The Comprehensive Aramaic Lexicon

1500	ܒܪܡ ܕܥ܆
1501	ܕܚܢܢ ܠܘ ܐܝܟ ܬܚ̈ܘܡܐ ܕܦܝܠܣܦܘܬܐ ܕܠܒܪ ܒ݁ܥܝܢܢ ܕܚܬܝܬܐܝܬ ܢܬܚ݁ܡ܇
1502	ܕܡܢܐ ܐܝܬܝܗ݀ ܕܝܠܝܬܐ܂ ܗܠܝܢ ܓܝܪ ܘܕܝܫܢ ܘܠܒܪ ܡܢ ܕܪܬܐ ܕܝܠܢ ܐܝܬܝܗܝܢ܂ ܡܢ݂ܘ ܓܝܪ ܠܐ ܝ݁ܕܥ܇
1503	ܕܕܝܠܝܬܐ ܡ݁ܢ ܕܒܪܢܫܐ ܓܚܘܟܘܬܐ܇
1504	ܕܣܘܣܝܐ ܕܝܢ ܐܢ ܬܓܕܫ ܨܗܘܠܘܬܐ܂ ܐܠܐ ܚܕ ܗ݀ܘܐ ܠܢ ܫܩܠ ܛܥܢܐ ܕܢܩܝܡ ܘܢܚܘܐ ܓܠܝܐܝܬ܆
1505	ܕܐܝܟܐ ܕܪܘܟܒܐ ܘܟܢܘܫܝܐ ܟܝܢܝܐ ܕܐܘ̈ܣܝܣ ܐܘ ܕܟܝ̈ܢܐ ܣܝܡ܇
1506	ܐܝܟ ܡܐ ܕܠܘܬ ܥܘܬܕܐ ܕܒܪܢܫܐ ܕܐܟܘܬܢ܂ ܝܬܝܪܬܐ ܗܝ ܘܣ݁ܓܝ ܕܠܐ ܗܘܢܐ܂ ܗ݀ܝ ܕܡܢ ܗܠܝܢ ܕܡܬܚܙܝܢ ܒܐܘ̈ܣܝܣ ܢܐܡܪ ܕܡܪܟܒܐ ܚܝܘܬܐ܂
1507	ܕܐܦ ܬܚ̈ܘܡܐ ܕܝܢ ܘܢܡ̈ܘܣܐ ܕܦܝܠܣܦܘܬܐ ܕܠܒܪ܇
1508	ܠܘܬ ܗܕܐ ܕܩܕܝܡܐ ܣܝܡܐ܇
1509	ܘܠܐ ܡܕܡ ܡܥܕܪܝܢ ܠܟ܆
1510	ܐܦ ܡܢ ܗܠܝܢ ܕܡܬܐܡܪ̈ܢ ܝܠܦ ܐܢܬ܆
1511	ܘܣ݁ܓܝ ܢܗܝܪܐܝܬ܂ ܚܟܝ̈ܡܐ ܓܝܪ ܕܠܘܬ ܗܠܝܢ܆
1512	ܕܝܠܝܬܐ ܕܢܦܫܐ ܐܢܫܝܬܐ ܐܡܪܝܢ ܕܐܝܬܝܗ݀܆
1513	ܗ݀ܝ ܕܬܐܠܦ݂ ܗ݀ܝ ܕܬܛܥܐ܂ ܗ݀ܝ ܕܬܥܗܕ܂ ܕܝܠܝܬܐ ܕܝܢ ܕܦܓܪܐ ܐܢܫܝܐ܆
1514	ܗ݀ܝ ܕܗܟܢܐ ܢܬܪܟܒ ܒܐܘܪ̈ܓܢܐ܇
1515	ܐܝܟܢܐ ܕܢܫܡܫ ܠܡܥܒܕܢܘܬܐ ܕܢܦܫܐ ܡܠܝܠܬܐ܂ ܘܐܝܟ ܕܩܕܝܫܐ ܒܣܝܠܝܘܣ ܐܡ݂ܪ܆
1516	ܗ݀ܝ ܕܬܪܝܨܐ ܢܬܒܪܐ܇
1517	ܘܣܛܪ ܡܢ ܚܝ̈ܘܬܐ ܐܚܪ̈ܢܝܬܐ ܡܛܝܒܐ ܢܗܘܐ ܐܝܬ ܠܗ ܚܘܪܐ ܠܘܬ ܫܡܝܐ܂ ܐܟܙܢܐ ‍[‍137‍]‍ ܓܝܪ ܕܗ݀ܘ ܕܡܢܣܝ ܒܐܘܡܢܘܬܐ ܕܙܡܪܘܬܐ܇
1518	ܠܘ ܐܚܪܢܝܐܝܬ ܡܛܦܣ ܥܘܬܕܐ ܕܩܢܝܐ܇
1519	ܕܗ݀ܘ ܕܥܬܝܕ ܕܢܩ݁ܒܠ ܢܦܚܐ ܕܩܝܢܬܐ ܕܐܝܟ ܗܟܢܐ܇
1520	ܐܘ ܕܡܦܘܚܝܬܐ ܕܫܦܝܪ ܡܬܚܡܐ܇
1521	ܐܠܐ ܗܟܢܐ ܐܝܟܢܐ ܕܥܗܢܐܝܬ ܢܗܘܐ ܐܝܬ ܠܗ ܠܘܬ ܩܝܢܬܐ ܗ݀ܝ ܕܡܬܢܦܚܐ܇
1522	ܐܝܟܢܐ ܕܠܐ ܢܗܘܐ ܥܬܝܕ ܕܡܫܚܠܦ ܐܘܪܓܢܘܢ܇
1523	ܗ݀ܘ ܕܥܬ݂ܝܕ ܕܢܫܡܫ ܠܙܘܥܐ ܕܗ݀ܘ ܕܙܡ݁ܪ܂ ܒܗ ܒܙܢܐ ܐܦ ܥܒܘܕܐ ܠܓܘܫܡܐ ܐܢܫܝܐ ܓܒܠ܆
1524	ܐܝܟܢܐ ܕܕܠܚ݁ܡ ܘܥܗܢ ܢܗܘܐ ܐܝܬܘܗܝ ܠܒܝܬ ܡܫܪܝܐ ܘܕܘܝܪܐ ܕܢܦܫܐ ܡܠܝܠܬܐ܂ ܐܝܟܢܐ ܕܠܘ ܫܘܚܠܦܐ ܐܝܢܐ ܕܗ݂ܘ ܢܗܘܐ ܐܝܬ ܠܗ܇
1525	ܠܘܬ ܓܘܫ̈ܡܐ ܕܚܝ̈ܘܬܐ ܐܚܪ̈ܢܝܬܐ܇
1526	ܐܝܠܝܢ ܕܠܘ ܠܢܦܫ̈ܬܐ ܡ̈ܠܝܠܬܐ ܡܫܡܫܝܢ܂ ܐܪܐ ܗܟܝܠ ܡܛܠ ܕܕܝܠܝܬܐ ܕܢܦܫܐ ܡ݁ܢ ܐܢܫܝܬܐ܇
1527	ܗ݀ܝ ܕܬܐܠܦ ܘܗ݀ܝ ܕܬܛܥܐ ܐܝܬܝܗ݀܇
1528	ܘܗ݀ܝ ܕܬܥܗܕ܇
1529	ܕܓܘܫܡܐ ܕܝܢ ܐܢܫܝܐ ܗ݀ܝ ܕܗܟܢܐ ܢܬܓܒܠ܇
1530	ܢܐܡܪ ܕܡܢ ܗ݀ܝ ܕܢܐܠܦ ܘܢܬܥܗܕ܇

1531	ܡܢ ܓܒܝܠܘܬܐ ܕܕܐܝܟ ܗܟܢܐ ܕܓܘܫܡܐ ܡܪܟܒ ܒܪܢܫܐ܇

1532	ܐܠܐ ܡܬܓܚܟܝܢܢ ܘܣ݁ܓܝ ܙܕܩܐܝܬ܇
1533	ܟܕ ܙܕܩ ܕܡܢ ܐܘ̈ܣܝܣ ܐܘ ܡܢ ܟܝ̈ܢܐ ܢܐܡܪ ܕܡܪܟܒܐ ܚܝܘܬܐ ܡܪܟܒܬܐ܇
1534	ܘܐܡܪܝܢܢ ܡܢ ܕܝ̈ܠܝܬܐ ܕܡܟܢܢ ܒܗܘܢ ܠܪܘܟܒܐ܂ ܘܠܘܬ ܡ݁ܢ ܒܪܢܫܐ ܕܐܟܘܬܢ ܗܠܝܢ܂
1535	ܕܥ ܕܝܢ ܕܠܘܬ ܟܝܢܐ ܐܠܗܝܐ܆
1536	ܐܦ ܠܐ ܐܝܬ ܕܢܐܡܪ ܡܪܢܐܝܬ ܕܝܠܝܬܐ܂ ܡܛܠ ܕܐܦܠܐ ܡܩܒܠܢܐ ܕܗܠܝܢ ܐܝܬܘܗܝ ܐܠܗܐ܂ ܐܠܐ ܫܐܝܠܐܝܬ ܒܠܚܘܕ ܡܕܡ ܡܢ ܗܠܝܢ ܕܐܝܟ ܗܟܢ ܡܬܐܠܨܝܢܢ ܕܢܐܡܪ܂ ܡܛܠ ܗܢܐ ܘܐܘܓܪܝܣ ܟܕ ܠܘܬ ܗܠܝܢ ܣ݁ܓܝ ܐܣܬܦܩ܆
1537	ܗܕܐ ܐܡ݁ܪ ܒܚܕ ܡܢ ܩܦܠܐܘܢ ܕܝܠܗ܂ ܀
1538	ܐܘܓܪܝܣ܀
1539	ܐܢ ܟܠ ܫܘܐܠܐ ܐܘ ܓܢܣܐ ܐܝܬ ܕܡܬܩܛܪܓ܇
1540	ܐܘ ܐܕܫܐ ܐܘ ܫܘܚܠܦܐ܇
1541	ܐܘ ܕܝܠܝܬܐ܇
1542	ܐܘ ܓܕܫܐ܇
1543	ܐܘ ܗ݀ܘ ܕܡܢ ܗܠܝܢ ܡܪܟܒ܇
1544	ܠܝܬ ܕܝܢ ܕܡܕܡ ܡܢ ܗܠܝܢ ܕܐܬܐܡܪ ‍[‍138‍]‍ ܢܫܟܚ ܠܘܬ ܬܠܝܬܝܘܬܐ ܩܕܝܫܬܐ܇
1545	ܒܫܬܩܐ ܢܣܬܓܕ ܗ݀ܘ ܕܠܐ ܡܬܐܡܪ܀
1546	ܘܙܕܩܐܝܬ ܗܠܝܢ ܐܡ݁ܪ܇
1547	ܡܛܠ ܕܐܦ ܠܥܠ ܡܢ ܐܘܣܝܐ ܐܘ ܟܝܢܐ ܡܣܬܟܠ ܐܠܗܐ܂ ܗܟܢܐ ܓܝܪ ܘܒܡܐܡܪܐ ܕܪܫܝܡ ܥܠ ܛܘܦܐ ܠܘܬ ܗܠܝܢ ܕܡܢ ܡܨܪܝܢ܆
1548	ܓܪܝܓܪܝܘܣ ܡܡܠܠ ܐܠܗ̈ܝܬܐ ܐܡ݁ܪ܂ ܀
1549	ܓܪܝܓܪܝܘܣ܀
1550	ܬܪ̈ܝܢ ܫܘ̈ܚܠܦܐ ܡ̈ܥܠܝܐ ܝ݁ܕܥ ܐܢܐ ܒܗܠܝܢ ܕܐܝܬܝܗܝܢ܂ ܡܪܘܬܐ ܘܥܒܕܘܬܐ܂ ܠܘ ܗܠܝܢ ܕܠܘܬܢ܇
1551	ܕܐܘ ܛܪܘܢܘܬܐ ܦܣܩܬ܇
1552	ܐܘ ܡܟܣܢܘܬܐ ܦܪܫܬ܂ ܐܠܐ ܗܠܝܢ ܕܟܝܢܐ ܬܚ݁ܡ܂ ܘܐܢ ܠܐܢܫ ܪܚܝܡܐ ܕܗܟܢ ܢܩܪܐ܂ ܗ݀ܘ ܓܝܪ ܩܕܡܝܐ ܐܦ ܠܥܠ ܡܢ ܟܝܢܐ܀
1553	ܗܕܐ ܐܦ ܩܕܝܫܐ ܩܘܪܝܠܘܣ܇
1554	ܒܟܬܒܐ ܩܕܡܝܐ ܕܦܘܫܩܐ ܕܐܘܢܓܠܝܘܢ ܕܝܘܚܢܢ ܐܡܪ ܗܟܢܐ܂ ܀
1555	ܩܘܪܝܠܘܣ܀
1556	ܢܗܘܐ ܕܝܢ ܬܘܒ܆
1557	ܘܠܥܠ ܡܢ ܗܕܐ ܐܠܗܐ܂ ܒܗ݀ܝ ܕܐܦ ܠܥܠ ܡܢ ܐܘܣܝܐ ܐܝܬܘܗܝ܂ ܘܗ݀ܘ ܕܕܡܐ ܪܝܫܝܐܝܬ ܠܝܬ ܠܗ ܒܥܒ̈ܝܕܐ܂ ܐܝܟܢܐ ܕܐܦ ܨܠܡܐ ܡܕܡ ܢܬܢܣܒ ܕܬܠܝܬܝܘܬܐ ܩܕܝܫܬܐ܇
1558	ܕܠܝܬ ܠܗ ܡܕܡ ܕܡܫܚܠܦ ܠܚܬܝܬܘܬܐ ܕܝܘ̈ܠܦܢܐ܀
1559	ܐܦ ܠܐ ܓܝܪ ܕܡܢܐ ܐܝܬܘܗܝ ܗ݂ܘ ܐܠܗܐ ܒܐܘܣܝܐ ܐܘ ܒܟܝܢܐ ܝܕܥܝܢܢ܂
1560	ܡܢ ܗܪܟܐ ܐܦ ܠܘܬ ܡܡܠܠܘܬ ܐܠܗܘܬܐ ܘܠܘܬ ܡܕܒܪܢܘܬܐ ܕܡܬܒܪܢܫܢܘܬܐ ܕܝܚܝܕܝܐ ܡܠܬܐ ܐܠܗܐ܆
1561	ܠܘ ܒܡ̈ܠܐ ܡܪ̈ܢܐܝܬܐ ܡܬܚܫܚܝܢܢ܂ ܠܘܬ ܕܝܢ ܡܣܟܢܘܬܐ ܕܫܡ̈ܗܐ ܕܠܘܬܢ܇
1562	ܥܒܕܝܢ ܚܢܢ ܬܚܘ̈ܝܬܐ ܕܗܠܝܢ ܕܡܫܬܘܕܥܢ܂ ܡܛܠ ܗܢܐ ܘܐܡܬܝ ܕܥܒܕܝܢܢ ܡ̈ܠܐ ܡܛܠ ܡܬܒܪܢܫܢܘܬܐ ܐܡܪܝܢ ܚܢܢ܆
1563	ܕܕܝܠܝܬܐ ܕܐܢܫܘܬܐ ܐܝܬܝܗ݀ ܗ݀ܝ ܕܬܟܦܢ܇
1564	ܐܘ ܕܬܨܗܐ܇
1565	ܐܘ ܕܬܠܐܐ܇
1566	ܘܠܘ ܡܪܢܐܝܬ ܗܕܐ ܐܡܪܝܢܢ܆
1567	ܠܘ ܓܝܪ ܕܝܠܝܬܐ ܗܝ ܕܒܪܢܫܐ ܒܠܚܘܕ ܗܕܐ܆
1568	ܐܠܐ ܘܕܗܠܝܢ ܚܝ̈ܘܬܐ ܐܚܪ̈ܢܝܬܐ܇
1569	ܕܡܟܢܢ ܕܢܣ̈ܘܩܢ ܐܐܪ ܘܚܝ̈ܐ ܡܬܪ̈ܓܫܢܐ ܚܝ̈ܢ ܘܡܬܬܪ̈ܣܝܢ܂ ܡܛܠ ܕܕܝܠܝܬܐ ܗ݀ܝ ܕܡܬܐܡܪܐ ‍[‍139‍]‍ ܡܪܢܐܝܬ܆
1570	ܗ݀ܝ ܕܠܡܕܡ ܒܠܚܘܕܘܗܝ ܐܝܬ܇
1571	ܘܠܝܬ ܠܗ ܫܘܬܦܘܬܐ ܥܡ ܐܚܪܢܐ܂ ܐܠܐ ܡܛܠ ܕܗܠܝܢ ܠܘ ܕܝ̈ܠܝܬܐ ܕܐܠܗܐ ܕܠܐ ܓܫܘܡ ܐܝܬܝܗܝܢ܇
1572	ܗ݀ܝ ܕܢܟܦܢ ܘܢܨܗܐ ܐܘ ܕܢܠܐܐ܆
1573	ܡܛܠ ܗܢܐ܆
1574	ܒܦܘܚܡܐ ܕܠܘܬܗ ܐܡܪܝܢܢ ܕܝ̈ܠܝܬܐ ܕܐܢܫܘܬܐ ܠܗܠܝܢ܂ ܐܠܐ ܐܦܢ ܒܟܝܢܐ ܕܝ̈ܠܝܬܐ ܕܝܠܗ݀ ܐܝܬܝܗܝܢ܆
1575	ܐܦ ܕܡܠܬܐ ܐܠܗܐ ܡܛܠ ܡܕܒܪܢܘܬܐ܆
1576	ܕܝ̈ܠܝܬܐ ܐܝܬܝܗܝܢ܂ ܘܗ݂ܘ ܡܬܐܡܪ ܕܟܦܢ ܘܕܨܗܝ ܘܕܠܐܝ ܡܢ ܐܘܪܚܐ܆
1577	ܡܛܠ ܕܩܢܘܡܐܝܬ ܡܚܝܕ ܗܘܐ ܠܓܘܫܡܐ ܕܡܟܢ ܕܗܠܝܢ ܢܚܫ܂ ܘܗ݀ܘ ܕܡܦܠܓ ܠܗܝܢ܇
1578	ܘܗܠܝܢ ܡܟܬܒ ܡܢܗ݀ ܘܠܗ݀ ܠܐܢܫܘܬܐ܇
1579	ܘܡܢܟܪܐ ܠܗܝܢ ܡܢ ܝܚܝܕܝܐ ܐܠܗܐ܇
1580	ܟܕ ܠܐ ܡܕܡ ܚ݁ܣܪ ܒܡܠܬܐ ܕܠܐ ܚܫܘܫܘܬܐ ܕܝܠܗ܆
1581	ܫ݁ܪܐ ܡܕܒܪܢܘܬܐ܆
1582	ܘܡܢܟܪܐ ܠܗ݀ܘ ܕܐܝܬܘܗܝ ܒܕܡܘܬܐ ܕܐܠܗܐ܇
1583	ܘܠܘ ܚܛܘܦܝܐ ܚܫ݂ܒ ܠܗ݀ܝ ܕܢܗܘܐ ܐܝܬܘܗܝ ܫ݂ܘܐ ܠܐܠܗܐ܇
1584	ܡܢ ܣܘܪܩܐ ܨܒܝܢܝܐ ܘܡܘܟܟܐ ܪܚܡ ܐܢܫܐ܂ ܗ݀ܘ ܕܡܛܠܬܢ ܩܒ݁ܠ ܕܢܥܘܠ ܠܗ܂ ܒܗܕܐ ܚܟܝܡ ܒܟܘܠ ܩܘܪܝܠܘܣ܆
1585	ܕܒܡܐܡܪܐ ܕܫܘܐܠܐ ܘܦܘܢܝ ܦܬܓܡܐ ܕܚܕ ܗܘ ܡܫܝܚܐ ܗܠܝܢ ܐܡ݂ܕ܂ ܀
1586	ܩܘܪܝܠܘܣ܀
1587	ܥܐܠܢ ܗܟܝܠ ܥܡ ܡ̈ܠܐ ܕܡܬܒܣܪܢܘܬܐ܆
1588	ܐܦ ܗܠܝܢ ܕܡܛܠܬܗ݀ ܡܕܒܪܢܐܝܬ ܐܬܝ̈܂ ܠܗ݀ܘ ܕܣܝܒܪ ܣܘܪܩܐ ܨܒܝܢܝܐ܂ ܐܟܙܢܐ ܕܗ݀ܝ ܕܢܟܦܢ ܘܗ݀ܝ ܕܢܠܐܐ܂ ܐܝܟ ܡܐ ܓܝܪ ܕܠܐ ܠܐܐ ܗܘܐ܇
1589	ܟܕ ܗ݂ܘ ܐܝܬܘܗܝ ܟܠܗ ܚܝܠܐ܇
1590	ܘܠܐ ܡܬܐܡܪ ܗܘܐ ܕܟ݁ܦܢ܃ ܕܬܘܪܣܝܐ ܘܚܝ̈ܐ ܕܟܠ ܗ݂ܘ ܐܝܬܘܗܝ܇
1591	ܐܠܘ ܠܐ ܕܝܠܗ ܥܒܕܗ ܠܓܘܫܡܐ ܗ݀ܘ ܕܡܟܢ ܕܢܟܦܢ ܘܕܢܠܐܐ܆
1592	ܗܟܢܐ ܘܠܐ ܥܡ ܥܘ̈ܠܐ ܒܕܘܟ ܡܬܚܫܒ ܗܘܐ܂ ܗܟܢܐ ܓܝܪ ܐܡܪܝܢܢ ܠܗ ܕܗ݂ܘܐ ܚܛܝܬܐ܂ ܘܠܐ ܗ݀ܘܐ ܗܘܐ ܠܘܛܬܐ܇
1593	ܟܕ ܨܠܝܒܐ ܣܒܠ ܗ݀ܘ ܕܡܛܠܬܢ܇
1594	ܐܠܘ ܠܐ ܗ݂ܘܐ ܒܣܪܐ܇
1595	ܗܢܘ ܕܝܢ ܐܬܒܣܪ ܘܐܬܒܪܢܫ܀
1596	‍[‍140‍]‍ ܟܕ ܗܠܝܢ ܕܝܢ ܗܟܢܐ ܐܝܟ ܕܐܕܪܟܢܢ ܡܦܪ̈ܫܢ ܠܢ܇
1597	ܕܐܦ ܗ݀ܝ ܐܘܣܦ ܘܡܢ ܗܠܝܢ ܕܐܠܨ̈ܢ ܐܝܬܝܗ݀܂ ܐܝܟܢܐ ܕܠܐ ܐܢܫ ܠܘܬ ܛܘ̈ܦܣܐ ܢܡ̈ܘܣܝܐ ܢܪܗܛ܇
1598	ܘܡܢ ܬܡܢ ܡܢ ܠܐ ܝܠܝܦܘܬܐ ܢܚܣܪ܇
1599	ܘܬܪܥܝܬܐ ܕܠܐ ܫܠܡܐ ܒܚܕܝܘܬܐ ܩܢܘܡܝܬܐ ܢܛܘܫ܂ ܡܛܠ ܗ݀ܝ ܕܡܪܢ ܒܙܢ̈ܝܐ ܣܓܝ̈ܐܐ ܬܡܢ ܡܩܕܡ ܡܬܪܫܡ܂ ܒܙܒܢ ܡ݁ܢ ܐܝܟ ܕܒܩܒܘܬܐ ܕܡܕܗܒܐ܂ ܒܙܒܢ ܕܝܢ܂ ܐܝܟ ܕܒܡܢܢܐ ܕܐܚܝܕ ܒܩܣܛܐ܂ ܒܙܒܢ ܕܝܢ܂ ܐܝܟ ܕܒܪܘܟܒܐ ܕܒܣ̈ܡܐ܂ ܒܙܒܢ ܕܝܢ܂ ܐܝܟ ܕܒܒܘܨܐ ܘܝܘܩܢܬܐ܆