The Comprehensive Aramaic Lexicon

1:020.01	ܐܝܬܘܗܝ܂ ܘܕܠܐ ܕܝܢ ܚܕܐ ܚܕܐ ܐܡܪ ܗܢܝܢ ܘܕܐܝܟ ܗܢܝܢ ܕܢܩܦܢ ܠܗܠܝܢ
1:020.02	ܐܡܪܬ܂ ܕܨܒܢܐ ܕܐܠܦ܂ 14݁5 ܗܘ ܕܝܢ ܦܛܪܘܣ ܒܗܢܝܢ ܦܢܝ ܠܝ ܦܬܓܡܐ
1:020.03	ܘܐܡܪ ܒܦܣܝܩ̈ܬܐ ܐܘ ܩܠܡܣ ܝܗܒܢܐ ܠܟ ܝܕܥܬܐ ܕܗܠܝܢ ܕܐܝܬܝܗܢ܂
1:020.04	ܕܗܫܐ ܡܢ ܕܘܟܬܗ ܫܡܥ܂ 15݁1 ܨܒܝܢܗ ܕܐܠܗܐ ܐܝܬܘܗܝ ܗܘܐ ܟܕ ܠܐ
1:020.05	ܓܠܐ ܡܛܠ ܐܣܟ̈ܡܐ ܣܓܝ̈ܐܐ 15݁2 ܠܘܩܕܡ ܡܛܠ ܡܥܠܢܘܬܐ ܒܝܫܬܐ܂
1:020.06	ܘܬܪܒܝܬܐ ܡܪܝܪܬܐ ܘܥܝܕܐ ܣܢܝܐ ܘܥܢܝܢܐ ܕܠܐ ܫܦܝܪ ܘܩܘܕܡܐ ܕܠܐ ܬܪܝܨ܂
1:020.07	15݁3 ܘܡܛܠ ܗܠܝܢ ܐܝܬܝܗ݀ ܛܘܥܝܝ܂ ܘܟܢ ܠܐ ܕܚܠܬܐ ܘܠܐ ܗܝܡܢܘܬܐ ܘܙܢܝܘܬܐ
1:020.08	ܘܪܚܡܬ ܟܣܦܐ ܘܪܚܡܬ ܬܫܒܘܚܬܐ ܣܪܝܩܬܐ ܘܐܚܪ̈ܢܝܬܐ ܪ̈ܒܘܬܐ ܕܒܝܫ̈ܬܐ
1:020.09	ܕܐܝܟ ܗܠܝܢ ܒܕܡܘܬ ܣܘܓܐܐ ܕܬܢܢܐ ܘܐܝܟ ܕܠܚܕ ܒܝܬܐ ܕܥܡܪܝܢ ܒܗ
1:020.10	ܒܗܢܐ ܥܠܡܐ ܡܠܐ܂ ܘܐܢܫܐ ܕܠܓܘ ܡܢܗ ܚܙܬܗܘܢ ܬܛܪ ܘܕܠܚ ܘܠܐ ܫܒܩ
1:020.11	ܐܢܘܢ ܕܒܡܬܦܢܝܢܘܬܐ ܠܥܠ ܢܚܘܪܘܢ ܘܠܐܠܗܐ ܒܪܘܝܗܘܢ ܢܕܥܘܢ ܘܡܕܡ
1:020.12	ܕܠܗ ܫܦܪ ܢܬܒܝܢܘܢ ܘܢܥܒܕܘܢ܂ 15݁4 ܕܡܛܠ ܗܕܐ ܙܕܩ ܠܪ̈ܚܡܝ ܫܪܪܐ
1:020.13	ܕܡܢ ܠܓܘ ܡܢ ܠܒܗܘܢ ܢܩܥܘܢ ܘܢܓܥܘܢ݁ ܘܒܪܥܝܢܐ ܪܚܡ ܩܘܫܬܐ
1:020.14	ܥܘܕܪܢܐ ܢܩܪܘܢ ܠܗܘܢ݁܂ ܐܝܟܢܐ ܕܐܢܫ ܕܡܢ ܠܒܪ ܡܢܗ ܕܒܝܬܐ ܕܡܠܐ ܬܢܢܐ
1:020.15	ܐܝܬܘܗܝ ܢܬܩܪܒ܂ ܘܬܪܥܐ ܢܦܬܚ ܘܗܟܢܐ ܢܫܟܚ ܢܘܗܪܐ ܕܫܡܫܐ ܗܘ
1:020.16	ܕܡܢ ܠܒܪ ܕܢܥܘܠ ܢܬܡܙܓ ܒܒܝܬܐ܂ ܘܗܘ ܕܝܢ ܬܢܢܐ ܕܢܘܪܐ ܕܠܓܘ
1:020.17	ܐܝܬܘܗܝ ܢܦܘܩ ܘܢܙܕܪܩ܂ 16݁1 ܐܢܫ ܗܟܝܠ ܡܥܕܪܢܐ ܕܐܡܪܬ܂ ܥܠ ܢܒܝܐ
1:020.18	ܗܘ ܐܡܪܬ܂ ܕܗܘ ܒܠܚܘܕܘܗܝ ܢܦ̈ܫܬܐ ܕܒ̈ܢܝ ܐܢܫܐ ܡܫܟܚ ܕܢܢܗܪ܂
1:020.19	ܐܝܟܢܐ ܕܒܗܝܢ ܒܥܝ̈ܢܝܗܘܢ ܢܫܟܚܘܢ ܕܢܚܙܘܢ݁ ܐܘܪܚܐ ܕܦܘܪܩܢܐ ܘܕܚ̈ܝܐ
1:020.20	ܕܠܥܠܡ܂ 16݁2 ܐܚܪܢܝܐܝܬ ܓܝܪ ܠܐ ܡܫܟܚܐ܂ ܐܝܟܢܐ ܕܐܦ ܐܢܬ ܝܕܥ ܐܢܬ܂
1:020.21	ܘܩܕܡ ܩܠܝܠ ܐܡܪܬ 16݁3 ܕܟܠܗܘܢ ܫܪ̈ܒܐ ܒܗܦܟ̈ܬܐ ܗܘ ܡܫܬܪܝܢ܂ ܘܐܝܟ
1:020.22	ܚܝܠܗ ܕܗܘ ܕܬܒܥ ܠܗܘܢ܂ ܗܢܘܢ ܟܕ ܗܢܘܢ ܫܪܝܪ̈ܐ ܐܘ ܕܓܠܐ̈ ܡܣܬܒܪܝܢ܂
1:020.23	ܐܝܟܢܐ ܕܡܟܝܠ ܗܢܘܢ ܫܪ̈ܒܐ ܠܐ ܢܬܚܙܘܢ ܐܝܟ ܕܐܝܬܝܗܘܢ ܐܠܐ ܡܢ ܠܘܬܗܘܢ
1:020.24	ܕܗܢܘܢ ܕܬܒܥܝܢ ܠܗܘܢ ܡܣܡ ܒܪܥܝܢܐ ܢܣܒܝܢ܂ ܐܘ ܕܐܝܬܝܗܘܢ ܐܘ ܕܠܐ
1:020.25	ܐܝܬܝܗܘܢ܂ ܐܘ ܫܪܝܪ̈ܐ ܐܘ ܕܓܠܐ̈܂ 16݁4 ܕܡܛܠ ܗܕܐ ܢܒܝܐ ܫܪܝܪܐ ܡܬܒܥܐ
1:020.26	ܠܟܠܗ݀ ܨܒܘܬܐ ܕܕܚܠܬ ܐܠܗܐ܂ ܕܗܘ ܢܐܡܪ ܠܢ ܟܠܗܝܢ܂ ܐܝܟܢܐ ܕܐܝܬܝܗܘܢ
1:020.27	ܘܐܝܟܢܐ ܙܕܩ ܕܢܗܝܡܢ݁ ܥܠ ܟܠ ܡܕܡ 16݁5 ܘܡܕܝܢ ܘܠܐ ܕܠܘܩܕܡ ܠܗ
1:020.28	ܠܢܒܝܐ ܒܟܠܗ ܫܘܐܠܐ ܕܢܒܝܘܬܐ ܢܒܥܐ ܘܢܒܚܘܪ ܘܡܐ ܕܐܫܟܚܢܝܗܝ
1:020.29	ܫܪܝܪܐ 16݁6 ܡܟܝܠ ܥܠ ܟܘܠܗ݀ܝܢ ܠܗ ܢܗܝܡܢ܂ ܘܠܐ ܬܘܒ ܥܠ ܚܕܐ
1:020.30	ܚܕܐ ܡܢ ܗܠܝܢ ܕܡܢܗ ܡܬܐܡܪ̈ܢ ܢܬܒܥܘܝܗܝ ܐܠܐ ܢܩܒܠ ܐܢܝܢ ܕܐܝܬܝܗܝܢ
1:020.31	ܫܪܝܪ̈ܬܐ ܒܣܒܪܐ ܕܗܝܡܢܘܬܐ ܕܢܬܠܒܟܢ ܠܘܬܢ ܒܙܗܝܪܘܬܐ ܕܒܘܚܪܢܐ܂
1:020.32	16݁7 ܒܚܕܐ ܓܝܪ ܬܚܘܝܬܐ ܕܡܢ ܫܘܪܝܐ ܘܒܚܦܝܛܘܬܐ ܕܫܘܐܠܐ ܕܡܢ ܟܠ ܕܘܟܐ
1:022.01	ܟܠܗܝܢ ܬܪܝܨܐܝܬ ܒܪܥܝܢܐ ܢܬܢܣܒܢ܂ 16݁8 ܕܡܛܠ ܗܕܐ ܩܕܡ ܟܠܡܕܡ ܙܕܩ܂
1:022.02	ܕܠܗ ܠܢܒܝܐ ܫܪܝܪܐ ܢ݁ܒܥܐ܂ ܡܛܠ ܕܒܠܥܕ ܗܢܐ ܡܕܡ ܫܪܪܐ ܠܒ̈ܢܝ ܐܢܫܐ
1:022.03	ܕܢܬܓܠܐ ܠܐ ܡܫܟܚܐ܂ 17݁1 ܗܢܘ ܕܝܢ ܐܢܝܚܢܝ ܕܒܕܩ ܠܝ ܕܡܢܘ ܐܝܬܘܗܝ
1:022.04	ܘܐܝܟܢܐ ܡܫܬܟܚ܂ ܘܒܫܪܪܐ ܝܗܒܗ ܠܝ ܕܐܫܟܚܝܘܗܝ ܘܝܬܝܪ ܡܢ ܗܢܝܢ
1:022.05	ܕܩܕܡ ܥ̈ܝܢܝ ܡܬܚܙܝܢ ܫܪܪ݂ܐ ܕܡܠܬܐ ܕܥܠܘܗܝ ܕܢܒܝܐ ܢܗܝܪܐܝܬ
1:022.06	ܒܡܫܡܥܬܝ ܚܘܝܢܝ܂ ܗܟܢܐ ܕܐܬܗܪ ܘܐܬܕܡܪ ܕܐܝܟܢܐ ܘܐܦܠܐ ܐܢܫ ܡܬܒܝܢ
1:022.07	ܡܢ ܗܢܝܢ ܕܡܢ ܟܘܠ ܐܢܫ ܡܬܒܥܝܢ 17݁2 ܘܥܒܕܢܝ ܕܝܢ ܠܡܟܬܒܗ

1:022.08	ܠܡܡܠܠܐ ܕܥܠ ܢܒܝܐ ܒܦܘܩܕܢܗ ܘܠܡܫܕܪܘܬܗ ܠܟ ܡܢ ܩܣܪܝܐ

1:022.09	ܕܣܛܪܛܘܢ 17݁3 ܕܐܡܪ ܕܐܢܬ ܦܩܕܬܝܗܝ ܕܟܘܠܗܘܢ ܡܡ̈ܠܠܐ ܘܣܘܥܪ̈ܢܐ ܕܣܥܪ
1:022.10	ܒܟܠ ܫܢܐ ܢܟܬܘܒ ܘܢܫܕܪ ܠܟ܂ 17݁4 ܒܪܡ ܕܝܢ ܒܚܕ ܝܘܡܐ ܩܕܡܝܐ
1:022.11	ܕܫܘܪܝܐ ܥܒܕ ܕܥܠ ܢܒܝܐ ܕܫܪܪܐ ܢܐܡܪ ܠܝ ܥܠ ܟܠ ܡܕܡ ܐܢܝܚܢܝ
1:022.12	ܘܫܡܠܝܢܝ܂ 17݁5 ܘܗܝܕܝܢ ܐܡܪ ܗܟܢܐ ܕܚܘܪ ܗܟܝܠ ܘܐܬܒܝܢ ܒܒܥܬܐ ܕܗܘܝܐ
1:022.13	ܡܢܝ ܠܘܩܒܠ ܗܢܘܢ ܕܠܩܘܒܠܐ 17݁6 ܘܐܦܢ ܕܝܢ ܒܒܨܝܪܘܬܐ ܐܫܬܟܚ ܠܐ
1:022.14	ܕܚܠ ܐܢܐ ܡܟܝܠ ܕܕܠܡܐ ܐܢܬ ܥܠ ܫܪܪܐ ܕܠܟ ܐܫܬܠܡ ܬܬܦܠܓ܂
1:022.15	ܡܛܠ ܕܐܢܐ ܐܣܬܒܪܬ ܕܐܙܕܟܝܬ ܘܠܐ ܗܘܐ ܗܘ ܫܪܒܐ ܗܘ ܕܒܝܕ ܢܒܝܐ ܕܫܪܪܐ
1:022.16	ܐܫܬܠܡ ܠܢ܂ 17݁7 ܗܢܘ ܕܝܢ ܡܣܒܪܢܐ ܕܐܦ ܠܐ ܒܡܠܬܐ ܕܫܘܐܠܐ ܡܙܕܟܐ
1:022.17	ܐܢܐ ܠܘܬ ܗܢܘܢ ܕܪܥܝܢܐ ܐܝܬ ܒܗܘܢ܂ ܘܪ̈ܚܡܝ ܡܠܬܐ ܫܪܝܪܬܐ ܐܝܬܝܗܘܢ܂
1:022.18	ܡܛܠ ܕܡܫܟܚܝܢ ܐܢܘܢ ܕܢܕܥܘܢ ܡܢܗܝܢ ܕܡ̈ܠܐ ܐܝܠܝܢ ܐܢܝ݂ܢ ܕܨܢܥܬܐ ܕܦܝܣܐ
1:022.19	ܘܐܘܡ̈ܢܘܬܐ ܘܕܫܘ̈ܐܠܐ ܕܦܘܪܓܝܐ܂ ܘܐܝܠܝܢ ܐܢܝܢ ܫܦܝ̈ܬܐ ܘܦܫܝ̈ܛܬܐ ܕܒܠܚܘܕ
1:022.20	ܒܫܪܪܐ ܕܝܠܗܝܢ ܡܦܝܣܢ܂ 18݁1 ܘܟܕ ܗܠܝܢ ܕܝܢ ܐܡܪ ܠܝ܂ ܦܢܝܬ ܠܗ
1:022.21	ܦܬܓܡܐ ܘܐܡ݁ܪܬ܂ ܡܢ ܕܘܟܬܗ ܡܘܕܢܐ ܠܐܠܗܐ܂ ܐܝܟ ܡܐ ܓܝܪ ܕܨܒܐ
1:022.22	ܗܘܝܬ ܕܐܫܡܥ܂ ܗܟܢܐ ܝܗܒ ܠܝ ܕܐܫܬܡܠܐ܂ 18݁2 ܗܢܘ ܕܝܢ ܡܛܠܬܝ
1:022.23	ܗܢܐ ܟܠܗ ܕܠܐ ܨܦܬܐ ܗܘܝ܂ ܕܐܦ ܠܐ ܡܡܬܘܡ ܡܬܦܠܓ ܐܢܐ ܐܝܟ ܗܟܢܐ܂
1:022.24	ܕܐܦܠܐ ܐܢ ܐܢܬ ܬܨܒܐ ܐܡܬܝ ܕܗܘ ܡܢ ܫܪܒܗ݀ ܕܢܒܝܘܬܐ ܬܫܢܢܝ ܠܐ ܡܨܐ ܐܢܬ
1:022.25	ܕܬܫܟܚ ܗܢܐ ܓܝܪ ܟܠܗ ܝܕܥ ܐܢܐ ܠܗܘ ܡܕܡ ܕܩܒܠܬ܂ 18݁3 ܘܠܐ ܬܣܒܪ
1:022.26	ܥܠܝ ‍<‍ܕ‍>‍ܪܘܪܒܬܐ ܡܫܬܘܕܐ ܐܢܐ ܠܟ܂ ܗܝ ܗܕܐ ܕܠܐ ܡܬܦܠܓ ܐܢܐ ܡܡܬܘܡ܂
1:022.27	ܡܛܠ ܕܐܦ ܠܐ ܐܢܐ ܘܐܦ ܠܐ ܐܢܫ ܡܢ ܒ̈ܢܝ ܐܢܫܐ ܕܫܡܥ ܡܠܬܐ ܕܥܠ
1:022.28	ܢܒܝܐ܂ ܡܫܟܚ ܡܡܬܘܡ ܕܢܬܦܠܓ ܡܐ ܕܠܘܩܕܡ ܥܠ ܫܪܒܐ ܕܫܪܪܐ
1:022.29	ܫܡܥ ܘܝܕܥ ܡܢܐ ܗܘ ܫܪܪܐ ܕܫܘܪܝܐ ܕܢܒܝܘܬܐ܂ 18݁4 ܡܛܠ ܗܕܐ ܐܬܠܒܒ
1:022.30	ܬܟܝܠܐܝܬ ܥܠ ܗܢܐ ܝܘܠܦܢܐ ܕܐܝܟ ܨܒܝܢܐ ܗܘ ܕܐܠܗܐ܂ ܟܘܠܗ ܓܝܪ
1:022.31	ܐܘܡܢܘܬܐ ܘܨܢܥܬܐ ܕܒܝܫܬܐ ܐܙܕܟܝܬ ܠܗ݀܂ 18݁5 ܠܘܩܒܠ ܓܝܪ ܢܒܝܘܬܐ
1:024.01	ܘܐܦܠܐ ܡܕܡ ܡܫܟܚ ܕܢܙܟܐ ܘܐܦ ܠܐ ܐܘܡܢܘ̈ܬܐ܂ ܘܐܦ ܠܐ ܦܘܪ̈ܣܐ ܕܚܟܡ̈ܬܐ
1:024.02	ܘܐܦܠܐ ܨܢܥ̈ܬܐ ܕܚܘܫ̈ܒܐ ܐܦ ܠܐ ܥܘܬܪܐ ܐܚܪܢܐ ܕܡܕܡ 18݁6 ܐܢ ܗܘ ܕܫܡܥ
1:024.03	ܡܢ ܢܒܝܐ ܫܪܝܪܐ ܐܢ ܒܫܪܪܐ ܡܚܒܢܐ ܗܘ ܕܫܪܝܪܬܐ ܘܠܐ ܗܘܐ ܒܥܠܬܐ
1:024.04	ܕܫܪܝܪܬܐ ܡܕܡ ܐܚܪܢܐ ܡܥܝܢ ܘܒܥܐ܂ 18݁7 ܘܡܟܝܠ ܡܪܝ ܦܛܪܐ ܠܐ ܬܬܥܝܩ܂
1:024.05	ܕܐܝܟ ܗܘ ܕܠܡܢ ܕܠܐ ܡܪܓܫ ‍<‍݁݁݁‍>‍ ܒܡܘܗܒܬܐ ܝܗܒܬ܂ 18݁8 ܘܠܐ ܡܫܟܚ ܕܢܛܥܐ
1:024.06	ܡܢ ܫܪܪܐ܂ ܕܐܬܝܗܒ ܠܗ܂ ܝܕܥ ܐܢܐ ܕܝܢ ܡܫܟܚܐ ܗܝ܂ ܕܐܝܟ ܕܨܒܐ
1:024.07	ܐܢܫ ܕܐܦ ܒܥܓܠ ܢܣܒ ܘܐܦ ܒܢܘܓܪܐ ܕܬܘܚܪܬܐ ܕܠܐ ܢܣܒ 18݁9 ܝܕܥ ܐܢܐ
1:024.08	ܗܟܝܠ ܕܠܐ ܐܒܣܐ ܒܡܘܗܒܬܐ ܕܐܬܝܗܒܬ ܠܝ܂ ܡܛܠ ܕܒܥܓܠ ܐܬܝܗܒܬ
1:024.09	ܕܠܐ ܡܬܦܚܡܐ ܘܗܝ ܗܝ ܫܪܪܐ ܒܠܚܘܕܝܗ݀܂ 19݁1 ܘܟܕ ܗܠܝܢ ܐܡܪܬ܂
1:024.10	ܦܛܪܘܣ ܐܡܪ ܠܝ܂ ܕܡܘܕܢܐ ܠܐܠܗܐ ܘܐܦ ܥܠ ܦܘܪܩܢܐ ܘܚ̈ܝܐ ܕܝܠܟ܂
1:024.11	ܘܐܦ ܥܠ ܚܕܘܬܐ ܘܢܝܚܐ ܕܝܠܝ܂ ܒܫܪܪܐ ܓܝܪ ܐܬܢܝܚܬ ܕܝܕܥܬ ܕܐܬܒܝܢܬ
1:024.12	ܡܢܐ ܐܝܬܝܗ݀ ܪܒܘܬܐ ܕܢܒܝܘܬܢ݁܂ ܡܛܠ ܗܟܝܠ ܕܐܝܟܢܐ ܕܐܢܬ ܐܡܪܬ ܂ ܕܐܦ ܠܐ
1:024.13	ܐܢܐ ܐܢ ܐܨܒܐ ܐܡܬܝ ܕܗܘ ܗܝ ܕܠܐ ܬܗܘܐ܂ ܕܠܡܕܡ ܐܚܪܝܢ ܝܘܠܦܢܐ ܐܫܢܝܟ
1:024.14	ܠܐ ܐܣܦܩ ܕܐܫܟܚ ܕܐܫܢܝܟ܂ 19݁2 ܫܪܐ ܡܟܝܠ ܡܢ ܡܚܪ ܕܬܩܦܝܢܝ ܒܒܥܬܐ
1:024.15	ܕܗܢܘܢ ܕܕܠܩܘܒܠܐ ܐܝܬܝܗ݀ ܕܝܢ ܠܡܚܪ ܒܥܬܐ ܠܘܩܒܠ ܣܝܡܘܢ܂
1:024.16	ܚܪܫܐ܂ 19݁3 ܘܟܕ ܗܢܝܢ ܐܡܪ ܘܣܝܒܪܬܐ ܢܣܒ ܗܘ ܡܢܗ ܘܠܗ܂ ܕܐܣܒ
1:024.17	ܐܦ ܐܢܐ ܦܩܕ 19݁4 ܘܒܪܟ ܥܠܝܗ݀ ܕܣܝܒܪܬܐ ܘܐܘܕܝ ܡܢ ܒܬܪ ܕܣܒܥ
1:024.18	ܘܐܦܝܣܢܝ ܒܡܠܬܐ ܕܥܠܝܗ ܕܗܕܐ܂ ܘܒܬܪܗܝܢ݁ ܐܡܪ 19݁5 ܕܢܬܠ ܠܟ ܐܠܗܐ
1:024.19	ܕܒܟܠ ܡܕܡ ܬܬܕܡܐ ܠܝ ܘܬܥܡܕ ܘܗܝ ܟܕ ܗܝ ܣܝܒܪܬܐ ܥܡܝ
1:024.20	ܬܩܒܠ܂ 19݁6 ܘܟܕ ܗܢܝܢ ܐܡܪ ܦܩ݂ܕ ܠܝ ܕܐܕܡܟ܂ ܘܐ݂ܦ ܓܝܪ ܗܘ ܟܝܢܗ
1:024.21	ܕܦܓܪܐ ܬܒܥ ܗܘܐ ܠܗ݀ ܠܫܢܬܐ܂
1:024.22	20݁1 ܠܐܚܪܢܐ ܕܝܢ ܝܘܡܐ ܟܕ ܡܢ ܩܘܕܡܐ ܥܠ ܠܘܬܢ ܙܟܝ܂ ܘܫܐܠ
1:024.23	ܒܫܠܡܢ ܘܐܡܪ ܠܦܛܪܘܣ 20݁2 ܕܣܝܡܘܢ ܡܫܬܐܠ ܡܢ ܒܥܬܐ ܥܕܡܐ
1:024.24	ܠܚܕܥܣܪܐ ܒܗܢܐ ܝܪܚܐ܂ ܕܐܝܬܝܗ݀ ܡܢ ܒܬܪ ܫܒ̈ܥܐ ܝܘ̈ܡܝܢ܂ 20݁3 ܐܡܪ
1:024.25	ܓܝܪ ܕܗܝܕܝܢ ܗܘ ܡܫܟܚ ܐܢܐ ܕܙܗܝܪܐܝܬ ܠܒܥܬܐ ܕܡ̈ܠܐ ܐܣܬܦܩ
1:024.26	ܘܐܬܐ܂ 20݁4 ܐܝܟ ܕܐܡܪ ܕܝܢ ܐܦ ܢܓܝܪܘܬܗ ܕܙܒܢܐ ܡܥܕܪܐ ܗܝ ܐܝܟܢܐ ܕܣܓ̈ܝܐܐ
1:024.27	ܫ̈ܡܘܥܐ ܢܗܘܘܢ ܘܢܫܬܪܬܚܘܢ ܕܕܝܢܝܢ ܠܡ̈ܠܐ ܕܡܬܐܡܪ̈ܢ 20݁5 ܗܢܘ ܕܝܢ ܐܢ
1:024.28	ܫܦܪ ܠܟ ܠܡ ܕܡܐ ܕܐܬܟܢܫܢܢ ܗܘ̈ܝ ܐܝܬ ܠܢ ܡ̈ܠܐ ܗܠܝܢ ܕܗܢܝܢ
1:024.29	ܥܬܝ̈ܕܢ݁ ܕܢܬܒ̈ܨܝܢ܂ ܟܕ ܡܩ̈ܕܡܢ ܡ̈ܛܝܒܢ ܒܫ̈ܘܐܠܐ ܣ̈ܓܝܐܐ܂ ܗܫܐ ܢܬܢܐ
1:024.30	ܠܚܕܕ̈ܐ ܕܥܠ ܐܝܕܐ ܐܘ ܥܠ ܐܝܠܝܢ ܥܬܝܕܝܢ ܐܢܚܢܢ܂ ܕܒܥܬܐ ܢܥܒܕ ܡܐ
1:024.31	ܕܐܬܩܪܒܢܢ ܠܗ ܠܥܕܢܐ܂ ܐܝܟܢܐ ܕܚܕ ܚܕ ܡܢܢ ܢܩܕܡ ܢܕܥ܂ ܘܒܫܠܝܐ
1:024.32	ܠܘܬ ܢܦܫܗ ܢܬܚܫܒ ܘܢܡܠܘܛ ܒܗܝܢ ܘܢܕܥ ܕܥܠ ܐܝܕܐ ܡܠܬܐ ܡܢܐ
1:024.33	ܡܬܦܫܟ ܐܘ ܐܢ ܐܦ ܠܐ ܒܡܕܡ ܡܬܦܫܟ܂ ܘܐܢ ܕܝܢ ܡܬܦܫܟ ܡܐ ܕܐܬܐ ܠܗ
1:026.01	ܠܒܥܬܐ ܘܐܣܪܚܗ݀ ܠܡܠܬܐ܂ ܟܒܪ ܡܢ ܗ݀ܘ ܕܠܩܘܒܠܗ ܡܟܝܠ
1:026.02	ܡܬܦܪܥ ܠܗ܂ 20݁6 ܘܐܢ ܕܝܢ ܡܢ ܟܠ ܓܒ̈ܝܢ܂ ܠܗ ܠܫܪܒܗ ܢܫܐܠ܂
1:026.03	ܘܢܕܥ ܕܠܝܬ ܠܗ ܡܕܡ ܕܠܐ ܝܕܥ܂ ܘܟܠܗܝܢ ܗܢܝܢ ܕܝܠܗ ܠܐ ܡܙܕܟܝܢ܂
1:026.04	ܗ݂ܝ ܗܕܐ ܡܚܘܐ ܠܗ ܒܗ݀ ܒܒܨܬܐ܂ ܘܟܒܪ ܙܟܐ ܠܗ݀ܘ ܕܡܫܪܐ ܥܡܗ
1:026.05	ܕܢܒܥܐ܂ 20݁7 ܝܗܒܢܐ ܠܡ ܕܝܢ ܐܢܐ ܡܠܟܐ܂ ܐܢ ܐܦ ܠܟ ܫܦܪ܂ ܕܩܕܡ
1:026.06	ܟܘܠ ܡܕܡ ܬܫܬܐܠ ܕܐܝܕܐ ܗ݂ܝ ܥܠܬܐ ܩܕܡܝܬܐ ܕܠܐ ܡܬܥܕܠܐ ܕܟܠ
1:026.07	ܡܕܡ 20݁8 ܕܗܘܐ ܐܢ ܡܗܘܐ ܗܘܐ܂ ܘܕܡܢ ܗܝ ܘܡܢ ܡܢܐ܂ ܘܐܢ
1:026.08	ܬܘܒ ܡܢ ܚܕ ܐܘ ܡܢ ܬܪ̈ܝܢ ܐܘ ܡܢ ܣܓ̈ܝܐܐ܂ ܢܣܒ ܩܘܝܡܐ ܡܕܡ
1:026.09	ܕܗܘܐ܂ ܘܐܢ ܬܘܒ ܡܢ ܠܐ ܡܕܡ ܐܘ ܡܢ ܡܕܡ ܕܐܝܬܘܗܝ ܕܐܬܢܣܒ ܘܗܘܐ
1:026.10	ܠܗ ܗܢܐ ܨܦܬܐ܂ 20݁9 ܘܐܢ ܐܝܬ ܡܕܡ ܚܝܠܐ ܕܡܥܠܝ ܠܥܠ ܐܘ ܕܡܬܚܬܝ
1:026.11	ܠܬܚܬ ܕܡܝܬܪ ܐܘ ܕܒܨܝܪ ܕܐܬܙܝܥ ܡܢ ܡܬܘܡ ܐܘ ܕܐܦܠܐ ܡܡܬܘܡ
1:026.12	ܐܬܬܙܝܥ܂ ܐܘ ܕܐܢ ܗܢܝܢ ܗܟܢܐ ܐܝܬܝ̈ܗܝܢ ܗ̈ܘܝ ܡܢ ܡܬܘܡ ܘܒܟܘܠ
1:026.13	ܙܒܢ ܘܠܥܠܡ܃ ܐܘ ܡܗܘܐ ܗ̈ܘܝ ܟܕ ܡܕܡ ܠܐ ܥܒܕ ܐܢܝܢ܂ ܘܡܫܬܪܝܢ
1:026.14	ܟܕ ܡܕܡ ܠܐ ܫܪܐ ܠܗܝܢ܂ 20݁10 ܐܢ ܗܟܝܠ ܡܢ ܗܕܐ ܡܫܪܝܢ ܐܢܚܢܢ ܒܗ݀
1:026.15	ܒܒܥܬܐ ܣܒܪ ܐܢܐ ܕܡܫܟܚܐ ܗܝ ܕܬܬܝܕܥ ܕܐܝܟܢܐ ܐܝ̈ܬܝܗܝܢ ܗܢܝܢ
1:026.16	ܕܡܬܒܨܝܢ ܕܡܢܗ ܕܫܘܐܠܐ ܚܦܝܛܐ ܡܬܒܚܪ̈ܢ܂ 20݁11 ܘܡܐ ܕܐܫܬܟܚ ܕܝܢ
1:026.17	ܕܠܝܠܐܝܬ ܡܟܝܠ ܝܗܒܢ ܠܢ ܐܝܕܐ ܕܗܢܝܢ ܕܒܬܪܗܝܢ ܕܢܩܦܢ ܠܗܝܢ܂
1:026.18	ܗܢܘ ܕܝܢ ܕܝܠܝ ܗܢܐ ܡܠܟܝ܂ ܗܐ ܓܠܐ ܗܘܐ ܠܟ܂ ܗ݀ܘ ܕܝܢ ܡܕܡ ܕܠܟ
1:026.19	ܫܦܪ ܐܢ ܗܘ ܕܡܢܚ ܐܢܬ܂ ܠܐ ܬܡܐܢ ܠܟ ܕܬܐܡܪ ܠܝ܂ 21݁1 ܘܦܛܪܘܣ
1:026.20	ܦܢܝ ܦܬܓܡܐ ܥܠ ܗܠܝܢ ܘܐܡܪ܂ ܐܡܪ ܠܗ ܠܣܝܡܘܢ݁ ܕܥܒܕ ܐܝܟ
1:026.21	ܕܨܒܝܬ ܥܡ ܗܕܐ ܕܬܕܥ ܕܒܟܠܥܕܢ ܗܢܝܢ ܕܝܠܢ ܒܒܛܝܠܘܬܐ ܕܐܠܗܐ
1:026.22	ܥܬܝܕ̈ܢ ܘܡܛܝܒܢ ܐܢܝܢ܂ 21݁2 ܘܗܘ ܕܝܢ ܙܟܝ ܟܕ ܗܠܝܢ ܫܡܥ܂ ܢܦܩ
1:026.23	ܕܢܦܢܐ ܦܬܓܡܐ ܠܣܝܡܘܢ܂
1:026.24	21݁3 ܘܟܕ ܕܝܢ ܗܘ ܢܦܩ ܐܪܓܫ ܦܛܪܘܣ ܕܐܬܬܥܝܩܬ ܐܢܐ܂ ܡܛܠ ܒܘܝܥܗ݀
1:026.25	ܕܒܥܬܐ܂ 21݁4 ܘܐܡܪ ܠܝ ܐܘ ܩܠܡܣ ܚܒܝܒܝ ܗ݀ܘ ܡܢ ܕܩܒܠ ܘܐܫܪ
1:026.26	ܕܒܒܛܝܠܘܬܐ ܛܒܬܐ ܕܐܠܗ ܡܬܕܒܪ ܥܠܡܐ݁܂ ܠܐ ܡܬܥܝܩ ܥܠ ܨܒܘ̈ܬܐ
1:026.27	ܐܝܠܝܢ ܕܐܝܟܢܐ ܕܗ݂ܘ ܕܡܣܬܩ̈ܒܠܢ܂ ܡܦܣ ܗܘ ܓܝܪ ܕܡܛܠ ܕܐܠܗܐ
1:026.28	ܟܐܢܐ ܗܘ܂ ܘܗ݀ܢܝܢ ܝܬܝܪ̈ܬܐ ܝܕܥ ܠܗܝܢ ܡܦܩܢܗܝܢ ܕܟܘܠܗܝܢ ܨܒܘ̈ܬܐ
1:026.29	ܠܥܘܕܪܢܐ ܡܕܒܪ ܠܗ܂ ܝܬܝܪܐܝܬ ܕܝܢ ܕܗܢܘܢ ܕܒܗ ܡܬܓܘܣܝܢ܂
1:026.30	21݁5 ܕܡܛܠ ܗܕܐ ܗ݀ܘ ܡܢ ܕܝܕܥ ܕܗܕܐ ܗܟܢܐ ܐܝܬܝܗ݀ ܠܗ݀ܘ ܡܕܡ ܕܡܣܬܩܒܠ
1:026.31	ܡܥܝܩܢܐ ܒܪܥܝܢܐ ܬܪܝܨܐ ܝܕܥ ܕܢܕܚܩܝܘܗܝ ܡܢ ܢܦܫܗ܂ ܡܛܠ ܕܠܐܠܗܐ
1:028.01	ܛܒܐ ܐܘ ܩܠܡܣ ܠܐ ܡܫܟܚܐ ܕܫܘܠܡܗ ܕܡܐ ܕܗܘ ܕܠܐ ܝܕܥܬܐ
1:028.02	ܢܥܒܕܝܘܗܝ܂ 21݁6 ܕܡܛܠ ܗܕܐ ܐܦ ܒܘܝܥܗ ܕܣܝܡܘܢ ܕܒܗܢܐ ܙܒܢܐ ܠܐ
1:028.03	ܢܥܝܩܟ܂ 21݁7 ܟܒܪ ܓܝܪ ܡܛܠ ܒܛܝܠܘܬܐ ܕܐܠܗܐ ܐܝܟ ܡܐ ܕܐܡܪܬ ܗܘܐ
1:028.04	ܠܥܘܕܪܢܐ ܕܝܠܟ ܐܝܟܢܐ ܕܗܢܝܢ ܕܥܗ̈ܢܢ ܠܡܠܬܐ ܕܥܠ ܕܚܠܬ ܐܠܗܐ
1:028.05	ܒܒܘܝܥܐ ܕܗܢܝܢ ܫܒ̈ܥܐ ܝܘ̈ܡܝܢ ܕܠܐ ܫܓܘܫܝܐ ܡܢ ܫܘܪܝܐ ܥܕܡܐ ܠܚܪܬܐ
1:028.06	ܐܝܟ ܡܫܠܡܢܘܬܗ ܕܢܒܝܐ ܕܫܪܪܐ ܐܓܥܠ ܘܐܫܠܡ ܠܟ܂ ܕܗ݂ܘ ܒܠܚܘܕܘܗܝ
1:028.07	ܝܕܥ ܕܗܢܝܢ ܕܗܘ̈ܝ ܐܝܟܢܐ ܗܘ̈ܝ܂ ܘܗܢܝܢ ܕܥܬܝ̈ܕܢ ܐܝܟܢܐ ܗܘܝܢ܂ 21݁8 ܘܗܢܝܢ
1:028.08	ܕܐܬܐܡܪ ܓܠܝܐܝܬ܂ ܘܐܬܟܬܒ ܕܝܢ ܥܛܠܐܝܬ ܘܒܟܢܘܫܬܐ ܡܬܩܪ̈ܝܢ ܕܠܐ
1:028.09	ܡܫܠܡܢܘܬܐ ܕܢܬܝ̈ܕܥܢ ܠܐ ܡܫܟܚ̈ܢ܂ ܡܛܠ ܚܛܗ̈ܐ ܕܥܡܗܘܢ ܡܬܪܒܝܢ܂
1:028.10	ܐܝܟܢܐ ܕܩܕܡܬ ܐܡܪܬ܂ 21݁9 ܕܡܛܠ ܗܕܐ ܗܢܝܢ ܕܡܢܝ ܡܫܬܪ̈ܝܢ ܐܝܟ ܨܒܝܢܗ
1:028.11	ܕܣܐܡ ܢܡܘܣܐ܂ ܬܪܝܨܐܝܬ ܟܠܗܝܢ ܗܘܐ ܐܢܬ ܝܕܥ܂ 22݁1 ܘܟܕ ܗܢܝܢ ܐܡܪ
1:028.12	ܐܦܝܣܢܝ ܒܦܣܝܩ̈ܬܐ ܗܢܝܢ ܕܡܢ ܫܘܪܝܗ݀ ܕܒܪܝܬܐ ܥܕܡܐ ܠܗܘ ܝܘܡܐ
1:028.13	ܕܒܩܣܪܝܐ ܕܣܛܪܛܘܢ ܐܪܥܬܗ܂ ܘܐܡܪ ܠܝ 22݁2 ܕܗܢܝܢ ܐܝܟ ܕܒܒܘܝܥܗ
1:028.14	ܕܣܝܡܘܢ ܒܦܣ̈ܝܩܬܐ ܐܫܠܡܬ ܠܟ܂ ܕܗܘܝܬ ܝܕܥ ܪܝܫܐ ܕܥܠ ܟܘܠ
1:028.15	ܡܕܡ܂ 22݁3 ܒܙܒܢ ܐܚܪܝܢ ܕܝܢ ܐܝܟ ܥ̈ܕܢܐ ܕܥܗܢܝܢ ܕܡܣܬܩܒܠܝܢ ܐܦ ܕܗܢܝܢ
1:028.16	ܕܒܦ̈ܣܝܩܬܐ ܐܬܐܡܪ܂ ܒܡܠܬܐ ܐܪܝܟܬܐ ܐܝܟ ܕܐܫܬܘܕܝܬ ܠܟ ܡܢ ܫܘܪܝܐ
1:028.17	ܡܫܠܡܢܐܝܬ ܡܡܠܠܐ ܕܥܠܗܝܢ ܦܪܥ ܐܢܐ 22݁4 ܡܛܠ ܗܟܝܠ ܕܝܘܡܐ
1:028.18	ܕܝܘܡܢܐ ܒܠܚܘܕ ܐܫܬܚܪ ܠܢ ܡܢ ܝܘܡ̈ܬܐ ܗܢܘܢ ܕܐܬܚܪܩܘ/ܕܐܬܪܚܩܘ#1#/܂ ܨܒܐ ܐܢܐ
1:028.19	ܕܬܘܒ ܗܢܝܢ ܗܢܝܢ ܕܐܬܩܕܡ ܐܬܐܡܪ ܠܟ ܪܝܫܗܝܢ ܒܦܣܝܩ̈ܬܐ ܐܓܥܠ
1:028.20	ܠܟ ܕܬܘܒ ܝܬܝܪܐܝܬ ܬܫܟܚ ܕܒܥܘܗܕܢܟ ܬܩܢܐ ܐܢܝܢ 22݁5 ܘܟܕ ܐܡܪ ܗܠܝܢ
1:028.21	ܬܢܝ ܠܝ ܗܟܢܐ ܘܐܡܪ܂ ܕܥܗܕ ܐܢܬ ܐܘ ܩܠܡܣ ܚܒܝܒܝ ܬܫܥܝܬܝ
1:028.22	ܕܥܠ ܥܠܡ ܗܘ ܕܠܐ ܡܣܬܝܟ܂ 22݁6 ܘܟܕ ܐܡܪܬ ܠܗ ܐܢܐ ܕܐܦ ܠܐ ܕܚܕܐ
1:028.23	ܐܘ ܦܛܪܐ ܡܫܟܚ ܐܢܐ ‍<‍ܕܐܬܥܗܕ ܐܢ ܗܕܐ‍>‍ ܠܐ ܐܬܥܗܕ܂ ܘܗܘ ܦܛܪܘܣ ܒܗܕܐ
1:028.24	ܐܬܬܢܝܚ ܘܦܢܝ ܠܝ ܦܬܓܡܐ܂ 23݁1 ܚܕܐ ܐܢܐ ܒܟ ܕܐܡܪܬ ܘܠܐ ܐܝܟ ܡܣܪܗܒܐ
1:028.25	ܦܢܝܬ ܦܬܓܡܐ܂ ܡܛܠ ܕܗܢܝܢ ܪ̈ܫܝܬܐ ܘܡܥ̈ܠܝܬܐ ܒܫܬܩܐ ܨܒܝܢ
1:028.26	ܕܢܬܝܩܪ̈ܢ܂ 23݁2 ܡܛܠ ܕܝܢ ܕܢܬܗܝܡܢ ܫܘܕܝܟ ‍<‍ܥܠ‍>‍ ܟܣܝܐ ܗ݀ܘ ܡܕܡ
1:028.27	ܕܥܗܕ ܐܢܬ ܐܡܪ ܥܠ ܡܠܬܐ ܗܝ \ܕܒܢܒܝܘܬܐ ܥܗܢܢ/ܕܒܬܪܝܢܘܬܐ ܥܗܕܢܢ#3#/ ܗ݀ܝ ܕܫܠܝܛ
1:028.28	ܕܬܐܡܪ ܙܒ̈ܢܬܐ ܣܓ̈ܝܐܬܐ ܕܐܝܬܝܗ݀ ܚܘܪܩܢܐ܂ ܕܗܟܢܐ ܐܦ ܐܢܐ ܡܐ ܕܝܕܥܬ
1:028.29	ܙܗܝܪܘܬܐ ܕܥܘܗܕܢܟ ܒܪܫܥܬܗ ܐܦ ܥܠ ܗܢܝܢ ܕܨܒܢܐ ܒܚܕܘܬܐ ܣܓܝܐܬܐ
1:028.30	ܡܛܝܒܐܝܬ ܘܕܠܝܠܐܝܬ ܕܐܓܥܠ ܘܐܫܬܥܐ ܠܟ܂ 23݁3 ܘܐܢܐ ܕܐܬܒܝܢܬ ܕܣܓܝ
1:028.31	ܚܕܐ ܒܥܘܗܕܢܐ ܕܐܝܠܝܢ ܕܫܡܥܝܢ ܦܢܝܬ ܦܬܓܡܐ ܗܟܢܐ ܕܠܐ ܒܠܚܘܕ ܥܠ