The Comprehensive Aramaic Lexicon

1:002.01	1݁1 ܐܢܐ ܩܠܡܣ ܐܝܬܝ ܡܢ ܪܗܘܡܐ ܡܕܝܢܬܐ ܕܪ̈ܗܘܡܝܐ܂ ܘܒܩܘܡܬܝ ܩܕܡܝܬܐ
1:002.02	ܕܥܠܝܡܘܬܝ ܒܢܟܦܘܬܐ ܘܒܙܗܝܘܬܐ ܐܫܟܚܬ ܕܐܚܐ܂ ܕܚܘܫܒܝ ܡܢ ܛܠܝܘܬܝ
1:002.03	ܠܪܓܬܐ ܕܒܝ ܒܥܡܠܐ ܘܒܥܩ̈ܬܐ ܡܒܛܠ ܗܘܐ܂ 1݁2 ܐܝܬ ܗܘܐ ܒܝ ܓܝܪ
1:002.04	ܪܥܝܢܐ ܕܡܢ ܐܝܡܟܐ ܕܝܢ ܢܣܒ ܫܘܪܝܐ ܠܐ ܝܕܥܢܐ܂ ܕܥܘܗܕܢܐ ܬܟܝܒܐ ܕܥܠ
1:002.05	ܡܘܬܐ ܒܟܠ ܥܕܢ ܩܕܡܝ ܣܐܡ ܗܘܐ܂ 1݁3 ܕܡܢܐ ܟܝ ܡܐ ܕܡܝܬܬ ܠܐ ܐܝܬܝ
1:002.06	ܬܘܒ ܡܛܠ ܕܐܦܠܐ ܐܝܬܝ ܗܘܝܬ܂ ܘܡܢܘ ܢܥܒܕ ܕܘܟܪܢܝ ܟܠ ܐܡܬܝ ܕܗ݂ܘ܂
1:002.07	ܕܗܐ ܙܒܢܐ ܗܢܐ ܕܠܐ ܡܣܬܝܟ܂ ܟܠ ܡܕܡ ܕܟܘܠ ܐܢܫ ܠܛܘܥܝܝ ܡܝܬܐ
1:002.08	ܘܥܒܕ ܕܢܬܛܥܐ܂ ܘܗܘܐ ܐܢܐ ܟܝ ܐܝܟ ܕܠܐ ܗܘܝܬ܂ ܕܚܙܝܬ ܗܢܘܢ ܕܗܘܘ ܐܝܟ
1:002.09	ܕܠܐ ܗܘܘ܂ ܟܕ ܠܐ ܝܕܥ ܐܢܐ ܘܠܐ ܡܬܝܕܥ ܐܢܐ ܘܐܝܟ ܗ݀ܘ ܕܠܐ ܗܘܝܬ ܘܠܐ ܗܘܐ

1:002.10	ܐܢܐ܂ 1݁4 ܘܥܠܡܐ ܟܝ ܗܢܐ ܡܗܘܐ ܗܘܐ ܐܡܬܝ ܕܗܘ܂ ܘܩܕܡ ܕܢܗܘܐ ܡܢܐ ܟܝ

1:002.11	ܐܝܬ ܗܘܐ܂ ܐܘ ܐܝܬܘܗܝ ܗܘܐ ܡܢ ܡܬܘܡ̈ܘܗܝ ܘܒܟܠܙܒܢ ܘܠܥܠܡ܂ 1݁5 ܘܐܢ
1:002.12	ܕܝܢ ܡܗܘܐ ܗܘܐ܂ ܐܦ ܡܫܬܪܐ܂ ܘܡܢ ܒܬܪ ܫܪܝܗ ܡܢܐ ܟܝ ܢܗܘܐ܂ ܐܠܐ ܟܒܪ
1:002.13	ܫܬܩܐ ܘܛܘܥܝܝ܂ ܐܘ ܟܒܪ ܡܢܐ ܗܘܐ܂ ܠܐ ܡܫܟܚܐ ܕܢܬܝܕܥ܂ 2݁1 ܗܢܝܢ ܗܟܝܠ
1:002.14	ܘܐܚܪ̈ܢܝܬܐ ܕܕܡܝ̈ܢ ܠܗܝܢ܂ ܠܐ ܝܕܥ ܐܢܐ ܡܢ ܐܝܡܟܐ ܕܠܐ ܫܠܝܐ ܡܬܚܫܒ
1:002.15	ܗܘܝܬ܂ ܘܥܩܬܐ ܡܟܐܒܢܝܬܐ ܐܝܬ ܗܘܬ ܨܐܕܝ܂ ܘܗܟܢܐ ܫܚܠ ܗܘܝܬ
1:002.16	ܘܡܬܕܝܒ ܒܫܚܩܐ ܣܓܝܐܐ܂ ܘܕܩܫܝܐ ܕܝܢ ܡܢ ܗܕܐ ܕܐܡܬܝ ܕܗܕܐ ܨܦܬܐ
1:002.17	ܐܝܟ ܡܣܓܦܢܝܬܐ ܕܠܝܬ ܒܗ݀ ܥܘܕܪܢܐ ܕܐܪܚܩ ܡܢܝ ܨܒܐ ܗܘܝܬ܂ ܬܘܒ
1:002.18	ܒܥܙܝܙܘܬܐ ܗ݂ܘ ܗܢܐ܂ ܚܫܐ ܒܝ ܡܬܬܙܝܥ ܗܘܐ܂ 2݁2 ܘܒܥܩܬܐ ܣܓܝܐܬܐ ܘܒܟܪܝܘܬܐ
1:002.19	ܡܛܠ ܗܕܐ ܐܝܬܝ ܗܘܝܬ܂ ܗܘܬ ܠܝ ܕܝܢ ܗ݂ܝ ܗܕܐ ܬܪܥܝܬܐ ܕܒܝ ܥܠܬܐ
1:002.20	ܛܒܬܐ ܠܚ̈ܝܐ ܕܠܥܠܡ܂ 2݁3 ܐܝܟܢܐ ܕܠܚܪܬܐ ܒܢܣܝܢܐ ܝܕܥܬ ܘܐܪܓܫܬ܂
1:002.21	ܘܠܐܠܗܐ ܡܪܐ ܟܠ ܐܘܕܝܬ ܘܫܒܚܬ܂ ܡܢܗ ܓܝܪ ܕܗܢܐ ܚܘܫܒܐ ܕܐܠܝܨ
1:002.22	ܗܘܝܬ ܒܗ ܡܢ ܩܕܝܡ܂ 2݁4 ܠܒܥܬܐ ܘܠܫܟܚܬܐ ܕܝܠܗܝܢ ܕܨܒ̈ܘܬܐ ܐܬܐܠܨܬ
1:002.23	ܕܐܬܩܪܒ ܘܗܝܕܝܢ ܝܗܒܬ ܗܘܝܬ ܘܝܐ ܠܗܢܘܢ ܕܡܢ ܩܕܝܡ ܕܠܐ ܝܕܥܬܐ ܛܘܒܐ
1:002.24	ܡܬܕܒܪ ܗܘܝܬ ܕܐܬܠ܂ 3݁1 ܡܢ ܟܕ ܛܠܝܐ ܐܢܐ ܗܟܝܠ ܒܩܘܡܬܝ ܒܗܢܝܢ
1:004.01	ܘܒܕܐܝܟ ܗܢܝܢ ܚܘ̈ܫܒܐ܂ ܐܝܬܝ ܗܘܝܬ܂ ܘܡܛܠ ܕܐܠܦ ܡܕܡ ܫܪܪܐ ܠܘܬ
1:004.02	ܡܠܦܢܘܬܐ ܕܦܝܠܘܣ̈ܦܐ ܒܐܡܝܢܘܬܐ ܐܬܩܪܒܬ܂ ܘܡܕܡ ܐܚܪܝܢ ܠܐ ܐܫܟܚܬ
1:004.03	ܠܘܬܗܘܢ܂ ܐܠܐ ܐܢ ܬܘܩ̈ܢܐ ܘܥܘܬܕ̈ܐ ܕܝܘ̈ܠܦܢܐ ܘܫܪܝܐ ܘܒܘܛܠܐ ܕܚܕܕ̈ܐ܂ ܘܚܪ̈ܝܢܐ
1:004.04	ܘܥܨ̈ܝܢܐ ܣܓ̈ܝܐܐ܂ ܘܐܡܢܘ̈ܬܐ ܕܚܘܫܒ̈ܐ܂ ܘܨܢܥ̈ܬܐ ܕܠܒ̈ܟܬܐ ܘܕܪܘܟܒܐ
1:004.05	ܕܡ̈ܠܐ܂ 3݁2 ܘܒܙܒܢ ܠܒܟܐ ܗܘܬ ܠܘܬܗܘܢ ܕܢܐܡܪܘܢ܂ ܕܢܦܫܐ ܠܐ ܡܝܬܐ܂ ܘܒܙܒܢ
1:004.06	ܕܡܝܘܬܬܐ ܗ݂ܝ܂ ܐܡܬܝ ܗܟܝܠ ܕܗܕܐ ܡܠܬܐ ܠܒܟܐ ܗܘܬ܂ ܕܢܦܫܐ ܠܐ ܡܝܬܐ
1:004.07	ܚܕܐ ܗܘܝܬ܂ ܘܐܡܬܝ ܕܝܢ ܕܗܝ ܡܝܘܬܬܐ ܗܝ܂ ܡܬܬܥܝܩ ܗܘܝܬ܂ 3݁3 ܝܬܝܪܐܝܬ
1:004.08	ܕܝܢ ܟܪܝܐ ܗܘܬ ܠܝ ܘܡܥܩ ܗܘܝܬ܂ ܕܐܦܠܐ ܚܕܐ ܡܢܗܝܢ ܡܫܟܚ ܗܘܝܬ
1:004.09	ܕܒܪܥܝܢܝ ܐܫܪܪ܂ ܒܪܡ ܕܝܢ ܡܪܓܫ ܗܘܝܬ ܕܡܣܡ ܒܪܥܝ̈ܢܐ ܕܗܠܝܢ ܫܪ̈ܒܐ܂
1:004.10	ܡܢ ܠܘܬ ܗܢܘܢ ܕܬܒܥܝܢ ܠܗܘܢ݂ ܘܡܠܦܝܢ ܠܗܘܢ܂ ܕܓܠܐ̈ ܐܘ ܫܪ̈ܝܪܐ
1:004.11	ܡܣܬܒܪܝܢ ܘܠܐ ܗܘܐ ܐܝܟ ܡܐ ܕܐܝܬܝܗܘܢ ܒܫܪܪܐ ܡܬܚܙܝܢ܂ 3݁4 ܟܕ ܗܟܝܠ
1:004.12	ܐܬܒܝܢܬ ܒܙܒܢ ܕܠܐ ܗܘܐ ܐܟܘܬܗܘܢ ܕܝܠܗܘܢ ܕܫܪ̈ܒܐ ܕܡܬܬܒܥܝܢ ܡܬܕܪܟܢܘܬܐ
1:004.13	ܗܘܝܐ ܐܠܐ ܐܟܘܬܗܘܢ ܕܝܠܗܘܢ ܕܬܒܘ̈ܥܐ ܗܢܘܢ ܡܣܡ ܒܪ̈ܥܝܢܐ ܙܟܝܢ܂ ܬܘܒ
1:004.14	ܝܬܝܪܐܝܬ ܐܝܟ ܨܘܪ̈ܢܐ ܐܚܝܕܝܢ ܗܘܘ ܠܝ ܒܗܝܢ ܒܨܒܘ̈ܬܐ ܘܡܢ ܥܘܡܩܗ݀
1:004.15	ܕܢܦܫܝ ܡܬܬܢܚ ܗܘܝܬ܂ ܐܦ ܠܐ ܓܝܪ ܡܕܡ ܕܐܫܪܪ ܒܪܥܝܢܝ ܡܨܐ ܗܘܝܬ܂
1:004.16	ܘܐܦܠܐ ܨܦܬܐ ܘܡܪܢܝܬܐ ܕܥܠ ܗܠܝܢ ܕܐܕܚܘܩ ܡܢܝ ܡܫܟܚ ܗܘܝܬ܂ ܟܕ
1:004.17	ܣܓܝ ܨܒܐ ܗܘܝܬ ܐܝܟ ܡܐ ܕܩܕܡܬ ܐܡܪܬ܂ 3݁5 ܕܟܕ ܠܢܦܫܝ ܬܟܝܒܐܝܬ
1:004.18	ܕܐܫܬܘܩ ܦܩܕ ܗܘܝܬ܂ ܠܐ ܝܕܥ ܐܢ݂ܐ ܐܝܟܢܐ ܟܣܝܐܝܬ ܐܝܟ ܕܒܢܝܚܐ ܡܪܢܝܬܐ
1:004.19	ܕܥܠܝܗܝܢ ܕܗܠܝܢ ܘܕܐܟܘܬܗܝܢ ܥܠܝ ܥܠܐ ܗܘܬ܂ 4݁1 ܘܬܘܒ ܡܐ ܕܩܡܬ
1:004.20	ܒܦܘܫܟܐ ܐܡܪ ܗܘܝܬ ܠܢ‍{‍‍{‍ܒ‍}‍‍}‍‍<‍‍<‍ܦ‍>‍‍>‍ܫܝ܂ ܡܢܐ ܥܡܠܢܐ ܣܪܝܩܐܝܬ ܕܓܠܝܐ ܗ݂ܝ
1:004.21	ܨܒܘܬܐ܂ 4݁2 ܕܐܢ ܡܐ ܕܡܝܬܬ ܠܐ ܐܝܬܝ܂ ܗܫܐ ܕܐܝܬܝ ܠܐ ܙܕܩ ܠܝ ܕܐܬܬܥܝܩ܂
1:004.22	ܕܡܛܠ ܗܕܐ ܐܛܪܝܗ݀ ܠܨܒܘ݂ܬܐ܂ ܠܗܘ ܙܒܢܐ ܕܡܐ ܕܠܐ ܐܝܬܝ ܐܦܠܐ ܡܬܬܥܝܩ
1:004.23	ܐܢܐ܂ ܘܐܢ ܕܝܢ ܢܗܘܐ ܕܐܝܬܝ ܡܕܡ ܕܡܢ ܝܬܝܪܘ ܗܫܐ ܡܬܬܘܣܦܐ ܠܝ ܗܕܐ
1:004.24	ܕܡܬܬܥܝܩ ܐܢܐ܂ ܘܬܘܒ ܒܪܫܥܬܗ ܒܬܪ ܗܠܝܢ܂ ܐܚܪܬܐ ܬܪܥܝܬܐ ܥܠܐ
1:004.25	ܗܘܬ ܥܠܝ܂ ܐܡ݁ܪ ܗܘܝܬ ܓܝܪ 4݁3 ܕܐܢ ܝܬܝܪ ܡܢ ܡܐ ܕܗܫܐ ܡܥܝܩܢ ܠܝ
1:004.26	ܗܢܝܢ ܕܗܪܬܡܢ ܩܫ̈ܝܬܐ ܐܝܬ ܠܝ ܕܐܣܒܘܠ܂ ܕܠܐ ܐܬܕܒܪܬ ܒܟܢܘܬܐ ܘܒܙܕܝܩܘܬܐ܂
1:004.27	ܘܡܫܬܠܡ ܐܢܐ ܐܝܟ ܕܐܡܪ̈ܢ ܡ̈ܠܐ ܕܐܢܫܝܢ ܦܝܠܘ̈ܣܦܐ ܠܦܝܪܝܦܠܓܬܘܢ܂
1:004.28	ܘܠܛܪܛܪܘܣ ܐܝܟ ܣܝܣܝܦܘܣ ܐܘ ܛܝܛܝܘܣ ܐܘ ܐܝܟܣܝܘܢ݁ ܐܘ ܛܢܛܠܘܣ܂
1:004.29	ܘܗܘܐ ܐܢܐ ܒܫܝܘܠ݂ ܠܥܠܡ ܒܡܣܡ ܒܪܝܫܐ܂ ܘܬܘܒ ܡܗܦܟ ܗܘܝܬ
1:006.01	ܠܘܩܒܠܗܝܢ ܘܐܡܪ ܗܘܝܬ ܐܠܐ ܗܠܝܢ ܠܐ ܐܝܬܝܗܝܢ܂ 4݁4 ܘܬܘܒ ܐܡܪ ܗܘܝܬ
1:006.02	ܘܐܢ ܕܝܢ ܐܝܬܝܗܝܢ ܘܡܛܠ ܕܝܢ ܕܗ݀ܝ ܨܒܘܬܐ ܠܐ ܝܕܝܥܐ ܗ݂ܝ ܘܟܣܝܐ ܗ݂ܝ
1:006.03	ܐܡܪ ܗܘܝܬ ܬܘܒ ܕܡܝܬܪܐ ܗ݂ܝ ܘܠܝܬ ܒܗ݀ ܩܢܕܝܢܘܣ ܕܒܙܕܝܩܘܬܐ
1:006.04	ܒܥܘܡܪܝ ܐܬܕܒܪ܂ 4݁5 ܘܬܘܒ ܡܗܦܟ ܗܘܝܬ ܕܐܝܟܢܐ ܡܫܟܚ ܐܢܐ ܕܡܛܠ
1:006.05	ܟܐܢܘܬܐ ܕܡܣܡ ܒܪܥܝܢܐ ܘܣܒܪ̈ܐ ܕܠܐ ܝܕܝܥܝܢ ܠܪ̈ܓܝܓܬܗ ܕܦܓܪܝ
1:006.06	ܐܙܟܐ܂ 4݁6 ܘܐܦܠܐ ܕܝܢ ܡܢܐ ܐܝܬܝܗ݀ ܙܕܝܩܘܬܐ ܕܫܦܪܐ ܠܐܠܗܐ ܡܫܡܠܝܐܝܬ
1:006.07	ܝܕܥ ܐܢܐ ܘܐܦܠܐ ܥܠ ܢܦܫܐ ܕܐܠܐ ܡܝܘܬܬܐ ܗ݂ܝ ܡܦܣ ܐܢܐ܂ ܘܐܦܠܐ ܕܐܝܕܐ
1:006.08	ܗ݂ܝ ܡܠܬܐ ܫܪܝܪܬܐ ܡܫܟܚ ܐܢܐ ܕܐܫܬܪܪ܂ 4݁7 ܘܐܦܠܐ ܡܢܗܘܢ ܕܗܠܝܢ
1:006.09	ܚܘ̈ܫܒܐ ܘܡܪ̈ܢܝܬܐ ܕܐܫܬܘܩ ܡܨܐ ܐܢܐ܂ 5݁1 ܘܡܢܐ ܗܟܝܠ ܙܕܩ ܕܐܥܒܕ ܐܠܐ
1:006.10	ܠܡܨܪܝܢ ܐܙܠ ܘܠܢܒ̈ܝܐ ܘ̈ܠܝܕܥܝ ܐܪ̈ܙܐ ܕܡܥܪ̈ܐ ܟܣ̈ܝܬܐ ܕܬܡܢ ܐܬܪܚܡ
1:006.11	ܘܐܒܥܐ ܚܪܫܐ܂ ܘܡܐ ܕܐܫܟܚܬܗ ܒܟܣܦܐ ܣܓܝܐܐ ܐܦܝܣܝܘܗܝ܂
1:006.12	ܕܡܣܩܗ݀ ܕܢܦܫܐ ܗ݀ܝ ܕܡܬܩܪܝܐ ܢܩܪܡܢܛܝܐ ܩܨܡܐ ܕܡܝ̈ܬܐ ܢܥܒܕ ܐܝܟ
1:006.13	ܗ݀ܘ ܕܐܢܐ ܥܠ ܨܒܘ ܡܕܡ ܡܫܐܠ ܐܢܐ܂ ܗ݂ܘ ܕܝܢ ܫܘܐܠܝ ܢܗܘܐ 5݁2 ܥܠ
1:006.14	ܗܕܐ ܕܐܠܦ ܕܐܢ ܠܐ ܡܝܘܬܬܐ ܗ݂ܝ ܢܦܫܐ܂ 5݁3 ܘܦܘܢܝ ܦܬܓܡܗ݀ ܕܝܢ
1:006.15	ܕܢܦܫܐ ܕܠܐ ܡܝܘܬܬܐ ܗ݂ܝ܂ ܠܐ ܗܘܐ ܡܢ ܗܕܐ ܕܬܡܠܠ ܘܬܫܡܥ ܬܗܘܐ ܠܝ
1:006.16	ܕܐܕܥ܂ ܐܠܐ ܒܠܚܘܕ ܡܢ ܗܕܐ ܕܬܬܚܙܐ ܠܝ ܐܝܟܢܐ ܕܡܐ ܕܒܗܝܢ ܒܥܝ̈ܢܝ
1:006.17	ܚܙܝܬ܂ ܬܣܦܩ ܠܝ ܗܕܐ ܠܡܦܩ ܒܪܘܚܐ ܡܢ ܗܕܐ ܒܠܚܘܕ ܕܡܬܚܙܝܐ
1:006.18	ܠܝ ܕܐܝܬܝܗ݀ 5݁4 ܘܬܘܒ ܡܟܝܠ ܠܐ ܡܫܟܚܐ ܕܡ̈ܠܐ ܕܠܐ ܝܕܝ̈ܥܢ ܕܠܡܫܡܥܬܐ
1:006.19	ܐ̈ܬܝܢ ܕܢܒ̈ܛܠܢ ܚܙܬܐ ܕܒܥܝ̈ܢܐ ܗܘܬ ܠܝ 5݁5 ܗܢܘ ܕܝܢ ܐܦ ܠܗ ܠܗܢܐ
1:006.20	ܚܘܫܒܐ ܐܡ݁ܪܬܗ ܠܦܝܠܘܣܦܐ ܚܕ ܕܡܥܕ ܗܘܝܬ ܥܡܗ܂ ܘܐܬܡܠܟܬ
1:006.21	ܒܗ ܘܐܡܪ ܠܝ ܘܡܠܟܢܝ܂ ܕܗܕܐ ܠܐ ܐܡܪܚ ܕܐܥܒܕ ܡܛܠ ܐܣ̈ܟܡܐ
1:006.22	ܣܓܝ̈ܐܐ݂ 5݁6 ܐܢ ܓܝܪ ܠܡ ܐܝܟ ܕܐܡܪ ܠܐ ܬܫܬܡܥ ܗܝ ܢܦܫܐ ܠܚܪܫܐ
1:006.23	ܐܢܬ ܐܝܟ ܓܒܪܐ ܕܣܥܪܬ ܕܠܩܘܒܠܐ ܕܗܢܘܢ ܕܡ݁ܣܠܝܢ ܠܗ݀ ܠܗܕܐ܂
1:006.24	ܒܥܘܡܪܟ ܡܣܡ ܒܪܝܫܐ ܕܠܐ ܫܘܒܩܢܐ ‍<‍݁݁݁‍>‍ ܗܘܝܬ܂ 5݁7 ܣܒܪ ܐܢܐ ܠܡ
1:006.25	ܕܝܢ ܕܐܦܠܐ ܗ݂ܝ ܙܕܝܩܘܬܟ ܬܘܒ ܠܐ ܢܦܩܐ ܘܪܕܝܐ ܥܡܟ܂ ܕܡܛܠܬܗ݀ ܐܦ
1:006.26	ܡܡܪܚ ܐܢܬ ܥܠ ܗܕܐ܂ 5݁8 ܐܡܪܝܢ ܓܝܪ ܕܒܥܠܕܒܒܘܬܐ ܗ݂ܝ ܠܐܠܗܐ
1:006.27	ܗܕܐ ܠܘܬ ܗܢܘܢ ܕܡܢ ܒܬܪ ܫܪܝܐ ܘܡܝܬܘܬܗ ܕܦܓܪ̈ܐ ܡܙܝܥܝܢ ܘܡܥܡܠܝܢ
1:006.28	ܢܦܫ̈ܬܐ܂ 5݁9 ܐܢܐ ܕܝܢ ܟܕ ܫܡܥܬ ܗܠܝܢ ܒܡܐܝܢܘܬܐ ܗܘܝܬ ܕܠܐ ܐܫܝܚ
1:006.29	ܥܠܝܗܝܢ ܕܗܠܝܢ܂ ܘܡܢ ܡܪ̈ܢܝܬܝ ܗܠܝܢ ܩ̈ܕܡܝܬܐ ܠܐ ܫܬܩܬ܂ ܐܠܐ ܐܝܟ
1:006.30	ܕܐܬܥܟܪ ܚܐܦܗ ܕܨܒܝܢܝ ܡܥܩ ܗܘܝܬ ܣܓܝ܂
1:008.01	6݁1 ܘܡܛܠ ܕܝܢ ܕܠܐ ܗܢܝܢ ܗܢܝܢ ܒܡ̈ܠܐ ܐܪ̈ܝܟܬܐ ܐܫܬܥܐ ܐܢܝܢ ܠܟ܂ ܟܕ
1:008.02	ܐܝܬܝ ܗܘܝܬ ܒܚ̈ܘܫܒܐ ܘܒܨܒ̈ܘܬܐ ܕܐܝܟ ܗܠܝܢ ܛܒܐ ܡܕܡ ܢܝܚܐܝܬ
1:008.03	ܒܡܠܟܘܬܗ ܕܛܝܒܪܝܘܣ ܩܣܪ ܫܘܪܝܐ ܢܣܒ ܗܘܐ ܡܢ ܫܘܚܠܦܐ ܕܢܝܣ݁ܢ
1:008.04	ܘܪܒܐ ܗܘܐ ܒܟܠܙܒܢ܂ ܘܐܝܟ ܡܠܐܟܐ ܛܒܐ ܕܐܠܗܐ ܒܟܠܗ ܥܠܡܐ ܪܗܛ
1:008.05	ܗܘܐ ܕܨܒ݂ܝܢܗ ܕܐܠܗܐ ܕܢܫܬܘܩ ܠܐ ܐܫܟܚ ܕܢܣܝܒܪ܂ 6݁2 ܒܟܠܙܒܢ ܗܟܝܠ
1:008.06	ܣܓܐ ܗܘܐ ܘܝܪܒ܂ ܘܡܬܐܡܪ ܗܘܐ݁ ܕܐܢܫ ܠܡ ܒܝܗܘܕ ܕܢܣܒ ܫܘܪܝܐ
1:008.07	ܡܢ ܫܘܚܠܦܐ ܕܢܝܣܢ ܠܝܗܘ̈ܕܝܐ ܡܠܟܘܬܗ ܕܐܠܗܐ ܐܝܬܝܐ ܕܡܡܬܘܡ
1:008.08	ܡܣܒܪ ܟܕ ܐܡܪ ܕܡܬܒܣܡ ܒܗ݀ ܟܠ ܡܢ ܕܡܩܕܡ ܒܕܘܒܪ̈ܐ ܛܒ̈ܐ ܬ݁ܪܨ
1:008.09	ܥܘܡܪܗ܂ 6݁3 ܘܡܛܠ ܕܝܢ ܕܢܬܗܝܡܢ ܗ݂ܘ ܗܢܐ ܕܗܢܝܢ ܥܒܕ ܕܐܠܗܘܬܐ
1:008.10	ܡܠܐ ܗܘܐ܂ ܬܕܡܪ̈ܬܐ ܣܓ̈ܝܐܬܐ ܘܐܬܘ̈ܬܐ ܘܢܣ̈ܐ ܣܥܪ ܗܘܐ ܒܦܘܩܕܢܐ
1:008.11	ܒܠܚܘܕ 6݁4 ܐܝܟ ܕܫܘܠܛܢܗ ܡܢܗ ܕܐܠܗܐ ܐܝܬܘܗܝ ܗܘܐ܂ ܠܕܘ̈ܓܐ
1:008.12	ܥܒܕ ܕܢܫܡ݁ܥܘܢ݁ ܘܠܣܡ̈ܝܐ ܕܢܚܙܘܢ ܘܠܦܫܝ̈ܓܐ ܘܠܚܓܝܪ̈ܐ ܕܢܫܬܪܪܘܢ
1:008.13	ܘܟܠ ܟܘܪܗܢ ܪܕܦ܂ ܘܡܝ̈ܬܐ ܕܐܬܩܪܒܘ ܠܗ ܩܡܘ܂ ܘܓܪ̈ܒܐ ܡܢ ܪܘܚܩܐ
1:008.14	ܒܠܚܘܕ ܕܚܙܐܘܗܝ ܐܬܐܣܝܘ ܘܐܬܕܟܝܘ܂ ܘܠܝܬ ܡܕܡ ܕܠܐ ܐܫܟܚ ܕܢܥܒܕ
1:008.15	6݁5 ܒܪܡ ܕܝܢ ܐܝܟ ܟܡܐ ܕܝܬܝܪܐܝܬ ܙܒܢܐ ܢܓܪ ܗܘܐ ܣܓܝ ܝܪܒ ܗܘܐ ܒܝܕ
1:008.16	ܣܓܝ̈ܐܐ ܕܐܬܝܢ ܗܘܘ ܘܡܫܬܪܪ ܗܘܐ ܠܐ ܗܘܐ ܛܒܐ ܡܟܝܠ ܒܠܚܘܕ܂ ܐܠܐ
1:008.17	ܗܘ ܫܪܪܐ ܕܝܠܗ݀ ܕܨܒܘܬܐ܂ 7݁1 ܗܟܢܐ ܓܝܪ ܐܦ ܟܢܫ̈ܐ ܒܕܘ̈ܟܝܢ ܕܘ̈ܟܝܢ
1:008.18	ܗܘܘ ܕܢܬܡܠܟܘܢ ܘܢܬܚܫܒܘܢ ܕܡܢܘ ܟܝ ܐܝܬܘܗܝ ܗܘ ܕܐܬܚܙܝ܂ ܘܡܢܐ
1:008.19	ܨܒܐ ܕܢܐܡܪ 7݁2 ܘܐܦ ܓܝܪ ܒܗ ܒܩܝܛܐ ܕܝܠܗ݀ ܕܫܢܬܐ ܓܠܝܐܝܬ ܐܢܫ
1:008.20	ܡܢ ܕܗ݂ܘ ܩܕܡ ܥܡܐ ܟܠܗ ܒܕܡܘܣܝܢ ܩܡ܂ ܘܩܥܐ ܟܕ ܐܡܪ܂ 7݁3 ܕܐܢܫܐ
1:008.21	ܐܪ̈ܗܘܡܝܐ ܫܡܥܘ ܒܪܗ ܕܐܠܗܐ ܐܬܐ ܠܝܗܘܕ ܘܐܫܬܘܕܝ ܠܟܠܗܘܢ ܐܝܠܝܢ
1:008.22	ܕܨܒܝܢ ܚܝ̈ܐ ܕܠܥܠܡ܂ ܐܢ ܗ݂ܘ ܕܐܝܟ ܨܒܝܢܗ ܕܗ݀ܘ ܕܫܕܪܗ ܢܩܕܡܘܢ
1:008.23	ܢܬܕܒܪܘܢ ܒܥܘܡܪܗܘܢ܂ 7݁4 ܕܡܛܠ ܗܕܐ ܫܚܠܦܘ ܐܣܟܡ̈ܝܟܘܢ ܡܢ
1:008.24	ܒܝܫ̈ܬܐ ܠܡܝܬܪ̈ܬܐ ܘܡܢ ܗܢܝܢ ܕܙܒܢܐ ܠܗܢܝܢ ܕܠܥܠܡ܂ 7݁5 ܘܕܥܘ
1:008.25	ܠܚܕ ܐܠܗܐ ܗ݀ܘ ܕܒܫܡܝܐ ܕܒܥܠܡܐ ܕܝܠܗ ܥܘܠܐܝܬ ܥܡܪܝܢ ܐܢܬܘܢ܂
1:008.26	ܩܕܡ ܚܙܬܗ ܟܐܢܬܐ܂ 7݁6 ܘܐܢ ܕܝܢ ܬܫܬܚܠܦܘܢ ܘܐܝܟ ܨܒܝܢܗ ܬܬܕܒܪܘܢ
1:008.27	ܒܥܘܡܪܟܘܢ݁ ܠܐܚܪܢܐ ܥܠܡܐ ܡܫܢܝܢ ܐܢܬܘܢ݁ ܘܗܘܝܢ ܐܢܬܘܢ ܠܥܠܡ܂
1:008.28	ܘܒܛܒ̈ܬܗ ܟܣ̈ܝܬܐ ܕܠܐ ܡܬܡܠܠܢ ܡܬܒܣܡܝܢ ܐܢܬܘܢ݁܂ 7݁7 ܐܝܬܘܗܝ ܗܘܐ
1:008.29	ܕܝܢ ܗܘ ܗܢܐ ܥܒܪܝܐ܂ ܡܢ ܐܪܥܐ ܕܠܗܠ܂ ܘܫܡܗ ܗܘܐ ܒܪܢܒܐ܂ ܘܐܡܪ
1:008.30	ܗܘܐ ܥܠ ܢܦܫܗ ܕܚܕ ܡܢ ܬܠܡܝܕ̈ܘܗܝ ܐܝܬܘܗܝ܂ ܘܬܢܢ ܒܚܕܐ ܡܢ
1:008.31	ܕܘ̈ܟܝܬܐ ܝܬܝܒ ܗܘܐ ܘܡ̈ܠܐ ܕܫܪ̈ܒܘܗܝ ܕܪܒܗ ܠܐܝܠܝܢ ܕܨܒܝܢ ܗܘܘ