The Comprehensive Aramaic Lexicon

1:040.01	ܛܒ̈ܬܐ ܟܣ̈ܝܬܐ ܡܩܒܠܝܢ܂ ܘܐܝܠܝܢ ܕܝܢ ܕܒܝ̈ܫܐ ܐܢܘܢ ܒܡܣܡ ܒܪܫܐ
1:040.02	ܕܢܘܪܐ ܕܠܥܠܡ ܗܘܝܢ܂ ܘܕܐܡܪ ܕܝܢ ܟܢܝܫܐܝܬ ܟܠ ܡܕܡ ܓܠܐ ܠܗ܂
1:040.03	ܘܠܐܬܪܗ ܗܘ ܕܠܐ ܡܬܕܪܟ ܫܪܟ܂ 33݁3 ܠܗ ܗܟܝܠ ܠܐܒܪܗܡ ܟܕ ܥܕܟܝܠ ܒܠܐ
1:040.04	ܝܕܥܬܐ ܕܪܒܘܬܐ ܐܝܬܘܗܝ ܗܘܐ܂ ܐܝܟܢܐ ܕܬܫܥܝܬܐ ܗ݀ܝ ܕܠܐ ܡܕܓܠܐ ܐܡܪܐ܂
1:040.05	ܘܗܘ ܢܒܝܐ ܕܫܪܪܐ ܡܣܗܕ ܘܬܘܒ ܐܝܟܢܐ ܕܒܙܒܢ ܐܚܪܝܢ ܡܢܝ ܕܝܠܝ
1:040.06	ܬܚܘܝܬܗܝܢ ܐܬܐܡܪܬ ܠܟ܂ ܒ̈ܢܝܐ ܗܘܘ ܠܗ ܬܪ̈ܝܢ܂ ܕܚܕ ܡܢܗܘܢ
1:040.07	ܐܝܫܡܥܐܝܠ ܒܬܪܟܢ ܐܬܩܪܝ܂ ܘܗܘ ܐܚܪܢ݁ܐ ܐܠܝܥܙܪ ܕܡܢܗܘܢ ܫܪ̈ܒܬܐ
1:040.08	ܕܥܪ̈ܒܝܐ ܘܕܦܪ̈ܣܝܐ ܣܓܝ 33݁4 ܘܕܡܢܗܘܢ ܕܝܢ ܐܦ ܥܡ ܒܪ̈ܟܡܢܐ ܐܬܚܠܛܘ
1:040.09	ܕܫܒ̈ܒܝܗܘܢ ܗܘܘ܂ ܘܐܦ ܡܢ ܗܘ ܕܝܢ ܕܒܐܪܒܝܐ ܥܡܪ ܐܢܫܝܢ ܡܢ ܝ̈ܠܕܬܗ
1:040.10	ܠܡܨܪܝܢ ܐܬܒܕܪܘ ܕܩܪܝܒܝܢ ܗܘܘ ܠܗ݀܂ 33݁5 ܘܡܢ ܗܪܟܐ ܐܢܫܝܢ ܗ̈ܢܕܘܝܐ
1:040.11	ܘܡܨܪ̈ܝܐ ܓܙܝܪ̈ܐ ܐܝ̈ܬܝܗܘܢ ܘܬܕܟ̈ܝܬܐ ܐܚܪ̈ܢܝܬܐ ܝܬܝܪܐܝܬ ܡܬܕܟܝܢ܂ ܐܦܢ
1:040.12	ܗ݂ܘ ܢܘܓܪܐ ܕܙܒܢܐ ܠܐܢܫܝܢ ܡܢܗܘܢ ܫܦܝܪܘܬܐ ܕܕܘܟܝܗܘܢ ܠܪܫܥܐ
1:040.13	ܫܚܠܦ܂ 34݁1 ܒܪܡ ܕܝܢ ܗܘ ܗܢܐ ܕܒܙܒܢܐ ܕܠܐ ܝܕܥܬܗ ܬܪܝܢ ܒ̈ܢܝܢ ܗܘܘ
1:040.14	ܠܗ܂ ܟܕ ܗܘܐ ܒܝܕܥܬܐ ܕܫܪܪܐ ܡܢ ܐܠܗܐ ܒܥܐ ܡܛܠ ܕܟܐܢܐ ܗܘܐ܂
1:040.15	ܕܡܢ ܣܪܐ ܗܝ ܕܡܢ ܛܠܝܘܬܗ ܢܡܘܣܐܝܬ ܐܢܬܬܗ ܗܘܬ܂ ܕܐܝܬܝܗ݀ ܗܘܬ
1:040.16	ܥܩܪܬܐ ܒܪܐ ܢܗܘܐ ܠܗ܂ 34݁2 ܘܐܬܝܗܒ ܠܗ ܗ݀ܘ ܕܐܝܣܚܩ ܩܪܝܗܝ܂
1:040.17	ܘܐܝܣܚܩ ܐܘܠܕ ܠܝܥܩܘܒ܂ ܘܝܥܩܘܒ ܠܬܪܥܣܪ܂ ܘܬܪܥܣܪ ܠܫܒܥܝܢ
1:040.18	ܘܬܪܝܢ܂ 34݁3 ܘܟܕ ܕܝܢ ܟܦܢܐ ܗܘܐ ܗܘܐ܂ ܐܬܘ ܟܠܗ ܥܘܡܪܗܘܢ ܠܡܨܪܝܢ܂
1:040.19	ܘܒܓܘ ܐܪ̈ܒܥܡܐܐ ܫ̈ܢܝܢ ܒܒܘܪܟܬܐ ܘܒܡܘܠܟܢܐ ܕܐܠܗܐ ܣܓܝܘ܂ ܘܡܢ
1:040.20	ܡܨܪ̈ܝܐ ܒܒܝܫܘܬܐ ܡܬܐܠܨܝܢ ܗܘܘ܂ 34݁4 ܟܕ ܕܝܢ ܐܠܝܨܝܢ ܗܘܘ܂ ܐܬܐ ܠܘܬܗܘܢ
1:040.21	ܢܒܝܐ ܕܫܪܪܐ ܡܘܫܐ܂ ܘܠܡܨܪ̈ܝܐ ܛܠܘܡ̈ܐ ܕܠܐ ܫܒܩܘ ܠܥܡܐ ܕܥܒܪ̈ܝܐ
1:040.22	ܕܢܦܘܩ ܘܢܐܙܠ ܠܐܪܥܐ ܕܐܒܗ̈ܘܗܝ ܣܡ ܒܪܫܗܘܢ܂ ܘܒܡܚܘ̈ܬܐ ܥܣܪ ܕܡܢ
1:040.23	ܫܡܝܐ ܢܓܕ ܐܢܘܢ܂ ܘܗܟܢܐ ܠܗܘ ܥܡܐ ܕܪܚܝܡ ܗܘܐ ܠܐܠܗܐ ܡܢ ܡܨܪܝܢ
1:040.24	ܐܦܩ܂ 34݁5 ܘܡܛܠ ܗܕܐ ܐܢܫܝܢ ܕܦܫܘ ‍<‍ܡܢ‍>‍ ܡܨܪ̈ܝܐ ܥܡ ܡܠܟܗܘܢ ܕܠܗ
1:040.25	ܒܥܘܠܘܬܐ ܫܠܡܝܢ ܗܘܘ܂ ܢܦܩܘ 34݁6 ܘܐܕܪܟܘ ܠܥܒܪ̈ܝܐ܂ ܘܚܒܫܘ ܐܢܘܢ
1:040.26	ܒܕܘܟܬܐ ܚܕܐ ܕܟܪܥܐ ܕܝܡܐ܂ ܘܒܣ݁ܝܦܐ ܠܟܠܗܘܢ ܕܢܚܪܒܘܢ ܨܒܘ܂
1:040.27	ܘܡܛܠ ܕܝܢ ܕܨܒܘ ܗܘܘ ܕܢܩܪܒܘܢ ܥܠܝܗܘܢ܂ ܗܘ ܢܒܝܐ ܒܨܠܘܬܗ
1:040.28	ܕܠܘܬ ܐܠܗܐ ܠܝܡܐ ܦܠܓ ܘܠܬܪ̈ܬܝܢ ܡܢ̈ܘܢ ܥܒܕܗ ܕܢܬܦܪܫ ܘܗܟܢܐ
1:040.29	ܗܘ ܥܡܐ ܥܒܪ܂ ܘܟܢܫܐ ܕܡܨܪ̈ܝܐ ܒܡܪܚܘܬܗ܂ ܟܠܗ ܥܠ ܒܬܪܗܘܢ
1:040.30	ܘܡܝܬ܂ 34݁7 ܟܕ ܓܝܪ ܐܚܪܝܐ ܕܥܒܪ̈ܝܐ ܣܠܩ ܗܘܐ܂ ܐܚܪܝܐ ܕܡܨܪ̈ܝܐ
1:040.31	ܢܚܬ܂ ܘܗܟܢܐ ܝܡܐ ܗܘ ܕܐܬܩܒܥ ܒܦܘܩܕܢܗ ܕܗ݀ܘ ܕܦܠܓܗ ܠܟܝܢܗ
1:040.32	ܩܕܡܝܐ ܐܫܬܦܥ ܘܡܨܪ̈ܝܐ ܕܪܕܦܘ ܩܒܠܘ ܒܗ ܡܣܡ ܒܪܝܫܐ܂
1:042.01	35݁1 ܗܘ ܗܟܝܠ ܡܘܫܐ ܒܦܘܩܕܢܗ ܕܐܠܗܐ܂ ܗ݀ܘ ܕܟܠ ܡܕܡ ܝܕܥ
1:042.02	ܠܪ̈ܒܘܬܐ ܣܓ̈ܝܐܬܐ ܕܥܒܪ̈ܝܐ ܠܡܕܒܪܐ ܐܝܬܝ܂ ܘܐܘܪܚܐ ܗܝ ܩܠܝܠܬܐ
1:042.03	ܕܡܢ ܡܨܪܝܢ ܠܝܗܘܕܐ ܡܝܬܝܐ ܐܪܦܝ܂ ܘܠܡܕܒܪܐ ܐܪܝܟܐ ܕܒܪ ܐܢܘܢ݁܂ ܐܝܟܢܐ
1:042.04	ܕܒܐܘܪܚܐ ܕܐܪ̈ܒܥܝܢ ܫ̈ܢܝܢ ܕܪܕܝܢ ܒܝܫ̈ܬܐ ܗܢܝܢ ܕܒܡܨܪܝܢ ܒܥܝܕܐ ܣܓܝܐܐ
1:042.05	ܕܢܘܓܪܗ ܕܙܒܢܐ ܐܬܬܘܣܦ ܠܗܘܢ܂ ܐܚܪܢܐ ܙܒܢܐ ܕܥܡ ܣܝܡ ܢܡܘܣܐ
1:042.06	ܢܥܘܠ ܘܢܡܙܓ ܘܢܫܟܚ ܕܢܫܚܠܦ ܐܢܘܢ݁܂ 35݁2 ܣܟܐ ܗܟܝܠ ܠܛܘܪܐ
1:042.07	ܕܣܝܢܐ ܐܬܘ܂ ܘܒܒܢܬ ܩ̈ܠܐ ܫܡ̈ܝܢܝܬܐ ܢܡܘܣܗ ܕܐܠܗܐ ܫܡܥܘ ܒܦܘܩ̈ܕܢܐ
1:042.08	ܟܠܗܘܢ ܥܣܪܐ ܕܒܗܘܢ ܩܕܡܝܐ ܗܢܘ ܕܟܕ ܠܗ ܠܢܡܘܣܐ ܢܛܪܝܢ
1:042.09	ܕܡܘܬܐ ܐܚܪܬܐ ܕܣܓܕܬܐ ܠܐ ܢܥܒܕܘܢ ܠܗܘܢ݁܂ 35݁3 ܘܟܕ ܡܘܫܐ ܕܝܢ ܠܛܘܪܐ
1:042.10	ܫܢܝ ܐܪ̈ܒܥܝܢ ܝܘ̈ܡܝܢ ܗܢܘܢ ܟܢܫ̈ܐ ܕܚܙܘ ܠܡܨܪܝܢ ܕܒܥܣܪ ܡܪ̈ܕܘܢ ܐܬܣܝܡ
1:042.11	ܒܪܫܗ݀܂ ܘܒܝܡܐ ܕܐܬܦܠܓ ܒܪ̈ܓܠܝܗܘܢ ܥܒܪܘ܂ ܘܡܢܢܐ ܫܡܝܢܐ ܚܠܦ
1:042.12	ܠܚܡܐ ܢܣܒܘ ܘܡܢ ܟܐܦܐ ܕܢܩܝܦܐ ܗܘܬ ܠܗܘܢ ܡ̈ܝܐ ܐܫܬܝܘ ܗܢܘܢ
1:042.13	ܕܒܚܝܠܐ ܕܐܠܗܐ ܐܝܟ ܨܒܝܢܗܘܢ ܛܥܡܗܘܢ ܡܫܬܚܠܦ ܗܘܐ܂ 35݁4 ܘܬܘܒ
1:042.14	ܪܕܝܢ ܗܘܘ ܬܚܝܬ ܙܘܢܐ ܕܢܘܪܐ ܘܐܣܛܘܢܐ ܕܥܢܢܐ ܒܐܝܡܡܐ ܡܛܠ ܫܡܫܐ
1:042.15	ܡܛܠ ܗܘܐ ܥܠܝܗܘܢ܂ ܘܒܠܠܝܐ ܕܝܢ ܡܛܠ ܚܫܘܟܐ ܐܣܛܘܢܐ ܕܢܘܪܐ
1:042.16	ܡܢܗܪ ܗܘܐ ܠܗܘܢ܂ 35݁5 ܟܕ ܐܫܬܘܚܪ ܡܘܫܐ ܗܢܘܢ ܒܕܡܘܬܗ ܕܗ݀ܘ ܦܬܟܪܐ
1:042.17	ܕܒܡܨܪܝܢ ܕܡܬܩܪܐ ܐܦܝܣ ܕܡܘܬܐ ܕܕܗܒܐ ܥܒܕܘ ‍<‍ܘ‍>‍ܠܗ ܣܓܕܘ܂ ܗܢܘܢ
1:042.18	ܕܡܢ ܒܬܪ ܗܢܝܢ ܟܠܗܝܢ ܬܚܘ̈ܝܬܐ܂ ܥܝܕܗܘܢ ܗܘ ܒܝܫܐ ܡܢ ܠܒܗܘܢ
1:042.19	ܕܢܕܚܘܢ ܘܢܪܚܩܘܢ ܠܐ ܐܫܟܚܘ܂ 35݁6 ܘܡܛܠ ܗܕܐ ܡܘܫܐ ܟܕ ܢܚܬ ܡܢ
1:042.20	ܛܘܪܐ ܒܦܘܩܕܢܐ ܕܐܠܗܐ܂ ܐܘܪܚܐ ܗܝ ܩܠܝܠܬܐ ܐܝܟ ܕܩܕܡܬ ܐܡܪܬ܂ ܕܡܢ
1:042.21	ܡܨܪܝܢ ܠܝܗܘܕܐ ܡܝܬܝܐ ܐܪܦܝ܂ ܘܒܡܕܒܪܐ ܗܘ ܐܪܝܟܐ ܐܝܬܝ ܐܢܘܢ܂ ܐܝܟܢܐ
1:042.22	‍<‍ܕ‍>‍ܒܙܒܢܐ ܕܐܪ̈ܒܥܝܢ ܫ̈ܢܝܢ ܒܝܫ̈ܬܐ ܗܢܝܢ ܕܡܢ ܥܝ̈ܕܐ ܣܓ̈ܝܐܐ ܕܒܙܒܢܐ ܐܪܝܟܐ
1:042.23	ܒܡܨܪܝܢ ܐܬܬܘܣܦ ܠܗܘܢ܂ ܐܚܪܢܐ ܙܒܢܐ ܕܥܡ ܣܝܡ ܢܡܘܣܐ ܢܥܘܠ
1:042.24	ܘܢܡܙܓ ܢܫܟܚ ܕܢܫܚܠܦ ܐܢܘܢ܂ 36݁1 ܕܡܛܠ ܗܕܐ ܘܐܦ ܡܘܫܐ ܟܕ
1:042.25	ܢܚܬ ܡܢ ܛܘܪܐ ܕܣܝܢܐ܂ ܘܚܙܝܗܝ ܠܗ݀ܘ ܣܘܪܚܢܐ ܐܝܟ ܪܒ ܒܝܬܐ ܛܒܐ
1:042.26	ܘܡܗܝܡܢܐ܂ ܐܬܒܝܢ ܕܠܐ ܡܫܟܚܐ ܕܥܡܐ ܗܘ ܟܠܗ ܚܫܐ ܕܚܘܒ̈ܐ ܕܣܓܕܬܐ
1:042.27	ܕܦܬܟܪ̈ܐ ܕܢܘܓܪܐ ܕܙܒܢܐ ܣܓܝܐܐ ܗܘܐ ܒܗ܂ ܕܡܢ ܬܪܒܝܬܐ ܒܝܫܬܐ ܕܥܡ
1:042.28	ܡܨܪ̈ܝܐ ܐܬܬܘܣܦ ܠܗ ‍<‍ܕ‍>‍ܕܠܝܠܐܝܬ ܢܣܬܦܩ ܡܢܗ ܘܢܒܛܠ܂ ܕܡܛܠ
1:042.29	ܗܕܐ ܐܦܣ ܠܗܘܢ ܕܢܕܒܚܘܢ܂ ܒܫܡܐ ܕܝܢ ܕܐܠܗܐ ܗ݂ܝ ܗܕܐ ܕܢܥܒܕܘܢ
1:042.30	ܐܡܪ ܠܗܘܢ܂ ܐܝܟܢܐ ܕܐܦܢ ܦܠܓܗ ܕܗܢܐ ܚܫܐ ܢܫܟܚ ܕܢܬܦܣܩ
1:042.31	ܘܢܒܛܠ܂ ܘܥܠ ܕܝܢ ܬܘܪܨܐ ܕܗ݀ܘ ܦܠܓܐ ܐܚܪܢܐ ܒܙܒܢ ܐܚܪܝܢ ܒܝܕ
1:044.01	ܐܚܪܢܐ ܐܝܟ ܕܙܕܩ ܒܒܛܝܠܘܬܐ ܗܘܐ܂ 36݁2 ܒܗܝ ܕܐܡܪ ܢܒܝܐ ܢܩܝܡ ܠܟܘܢ܂
1:044.02	ܡܪܝܐ ܐܠܗܟܘܢ ܐܟܘܬܝ܂ ܠܗ ܫܡܥܘ ܒܟܠ ܡܕܡ܂ ܘܟܠ ܡܢ ܕܠܐ
1:044.03	ܢܬܛܦܝܣ ܠܗ ܒܡܘܬܐ ܢܡܘܬ܂ ܓܠܝܐ ܗܝ ܗܕܐ ܕܠܐܒܕܢܐ ܗܘ ܢܦܫܗ
1:044.04	ܝܗܒ܂ 37݁1 ܘܥܡ ܗܢܝܢ ܕܝܢ ܐܦ ܕܘܟܬܐ ܦܪܫ ܠܗܘܢ܂ ܕܒܗ ܒܠܚܘܕ
1:044.05	ܫܠܝܛ ܗܘܐ ܠܗܘܢ܂ ܕܕܒ̈ܚܐ ܢܥܒܕܘܢ܂ 37݁2 ܗܕܐ ܕܝܢ ܟܘܠܗ ܕܐܬܦܪܣ
1:044.06	ܠܗܘܢ܂ ܡܛܠ ܕܐܡܬܝ ܕܢܐܬܐ ܗܘ ‍<‍ܙܒܢܐ‍>‍ ܕܥܗܢ ܕܒܗ ܢܫܟܚܘܢ ܕܢܫܡܥܘܢ
1:044.07	ܕܐܠܗܐ ܒܛܝܒܘܬܐ ܨܒܐ ܘܠܐ ܒܕܒ̈ܚܐ܂ ܗܝܕܝܢ ܢܒܝܐ ܗܘ ܕܗܠܝܢ ܐܡܪ
1:044.08	ܠܗܘܢ ܢܫܬܕܪ܂ ܘܐܝܠܝܢ ܕܒܗ ܡܗܝܡܢܝܢ ܒܚܟܡܬܐ ܕܐܠܗܐ ܠܕܘܟܬܐ
1:044.09	ܚܣܝܢܬܐ ܕܐܪܥܐ ܐܝܟ ܕܠܚܝ̈ܐ ܢܬܕܒܪܘܢ ܘܢܬܢܛܪܘܢ ܡܛܠ ܩܪܒܐ ܗ݀ܘ
1:044.10	ܕܒܬܪ ܟܢ ܥܠ ܗܢܘܢ ܕܠܐ ܡܬܛܦܝܣܝܢ ܡܛܠ ܦܘܠܓܗܘܢ ܠܐܒܕܢܗܘܢ
1:044.11	ܐܬܐ ܥܠܝܗܘܢ݁܂ 37݁3 ܗܘ ܗܢܐ ܕܝܢ ܩܪܒܐ ܠܐ ܗܘܐ ܬܟܝܒܐܝܬ ܘܡܢ ܫܠܝܐ
1:044.12	ܗܘܐ܂ ܐܠܐ ܘܐܦ ܩܕܡ ܡܐܬܝܬܗ ܕܗܘ ܢܒܝܐ ܕܥܬܝܕ ܗܘܐ ܠܡܐܬܐ ܡܛܠ
1:044.13	ܒܘܛܠܐ ܕܕܒ̈ܚܐ ܙܒ̈ܢܬܐ ܣܓܝ̈ܐܬܐ ܒܒܛܝܠܘܬܐ ܕܐܠܗܐ ܐܬܐ ܥܠܝܗܘܢ ܗܘ
1:044.14	ܩܪܒܐ܂ 37݁4 ܘܒܫܒܝܐ ܗܘܝܢ ܗܘܘ܂ ܘܠܥܡܐ ܐܚܪܢܐ ܡܫܬܢܝܢ ܗܘܘ܂ ܘܡܛܠ
1:044.15	ܕܡܟܝܠ ܗ݀ܝ ܕܘܟܬܐ ܠܝܬ ܗܘܬ ܠܗܘܢ ܕܒܗ ܗܘ ܣܐܡ ܢܡܘܣܐ
1:044.16	ܕܢܕܒܚܘܢ ܐܦܣ ܠܗܘܢ ܘܠܗ ܠܢܡܘܣܐ ܟܕ ܠܐ ܕܒ̈ܚܐ ܢܛܪܝܢ ܗܘܘ
1:044.17	ܡܬܦܢܝܢ ܘܡܬܦܪܩܝܢ ܗܘܘ܂ ܘܗ݂ܝ ܕܝܢ ܗܕܐ ܙܒ̈ܢܬܐ ܣ̈ܓܝܐܬܐ ܗܘܬ
1:044.18	ܠܗܘܢ܂ ܡܛܠ ܕܢܬܒܝܢܘܢ ܕܟܕ ܠܢܡܘܣܐ ܕܠܐ ܕܒ̈ܚܐ ܢܛܪܝܢ ܗܘܘ܂
1:044.19	ܡܬܦܪܩܝܢ ܗܘܘ܂ ܘܡܐ ܕܝܢ ܕܠܐܬܪܗܘܢ ܐܬܘ ܗܘܘ܂ ܟܕ ܕܒ̈ܚܐ ܡܕܒܚܝܢ
1:044.20	ܗܘܘ܂ ܢܦܩܝܢ ܗܘܘ ܘܡܫܬܕܝܢ ܡܢܗ܂ ܐܝܟܢܐ ܕܢܫܠܘܢ ܕܬܘܒ ܠܐ ܢܕܒܚܘܢ݁܂
1:044.21	37݁5 ܘܗܝ ܗܕܐ ܐܘܚܪܘ ܕܢܕܥܘܢ ܘܛܒ ܠܙܥܘܪ̈ܐ ܗܘ ܗܘܬ܂ ܟܕ ܐܦ ܝܕܥܬܗܘܢ
1:044.22	ܕܗܢܘܢ ܙܥܘܪ̈ܐ ܡܬܥܡܛܐ ܗܘܬ ܡܢ ܟܢܫ̈ܐ ܗܢܘܢ ܕܕܠܩܘܒܠܐ ܪ̈ܢܝܢ
1:044.23	ܗܘܘ܂ ܗܢܘܢ ܕܠܐ ܡܫܟܚܝܢ ܗܘܘ܂ ܕܗܢܐ ܟܠܗ ܢܒܚܪܘܢ܂ ܕܠܐ ܓܝܪ ܢܦܪܫܘܢ
1:044.24	ܘܢܬܒܝܢܘܢ ܐܝܬܝܗ݀ ܕܟ̈ܢܫܐ܂ ܘܗܕܐ ܕܝܢ ܕܒܪܥܝܢܐ ܢܬܒܝܢܘܢ ܕܙܥܘܪ̈ܐ 38݁1 ܗܘ
1:044.25	ܗܟܝܠ ܡܘܫܐ ܟܕ ܗܠܝܢ ܕܒܪ ܘܛܟܣ܂ ܘܪܒ ܚܝܠܐ ܠܐܢܫ ܕܡܬܩܪܐ
1:044.26	ܝܘܫܥ ܐܩܝܡ ܠܗܘܢ܂ ܕܠܐܪܥܐ ܕܐܒܗܝܗܘܢ ܢܘܒܠ ܐܢܘܢ ܒܡ̈ܠܬܐ ܡܚܝܠܬܐ/ܡܚܝܢܝܬܐ#1#/
1:044.27	ܕܐܠܗܐ܂ ܟܕ ܣܠܩ ܘܩܕܡ ܟܠܗܘܢ ܡܝܬ 38݁2 ܡܘܬܐ ܗܘ ܕܐܦܠܐ ܐܢܫ ܥܕܡܐ
1:044.28	ܠܗܫܐ ܩܒܪܗ ܕܢܫܟܚ ܐܬܡܨܝ 38݁3 ܘܗ݂ܢܘܢ ܕܝܢ ܟ̈ܢܫܐ ܠܐܪܥܐ ܕܐܒܗ̈ܝܗܘܢ
1:044.29	ܥܠܘ ܘܒܒܛܝܠܘܬܐ ܕܐܠܗܐ ܒܪܫܥܬܗ ܕܐܬܚܙܝܘ ܒܠܚܘܕ ܠܥܡ̈ܡܐ ܗܢܘܢ
1:044.30	ܪ̈ܫܝܥܐ ܐܥܪܩܘ܂ ܘܗܢܘܢ ܐܝܟ ܕܠܐܪܥܐ ܕܐܒܗ̈ܝܗܘܢ ܒܫܒ̈ܛܝܗܘܢ ܒܦ̈ܨܐ
1:044.31	ܠܒܟܘܗ݀܂ 38݁4 ܘܥܕܡܐ ܠܙܒܢ ܕܕܝ̈ܢܐ ܘܠܐ ܗܘܐ ܡ̈ܠܟܐ ܗܘܘ ܠܗܘܢ܂
1:046.01	ܘܬܩܢܐܝܬ ܒܕܘ̈ܟܝܬܗܘܢ ܡܩܘܝܢ ܗܘܘ܂ 38݁5 ܟܕ ܕܝܢ ܝܬܝܪܐܝܬ ܛܪ̈ܘܢܐ ܘܠܐ
1:046.02	ܗܘܐ ܡ̈ܠܟܐ ܥܒܕܘ ܠܗܘܢ ܗܝܕܝܢ ܠܗܝ ܕܘܟܬܐ ܕܩܕܡܬ ܐܬܚܪܩܬ
1:046.03	ܠܗܘܢ ܠܒܝܬ ܨܠܘܬܐ ܠܢܘܣܐ ܒܛܠܘܗ݀ ܘܐܝܟ ܕܡܢ ܐܝܕܐ ܕܡܠܟܘܬܐ
1:046.04	ܕܠܐ ܒܨܒܝܢܗܘܢ ܗܝ ܗܕܐ ܕܢܥܒܕܘܢ ܩܛܝܪܐܝܬ ܐܬܕܒܪܘ܂ ܘܗܟܢܐ ܡܢ ܗܢܘܢ

1:046.05	ܡ̈ܠܟܐ ܪ̈ܫܝܥܐ ܕܒܙܒܢ ܙܒܢ ܗܘܝܢ ܗܘܘ ܥܠܝܗܘܢ ܠܪܫܥܐ ܝܬܝܪܐ

1:046.06	ܡܬܕܒܪܝܢ ܗܘܘ
1:046.07	39݁1 ܡܟܝܠ ܗܟܝܠ ܕܡܟܐ ܗ݀ܝ ܚܣܝܪܘܬܐ ܕܥܠ ܬܘܪܨܐ ܣܢܝܩܐ ܗܘܬ
1:046.08	ܙܒܢܗ ܕܥܗܢ ܐܕܪܟ ܗܘܐ ܕܒܗ ܗ݀ܘ ܢܒܝܐ ܕܡܢ ܡܘܫܐ ܩܕܡ ܐܬܟܪܙ
1:046.09	ܡܬܓܠܐ ܗܘܐ܂ ܘܒܡܐܬܝܬܗ ܡܛܠ ܡܪܚܡܢܘܬܗ ܕܐܠܗܐ ܠܘܩܕܡ ܡܪܬܐ
1:046.10	ܠܗܘܢ܂ ܕܢܫܠܘܢ ܘܢܫܬܩܘܢ ܡܢ ܕܢܕܒܚܘܢ݁ 39݁2 ܘܡܛܠ ܕܝܢ ܕܠܐ ܢܣܒܪܘܢ
1:046.11	ܠܗܘܢ ܕܡܬܓܠܙܝܢ ܠܗܘܢ ܡܢ ܫܘܒܩܢܐ ܕܚ̈ܛܗܐ ܕܒܕܒ̈ܚܐ܂ ܘܗ݂ܝ
1:046.12	ܗܕܐ ܬܗܘܐ ܠܗܘܢ ܡܥܟܪܢܝܬܐ ܕܠܐ ܢܬܛܦܝܣܘܢ܂ ܗ݀ܝ ܡܥܡܘܕܝܬܐ ܕܒܝܕ
1:046.13	ܡ̈ܝܐ ܠܫܘܒܩܢܐ ܕܚ̈ܛܗܐ ܐܬܚܪܩܬ܂ ܐܬܚܘܝܬ ܠܗܘܢ܂ ܗ݀ܝ ܕܐܝܢ ܒܫܪܪܐ
1:046.14	ܫܘܒܩܢܐ ܕܚ̈ܛܗܐ ܝܗܒܐ܂ ܘܠܐܝܠܝܢ ܕܓܡܝܪ̈ܐ ܗܘܝܢ ܒܚ̈ܝܐ ܕܠܥܠܡ ܕܠܐ
1:046.15	ܡܝܬܝܢ ܕܢܬܢܛܪ ܐܢܘܢ ܡܫܟܚܐ܂ 39݁3 ܐܝܟܢܐ ܕܡܐ ܕܠܐܠܗܐ ܫܦܪܘ ܒܚܟܡܬܗ
1:046.16	ܗܝ ܕܠܐ ܡܬܡܠܠܐ܂ ܢܫܬܘܙܒܘܢ ܡܢ ܩܪܒܐ ܗ݀ܘ܂ ܕܡܛܠ ܗܢܘܢ ܕܠܐ
1:046.17	ܐܬܛܦܝܣܘ܂ ܥܬܝܕ ܗܘ ܕܢܐܬܐ ܠܐܒܕܢܗܘܢ܂ ܐܝܟܢܐ ܕܗ݀ܘ ܡܕܡ ܕܒܨܒܝܢܗܘܢ
1:046.18	ܕܢܥܒܕܘܢܝܗܝ ܠܐ ܨܒܘ܂ ܗܘ ܗܢܐ ܡܐ ܕܢܦܩܘ ܡܢܗ ܕܐܬܪܗܘܢ܂ ܘܗܝ ܕܘܟܬܐ
1:046.19	ܕܐܬܥܩܪܬ ܠܗ݀ ܡܢܗܘܢ܂ ܐܝܬ/ܠܝܬ#1#/ ܠܗܘܢ ܐܦܢ ܕܠܐ ܒܨܒܝܢܗܘܢ ܐܝܟ ܡܐ
1:046.20	ܕܠܐܠܗܐ ܫܦܪ܂ ܢܣܝܒܪܘܢ ܕܢܬܢܩܦܘܢ݁܂ 40݁1 ܟܕ ܗܟܝܠ ܗܢܝܢ ܗܟܢܐ
1:046.21	ܐܬܚ݂ܪܩ ܗܘܝ܂ ܗ݂ܘ ܗ݀ܘ ܢܒܝܐ ܛܒܐ ܐܬܚܙܝ܂ ܘܐܬܘ̈ܬܐ ܣܥܪ܂ 40݁2 ܘܐܦ ܠܐ
1:046.22	ܕܝܢ ܗܟܢܐ ܗ݀ܘ ܥܡܐ ܥܬܝܩܐ ܗܝܡܢ܂ ܟܕ ܗܐ ܡܩܕܡ ܡܥܬܕ ܗܘܐ
1:046.23	ܕܢܗܝܡܢ܂ ܐܝܬ ܓܝܪ ܐܢܫܝܢ ܗܢܘܢ ܕܕܘܝܢ ܡܢ ܟܠ ܐܢܫ܂ ܕܐܦܠܐ ܠܛܒܐ
1:046.24	ܐܦܠܐ ܠܒܝܫܐ ܡܛܠ ܡܝܬܪܘܬܐ ܨܒܝܢ ܕܢܗܝܡܢܘܢ܂ ܐܠܐ ܥܡ ܗܕܐ ܕܠܐ
1:046.25	ܡܗܝܡܢܝܢ ܕܢܨܥܪܘܢ ܒܝܕ ܥ̈ܠܠܬܐ ܐܝܠܝܢ ܕܡܫܟܚܝܢ ܠܐ ܡܬܚܒܢܢܝܢ܂
1:046.26	ܘܠܗܘܢ ܠܗܠܝܢ ܠܥܒ̈ܐ ܘܕܝܘ̈ܢܐ ܩܪܝܢ܂ 40݁3 ܘܗܢܐ ܟܘܠܗ ܡܫܟܚܐ
1:046.27	ܒܝܫܬܐ ܕܬܣܒ ܙܟܘܬܐ ܥܠ ܒܝ̈ܫܐ܂ ܗܟܢܐ ܓܝܪ ܕܐܠܘ ܠܐ ܚܟܡܬܗ
1:046.28	ܕܐܠܗܐ ܥܕܪܬ ܠܗܢܘܢ ܕܫܪܪܐ ܡܚܒܝܢ܂ ܟܒܪ ܕܝܢ ܐܦ ܗܢܘܢ ܛܥܘ
1:046.29	ܗܘܘ܂ 40݁4 ܠܢ ܕܝܢ ܕܝܠܢ ܓܠܐ ܠܢ܂ ܗ݀ܘ ܕܟܕ ܐܬܐ ܠܘܩܕܡ ܠܢ
1:046.30	ܠܬܪܥܣܪ ܓܒܐ ܕܢܗܘܐ ܫܠܝ̈ܚܐ܂ ܘܟܢ ܫܒ̈ܥܝܢ ܘܬܪ̈ܝܢ ܬܠܡܝܕ̈ܐ
1:046.31	ܓܒ̈ܝܐ܂ ܕܐܦܢ ܗܟܢܐ ܒܝܕ ܕܡܘܬܐ ܢܬܒܝܢܘܢ ܟܢܫ̈ܐ ܕܗܢܘ ܗܘ ܕܡܢ
1:048.01	ܡܘܫܐ ܩܕܡ ܐܬܟܪܙ ܢܒܝܐ ܕܐܬܐ܂ 41݁1 ܐܠܐ ܟܒܪ ܡܢܝܢܐ ܠܟܠ ܐܢܫ ܕܠܝܠܐ
1:048.02	ܗܝ ܕܢܥܒܕ܂ ܐܬܘ̈ܬܐ ܕܝܢ ܘܬܕܡܪ̈ܬܐ ܗܢܝܢ ܕܥܒܕ ܒܡܐܬܝܬܗ ܐܢܫ ܠܐ ܡܫܟܚ
1:048.03	ܕܢܥܒܕ܂ ܡܘܫܐ ܓܝܪ ܒܡܨܪܝܢ ܐܬܘ̈ܬܐ ܥܒܕ 41݁2 ܘܗܘ ܢܒܝܐ ܕܐܟܘܬܗ ܩܡ
1:048.04	ܐܬܘ̈ܬܐ ܥܒܕ ܒܗ ܒܥܡܐ ܘܟܘܠ ܟܘܪܗܢ ܪܕܦ ܘܚ̈ܝܐ ܕܠܥܠܡ ܣܒܪ܂
1:048.05	ܘܡܢ ܣܟܠܘܬܗܘܢ ܕܝܢ ܒܝܫܬܐ ܕܒܝ̈ܫܐ ܡܣܡ ܒܪܝܫܐ ܕܙܩܝܦܐ ܐܝܬܝܘ
1:048.06	ܥܠܘܗܝ ܕܐܦ ܗ݂ܝ ܗܕܐ ܒܚܝܠܗ ܕܝܠܗ ܠܛܒܬܐ ܘܠܫܦܝܪܬܐ
1:048.07	ܫܚܠܦܗ݀܂ 41݁3 ܥܡܗ ܓܝܪ ܕܚܫܗ܂ ܗܢܐ ܟܘܠܗ ܥܠܡܐ ܚܫ܂ ܐܦ݂
1:048.08	ܓܝܪ ܫܡܫܐ ܚܫܟ ܘܟ̈ܘܟܒܐ ܐܫܬܓܫܘ ܘܝܡܐ ܐܬܕܠܚ ܘܛܘܪ̈ܐ ܐܫܬܪܝܘ
1:048.09	ܘܩܒܪ̈ܐ ܐܬܦܬܚܘ ܘܐܦ̈ܝ ܬܪܥܐ ܕܗܝܟܠܐ ܐܨܛܪܝ ܕܐܝܟ ܕܒܐܒܠܐ ܕܥܠ
1:048.10	ܚܘܪܒܗ݀ ܕܕܘܟܬܐ ܕܥܬܝܕ ܗܘܐ ܐܠܐ ܗܘܐ܂ 41݁4 ܡܛܠ ܗܠܝܢ ܗܟ݁ܝܠ
1:048.11	ܟܠܗ ܥܡܐ ܐܬܙܝܥ ܗܘܐ܂ ܘܥܠ ܫܘܐܠܐ ܕܥܠܝܗ݀ ܕܨܒ݁ܘܬܐ ܐܬܐܠܨ ܗܘܐ
1:048.12	ܕܢܐܬܐ܂ ܒܪܡ ܕܝܢ ܐܢܫܝܢ ܟܕ ܟܘܠܗ ܥܡܐ ܐܬܙܝܥ ܕܝܠܗܘܢ ܪܥܝܢܗܘܢ
1:048.13	ܥܠ ܫܘܐܠܐ ܕܗܕܐ ܠܐ ܐܬܙܝܥ܂ 42݁1 ܡܛܠ ܗܟܝܠ ܕܙܕܩ ܗܘܐ ܡܛܠ ܗܢܘܢ
1:048.14	ܕܠܐ ܐܬܛܦܝܣܘ ܗܢܘܢ ܕܡܢ ܥܡ̈ܡܐ ܢܬܩܪܘܢ ܠܫܘܠܡܗ ܕܡܢܝܢܐ ܗ݀ܘ
1:048.15	ܕܠܐܒܪܗܡ ܐܬܚܙܝ ܗܘ ܗܢܐ ܒܘܠܒܠܐ ܗܘܐ܂ 42݁2 ܘܠܟܠܗ ܥܡܐ ܫܓܫ܂
1:048.16	ܘܠܗܘ ܚܝܠܐ ܡܣܛܝܢܐ ܕܠܩܘܒܠܐ ܕܗܢܘܢ ܒܢ̈ܝ ܚܐܪ̈ܐ ܬܟܝܒܐܝܬ ܐܬܥܡܛ
1:048.17	ܘܠܝܩܕܢܐ ܕܡܢ ܪܒܘܬܐ ܛܝܒ ܐܢܘܢ܂ ܐܝܟܢܐ ܕܗܢܘܢ ܕܨܒܝܢ ܕܢܬܩܪܒܘܢ
1:048.18	ܠܡܠܬܐ ܕܦܘܪܩܢܐ ܚܝ̈ܠܬܢܐ ܢܗܘܘܢ ܡܢ ܗܘ ܚܝܠܐ ܕܡܥܟܪ ܗܘܐ ܠܗܘܢ܂
1:048.19	ܘܕܠܝܠܐܝܬ ܒܨܒܝܢܗܘܢ ܙܟܘܬܐ ܕܒܦܘܪܩܢܐ ܢܣܒܘܢ܂ 42݁3 ܒܪܡ ܕܝܢ ܟܕ ܗܘ
1:048.20	ܚܫ܂ ܡܢ ܫ̈ܥܐ ܫܬ ܥܕܡܐ ܠܬܫܥ ܚܫܟܐ ܗܘܐ܂ ܘܟܕ ܕܝܢ ܫܡܫܐ
1:048.21	ܐܬܚܙܝ܂ ܘܬܘܒ ܗܢܝܢ ܨܒ̈ܘܬܐ ܬܩܢ ܐܝܟ ܕܐܝܬܝܗܝܢ ܗܢܘܢ ܗܢ݁ܘܢ ܒܝ̈ܫܐ
1:048.22	ܕܥܡܐ ܠܗܘܢ ܠܐܣ̈ܟܡܝܗܘܢ ܦܢܘ܂ 42݁4 ܡܢܗܘܢ ܓܝܪ ܠܗ݀ܘ ܕܚܫ ܘܠܐ
1:048.23	ܐܫܬܟܚ ܟܕ ܡܬܢܛܪ ܗܘܐ܂ ܚܪܫܐ ܐܡܪܘ ܥܠܘܗܝ ܕܐܝܬܘܗܝ ܘܠܐ ܕܚܠܘ
1:048.24	ܕܢܡܪܚܘܢ ܕܢܕܓܠܘܢ܂ 43݁1 ܗܢܘ ܕܝܢ ‍<‍ܕ#1#‍>‍ܙܟܬ ܗܘܬ ܗܝ ܟܐܢܘܬܐ ܕܫܪܪܐ܂
1:048.25	ܗ݀ܝ ܓܝܪ ܕܡܛܠ ܕܙܥܘ̈ܪܐ ܐܝܬܝܢ ܗܘܝܢ ܕܓܠܘ ܥܠܝܢ ܠܐ ܢܦܩܬ
1:048.26	ܠܗܘܢ܂ ܬܘܒ ܓܝܪ ܝܬܝܪܐܝܬ ܐܝܟ ܕܒܛܢܢܐ ܕܐܠܗܐ ܒܟܠܙܒܢ ܣܓܝ
1:048.27	ܡܢܗܘܢ ܣܓܝܢ ܗܘܝܢ ܐܝܟܢܐ ܕܡܟܝܠ ܐܦ ܟܗ̈ܢܝܗܘܢ ܢܕܚܠܘܢ ܕܕܡ
1:048.28	ܒܒܛܝܠܘܬܐ ܕܐܠܗܐ ܐܝܟ ܕܠܒܗܬܬܐ ܕܝܠܗܘܢ ܠܗܝܡܢܘܬܐ ܕܝܠܢ ܟܘܠܗ
1:048.29	ܥܡܐ ܢܐܬܐ ܘܬܟܝܒܐܝܬ ܡܫܕܪܝܢ ܗܘܘ ܘܡܫܐܠܝܢ ܗܘܘ ܠܢ ܐܝܟܢܐ ܕܥܠ
1:048.30	ܝܫܘܥ ܢܡܠܠ ܥܡܗܘܢ ܕܐܢ ܗ݂ܘ ܐܝܬܘܗܝ ܗ݀ܘ ܢܒܝܐ ܕܡܢ ܡܘܫܐ ܩܕܡ
1:048.31	ܐܬܟܪܙ ܕܐܝܬܘܗܝ ܡܫܝܚܐ ܕܡܢ ܥܠܡ܂ 43݁2 ܥܠ ܗܕܐ ܓܝܪ ܒܠܚܘܕ ܐܝܬ
1:048.32	ܦܠܓܘܬܐ ܒܝܬ ܠܢ ܕܡܗܝܡܢܝܢ ܐܢܚܢܢ ܒܝܫܘܥ ܠܗܢܘܢ ܕܠܐ ܡܗܝܡܢܝܢ