈ܙܓܐ ܒܚ̈ܕܕܐ܇
0622	ܕܐܬܚܝܕܘ ܩܢܘܡܐܝܬ ܐܡ݁ܪ܆
0623	ܐܝܟܢܐ ܕܝܢ ܡܠܬܐ ܕܪܘܟܒܐ ܐܛܪ܇
0624	ܟܕ ܡܬܢܛܪܝܢ ܟܝ̈ܢܐ ܐܝܟ ܕܐܝܬ ܗܘܐ ܠܗܘܢ܂ ܕܗܠܝܢ ܓܝܪ ܕܠܐ ܡܡܙܓܝܢ ܥܡ ܚ̈ܕܕܐ ܐܝܟ ܕܗ݀ܢܘܢ ܐܡܪܝܢ܆
0625	ܚܕܝܘܬܐ ܕܐܬܚ݁ܫܒ ܠܝܬ܂ ܐܢܢܩܐ ܘܒܗܕܐ ܬܪ̈ܝܢ ܟܝ̈ܢܝܢ ܙܕܩ ܕܢܕܥܝܘܗܝ ܠܚܕ ܡܫܝܚܐ܂
0626	ܫܦܝܪܐ ܗܟܝܠ ܕܡܠܬܐ ܕܡܛܠ ܕܝ̈ܠܝܬܐ܆
0627	ܡܢ ܣܘܪ̈ܓܕܝܟܘܢ ܟܗ̈ܢܝܐ ܝ݁ܠܦܬ ܐܬ݂ܢܐ܂ ܟܕ ܐܝܬܘܗܝ ܓܝܪ ܡܠܬܐ ܡܕܡ ܘܢ݁ܛܪ ܗܕܐ܆
0628	ܗ݂ܘܐ ܘܡܕܡ ܐܚܪܢܝܢ܂ ܘܝܕܝܥܐ ܕܠܘ ܐܝܟ ܡ݁ܢ ܕܐܬܒܨܪܬ ܐܠܗܘܬܐ܂ ܗ̈ܘܝ ܠܗ ܕܝܢ ܥܡ ܗܕܐ ܒܚܕܝܘܬܐ ܪܝܫܝܬܐ ܕܡܬܒܪܢܫܢܘܬܐ ܕܝ̈ܠܝܬܐ ܗܠܝܢ܂ ܘܗ݀ܢܝܢ ܕܐܝܬ ܗܘܐ ܠܗ܂ ܘܡܚ݁ܘܐ ܕܗ݂ܘܐ ܚܕ ܟܝܢܐ ܕܡܒܣܪ܀
0629	ܐܠܐ ܐܝܟܢܐ ܐܣܬܟܠ ܐܘ ܐܒܐ ܩܕܝܫܐ܇
0630	ܕܠܐ ܡܡܙܓܝܢ ܟܝ̈ܢܐ ܐܟܚܕܐ܆
0631	ܪܒܬ ܗܝ ܠܝ܂ ‍[‍101‍]‍ ܒܬܪ ܗܕܐ ܓܝܪ ܘܕܐܣܩ ܠܘܬ ܪ̈ܝܫܝ ܡܐܘ̈ܬܐ ܐܘ ܪ̈ܝܫܝ ܐܠܦ̈ܐ ܠܐ ܡܫܟܚ ܐܢܐ܂ ܐܠܐ ܠܘܬܟ ܡܘܫܐ܇
0632	ܗ݀ܘ ܕܐܦܝ̈ܢ ܠܘܬ ܐܦܝ̈ܢ ܗܠܝܢ ܕܝܬܝܪ ܐܠܗ̈ܐܝܢ ܐܫܬܘܝ ܕܢܡܠܠ܇
0633	ܘܪ̈ܘܪܒܬܐ ܡ݁ܦܪܫ܂ ܠܐܝ̈ܢ ܠܝ ܓܝܪ ܗܠܝܢ ܕܢܦܫܐ܆
0634	ܕܠܐ ܣܦܩܐ ܕܠܘܬ ܟܠܗ ܗܢܐ ܪܘܡܐ ܬܣܩ܂ ܘܝܬܝܪܐܝܬ ܐܡܬܝ ܕܝܕܘ̈ܥܐ ܕܟܠܩܝܕܘܢܐ܇
0635	ܒܕܗܕܐ ܡ݁ܢ ܡܢ ܡ̈ܚܫܒܬܐ ܕܓܘܐ ܡܩܝܡܝܢ ܩܪܒܐ܇
0636	ܒܗܕܐ ܕܝܢ ܠܐܒܗ̈ܬܐ ܗܠܝܢ ܡܦܣܩܝܢ܇
0637	ܘܠܥܠ ܘܠܬܚܬ ܬܪ̈ܝܢ ܟܝ̈ܢܝܢ ܡܛܒܝܢ ܠܢ܂ ܐܠܐ ܐܕܫܐ ܡ݁ܢ ܗ݀ܘ ܩܕܡܝܐ ܟܕ ܠܘܬ ܠܫܢܝ ܡܬܚܬܝܐ ܛܝܒܘܬܐ ܐܠܗܝܬܐ ܢܚܬܐ܆
0638	ܙܒ̈ܢܝܢ ܣܓܝ̈ܐܢ ܕܚܩܐ܂
0639	ܡܢܐ ܕܝܢ ܠܘܬ ܗ݀ܘ ܬܪܝܢܐ ܐܥܒܪ܇
0640	ܟܕ ܢܡ̈ܘܣܐ ܐܒܗ̈ܝܐ ܡܬܩܪܝܢ ܠܝ܇
0641	ܘܐܫܬܘܩ ܡ݁ܢ ܒܚܕܐ ܙܒܢ ܠܐ ܝ݁ܕܥ ܐܢܐ܂ ܕܠܐ ܟܝ̈ܢܐ ܕܗ݀ܢܘܢ ܕܪܕܦܝܢ ܢܣܒܘܢܢܝ܂ ܟܕ ܕܝܢ ܡܪܢܝܬܐ ܥܡ ܡܪܢܝܬܐ ܡ݁ܩܦ ܐܢܐ܇
0642	ܘܠܘܬ ܨܒܝܢܐ ܕܕܚܠܬ ܐܠܗܐ ܡܥܒܪ ܐܢܐ ܬܪܥܝܬܐ܆
0643	ܡܣܬܒܪ ܐܢܐ ܐܝܟ ܡܐ ܕܫܪܥ ܐܢܐ܂ ܘܐܝܟ ܗ݀ܢܘܢ ܐܓܘ̈ܢܣܛܐ ܕܡܫܚܝܢ܇
0644	ܗ݀ܝ ܕܠܐ ܒܟܠ ܐܦܠ܇
0645	ܐܠܐ ܗ݀ܝ ܕܐܙܟܐ܂ ܐܠ݁ܦ ܡܢܟ ܡܠܦܢܐ ܕܕܚܠܬ ܐܠܗܐ ܘܣܗܕܐ܂ ܘܥܡ ܗܕܐ ܐܦ ܡܢ ܠܐ ܝܕܥܬܐ ܕܬܪ̈ܬܝܢ ܐܥܪܘܩ܂ ܕܐܡ݁ܪ ܓܝܪ ܘܗܕܐ ܙܒܢܐ ܗܘ܂
0646	ܥܗܝܕ ܐܢܐ ܕܒܣܘܪ̈ܓܕܐ ܕܝܠܝ܆
0647	ܕܡܢ ܬܪ̈ܝܢ ܟܝ̈ܢܝܢ ܐܝܬ ܒܗܘܢ܂ ܘܟܠܗ݀ ܗܕܐ ܕܝܠܝܬܐ ܕܡܬܒܪܢܫܢܘܬܐ ܕܡܠܬܐ ܪܐܙܐ ܗܝ܂ ܐܠܐ ܘܗ݀ܝ ܕܢܐܡܪ ܟܢܘܫܝܐ ܕܕܝ̈ܠܝܬܐ ܣܟܠܬܐ ܐܬܚܫ݂ܒܬ ܐܝܟ ܡ݁ܢ ܕܠܐ ܡܡܪܚ ܐܢܫ ܕܠܒܪܢܫܐ ܢܐܡܪ ܕܡܬܩܝܡ ܡܢ ܡܠܝܠܐ ܘܐܘܟܡܘܬܐ ܘܩ݁ܒܠܬ ܡܠܬܐ ܗܢܝܐܝܬ܂ ܘܠܡܪܕܘܬܐ ܐܒܗܝܬܐ ܩ݁ܠܣܬ܂ ܟܕ ܛܒ ܠܘ ܒܟܠ ܡܕܡ ܡܣܬܒܪ̈ܢ ܕܫ̈ܘܝܢ ܒ̈ܢܬ ܩ̈ܠܐ܂ ܡܠܝܠܬܐ ܓܝܪ ܡܡܠܝܬ ܐܘܣܝܐ ܐܝܟ ܚܕܐ ܐܝܬܝܗ݀܂ ܚܝܘܬܐ ܗܟܝܠ ܡܠܝܠܬܐ ܡܝܘܬܬܐ܂ ܘܐܢ ܐܢܫ ܢܪܝܡ ‍[‍102‍]‍ ܗ݀ܝ ܕܡܠܝܠܬܐ܆
0648	ܡܚܒܠ ܡܢ ܟܠܦܪܘܣ ܗ݀ܝ ܕܣܝܡܐ܂ ܐܘܟܡܘܬܐ ܕܝܢ ܠܘ ܒܩܢܘܡܐ ܐܠܐ ܫܘܕܥܐ ܕܗ݀ܘ ܕܣܝܡ ܐܝܬܝܗ݀܂ ܗ݀ܝ ܕܐܦ ܟܕ ܡܫܦܐ ܠܚܘܪܘܬܐ ܫܒ݂ܩܬ ܠܐܘܣܝܐ ܐܝܟ ܕܡܟܢܐ܂
0649	ܟܕ ܫ݁ܬܩ ܐܢܐ ܗܟܝܠ ܐܢܐ܆
0650	ܬܘܒ ܛܪܕ ܗܠܝܢ ܕܡܚܫܒܬܐ ܩܘܪܝܠܘܣ ܚܟܝܡܐ܇
0651	ܕܛܪܩܐܝܬ ܡ݁ܢ ܒܝܕ ܠܫܢܟܘܢ ܟܗܢܝܐ ܡܡܠܠ܂ ܠܐ ܕܝܢ ܥܕܟܝܠ ܠܝ ܙܥܘܪܐ ܡܬܝܕܥ܂ ܩܪܐ ܐܢܐ ܠܟܘܢ ܕܝܢ ܘܢܡܘܣܐ܂ ܕܒܕܝ̈ܠܝܬܐ ܐܢܫ̈ܝܬܐ ܬܘܒ܂ ܘܒܗܠܝܢ ܕܠܥܠ ܡܢ ܒܪܢܫܐ܆
0652	ܠܚܕ ܡܕܡ ܗ݀ܘ ܕܒܡܨܥܬܐ ܡܪܟܒ ܡܣܬܒܪ ܕܐܡ݁ܪ ܐܒܐ܆
0653	ܕܟܕ ܟܝ̈ܢܐ ܥܡ ܕܝ̈ܠܝܬܐ ܚܠܛ܂ ܚܕ ܡܢ ܟܠܕܘܟ ܡܠܬܐ ܕܡܒܣܪ ܐܝܬܘܗܝ܂ ܘܟܝܢܐ ܐܡ݁ܪ ܐܢܐ ܘܕܝܠܝܬܐ܂ ܘܗܕܐ ܒܕܕܐܢ ܐܢܐ ܐܢܐ ܠܐ ܦܣ݁ܩ ܐܢܐ܂ ܒܐܝܢܐ ܓܝܪ ܚܘܫܒܐ ܐܦ ܐܡܪܚ܂ ܬܘܒ ܡܨ݁ܠܐ ܐܢܐ܆
0654	ܕܐܦ ܒܗܕܐ ܝܕܥܬܐ܆
0655	ܡܢܟܘܢ ܪ̈ܘܪܒܐ ܐܫܬܡܠܐ܂
0656	ܡܢܐ ܕܝܢ ܡܟܝܠ ܚܣܝܪ ܠܝ ܒܐܓܪܬܐ ܠܘܬ ܡܪܫܘܬܟܘܢ ܐܒܗܝܬܐ ܥܡ ܣܗ̈ܕܐ ܕܫܪܪܐ ܐܦܘܩ ܒܪܘܚܐ܆
0657	ܕܠܘ ܡܢ ܫܠܝ ܐܡܪܚܬ ܕܐܡ݁ܪ ܐܠܗ̈ܝܬܐ܂ ܣ݁ܓܝ ܕܝܢ ܒܬܪܥܝܬܐ ܕܪܥܠܐ ܘܒܪܬ ܩܠܐ ܡܗܠܟ ܐܢܐ ܠܘܬ ܨܒܘܬܐ܂ ܘܗܕܐ ܥܬܝܩܬܐ ܒܪ̈ܒܘ ܐܡ݁ܪ ܐܢܐ ܐܢܐ܆
0658	ܕܩܛܝܢ ܒܪܬ ܩܠܐ ܐܝܬܝ ܘܝܩܝܪ ܠܫܢܐ܂ ܐܦܢ ܓܝܪ ܘܐܘܠܝܬܐ ܡܕܡ ܬܬܐܠܨ܆
0659	ܠܘܬ ܟܠܗܝܢ ܕܝܢ ܐܪ̈ܥܬܐ ܘܓܙܪ̈ܬܐ ܐܝܟ ܕܠܡܐܡܪ܆

0660	ܒܝܕ ܟܬܝܒܬܐ ܡܠܦܝܢ ܚܢܢ܂ ܘܠܘܬ ܡܩܕܘܢܝܐ ܒܡܠܬܐ ܐܬܝܢ ܚܢܢ܂ ܕܚܐܪܘܬܐ ܕܝܘ̈ܠܦܢܐ ܐܒܗ̈ܝܐ ܥܗܕܢܢ܂ ܒܗܠܝܢ ܬܬܒܥܐ ܕܐܝܬܐ ܡܬܟܬܒܢܐܝܬ ܪܐܙܐ ܡܢ ܒ̈ܢܬ ܩ̈ܠܝܟܘܢ ܡܢ ܟܠ ܦܪܘܣ ܓܪܦܬ܂ ܘܒܗܕܐ ܕܕܐܝܟ ܗܟܢܐ ܒܦܪܗܣܝܐ ܗ݀ܘܐ ܐܢܐ܂ ܒܪܡ ܕܝܢ ܦܓܘܕܬܟܘܢ ܪܘܚܢܝܬܐ ܒܟܠܗ ܠܫܢܐ ܡܩܒܠ ܐܢܐ܂ ܘܗܕܐ ܠܘ ܐܝܟ ܥܝܠܐ ܠܐ ܡܛܟܣܐ ܢܟ݂ܬ ܐܢܐ܂ ܘܠܒܪ ܡܢ ܣܪܛܐ ܕܦܐܐ ܥܒ݁ܕ ܐܢܐ ܕܗܛܐ܂ ܘܛܪ ܡܢ ܐܢܬ ܛܪ܆

0661	ܕܫܪܓܐ ܐܢܬ ‍[‍103‍]‍ ܕܐܝܣܪܝܠ ܐܝܟ ܕܘܝܕ܂ ܐܘ ܕܘܩܐ ܐܝܟ ܚܙܩܝܐܝܠ܂ ܘܠܐ ܣܓܝ ܬܚܝܬ ܡܘܕܝܐ ܬܛܫܐ܂ ܠܘܬ ܕܝܢ ܡܢܪܬܐ ܕܥܕܬܐ ܟܕ ܣ݁ܠܩ ܐܢܬ܆
0662	ܬܘܒ ܠܢ ܠܐܝܠܝܢ ܕܒܒܝܬܐ ܕܡܫܝܚܐ ܐܢܗܪ܂ ܐܝܟܢܐ ܕܟܕ ܬܘܒ ܠܘܬܟ ܬܪܥܝܬܐ ܡܬܚܝܢ ܚܢܢ܆
0663	ܣܒܪܐ ܛܒܐ ܢܓܕܫ ܠܢ܂
0664	ܗܠܝܢ ܡ݁ܢ ܠܟܗܢܐ ܕܐܠܗܐ܂ ܠܗ݀ܘ ܪܒܐ܂ ܐܢܐ ܕܝܢ ܐܝܩܪܐ ܕܥܡܠܐ ܕܝܠܝ ܐܝܟ ܕܣ݁ܒܪ ܐܢܐ܇
0665	ܐܝܠܝܢ ܕܐܦ ܥܡ̈ܠܐ ܐܩܪܐ ܡܬܟܚܕ ܐܢܐ ܡܛܠ ܫܝܛܘܬܐ܆
0666	ܡܢ ܟܠ ܣܒܪܐ ܡ݁ܢ ܒܣܪܢܝܐ ܡܓܗܝܢ ܠܬܪܥܝܬܐ܂ ܒܝܕ ܕܝܢ ܒܥܘ̈ܬܐ ܕܝܠܟܘܢ ܐܠܗ̈ܝܬܐ܆
0667	ܗܪܟܐ ܡ݁ܢ ܫܝܢܐ ܕܥܕܬܐ ܥܡܟܘܢ ܪ̈ܥܘܬܐ ܫܪ̈ܝܪܐ ܐܚܙܐ܂ ܠܗܠ ܕܝܢ ܥܡ ܦܪܗܣܝܐ ܕܟܝܬܐ ܐܙ݁ܠ܆
0668	ܕܥܡܟܘܢ ܕܡܢܬܐ ܕܝܡܝܢܐ ܐܗܘܐ܂
0669	܀
0670	ܫܠܡܬ ܐܓܪܬܐ ܕܬܪ̈ܬܝܢ ܕܣܪܓܝܣ ܓܪܡܛܝܩܣ܆
0671	ܠܘܬܗ ܕܦܛܪܝܪܟܐ ܡܪܝ ܣܐܘܪܐ܀
0672
0673
0674	܀
0675	ܬܘܒ ܕܝܠܗ ܕܦܛܪܝܪܟܐ ܣܐܘܪܐ܆
0676	ܐܓܪܬܐ ܕܬܪ̈ܬܝܢ ܨܐܕܘܗܝ ܕܣܪܓܝܣ ܓܪܡܛܝܩܘܣ܀
0677
0678	ܩ݁ܒܠܬ ܘܗܫܐ ܪܚܡܬ ܝܘܠܦܢܟ܇
0679	ܕܟܕ ܩܒܠܬ ܐܓܪܬܐ ܗ݀ܝ܇
0680	ܗ݀ܝ ܕܡܝܬܝܐ ܒܗ݀ ܒ̈ܢܬ ܩ̈ܠܐ ܕܟܬܒܐ ܢܦܝܚ ܡܢ ܐܠܗܐ܇
0681	ܘܕܚ̈ܣܝܐ ܡ̈ܠܦܝ ܪ̈ܐܙܐ ܕܥܕܬܐ ܩܕܝܫܬܐ ܕܦܣܩܘ ܬܪܝܨܐܝܬ ܡܠܬܐ ܕܫܪܪܐ܇
0682	ܝܕܥܬ ܡܢܗܝܢ ܕܙܕܩ ܠܗܠܝܢ ܕܠܘ ܗܓܝܢܐܝܬ ܡܘܕܝܢ ܗܝܡܢܘܬܐ܇
0683	ܕܢܕܥܘܢ ܘܢܐܡܪܘܢ ܕܝܠܝܬܐ ܗ݀ܝ ܕܐܝܟ ܕܡܫܘܕܥܘܬܐ ܟܝܢܝܬܐ ܕܟܝ̈ܢܐ ܕܡܢܗܘܢ ܐܝܬܘܗܝ ܗ݀ܘ ܚܕ ܘܒܠܚܘܕܘܗܝ ܡܫܝܚܐ܇
0684	ܕܐܠܗܘܬܐ ܐܡ݁ܪ ܐܢܐ ܘܕܐܢܫܘܬܐ܇
0685	ܚܕ ܦܪܨܘܦܐ ܚܕ ܩܢܘܡܐ܇
0686	ܚܕ ܟܝܢܐ ܗ݀ܘ ܕܝܠܗ ܕܡܠܬܐ܇
0687	ܝܕܝܥܐ ܕܝܢ ܕܡܒܣܪ܂ ܘܕܗ݀ܝ ܕܡܬܥܣܩܐ ܗܘܬ ܠܬܪܥܝܬܟ܆
0688	ܬܘܒ ܠܕܘܪܫܐ ܬܩ݁ܕܡ ܬܣܝܡ ܓܒܝܬ܂ ܘܠܐ ܐܬܚܡܨܬ ܬܚܡܨܬܐ ܗ݀ܝ ܕܡܝܬܝܐ ܚܛܝܬܐ܂ ܘܠܐ ܐܬܩܢܛܬ ‍[‍104‍]‍ ܩܢܛܐ ܗ݀ܘ ܕܡܝܬܐ ܠܐܒܕܢܐ܂ ܐܠܐ ܕܡܛܠ ܗܝܡܢܘܬܐ ܗ݀ܝ ܕܡܛܠ ܦܘܪܩܢܐ ܕܢܦܫܐ ܡܬܗܝܡܢܐ܂ ܬܘܒ ܝܕܥܬ ܠܡܫܐܠܘ܂ ܐܝܟܢܐ ܕܗܠܝܢ ܕܫܪܪܐ ܝܬܝܪ ܢܙܠܩܢ܂
0689	ܐܦ ܠܝ ܓܝܪ ܣܓܝ ܡܗܢܝܐ ܘܡܚܕܐ܇
0690	ܐܡܬܝ ܕܠܘܬ ܐܢܫ ܡܡܠܠ ܐܢܐ ܕܐܝܬ ܒܗ ܚܟܡܬܐ ܡܥܩܒܢܝܬܐ܇
0691	ܘܠܐ ܫܠܡܘܬܐ ܠܐ ܡܒܚܢܬܐ ܘܡܫܟܚܢܝܬܐ ܒܠܚܘܕ܇
0692	ܐܢ ܠܒܪ ܡܢ ܡܫܘܚܬܐ ܕܗܠܝܢ ܕܥܘܩܒܐ ܠܐ ܐܬܝ̈ܢ܂ ܕܡܫܘܚܬܐ ܕܝܢ ܕܒܟܠܡܕܡ ܛܪܩܬܐ ܐܝܬܝܗ݀܆
0693	ܐܦ ܡܠܬܐ ܗ݀ܝ ܕܠܒܪ ܪܕܝܐ܆
0694	ܘܢܡܘܣܐ ܕܕܚܠܬ ܐܠܗܐ ܡܬܚܡ܂ ܕܟܕ ܡܩ݁ܕܡ ܡܙܗܪ ܐܡ݁ܪ܂ ܕܠܐ ܬܪܝܡ ܬܚ̈ܘܡܐ ܕܠܥܠܡ ܗܠܝܢ ܕܣܡܘ ܐܒܗ̈ܝܟ܂ ܟܕ ܬܚܘ̈ܡܐ ܗܠܝܢ ܗܟܝܠ ܐܚܝܕܝܢܢ܆
0695	ܫܦܝܪܐ ܕܢܕܪܫ ܗ݀ܝ ܕܡܢܟ ܐܫܬܘܫܛܬ ܐܘ ܐܬܦܫܟܬ܂ ܕܦܪܙܠܐ ܓܝܪ ܠܦܪܙܠܐ ܠܛܫ܇
0696	ܗ݀ܝ ܕܐܝܟ ܐܢܫ ܢܐܡܪ ܟܕ ܢܬܠܛܫܘܢ ܣܘ̈ܟܠܐ܆
0697	ܕܡܕܡ ܕܝܬܝܪ ܩܛܝܢ ܘܝܬܝܪ ܚܪܝܦ ܡܘܠܕܝܢ܆
0698	ܬܘܒ ܟܬܒܐ ܩܕܝܫܐ ܐܠܦ܂
0699	ܟܕ ܗܟܝܠ ܚܟܝܡܐ ܩܘܪܝܠܘܣ܆