The Comprehensive Aramaic Lexicon

1:030.01	ܚܘܪܩܢܐ ܥܗܝܕ ܐܢܐ ܐܠܐ ܘܐܦ ܥܠ ܩ݁ܕܡ ܚܘܪܩܢܐ ܘܝܕܥܬܐ ܕܟܠܗܝܢ
1:030.02	ܐܡܝܢܐܝܬ ܗܢܝܢ ܕܐܓܥܠܬ ܠܝ ܒܕܘܟܝ̈ܬܗܝܢ ܐܬܒܝܢܬ܂ ܗܢܝܢ ܓܝܪ ܕܐܬܐܡܪ
1:030.03	ܐܝܟ ܕܡܢܗ݀ ܕܢܦܫܝ ܗ̈ܘܝ 23݁4 ܠܨܗܝܐ ܓܝܪ ܣܓܝܐܐ ܕܨܗܐ ܗܘܝܬ ܡܫܬܝܐ
1:030.04	ܚܠܝܐ ܐܘܫܛܬ ܠܝ܂ 23݁5 ܡܛܠ ܗܟܝܠ ܕܠܐ ܬܣܒܪ ܥܠܝ܂ ܕܡܛܠ
1:030.05	ܕܥܗܝܕܢܐ ܠܗܝܢ ܡܢܟܪܝ ܐܢܐ ܠܟ ܒܡܠܬܐ܂ ܕܐܝܟܢܐ ܕܗܢܝܢ ܕܡܢܟ ܐܬܐܡܪ
1:030.06	ܠܘܬܝ ܟܣܝܐܝܬ ܠܒܝܟ ܡܫܬܐܠ ܐܢܐ ܡܢ ܥܘܗܕܢܐ܂ ܗܕܐ ܕܒܫܪܪܐ ܠܐ
1:030.07	ܗܘܐ ܗܟܢܐ܂ 23݁6 ܐܠܐ ܒܟܠ ܥܕܢ ܡܢ ܕܘܟܬܗ ܕܫܡܥ ܗܘܝܬ ܡܢܟ ܘܡܫܢܐ
1:030.08	ܗܘܝܬ܂ ܚܕܐ ܚܕܐ ܡܢܗܝܢ ܒܕܘܟܝ̈ܬܗܝܢ ܣܐܡ ܗܘܝܬ ܒܪܥܝܢܝ ܕܗܟܢܐ

1:030.09	ܡܢܗ ܕܛܟܣܐ ܕܣܕܝܪܘܬܗܝܢ ܚܬܝܬܐܝܬ ܗܢܝܢ ܕܐܬܐܡܪ ܐܫܟܚ ܐܕܥ܂

1:030.10	23݁7 ܣܓܝ ܓܝܪ ܐܦ ܡܥܕܪ ܛܟܣܐ ܕܣܕܝܪܘܬܐ ܠܥܘܗܕܢܐ܂ ܗ݀ܘ ܓܝܪ ܡܕܡ
1:030.11	ܕܚܣܝܪ ܒܥܐ ܠܗ ܪܥܝܢܐ܂ ܘܡܐ ܕܐܫܟܚܗ ܢܛܪ ܠܗ܂ ܐܘ ܐܢܗܘ ܕܠܐ
1:030.12	ܥܗܕܗ ܠܐ ܢܟܦ ܕܡܢ ܗ݀ܘ ܕܡܠܦ ܠܗ܂ ܡܛܠ ܥܘܕܪܢܗ ܢ݁ܒܥܐ
1:030.13	ܘܢܣܒ܂ 23݁8 ܘܡܛܠ ܕܝܢ ܕܠܐ ܐܫܬܘܚܪ ܠܦܘܢܝ ܦܬܓܡܐ ܕܠܘܬܟ
1:030.14	ܒܐܪܝܟܘܬܐ ܕܡ̈ܠܐ ܒܪܫܥܬܗ ܥܠ ܚܘܪܩܢܐ ܗܘ ܕܬܒܥܬܢܝ ܫܡܥ ܡܢܝ
1:030.15	ܐܝܟ ܕܒܦܣܝܩ̈ܬܐ܂ ܐܝܬܘܗܝ ܕܝܢ ܗܟܢܐ܂ 24݁1 ܐܝܬܘܗܝ ܗܘܐ ܡܡܬܘܡܘܗܝ
1:030.16	ܘܐܝܬܘܗܝ ܒܟܠ ܥܠܡ ܘܐܝܬܘܗܝ ܠܥܠܡ ܕܡܢ ܕܡܢ݂ܗ ܗܘܐ ܨܒܝܢܐ
1:030.17	ܩܕܡܝܐ ܕܚܒܫ ܠܙܒܢܐ ܗܘܝܐ ܕܡܢ ܥܠܡ܂ 24݁2 ܡܢ ܗܘ ܗܟܝܠ ܨܒܝܢܐ
1:030.18	ܩܕܡܝܐ ܬܘܒ ܨܒܝܢܐ ܘܟܢ ܥܠܡܐ ܘܡܢ ܥܠܡܐ ܙܒܢܐ܂ ܘܡܢܗ ܣܘܓܐܐ
1:030.19	ܕܐܢܫܘܬܐ ܘܡܢ ܣܘܓܐܐ ܓܒܝܘܬܐ ܕܪ̈ܚܡܐ܂ ܕܡܛܠ ܫܠܡܘܬܗܘܢ ܕܗܢܘܢ
1:030.20	ܗܝ ܡܠܟܘܬܐ ܡܫܝܢܬܐ ܕܐܠܗܐ ܡܬܒܢܝܐ܂ 24݁3 ܥܠ ܫܪܟܢܗܝܢ ܕܝܢ
1:030.21	ܕܗܠܝܢ ܒܢܩܦܗܝܢ ܐܫܬܘܕܝܬ ܕܒܙܒܢ ܐܚܪܝܢ ܬܐܡܪ ܠܝ܂ 24݁4 ܡܢ ܒܬܪ
1:030.22	ܗܟܝܠ ܗܢܝܢ ܐܡܪܬ ܩܘܝܡܗ ܕܙܒܢܐ ܥܠܡ ܗܘܝܐ܂ ܘܐܫܬܥܝܬ ܥܠ ܩܕܡ
1:030.23	ܚܘܪܩܢܐ ܕܐܠܗܐ ܗܘ ܕܩܕܡ ܟܘܠܗܘܢ ܡܠܐܟ̈ܘܗܝ ܩܕܡ̈ܝܐ ܡܠܠܗ
1:030.24	ܠܨܒܝܢܗ܂ ܘܢܡܘܣܐ ܕܠܐ ܡܬܥܒܪ ܠܫܪܟܐ ܥܒܕܗ ܂ 24݁5 ܘܬܪ̈ܬܝܢ ܡ̈ܠܟܘܢ
1:030.25	ܚܪܩ܂ ܐܡܪ ܐܢܐ ܕܝܢ ܗܕܐ ܕܩܝܡܐ ܘܕܥܬܝܕܐ ܘܙܒܢܗ݀ ܕܚܕܐ ܚܕܐ ܡܢܗܝܢ
1:030.26	ܓܙܪ ܘܦܩܕ ܕܢܟܬܪ̈ܢ ܠܝܘܡܐ ܕܕܝܢܐ ܕܡܢܗ ܐܬܝܗܒ܂ ܕܒܗ ܟܠܗܘܢ ܕܪ̈ܐ
1:030.27	ܘܓܢܣ̈ܐ ܡܬܕܝܢܝܢ܂ 24݁6 ܘܗܟܢܐ ܪ̈ܫܝܥܐ ܕܡܛܠ ܚܛܗ̈ܝܗܘܢ ܐܝܬܝܗܘܢ
1:030.28	ܠܝ̈ܛܐ ܠܡܣܡ ܒܪܫܐ ܒܢܘܪܐ ܕܠܥܠܡ ܡܫܬܕܝܢ܂ ܘܗܢܘܢ ܕܝܢ ܕܐܝܟ
1:030.29	ܨܒܝܢܗ ܕܐܠܗܐ ܥܒܘܕܐ ܕܟ݂ܠ܂ ܒܥܘܡܪܗܘܢ ܐܬܕܒܪܘ܂ ܘܐܦ ܗܢܘܢ ܡܛܠ
1:030.30	ܥܒ̈ܕܝܗܘܢ ܛܒ̈ܐ ܡܬܒܪܟܝܢ ܘܐܝܟ ܢܘܗܪܐ ܡܢܗܪܝܢ܂ ܘܠܥܠܡܐ ܕܠܥܠܡ
1:030.31	ܥܐܠܝܢ ܘܕܠܐ ܚܒܠܐ ܡܩܘܝܢ ܘܒܛܒ̈ܬܗ ܟܣ̈ܝܬܐ ܕܐܠܗܐ ܡܫܬܘܬܦܝܢ
1:032.01	ܘܡܩܒܠܝܢ 25݁1 ܘܟܕ ܗܢܝܢ ܐܡܪ ܗܘܝܬ ܚܕܝ ܗܘ ܦܛܪܘܣ ܒܫܪܪܐ ܐܝܟ
1:032.02	ܕܥܠ ܒܪܗ ܘܐܬܩܢܛ ܕܕܠܡܐ ܥܠ ܫܪܟܢܐ ܠܐ ܐܬܥܗܕ ܘܐܬܚܡܨ ܡܛܠ
1:032.03	ܗܢܘܢ ܕܩܪܝܒܝܢ ܗܘܘ ܘܐܡܪ܂ ܣܦܝܩܐܝܬ ܐܡܪܬ ܘܐܦ ܝܬܝܪ ܡܢܝ ܕܝܠܝ
1:032.04	ܬܫܥܝܬܗܝܢ ܢܗܝܪܐܝܬ ܥܒܕܬ܂ 25݁2 ܘܐܢܐ ܬܘܒ ܦܢܝܬ ܠܗ ܦܬܓܡܐ ܕܗܢܝܢ
1:032.05	ܐܘܡܢܘܬܐ ܗܘ ܕܡ̈ܠܐ ܝܗܒܬ ܠܢ ܗ݀ܝ ܕܠܣܓ̈ܝܐܐ ܒܡ̈ܠܐ ܣܦ̈ܝܩܬܐ
1:032.06	ܡܦܪܓܝܐ܂ ܘܒܢܝܚܐ ܝܕܥܐ ܕܬܛܥܐ܂ ܐܝܬ ܓܝܪ ܐܢܫܝܢ ܕܨܒܬܐ ܕܡ̈ܠܐ
1:032.07	ܓܒ̈ܝܢ ܕܠܐܒܕܢܐ ܡܛܥܝ̈ܢ܂ ܘܠܐ ܨܒܝܢ ܕܒܡ̈ܠܐ ܫܦ݂̈ܝܬܐ ܘܦܫ̈ܝܛܬܐ ܢܚܘܢ܂
1:032.08	ܨܒܬܗ݀ ܓܝܪ ܕܡܠܬܐ ܡܐ ܕܡܩ݁ܕܡ ܣܝܡ ܩܕܡܘܗܝ ܫܪܪܐ ܡܫܟܚ
1:032.09	ܕܢܥܕܪ܂ ܐܢ ܕܝܢ ܐܬܝܩܪ ܠܗ ܡܢ ܫܪܪܐ ܝܬܝܪܐܝܬ ܡܣܓܦ܂ 25݁3 ܒܪܡ ܕܝܢ
1:032.10	ܐܝܟܢܐ ܣܒܪ ܐܢܬ ܥܠܝ ܐܘ ܡܪܝ ܦܛܪܐ܂ ܕܚܕܐ ܐܢܐ ܥܡ ܫܪܟܐ ܕܗܢܘܢ ܐܚܪܢܐ܂
1:032.11	ܝܬܝܪܐܝܬ ܕܝܢ ܥܠ ܗܕܐ ܒܪܬ ܩܠܟ ܕܚܒܫܐ ܟܠ ܡܕܡ ܕܐܡܪܬ܂ 25݁4 ܕܚܕ
1:032.12	ܗܘ ܐܠܗܐ ܘܥܠܡܐ ܥܒܕܐ ܗܘ ܕܝܠܗ܂ ܘܡܛܠ ܕܟܐܢܐ ܗܘ ܠܟܠܡܕܡ܂
1:032.13	ܘܠܟܠ ܐܢܫ ܐܝܟ ܥܒܕ̈ܘܗܝ ܦܪܥ ܐܡ݁ܬܝ ܕܗܘ܂ 25݁5 ܘܒܬܪ ܗܕܐ ܐܬܝܬ
1:032.14	ܘܐܡܪܬ ܕܥܠ ܬܚܘܝܬܐ ܗܟܝܠ ܕܥܠ ܗܢܝܢ ܐܘ ܩܠܡܣ ܚܒܝܒܝ
1:032.15	ܪ̈ܒܘܬܐ ܕܡ̈ܠܐ ܣ̈ܓܝܐܬܐ ܡܙܕܟܝܢ ܗܟܢܐ ܕܠܗ݂ܢܘܢ ܕܨܒܝܢ ܕܢܚܘܢ ܡܐ
1:032.16	ܕܢܒܝܐ ܫܪܝܪܐ ܐܬܝܕܥ ܠܗܘܢ ܦܟܢܘܬܐ ܕܡ̈ܠܐ ܣܓ̈ܝܐܬܐ ܬܘܒ ܠܐ ܡܬܒܥܝܐ
1:032.17	ܠܗܘܢ܂ 25݁6 ܕܡܛܠ ܗܕܐ ܟܕ ܐܓܥܠܬ ܠܝ ܡܠܬܐ ܕܥܠ ܢܒܝܐ݂
1:032.18	ܒܟܘܠܗ݀ ܬܚܘܝܬܐ ܣܡܟܬ ܘܫܪܪܬܝܗܝ ܠܪܥܝܢܝ܂ 25݁7 ܘܟܕ ܐܬܒܝܢܬ
1:032.19	ܗܟܝܠ ܕܗܕܐ ܗܝ ܐܝܬܝܗ ܕܕܚܠܬ ܐܠܗܐ ܒܫܪܪܐ ܒܪܫܥܬܗ ܦܢܝܬ
1:032.20	ܦܬܓܡܐ ܕܫܦܝܪ ܐܡܪܬ ܐܘ ܦܛܪܐ܂ ܘܡܛܠ ܗܕܐ ܡܟܝܠ ܐܓܥܠ ܠܝ
1:032.21	ܐܝܟ ܕܠܝܕܘܥܐ ܡܗܝܡܢܐ ܗܢܝܢ ܕܐܝ̈ܬܝܗܝܢ ܕܕܚܠܬ ܐܠܗܐ ܐܝܟܢܐ ܕܠܗ
1:032.22	ܠܢܒܝܐ ܕܫܪܪܐ ܫܦܪ ܕܠܗ ܒܠܚܘܕ ܕܐܗܝܡܢ ܫܡܠܝܬܢܝ 25݁8 ܠܗܝ ܕܝܢ
1:032.23	ܬܚܘܝܬܐ ܕܡܢ ܕܘܡܝܐ ܗܝ ܕܒܕܡܘܬ ܡܛܥܝܢܐ ܠܒܟܐ ܠܗܢܘܢ ܕܠܐ
1:032.24	ܡܗܝܡܢܝܢ ܛܪܝܗ݀ ܕܠܗܘܢ ܥܠ ܢܒܝܘܬܐ ܗܝ ܕܠܐ ܛܥܝܐ ܠܐ ܥܕܟܝܠ
1:032.25	ܓܙܪܬ ܕܬܓܠܐ܂ 25݁9 ܘܟܕ ܗܢܝܢ ܐܡܪܬ ܠܟ ܬܪ̈ܬܝܗܝܢ ܐܫܬܘܕܝܬ ܠܝ
1:032.26	ܕܬܐܡܪ ܐܦ ܗܝ ܬܫܥܝܬܐ ܫܦܝܬܐ ܘܦܫܝܛܬܐ ܕܠܐ ܛܥܝܐ݂ ܘܬܘܒ ܥܠ
1:032.27	ܬܚܘܝܬܐ ܕܥܠ ܚܕܐ ܚܕܐ ܡܢ ܡ̈ܠܐ ܒܙܒܢܗ ܬܬܠ ܠܝ܂ 25݁10 ܗܢܘ ܕܝܢ
1:032.28	ܐܫܬܥܝܬ ܠܝ ܒܦܣܝܩ̈ܬܐ ܗܢܝܢ ܕܡܢ ܫܘܪܝܗ ܕܥܠܡܐ ܥܕܡܐ ܠܝܘܡܐ
1:032.29	ܕܝܘܡܢܐ ܕܐܝܟܢܐ ܗ̈ܘܝ ܚܕܐ ܚܕܐ ܡܢܗܝܢ ܕܗܢܝܢ ܗܢܝܢ ܐܢ ܨܒܝܬ ܕܐܝܟܢܐ
1:032.30	ܥܗܕ ܐܢܐ ܠܗܝܢ ܡܫܟܚ ܐܢܐ ܕܐܡܪ܂ 26݁1 ܘܟܕ ܗܠܝܢ ܐܡܪܬ ܗܘ ܦܛܪܘܣ
1:032.31	ܦܢܝ ܦܬܓܡܐ ܪܘܪܒܐܝܬ ܚܕܐ ܐܢܐ ܒܙܗܝܪܘܬܟ ܕܠܐ ܡܬܚܠܨܐ ܡܠܬܐ ܡܢܟ܂
1:032.32	ܐܬܐ ܓܝܪ ܐܝܬܝܗ݀ ܗܕܐ ܕܗ݀ܘ ܕܛܥܢ ܘܝܗܒ ܦܐܪ̈ܐ ܠܚܝ̈ܐ ܕܦܘܪܩܢܐ܂ ܗ݀ܘ
1:032.33	ܓܝܪ ܕܝܠܦ ܕܢܥܒܕ ܥܒ̈ܕܐ ܛܒ̈ܐ ܡܛܠ ܕܨܒܐ ܕܢܬܥܗܕ ܐܢܘܢ ܝܕܥ
1:034.01	ܕܢܥܒܕ ܗ݀ܘ ܡܕܡ ܕܝܠܦ܂ 26݁2 ܗܘ ܕܝܢ ܕܡ̈ܠ݂ܐ ܗܢܝܢ ܕܡܫܟܚ̈ܢ ܡܚܝ̈ܢ
1:034.02	ܠܗ ܡܢ ܒܝܫܬܐ ܡܬܓܢܒ̈ܢ ܡܢܗ܂ ܐܦܢ ܢܨܒܐ ܕܢܫܬܘܙܒ ܘܢܚܐ ܠܐ
1:034.03	ܡܫܟܚ ܕܡܢ ܫܘܪܝܐ ܠܐ ܥܗܕ ܗ݂ܘ ܕܡܐ ܕܘܠܐ ܠܗ ܠܡܥܒܕ܂ 26݁3 ܕܡܛܠ
1:034.04	ܗܕܐ ܫܡܥ ܬܘܒ ܐܢܬ ܗܫܐ ܕܐܝܟܢܐ ܐܬܒܪܝ ܗܘ ܥܠܡܐ܂ ܐܝܟܢܐ ܕܗܘ ܢܒܝܐ
1:034.05	ܕܫܪܪܐ ܐܓܥܠ ܠܢ ܕܡܐ ܕܝܕܥܢܢ ܕܡܢܘ ܗܘ ܕܠܗܢܐ ܥܠܡܐ ܕܠܐ ܐܝܬܘܗܝ
1:034.06	ܗܘܐ ܥܒܕܗ܂ ܕܢܗܘܐ ܒܛܝܒܘܬܐ܂ ܐܦ ܐܢܚܢܢ ܢܬܚܦܛ ܒܚܘܒܐ ܕܠܘܬܗ
1:034.07	ܕܝܠܗ ܕܐܠܗܐ܂ ܗܘ ܕܟܠܡܕܡ ܡܫܟܚ ܕܢܥܒܕ܂ ܘܢܣܒ ܗܘ ܡܕܡ
1:034.08	ܕܒܪܒܘܬܗ ܪ̈ܘܪܒܐܝܬ ܡܥܕܪ ܠܢ܂ 26݁4 ܗܘ ܕܝܢ ܚܘܒܗ ܗܘܐ ܡܢ ܗܕܐ
1:034.09	ܕܢܬܕܒܪ ܐܝܟ ܨܒܝܢܗ ܕܝܠܗ ܗܘ ܕܠܟܠ ܡܕܡ ܕܢܗܘܐ ܐܝܬܘܗܝ ܢܡܘܣܐ
1:034.10	ܐܬܚ݂ܪܩ܂ 26݁5 ܒܪܡ ܕܝܢ ܡܟܝܠ ܫܡܥ ܐܝܟ ܡܫܠܡܢܘܬܗ ܕܢܒܝܐ ܒܦܣܝܩ̈ܬܐ
1:034.11	ܪ̈ܫܐ ܕܗܢܝܢ ܕܩܕܡܬ ܫܡܥܬ܂ ܕܐܝܟܢܐ ܕܩܕܡܬ ܐܡܪܬ ܢܗ̈ܘܝܢ ܐܝ̈ܬܝܗܝܢ
1:034.12	ܒܥܘܗܕܢܟ܂
1:034.13	27݁1 ܒܪܫܝܬ ܟܕ ܥܒܕ ܐܠܗܐ ܫܡܝܐ ܘܐܪܥܐ ܐܝܟ ܚܕ ܒܝܬܐ ܛܠܠܐ ܗܢܐ
1:034.14	ܕܗܘܐ ܡܢ ܓܘܫ̈ܡܘܗܝ ܕܥܠܡܐ ܠܗܢܘܢ ܕܠܓܘ ܡܢܗ ܐܚܫܟ܂ 27݁2 ܘܗܘ
1:034.15	ܗܢܐ ܒܢܘܗܪܐ ܗ݀ܘ ܕܐܝܟ ܨܒܝܢܗ ܕܐܠܗܐ ܕܢܚ܂ ܐܝܟ ܠܐ ܡܕܡ ܐܬܒܠܥ ܂ ܘܟܢ
1:034.16	ܟܕ ܗܘ ܚܫܘܟܐ ܠܠܝܐ ܐܬܚܫܒ ܗܘ ܢܘܗܪܐ ܐܬܩܪܝ ܐܝܡܡܐ 27݁3 ܘܒܡܨܥܬ
1:034.17	ܡܝ̈ܐ ܕܝܢ ܗܢܘܢ ܕܠܓܘ ܗܘܘ ܐܪܩܝܥܐ ܡܬܚ ܡ̈ܝܐ ܩܒ̈ܝܥܐ܂ ܘܒܕܡܘܬ
1:034.18	ܣܝ݁ܓܐ ܥܒܕ ܘܫܡܝܐ ܫܡܗܗ݀ ܘܒܫܡܐ ܡܩܫܫܐ ܝܩܪ ܐܢܘܢ݁܂ 27݁4 ܗܘ
1:034.19	ܗܟܝܠ ܗܢܐ݂ ܚܘܕܪܐ ܡܬܝܚܐ ܟܠܗ ܕܚܕ ܒܝܬܐ ܐܝܬܘܗܝ ܗܘܐ܂ ܒܪܫܥܬܗ
1:034.20	ܠܬܪܝܢ ܐܬܪ̈ܘܢ ܦܠܓܗ܂ 27݁5 ܥܠܬܐ ܕܝܢ ܕܦܘܠܓܗ ܓܕܫܬ ܗܕܐ܂
1:034.21	ܡܛܠ ܕܐܬܪܐ ܗܘ ܕܠܥܠ ܡܥܡܪܐ ܠܡܠܐܟ̈ܐ ܢܗܘܐ܂ ܘܗܘ݁ ܕܠܬܚܬ
1:034.22	ܠܒ̈ܢܝܢܫܐ ܢܬܝܗܒ܂ 27݁6 ܘܟܢ ܡ̈ܝܐ ܗܢ݁ܘܢ ܕܩܘܝܘ ܠܬܚܬ ܒܨܒܝܢܗ
1:034.23	ܕܦܩܘܕܐ ܠܦܥܪ̈ܐ ܕܐܪܥܐ ܫܪܟܘ ܘܐܬܟܢܫܘ ܘܗܟܢܐ ܐܬܚܙܝܬ ܐܪܥܐ
1:034.24	ܝܒܝܫܬܐ 27݁7 ܘܟܢܘܫܝܐ ܕܡ̈ܝܐ ܐܬܩܪܝ ܝܡ̈ܡܐ܂ ܂ 27݁8 ܘܐܪܥܐ ܗ݀ܝ ܕܐܬܚܙܝܬ
1:034.25	ܢܨܒ̈ܬܐ ܐܦܩܬ ܘܡܒ̈ܘܥܐ ܘܡܪܕܝܬܐ ܕܢܗܪ̈ܘܬܐ ܥܠ ܛܘܪ̈ܐ ܒܬܚܘܡܝ̈ܗܘܢ
1:034.26	ܚܘܝܬ 27݁9 ܐܝܟܢܐ ܕܒ̈ܢܝ ܐܢܫܐ ܗܢܘܢ ܕܥܬܝܕܝܢ ܥܘܡܪܐ ܢܫܬܟܚ ܠܗܘܢ
1:034.27	ܕܥܗܢ ܘܗܟܢܐ ܚܕ ܚܕ ܡܢܗܘܢ ܢܫܟܚ ܕܢܥܒܕ ܒܗ ܗ݀ܘ ܡܐ ܕܗ݂ܘ ܨܒܐ
1:034.28	ܕܢܗܘܐ܂ ܐܡܪ ܐܢܐ ܕܝܢ ܕܐܘ ܛܒܬܐ ܐܘ ܒܝܫܬܐ܂ 28݁1 ܘܒܬܪ ܗܠܝܢ ܕܝܢ
1:034.29	ܒܟܘ̈ܟܒܐ ܨܒܬ ܐܢܘܢ ܠܫܡ̈ܝܐ܂ ܘܫܡܫܐ ܘܣܗܪܐ ܥܒܕ ܕܢܢܗܪܘܢ܂ ܚܕ
1:034.30	ܒܠܠܝܐ ܘܐܚܪܢܐ ܒܐܝܡܡܐ܂ ܟܕ ܐܦ ܡܒܕܩܝܢ ܗܢܝܢ ܕܐܝ̈ܬܝܗܝܢ ܘܗܢܝܢ
1:034.31	ܕܥܬܝ̈ܕܢ ܘܗ݀ܢܝܢ ܕܙܒܢܐ ܘܗܢܝܢ ܕܠܥܠܡ܂ 28݁2 ܡܛܠ ܗܕܐ ܓܝܪ ܐܦ
1:034.32	ܠܐܬܘ̈ܬܐ ܘܒܙܒ̈ܢܐ ܘܠܥ̈ܕܢܐ ܗܘܘ ܘܠܟܠ ܐܢܫ ܡܬܚܙܝܢ܂ ܘܡܢ ܚܦ̈ܝܛܐ
1:036.01	ܕܝܢ ܡܬܝܕܥܝܢ܂ 28݁3 ܘܟܢ ܡܢ ܐܪܥܐ ܘܡܢ ܡܝ̈ܐ ܚܝܘ̈ܬܐ ܕܢܦܩ̈ܢ ܦܩܕ
1:036.02	ܘܦܪܕܝܣܐ ܥܒܕ ܗܘ ܕܕܘܟܬܐ ܕܥܘܕܢܐ ܫܡܗܗ݀܂ 28݁4 ܘܒܬܪ ܗܢܝܢ ܥܒܕܗ
1:036.03	ܠܒܪ ܐܢܫܐ ܗ݀ܘ ܕܡܛܠܬܗ ܟܠܗܝܢ ܗܠܝܢ ܩܕܡ ܛܝܒ܂ ܗܘ݁ ܕܕܡܘܬܗ
1:036.04	ܐܝܬܝܗ݀ ܡܩܫܫܬܐ ܘܒܥܠܬܗ ܟܘܠ ܡܕܡ ܢܣܒ ܒܛܝܒܘܬܐ܂ ܕܢܗܘܐ
1:036.05	ܐܝܬܘܗܝ܂ ܗܢܝܢ ܕܠܬܫܡܫܬܗ ܘܠܥܘܡܪܗ ܗܘܝ ܘܐܬܦܪܫ܂ 29݁1 ܟܕ
1:036.06	ܗܟܝܠ ܐܫܬܠܡ ܟܠ ܡܕܡ ܕܒܫܡ̈ܝܐ ܘܒܐܪܥܐ ܘܒܡ̈ܝܐ ܘܣܓܝܘ ܒ̈ܢܝ
1:036.07	ܐܢܫܐ܂ ܘܗܘܐ ܕܪܐ ܕܬܡ̈ܢܝܐ ܐܢܫܐ ܟ̈ܐܢܐ ܒܕܡܘܬ ܡܠܐ̈ܟܐ ܚܝܝܢ ܗܘܘ܂ ܡܛܠ
1:036.08	ܫܘܦܪܐ ܕܢܫ̈ܐ ܥܘܡܪܗܘܢ ܩܕܡܝܐ ܛܠܡܘ ܘܒܫܘܬܦܘܬܐ ܕܠܐ ܦܘܪܫܢܐ
1:036.09	ܐܬܚܫܚܘ܂ ܘܕܟܠ ܡܕܡ ܕܢܣܥܪܘܢ ܕܠܐ ܒܘܝܢܐ ܐܬܢܦܩܘ܂ 29݁2 ܘܗܢܘܢ
1:036.10	ܗܢܘܢ ܕܩܒܠܘ ܒܝܘܒܠܐ ܕܗܘܘ ܐܝ̈ܬܝܗܘܢ ܘܗܕܐ ܕܝܬܝܪܐܝܬ ܒܝܫܬܐ ܢܣܥܪܘܢ
1:036.11	ܩܒܠܘ܂ ܗܢܘܢ ܕܐܦ ܠܟܠܗܘܢ ܐܢ̈ܫܐ ܒܡܕܡ ܒܕܘܚܠܐ ܘܒܡܕܡ ܒܦܝܣܐ
1:036.12	ܕܢܚܛܘܢ ܥܠ ܗ݀ܘ ܥܒܘܕܐ ܕܟܠ ܫܕܠܘ܂ 29݁3 ܘܡܢܗܘܢ ܕܗܢܘܢ ܒܕܪܐ
1:036.13	ܕܬܫ̈ܥܐ ܐܬܝܠܕܘ ܓܢܒܪ̈ܐ ܗܢܘܢ ܕܡܫܡܗܝܢ ܡܢ ܥܠܡ܂ ܘܠܐ ܗܘܐ
1:036.14	ܕܪ̈ܓܠܝܗܘܢ ܕܬܢܝܢ̈ܐ ܐܝܬܝܗܘܢ ܗܘܘ ܐܝܟ ܕܐܡܪ̈ܢ ܫܘ̈ܥܝܬܐ ܕܝܘܢ̈ܝܐ ܐܠܐ
1:036.15	ܪ̈ܘܪܒܐ ܐܝܬܝܗܘܢ ܗܘܘ݂܂ ܘܠܛܘܪ̈ܐ ܪ̈ܘܪܒܐ ܕܡܝܢ ܗܘܘ ܒܪܒܘܬܐ ܕܦܓܪ̈ܝܗܘܢ
1:036.16	ܗܢܘܢ ܕܓܪ̈ܡܝܗܘܢ ܠܐܬܐ ܡܛܠ ܠܐ ܗܝܡܢܘܬܐ ܒܕܘ̈ܟܝܢ ܕܘܟ̈ܝܢ ܣܝܡܝܢ
1:036.17	ܒܐܬܪ̈ܘܬܐ ܗܢܘܢ ܕܒܙܒܢ ܐܚܪܝܢ ܐܡܪܬ ܠܟ܂ 29݁4 ܘܥܠܝܗܘܢ ܕܗܠܝܢ
1:036.18	ܒܛܝܠܘܬܗ ܟܐܢܬܐ ܕܐܠܗܐ ܛܘܦܢܐ ܐܝܬܝܬ ܘܥܠܡܐ ܒܛܘܦܢܐ ܡܬܕܟܐ
1:036.19	ܗܘܐ܂ ܘܟܘܠ ܡܕܡ ܐܝܟ ܬܗܘܡܐ ܗܘܐ ܗܘܐ܂ ܘܣܘܓܐܗܘܢ ܕܪ̈ܫܝܥܐ ܐܒܕ
1:036.20	ܗܘܐ܂ 29݁5 ܘܗܘ ܕܝܢ ܚܕ ܟܐܢܐ ܕܒܗܘ ܙܒܢܐ ܐܫܬܟܚ ܕܫܡܗ ܗܘܐ ܢܘܚ
1:036.21	ܒܩܒܘܬܐ ܥܡ ܬ̈ܠܬܐ ܒ̈ܢܘܗܝ ܘܢܫ̈ܝܗܘܢ ܐܫܬܘܙܒ܂ ܘܡܢ ܒܬܪ ܫܘܢܝܗܘܢ
1:036.22	ܕܡ̈ܝܐ ܥܡ ܚܝܘ̈ܬܐ ܗܢܝܢ ܕܥܡܗ ܥܠ܂ ܘܥܡ ܙܪ̈ܥܐ ܢܦܩ ܘܒܥܠܡܐ
1:036.23	ܥܡܪ܂ 30݁1 ܒܕܪܐ ܕܝܢ ܕܬܪܥܣܪ ܒܒܘܪܟܬܐ ܕܐܠܗܐ ܒܪܟ ܐܢܘܢ ܫܪܝܘ
1:036.24	ܕܢܣܓܘܢ ܘܦܘܩܕܢܐ ܩܕܡܝܐ ܢܣܒܘ ܕܠܐ ܢܛܥܡܘܢ݁ ܕܡܐ܂ ܐܦ ܓܝܪ ܡܛܠ
1:036.25	ܗܕܐ ܛܘܦܢܐ ܗܘܐ ܗܘܐ܂ 30݁2 ܘܒܕܪܐ ܕܝܢ ܕܬܠܬܥܣܪ ܡܢ ܒ̈ܢܘܗܝ ܕܢܘܚ
1:036.26	ܗܘ݁ ܡܨܥܝܐ ܠܘܩܕܡ ܨܥܪ ܠܐܒܘܗܝ܂ ܘܠܥܒܕܘܬܐ ܐܬܠܝܛ ܙܪܥܐ
1:036.27	ܕܡܢܗ܂ 30݁3 ܘܟܕ ܐܚܘܗܝ ܩܫܝܫܐ ܢܣܒ ܒܦܨܬܐ ܡܢܬܐ ܕܡܨܥܬܗ݀ ܕܐܪܥܐ܂
1:036.28	ܕܒܗ ܐܝܬܘܗܝ ܐܬܪܐ ܕܝܗܘܕܝܐ܂ ܘܗܘ ܕܝܢ ܕܬܠܬܐ ܡܢܬܐ ܡܕܢܚܝܬܐ ܢܣܒ܂
1:036.29	ܘܠܗ ܡܢܬܐ ܡܥܪܒܝܬܐ ܒܦܨܬܗ ܡܛܬܗ܂ 30݁4 ܘܒܕܪܐ ܕܝܢ ܕܐܪܒܬܥܣܪ
1:036.30	ܐܢܫ ܡܢ ܗ݀ܘ ܙܪܥܐ ܕܐܬܠܝܛ܂ ܩܕܡܝܐ ܡܛܠ ܚܪܫܘܬܐ ܥܠܬܐ ܒܢܐ܂
1:036.31	ܘܠܕܝܘ̈ܐ ܐܝܩܪܐ ܕܕܡܐ ܦܠܓ 30݁5 ܘܒܕܪܐ ܕܝܢ ܕܚܡܫܬܥܣܪ ܒ̈ܢܝ ܐܢܫܐ
1:038.01	ܠܘܩܕܡ ܣܓܕܘ ܠܢܘܪܐ܂ ܘܥܒܕܘ ܦܬܟܪ̈ܐ܂ ܘܥܕܡܐ ܠܗܝܕܝܢ ܚܕ ܠܫܢܐ
1:038.02	ܐܚܝܕ ܗܘܐ ܥܒܪܝܐ ܪܚܝܡ ܠܐܠܗܐ܂ 30݁6 ܘܒܕܪܐ ܕܝܢ ܕܫܬܬܥܣܪ ܫܩܠܘ
1:038.03	ܡܢ ܡܕܢܚܐ ܘܠܕܘ̈ܟܝܬܐ ܕܒܦ̈ܨܐ ܕܐܒ̈ܗܝܗܘܢ ܐܬܘ ܘܥܠ ܫܡ̈ܗܬܗܘܢ ܠܗܝܢ
1:038.04	ܠܕܘ̈ܟܝܬܐ ܫܡܗܘ܂ 30݁7 ܘܒܕܪܐ ܕܝܢ ܕܫܒܬܥܣܪ ܢܡܪܘܕ ܩܕܡܝܐ ܒܒܒܠ
1:038.05	ܐܡܠܟ܂ ܘܡܕܝܢܬܐ ܒܢܐ ܘܡܢ ܬܡܢ ܠܦܪܣ ܫܢܝ܂ ܘܠܗܘܢ ܠܗܢܘܢ
1:038.06	ܕܢܣܓܕܘܢ ܠܢܘܪܐ ܐܠܦ܂ 31݁1 ܘܒܕܪܐ ܕܝܢ ܕܬܡܢܬܥܣܪ ܡ̈ܕܝܢܬܐ ܒܫܘܪ̈ܐ
1:038.07	ܐܬܒܢܝ ܘܚܝ̈ܠܘܬܐ ܘܙܝ̈ܢܐ ܘܕܝ̈ܢܐ ܘܢܡ̈ܘܣܐ ܐܝܠܝܢ ܕܨܒܘ ܛܟܣܘ ܘܢܘ̈ܣܐ
1:038.08	ܒܢܘ܂ ܘܠܪ̈ܫܢܝܗܘܢ ܐܝܟ ܕܠܐܠܗ̈ܐ ܣܓܕܘ܃ 31݁2 ܘܒܕܪܐ ܕܝܢ ܕܬܫܬܥܣܪ
1:038.09	ܒ̈ܢܝ ܒܢܘ̈ܗܝ ܕܗ݀ܘ ܕܡܢ ܒܬܪ ܛܘܦܢܐ ܐܬܬܠܝܛ܂ ܐܪܦܝܘ ܬܚܘܡܐ ܕܐܪܥܗܘܢ܂
1:038.10	ܒܦܨܬܐ ܓܝܪ ܡܢܬܐ ܡܥܪܒܝܬܐ ܢܣܒܘ ܘܠܗܢܘܢ ܕܡܢܬܐ ܡܨܥܝܬܐ ܡܛܬ
1:038.11	ܐܢܘܢ ܠܡܕܢܚܐ ܥܕܡܐ ܠܦܪܣ ܛܪܕܘ܂ ܘܗܢܘܢ ܒܕܘܟ̈ܝܬܐ ܕܗܢܘܢ
1:038.12	ܕܐܬܛܪܕܘ ܥܡܪܘ܂ 31݁3 ܘܒܕܪܐ ܕܝܢ ܕܥܣܪܝܢ ܡܛܠ ܫܘܬܦܘܬܐ ܕܪܫܥܐ
1:038.13	ܠܘܩܕܡ ܒܡܘܬ ܢܦܫܗ ܒܪܐ ܩܕܡ ܐܒܘܗܝ ܡܝܬ܂
1:038.14	32݁1 ܒܕܪܐ ܕܝܢ ܕܥܣ݂ܪܝܢ ܘܚܕ ܗܘܐ ܓ݂ܒܪܐ ܚܕ ܚܟܝܡܐ܂ ܡܢ ܓܢܣܐ
1:038.15	ܕܗܢܘܢ ܕܐܬܛܪܕܘ܂ ܕܐܝܬܘܗܝ ܡܢ ܒܘܟܪܐ ܕܢܘܚ ܕܫܡܗ ܐܒܪ̈ܗܡ ܕܡܢܗ
1:038.16	ܓܢܣܐ ܕܝܠܢ ܥܒܪ̈ܝܐ ܕܡܬܩܪܝܢ ܐܦ ܝܗ̈ܘܕܝܐ ܣܓܝܘ܂ 32݁2 ܗܘ ܕܝܢ ܗܢܐ
1:038.17	ܟܕ ܟܘܠܗ ܥܠܡܐ ܒܛܘܥܝܝ ܐܝܬܘܗܝ ܗܘܐ܂ ܘܡܛܠ ܪܘܫܥܗ ܥܬܝܕ
1:038.18	ܗܘܐ ܕܢܐܒܕ ܠܐ ܗܘܐ ܒܡ̈ܝܐ ܐܠܐ ܒܢܘܪܐ܂ ܘܟܕ ܗܝ ܡܚܘܬܐ ܡܢ ܣܕܘܡ
1:038.19	ܫܘܪܝܐ ܢܣܒܬ ܗܘܬ܂ ܕܥܠ ܟܠܗ ܥܠܡܐ ܬܥܒܪ܂ ܗܘ ܒܝܕܥܬܗ ܕܠܘܬ
1:038.20	ܐܠܗܐ ܘܒܚܘܒܗ ܕܠܘܬܗ ܕܒܗ ܝܬܝܪܐܝܬ ܫܦܪ ܠܗ ܠܟܠܗ ܥܠܡܐ
1:038.21	ܕܠܐ ܢܐܒܕ ܦܪܩ܂ 32݁3 ܘܒܫܘܪܝܐ ܕܝܢ ܥܡ ܟܠ ܐܢܫ ܒܛܘܥܝܝ ܐܝܬܘܗܝ
1:038.22	ܗܘܐ ܒܐܘܡܢܘܬܐ ܕܟ̈ܠܕܝܐ ܘܡܢ ܛܟܣܗܘܢ ܕܟܘܟ̈ܒܐ ܠܗܘ ܕܛܟܣ ܐܢܘܢ
1:038.23	ܝܕܥ܂ ܘܒܒܛܝܠܘܬܗ ܕܐܠܗܐ ܗܘ ܕܠܗ ܝܕܥ 32݁4 ܡܠܐܟܐ ܩܪܒ ܨܐܕܘܗ݂ܝ
1:038.24	ܘܐܣܗܕ ܠܗ ܥܠ ܓܒܝܘܬܗ ܘ/ܕܐܪܥܐ ܗ݀ܝ ܕܠܓܢܣܗ ܡܬܚܝܒܐ
1:038.25	ܗܘܬ܂ ܠܐ ܗܘܐ ܕܢܬܠ܂ ܐܠܐ ܢܦܪܘܥ ܘܢܦܢܐ ܐܫܬܘܕܝ ܠܗ܂ 33݁1 ܠܗ ܕܝܢ
1:038.26	ܠܐܒܪܗܡ ܟܕ ܒܨܦܬܐ ܐܝܬܘܗܝ ܗܘܐ܂ ܘܨܒܐ ܗܘܐ ܕܢܕܥ܂ ܗܢܝܢ ܕܐܝܬܝܗܝܢ
1:038.27	ܐܝܟ ܡܐ ܕܐܝܬܝܗܝܢ܂ ܗܘ ܢܒܝܐ ܕܫܪܪܐ ܐܬܓܠܝ ܥܠܘܗܝ ܗ݀ܘ ܕܗܘ
1:038.28	ܒܠܚܘܕܘܗܝ܂ ܨܒܝܢܐ ܕܐܢܫ ܐܢܫ ܡܢ ܒ̈ܢܝ ܐܢܫܐ ܝܕܥ݂܂ 33݁2 ܘܒܚܕ ܝܘܡܐ
1:038.29	ܟܠܡܕܡ ܓܠܝܐ ܠܗ܂ ܘܫܪܪܗ ܐܦ ܥܠ ܐܠܗܐ ܘܥܠ ܗܘܝܗ ܕܥܠܡܐ
1:038.30	ܘܥܠ ܫܪܝܗ ܘܥܠ ܢܦܫܐ ܕܠܐ ܡܝܬܐ ܘܥܠ ܕܘܒܪ̈ܐ ܕܫܦܪܝܢ ܠܗ܂
1:038.31	ܘܐܦ ܕܡܝ̈ܬܐ ܩܝܡܝܢ ܘܕܝܢܐ ܗܘܐ ܘܐܝܠܝܢ ܕܡܫܬܟܚܝܢ ܒܡܝܬܪܘܬܐ ܠܥܠܡ