The Comprehensive Aramaic Lexicon

1200
1201	ܬܡܝܗ ܐܢܐ ܕܝܢ ܣ݁ܓܝ܆
1202	ܕܐܝܟܢܐ ܐܦ ܪܘܟܒܐ ܡܫܡܗ ܐܢܬ ܠܡܬܒܣܪܢܘܬܐ ܐܝܬ ܐܝܟܐ܇
1203	ܘܬܘܒ ܐܡ݁ܪ ܐܢܬ ܕܚܕܐ ܐܘܣܝܐ ܚܕܐ ܙܒܢ ܗ݂ܘܬ܇
1204	ܐܘ ܐܦ ܡܫܘܕܥܘܬܐ܂ ܐܪܐ ܓܝܪ ܫܪܝܬ ܡ݁ܢ ܚܕܝܘܬܐ ܡܢ ܪܘܟܒܐ܇
1205	ܟܕ ܦܫ ܕܝܢ ܪܘܟܒܐ ܠܚܕܐ ܐܘܣܝܐ ܫܪܟ܇
1206	ܐܝܟܢܐ ܕܐܝܟ ܕܐܡ݁ܪ ܐܢܬ܇
1207	ܬܠܝܬܝܘܬܐ ܩܕܝܫܬܐ ܬܬܢܛܪ ܬܠܝܬܝܘܬܐ܇
1208	ܘܠܐ ܬܩܒܠ ܦܪܨܘܦܐ ܝܬܝܪܐ܆
1209	ܐܠܐ ܫܡ݂ܥܬ ܘܠܟܬܒܐ ܢܦܝܚ ܡܢ ܐܠܗܐ ܘܠܒܝ̈ܫܝ ܐܠܗܐ ܡ̈ܠܦܝ ܪ̈ܐܙܐ ܩ̈ܕܝܫܐ܂ ܕܡܓܫܡܐ ܐܡܪܘ ܕܣܠܩ ܡܠܬܐ ܠܫܡܝܐ܂ ܗ݀ܘ ܕܠܘܩܕܡ ܢܚ݂ܬ ܡܢ ܬܡܢ ܕܠܐ ܓܘܫܡܐ܇
1210	ܟܕ ܠܣܘܪܩܐ ܩܒܠ ܕܢܥܘܠ܇
1211	ܘܕܡܪܟܒܐ ܐܝܬܘܗܝ܇
1212	ܘܕܫܒܝܚܐܝܬ ܡܪܟܒ܂ ܗܠܝܢ ܓܝܪ ܡܫܚܠܦܐܝܬ ܒܗ̈ܝܢ ܒܡ̈ܠܐ܆
1213	ܒܗܠܝܢ ܕܗܫܐ ܐܬܝ̈ ܐܠܦ݁ܘ ܠܢ܂ ܐܠܘ ܓܝܪ ܐܝܟ ܢܣܛܘܪܝܘܣ ܐܡܪܝܢ ܗܘܝܢ܇
1214	ܕܒܪܢܫܐ ܕܒܩܢܘܡܐ ܕܝܠܗ ܡܫܡܠܝ܇
1215	ܒܐܝܩܪܐ ܘܒܠܚܘܕ ܪܚܡܐܝܬ ܢܩ݁ܦ ܠܡܠܬܐ܆
1216	ܫܦܝܪ ܡܬܪ̈ܢܝܢ ܗܘܝ ܕܚܠܬܐ ܕܪܒܝܥܝܘܬܐ܂ ܗ݀ܘ ܓܝܪ ܛܡܐܐ ܐܡ݁ܪ ܒܕܘܟ܂ ܀
1217	ܢܣܛܘܪܝܘܣ܀
1218	ܢܘܕܐ ܠܐܠܗܐ ܕܒܒܪܢܫܐ܂ ܘܢܣܓܘܕ ܠܒܪ ܐܢܫܐ ܗ݀ܘ ܕܒܢܩܝܦܘܬܐ ܐܠܗܝܬܐ ܥܡ ܐܠܗܐ ܐܚܝܕ ܟܠ ܡܣܬܓܕ܀
1219	ܡܛܠ ܕܝܢ ܕܚܕ ܩܢܘܡܐ ܗ݀ܘ ܕܡܢ ܬܪ̈ܝܢ ܡܬܬܘܕܐ ܘܡܬܐܡܪ ܡܢ ܗܠܝܢ ܕܡܪܒܝܢ ܡܢ ܕܚܠܬ ܐܠܗܐ܆
1220	ܡܩܘܝܐ ܬܠܝܬܝܘܬܐ ܬܠܝܬܝܘܬܐ܆
1221	ܐܦܢ ܡܠܬܐ ܕܐܬܒܣܪ ܘܐܬܒܪܢܫ܇
1222	ܘܐܝܬܘܗܝ ܒܩܢܘܡܐ ܚܕ ܘܟܕ ܡܒܣܪ ܗ݀ܘ ܕܩܕܡܝܬ ܡ݁ܢ ܦܫܝܛܐ܆
1223	ܗܫܐ ܕܝܢ܆
1224	‍[‍125‍]‍ ܠܘܬ ܒܣܪܐ ܡܢܦܫܐ ܘܡܡܕܥܐ ܫܒܝܚܐܝܬ ܘܠܐ ܡܬܐܡܪܢܐܝܬ ܡܪܟܒ ܘܠܐ ܡܦܠܓ ܠܬܪ̈ܝܢ܂ ܘܡܩܘܐ ܕܠܐ ܒܘܠܒܠܐ܂ ܘܠܐܠܗܐ ܐܒܐ ܘܠܢ ܒܪ ܟܝܢܐ ܗ݂ܘ ܟܕ ܗ݂ܘ܂
1225	ܐܠܐ ܬܘܒ ܐܝܟ ܡܐ ܕܡܕܡ ܙܪܝܙܐ ܘܕܠܝܬ ܠܡܥܪܩ ܡܢܗ ܡܥܬܕ ܐܢܬ ܗ݀ܝ ܕܫܦܪܐ ܠܟ܂ ܐܦ ܫܡܐ ܕܫܘܝܚܘܬܐ ܕܐܟܚܕܐ ܡܝܬܐ ܐܢܬ ܠܡܨܥܬܐ܇
1226	ܓܪܝܓܪܝܘܣ ܡܡܠܠ ܐܠܗ̈ܝܬܐ܂ ܫܘܝܚܘܬܐ ܕܐܟܚܕܐ ܕܟܝ̈ܢܐ ܐܡ݁ܪ ܠܘܬ ܡܬܒܪܢܫܢܘܬܐ ܐܠܗܝܬܐ ܘܡܣܒܪ ܐܢܬ ܕܗܕܐ ܠܘܬ ܚܕܐ ܐܘܣܝܐ ܡܝܬܝܐ ܠܗܠܝܢ ܕܒܡܫܘܕܥܘܬܐ ܟܝܢܝܬܐ ܡܫ̈ܚܠܦܢ ܐܠܗܘܬܐ ܘܐܢܫܘܬܐ܇
1227	ܕܡܢܗܝܢ ܚܕ ܡܫܝܚܐ ܠܐ ܡܒܠܒܠܐܝܬ ܘܠܐ ܚܣܝܪܐܝܬ ܐܝܬܘܗܝ܂
1228	ܕܥ ܗܟܝܠ܆
1229	ܕܠܘ ܗܟܢܐ ܐܝܬ ܠܫܪܪܐ܂ ܫܘܝܚܘܬܐ ܓܝܪ ܕܐܟܚܕܐ܆
1230	ܠܘܬ ܡܬܒܪܢܫܢܘܬܐ ܫܡܗ ܡܡܠܠ ܐܠܗ̈ܝܬܐ܂ ܠܗ݀ܘ ܕܡܫܡܗ ܡ݁ܢ ܚܟܝܡܐ ܩܘܪܝܠܘܣ ܡܐܬܝܐ ܟܝܢܝܐ ܕܐܝܟ ܚܕܐ܇
1231	ܘܚܕܝܘܬܐ ܩܢܘܡܝܬܐ ܗ݀ܝ ܕܐܡܪܝܢܢ ܕܐܝܬ ܐܦ ܠܢܦܫܐ ܕܒܪܢܫܐ ܕܐܟܘܬܢ ܠܘܬ ܒܣܪܐ ܕܝܠܗ݀܇
1232	ܕܡܫܡܠܝܢܝܬܐ ܐܝܬܝܗ݀ ܐܟܚܕܐ ܕܚܕ ܩܢܘܡܐ ܕܡܢ ܬܪ̈ܝܢ܂ ܐܬܚܫܚ ܕܝܢ ܒܡܠܬܐ܆
1233	ܒܡܐܡܪܐ ܕܥܠ ܡܥܡܘܕܝܬܐ܆
1234	ܐܦ ܥܠ ܚܕܐ ܐܘܣܝܐ ܘܐܠܗܘܬܐ ܕܡܬܚܙܝܐ ܒܬܠܝܬܝܘܬܐ ܩܕܝܫܬܐ܂ ܕܟܬ݂ܒ ܗܟܢܐ܂ ܀
1235	ܓܪܝܓܪܝܘܣ܀
1236	ܕܬܠܬܐ ܕܠܐ ܣܘܦ܆
1237	ܫܘܝܚܘܬܐ ܕܐܟܚܕܐ ܕܠܐ ܣܘܦܐ܀
1238	ܐܠܐ ܠܥܠ ܫܘܝܚܘܬܐ ܕܐܟܚܕܐ ܩܪܐ܆
1239	ܠܫܘܝܘܬ ܟܝܢܐ ܕܬܠܬܐ ܩ̈ܢܘܡܝܢ܂ ܗ݀ܝ ܕܠܐ ܡܫܟܚܐ ܕܠܘܬ ܡܬܒܪܢܫܢܘܬܐ ܒܗ ܟܕ ܒܗ ܒܙܢܐ ܢܣ݁ܬܟܠ܂ ܠܘܬ ܬܠܝܬܝܘܬܐ ܓܝܪ܆
1240	ܟܠ ܩܢܘܡܐ ܡܢܗ ܘܠܗ ܡܬܩܝܡ܆
1241	ܘܦܪܨܘܦܐ ܕܝܠܗ ܟ݁ܬܒ܂ ܚܕܐ ܕܝܢ ܐܘܣܝܐ ܘܗ݂ܝ ܟܕ ܗ݂ܝ ܕܟܝܢܐ܂ ܐܝܟ ܗ݀ܝ ܕܡܬܝܕܥܐ ܓܢܣܢܐܝܬ܇
1242	ܠܗ݀ܝ ܕܐܦ ܫܘܝܚܘܬܐ ܕܐܟܚܕܐ ܩܪܐ܂ ܠܘܬ ܕܝܢ ܡܬܒܪܢܫܢܘܬܐ܆
1243	ܘܐܦܠܐ ܐܢܫ ‍[‍126‍]‍ ܠܫܘܝܚܘܬܐ ܕܐܟܚܕܐ ܗܟܢܐ ܡܣܬܟܠ܇
1244	ܐܝܟܢܐ ܕܩ̈ܢܘܡܐ ܡ݁ܢ ܠܬܪ̈ܝܢ ܢܬܦܪܫܘܢ܇
1245	ܚܕܐ ܕܝܢ ܐܘܣܝܐ ܬܗܘܐ ܐܝܬ ܕܬܪ̈ܝܗܘܢ܂ ܘܐܠܐ ܬܘܒ ܡܫܬܟܚܐ ܬܠܝܬܝܘܬܐ ܪܒܝܥܝܘܬܐ܆
1246	ܘܡܢ ܙܢܐ ܕܫܘܝܘܬ ܟܝܢܐ ܕܒܣܪܐ ܕܠܘܬ ܡܠܬܐ܆
1247	ܘܠܐ ܡܕܡ ܝܬܪܐ܂ ܕܠܘܬ ܡܬܒܪܢܫܢܘܬܐ ܓܝܪ ܚܕܝܘܬܐ ܕܡܢ ܪܘܟܒܐ ܕܐܚܪ̈ܢܝܝ ܐܕ̈ܫܐ ܘܠܘ ܕܒ̈ܢܝ ܟܝܢܐ ܕܚ̈ܕܕܐ ܩܝܡܐ܂ ܥܠ ܐܠܗܘܬܐ ܕܝܢ ܕܒܬܠܝܬܝܘܬܐ ܡܬܚܙܝܐ܆

1248	ܠܘ ܡܢ ܪܘܟܒܐ ܚܕܝܘܬܐ܂ ܠܐ ܓܝܪ ܡܬܪܟܒ ܠܘܬ ܗ݀ܘ ܐܚܪܢܐ ܟܠܚܕ ܡܢ ܬܠܬܐ ܩ̈ܢܘܡܝܢ܂ ܐܠܐ ܦܫܝܛܐ ܡܕܡ ܐܝܬܘܗܝ ܘܠܐ ܡܪܟܒ܂ ܓܘܢܝܘܬܐ ܕܝܢ ܕܐܘܣܝܐ ܘܗ݂ܝ ܟܕ ܗ݂ܝ ܕܐܠܗܘܬܐ܆

1249	ܠܚܕܝܘܬܐ ܘܠܠܐ ܡܫܚܠܦܘܬܐ ܒܟܠ ܡܕܡ ܡܥܠܐ܆
1250	ܘܗ݀ܝ ܕܠܐ ܡܦܠܓܐ ܘܠܐ ܡܬܦܪܫܐ܆
1251	ܣܛܪ ܡܢ ܗ݀ܝ ܕܡܬܚܡܐ ܒܩ̈ܢܘܡܐ܂
1252	ܡܕܝܢ ܐܚܪܢܐ ܗܘ ܗܘܢܐ ܕܫܘܝܚܘܬܐ ܕܐܟܚܕܐ ܠܘܬ ܡܡܠܠܘܬ ܐܠܗܘܬܐ܆
1253	ܘܐܚܪܢܐ ܐܝܬܘܗܝ ܠܘܬ ܡܕܒܪܢܘܬܐ ܘܡܬܒܪܢܫܢܘܬܐ܂ ܘܡܢ ܕܝܡܛܪܘܣ ܠܘܬ ܗ݀ܝ ܣܩܘܒܠܝܬܐ ܦܣܝܩ ܘܡܫܚܠܦ܂ ܗܟܢܐ ܓܝܪ ܐܦ ܗ݂ܘ ܓܪܝܓܘܪܝܘܣ ܡܡܠܠ ܐܠܗ̈ܝܬܐ ܐܡܪ܇
1254	ܟܕ ܫ݁ܠܚ ܠܘܬ ܩܠܐܕܘܢܝܘܣ ܒܐܓܪܬܐ ܩܕܡܝܬܐ܂ ܀
1255	ܓܪܝܓܪܝܘܣ܀
1256	ܐܡ݁ܪ ܐܢܐ ܕܝܢ ܐܚܪܬܐ ܘܐܚܪܬܐ ܒܗܦܟܐ܂ ܐܘ ܠܘܬ ܬܠܝܬܝܘܬܐ ܐܝܬ܂ ܠܗܠ ܓܝܪ ܐܚܪܢܐ ܡ݁ܢ ܘܐܚܪܢܐ܆
1257	ܕܠܐ ܠܩ̈ܢܘܡܐ ܢܒܠܒܠ܂ ܠܘ ܕܝܢ ܐܚܪܬܐ ܘܐܚܪܬܐ܂ ܚܕܐ ܓܝܪ ܬܠܬܝܗܘܢ ܘܗ݂ܝ ܟܕ ܗ݂ܝ ܒܐܠܗܘܬܐ܂ ܠܘܬ ܕܝܢ ܡܬܒܣܪܢܘܬܐ ܗ݀ܝ ܕܠܩܘܒܠܐ ܩ݁ܕܡ ܐܡܪ ܀
1258	ܬܘܒ ܕܝܠܗ܀
1259	ܐܚܪܬܐ ܕܝܢ ܘܐܚܪܬܐ ܗܠܝܢ ܕܡܢܗܝܢ ܦܪܘܩܢ܂ ܐܢ ܗ݂ܘ ܕܠܘ ܗ݂ܘ ܠܐ ܡܬܚܙܝܢܐ ܠܡܬܚܙܝܢܐ܇
1260	ܘܕܠܐ ‍[‍127‍]‍ ܙܒܢܐ ܠܗ݀ܘ ܕܬܚܝܬ ܙܒܢܐ܂ ܠܘ ܕܝܢ ܐܚܪܢܐ ܘܐܚܪܢܐ ܒܪܐ ܠܐ ܬܗܘܐ܀
1261
1262	ܕܫܘܝܚܘܬܐ ܕܝܢ ܕܐܟܚܕܐ ܠܘܬ ܡܬܒܣܪܢܘܬܐ ܠܪܘܟܒܐ ܩ݁ܪܐ܇
1263	ܘܠܘ ܫܘܝܘܬ ܟܝܢܐ܆
1264	ܩܪܝܒܐ ܕܡܢ ܗܪܟܐ ܢܐܠܦ܂ ܡܐܬܝܐ ܓܝܪ ܕܐܟܚܕܐ ܕܢܦܫܐ ܕܝܠܢ܇
1265	ܠܘܬ ܓܘܫܡܐ ܗ݀ܘ ܕܐܦ ܠܬܚܘܝܬܐ ܫܩܝܠ ܠܫܠܝܚܐ܆
1266	ܕܡܬܒܪܢܫܢܘܬܐ ܐܠܗܝܬܐ܆
1267	ܫܘܝܚܘܬܐ ܕܐܟܚܕܐ ܫܡܗ ܒܡܐܡܪܐ ܕܥܠ ܩܒܘܪܬܐ ܕܩܣܪܝܘܣ ܐܚܘܗܝ܂ ܟ݁ܬܒ ܗܟܢܐ܂ ܀
1268	ܕܝܠܗ܀
1269	ܒܬܪ ܩܠܝܠ ܕܝܢ܆
1270	ܘܒܣܪܐ ܐܚܝܢܗ݀ ܫܩܠܐ܆
1271	ܕܒܗ ܗܠܝܢ ܕܠܗܠ ܐܟܚܕܐ ܦܝܠܣܘܦܣܐ ܥܒܕܬ܂ ܡܢ ܐܪܥܐ ܕܝܗܒܬ ܘܐܬܗܝܡܢܬ܆
1272	ܒܙܢܐ ܗ݀ܘ ܕܝ݁ܕܥ ܐܠܗܐ܇
1273	ܗ݀ܘ ܕܗܠܝܢ ܕܐܟܚܕܐ ܐܣܪ ܘܫܪܐ܂ ܟܕ ܥܡ ܗܢܐ ܝ݁ܪܬܐ ܬܫܒܘܚܬܐ ܕܡܢ ܬܡܢ܂ ܘܐܟܙܢܐ ܕܒܥܣ̈ܩܬܗ ܡܫܬܘܬܦܐ ܗܘܬ܇
1274	ܡܛܠ ܫܘܝܚܘܬܐ ܕܐܟܚܕܐ܆
1275	ܗܟܢܐ ܐܦ ܡܢ ܗ̈ܢܝܐܬܐ ܕܝܠܗ݀ ܝܗܒܐ܀
1276	ܐܪܐ ܗܟܝܠ ܘܗܪܟܐ܇
1277	ܡܛܠ ܫܡܐ ܕܫܘܝܚܘܬܐ ܕܐܟܚܕܐ܇
1278	ܡܣܒܪܝܢܢ ܣܟܠܐܝܬ ܕܠܚܕܐ ܐܘܣܝܐ ܡܫܡܠܐ ܓܘܫܡܐ ܥܡ ܢܦܫܐ ܕܒܪܢܫܐ܆
1279	ܘܡܢܘ݂ ܡܢ ܗܠܝܢ ܕܐܝܬ ܠܗܘܢ ܗܘܢܐ܆
1280	ܡܡܪܚ ܕܗܕܐ ܢܐܡܪ܂
1281	ܡܫܟܚܝܢܢ ܕܝܢ ܠܗ ܟܕ ܠܗ ܠܡܠܦܢܐ܇
1282	ܕܒܡܐܡܪܐ ܕܡܛܠ ܪܚܡܬ ܡ̈ܣܟܢܐ܆
1283	ܕܐܦ ܡܘܙܓܐ ܡܫܡܗ ܠܪܘܟܒܐ ܕܝܠܢ ܗܟܢܐ܂ ܀
1284	ܓܪܝܓܪܝܘܣ܀
1285	ܕܐܝܟ ܗܟܢܐ ܡܘܙܓܐ܂ ܘܡܛܠ ܗܠܝܢ ܐܝܟ ܕܠܝ ܡܬܚܙܝܐ܂ ܐܝܟܢܐ ܕܡܐ ܕܡܫܬܩܠܝܢ ܚܢܢ ܡܛܠ ܨܠܡܐ܆
1286	ܡܛܠ ܥܦܪܐ ܢܬܩܦܣ܀
1287	ܡܢ ܟܕܘ ܕܝܢ ܘܫܡܐ ܕܡܬܐܠܗܢܘܬܐ ܕܣܝܡ ܥܠܝܢ܇
1288	ܘܥܠ ܫܘܒܚܐ ܕܥܬܝܕ ܕܢܬܝܗܒ ܠܢ܆
1289	ܒܡܐܡܪܐ ܕܝܠܗ ܕܥܠ ܒܝܬ ܕܢܚܐ ܟܬ݂ܒ ܗܟܢܐ܂ ܀
1290	ܕܝܠܗ܀
1291	ܚܝܘܬܐ ܕܗܪܟܐ܆
1292	ܡܬܕܒܪܐ ܘܠܕܘܟܬܐ ܐܚܪܬܐ ܥܒܪܐ܂ ܘܫܘܠܡܐ ܕܪܐܙܐ܆
1293	ܒܪܡܙܐ ܕܠܘܬܗ ܡܬܐܠܗܐ܀
1294
1295	ܐܟܙܢܐ ܗܟܝܠ ܕܒܬܐܘܪܝܐ ܕܒܪܢܫܐ ܕܐܟܘܬܢ܇
1296	ܘܠܐ ܫܘܝܚܘܬܐ ܕܐܟܚܕܐ܇
1297	ܘܠܐ ܡܘܙܓܐ ܘܠܐ ‍[‍128‍]‍ ܡܬܐܠܗܢܘܬܐ܇
1298	ܫܘܚܠܦܐ ܐܝܬ ܠܗ ܕܐܘܣܝܐ܇
1299	ܐܘ ܗ݂ܝ ܟܕ ܗ݂ܝ܆