The Comprehensive Aramaic Lexicon

2100	ܐܟܙܢܐ ܕܐܝܟܐ ܕܐܡ݁ܪ ܩܕܝܫܐ ܝܘܚܢܢ ܗ݀ܘ ܕܡܛܝܗܝ ܟܘܪܣܝܐ ܪܝܫ ܟܗܢܝܐ ܕܩܘܣܛܢܛܝܢܦܘܠܝܣ܇
2101	ܡܛܠ ܝܚܝܕܝܐ ܒܪܗ ܕܐܠܗܐ ܘܐܒܐ܇
2102	ܒܡܐܡܪܐ ܕܐܪܒܥܐ ܕܦܘܫܩܐ ‍[‍164‍]‍ ܕܐܘܢܓܠܝܘܢ ܕܝܘܚܢܢ܂ ܀
2103	ܝܘܚܢܢ܀
2104	ܗܢܐ ܕܝܢ ܡܠܬܐ܆
2105	ܐܘܣܝܐ ܡܕܡ ܐܝܬܘܗܝ ܩܢܘܡܝܬܐ܂ ܕܡܢܗ ܕܐܒܐ ܢܦܩ ܠܐ ܚܫܘܫܐܝܬ܀
2106	ܘܒܣܝܠܝܘܣ ܕܝܢ ܗ݀ܘ ܚܟܝܡܐ ܕܗܠܝܢ ܐܠܗ̈ܝܬܐ܇
2107	ܒܡܐܡܪܐ ܩܕܡܝܐ ܕܠܘܬ ܐܘܢܡܝܘܣ ܡܛܠܬܗ ܐܡ݁ܪ܂ ܀
2108	ܒܣܝܠܝܘܣ܀
2109	ܐܠܐ ܟܕ ܚܕ ܐܝܬܘܗܝ ܒܗ݀ܝ ܕܣܝܡܐ܇
2110	ܘܚܕܐ ܐܘܣܝܐ ܦܫܝܛܬܐ ܘܠܐ ܡܪܟܒܬܐ܆
2111	ܒܙܒܢܐ ܐܚܪܢܐ ܐܚܪܢܝܐܝܬ ܡܫܡܗ ܢܦܫܗ܇
2112	ܘܒܬܪ̈ܥܝܬܐ ܠܟܘ̈ܢܝܐ ܕܡܫܚܠܦܝܢ ܡܢ ܚ̈ܕܕܐ ܡܠܚܡ܀
2113
2114	ܠܐ ܐܢܫ ܕܝܢ ܡܢܗܘܢ ܕܡ̈ܠܦܢܐ ܬܪ̈ܝܨܝ ܫܘܒܚܐ܇
2115	ܗ݀ܢܘܢ ܕܦܫܩܘ ܒ̈ܥܕܬܐ ܐܡ݁ܪ ܐܢܐ܇
2116	ܐܡܪܚ ܕܢܐܡܪ ܚܕܐ ܐܘܣܝܐ ܐܘ ܫܘܘܕܥܐ ܠܡܠܬܐ ܟܕ ܐܬܪܟܒ ܠܘܬ ܒܣܪܐ ܒܪ ܟܝܢܢ܇
2117	ܕܐܝܬ ܠܗ ܢܦܫܐ ܡܠܝܠܬܐ ܘܝܕܘܥܬܢܝܬܐ܂ ܒܠܚܘܕܝܟ ܗܟܝܠ ܐܡ݂ܪ ܠܝ܃ ܗܕܐ ܐܘܪܚܐ ܠܐ ܕܪܝܫܬܐ ܡܗܠܟ ܐܢܬ܇
2118	ܘܒܪܓܠܬܐ ܘܒܕܪ̈ܕܪܐ ܚ݁ܙܩ ܐܢܬ܇
2119	ܘܐܣܬܢܩ ܥܠ ܦܘܫ̈ܩܐ ܗܠܝܢ ܣ̈ܓܝܐܝ ܟܘܪ̈ܟܐ܆
2120	ܐܠܐ ܗܠܝܢ ܘܠܐ ܟܠ ܟܠܗ ܡܝܬܝܢ ܠܟ ܬܫܒܘܚܬܐ܂ ܐܦܢ ܓܝܪ ܘܚܢܢ ܢܗܝܡܢܟ܆
2121	ܘܢܫܠܐ܆
2122	ܠܝܬ ܐܢܫ ܕܩ݁ܪܐ ܗܠܝܢ ܕܟܬܝܒܢ ܡܢܟ܇
2123	ܘܐܡ݁ܪ ܕܗܠܝܢ ܗܟܢܐ ܐܝܬܝܗܝܢ܇
2124	ܐܝܟ ܡܐ ܕܟܕ ܢ݁ܦܩ ܐܢܬ ܒܪܘܚܐ ܟܬ݂ܒܬ܂ ܘܙܒܢܐ ܗܘ ܠܝ ܡܟܝܠ܇
2125	ܕܣ݁ܓܝ ܠܚܡܐܝܬ ܗ݀ܝ ܕܗܘܡܪܘܣ ܐܡ݂ܪ ܠܟ܇
2126	ܡܛܠ ܕܟܕ ܫ݁ܠܚ ܐܢܬ ܥܘܗܕܢܐ ܥܒܕܬ ܕܐܘܡܢܘܬܟ܂ ܐܠܐ ܠܐ ܡܬܛܦܝܣܝܢ ܛܪ̈ܘܐܘܣ ܘܕܪ̈ܕܢܐܘ܂
2127	ܡܛܠ ܗܕܐ ܒܬܪܥܝܬܐ ܕܚܘܒܐ ܠܚܘܒܟ ܡܠܟܝܢ ܚܢܢ܆
2128	ܕܠܨ̈ܢܥܬܐ ܕܐܝܟ ܗܠܝܢ ܬܐܡܪ ܫܠܡ܂ ܘܠܦܫܝܛܘܬܐ ܕܗܝܡܢܘܬܐ ܬܝܩܪ܆
2129	ܘܠܐ ܬܪܗܛ ܕܠܝܠܐܝܬ ܠܡ̈ܠܐ ܡܛܠ ܝܘ̈ܠܦܢܐ܂ ܐܠܐ ܬܬܚܫܒ ܕܛܒܐ ܕܠܐܒ̈ܗܬܐ ܒܟܠܡܕܡ ܬܩܦ܆
2130	ܐܢܗ݂ܘ ܕܒܙܒܢ ܒܐܢܢܩܐ ܬܦܠ ܕܡܕܡ ܕܐܝܟ ܗܟܢܐ ܬܟܬܘܒ ܐܘ ܬܐܡܪ܂ ܠܐ ܓܝܪ ܙܥܘܪܝܐ ‍[‍165‍]‍ ܕܒܗܠܝܢ ܢܫܪܥ ܐܘ ܡܕܡ ܕܠܐ ܣ݁ܓܝ ܡܕܪܫ ܢܐܡܪ܇
2131	ܐܘ ܕܠܐ ܡܢ ܟܠ ܕܘܟ ܡܢ ܡܩ̈ܢܒܐ ܘܠܒܘ̈ܟܝܐ ܕܣܩ̈ܘܒܠܝܐ ܐܝܟ ܕܡܬܕܪܟܐ ܢܩܕܡ ܢ݁ܛܪ ܢܦܫܢ܂ ܐܢ ܓܝܪ ܥܬܝܕܝܢ ܚܢܢ ܕܗܠܝܢ ܕܕܠܝܠܐܝܬ ܠܐܢ̈ܫܝܢ ܐܡܝܪ̈ܢ ܢܒܥܐ܇
2132	ܘܣܢܐܓܪܘܬܐ ܢܦܠܓ ܠܗܠܝܢ ܕܐܡܝܪ̈ܢ ܠܐ ܙܗܝܪܐܝܬ܂ ܫܥܬܐ ܗܝ ܠܢ܆
2133	ܕܐܦ ܠܬܠܝܬܝܘܬܐ ܩܕܝܫܬܐ܃ ܕܚܕ ܩܢܘܡܐ ܢܐܡܪ܂ ܡܛܠ ܕܡܫܟܚܝܢܢ ܠܗ݀ܘ ܕܥܘܗܕܢܐ ܛܘܒܬܢܐ ܐܘܣܛܬܝܘܣ܇
2134	ܗ݀ܘ ܕܗ݂ܘܐ ܐܦܝܣܩܦܐ ܕܐܢܛܝܟܝܐ܃ ܕܒܦܘܫܩܐ ܕܡܙܡܘܪܐ ܕܬܫܥܝܢ ܘܬܪ̈ܝܢ܆
2135	ܠܐܒܐ ܘܠܒܪܐ ܕܚܕ ܩܢܘܡܐ ܐܝܬܝܗܘܢ ܒܡ̈ܠܐ ܗܠܝܢ ܐܡ݂ܪ܂ ܀
2136	ܐܘܣܛܬܝܘܣ܀
2137	ܕܬܪ̈ܝܗܘܢ ܡ݁ܢ ܟܕ ܒܗ݀ ܟܕ ܒܗ݀ ܣܥܪܝܢ ܬܡ̈ܝܗܬܐ ܠܐ ܡܬܚܙܝܢܐܝܬ܂ ܗ݀ܝ ܕܝܢ ܪܒܘܬ ܥܒܕܐ ܕܗܠܝܢ܂ ܠܚܕ ܕܝܢ ܙܒ̈ܢܝܢ ܣܓܝ̈ܐܢ ܣܝܡܝܢ ܟ̈ܬܒܐ ܐܠܗ̈ܝܐ ܕܬܪܝܢܘܬܐ ܡ݁ܢ ܡܢ ܠܚܘܕܝܘܬܐ ܡܥܠܝܢ܂ ܠܚܘܕܝܘܬܐ ܕܝܢ ܡܢ ܬܪܝܢܘܬܐ ܡܟܪܙܝܢ܂ ܒܗ݀ܝ ܕܚܕ ܩܢܘܡܐ ܐܝܬܘܗܝ ܕܐܠܗܘܬܐ܀
2138
2139	ܘܐܠܐ ܡܢ݂ܘ ܠܐ ܝ݁ܕܥ܇
2140	ܕܐܘܣܝܐ ܡ݁ܢ܇
2141	ܡܢ ܗ݀ܝ ܕܐܝܬܝܗ݀ ܡܫܬܡܗܐ܃ ܟܝܢܐ ܕܝܢ ܡܢ ܗ݀ܝ ܕܡܟܢ܇
2142	ܘܬܘܒ ܩܢܘܡܐ܆
2143	ܡܢ ܗ݀ܝ ܕܡܩܝܡ܂ ܘܝ݁ܬܐ݂ ܡܢ ܗ݀ܝ ܕܐܝܬܘܗܝ ܡܬܟܢܐ܂ ܘܒܗܢܐ ܫܘܘܕܥܐ܆
2144	ܠܐ ܡܕܡ ܡܢ ܚ̈ܕܕܐ ܡܫܚܠܦܝܢ ܗܠܝܢ ܫܡ̈ܗܐ܂ ܗܟܢܐ ܓܝܪ ܘܢܗܝܪܐ ܕܥܕܬܐ ܐܬܢܣܝܘܣ܆
2145	ܟܕ ܠܘܬ ܐܦܝ̈ܣܩܘܦܐ ܕܒܐܦܪܝܩܐ ܟܬ݂ܒ݂ ܐܘܕܥ܂ ܀
2146	ܐܬܢܣܝܘܣ܀
2147	ܡܢ ܗܠܝܢ ܕܝܢ ܡܦ݂ܣ ܕܢܬܒܩܐ ܐܚ̈ܐ܆
2148	ܕܗܠܝܢ ܡ݁ܢ ܕܒܢܝܩܝܐ܃ ܗܠܝܢ ܕܟ̈ܬܒܐ ܣܝܩܝܢ܆
2149	ܟܕ ܗ݂ܘ ܐܠܗܐ ܐܡ݁ܪ܇
2150	ܒܡܦܩܢܐ ܡ݁ܢ܇
2151	ܕܐܢܐ ܐܝܬܝ ܗ݀ܘ ܕܐܝܬܘܗܝ܇
2152	ܒܝܕ ܐܪܡܝܐ ܕܝܢ܇
2153	ܡ݁ܢ ܩܡ ܒܩܝܡܗ ܘܚ݂ܙܐ ܡܠܬܗ܂ ܘܒܬܪ ܙܥܘܪ̈ܝܬܐ܂ ܘܐܠܘ ܩܡܘ ܒܩܢܘܡܝ܂ ܘܐܠܘ ܫܡܥܘ ܡ̈ܠܝ܂ ܐܢ ܕܝܢ ܩܢܘܡܐ ܐܘܣܝܐ ܐܝܬܘܗܝ܇
2154	ܘܠܝܬ ܠܗ ܡܕܡ ܐܚܪܝܢ ܕܡܬܝܕܥ܇
2155	ܐܠܐ ܗ݂ܘ ܗ݀ܘ ‍[‍166‍]‍ ܕܐܝܬܘܗܝ܇
2156	ܗ݀ܝ ܕܐܪܡܝܐ ܝܬܐ ܡܫܡܗ ܟܕ ܐܡ݁ܪ܇
2157	ܘܠܐ ܫܡܥܘ ܒܪܬ ܩܠܐ ܕܝܬܗ܆
2158	ܩܢܘܡܐ ܓܝܪ ܘܐܘܣܝܐ ܝܬܐ ܐܝܬܝܗ݀܂ ܐܝܬܝܗ݀ ܓܝܪ ܘܫܟܝܚܐ܂ ܗܕܐ ܓܝܪ ܘܟܕ ܡܣܬܟܠ ܐܦ ܦܘܠܘܣ ܟܬ݂ܒ ܠܥܒܪ̈ܝܐ܂ ܗ݀ܘ ܕܐܝܬܘܗܝ ܨܡܚܐ ܕܬܫܒܘܚܬܐ ܘܝܘܩܢܐ ܕܩܢܘܡܐ܂ ܗܠܝܢ ܕܝܢ ܕܡܣܬܒܪܝܢ ܕܝܕܥܝܢ ܟ̈ܬܒܐ܇
2159	ܘܡܫܡܗܝܢ ܢܦܫܗܘܢ ܕܐܝܬܝܗܘܢ ܚܟܝ̈ܡܐ܆
2160	ܟܕ ܠܐ ܒܥܝܢ ܕܢܐܡܪܘܢ ܩܢܘܡܐ ܠܘܬ ܐܠܗܐ܇
2161	ܗܕܐ ܓܝܪ ܟܬܒܘ ܒܐܪܝܡܢܘܣ ܘܒܟܢܘ̈ܫܝܐ ܐܚܪ̈ܢܐ ܕܝܠܗܘܢ܂ ܐܝܟܢܐ ܠܘ ܟܐܢܐܝܬ ܗ݂ܘܬ ܩܬܪܣܝܣ ܕܝܠܗܘܢ܇
2162	ܕܐܡܪܝܢ ܘܗ݂ܢܘܢ ܐܝܟ ܣܟܠܐ ܒܠܒܗ܂ ܕܠܝܬ ܐܠܗܐ܀
2163
2164	ܐܝܟܢܐ ܗܟܝܠ ܕܗܕܐ ܝܠܦܢܢ ܡܢ ܒܪܬ ܩܠܐ ܕܡܠܦܢܐ܇
2165	ܕܫܘܬܦܘܬܐ ܐܝܬ ܕܗܠܝܢ ܫܡ̈ܗܐ܇
2166	ܕܗ݀ܝ ܕܐܝܬܘܗܝ ܘܡܩܝܡ܆
2167	ܒܗ ܒܙܢܐ ܡܬܪܕܝܢܢ ܡܢܗܘܢ܇
2168	ܕܢܕܥ ܫܘܚܠܦܐ ܕܐܘܣܝܐ ܘܩܢܘܡܐ܂ ܘܫܡܥܝܢ ܚܢܢ ܠܩܕܝܫܐ ܒܣܝܠܝܘܣ ܕܫ݁ܠܚ ܠܘܬ ܐܡܦܠܘܟܝܣ ܘܐܡ݁ܪ ܗܟܢܐ܂ ܀
2169	ܒܣܝܠܝܘܣ܀
2170	ܐܘܣܝܐ ܘܩܢܘܡܐ ܗܢܐ ܫܘܚܠܦܐ ܐܝܬ ܠܗܘܢ܆
2171	ܗ݀ܘ ܕܐܝܬ ܠܓܘܐ ܠܘܬ ܟܠܚܕ܀
2172	ܘܡܛܠ ܗܢܐ ܟܕ ܬܐܘܠܓܣܐ ܥܒܕܝܢ ܐܒܗ̈ܬܐ܆
2173	ܘܡܠܬܐ ܕܡܛܠ ܡܬܒܪܢܫܢܘܬܐ ܢܦܩܝܢ܆
2174	ܒܫܡ̈ܗܐ ܗܠܝܢ ܕܛܒܐܝܬ ܡܦܪܫܝܢ ܡܬܚܫܚܝܢ܂ ܐܝܟܢܐ ܕܐܦܠܐ ܚܕܐ ܠܐ ܓܠܝܘܬܐ ܬܗܘܐ ܠܣܘ̈ܟܠܐ ܗܠܝܢ ܕܣܝܡܝܢ܂ ܗܟܢܐ ܟܕ ܟ݁ܬܒ ܚܟܝܡܐ ܩܘܪܝܠܘܣ ܒܛܘܡܣܐ ܕܬܪ̈ܝܢ ܕܠܘܩܒܠ ܓܘ̈ܕܦܘܗܝ ܕܢܣܛܘܪܝܘܣ ܐܡ݁ܪ܂ ܀
2175	ܩܘܪܝܠܘܣ܀
2176	ܚܕ ܓܝܪ ܘܡܢ ܟܕܘ ܡܣܬ݂ܟܠ ܟܝܢܐ ܡܢ ܒܬܪ ܚܕܝܘܬܐ܇
2177	ܗ݀ܘ ܕܝܠܗ ܕܡܠܬܐ ܕܡܒܣܪ܀
2178	ܘܟܕ ܐܓܪܬܐ ܕܬܠܬ ܠܘܬܗ ܟܕ ܠܘܬܗ ܡܨܚ݂ ܐܡ݁ܪ܂ ܀
2179	ܩܘܪܝܠܘܣ܀
2180	ܒܕܓܘܢ ܠܚܕ ܦܪܨܘܦܐ܆
2181	ܟܠܗܝܢ ܒ̈ܢܬ ܩ̈ܠܐ ܗܠܝܢ ܕܒܐܘܢܓܠܝܘܢ ܙܕܩ ܕܢܣܝܡ܂ ܘܠܩܢܘܡܐ ܚܕ ܕܡܠܬܐ ܕܡܒܣܪ܀
2182	ܝ݁ܕܥ ܗܘܐ ܓܝܪ ܕܫܡܐ ܕܟܝܢܐ܆
2183	ܐܦ ܥܠ ܫܘܘܕܥܐ ܕܓܢܣܐ ܡܬ݂ܢܣܒ ܙܒ̈ܢܝܢ ܣܓܝ̈ܐܢ܂ ܐܝܟ ܐܝܟܐ ‍[‍167‍]‍ ܕܐܡܪ ܒܣܝܠܝܘܣ ܒܡܐܡܪܐ ܕܡܛܠ ܗܝܡܢܘܬܐ܂ ܀
2184	ܒܣܝܠܝܘܣ܀
2185	ܬܡܢ ܐܒܐ ܘܒܪܐ ܘܪܘܚܐ ܕܩܘܕܫܐ܃ ܚܕ ܟܝܢܐ ܠܐ ܒܪܝܐ܀
2186	ܘܓܪܝܓܪܝܘܣ ܡܡܠܠ ܐܠܗ̈ܝܬܐ܃ ܒܡܐܡܪܐ ܕܥܠ ܦܢܛܩܘܣܛܐ܂ ܀
2187	ܓܪܝܓܪܝܘܣ܀
2188	ܕܚܕܐ ܐܠܗܘܬܐ ܐܘ ܗܠܝܢ ܠܬܠܝܬܝܘܬܐ ܐܘܕܘ܂ ܐܢ ܕܝܢ ܨܒܝܢ ܐܢܬܘܢ ܕܚܕ ܟܝܢܐ܀
2189	ܐܦ ܗ݂ܘ ܕܝܢ ܩܕܝܫܐ ܩܘܪܝܠܘܣ ܒܛܘܡܣܐ ܕܐܪ̈ܒܥܐ ܕܠܘܩܒܠ ܓܘ̈ܕܦܘܗܝ ܕܢܣܛܘܪܝܘܣ݂ ܐܡ݂ܪ܂ ܀
2190	ܩܘܪܝܠܘܣ܀
2191	ܚܕ ܓܝܪ ܡܣ݂ܬܟܠ ܟܝܢܐ ܕܐܠܗܘܬܐ ܒܬܠܝܬܝܘܬܐ ܩܕܝܫܬܐ ܘܫܘܝܬ ܟܝܢܐ܀
2192
2193	ܐܢܬ ܕܝܢ ܟܕ ܠܝܘ̈ܠܦܢܐ ܕܗܠܝܢ ܫܒܩܬ܂ ܠܐܪܣܛܛܠܣ ܐܝܟ ܕܡܢ ܕܘܟܝ̈ܬܐ ܕܠܐ ܡܬܥܠܠܢ ܡܝܬܐ ܐܢܬ ܠܡܨܥܬܐ܂ ܟܕ ܡ݁ܟܢܟ ܐܢܬ ܠܗ ܘܐܡ݁ܪ ܐܢܬ܆
2194	ܗ݀ܘ ܕܡܬܐܡܪ ܗܘܢܐ ܐܪܝܣܛܛܠܝܣ܂ ܘܕܬܛܒܒ ܠܢ ܡܫܘܐ ܐܢܬ ܒܪ̈ܥܡܐ ܕܡܢ ܓܠܕ̈ܐ܆
2195	ܐܟܙܢܐ ܕܒܕܘܟ ܣܠܡܢܘܣ ܕܥܒ݂ܕ ܗܘܐ ܡܬܐܡܪ ܒܡܬܠܐ܂ ܕܥ ܓܝܪ ܕܥ ܓܠܝܐܝܬ܆
2196	ܕܓܪܝܓܘܪܝܘܣ ܡܡܠܠ ܐܠܗ̈ܝܬܐ܇
2197	ܗ݀ܘ ܕܒܬܫܒ̈ܚܬܐ ܕܦܝ̈ܠܣܘܦܐ ܚܬܝܬܐܝܬ ܕ݁ܕܐ ܗܘܐ܇

2198	ܘܡܫܟܚ ܗܘܐ ܕܢܗܘܐ ܡܦܫܩܢܐ ܕܗܠܝܢ܇

2199	ܘܠܘ ܐܟܘܬܢ ܡܢ ܫܡ̈ܥܐ ܙܦܠܢ ܐܡ݁ܪ܃ ܦܣ݁ܩ ܚܘܝܒܐ ܥܠ ܬܫܒܘܚܬܗ ܕܐܪܣܛܛܠܝܣ܆