The Comprehensive Aramaic Lexicon

0900	ܠܗ݀ܘ ܕܡܢ ܙܪܥܐ ܕܕܘܝܕ܇
0901	ܠܗ݀ܘ ܕܡܢ ܐܢܬܬܐ ܒܒܣܪ܇
0902	ܠܗ݀ܘ ܕܬܚܝܬ ܢܡܘܣܐ ܥܡܢ ܐܝܟ ܒܪܢܫܐ܇
0903	ܘܠܥܠ ܡܢܢ ܠܥܠ ܡܢ ܢܡܘܣܐ ܐܝܟ ܐܠܗܐ܇
0904	ܠܗ݀ܘ ܕܡܛܠܬܢ ܘܥܡܢ ܒܡܝ̈ܬܐ܇
0905	ܠܗ݀ܘ ܕܠܥܠ ܡܢܢ ܡܛܠܬܗ ܡܥܒܕ ܚܝ̈ܐ ܘܚܝ̈ܐ܆
0906	ܕܒܪܐ ܐܝܬܘܗܝ ܕܐܠܗܐ ܒܫܪܪܐ ܡܗܝܡܢܝܢܢ܂ ܘܠܐ ܠܐܢܫܘܬܐ ܫܚܝܡܬ ܡܢ ܐܠܗܘܬܐ ܥܒܕܝܢ ܚܢܢ܆
0907	ܘܠܐ ܠܡܠܬܐ ܡܢ ܐܢܫܘܬܐ ܡܫ݁ܠܚܝܢܢ܇
0908	ܒܬܪ ܚܕܝܘܬܐ ܠܐ ܡܬܡܠܠܢܝܬܐ ܘܠܐ ܡܬܦܫܩܢܝܬܐ܂ ܐܠܐ ܚܕ ܘܗ݂ܘ ܟܕ ܗ݂ܘ ܒܪܐ ܡܘܕܝܢܢ܆
0909	ܕܡܢ ܬܪ̈ܝܢ ܣܘܥܪ̈ܢܝܢ ܚܕ ܡܕܡ܆
0910	ܗ݀ܘ ܕܡܢ ܬܪ̈ܝܢ ܠܐ ܡܬܐܡܪܢܐܝܬ ܐܬܚܙܝ܂ ܝܕܝܥܐ ܕܝܢ ܕܒܚܕܝܘܬܐ ܗ݀ܝ ܕܠܥܠ ܡܢ ܟܠ܆
0911	ܘܠܘ ܒܫܘܚܠܦܐ ܕܟܝܢܐ܀
0912	ܘܠܥܠ ܬܘܒ ܒܗ ܒܡܐܡܪܐ ܒܙܢܐ ܕܕܡ݁ܐ ܐܡ݁ܪ ܀
0913	ܩܘܪܝܠܘܣ܀
0914	ܗ݀ܘ ܓܝܪ ܕܥܡ ܗ݀ܘ ܕܝܠܕܗ ܡܢ ܥܠܡ ܐܝܬܘܗܝ܇
0915	ܘܡܢ ܩܕܡ ܟܠ ܥܠܡܝܢ ܒܪܐ܆
0916	ܡܛܠ ܕܢܚܬ ܠܟܝܢܐ ܕܒܪ ܐܢܫܐ܆
0917	ܠܘ ܕܫ݂ܪܥ ܡܢ ܗ݀ܝ ܕܢܗܘܐ ܐܝܬܘܗܝ ܐܠܗܐ܆
0918	ܫܩ݂ܠ ܕܝܢ ܐܢܫܘܬܐ܆
0919	ܙܕܩܐܝܬ ܡܣ݂ܬܟܠ ܕܗ݂ܘܐ ܐܦ ܡܢ ܙܪܥܐ ܕܕܘܝܕ܆
0920	ܘܝܠܕܗ ܕܛܠܐ ܐܝܬ ܠܗ ܗ݀ܘ ܕܒܐܢܫܘܬܗ܇
0921	ܐܝܬܘܗܝ ܕܝܢ ܗ݀ܘ ܕܐܬܢ݂ܣܒ ܠܘ ܢܘܟܪܝܐ ܠܗ܂ ܐܠܐ ܕܝܠܗ ܒܫܪܪܐ܆
0922	ܒܕܓܘܢ ܐܟܚܕ ܚܫܝܒ ܠܘܬܗ܃ ܐܝܟ ܡܐ ܕܐܦ ܪܘܟܒܐ ܕܒܪܢܫܐ ܚ݁ܙܐ ܐܢܫ܂ ܡܥܪܙܠ ܡ݁ܢ ܓܝܪ ܡܢ ܗܠܝܢ ܕܠܐ ܕܡ̈ܝܢ ܒܟܝܢܐ܂ ܢܦܫܐ ܐܡ݁ܪ ܐܢܐ ܘܦܓܪܐ܂ ܐܠܐ ܗܟܝܠ ܚܕ ܒܪ ܐܢܫܐ ܡܣܬܟܠ ܗ݀ܘ ܕܡܢ ܬܪ̈ܝܢ܀
0923
0924	‍[‍113‍]‍ ܡܛܠ ܕܝܢ ܕܡܠܬܐ ܕܡܘܙܓܐ ܠܥܠ ܘܠܬܚܬ ܡܣܪܚ ܐܢܬ܇
0925	ܐܝܟ ܡ݁ܢ ܕܐܡܝܪܐ ܠܓܪܝܓܘܪܝܘܣ ܡܡܠܠ ܐܠܗ̈ܝܬܐ܆
0926	ܕܥ ܕܐܦ ܗ݂ܘ ܟܕ ܒ݁ܥܐ ܕܢܩܝܡ ܚܕܝܘܬܐ ܪܝܫܝܬܐ ܐܬܚܫܚ ܒܡܠܬܐ܆
0927	ܟܕ ܡܢ ܩܢܕܝܢܘܣ ܕܚܒܘܟܝܐ ܐܘ ܕܚܘܠܛܢܐ ܠܓܡܪ ܠܐ ܕܚ݁ܠ܇
0928	ܗ݀ܘ ܕܡܥܕ ܓܕܫ ܠܘܬ ܓܘ̈ܫܡܐ ܪ̈ܛܝܒܐ ܘܐܫ̈ܝܕܐ܂ ܕܡܕܡ ܡܢ ܗܠܝܢ ܠܐ ܓܕܫ ܠܟܝܢܐ ܕܐܠܗܘܬܐ܇
0929	ܟܡܐ ܕܡܩܘܐ ܐܠܗܐ܂ ܡܩܘܐ ܕܝܢ ܟܠܫܥ܆

0930	ܘܫܘܚܠܦܐ ܢܚ݂ܫ ܠܐ ܡܬܥܢܐ܂ ܘܫܡ݂ܥ ܐܦ ܒܗܕܐ ܠܒܪܬ ܩܠܐ ܡܠܦܢܝܬܐ ܕܩܕܝܫܐ ܩܘܪܝܠܘܣ܂ ܕܒܛܘܡܣܐ ܩܕܡܝܐ ܕܠܘܩܒܠ ܓܘ̈ܕܦܘܗܝ ܕܢܣܛܘܪܝܘܣ ܫ݁ܩܠܐ ܗܟܢܐ܂ ܀

0931	ܩܘܪܝܠܘܣ܀
0932	ܫܡܐ ܓܝܪ ܕܡܘܙܓܐ ܣܡܘ ܐܦ ܐܢܫ̈ܝܢ ܡܢ ܐܒܗ̈ܬܐ ܩ̈ܕܝܫܐ܂ ܡܛܠ ܕܝܢ ܕܐܡ݁ܪ ܐܢܬ ܕܕܚ݁ܠ ܐܢܬ ܕܠܐ ܢܣ݂ܬܒܪ ܕܒܘܠܒܠܐ ܡܕܡ ܓܕ݁ܫ܇
0933	ܐܝܟ ܡܐ ܕܒܛܟܣܐ ܕܪ̈ܛܝܒܐ ܕܡܬܡܙܓܝܢ ܥܡ ܚ̈ܕܕܐ܆
0934	ܡܦܨܐ ܐܢܐ ܠܟ ܡܢ ܕܚܠܬܐ܂ ܠܘ ܓܝܪ ܗܟܢܐ ܐܬܪܥܝܘ܂ ܡܢ ܐܝܟܐ܂ ܡܬܚܫܚܝܢ ܕܝܢ ܒܡܠܬܐ܆
0935	ܟܕ ܐܝܬ ܠܗܘܢ ܫܩ݂ܠ ܛܥܢܐ ܕܢܘܕܥܘܢ ܚܕܝܘܬܐ ܪܝܫܝܬܐ܇
0936	ܕܗܠܝܢ ܕܐܟܚܕܐ ܐܬܘ܂ ܕܐܬܚܝܕܘ ܕܝܢ ܐܡܪܝܢܢ ܒܚܕܝܘܬܐ ܕܠܐ ܡܣܬܕܩܐ܆
0937	ܘܐܝܬ ܠܗ ܠܐ ܡܫܬܚܠܦܢܐܝܬ ܒܣܪܐ ܕܝܠܗ ܠܡܠܬܐ ܕܡܢ ܐܠܗܐ܂ ܡܫܟܚܝܢܢ ܕܝܢ ܐܦ ܠܗ ܠܟܬܒܐ ܐܠܗܝܐ ܢܦܝܚ ܡܢ ܐܠܗܐ܆
0938	ܕܠܘ ܣ݁ܓܝ ܡܥܩܒ ܠܡܠܬܐ܂ ܣܐܡ ܠܗ݀ ܕܝܢ ܡܠܘܢ ܐܝܟ ܕܒܚܫܚܬܐ ܘܫܚܝܡܐܝܬ܂ ܟܬ݂ܒ ܗܟܝܠ ܦܘܠܘܣ ܡܡܠܠ ܐܠܗ̈ܝܬܐ ܡܛܠ ܐܢܫ̈ܝܢ܆
0939	ܐܠܐ ܠܐ ܐܘܬܪܬ ܐܢܘܢ ܡܠܬܐ ܕܫܡܥܐ܇
0940	ܠܗ݀ܢܘܢ ܕܠܐ ܡܙܝܓܝܢ ܗܘܘ ܒܗܝܡܢܘܬܐ ܥܡ ܗ݀ܢܘܢ ܕܫܡܥܘ܂ ܐܪܐ ܓܝܪ ܥܬܝܕܝܢ ܗܘܘ ܕܒܙܢܐ ܫܘܝܐ ܢܬܡܙܓܘܢ ܥܡ ܚ̈ܕܕܐ܇
0941	ܐܝܟ ܡܐ ܕܐܦ ܚܡܪܐ ܒܡܝ̈ܐ܇
0942	ܘܒܘܠܒܠܐ ܡܕܡ ܕܩ̈ܢܘܡܐ ܕܒܚ̈ܕܕܐ ܢܚܫܘܢ܇
0943	ܗܠܝܢ ܕܡܛܠܬܗܘܢ ܡܠܬܐ܆
0944	ܐܘ ܡܠܘܢ ‍[‍114‍]‍ ܕܢܬܚܝܕܘܢ ܒܢܦܫܐ܇
0945	ܐܝܟ ܗ݀ܝ ܕܟܬܝܒܐ ܒܦܪܟܣܝܣ ܕܫ̈ܠܝܚܐ ܩ̈ܕܝܫܐ܇
0946	ܕܕܥܡܐ ܕܗ݀ܢܘܢ ܕܗܝܡܢܘ܇
0947	ܐܝܬܘܗܝ ܗܘܐ ܠܒܐ ܘܢܦܫܐ ܚܕܐ܂ ܐܠܐ ܡܣܒܪ ܐܢܐ ܕܗܕܐ ܐܝܬܝܗ݀ ܫܪܪܐ ܘܠܘ ܗ݀ܝ܂ ܠܒܪ ܡܢ ܕܚ̈ܠܐ ܗܟܝܠ ܕܥܠ ܗܠܝܢ ܗܘ݂ܝ܆
0948	ܙܗܝܪܐ ܗܘ ܓܝܪ ܣ݁ܓܝ ܗܘܢܐ ܕܩ̈ܕܝܫܐ܀
0949
0950	ܘܓܪܝܓܪܝܘܣ ܕܝܢ ܡܡܠܠ ܐܠܗ̈ܝܬܐ܆
0951	ܒܡܐܡܪܐ ܡ݁ܢ ܗ݀ܘ ܕܥܠ ܒܝܬ ܕܢܚܐ܇
0952	ܟܕ ܒܥ݁ܐ ܕܢܩܝܡ܇
0953	ܡܥܠܝܘܬܐ ܕܚܕܝܘܬܐ ܕܠܥܠ ܡܢ ܟܝܢܐ ܐܝܟ ܕܗܫܐ ܫܡ݂ܥܬ ܐܡ݂ܪ܂ ܀
0954	ܓܪܝܓܪܝܘܣ܀
0955	ܢܦ݂ܩ ܕܝܢ ܐܠܗܐ ܥܡ ܢܣܝܒܘܬܐ܆
0956	ܚܕ ܡܢ ܬܪ̈ܬܝܢ ܕܠܩܘܒܠܐ܂ ܒܣܪܐ ܘܪܘܚܐ܂ ܘܡܢܗܘܢ ܗܢܐ ܡ݁ܢ ܐܠܗ܂ ܗܢܐ ܕܝܢ ܐܬܐܠܗ܂ ܐܘ ܠܚܘܠܛܢܐ ܚܕܬܐ܂ ܐܘ ܠܡܘܙܓܐ ܫܒܝܚܐ܂ ܗ݀ܘ ܕܐܝܬܘܗܝ ܗ݀ܘܐ܂ ܘܒܪܘܝܐ ܡܬܒܪܐ܂ ܘܗ݀ܘ ܠܐ ܡܬܥܪܝܢܐ ܡܬܥܪܐ܂ ܒܝܕ ܢܦܫܐ ܡܨܥܝܬܐ܇
0957	ܕܡܡܨܥܐ ܠܐܠܗܘܬܐ ܘܠܥܒܝܘܬܐ ܕܒܣܪܐ܀
0958	ܒܡܐܡܪܐ ܕܝܢ ܩܕܡܝܐ ܕܡܛܠ ܒܪܐ܇
0959	ܟܕ ܡܘܕܥ ܕܠܚܕܝܘܬܐ ܕܠܘܬ ܒܣܪܐ ܡܢܦܫܐ ܘܡܡܕܥܐ ܕܡܠܬܐ ܐܠܗܐ܇
0960	ܪܘܟܒܐ ܝ݁ܕܥ ܘܠܘ ܡܘܙܓܐ܇
0961	ܟܕ ܠܘܬ ܐܪ̈ܝܢܘ ܢ݁ܨܐ܇
0962	ܕܡ̈ܠܐ ܡ̈ܟܬܐ ܘܡܕܒܪ̈ܢܝܬܐ ܠܘܬ ܝ݁ܬܐ ܕܡܠܬܐ ܕܡܢ ܩܕܡ ܥܠܡ̈ܐ ܡܣܩܝܢ܇
0963	ܘܠܐ ܡܩܪܒܝܢ ܗܠܝܢ ܠܗ݀ܝ ܕܐܣܬܪܩ ܘܐܬܒܣܪ܇
0964	ܘܩ݁ܒܠ ܡܟܝܟܘܬܐ ܕܡܛܠܬܢ܆
0965	ܟܬ݂ܒ ܗܠܝܢ܂ ܀
0966	ܓܪܝܓܪܝܘܣ܀
0967	ܒܚܕ ܩܦܠܐܘܢ܆
0968	ܗ݀ܢܝܢ ܡ݁ܢ ܕܝܬܝܪ ܪ̈ܡܢ ܩ݁ܪܒ ܠܐܠܗܘܬܐ܆
0969	ܘܠܟܝܢܐ ܕܡܥܠܝ ܡܢ ܚ̈ܫܐ ܘܡܢ ܓܘܫܡܐ܂ ܗܠܝܢ ܕܝܢ ܕܝܬܝܪ ܡ̈ܟܢ ܠܡܪܟܒܐ܆
0970	ܘܠܗ݀ܘ ܕܡܛܠܬܟ ܐܣ݁ܬܪܩ ܘܐܬܒܣܪ܂ ܠܐ ܕܝܢ ܫܟܝܪܐ ܕܢܐܡܪ ܕܐܦ ܐܬܒܪܢܫ܂ ܒܬܪܟܢ ܘܐܬܪܡܪܡ܂ ܐܝܟܢܐ ܕܟܕ ܫ݁ܪܐ ܐܢܬ ܒܣܪܢܘܬܐ ܕܝܘ̈ܠܦܢܐ܆
0971	ܘܗ݀ܝ ܕܠܬܚܬ ܪܫܦܐ܆
0972	ܬܐܠܦ ܕܝܬܝܪ ܪܡܐ ܬܗܘܐ܂ ܘܬܣܩ ܥܡ ܐܠܗܘܬܐ܆
0973	ܘܠܐ ܬܩܘܐ ܒܗܠܝܢ ܕܡ̈ܬܚܙܝܢ܂ ܐܠܐ ܬܣܩ ܥܡ ܗܠܝܢ ܕܡܬܪ̈ܢܝܢ܂ ܘܬܕܥ ܡܢܐ ܡ݁ܢ ܡܠܬܐ ܕܟܝܢܐ܆
0974	ܡܢܐ ܕܝܢ ܢܡܘܣܐ ܕܡܕܒܪܢܘܬܐ܂ ܗܢܐ ܕܝܢ ܕܗܫܐ ܠܟ ܡܬܒܣܐ܆
0975	ܐܝܬ ‍[‍115‍]‍ ܗܘܐ ܐܡܬܝ ܕܐܦ ܠܥܠ ܡܢܟ ܐܝܬܘܗܝ ܗܘܐ܂ ܗܢܐ ܕܗܫܐ ܒܪܢܫܐ܆
0976	ܘܐܦ ܠܐ ܡܪܟܒܐ ܐܝܬܘܗܝ ܗܘܐ܂ ܗ݀ܘ ܡ݁ܢ ܗܟܝܠ ܕܐܝܬܘܗܝ ܗܘܐ ܩܘܝ܂ ܗ݀ܘ ܡܐ ܕܝܢ ܕܠܝܬܘܗܝ ܗܘܐ ܫܩ݂ܠ܀
0977
0978	ܗܐ ܓܠܝܐܝܬ ܝܠܦܢ݂ܢ܂ ܕܪܘܟܒܐ ܝ݁ܕܥ ܗܘܐ ܠܡܬܒܣܪܢܘܬܐ ܘܠܘ ܡܘܙܓܐ ܘܒܘܠܒܠܐ܂ ܐܦܢ ܢܗܘܐ ܕܒܫܡܐ ܕܡܘܙܓܐ ܠܘܬ ܩܘܝܡܐ ܕܚܕܝܘܬܐ ܪܝܫܝܬܐ ܐܬܚܫܚ܂ ܐܢ ܓܝܪ ܥܬܝܕܝܢ ܚܢܢ ܕܠܫܦܝܥܘܬܐ ܕܡ̈ܠܐ ܡܕܡ ܢܩ݁ܦ܇
0979	ܘܠܘ ܗܘܢܐ ܚܠܝܡܐ ܢܒ݁ܕܩ܇
0980	ܗ݀ܘ ܕܡܢ ܟܠܗܘܢ ܡܐܡܪ̈ܘܗܝ ܓܠܝܐܝܬ ܡܬܢܗܪܐ܂ ܐܡܪܝܢܢ ܟܕ ܠܐ ܒܚܝܪܐܝܬ ܘܡܣܟܠܢܐܝܬ ܡܣܬܟܠܝܢܢ܂ ܕܡܛܠ ܕܐܡ݂ܪ ܕܗܢܐ ܡ݁ܢ ܐܠܗ܆
0981	ܗܢܐ ܕܝܢ ܐܬܐܠܗ܆
0982	ܕܒܣܪܐ ܐܬܐܠܗ ܘܐܬܗ݂ܦܟ ܠܐܘܣܝܐ ܕܐܠܗܘܬܐ܂ ܘܬܘܒ ܡܛܠ ܕܐܡ݂ܪ܂ ܠܐ ܕܝܢ ܫܟܝܪܐ ܕܢܐܡܪ ܕܐܦ ܐܬܒܪܢܫ܇
0983	ܢܫܢܐ ܘܢܣܒܪ ܕܠܘܬ ܐܘܣܝܐ ܕܐܢܫܘܬܐ ܢܦ݂ܠ ܡܠܬܐ ܐܠܗܐ܇
0984	ܘܗ݂ܘ ܟܕ ܗ݂ܘ ܡܢ ܬܪ̈ܝܢ ܓܒ̈ܝܢ ܢܦ݁ܠ ܒܫܘ̈ܚܠܦܐ ܣܩ̈ܘܒܠܝܐ܂ ܕܡܛܠ ܕܐܦ ܗ݀ܢܘܢ ܕܡܬܪܥܝܢ ܗܠܝܢ ܕܢܣܛܘܪܝܣ܂ ܟܕ ܡܣܩܠܝܢ ܠܡ̈ܠܐ ܕܗܢܐ ܐܒܐ ܡܡܠܠ ܐܠܗ̈ܝܬܐ܇
0985	ܘܡܣܒܪܝܢ ܕܣܢܐܓܪܘܬܐ ܕܥܘܠܗܘܢ ܡܢܗܝܢ ܚܕܪܝܢ܂ ܡܣܪܚܝܢ ܗ݀ܝ ܕܒܡܐܡܪܐ ܕܒܝܬ ܕܢܚܐ ܐܘ ܕܒܝܬ ܝܠܕܐ ܣܝܡܐ ܗܟܢܐ܂ ܀
0986	ܓܪܝܓܪܝܘܣ܀
0987	ܐܫܬܕܪ ܡ݁ܢ܂ ܐܠܐ ܐܝܟ ܒܪܢܫܐ܂ ܥܦܝܦܐ ܓܝܪ ܐܝܬܘܗܝ܂ ܡܛܠ ܕܐܦ ܠܐܝ ܘܟܦ݂ܢ ܘܨܗܝ ܘܐܣ݁ܬܪܕ ܘܕܡ݁ܥ ܒܢܡܘܣܐ ܕܓܘܫܡܐ܀
0988
0989	ܐܠܐ ܚܢܢ ܟܕ ܝܕܥܝܢܢ܇
0990	ܕܠܘ ܐܝܟ ܗܠܝܢ ܛܡ̈ܐܐ܇
0991	ܥܦܝܦܐ ܒܟܝ̈ܢܐ ܘܒܩ̈ܢܘܡܐ ܐܡ݁ܪ ܠܒܪܐ܆
0992	ܣܬܪܝܢܢ ܡܘܡܐ ܕܬܫܒܘܚܬܐ ܕܗܢܐ ܐܒܐ ܩܕܝܫܐ܂ ܚܕ ܓܝܪ ܡܢ ܬܪ̈ܝܢ ܝ݁ܕܥ ܠܐܠܗܐ ܕܐܬܒܪܢܫ܂ ܗ݀ܝ ܕܐܦ ܢܣܛܘܪܝܘܣ ܠܐ ܡܘܕܐ܂ ܐܠܐ ܥ݁ܪܩ ܡܢ ܗ݀ܝ ܕܡܢ ܬܪ̈ܝܢ܂ ܕܐܝܬܝܗ݀ ܡܩܝܡܢܝܬܐ ܕܪܘܟܒܐ܇
0993	ܘܡܫܡܠܝܢܝܬܐ ܕܚܕ ܩܢܘܡܐ ܘܟܝܢܐ ܕܡܠܬܐ ܕܡܒܣܪ܂ ܒܗ ‍[‍116‍]‍ ܓܝܪ ܒܡܐܡܪܐ ܗ݀ܘ ܕܥܠ ܒܝܬ ܕܢܚܐ ܐܡ݁ܪ܂ ܀
0994	ܓܪܝܓܪܝܘܣ܀
0995	ܢܦ݂ܩ ܕܝܢ ܐܠܗܐ ܥܡ ܢܣܝܒܘܬܐ܆
0996	ܚܕ ܡܢ ܬܪ̈ܬܝܢ ܕܠܩܘܒܠܐ܂ ܕܡܢܗܘܢ ܗܢܐ ܡ݁ܢ ܐܠܗ܂ ܗܢܐ ܕܝܢ ܐܬܐܠܗ܀
0997	ܗ݀ܝ ܕܝܢ ܕܐܬܐܠܗ ܡܬܝܕܥܐ ܘܡܬܐܡܪܐ܆
0998	ܡܛܘܠ ܕܒܬܫܒܘܚܬܐ ܦܐܝܬ ܠܐܠܗܐ܇
0999	ܐܝܟ ܕܐܡ݁ܪ ܚܟܝܡܐ ܩܘܪܝܠܘܣ܂ ܐܬܢܨܚ ܒܣܪܐ܂ ܘܠܘ ܠܟܝܢܐ ܕܐܠܗܘܬܐ ܢܦ݂ܠ܂ ܠܗܢܐ ܓܝܪ ܣܘܟܠܐ ܠܐ ܒܚܝܪܐ܆