The Comprehensive Aramaic Lexicon

2300	ܠܡܢܐ ܗܟܝܠ ܟܕ ܐܢܐ܇
2301	ܗܠܝܢ ܘܕܐܝܟ ܗܠܝܢ ܥܡ ܬܪܥܝܬܐ ܡܟܝܟܬܐ ܠܢܟܦܘܬܟ ܥܗܕܬ܇
2302	ܡܬܥܣܩ ܐܢܬ ܥܠ ܣܪ̈ܛܐ܂ ܐܘ ܓܝܪ ܠܐ ܐܡܪܬ ܕܠܐ ܡܢܣܝܐ ܐܢܬ܂ ܕܝܘ̈ܠܦܢܐ ܕܕܚܠܬ ܐܠܗܐ܇
2303	ܘܫܒܪ ܐܢܐ ܒܗܠܝܢ܂ ܬܘܒ ܓܝܪ ܗܠܝܢ ܕܝܠܟ ܢܥܗܕܟ܂ ܕܓܠܝܐܝܬ ܕܝܢ ܡܠܦܢܐ ܕܬܒܝܠ ܠܝ ܒܐܓܪܬܐ ܪܫܡ ܐܢܬ܂ ܗ݀ܘܐ ܓܝܪ ܣܟܠܐ ܡܛܠ ܕܐܢܬ ܐܠܨ ܐܢܬ ܠܝ܂ ܨܥܪܐ ܗܝ ܕܝܢ ܗ݀ܝ ܕܡܠܦܢܐ ܣܪ̈ܛܐ ܢܣܪܘܛ ܥܠ ܒ̈ܢܬ ܩ̈ܠܐ ܗܠܝܢ ܠܐ ܒܚܝܪ̈ܬܐ܂ ܡܕܝܢ ܐܦ ܛܠܝܐ ܢܬܥܣܩ܇
2304	ܟܕ ܣܦܪܐ ܣܘܪ̈ܛܐ ܗܠܝܢ ܕܠܐ ܫܦܝܪ ܟܬܝܒܝܢ ܟܪܙ܂
2305	ܐܠܐ ܗܫܐ ܐܡ݁ܪ ܐܢܬ܆
2306	ܕܐܝܟ ܒܠܨܘܨܝܬܐ ܐܫܬܒܩܬ ܒܡܕܢܚܐ܆
2307	ܘܒܪܬ ܩܠܐ ܐܢܬ ܕܥܕܬܐ܂ ‍[‍172‍]‍ ܗ݀ܝ ܕܐܦܢ ܐܚܪܢܐ ܢܐܡܪ ܡܛܠܬܗ܆
2308	ܡܬܟܚܕ ܐܢܫ܂ ܐܠܐ ܠܐ ܝܕܥܝܢ ܗܘܝܢ ܕܗܟܢܐ ܐܝܬ ܗܘܐ ܠܟ ܡܛܠ ܢܦܫܟ܂ ܘܐܝܟ ܕܨܝܕ ܐܢܫ ܝܠܘܦܐ܇
2309	ܘܕܣܢܝܩ ܕܢܬܗܕܐ ܥܒܕܝܢ ܗܘܝܢ ܐܓܪ̈ܬܐ܂ ܘܡܛܠ ܗܕܐ܆
2310	ܐܦ ܟܕ ܬܟܝܠܝܢ ܗܘܝܢ ܟܬܒܝܢ ܗܘܝܢ܂ ܘܝܕܥܝܢ ܗܘܝܢ ܕܐܝܬ ܗܘܬ ܠܟ ܠܐ ܡܢܣܝܘܬܐ ܗ݀ܝ ܕܒܗܠܝܢ ܕܢܦܩܐ ܚܠܦܝܟ ܪܘܚܐ܂ ܘܕܪܚܡܬ ܝܘܠܦܢܐ ܘܠܘ ܕܚܪܝܢܐ ܕܡܝܢ ܗܘܘ ܕܐܝܬܝܗܘܢ ܫܘ̈ܐܠܐ܂ ܗܫܐ ܕܝܢ ܟܕ ܡܬܟܬܫ ܐܢܬ ܚܠܦ ܒ̈ܢܬ ܩ̈ܠܐ ܕܐܡܝܪ̈ܢ ܠܐ ܝܠܝܦܐܝܬ܆
2311	ܥܒܕܬܗ݀ ܠܠܐ ܡܢܣܝܘܬܐ ܘܠܠܐ ܝܕܥܬܐ܆
2312	ܚܛܝ݂ܬܐ ܕܡܢ ܝܨܝܦܘܬܐ܂ ܡܛܠ ܗܕܐ ܘܟܕ ܚܐܣ ܐܢܐ ܥܠ ܢܦܫܟ ܟܕ ܐܠܗܐ ܣܗ݀ܕ ܐܡ݁ܪ ܐܢܐ ܘܠܘܬ ܡܠ݂ܟܐ ܗܢܐ ܕܬܠܬܐ ܢܦܩ݁ܬ܂ ܘܡ݁ܠܟ ܐܢܐ ܠܟ܆
2313	ܕܬܪܚܩ ܡܢ ܒ̈ܢܬ ܩ̈ܠܐ ܕܐܝܟ ܗܟܢܐ܂
2314	ܐܢ ܓܝܪ ܢܬܠ ܐܝܟ ܡܠܬܐ ܕܝܠܟ܇
2315	ܕܐܢܐ ܡ݁ܢ ܛܟܣܐ ܐܝܬ ܠܝ ܕܫܡܫܐ܇
2316	ܒܡܨܥܬܐ ܕܝܢ ܟܕ ܗܕܐ ܐܡ݁ܪ ܐܢܐ ܡܬܟܚܕ ܐܢܐ܇
2317	ܐܢܬ ܕܝܢ ܬܘܒ ܒܠܨܘܨܝܬܐ܆
2318	ܕܢܩܦܐ ܐܝܬܝܗ݀܆
2319	ܕܒܠܨܘܨܝܬܐ ܡܢ ܟܠܦܪܘܣ ܕܕܘܒܐ ܫܡܫܢܝܐ ܐܝܬܝܗ݀܆
2320	ܕܗܠܝܢ ܕܕܡܝܢ ܠܫܪ̈ܓܪܓܝܬܐ ܗܠܝܢ ܕܫܡܫܐ ܬܗܘܐ ܡܢܗܪܐ܂ ܚܘܐ ܗܟܝܠ ܕܟܕ ܙܒܢܐ ܕܫܬ ܫ̈ܢܝܢ ܡܡܠܠܬ ܐܢܐ ܒܥܕܬܐ ܕܐܢܛܝ̈ܘܟܝܐ܇
2321	ܘܐܓܪ̈ܬܐ ܣܓܝ̈ܐܬܐ ܟ݁ܬܒܬ܇
2322	ܕܐܡ݁ܪܬ ܠܥܡܢܘܐܝܠ ܐܡܬܝ ܕܗ݂ܘ܇
2323	ܕܕܚܕܐ ܙܒܢ ܚܕܐ ܐܘܣܝܐ ܐܝܬܘܗܝ܇
2324	ܘܕܚܕ ܫܘܘܕܥܐ ܘܕܚܕܐ ܕܝܠܝܬܐ܂
2325	ܠܡܢܐ ܕܝܢ ܐܡ݁ܪ ܐܢܬ ܕܡܢܢ ܒܠ݂ܥܬ܇
2326	ܘܐܝܟ ܗ݀ܘ ܕܡܚܝܢܢ ܬܬܐܣܐ ܒ݁ܥܐ ܐܢܬ܂ ܚܢܢ ܓܝܪ ܥܗܕܢܟ ܟܕ ܐܬܚܫܚܢܢ ܒܝܘ̈ܠܦܢܐ ܕܐܒ̈ܗܬܐ܇
2327	ܕܟܠܗ ܝܘܠܦܢܐ ܕܐܣܝܘܬܐ ܘܕܚܘܠܡܢܐ ܐܝܬ ܒܗܝܢ ܘܛܟܣܐ ܘܚܝܠܐ܂ ܕܐܢܬ ܕܝܢ ܡܚܐ ܐܢܬ ܠܢܦܫܟ܆
2328	ܠܐ ܝ݁ܕܥ ܐܢܬ܂ ܘܠܒ̈ܢܬ ܩ̈ܠܐ ܡܐܣܝܢܝ̈ܬܐ ܕܐܒ̈ܗܬܐ ܕܚ݁ܩ ܐܢܬ܂ ܗܟܢܐ ܕܟܕ ܐܡ݁ܪܬ ܐܢܐ ܒܐܓܪܬܐ ܕܬܪ̈ܬܝܢ܇
2329	ܕܠܥܠ ܡܢ ܐܘܣܝܐ ܐܝܬܘܗܝ ܐܠܗܐ܇
2330	ܡܬܚܫܚܝܢܢ ܕܝܢ ܒܫܡܐ ܕܐܘܣܝܐ܇
2331	ܟܕ ‍[‍173‍]‍ ܐܟܚܕܐ ܒܡܣܟܢܘܬܐ ܕܠܘܬܢ ܡܬܚܫܚܝܢ ܚܢܢ܇
2332	ܘܐܝܬܝܬ ܠܗܕܐ ܣܗܕܘܬܐ ܕܓܪܝܓܘܪܝܘܣ ܡܡܠܠ ܐܠܗ̈ܝܬܐ܇
2333	ܘܕܩܘܪܝܠܘܣ ܩܕܝܫܐ܆
2334	ܬܘܒ ܐܣܬܒܪܬ ܕܫܩܠܬ ܚܐܦܐ ܥܠ ܗ݀ܝ ܕܐܡܝܪܐ܆
2335	ܘܐܝܟ ܐܟܣܢܝܬܐ ܡܕܡ ܗ݀ܝ ܕܠܟܠܗܘܢ ܕܚ̈ܠܝ ܐܠܗܐ ܕܝܫܐ܆
2336	ܠܡܨܥܬܐ ܬܝܬܐ ܘܬܐܡܪ܆
2337	ܕܐܘܣܝܐ ܩ݁ܪܐ ܐܢܐ ܠܐܠܗܐ܆
2338	ܡܛܠ ܕܝܠܦܬ ܡܢܗ ܕܐܡ݂ܪ܇
2339	ܕܗ݀ܘ ܕܐܝܬܘܗܝܝ ܫܕܪܢܝ܂ ܐܝܟ ܡܐ ܕܡܠܬܐ ܕܠܥܠ ܡܢ ܐܘܣܝܐ܇
2340	ܗ݀ܝ ܕܠܐ ܝܬܐ ܡܥܠܐ܂ ܘܠܐ ܠܦܘܠܘܣ ܚܟܝܡܐ ܕܐܡ݁ܪ܇
2341	ܟܕ ܫܡܥܘ ܐܒ̈ܗܬܐ܇
2342	ܕܘ݁ܠܐ ܠܗ݀ܘ ܕܡܬܩ݁ܪܒ ܠܐܠܗܐ ܕܢܗܝܡܢ ܕܐܝܬܘܗܝ܂ ܗ݀ܘ ܓܝܪ ܕܠܥܠ ܡܢ ܐܘܣܝܐ܆
2343	ܡܢ ܟܠܦܪܘܣ ܒܗ݀ܝ ܕܐܝܬܘܗܝ ܐܝܬܘܗܝ܂ ܠܐ ܘ݁ܠܐ ܗܘܐ ܗܟܝܠ ܕܟܕ ܡܨܛܢܥ ܐܢܬ ܝܬܝܪ̈ܬܐ܇
2344	ܒܣ̈ܥܝܐ ܣܪ̈ܝܩܐ ܘܥܠ ܡ̈ܠܐ ܕܡ̈ܠܦܢܐ ܬܫܘܪ܂
2345	ܬܘܒ ܕܝܢ ܟܕ ܐܡ݁ܪܬ ܐܢܐ ܕܠܘܬ ܐܠܗܐ ܡܪܢܐܝܬ ܕܝܠܝܬܐ ܐܦ ܠܐ ܐܢܫ ܡܬܘܡ ܐܡ݁ܪ܇
2346	ܐܝܟ ܕܠܘܬ ܣܘܥܪ̈ܢܐ ܕܢܦܠܝܢ ܒܬܚ̈ܘܡܐ܇
2347	ܘܐܝܬܝܬ ܩܦܠܐܘܢ ܕܐܘܓܪܝܣ ܕܟܬ݂ܒ܇
2348	܀
2349	ܐܘܓܪܝܣ܀
2350	ܕܐܢ ܟܠ ܫܘܐܠܐ܇
2351	ܐܘ ܓܢܣܐ ܐܝܬ ܠܗ ܕܡܬܩܛܪܓ܇
2352	ܐܘ ܐܕܫܐ ܐܘ ܫܘܚܠܦܐ܇
2353	ܐܘ ܕܝܠܝܬܐ ܐܘ ܓܕܫܐ܇
2354	ܘܠܐ ܡܕܡ ܕܝܢ ܡܢ ܗܠܝܢ ܕܐܬܐܡܪ ܐܝܬ ܠܡܫܟܚܘ ܠܘܬ ܬܠܝܬܝܘܬܐ ܩܕܝܫܬܐ܆
2355	ܒܫܬܩܐ ܢܣܬܓܕ ܗ݀ܘ ܕܠܐ ܡܬܐܡܪ܀
2356	ܕܬܪܡܐ ܕܪܓܠܐ ܠܡܠܬܐ ܕܟܬܒܐܝܬ ܢܐܡܪ ܢܣܝܬ ܘܟ݂ܬܒܬ܆
2357	ܕܝܠܝܬܐ ܕܝܢ ܕܐܠܗܐ ܘܣ݁ܓܝ ܓܠܝܐܝܬ ܛܝܒܘܬܐ ܬܚ݂ܡܬ܂ ܠܡܢܐ ܩ݁ܪܐ ܐܢܬ ܠܝ ܛܒ݁ܐ܂ ܘܠܐ ܐܢܫ ܛܒܐ ܐܠܐ ܐܢ ܚܕ ܐܠܗܐ܂ ܐܢ ܓܝܪ ܕܝܠܝܬܐ ܗ݀ܝ ܕܠܗ ܠܐܢܫ ܘܒܠܚܘܕܘܗܝ ܐܝܬܝܗ݀܇
2358	ܕܐܠܗܐ ܕܝܢ ܘܒܠܚܘܕܘܗܝ ܒܡܠܬܐ ܩܕܡܝܬܐ ܛܒܬܐ܆
2359	ܓܠܝܐܝܬ ‍[‍174‍]‍ ܗܕܐ ܕܐܝܟ ܗܟܢܐ܆
2360	ܬܚܘܡܐ ܐܝܬܝܗ݀ ܕܕܝܠܬܐ܀
2361	ܡܢܐ ܗܟܝܠ ܐܡ݁ܪ ܐܢܬ ܐܘ ܬܡܝܗܐ܂ ܗܟܢܐ ܐܝܬܝܗ݀ ܛܒܬܐ ܕܝܠܝܬܐ ܕܐܠܗܐ܇
2362	ܐܝܟ ܡܐ ܕܕܒܪ ܐܢܫܐ ܓܚܘܟܘܬܐ܇
2363	ܘܕܣܘܣܝܐ ܨܗܘܠܘܬܐ܆
2364	ܡܕܝܢ ܐܡ݂ܪ ܩܕܡܝܬ܆
2365	ܡܢܐ ܒܐܘܣܝܐ ܐܝܬܘܗܝ ܐܠܗܐ܂ ܘܗܟܢܐ ܡܫܬܘܕܥܝܢܢ ܕܡܢܐ ܗܝ ܡܪܢܐܝܬ ܕܝܠܝܬܐ ܕܝܠܗ܂ ܩܕܝܡܐ ܓܝܪ ܝܕܝܥܐ ܕܡܕܡ ܐܚܪܝܢ ܐܝܬܝܗ݀ ܐܘܣܝܐ ܠܒܪ ܡܢ ܕܝܠܝܬܐ܂ ܕܝܠܝܬܐ ܓܝܪ ܥܠ ܐܘ̈ܣܝܣ ܡܬܚܙܝܐ܂ ܐܢܢܩܐ ܕܝܢ ܕܐܦ ܓܕܫܐ ܬܬܠ܆
2366	ܘܗܠܝܢ ܐܚܪ̈ܢܝܬܐ ܕܡܢܗܝܢ ܡܬܟܢܫܝܢ ܬܚ̈ܘܡܐ܂ ܘܬܚܝܬ ܡܣܝܟܘܬܐ ܕܬܚ̈ܘܡܐ ܬܝܬܐ ܠܐܠܗܐ܂

2367	ܡܛܠ ܕܝܢ ܕܐܦ ܣܗܕܘܬܐ ܟܬܒܝܬܐ ܗ݀ܝ ܕܐܡܪܐ܇

2368	ܘܠܐ ܐܢܫ ܛܒܐ ܐܠܐ ܐܢ ܚܕ ܐܠܗܐ܇
2369	ܐܣܒܪܬ ܕܡܫܪܪܐ ܠܟ ܡܠܬܐ ܗܕܐ ܕܠܐ ܡܚܫܒܬܐ܆
2370	ܕܥ ܠܗ ܠܟܬܒܐ ܕܐܡ݂ܪ܇
2371	ܠܒܠܚܘܕܘܗܝ ܚܟܝܡܐ ܐܠܗܐ܂ ܡܛܠ ܗܟܝܠ ܕܕܝܠܝܬܐ ܡܪܢܐܝܬ ܐܝܬܝܗ݀ ܗ݀ܝ ܕܠܚܕ ܐܢܫ ܐܝܬܝܗ݀܆
2372	ܡܫܬܟܚܐ ܐܝܟ ܚܟܡܬܐ ܐܝܟ ܡ̈ܠܐ ܕܝܠܟ ܓܠܝܐܝܬ܆
2373	ܕܡܠܬܐ ܕܕܝܠܝܬܐ ܐܝܬ ܠܗ݀܂ ܬܪ̈ܬܝܢ ܗܟܝܠ ܕܝ̈ܠܝܬܐ܇
2374	ܒܝܕ ܗܠܝܢ ܫܛܘܪ̈ܘܬܐ ܕܠܐ ܡܠܬܐ ܐܬܚܙܝ ܠܢ܂ ܘܒܪܡ ܟܕ ܥܠ ܡܪ̈ܚܘܬܐ ܩܪ̈ܝܪܬܐ ܕܐܝܟ ܗܟܢܐ ܐܬܬܟܠܬ܆
2375	ܢܩܫܬ ܒܚܪܬܗ݀ ܕܐܠܦܐ ܐܝܟ ܗ݀ܝ ܕܡܬܐܡܪܐ܆
2376	ܘܥܒ݂ܕܬ ܫܝܢܐ ܠܘܬܢ ܠܚܪܬܐ܂ ܘܝܩܪܬ ܗܠܝܢ ܕܠܐ ܕܝܠܟ ܘܐܡ݂ܪܬ܂ ܒܪܡ ܐܠܨܐ ܕܗܠܝܢ ܕܪ̈ܘܪܒܢ ܒܫܬܩܐ ܢܝܩܪ܂ ܐܝܬܘܗܝ ܓܝܪ ܐܠܗܐ܆
2377	ܠܥܠ ܡܢ ܐܘܣܝܐ ܘܕܝܠܝܬܐ܂
2378	ܘܒܪܡ ܕܥ ܕܚܟܝܡܐ ܒܣܝܠܝܘܣ ܒܐܓܪܬܐ ܕܠܘܬ ܛܪܢܛܝܘܣ ܠܛܒܘܬܐ ܠܘ ܠܕܝܠܝܬܐ ܫܩ݁ܠ܇
2379	ܐܠܐ ܠܐܘܣܝܐ܂ ܟܕ ܟ݁ܬܒ݂ ܗܟܢܐ܂ ܀
2380	ܒܣܝܠܝܘܣ܀
2381	ܡܠܬܐ ܡ݁ܢ ܕܐܘܣܝܐ ܕܓܘܐ܂ ܕܐܝܟ ܐܝܟܢ܂ ܛܒܘܬܐ܂ ܐܘ ܐܠܗܘܬܐ܂ ܐܘ ‍[‍175‍]‍ ܐܢ ܡܕܡ ܐܚܪܝܢ ܡܬܪܢܐ܀
2382	ܘܒܡܐܡܪܐ ܕܝܢ ܕܬܪ̈ܝܢ ܕܠܘܬ ܐܘܢܡܝܘܣ ܐܡ݂ܪ܂ ܀
2383	ܒܣܝܠܝܘܣ܀
2384	ܐܢ ܕܝܢ ܐܘܣܝܐ ܡ݁ܢ ܕܐܠܗܐ ܢܘܗܪܐ ܣܝܡܝܢܢ܇
2385	ܐܘ ܚܝ̈ܐ܇
2386	ܐܘ ܛܒܬܐ܇
2387	ܟܠܗ ܗ݀ܘ ܡ݁ܢ ܕܐܝܬܘܗܝ܂ ܚܝ̈ܐ ܐܝܬܘܗܝ ܘܟܠܗ ܢܘܗܪܐ ܘܟܠܗ ܛܒܬܐ܇
2388	ܕܢܩܦܐ ܕܝܢ ܠܚܝ̈ܐ ܐܝܬ ܠܗܘܢ ܠܐ ܐܝܠܝܕܘܬܐ܆
2389	ܐܝܟܢܐ ܠܘ ܠܐ ܡܪܟܒܐ ܗ݀ܘ ܕܒܐܘܣܝܐ ܦܫܝܛܐ܀
2390	ܡܛܠ ܗܕܐ ܠܘ ܩܒܝܥܐܝܬ ܐܡ݂ܪ ܡܠܦܢܐ܇
2391	ܐܠܐ ܡܦܫܟܐܝܬ܂ ܕܐܘܣܝܐ ܐܝܬܝܗ݀ ܕܐܠܗܐ܆
2392	ܐܘ ܐܠܗܘܬܐ܆
2393	ܐܘ ܛܒܘܬܐ܆
2394	ܐܘ ܢܘܗܪܐ ܐܘ ܚܝ̈ܐ܆
2395	ܡܛܠ ܕܒܫܪܪܐ܆
2396	ܠܐ ܝܕܥܝܢ ܚܢܢ ܕܡܢܐ ܐܝܬܘܗܝ ܒܐܘܣܝܐ ܐܠܗܐ܂ ܐܠܐ ܠܡܠܬܐ ܕܐܘܣܝܐ ܡܫ̈ܬܩܠܢ ܗܠܝܢ ܕܐܝܟ ܗܟܢܐ ܓܘܢܐܝܬ܂ ܘܒܫܘܝܘܬ ܐܝܩܪܐ ܠܬܠܬܐ ܩ̈ܢܘܡܝܢ ܕܡܦܪܫܝܢ ܒܝ̈ܘܩܢܐ ܕܝ̈ܠܢܝܐ ܠܚ̈ܡܢ܂ ܕܒܗܘܢ ܐܒܐ ܡ݁ܢ ܠܐ ܐܝܠܝܕܐܝܬ ܐܝܬܘܗܝ܆
2397	ܘܠܘ ܡܢ ܐܢܫ܂ ܒܪܐ ܕܝܢ ܝܠܝܕܐܝܬ܂ ܪܘܚܐ ܕܝܢ ܩܕܝܫܐ ܢܦܘܩܐܝܬ܂
2398	ܘܐܢܬ ܡ݁ܢ ܐܬܥܣܩܬ ܒܣܘܪ̈ܛܐ܂ ܐܢܬ ܕܝܢ ܟܕ ܦܩ݁ܪ ܐܢܬ ܥܠ ܒ̈ܢܬ ܩ̈ܠܐ ܕܐܒ̈ܗܬܐ܇
2399	ܬܘܒ ܕܟܬܒܐܝܬ ܐܡ݁ܪ ܠܐ ܡܬܥܣܩ ܐܢܐ܂ ܡܣܝܒܪ ܐܢܐ ܕܝܢ ܡܟܝܟܐܝܬ ܕܘ̈ܨܐ ܕܬܪܥܝܬܟ܂ ܘܠܐ ܬܣܒܪ ܕܠܘܬ ܐܢܫ ܡܢ ܒ̈ܢܝ ܐܘܡܢܘܬܟ܇