The Comprehensive Aramaic Lexicon

2000	ܠܫܘܚܠܦܐ ܗܢܐ ܟܝܢܝܐ܆
2001	ܥܠܬ݂ܐ ܕܦܘܠܓܐ ܥܒܕܝܢ܂
2002	ܟܕ ܗܠܝܢ ܗܟܝܠ ܥܗܕܬ ܠܢܟܦܘܬܟ܇
2003	ܒܐܠ ܐܘ̈ܣܝܣ ܥܒܕܬܟ ܐܡ݂ܪ ܠܝ܆
2004	ܐܘ ܡܪܫܘܬܐ ܕܗܪܣܝܣ ܟ݁ܬܒܬ ܥܠܝܟ܇
2005	ܕܚ݁ܘܝܬ ܠܟ ܫܒܝܠܐ ܐܒܗܝܐ܇
2006	ܕܡܘܕܐ ܐܢܬ ܕܝܘ̈ܠܦܢܐ ܐܠܗ̈ܝܐ ܠܐ ܡܢܣܝܐܝܬ ܐܝܬ ܠܟ܇
2007	ܘܣܢܝܩ ܐܢܬ ܥܠ ܗ݀ܘ ܕܡܗܕܐ ܠܘܬ ܚܬܝܬܘܬܐ܆
2008	ܘܠܐ ܟܠ ܟܠܗ܂ ܡܙܥܩ ܓܝܪ ܗܕܐ ܓܠܝܐܝܬ ܘܗ݂ܘ ܐܣܟܡܐ ܕܡܠܬܐ ܘܫܪܪܐ܂ ܟܕ ܕܝܢ ܐܓܪܬܐ ܕܬܪ̈ܬܝܢ ܬܘܒ ܟܬܒܬ܇
2009	ܘܗ݂ܢܝܢ ܟܕ ܗ݂ܢܝܢ ܬܘܒ ܐܟܪܟܬ ܒܗ݀܃ ܘܐܡ݁ܪ ܐܢܬ ܕܚܕܝܘܬܐ ܩܢܘܡܝܬܐ ܣܝܡܐ ܡܬܦܚܡܢܐ ܡܣܬܒܪܐ܃ ܐܝܟ ܒ̈ܢܬ ܩ̈ܠܐ ܣܪ̈ܝܩܬܐ ܕܢܣܛܘܪܝܘܣ܇
2010	ܐܢ ܗ݂ܘ ܕܠܐ ܢܘܕܐ ܕܐܬܡܙܓܘ ܟܝ̈ܢܐ܇
2011	ܟܕ ܚܕܐ ܐܘܣܝܐ ܚܕܐ ܙܒܢ ܗܘܬ ܐܘ ܐܦ ܡܫܘܕܥܘܬܐ܃ ܘܗܢܐ ܨܒܝܢܐ ܓܠܝܐܝܬ ܢܗ݀ܪܬ ܒܝܕ ܡ̈ܠܐ ܕܐܘܣܦܬ܇
2012	ܗܠܝܢ ܕܟܕ ܟ݁ܬܒ ܐܢܬ ܗܫܐ ܒܨ݁ܪܬ܇
2013	ܕܐܝܬ ܠܗܝܢ ܗܢܐ ܙܢܐ܂ ܐܢ ܗܟܝܠ ܟܝ̈ܢܐ ܕܡܢܗܘܢ ܡܫܝܚܐ܇
2014	ܠܐ ܚܒܝܟܐܝܬ ܠܐ ܐܬܡܙܓܘ܆
2015	ܐܝܟܢܐ ܠܗܠܝܢ ܕܗܟܢܐ ܩܘܝܘ ܠܐ ܡܡ̈ܙܓܐ܆
2016	ܐܡ݁ܪ ܕܐܬܚܝܕܘ ܠܚ̈ܕܕܐ ܩܢܘܡܐܝܬ܂ ܐܝܟܢܐ ܕܝܢ ܬܚܘܡܐ ܕܪܘܟܒܐ ܐܛ݁ܪ܇
2017	ܟܕ ܡܬܢܛܪܝܢ ܟܝ̈ܢܐ ܠܐ ܡܡ̈ܙܓܐ܇
2018	ܐܝܟ ܕܐܝܬ ܗܘܐ ܠܗܘܢ܀
2019	ܘܐܬܐܠܨ݁ܬ ܬܘܒ ܐܝܟ ܡܫܘܚܬܐ ܕܐܝܬ ܒܝ܆

2020	ܕܒܣܝܡܐܝܬ ܐܦ݁ܢܐ ܠܟ ܦܬܓܡܐ܂ ܘܐܚܘܐ ܢܗܝܪܐܝܬ ܕܚܕܝܘܬܐ ܩܢܘܡܝܬܐ܆

2021	ܟܢܘܫܝܐ ܟܝܢܝܐ ܕܒܚܕܝܘܬܐ ܟܝܢܝܬܐ ܐܝܬܘܗܝ܂ ܘܠܐ ܡܬܐܡܪܢܐܝܬ ܘܠܐ ܡܬܚܫܒܢܐܝܬ܆
2022	ܫܡܠܝ ܚܕ ܩܢܘܡܐ ܘܟܝܢܐ ܕܡܠܬܐ ܕܡܒܣܪ܇
2023	ܕܥܪܩ ܡܢ ܣܝܡܐ ܡܬܦܚܡܢܐ ܘܒܗ݀ ܒܕܡܘܬܐ ܡܢ ܚܘܠܛܢܐ ܘܒܘܠܒܠܐ ܘܡܘܙܓܐ܂ ܐܟܙܢܐ ܕܐܦ ܒܪܢܫܐ ܕܐܟܘܬܢ܇
2024	ܕܡܢ ܢܦܫܐ ܡܠܝܠܬܐ ܘܡܢ ܦܓܪܐ ܡܩܝܡ܇
2025	ܘܡܢ ܣܘܥܪ̈ܢܐ ܐܚܪ̈ܢܝܝ ܐܕ̈ܫܐ ܘܠܐ ܒ̈ܢܝ ܟܝܢܐ ܕܚ̈ܕܕܐ܇
2026	ܚܕ ܟܝܢܐ ܘܩܢܘܡܐ ܡܪܟܒܐ ܐܝܬܘܗܝ܇
2027	ܘܠܘ ܡܢ ܪܘܟܒܐ ܡ݁ܢ ܫ݁ܪܝ܇
2028	ܒܬܪ ܚܕܝܘܬܐ ‍[‍161‍]‍ ܕܝܢ ܡܢ ܗ݀ܝ ܕܢܗܘܐ ܐܝܬܘܗܝ ܡܪܟܒܐ ܦܫ܂ ܗܕܐ ܓܝܪ ܨܒ݁ܐ ܗܘܝܬ ܕܬܐܡܪ ܐܢܬ܂ ܕܡܢ ܡܘܙܓܐ ܠܐ ܡܡܙܓܐ܆
2029	ܘܡܢ ܒܘܠܒܠܐ ܠܐ ܡܒܠܒܠܐ ܡܬܚܝܠ ܗܘܝܬ܇
2030	ܕܚܕܐ ܙܒܢ ܚܕܐ ܐܘܣܝܐ ܕܡܫܘܕܥܘܬܐ ܗ݂ܘܬ܂ ܘܡܘܣܦ ܗ݂ܘܝܬ ܟܕ ܢܚ݁ܬ ܐܢܬ܆
2031	ܘܡܛܠ ܩܕܝܫܐ ܩܘܪܝܠܘܣ ܘܐܡ݁ܪ ܗܘܝܬ܂ ܕܡܐ ܐܒܐ ܐܡܪ܆
2032	ܕܠܟܝ̈ܢܐ ܥܡ ܕܝ̈ܠܝܬܐ ܐܩܦ܂ ܘܡܢ ܟܠ ܕܘܟ ܚܕ ܐܝܬܘܗܝ ܡܠܬܐ ܕܡܒܣܪ܂ ܘܟܝܢܐ ܐܡ݁ܪ ܐܢܐ ܘܕܝܠܝܬܐ܂ ܘܐܡ݁ܪ ܗܘܝܬ ܕܗܕܐ ܡ݁ܢ ܠܐ ܕܢܬ ܠܘܬ ܢܦܫܟ܂ ܡܫܐܠ ܐܢܬ ܕܝܢ܆
2033	ܐܢ ܗ݂ܘ ܕܕܗܢܐ ܕܝܢ݂ܐ ܐܝܬܝ ܐܦ ܐܢܐ܂
2034	ܐܝܟܢܐ ܗܟܝܠ ܟܕ ܦܣ݁ܩܬ ܘܒܝܕ ܣܗ̈ܕܘܬܐ ܣܓܝ̈ܐܬܐ ܚܘ݁ܝܬ܇
2035	ܕܠܐ ܘ݁ܠܐ ܢܐܡܪܝܘܗܝ ܠܥܡܢܘܐܝܠ ܕܚܕܐ ܐܘܣܝܐ ܘܡܫܘܕܥܘܬܐ ܘܚܕܐ ܕܝܠܝܬܐ܇
2036	ܬܘܒ ܥܠ ܗܠܝܢ ܒ̈ܝܫܬ ܩ̈ܠܐ ܡܬܟܬܫ ܐܢܬ܇
2037	ܘܡܦܩ ܒܪܘܚܐ ܚܠܦ ܗܠܝܢ ܒ̈ܝܫܬ ܩ̈ܠܐ ܣܡ݂ܬ܆
2038	ܟܕ ܟܠܗܝܢ ܥܒܪܬ ܐܝܠܝܢ ܕܒܐܓܪܬܐ ܕܬܪ̈ܬܝܢ ܐܬܟܬܒܬ ܡܢܟ܂ ܕܒܐܝ̈ܕܝܗܝܢ ܟܠܗ ܨܒܝܢܐ ܠܗܕܐ ܡܬܝܚ ܗܘܐ܂ ܕܐܢܗ݂ܘ ܕܠܐ ܢܣ݁ܬܟܠ ܕܡܡܙܓܝܢ ܟܝ̈ܢܐ܇
2039	ܐܦܠܐ ܬܠܝܬܝܘܬܐ ܬܠܝܬܝܘܬܐ ܡܩܘܝܐ܇
2040	ܗܘܝܐ ܕܝܢ ܪܒܝܥܝܘܬܐ܇
2041	ܐܢ ܗ݂ܘ ܕܠܐ ܢܬܬܘܕܐ ܡܠܬܐ ܕܡܒܣܪ܇
2042	ܕܗ݂ܘܐ ܚܕܐ ܐܘܣܝܐ ܘܡܫܘܕܥܘܬܐ܇
2043	ܗ݀ܝ ܕܐܦ ܟܕ ܨ݁ܒܐ ܐܢܬ ܕܬܩܝܡ܆
2044	ܐܦ ܫܘܝܚܘܬܐ ܕܐܟܚܕܐ ܡܝ݁ܬܐ ܗܘܝܬ ܠܡܨܥܬܐ܇
2045	ܐܝܟ ܡܐ ܕܗ݂ܢܝܢ ܟܕ ܗ݂ܢܝܢ ܕܡܘܙܓܐ ܡܫܟܚܐ ܕܬܥܕܪܟ܇
2046	ܘܬܚܘܐ ܠܗܠܝܢ ܕܡܢܗܝܢ ܡܫܝܚܐ܇
2047	ܚܕܐ ܐܘܣܝܐ ܘܡܫܘܕܥܘܬܐ܂ ܘܬܘܒ ܝܠܦ ܗܘܝܬ ܡܢܢ ܟܕ ܐܚܐܝܬ ܡܥܗܕܝܢ ܗܘܝܢ܆
2048	ܕܫܡܐ ܕܫܘܝܚܘܬܐ ܕܐܟܚܕܐ܆
2049	ܠܘ ܡܚܘܝܢܐ ܐܝܬܘܗܝ ܕܚܕ ܫܘܘܕܥܐ܂ ܐܠܐ ܟܕ ܥܠ ܬܠܝܬܝܘܬܐ ܡ݁ܢ ܩܕܝܫܬܐ ܣܝܡ܆
2050	ܠܫܘܝܘܬ ܐܘܣܝܐ ܡܩܝܡ ܕܬܠܬܐ ܩ̈ܢܘܡܝܢ܂ ܠܘܬ ܕܝܢ ‍[‍162‍]‍ ܡܬܒܣܪܢܘܬܐ ܐܠܗܝܬܐ ܡܐ ܕܡܬܐܡܪ܆
2051	ܟܢܘܫܝܐ ܟܝܢܝܐ ܕܣܘܥܪ̈ܢܐ ܐܚܪ̈ܢܝܝ ܐܘܣܝܐ܇
2052	ܘܠܐ ܒ̈ܢܝ ܐܕ̈ܫܐ ܕܚ̈ܕܕܐ ܡܘܕܥ܂ ܕܡܢܗܘܢ ܐܫܬܡܠܝ ܚܕ ܟܝܢܐ ܘܩܢܘܡܐ ܗ݀ܘ ܕܡܠܬܐ ܕܡܒܣܪ܂
2053	ܗܠܝܢ ܗܟܝܠ ܥܘܗ̈ܕܢܐ܆
2054	ܠܐ ܝ݁ܕܥ ܐܢܐ ܐܝܟܢܐ ܠܫܡܐ ܕܩܘܛܪܓܐ ܗܦ݂ܟܬ܇
2055	ܘܚܠܦ ܡܠܦܢܐ ܥܒܕܬܢܝ ܡܩܛܪܓܢܐ܇
2056	ܘܡ̈ܠܐ ܕܟܬܝܒ̈ܢ ܠܟ ܡܢܢ ܠܘܩܒܠ ܗܠܝܢ ܕܡܬܪܥܝܢ ܚܒܘܟܝܐ ܕܐܘ̈ܣܝܣ ܬܢܝܬ܇
2057	ܘܟܕ ܐܝܟ ܕܠܘܬ ܥܕܠܝܐ ܓܒܝܠܐ ܡܬܟܬܫ ܐܢܬ܇
2058	ܫܪܝܬ ܥܘܬܕܐ ܕܠܘ ܗܟܢܐ ܡܬܪܥܐ ܐܢܬ܇
2059	ܐܝܟ ܕܨܒܝܐ ܫܢܝܘܬܐ ܕܒܐܠܝ̈ ܐܘ̈ܣܝܣ܂ ܘܡܢ ܗܪܟܐ ܡܢ ܫܝܠ ܫܘܪܬ܆
2060	ܘܒܨ̈ܠܘܬܐ ܕܝܠܝ ܐܝܟ ܕܐܡ݂ܪܬ ܡܫ݂ܚܬ܂ ܘܠܒ̈ܢܬ ܩ̈ܠܐ ܕܡ̈ܥܠܢ ܚܒܘܟܝܐ ܕܐܘ̈ܣܝܣ ܫܦ݂ܪ ܠܟ ܕܬܗܘܐ ܣܢܐܓܪܐ܇
2061	ܒܝܕ ܗܠܝܢ ܕܐܡܪܬ܇
2062	ܕܟܢܘܫܝܐ ܕܡܢ ܬܪ̈ܝܢ ܟܝ̈ܢܝܢ܇
2063	ܚܕܐ ܐܘܣܝܐ ܘܡܫܘܕܥܘܬܐ ܚܕܐ ܙܒܢ ܗ݂ܘܬ܂ ܘܗ݂ܝ ܟܕ ܗ݂ܝ ܥܒܕܬ܆
2064	ܗ݀ܝ ܕܛܠܝܐ ܐܢܫ ܕܥ݁ܕܠ ܠܙܢܝܬܐ ܘܡܦܪܣܐ ܓܘܡܕܗ݀܇
2065	ܗ݀ܝ ܕܥܡܐ ܘܫܘܩܝܘܬܐ ܘܪܘܒܐ ܕܫܘܦܪܗ݀ ܕܡܢ ܣܩ̈ܠܐ܇
2066	ܘܐܝܟ ܕܐܡ݁ܪ ܡܬܠܐ ܦܪܚܘܬܐ ܘܐܣܘܛܘܬܗ݀܇
2067	ܘܒܬܪܟܢ ܟܕ ܡܛܐ ܪܡܫܐ܇
2068	ܬܚܝܬ ܡܛܠܠܗ݀ ܗ݂ܘܐ ܘܠܘܬܗ݀ ܫ݂ܪܐ܂
2069	ܐܠܐ ܢܚܙܐ ܕܐܝܟ ܐܝܠܝܢ ܘܗܠܝܢ ܕܡܦܩ ܒܪܘܚܐ܇
2070	ܟܡܐ ܙܪ̈ܝܙܬܐ ܘܬܡ̈ܝܗܬܐ܂ ܚܕܐ ܐܘܣܝܐ ܐܡ݁ܪ ܐܢܬ ܕܐܡ݁ܪܬ܆
2071	ܚܠܦ ܕܬܐܡܪ ܚܕ ܟܝܢܐ܂ ܘܗ݀ܝ ܕܡܒܣܪܐ ܐܝܟ ܡ݁ܢ ܕܣ݁ܓܝ ܡܬܬܘܕܝܐ ܒܨܪܬ܂ ܐܡ݂ܪܬ ܕܝܢ ܘܚܕܐ ܡܫܘܕܥܘܬܐ܆
2072	ܐܝܟ ܡ݁ܢ ܕܡܫܘܕܥܘܬܐ ܕܐܘܣܝܐ ܕܡܠܬܐ܇
2073	ܠܡܥܒܕܢܘܬܐ ܓܘܫܡܢܝܬܐ ܐܫܬܘܬܦܬ܂ ܗܠܝܢ ܗܟܝܠ ܡܣܬܝܒܪ̈ܢܝܬܐ܆
2074	ܗܠܝܢ ܕܝܢ ܦܐܝ̈ܢ ܠܟܪ̈ܣܛܝܢܐ ܘܕܡܣܟܝܢ ܠܕܝ݂ܢܐ ܘܩܝܡܬܐ܇
2075	ܘܫܡܥܝܢ ܠܡܠܬܐ ܕܐܠܗܐ ‍[‍163‍]‍ ܕܡܙܥܩ ܒܐܘܢܓܠܝܘܢ܇
2076	ܡܢ ܡ̈ܠܝܟ ܬܙܕܕܩ ܘܡܢ ܡ̈ܠܝܟ ܬܬܚܝܒ܆
2077	ܗܠܝܢ ܕܝܢ ܠܘ ܓܘܟܚܐ ܦܐܝܐ ܝܗܒܢ ܥܠܝܢ ܠܣܩ̈ܘܒܠܝܐ܆
2078	ܠܐ ܐܡܪܝܢܢ ܕܝܢ ܟܐܢܐܝܬ ܟܕ ܐܠܝܢܢ܇
2079	ܗ݀ܘ ܕܗ݀ܘ ܡ݁ܙܡܪ ܟܗ̈ܢܝܬܐ ܕܘܝܕ܇
2080	ܕܗ݂ܘܝܢ ܚܣܕܐ ܠܫܒ̈ܒܝܢ܇
2081	ܡܘܝܩܐ ܘܒܘܙܚܐ ܠܐܝܠܝܢ ܕܚܕܝܪܝܢ ܠܢ܆
2082
2083	ܐܝܟܢܐ ܓܝܪ ܕܢܫܒܘܩ ܢܝܫܐ ܟܘܠܗ ܕܐܝܠܝܢ ܕܟܬܝ̈ܒܢ ܠܟ܇
2084	ܗ݀ܘ ܕܡܢ ܠܥܠ܃ ܕܩܕܡܢ ܢܦܩܢܢ܇
2085	ܘܢܬܠ ܕܗܕܐ ܡܢܬܐ ܒܠܚܘܕ ܕܐܬܐܡܪܬ܇
2086	ܟܕ ܦܣܘܩܐ ܡܢ ܡ̈ܠܐ ܟܠܗܝܢ ܗܠܝܢ ܕܩܕܝܡܢ ܐܡܝܪ̈ܢ ܘܗ݀ܢܝܢ ܕܒܬܪܗ݀ ܣܝ̈ܡܢ܂ ܟܠܗ݀ ܗܕܐ ܐܠܨܐ ܕܢܐܡܪ܆
2087	ܘܢܦܣܘܩ ܣܓܝܐܘܬܐ ܕܪܘܥܐ ܕܠܐ ܡܘܦܐ ܘܠܐ ܡܘܬܪ܂ ܗ݀ܘ ܕܡܗܦܟܐ ܐܦܝ̈ܗ݀ ܡܢܗ ܦܫܝܛܘܬܐ ܕܫܪܪܐ܇
2088	ܕܗܠܝܢ ܕܐܫܠܡܘ ܠܥܕ̈ܬܐ ܩ̈ܕܝܫܬܐ ܐܝܟ ܐܘܩܝܢܐ ܟܗܢܝܬܐ ܠܘܩܒܠ ܗ݀ܢܘܢ ܕܦܣܩܝܢ ܠܬܪ̈ܝܢ ܠܚܕ ܡܫܝܚܐ܇
2089	ܠܗ݀ܝ ܕܘ݁ܠܐ ܕܢܐܡܪ ܚܕ ܟܝܢܐ ܕܡܠܬܐ ܐܠܗܐ ܕܡܒܣܪ܆
2090	ܪܒܐ ܐܬܢܣܝܘܣ ܐܝܬܘܗܝ܆
2091	ܘܩܘܪܝܠܘܣ ܚܟܝܡܐ܂ ܐܝܟܐ ܗܟܝܠ ܩܪܝܬ ܒܣܝܡ̈ܝܗܘܢ܇
2092	ܕܐܡܪܘܗܝ ܠܥܡܢܘܐܝܠ ܚܕܐ ܐܘܣܝܐ ܘܡܫܘܕܥܘܬܐ܇
2093	ܐܘ ܚܕܐ ܐܘܣܝܐ ܕܡܠܬܐ ܕܡܒܣܪܐ܂ ܐܠܐ ܠܝܬ ܠܟ ܕܬܐܡܪ܂ ܟܕ ܝܕܥܝܢ ܓܝܪ ܕܣܩܘܒܠܐܝܬ ܢܨܝܐ ܥܡ ܗ݀ܢܘܢ ܕܦ݁ܣܩܝܢ ܠܡܫܝܚܐ܇
2094	ܛܘܥܝܝ ܕܚܒܘܟܝܐ ܕܟܝ̈ܢܐ܆
2095	ܒ̈ܢܬ ܩ̈ܠܐ ܕܓ̈ܠܝܦܢ ܘܚ̈ܬܝܬܢ ܐܬܚܫܚܘ܂ ܘܐܠܐ ܩܕܝܡܐ ܝܕܝܥܐ܆
2096	ܕܐܝܬ ܗܘ ܕܢܫܟܚ ܕܠܝܠܐܝܬ ܠܘܬ ܠܒ̈ܝܫܝ ܠܐܠܗܐ ܐܒ̈ܗܬܐ܇
2097	ܡܢ ܡ̈ܠܦܢܐ ܓܝܪ ܕܝܠܝ ܡܡܠܠ ܐܢܐ ܠܟ܇
2098	ܟܕ ܠܐ ܥ݁ܒܕ ܐܢܐ ܡܠܬܐ ܡܕܡ ܕܚ̈ܟܝܡܐ ܕܠܒܪ ܒܗܕܐ܆
2099	ܘܫܡܐ ܕܐܘܣܝܐ ܕܣܝܡ ܚܠܦ ܚܕ ܟܝܢܐ ܘܩܢܘܡܐ܆