The Comprehensive Aramaic Lexicon

1100	ܓܪܝܓܪܝܘܣ܀
1101	ܕܡܠܬܐ ܡܬܥܒܐ܂ ܗ݀ܘ ܠܐ ܡܬܚܙܝܢܐ ܡܬܚܙܐ܂ ܗ݀ܘ ܠܐ ܡܬܓܫܫܢܐ ܡܬܓܫܫ܂ ܗ݀ܘ ܕܠܐ ܙܒܢܐ ܡܫܪܐ܀
1102
1103	ܘܣ݁ܓܝ ܡ̈ܠܐ ܣܓܝ̈ܐܬܐ ܡܫܟܚܐ ܗܘܬ ܕܐܣܝܡ܂ ܐܝܠܝܢ ܕܗ݀ܢܘܢ ܕܢܨܝܢ ܥܡ ܬܪܝܨܘܬ ܫܘܒܚܐ܇
1104	ܝܘܠܦܢܐ ܚܠܝܡܐ ܕܐܒܗ̈ܬܐ ܩ̈ܕܝܫܐ܇

1105	ܟܕ ܢ݁ܬܫܘ ܡܫܚܠܦܐܝܬ ܙܝܢܘ ܥܠܝܢ܂ ܘܡܢ ܗ̈ܢܝܢ ܕܡܫܡܠܝܐܝܬ ܠܗܠܝܢ ܐܡܝܪ̈ܢ ܐܬܟܣܣܘ ܘܚܒܘ ܒܗܬܬܐ܂ ܡܛܠ ܕܐܦ ܡܢ ܒܚܝܪܐ ܡܠܦܢܐ ܩܘܪܝܠܘܣ ܥܕܡܐ ܠܡܐܬܝܢ ܘܚܡܫܝܢ ܐܝܟ ܕܠܡܐܡܪ ܣܗ̈ܕܘܬܐ ܡܢ ܦܘܣ̈ܩܐ ܪܟܒܘ ܟܬܒܐ܆

1106	ܘܐܝܬܘܗܝ ܐܝܟ ܣܢܐܓܪܐ ܕܛܘܥܝܝ ܕܬܪ̈ܝܢ ܟܝ̈ܢܝܢ܂ ܘܟܕ ܐܠܗܐ ܐܘܫܛ ܐܝܕܐ ܒܡܕܝܢܬ ܡܠܟܘܬܐ܆
1107	ܠܘܬ ܛܘܥܝܝ ܫܠܚܢܢ܂ ܘܟܬܒܐ ܕܪܫܝܡ ܦܝܠܠܬܝܣ ܥܠܝܗܘܢ ܙܝܢܢ܂ ܟܕ ܗܠܝܢ ܒ̈ܢܬ ܩ̈ܠܐ ܕܩܘܪܝܠܘܣ ܣܡܢܢ܂ ܘܝܕܥ ܟܠܢܫ ܐܝܢܐ ܗܘ ܚܝܠܐ ܕܫܪܪܐ܆
1108	ܘܐܝܢܐ ܬܚܠܘܨܐ ܕܩܘܕܫܐ ܘܕܘܡܝܐ ܕܕܓܠܘܬܐ܂ ܡܢܐ ܗܟܝܠ ܪܒܐ܇
1109	ܐܢܗܘ ܕܐܦ ܠܡ̈ܠܝ ܡܣ̈ܟܢܝܬܐ ܐܫܘܝܘ ܐܢܫܝ̈ܢ ܕܢܦܣ݁ܩܘܢ܂ ܗܠܝܢ ܗܟܝܠ ܘ݁ܠܐ ܠܓܡܪ ܢܕܚܠܢܟ܂ ܙܒܢܐ ܗܘ ܕܝܢ ܕܢܐܡܪ ܐܦ ܠܘܬ ܗܕܐ ܐܝܟ ܩܘܗܠܬ܆
1110	ܕܠܐ ܡܕܡ ܚܕܬܐ ܘܫܪܘܝܐ ܬܚܝܬ ܫܡܫܐ܂ ܐܠܐ ܣܪܝܩܘܬܐ ܕܕܡܝܐ ܐܝܬ ܒܝ̈ܨܝܦܘܬܗܘܢ ܘܒܚܣܝܪܘܬ ܗܘܢܐ ܐܚܝܬܐ ܟܪܝܗܝܢ܂
1111	‍[‍121‍]‍ ܡܛܠ ܕܝܢ ܕܐܦ ܡܢ ܗ݀ܝ ܒܪܬ ܩܠܐ ܕܩܕܝܫܐ ܩܘܪܝܠܘܣ܆
1112	ܗ݀ܝ ܕܐܡܪܐ ܡܛܘܠ ܥܡܢܘܐܝܠ܇
1113	ܕܒܕܝ̈ܠܝܬܐ ܐܢܫ̈ܝܬܐ ܘܒܗܠܝܢ ܕܠܥܠ ܡܢ ܒܪܢܫܐ܇
1114	ܠܚܕ ܡܕܡ ܕܒܡܨܥܬܐ ܡܪܟܒ܂ ܡܢܣܐ ܐܢܬ ܬܘܒ ܕܬܫܒܘܚܬܟ ܩܕܡܝܬܐ ܬܒܥܐ܇
1115	ܘܟܕ ܡܦܫܩ ܐܢܬ ܠܐ ܝ݁ܕܥ ܐܢܐ ܐܝܟܢ ܐܡ݁ܪ ܐܢܬ܇
1116	ܕܕܡܐ ܕܐܡ݁ܪ ܐܒܐ܇
1117	ܕܟܝ̈ܢܐ ܥܡ ܕܝ̈ܠܝܬܐ ܐܩܦ܇
1118	ܘܚܕ ܡܢ ܟܠ ܕܘܟ ܐܝܬܘܗܝ ܡܠܬܐ ܕܡܒܣܪ܇
1119	ܘܟܝܢܐ ܐܡ݁ܪ ܐܢܐ ܘܕܝܠܝܬܐ܆
1120	ܐܬܕܡܪܬ ܣ݁ܓܝ܇
1121	ܟܕ ܗ݂ܘ ܓܝܪ ܣܓܝܐܝܬ ܫܡܗ܇
1122	ܘܒܫܘܚܠܦܐ ܦܪܫ ܘܐܡ݁ܪ܇
1123	ܒܕܝ̈ܠܝܬܐ ܬܘܒ ܐܢܫ̈ܝܬܐ ܘܒܗܠܝܢ ܕܠܥܠ ܡܢ ܒܪܢܫܐ܆
1124	ܐܢܬ ܬܘܒ ܠܚܕܐ ܕܝܠܝܬܐ ܚ݁ܠܛ ܐܢܬ ܟܠܡܕܡ܆
1125	ܐܝܟ ܗ݀ܝ ܕܠܥܠ ܐܡܝܪܐ ܠܟ܇
1126	ܕܚܕܐ ܙܒܢ ܚܕܐ ܗ݂ܘܬ ܐܘܣܝܐ ܐܘ ܐܦ ܡܫܘܕܥܘܬܐ܂ ܐܝܠܝܢ ܓܝܪ ܐܝܬܝܗܝܢ ܕܝ̈ܠܝܬܐ ܕܠܥܠ ܡܢ ܒܪܢܫܐ܂ ܡܢ ܟܠ ܦܪܘܣ ܐܠܗ̈ܝܬܐ ܡܕܡ ܘܐܢܫ̈ܝܬܐ܂ ܩܕܝܡܐ ܝܕܝܥܐ܆
1127	ܕܟܠܗܝܢ ܕܝ̈ܠܝܬܐ ܕܒܣܪܐ ܕܡܢܦܫ ܒܢܦܫܐ ܡܠܝܠܬܐ ܘܝܕܘܥܬܢܝܬܐ܂ ܕܝ̈ܠܝܬܐ ܕܝܢ ܕܡܫܘܕܥܘܬܐ ܟܝܢܝܬܐ܆
1128	ܕܐܠܗܘܬܐ ܡ݁ܢ ܐܟܙܢܐ ܕܠܐ ܡܬܓܫܫܢܘܬܐ ܘܠܐ ܡܬܚܙܝܢܘܬܐ܂ ܕܐܢܫܘܬܐ ܕܝܢ ܗ݀ܝ ܕܬܦܠ ܒܚܙܬܐ ܘܒܓܫܬܐ܂ ܐܠܐ ܡܛܠ ܕܡܠܬܐ ܗ݀ܘ ܕܒܐܘܣܝܐ ܠܐ ܡܬܚܙܝܢܐ܇
1129	ܒܩܢܘܡܐ ܐܬܚܝܕ ܠܒܣܪܐ ܗ݀ܘ ܡܬܚܙܝܢܐ܇
1130	ܕܢܦܫܐ ܐܝܬ ܠܗ ܝܕܘܥܬܢܝܬܐ܂ ܗ݂ܘ ܟܬܝܒ ܘܕܐܬܚܙܝ ܘܐܬܓܫܫ܂ ܐܝܟ ܡܐ ܕܙܒ̈ܢܝܢ ܣܓܝ̈ܐܢ ܐܡܪܢܢ܂ ܫܘܚܠܦܐ ܓܝܪ ܕܡܫܘܕܥܘܬܐ ܟܝܢܝܬܐ܆
1131	ܡܣܬܬܐ ܘܠܐ ܡܬܗܦܟܢܐ ܩܐܡ܂ ܡܠܬܐ ܕܝܢ ܕܚܕܝܘܬܐ܆
1132	ܗܠܝܢ ܕܒܟܝܢܐ ܕܝ̈ܠܝܬܐ ܕܒܣܪܐ܆
1133	ܡܛܠ ܡܕܒܪܢܘܬܐ ܕܝ̈ܠܝܬܐ ܕܡܠܬܐ ܝܗܒܐ ܕܢܬܐܡܪ̈ܢ܂ ܘܒܗ݀ ܒܕܡܘ݂ܬܐ ܕܒܐܘܣܝܐ ܕܝ̈ܠܝܬܐ ܕܡܠܬܐ܆
1134	ܕܝ̈ܠܝܬܐ ܕܒܣܪܐ ܥܒܕܬ ܕܢܬܐܡܪ̈ܢ܂
1135	‍[‍122‍]‍ ܡܢܐ ܗܟܝܠ ܚܠܛܝܢܢ ܠܡܠܬܐ ܕܗܟܢ ܡܦܪܫܐ܇
1136	ܘܬܘܒ ܠܒܘܠܒܠܐ ܘܠܚܒܘܟܝܐ ܡܩܝܡܝܢܢ ܟܪܘܙܘܬܐ ܕܕܚܠܬ ܐܠܗܐ܂ ܐܝܟܢܐ ܕܝܢ ܡܠܦܢܐ ܐܡ݂ܪ܇
1137	ܕܠܚܕ ܡܕܡ ܕܒܡܨܥܬܐ ܡܪܟܒ܇
1138	ܣܩܘܒܠܐܝܬ ܐܡ݁ܪ ܐܢܬ ܐܢܬ܇
1139	ܗ݀ܝ ܕܚܕܐ ܙܒܢ ܚܕܐ ܗܘܬ ܐܘܣܝܐ܇
1140	ܐܘ ܐܦ ܡܫܘܕܥܘܬܐ܂ ܘܬܘܒ܂ ܚܕ ܡܢ ܟܠܕܘܟ ܐܝܬܘܗܝ ܡܠܬܐ ܕܐܬܒܣܪ܇
1141	ܘܟܝܢܐ ܘܕܝܠܝܬܐ܂ ܐܢ ܓܝܪ ܕܚܕܐ ܐܘܣܝܐ ܡܠܬܐ ܕܡܒܣܪ ܗ݂ܘܐ܇
1142	ܘܕܚܕܐ ܡܫܘܕܥܘܬܐ ܐܝܟ ܕܐܡ݂ܪܬ܇
1143	ܘܕܚܕܐ ܕܝܠܝܘܬܐ܆
1144	ܡܢ ܪܘܟܒܐ ܠܗ݀ܝ ܕܦܫܝܛܐ ܢܗܘܐ܇
1145	ܫ݁ܪܟ ܐܝܟ ܡܠܬܟ܂ ܘܐܣܟܠ ܚܟܝܡܐ ܕܠܗ݀ܘ ܕܗܟܢܐ ܐܝܬ ܠܗ܇
1146	ܥܕܟܝܠ ܘܗܫܐ ܡܪܟܒܐ ܟܢܝ܂ ܐܝܟܢܐ ܕܝܢ ܩ݁ܪܐ ܐܢܬ ܚܕܐ ܕܝܠܝܬܐ܇
1147	ܘܠܐ ܡܝܬܐ ܐܢܬ ܒܥܘܗܕܢܐ ܕܐܡܪܢܢ܇
1148	ܕܐܡ݁ܪ ܛܘܡܣܐ ܕܠܐܘܢ܇
1149	ܕܢ݁ܛܪ ܟܠܚܕ ܡܢ ܟܝ̈ܢܐ ܕܠܐ ܒܘܨܪܐ ܕܝܠܝܘܬܗ܇
1150	ܕܒܦܣܩܐ ܗܠܝܢ ܢܩ̈ܦܢ ܕܢܬܪܥܐ ܘܢܐܡܪ܂ ܟܕ ܡܦܠܓ ܓܝܪ ܡܫܝܚܐ ܒܬܪܝܢܘܬܐ ܕܟܝ̈ܢܐ ܒܬܪ ܚܕܝܘܬܐ܆
1151	ܟܠܚܕ ܡܢ ܟܝ̈ܢܐ܆
1152	ܒܗܠܝܢ ܕܝܠܗ ܕܠܐ ܒܨܝܪܘܬܐ ܪܕܐ܂ ܟܕ ܕܝܢ ܚܕ ܟܝܢܐ ܕܡܠܬܐ ܐܠܗܐ ܕܡܒܣܪ ܡܬܬܘܕܐ܆
1153	ܡܛܘܠ ܕܥܡܢܘܐܝܠ ܐܝܬܘܗܝ ܐܝܟ ܒܪܬ ܩܠܐ ܕܩܕܝܫܐ ܩܘܪܝܠܘܣ܇
1154	ܕܠܚܕ ܡܕܡ ܗ݀ܘ ܕܡܢ ܬܪ̈ܝܢ ܫܒܝܚܐܝܬ ܡܪܟܒ܆
1155	ܫܒ݁ܩ ܗܘܐ ܠܒܣܪܐ ܐܝܟ ܕܦܐܐ ܠܡܕܒܪܢܘܬܐ܆
1156	ܐܦ ܕܢܚܫ ܐܝܬ ܐܡܬܝ ܗܠܝܢ ܕܝܠܗ܂ ܗ݀ܝ ܕܝܢ ܕܐܝܬ ܐܡܬܝ ܡܘܕܥܐ ܡܢ ܟܠܦܪܘܣ܆
1157	ܕܡܬܚܫܚ ܗܘܐ ܬܘܒ ܘܒܕܝ̈ܠܝܬܐ ܕܠܥܠ ܡܢ ܒܪ ܐܢܫܐ܇
1158	ܐܡܬܝ ܕܗܕܐ ܨ݁ܒܐ ܗܘܐ܂ ܘܡܛܠܗܕܐ ܐܦ ܠܥܠ ܡܢ ܪܝܫܐ ܕܓ̈ܠܠܐ ܡܗܠܟ ܗܘܐ܂ ܘܟܕ ܐܚܝܕܝܢ ܬܪ̈ܥܐ ܥܐܠ ܗܘܐ܆
1159	ܘܒܒܝܬܘܢܐ ܥܠ ܫ̈ܠܝܚܐ ܩܐܡ ܗܘܐ܂ ܘܕܢܓܘܫܘܢ ܫܒ݁ܩ ܗܘܐ܆
1160	ܕܒܓܫܬܐ ܓܘܫܡܐ ܠܐ ܟ݁ܦܪ ܗܘܐ܂ ܗܟܢܐ ܓܝܪ ܘܡ̈ܠܐܟܐ ܟܕ ܣܠ݂ܩ ܓܘܫܡܢܐܝܬ ܠܫܡܝܐ܂ ܟܕ ܐܝܟ ܕܒܨܒܥܐ ܡܚܘܝܢ ܠܫ̈ܠܝܚܐ ܐܡܪܝܢ ܗܘܘ܂ ܓܒܪ̈ܐ ܓ̈ܠܝܠܝܐ܆
1161	ܡܢܐ ܩܝܡܝܢ ܐܢܬܘܢ ܟܕ ܚܝܪܝܢ ‍[‍123‍]‍ ܐܢܬܘܢ ܒܫܡܝܐ܂ ܗܢܐ ܝܫܘܥ ܕܐܣܬܠܩ ܡܢܟܘܢ ܠܫܡܝܐ܆
1162	ܗܟܢܐ ܐܬ݁ܐ܆
1163	ܒܗܢܐ ܙܢܐ ܕܚܙܝܬܘܢܝܗܝ ܕܐܙ݁ܠ ܠܫܡܝܐ܂ ܓܘܫܡܐ ܗܟܝܠ ܕܢܦ݁ܠ ܒܚܙܬܐ܇
1164	ܘܗܟܢܐ ܐܬܚܙܝ ܘܕܢܬܚܙܐ ܡܣܬܟܐ܆
1165	ܐܝܟܢܐ ܐܢܫ ܕܐܝܬ ܠܗ ܗܘܢܐ ܕܕܚ݁ܠ ܡܢ ܐܠܗܐ܇
1166	ܘܢܩ݁ܦ ܠܝܘ̈ܠܦܢܐ ܫ̈ܠܝܚܝܐ܇
1167	ܕܐܬܗܦܟ ܠܐܘܣܝܐ ܐܠܗܝܬܐ ܡܣܒܪ܂
1168	ܡܛܠ ܗܟܝܠ ܕܗܠܝܢ ܐܝܟ ܝܠܘܦܐ ܡܫܐܠ ܐܢܬ ܠܢ܇
1169	ܘܐܡ݁ܪ ܐܢܬ ܕܗܕܐ ܠܐ ܕܢܬ ܒܢܦܫܟ܇
1170	ܡܫܐܠ ܐܢܬ ܕܝܢ ܕܐܢ ܚܕ ܐܝܬܘܗܝ ܡܢ ܟܠ ܕܘܟ ܡܠܬܐ ܕܐܬܒܣܪ܇
1171	ܘܟܝܢܐ ܘܕܝܠܝܬܐ܇
1172	ܐܝܟ ܗ݀ܝ ܕܠܥܠ ܕܐܬܐܡܪܬ ܡܢܟ܇
1173	ܕܚܕܐ ܙܒܢ ܚܕܐ ܗ݂ܘܬ ܐܘܣܝܐ ܐܦ ܡܫܘܕܥܘܬܐ܆
1174	ܡܠܟܝܢܢ ܠܚܘܒܟ܆
1175	ܪܚܡܬ ܐܚܐܝܬ ܘܚܘܒܢܐܝܬ܆
1176	ܟܕ ܐܡܪܝܢܢ ܗ݀ܝ ܟܬܒܝܬܐ܂ ܫܘܪ ܡܢ ܥܘ݂ܠܐ ܕܐܝܟ ܗܟܢܐ܂ ܠܐ ܬܟܬܪ܂ ܠܪܘܚܩܐ ܡܢܗ ܥܒܕ ܐܘܪܚܟ܂ ܐܘܪ̈ܚܬܐ ܓܝܪ ܕܚܝ̈ܐ ܠܐ ܪܕܐ܆
1177	ܫܪܘܥܝܢ ܕܝܢ ܫܒ̈ܝܠܘܗܝ ܘܠܐ ܝܕܝܥܝܢ܂ ܐܡ݂ܪ ܓܝܪ ܩܕܝܫܐ ܩܘܪܝܠܘܣ ܒܡܐܡܪܐ ܕܠܘܩܒܠ ܣܘ̈ܢܣܝܣܛܐ܂ ܀
1178	ܩܘܪܝܠܘܣ܀
1179	ܐܢ ܓܝܪ ܠܟܝܢܐ ܕܐܠܗܘܬܐ ܐܡܪܝܢ ܕܐܬܗܦܟ ܒܣܪܐ ܕܡܠܬܐ܆
1180	ܟܠܗ݀ ܐܢܢܩܐ ܕܢܣ݁ܬܟܠ܆
1181	ܕܐܪܚܩ ܒܟܠ ܙܢܐ ܡܢ ܗ݀ܝ ܕܢܒܥܐ ܕܢܗܘܐ ܒܪܗ ܕܐܢܫܐ܂ ܘܗܐ ܐܝܟܢܐ ܚܟܝܡ ܒܟܠ ܦܘܠܘܣ ܐܡ݁ܪ܇
1182	ܚܕ ܓܝܪ ܐܠܗܐ܇
1183	ܘܚܕ ܡܨܥܝܐ ܕܐܠܗܐ ܘܕܒ̈ܢܝ ܐܢܫܐ܇
1184	ܒܪܢܫܐ ܝܫܘܥ ܡܫܝܚܐ܇
1185	ܗ݀ܘ ܕܝܗ݀ܒ ܢܦܫܗ ܬܚܠܘܦ ܦܘܪܩܢܐ ܕܚܠܦܝܢ܂ ܡܨܥܝܐ ܓܝܪ ܐܝܬܘܗܝ ܐܝܟ ܐܠܗܐ ܐܟܚܕܐ ܘܒܪܢܫܐ ܗ݂ܘ ܟܕ ܗ݂ܘ܂ ܕܡܪܥܐ ܠܢ ܠܐܠܗܐ ܘܐܒܐ܇
1186	ܒܝܕ ܢܦܫܗ ܘܒܗ ܀
1187	ܘܒܬܪ ܙܥܘܪ̈ܝܬܐ ܬܘܒ܀
1188	ܘܐܝܟܢܐ ܢܬܚܪܐ ܐܢܫ܇
1189	ܕܐܠܘ ܐܝܬܝܗ݀ ܗܘܬ ܕܠܐ ܫܠܡܐ ܠܗ ܗ݀ܝ ܕܢܗܘܐ ܐܝܬܘܗܝ ܥܕܟܝܠ ܘܡܣ݂ܬܟܠ ܐܟܘܬܢ܇
1190	ܕܢܩܦܐ ܗܘܬ ܕܢܐܡܪ܇
1191	ܐܪܐ ܡܐ ܕܐܬ݁ܐ ܒܪܗ ܕܐܢܫܐ ܡܫܟܚ ܗܝܡܢܘܬܐ ܥܠ ܐܪܥܐ܇
1192	ܘܠܘ ܡܠܘܢ ܐܪܐ ܡܐ ܕܐܬ݁ܐ ܥܪܛܠܝܐ ܘܕܠܐ ܒܣܪܐ ܡܠܬܐ ܕܐܠܗܐ܇
1193	ܗܝܡܢܘܬܐ ܕܐܝܟ ‍[‍124‍]‍ ܗܟܢܐ ܢܫܟܚ ܥܠܘܗܝ ܠܘܬ ܗܠܝܢ ܕܥܠ ܐܪܥܐ܂ ܐܠܐ ܡܛܠ ܕܓܠܝܐܝܬ ܘܢܗܝܪܐܝܬ ܒܪܗ ܕܐܢܫܐ ܐܡܪ ܢܦܫܗ܇
1194	ܘܒܙܒܢܐ ܕܡܐܬܝܬܐ ܕܡܢ ܫܡܝܐ܆
1195	ܝܕܝܥܐ ܗ݀ܘܐ ܕܠܐ ܗܦܟ ܠܡܕܡ ܐܚܪܝܢ ܠܒܣܪܐ܂ ܐܝܬܘܗܝ ܠܗ ܕܝܢ ܡܫܒܚܐ ܝܬܝܪܐܝܬ ܠܐ ܡܬܚܒܠܢܐ܆
1196	ܘܕܠܐ ܡܘܡ܇
1197	ܘܕܦܐܐ ܒܢܘܗܪܐ ܕܠܐ ܡܬܩ݁ܪܒ ܢܚ݁ܬ ܓܝܪ ܡܢ ܫܡܝܐ܂ ܠܘ ܒܙܥܘܪܘܬ ܦܐܝܘܬܐ ܩܕܡܝܬܐ܂ ܡܢ ܐܝܟܐ܆
1198	ܐܠܐ ܒܗ݀ ܒܬܫܒܘܚܬܐ ܕܐܒܘܗܝ܆
1199	ܥܡ ܡ̈ܠܐܟܐ ܩ̈ܕܝܫܐ܀