The Comprehensive Aramaic Lexicon

1400	ܐܝܟ ܡܐ ܕܡܡܙܓ܂ ܠܘ ܡܢ ܗ݀ܝ ܕܐܬܗܦܟ ܠܘܬ ܗ݀ܝ ܕܠܝܬܘܗܝ ܗܘܐ܂ ܐܠܐ ܡܢ ܗ݀ܝ ܕܢܣܒ ܗܝܟܠܐ ܕܡܢ ܒܬܘܠܬܐ܀
1401
1402	ܐܦ ܗ݀ܝ ܕܝܢ ܕܐܡܪܬ ܕܗ݀ܢܘܢ ܕܠܩܘܒܠܐ ܡܝܬܝܢ܆
1403	ܠܐ ܬܣܒܪ ܕܚܕܬܐ ܗܝ܂ ܣܐܒܬ ܠܗ݀ ܓܝܪ ܟܕ ܫܢܝܐ܆
1404	ܘܡܫܚܠܦܐܝܬ ܡܬܓܚܟܐ ܗ݀ܝ ܕܐܡܪܝܢ܂ ܕܒܗ݀ܝ ܕܐܡܪܝܢܢ ܚܕ ܟܝܢܐ ܕܐܠܗܐ ܡܠܬܐ܇
1405	ܘܡܘܣܦܝܢܢ ܡܒܣܪܐ܇
1406	ܠܗ݀ܘ ܟܝܢܐ ܐܚܪܢܐ ܡܥܠܝܢܢ܂ ܒܣܓܝ ܓܝܪ ܙܒ̈ܢܝܢ ܗܘܘ ܛܡ̈ܐܐ܇
1407	ܗ݀ܝ ܕܢܟܦܘܪ ܒܒܣܪܐ܇
1408	ܘܒܬܪ ܚܕܝܘܬܐ ܬܘܒ ܦܫܝܛܐ ܢܘܕܐ ܠܡܠܬܐ܂ ܐܠܐ ܫܦܝܪ ܝܕܝܥܐ܆
1409	ܕܡܠܬܐ ܗ݀ܝ ܕܡܒܣܪ ܪܘܟܒܐ ܪܡܙܐ܆
1410	ܘܚܕ ܩܢܘܡܐ ܡܢ ܬܪ̈ܝܗܘܢ܂ ܘܠܦܘܪܫܐ ܕܩ̈ܢܘܡܐ ܘܕܟܝ̈ܢܐ ܕܚ݁ܩܐ܂ ܐܝܬܝܢܢ ܓܝܪ ܡܢ ܟܕܘ ܕܐܡܪ ܩܕܝܫܐ ܩܘܪܝܠܘܣ ܒܗ݀ܘ ܕܚܕ ܗܘ ܡܫܝܚܐ ܗܟܢܐ܂ ܀
1411	ܩܘܪܝܠܘܣ܀
1412	ܠܘ ܒܟܠ ܘܡܢ ܟܠܦܪܘܣ ܚܕ ܡܬܐܡܪ ܠܚܘܕܐܝܬ ܗ݀ܘ ܦܫܝܛܐ ܘܠܚܘܕܝ ܐܕܫܐ܂ ܐܠܐ ܓܝܪ ܘܗܠܝܢ ܕܡܢ ܬܪ̈ܝܢ ܐܘ ܣܓܝ̈ܐܐ ܘܡܫ̈ܚܠܦܝ ܐܕ̈ܫܐ ܡܪܟܒܝܢ܂ ܕܗܟܢܐ ܓܝܪ ܫܦܝܪ ܐܝܬ ܠܗ݀ ܡܣܬܒܪܐ ܠܗ݀ܢܘܢ ܕܒܕܐܝܟ ܗܠܝܢ ܚܟܝܡܝܢ܀
1413
1414	ܗܟܢܐ ܕܗܠܝܢ ܕܒܪܬܐ ܕܝܠܗ݀ ܟܕ ܕܝܠܗ݀ ܕܚܣܝܪܘܬ ܗܘܢܐ܂ ܘܚܬܐ ܕܗܦܟܬܐ ܢܣܝܘ ܗ݀ܢܘܢ ܕܡܦܠܓܝܢ ܠܥܡܢܘܐܝܠ܂ ܕܢܗܦܟܘܢ ܠܚܟܝܡܐ ܗܢܐ ܡܠܦܢܐ܂ ܐܡܪ ܓܝܪ ܒܩܦܠܐܘܢ ܕܬܡܢܝܐ ܐܘ ܚܪܡܐ ܗܟܢܐ܂ ܀
1415	ܩܘܪܝܠܘܣ܀
1416	ܐܢ ܐܢܫ ܡܡܪܚ ܕܢܐܡܪ ܠܒܪܢܫܐ ܕܐܬܢܣܒ܇
1417	ܕܘ݁ܠܐ ܕܢܣܬܓܕ ܥܡ ܡܠܬܐ ܐܠܗܐ ‍[‍133‍]‍ ܘܐܟܚܕܐ ܢܫܬܒܚ ܐܘ ܐܟܚܕܐ ܢܬܩܪܐ ܐܠܗܐ܇
1418	ܐܝܟ ܐܚܪܢܐ ܥܡ ܐܚܪܢܐ܇
1419	ܘܠܐ ܝܬܝܪܐܝܬ ܒܚܕܐ ܣܓܕܬܐ ܡܝܩܪ ܠܥܡܢܘܐܝܠ ܘܚܕܐ ܬܫܒܚܬ ܡ̈ܠܐ ܡܩ݁ܪܒ܇
1420	ܒܗ݀ܝ ܕܗ݂ܘܐ ܡܠܬܐ ܒܣܪܐ܆
1421	ܚܪܡܐ ܢܗܘܐ܀
1422	ܐܠܐ ܐܢܕܪܐܘܣ ܗ݀ܘ ܫܡܫܛܝܐ ܕܡܢ ܗ݀ܢܘܢ ܕܒܪܝܫܐ ܝܬܒܝܢ ܒܗ݀ܘ ܙܒܢܐ܇
1423	ܟܕ ܥ݁ܕܠ ܠܩܦܠܐܘܢ ܐܡ݂ܪ ܠܘܬ ܩܕܝܫܐ ܩܘܪܝܠܘܣ܂ ܀
1424	ܐܢܕܪܐܘܣ܀
1425	ܘܐܢܬ ܒܗܝܢ ܟܕ ܒܗܝܢ ܡܬܬܚܕ ܐܢܬ ܕܢܦܠ݂ܬ܂ ܟܬܒ݂ܬ ܓܝܪ ܒܡܕܡ ܡܢ ܡܐܡܪ̈ܝܟ܇
1426	ܕܝܬܒ ܒܪܐ ܘܐܒܐ ܐܟܚܕܐ ܥܡ ܒܣܪܗ܂ ܐܝܟܢܐ ܠܡ ܗܟܝܠ ܥ݁ܕܠ ܐܢܬ ܠܗ݀ܘ ܕܐܡ݁ܪ ܕܡܣܬܓܕ ܒܪܢܫܐ ܐܟܚܕܐ ܘܡܠܬܐ ܐܠܗܐ܂ ܟܕ ܗ݀ܝ ܕܐܟܚܕܐ ܘܕܥܡ܆
1427	ܗ݂ܘ ܟܕ ܗ݂ܘ ܚܝܠܐ ܘܬܪܥܝܬܐ ܐܝܬ ܠܗ݀܀
1428	ܘܢܦ݁ܩ ܒܪܘܚܐ ܠܘܬ ܗܕܐ ܘܡܚܘܐ܇
1429	ܕܛܥ݁ܐ ܗܘܐ ܛܘܥܝܝ ܐܚܪܝܬܐ܇
1430	ܕܬܪܝܢܘܬܐ ܕܩ̈ܢܘܡܐ ܡܦܚ݁ܡ ܗܘܐ܂ ܠܚܕ ܩܢܘܡܐ ܘܦܪܨܘܦܐ܇
1431	ܘܟܝܢܐ ܕܡܢ ܪܘܟܒܐ܂ ܟܬ݂ܒ ܕܝܢ ܗܟܢܐ܂ ܀
1432	ܩܘܪܝܠܘܣ܀
1433	ܐܠܐ ܓܝܪ ܐܡܪܝܢ ܣܩ̈ܘܒܠܝܐ܆
1434	ܐܝܢ ܡܬܬܚܕ ܐܢܬ ܐܦ ܐܢܬ ܒܕܘܟ ܕܟܬܒ݂ܬ ܒܐܓܪܬܐ܆
1435	ܕܝ݁ܬܒ ܒܪܐ ܘܐܒܐ ܐܟܚܕܐ ܥܡ ܒܣܪܗ܂ ܘܐܝܟܢܐ ܒܬܪܟܢ ܥ݁ܕܠ ܐܢܬ ܠܗ݀ܘ ܕܐܡ݁ܪ܇
1436	ܕܘ݁ܠܐ ܕܡܠܬܐ ܐܠܗܐ ܘܒܪܢܫܐ ܐܟܚܕܐ ܢܣܬܓܕ ܘܐܟܚܕܐ ܢܬܩܪܐ ܐܠܗܐ܂ ܗ݂ܝ ܓܝܪ ܟܕ ܗ݂ܝ ܐܝܬܝܗ݀܇
1437	ܕܢܐܡܪ ܐܟܚܕܐ ܘܥܡ܂ ܡܕܝܢ ܢܟܣ ܕܠܐ ܝܕܥܝܢ ܚܝܠܐ ܕܗܠܝܢ ܕܐܬܐܡܪ܂ ܘܠܐ ܚܝܪܝܢ ܒܟܝܢܐ ܕܣܘܥܪ̈ܢܐ܂ ܐܡܬܝ ܡ݁ܢ ܓܝܪ ܕܥܠ ܚܕ ܦܪܨܘܦܐ ܐܘ ܟܝܢܐ ܐܘ ܩܢܘܡܐ ܚܕ ܡܒܚܢܐ ܡܠܬܐ܇
1438	ܘܗܠܝܢ ܕܡܢܗܝܢ ܐܝܬܘܗܝ ܐܘ ܡܪܟܒ ܟܝܢܐܝܬ܇
1439	ܘܡܠܬܐ ܗ݀ܝ ܕܐܟܚܪܐ ܐܘ ܗ݀ܝ ܕܥܡ ܢܛܪܬ ܠܗ݀ܘ ܕܡܬܝܕܥ ܐܦ ܗܟܢܐ ܗ݀ܝ ܕܚܕ ܢܗܘܐ ܐܝܬܘܗܝ ܒܪܘܟܒܐ܇
1440	ܘܠܘ ܠܬܪ̈ܝܢ ܡܦܠܓܐܝܬ ܡܬܚܡܐ܂ ܐܡܬܝ ܕܝܢ ܕܟܕ ܩܕܡܝܢ ܡܦܠܓܝܢ ܩ̈ܢܘܡܐ ܠܬܪ̈ܝܢ܇
1441	ܘܠܘܬ ܗ݀ܝ ܕܘ݁ܠܐ ܕܟܠܚܕ ܡܢܗܘܢ ܡܢܗ ܘܠܗ ܡܬܝܕܥ ܘܕܝܠܢܐܝܬ܇
1442	ܗ݀ܝ ܕܐܟܚܕܐ ܐܘ ܟܝܬ ܗ݀ܝ ܕܥܡ ܡܬܐܡܪܐ܇
1443	‍[‍134‍]‍ ܗܝܕܝܢ ܕܬܪ̈ܝܢ ܐܘ ܕܣ̈ܓܝܐܐ ܬܘܒ܇
1444	ܘܠܐ ܕܚܕ ܒܪܘܟܒܐ ܐܡܪܝܢ ܚܢܢ ܕܥܒܕܬ ܠܗ ܠܫܘܘܕܥܐ܇
1445	ܐܝܟ ܡܐ ܕܐܢ ܐܡ݁ܪ ܐܢ ܬܓܕܫ܇
1446	ܕܡܬܝܩܪܐ ܢܦܫܐ ܕܒܪܢܫܐ ܘܦܓܪܗ ܐܟܚܕܐ܇
1447	ܐܢ ܐܝܩܪܐ ܡܕܡ ܢܗܘܐ ܡܢ ܐܢܫ ܠܘܬ ܚܕ ܒܪܢܫܐ܇
1448	ܗ݀ܘ ܕܐܝܬܘܗܝ ܡܢ ܬܪ̈ܝܢ܇
1449	ܐܘ ܢܐܡܪ ܐܢܫ ܠܢܦܫܐ ܕܐܝܬܝܗ݀ ܚܕܐ ܚܝܘܬܐ ܥܡ ܓܘܫܡܗ݀܂ ܠܘ ܡܢ ܟܠܦܪܘܣ ܠܬܪ̈ܝܢ ܒ̈ܢܝ ܐܢܫܐ܇
1450	ܡܬܚܡ ܠܗ݀ܘ ܚܕ܇
1451	ܡܬܚܙܐ ܕܝܢ ܝܬܝܪܐܝܬ܇
1452	ܕܠܐ ܠܐ ܝ݁ܕܥ ܗܠܝܢ ܕܡܢܗܘܢ ܐܝܬܘܗܝ ܐܘ ܡܪܟܒ ܟܝܢܐܝܬ܇
1453	ܐܡܬܝ ܕܝܢ ܕܐܡܪ ܦܛܪܘܣ ܘܝܘܚܢܢ ܐܟܚܕܐ ܡܬܩܪܝܢ ܒ̈ܢܝܢܫܐ܇
1454	ܐܘ ܕܥܡ ܦܛܪܘܣ ܐܦ ܝܘܚܢܢ ܣܠܩ ܗܘܐ ܠܗܝܟܠܐ܇
1455	ܠܐ ܡܟܝܠ ܗ݀ܝ ܕܐܟܚܕܐ ܐܘ ܕܥܡ ܫܘܘܕܥܐ ܕܚܕ ܐܢܫ ܥܒܕܐ܂ ܠܐ ܓܝܪ ܡܪܟܒ ܦܛܪܘܣ ܥܡ ܝܘܚܢܢ܆
1456	ܐܦܠܐ ܠܩܘܝܡܐ ܕܚܕ ܒܪ ܐܢܫܐ ܡܫܡܠܝܢ ܬܪ̈ܝܗܘܢ܆
1457	ܡܢܐ ܗܟܝܠ ܡܨܛܢܥܝܢ ܠܫܪܪܐ܇

1458	ܟܕ ܡܦܠܓܝܢ ܠܐ ܝܠܝܦܐܝܬ ܠܬܪ̈ܝܢ ܡܫܝܚܝܢ ܠܗ݀ܘ ܚܕ܀

1459
1460	ܟܕ ܗܟܝܠ ܣ݁ܓܝ ܐܝܬܘܗܝ ܫܘܚܠܦܐ ܘܕܠܐ ܡܫܘܚܬܐ ܘܐܝܟ ܡܐ ܕܪܚܝܩܐ ܡܕܢܚܐ ܡܢ ܡܥܪܒܐ ܕܟܬܒܐܝܬ ܢܐܡܪ܇
1461	ܪܘܟܒܐ ܟܝܢܝܐ܇
1462	ܐܘ ܚܕܝܘܬܐ ܩܢܘܡܝܬܐ܇
1463	ܠܘܬ ܢܩܝܦܘܬܐ ܕܐܝܩܪܐ܇
1464	ܕܠܬܪ̈ܝܢ ܩܢܘܡܝܢ ܒܫܘܝܘܬ ܫܡܐ ܐܣܪܐ܆
1465	ܐܝܟܢܐ ܡܢ ܒ̈ܢܘܗܝ ܕܢܣܛܘܪܝܘܣ ܢܬܐܠܨ܇
1466	ܕܠܘܬ ܚܕܐ ܐܘܣܝܐ ܗ݀ܝ ܕܡܢ ܚܒܘܟܝܐ ܕܐܘ̈ܣܝܣ ܢܬܓܘܣ܇
1467	ܐܝܟܢܐ ܕܡܢ ܚܒܝܟܘܬܐ ܕܟܝ̈ܢܐ ܐܝܟ ܕܐܡ݁ܪ ܐܢܬ ܢܣܛܐ܂ ܠܐ ܐܝܬܝܗܝܢ ܗܠܝܢ ܠܐ ܐܝܬܝܗܝܢ܂ ܠܐ ܐܢܫ ܒܦܝܣ ܡ̈ܠܐ ܢܛܥܝܟܘܢ܂ ܐܝܟ ܕܐܡ݁ܪ ܫܠܝܚܐ܂
1468	ܗܢܝܐܝܬ ܡܫܐܠ ܗ݀ܘܝܬ ܠܢܟܦܘܬܟ܆
1469	ܕܟܕ ܚܕܐ ܐܘܣܝܐ ܚܕܐ ܙܒܢ ܗܘܬ ܐܝܟ ܕܐܡ݁ܪ ܐܢܬ ܘܡܫܘܕܥܘܬܐ܂ ܐܝܟܢܐ ܡܟܝܠ ܐܡ݁ܪ ܐܢܬ܇
1470	ܕܩܘܝ ܫܘܚܠܦܐ ܕܒܐܘܣܝܐ ܕܟܝ̈ܢܐ ܕܡܢܗܘܢ ܡܫܝܚܐ܂ ܐܢ ܓܝܪ ܚܕܐ ܡܫܘܕܥܘܬܐ ܘܐܘܣܝܐ ܬܬܩܝܡ܆
1471	ܡܟܝܠ ܥܪܩ ܗܠܝܢ ܕܫܘܚܠܦܐ܂ ܡܢ ܟܠܦܪܘܣ ܓܝܪ ܐܡ݁ܪ ܐܢܬ܆
1472	ܡܛܠ ‍[‍135‍]‍ ܕܠܘܬ ܗܕܐ ܠܥܠ ܘܠܬܚܬ ܠܗܠܝܢ ܕܡܬܐܡܪ̈ܢ ܪܡ݁ܙ ܨܒܝܢܟ܆
1473	ܗ݀ܝ ܕܒܨܝܪܐ ܐܬܗܦܟܬ ܠܘܬ ܗ݀ܝ ܕܡܥܠܝܐ܆
1474	ܘܟܠܗ ܥܡܢܘܐܝܠ܆
1475	ܐܠܗܘܬܐ ܐܝܬܘܗܝ ܒܐܘܣܝܐ܂ ܐܝܟܢܐ ܗܟܝܠ ܢܬܚܙܐ ܡܢ ܗ݀ܢܘܢ ܕܕܩܪܘ ܒܙܒܢܐ ܕܡܐܬܝܬܐ ܕܬܪ̈ܬܝܢ ܘܫܒܝܚܬܐ܂ ܟܕ ܚܕܐ ܙܒܢ ܓܝܪ ܠܠܐ ܡܬܚܙܝܘܬܐ ܫܢܝܬ ܐܘܣܝܐ ܡܬܚܙܝܢܝܬܐ܆
1476	ܫܪܟܐ ܠܗ݀ܘ ܕܠܐ ܢܦ݁ܠ ܒܚܙܬܐ܂ ܘܕܓܠܘ ܟܬܒ̈ܐ ܐܠܗ̈ܝܐ܇
1477	ܕܣܬܬܘ ܕܡܬܚܙܐ ܠܗ݀ܢܘܢ ܕܕܩܪܘ܇
1478	ܘܠܘܬ ܗ݀ܝ ܕܝܢ ܙܒܢܐ ܗܘ ܕܬܬܠ ܡܠܬܐ ܙܥܘܪܬܐ܇
1479	ܘܐܬ݁ܐ݂ ܠܘ ܐܝܟ ܕܐܡ݂ܪ ܫܠܝܚܐ܇
1480	ܠܚ̈ܙܘܐ ܕܡܪܝܐ ܘܠܓ̈ܠܝܢܐ܂ ܠܡ̈ܠܐ ܕܚܟܡܬܐ ܗ݀ܝ ܕܐܬܡܠܠܬ ܡܢ ܐܠܗܐ܂ ܘܐܡ݁ܪ ܐܝܟ ܗ݀ܘ܆
1481	ܗ݀ܘܝܬ ܣܟܠܐ ܕܐܢܬܘܢ ܐܠܨܬܘܢܢܝ܂
1482	ܐܡܪܬ ܓܝܪ ܒܗܠܝܢ ܕܡܢ ܩܕܝܡ ܠܘܬܟ ܐܬܟܬܒ݂ ܗܟܢܐ܂ ܗ݀ܝ ܕܝܢ ܕܢܐܡܪ ܕܡܢ ܬܪ̈ܬܝܢ ܕܝ̈ܠܝܬܐ ܐܘ ܡܢ ܬܪ̈ܬܝܢ ܡܥܒ̈ܕܢܘܬܐ ܐܬܪܟܒ ܥܡܢܘܐܝܠ܆
1483	ܣܟܠܐ ܘܕܠܐ ܪܕܝܐ܂ ܐܪܐ ܓܝܪ ܕܡܛܠ ܕܗ݀ܝ ܕܢܣܬܟܠ ܕܝܠܝܬܐ ܗ݀ܝ ܕܢܦܫܐ ܡܠܝܠܬܐ܇
1484	ܕܦܓܪܐ ܕܝܢ ܐܘܟܡܘܬܐ ܐܘ ܚܘܪܘܬܐ ܐܢ ܬܓܕܫ܇
1485	ܡܛܠ ܗܕܐ ܐܡܪܝܢܢ ܠܒܪܢܫܐ ܕܡܢ ܗ݀ܝ ܕܢܣ݁ܬܟܠ ܘܡܢ ܚܘܪܘܬܐ ܡܪܟܒ܇
1486	ܐܘ ܡܢ ܐܘܟܡܘܬܐ܇
1487	ܐܠܐ ܠܐ ܐܢܫ ܕܐܝܬ ܠܗ ܗܘܢܐ ܐܡ݁ܪ ܗܕܐ܂ ܐܠܐ ܡܢܗܘܢ ܕܟܝ̈ܢܐ ܕܦܓܪܐ ܘܕܢܦܫܐ ܐܡ݁ܪ ܕܡܩܝܡ ܒܪܢܫܐ܂ ܠܐܝܠܝܢ ܕܗܠܝܢ ܕܐܬܐܡܪ ܘܢܩ̈ܦܢ ܘܡ̈ܬܚܙܝܢ܇
1488	ܘܠܐ ܡܦܪܫܐܝܬ ܡܟܢܢ܂ ܐܢܬ ܕܝܢ ܟܕ ܩܪܝܬ ܗܠܝܢ ܐܝܬܝܬܗ݀ ܠܡܠܬܐ܂ ܟܕ ܐܡ݁ܪ ܐܢܬ ܕܐܡܪܝܢ܆
1489	ܕܡܢ ܡܠܝܠܐ ܘܐܘܟܡܘܬܐ܆
1490	ܠܘ ܓܝܪ ܗ݂ܝ ܟܕ ܗ݂ܝ ܗ݀ܝ ܕܢܣܬܟܠ ܘܡܠܝܠܐ܂ ܡܠܝܠܐ ܓܝܪ ܗ݀ܘ ܕܐܝܬܘܗܝ ܢܦܫܐ ܝܕܘܥܬܢܝܬܐ ܒܩܢܘܡܐ ܐܝܬܘܗܝ܂ ܗ݀ܝ ܕܝܢ ܕܢܣܬܟܠ ܙܒܢܐ ܘܡܥܒܕܢܘܬܐ ܕܢܦܫܐ ܡܠܝܠܬܐ܂ ܐܝܟܢܐ ܗܟܝܠ ܟܕ ܚܢܢ ܡܢ ܗ݀ܝ ܕܢܣ݁ܬܟܠ ܐܡܪܢܢ܇
1491	ܐܢܬ ܟܕ ܡܗܦܟ ܐܢܬ ‍[‍136‍]‍ ܐܡ݂ܪܬ ܡܢ ܡܠܝܠܐ܂ ܘܒܗܕܐ ܐܥܘܠܬ ܒܫܪܪܐ܂ ܒܬܪ ܗܟܢ ܕܝܢ ܐܣܒܪܬ܆
1492	ܕܡܛܠ ܐܘܟܡܘܬܐ ܗ݀ܝ ܕܡܬܛܝܫܐ ܒܕܦܐ ܡܡܠܠܝܢ ܚܢܢ܇
1493	ܕܓܕܫܐ ܘܗܦܟܐ ܠܐ ܓܕܫܐ܆
1494	ܗܟܢܐ ܘܐܡܪܬ ܕܡܫܘܕܥܘܬܐ ܐܝܬܝܗ݀܆
1495	ܗ݀ܝ ܕܟܕ ܐܫܦܬ ܠܚܘܪܘܬܐ܆
1496	ܠܐܘܣܝܐ ܫܒ݂ܩܬ ܐܝܟ ܕܡܟܢܐ܂ ܚܢܢ ܕܝܢ ܡܛܠ ܐܘܟܡܘܬܐ ܐܡܪܢܢ܆
1497	ܗ݀ܝ ܕܡܬܚܙܝܐ ܒܓܘܫܡܐ ܐܢܫܝܐ܂ ܗ݀ܝ ܕܓܕܫܐ ܐܝܬܝܗ݀ ܕܠܐ ܡܬܦܪܫ܂ ܐܝܟ ܡܐ ܐܢ ܬܓܕܫ ܗ݀ܝ ܕܟܘܫܝܐ܂ ܗ݀ܝ ܕܐܦ ܡܢ ܒܪܬ ܩܠܐ ܕܐܪܡܝܐ ܙܕܩ ܗܘܐ ܕܢܬܪܕܐ܇
1498	ܕܠܐ ܡܟܢܐ ܕܬܗܦܘܟ ܠܐ ܬܓܕܫ܂ ܐܡ݁ܪ ܓܝܪ ܐܝܟ ܡܐ ܕܡܛܠ ܗ݀ܝ ܕܠܐ ܡܫܟܚܐ܂ ܐܢ ܚܠܦ ܟܘܫܝܐ ܡܫܟܗ܇
1499	ܘܦܪܕܝܢ ܟܟ̈ܠܬܗ܇