The Comprehensive Aramaic Lexicon

0800	ܕܪܗܛܘ ܘܐܬܘ ܐܟܚܕܐ ܠܚܕ܇
0801	ܟܕ ܟܝܢܐ ܐܠܗܝܐ ܘܐܢܫܝܐ܆
0802	ܠܐ ܡܬܡܠܠܢܐܝܬ ܘܠܐ ܡܬܦܫܩܢܐܝܬ ܘܐܝܟ ܕܠܝܬ ܠܡܣ݁ܬܟܠܘ܆
0803	ܠܚܕܝܘܬܐ ܐܬܪܟܒܘ܀
0804
0805	ܟܕ ܗܟܝܠ ܐܝܬ ܠܗ ܠܪܘܟܒܐ ܐܝܟܢܐ ܕܙܒ̈ܢܝܢ ܣ̈ܓܝܐܢ ܫܡܥܬ܂ ܗ݀ܝ ܕܠܗܠ ܡܢ ܡܠܬܐ ܘܕܠܐ ܡܬܡܠܠܐ܂ ܠܡܢܐ ܪܗ݀ܛ ܐܢܬ ܠܘܬ ܡܘܙܓܐ ܘܒܘܠܒܠܐ ܕܚܘܣܪܢܐ܂ ܘܝܗ݀ܒ ܐܢܬ ܠܗ ܕܓܠܝܐܝܬ ܗ݀ܝ ܕܠܐ ܡܬܡܠܠܐ܂ ܐܢ ܓܝܪ ܚܕܝܘܬܐ ܐܠܗܝܬܐ ܕܡܬܒܪܢܫܢܘܬܐ ܘܡܬܒܣܪܢܘܬܐ܇
0806	ܗ݂ܝ ܟܕ ܗ݂ܝ ܚܫ݂ܬ ܠܓܘ̈ܫܡܐ ܕܡܬܡܙܓܝܢ܇
0807	ܘܬܪ̈ܝܗܘܢ ܗܠܝܢ ܕܡܢܗܘܢ ܗ݀ܘ ܚܕ ܡܫܝܚܐ ܐܝܬܘܗܝ ܠܐ ‍[‍109‍]‍ ܡܣܬܕܩܢܐܝܬ܇
0808	ܐܘ ܚܕ ܡܢ ܗܠܝܢ܇
0809	ܡܢ ܡܫܘܕܥܘܬܐ ܟܝܢܝܬܐ ܕܝܠܗ ܐܣܛܝ܇
0810	ܘܦܫ ܡܢ ܕܢܗܘܐ ܐܝܬܘܗܝ ܗ݀ܘ ܡ݁ܢ ܕܐܝܬܘܗܝ ܗܘܐ܆
0811	ܡܢܐ ܗܝ ܗ݀ܝ ܕܫܒܝܚܐ ܡܟܝܠ ܘܠܐ ܡܬܡܠܠܢܐ܆
0812	ܠܐ ܚ݁ܙܐ ܐܢܐ܂
0813	ܘܪܒܐ ܕܝܢ ܐܬܢܣܝܘܣ܇
0814	ܗ݀ܘ ܕܢܡܘܣܐ ܕܫܘܒܚܐ ܬܪܝܨܐ ܐܢ ܢܐܡܪ܇
0815	ܐܝܟ ܕܐܡ݂ܪ ܓܪܝܓܪܝܘܣ ܡܡܠܠ ܐܠܗ̈ܝܬܐ܇
0816	ܠܐ ܦܐܕ ܡܢ ܗ݀ܝ ܕܦܐܝܐ܆
0817	ܒܡܐܡܪܐ ܗ݀ܘ ܕܡܛܠ ܗܝܡܢܘܬܐ܆
0818	ܪܘܟܒܐ ܡܫܡܗ ܠܡܬܒܣܪܢܘܬܐ ܟܕ ܡܚܘܐ ܠܗ݀ ܠܐ ܡܬܡܠܠܢܝܬܐ ܕܒܫܪܪܐ܆
0819	ܒܝܕ ܕܟ݁ܠܐ ܗ݀ܝ ܕܠܐ ܡܫܘܚܬܐ ܘܥܘܩܒܐ܂ ܟܬ݂ܒ ܓܝܪ ܗܟܢܐ܂ ܀
0820	ܐܬܢܣܝܘܣ܀
0821	ܘܐܬܘ ܡܢ ܗ݀ܝ ܕܐܝܟܢܐ ܘܒܐܝܢܐ ܙܢܐ ܘܒܐܝܕܐ ܢܩܝܦܘܬܐ܆
0822	ܠܠܐ ܗܝܡܢܘܬܐ ܐܦ ܗܠܝܢ܂ ܘܥܡܘܪܝܐ ܚܠܦ ܡܬܒܣܪܢܘܬܐ ܥܬܕܘ܆
0823	ܘܚܠܦ ܚܕܝܘܬܐ ܘܪܘܟܒܐ܆
0824	ܡܥܒܕܢܘܬܐ ܐܢܫܝܬܐ܂ ܘܚܠܦ ܚܕ ܩܢܘܡܐ ܕܡܪܢ ܝܫܘܥ ܡܫܝܚܐ܆
0825	ܬܪ̈ܝܢ ܩ̈ܢܘܡܝܢ ܘܦܪ̈ܨܘܦܐ܂ ܘܚܠܦ ܬܠܝܬܝܘܬܐ ܩܕܝܫܬܐ܆
0826	ܪܒܝܥܝܘܬܐ ܠܐ ܦܐܝܐܝܬ ܘܠܒܪ ܡܢ ܢܡܘܣܐ ܐܬܪܥܝܘ܂ ܠܐ ܦܐܝܐܝܬ ܡ݁ܢ܆
0827	ܕܥܡ ܐܠܗܐ ܚܠܛܝܢ ܒܪܢܫܐ܆
0828	ܘܥ݂ܒܕܐ ܡܢܝܢ ܥܡ ܡܪܐ܆
0829	ܘܦܪܨܘܦܐ ܒܪܝܐ ܥܡ ܦܪܨܘܦܐ ܒܪ̈ܝܐ ܐܟܚܕܐ ܣܝܡܝܢ܂ ܠܒܪ ܡܢ ܢܡܘܣܐ ܕܝܢ܆
0830	ܕܠܚܕ ܩܢܘܡܐ ܬܪ̈ܝܢ ܥܒܕܝܢ܂ ܟܕ ܡܥܠܝܢ ܠܬܠܝܬܝܘܬܐ ܩܢܘܡܐ ܪܒܝܥܝܐ܇
0831	ܕܐܟܣܢܝ ܒܟܠ ܡܕܡ ܘܕܫܪܒܬܐ ܐܚܪܬܐ܂ ܘܐܚܪܝܐ ܘܒܨܝܪܐ ܕܟܠܗܝܢ ܪ̈ܘܚܐ ܡ̈ܠܝܠܬܐ܀
0832
0833	ܠܗܠܝܢ ܗܟܝܠ܆
0834	ܐܝܟܢܐ ܐܝܬܝܗܝܢ ܕܕܡܝܢ ܗܠܝܢ ܕܢܣܛܘܪܝܘܣ܂ ܗܠܝܢ ܓܝܪ ܕܠܡܠܬܐ ܐܠܗܐ ܫܒܚܘ ܕܩܒ݁ܠ ܪܘܟܒܐ ܕܝܠܢ܇
0835	ܘܐܫܬܘܬܦ ܐܟܘܬܢ ܒܕܡܐ ܘܒܒܣܪܐ܂ ܠܘ ܐܝܟ ܢܣܛܘܪܝܘܣ ܐܡܪܝܢ܇
0836	ܕܠܘܩܕܡ ܐܬܓܒܠ ܥܘܠܐ ܒܡܪܒܥܐ܇
0837	ܘܗܟܢܐ ܒܚܘܒܐ ܕܪܚܡܘܬܐ ܘܒܪܚܡܘܬܐ ‍[‍110‍]‍ ܥܡܪ ܐܚܐܝܬ܂ ܘܝܗܒ ܟܘܢܝܐ ܘܐܝܩܪܐ ܕܒܪܐ ܘܫܘܝܘܬܐ ܕܫܘܝܘܬ ܫܡܐ܂ ܘܚ݂ܙܝ ܐܝܟܢܐ ܩܘܪܝܠܘܣ ܚܟܝܡܐ ܡܝܬܐ ܠܕܝܕܘܪܘܣ ܕܗܕܐ ܐܡ݁ܪ܂ ܀
0838	ܕܝܕܘܪܘܣ܀
0839	ܟܕ ܐܝܬܘܗܝ ܗܘܐ ܕܡܪܝܡ ܒܣܪܐ ܗ݀ܘ܆
0840	ܐܡܬܝ ܕܥܕܟܝܠ ܠܐ ܐܫܬܩܠ ܗܘܐ܆
0841	ܡܢ ܐܪܥܐ ܐܝܬܘܗܝ ܗܘܐ܆
0842	ܘܠܐ ܡܫܚܠܦ ܗܘܐ ܡܕܡ ܡܢ ܒܣܪ̈ܐ ܐܚܪ̈ܢܐ܂ ܐܟܙܢܐ ܓܝܪ ܕܠܘܝ ܐܬܥܣܪ ܒܚܨܐ܇
0843	ܟܕ ܐܬܝܠܕ ܕܝܢ ܫܩ݂ܠ ܐܝܩܪܐ܆
0844	ܗܟܢܐ ܘܡܪܢ ܟܕ ܒܟܪܣܐ ܕܒܬܘܠܬܐ ܐܝܬܘܗܝ ܗܘܐ܇
0845	ܘܕܗ݂ܝ ܐܘܣܝܐ܆
0846	ܠܝܬ ܗܘܐ ܠܗ ܐܝܩܪܐ ܕܒܪܘܬܐ܂ ܟܕ ܕܝܢ ܐܨ݁ܛܠܡ ܘܢܘܣܐ ܠܡܠܬܐ ܐܠܗܐ ܗ݂ܘܐ܇
0847	ܕܩܒ݁ܠ ܠܝܚܝܕܝܐ܆
0848	ܫܩ݂ܠ ܐܝܩܪܐ ܕܫܡܐ܆
0849	ܘܐܫܬܘܬܦ ܘܒܗ ܒܐܝܩܪܐ܀
0850	ܠܘܬ ܗܠܝܢ ܐܦ ܟܕ ܡܟܣ ܠܗ ܗ݀ܘ ܝܕܘܥܬܢܐ ܘܚܟܝܡ ܒܪܘܚ ܐܡ݁ܪ܂ ܀
0851	ܩܘܪܝܠܘܣ܀
0852	ܐܘ ܡܝܬܪܐ ܐܡ݁ܪ ܐܢܐ܆
0853	ܕܒ̈ܢܬ ܩ̈ܠܐ ܓܣ݁ܐ ܐܢܬ ܠܢ ܠܐ ܝܠܝ̈ܦܬܐ܆
0854	ܘܕܣ݁ܓܝ ܟܪ̈ܝܗܢ ܒܫܟܝܪܘܬܐ܂ ܗ݂ܘܐ ܓܝܪ ܡܢ ܡܪܝܡ ܓܘܫܡܐ ܩܕܝܫܐ܂ ܐܠܐ ܗܟܝܠ ܒܫܘܪ̈ܝܐ ܩ̈ܕܡܝܐ ܕܩܒܥܐ ܐܘ ܕܩܘܝܡܐ ܕܡܪܒܥܐ܆
0855	ܩܕܝܫܐ ܐܝܬܘܗܝ ܗܘܐ܆
0856	ܐܝܟ ܓܘܫܡܐ ܕܡܫܝܚܐ܆
0857	ܘܙܒܢܐ ܘܠܐ ܚܕ ܚ݁ܙܐ ܐܢܫ܂ ܕܒܗ ܡ݁ܢ ܠܝܬܘܗܝ ܗܘܐ ܕܝܠܗ܇
0858	ܕܓܘܐ ܕܝܢ ܡܠܘܢ ܐܝܟ ܕܐܡܪܬ ܘܒܫܘܝܘܬܐ ܕܒܣܪ̈ܐ ܐܚܪ̈ܢܐ܀
0859
0860	ܐܝܟܢܐ ܗܟܝܠ ܠܘ ܠܒܪ ܡܢ ܫܪܪܐ ܪܡ݁ܝܢܢ܇
0861	ܕܢܩܝܦܘܬܐ ܕܒܐܝܩܪܐ ܗ݀ܝ ܐܚܢܝܬܐ܇
0862	ܘܡܥܡܪܐ ܘܫܘܝܘܬ ܫܡܐ ܕܒܪܘܬܐ ܡܦܚܡܝܢܢ ܠܚܕܝܘܬܐ ܩܢܘܡܝܬܐ܂ ܘܟܕ ܕܠܩܘܒܠܐ ܕܐܒ̈ܗܬܐ ܩ̈ܕܝܫܐ ܘܡ̈ܡܠܠܝ ܐܠܗܐܝܬ ܐܡܪܝܢܢ܇

0863	ܠܡܬܒܣܪܢܘܬܐ ܡ݁ܢ ܥܡܘܪܝܐ ܩ݁ܪܝܢܢ܇

0864	ܠܪܘܟܒܐ ܕܝܢ ܡܥܒܕܢܘܬܐ ܐܢܫܝܬܐ܇
0865	ܗ݀ܝ ܕܗ݀ܘܝܐ ܠܒܪܢܫܐ ܠܒܝܫ ܠܐܠܗܐ܇
0866	ܕܡܬܬܥܒܕ ܘܫܘܬܦܘܬܐ ܐܠܗܝܬܐ ܡܢ ܡܦܘܚܝܬܐ ܕܪܘܚܐ ܥܬܪ܂ ܠܘܬ ܡ݁ܢ ܓܝܪ ܢܩܝܦܘܬܐ ܕܐܚܝܢܘܬܐ܇
0867	ܠܥܘܠܐ ܟܕ ܡܢܗ ܘܠܗ ܡܬܩܝܡ܆
0868	ܦܪܨܘܦܐ ‍[‍111‍]‍ ܕܝܠܗ ܘܩܢܘܡܐ ܐܝܬ ܠܗ܆
0869	ܘܒܗ݀ ܒܕܡܘܬܐ ܡܠܬܐ ܗ݀ܘ ܕܥܡ݂ܪ ܒܗ܆
0870	ܒܩܢܘܡܐ ܘܒܦܪܨܘܦܐ ܕܝܠܗ ܡܬܚܙܐ܂ ܘܚܕܝܘܬܐ ܐܚܝܢܝܬܐ ܕܬܪ̈ܝܢ ܦܪ̈ܨܘܦܐ ܗ݀ܘܝܐ܇
0871	ܕܒܫܘܝܘܬ ܫܡܐ ܡܬܐܣܪܐ ܒܠܚܘܕ ܘܒܐܝܩܪܐ ܕܒܪܘܬܐ܂ ܠܘܬ ܕܝܢ ܚܕܝܘܬܐ ܩܢܘܡܝܬܐ܇
0872	ܘܪܘܟܒܐ ܟܝܢܝܐ ܐܟܚܕܐ ܘܕܦܐܐ ܠܐܠܗܐ܆
0873	ܡܛܠ ܕܒܗ݀ ܒܚܕܝܘܬܐ ܕܠܘܬ ܡܠܬܐ ܗ݂ܘܐ ܠܗ ܝ݁ܬܐ܆
0874	ܠܒܣܪܐ ܕܡܢܦܫ ܝܕܘܥܬܢܐܝܬ܇
0875	ܗ݀ܘ ܕܐܬܢܣܒ ܡܢ ܪܘܚܐ ܩܕܝܫܐ܇
0876	ܘܡܢ ܡܪܝܡ ܝܠܕܬ ܐܠܗܐ ܘܒܬܘܠܬ ܒܟܠܙܒܢ܇
0877	ܘܠܐ ܐܬܩܝ݁ܡ ܡܢܗ ܘܠܗ ܡܢ ܩܕܡ ܚܕܝܘܬܐ ܕܠܘܬ ܡܠܬܐ܆
0878	ܗ݂ܘ ܡܠܬܐ ܠܐ ܡܫܬܚܠܦܢܐܝܬ ܘܠܐ ܡܬܗܦܟܢܐܝܬ ܡܬܗܝܡܢ܇
0879	ܕܗ݂ܘܐ ܥܘ݂ܠܐ܆
0880	ܟܕ ܩ݁ܘܝ ܗ݀ܘ ܡ݁ܢ ܕܐܝܬ ܗܘܐ܂ ܘܠܐ ܠܗ݀ܘ ܡ݁ܢ ܕܫܩ݂ܠ ܗܦ݂ܟ ܐܘ ܫܚ݁ܠܦ܂ ܘܠܬܪܒܝܬܐ ܕܒܩܠܝܠ ܩܠܝܠ ܘܡܦܩܐ ܘܠܒܛܢܐ ܡܫܡܠܝܐ ܐܬܥܢ݂ܝ܂ ܘܗܟܢܐ ܫܒܝܚܐܝܬ ܐܬܝܠܕ ܡܢ ܒܬܘܠܬܐ ܩܕܝܫܬܐ܇
0881	ܕܩܘܝܬ ܐܦ ܒܬܪ ܝܠܕܐ ܒܬܘܠܬܐ܇
0882	ܘܒܐܡ̈ܗܬܐ ܐܬܡܢܝܬ܇
0883	ܘܠܐ ܢܦܠ݂ܬ ܡܢ ܫܘܒܗܪܐ ܕܒܬܘܠܘܬܐ܂ ܗ݀ܪܟܐ ܓܝܪ ܐܝܟܢܐ ܐܢܫ ܢܡܪܚ ܕܬܪ̈ܝܢ ܟܝܢ̈ܝܢ ܐܘ ܬܪ̈ܝܢ ܩܢܘ̈ܡܝܢ ܢܐܡܪ܇
0884	ܠܗ݀ܘ ܕܡܢ ܬܪ̈ܝܢ ܫܒܝܚܐܝܬ ܚܕ ܡܫܝܚܐ ܐܫܬܡܠܝ܂ ܙܒܢܐ ܓܝܪ ܘܠܐ ܚܕ ܢܚܙܐ ܡܢ ܟܕ ܐܓܢ ܡܠܬܐ ܒܒܬܘܠܬܐ ܐܝܟ ܒܪܬ ܩܠܐ ܕܐܘܢܓܠܝܘܢ܂ ܕܒܗ ܠܝܬܘܗܝ ܗܘܐ ܕܝܠܗ܇
0885	ܦܓܪܐ ܗ݀ܘ ܕܐܬܚܝܕ ܠܗ܇
0886	ܕܢܦܫܐ ܐܝܬ ܠܗ ܡܠܝܠܬܐ܂
0887	ܡܛܠ ܗܕܐ ܓܝܪ ܘܚܟܝܡ ܒܗܠܝܢ ܐܠܗ̈ܝܬܐ ܐܬܢܣܝܘܣ܆
0888	ܚܕ ܐܡܪ ܕܐܝܬܘܗܝ ܟܝܢܐ ܕܡܠܬܐ ܕܡܒܣܪ܆
0889	ܐܝܟܢܐ ܕܒܝܕ ܗܕܐ ܒܪܬ ܩܠܐ ܙܗܝܪܬ ܡܢ ܟܠ܆
0890	ܠܐ ܡܬܦܣܩܢܘܬܐ ܕܚܕܝܘܬܐ ܢ݁ܕܥ܂ ܗ݂ܘ ܓܝܪ ܡܠܬܐ ܕܝ݁ܬܐ ܐܝܬ ܠܗ ܩܕܡ ܥܠܡ̈ܐ܃ ܘܐܟܚܕܐ ܥܡ ܐܒܐ ܠܥܠܡ ܐܝܬܘܗܝ܇
0891	ܘܒܩܢܘܡܐ ܕܝܠܗ ܡܬܚܙܐ܇
0892	ܘܦܫܝܛܐ ܐܝܬܘܗܝ ܒܐܘܣܝܐ܆
0893	ܡܪܟܒܐ ܗ݂ܘܐ ܒܡܕܒܪܢܘܬܐ܂ ܘܡܠܬܐ ܗ݀ܝ ܕܐܬܒܣܪ ܝܗܒܐ ܕܢܣ݁ܬܟܠ܆
0894	ܕܠܘܬܗ ܕܡܠܬܐ ܐܬܩܝܡ ܒܣܪܐ ܗ݀ܘ ܕܡܢܦܫ ܝܕܘܥܬܢܐܝܬ܆
0895	ܘܠܘ ܡܢܗ ܘܠܗ ܒܩܢܘܡܐ ܕܝܠܗ ‍[‍112‍]‍ ܐܫܬܡܠܝ܂ ܗܟܢܐ ܓܝܪ ܒܡܐܡܪܐ ܦܪܘܣܦܢܛܝܩܘܢ ܕܠܘܬ ܕܚ݁ܠ ܠܐܠܗܐ ܬܐܕܘܣܝܣ ܡ݁ܠܟܐ܇
0896	ܐܡ݁ܪ ܚܟܝܡ ܒܟܠ ܩܘܪܝܠܘܣ܂ ܀
0897	ܩܘܪܝܠܘܣ܀
0898	ܟܕ ܡܢ ܟܠܕܘܟ ܗܟܝܠ ܐܪܐ ܡܬܕܚܝܢܢ ܠܘܬ ܫܪܪܐ܆
0899	ܒܕܘܪܟܬܐ ܗ݀ܝ ܕܫܦܪܐ ܠܟ̈ܬܒܐ ܐܠܗ̈ܝܐ ܢܕܪܘܟ܂ ܟܕ ܣ݁ܓܝ ܫܦܝܪ ܝܨܝܦܝܢܢ܂ ܘܟܕ ܢܩܦܝܢܢ ܠܬܫܒ̈ܚܬܐ ܕܐܒܗ̈ܬܐ ܠܗ݀ܘ ܕܡܢ ܥܩܪܐ ܕܐܝܫܝ܇