The Comprehensive Aramaic Lexicon

1:050.01	ܡܢ ܒ̈ܢܝ ܥܡܢ܂ 43݁3 ܒܪܡ ܕܝܢ ܟܕ ܗܢܘܢ ܙܒ̈ܢܬܐ ܣ̈ܓܝܐܬܐ ܡܢܢ ܒܥܝܢ
1:050.02	ܗܘܘ܂ ܘܐܢܚܢܢ ܙܒܢܐ ܕܥܗܢ ܚܝܪܝܢ ܗܘܝܢ ܡܢ ܚܫܗ ܕܝܫܘܥ ܫܒܘܥܐ
1:050.03	ܚܕ ܕܫ̈ܢܝܐ ܫܠܡ ܗܘܐ܂ ܘܥܕܬܐ ܕܒܐܘܪܫܠܡ ܕܡܢ ܡܪܢ ܐܬܩܝܡܬ ܣܓܝܐ
1:050.04	ܗܘܬ ܕܡܢ ܝܥܩܘܒ܂ ܗ݀ܘ ܕܡܢܗ ܕܡܪܢ ܐܦܣܩܘܦܐ ܐܬܩܝܡ܂ ܬܪܝܨܐܝܬ
1:050.05	ܘܬܩܢܐܝܬ ܡܬܕܒܪܐ ܗܘܬ܂
1:050.06	44݁1 ܟܕ ܗܟܝܠ ܐܢܚܢܢ ܬܪ̈ܥܣܪ ܫܠܝܚ̈ܐ ܒܝܘܡ̈ܬܐ ܕܦܨܚܐ ܐܬܟܢܫܢ ܥܡ
1:050.07	ܣܘܓܐܐ ܕܟܢܫܐ ܠܐܘܪܫܠܡ܂ ܕܥܡ ܐܚ̈ܝܢ ܒܥܕܥܝܕܐ ܢܬܟܢܫ܂ ܘܚܕ ܚܕ
1:050.08	ܡܢܢ ܡܢ ܝܥܩܘܒ ܒܥܐ܂ ܕܪ̈ܝܫܐ ܕܗܢܝܢ ܕܐܣܬܥܪ ܒܥܡܐ ܢܐܡܪ ܠܢ܂ ܘܗ݂ܘ
1:050.09	ܒܦܣܝܩ̈ܬܐ ܐܫܬܥܝ ܠܢ܂ 44݁2 ܫܕܪ ܩܝܦܐ ܪܒ ܟܗ̈ܢܐ ܠܘܬܢ ܕܝܠܢ
1:050.10	ܕܫ̈ܠܝܚܐ ܟܗ̈ܢܐ ܟܕ ܒܥܐ ܡܢܢ ܕܢܐܙܠ ܠܘܬܗ܂ ܐܝܟܢܐ ܕܐܘ ܢܦܝܣܗ
1:050.11	ܕܝܫܘܥ ܐܝܬܘܗܝ ܡܫܝܚܐ ܕܡܢ ܥܠܡ܂ ܐܘ ܗܘ ܢܦܝܣܢ ܕܠܐ ܐܝܬܘܗܝ܂
1:050.12	ܕܗܟܢܐ ܠܗܝܡܢܘܬܐ ܐܝܕܐ ܕܗ݂ܝ ܟܠܗ ܥܡܐ ܢܐܬܐ܂ ܘܗ݂ܝ ܗܕܐ ܙܒ̈ܢܬܐ
1:050.13	ܣܓ̈ܝܐܬܐ ܒܥܐ ܡܢܢ ܕܢܥܒܕ܂ 44݁3 ܐܢܚܢܢ ܕܝܢ ܠܐ ܙܥܘܪ ܐܫܬܐܠܢܢ܂ ܘܒܥܝܢ
1:050.14	ܐܢܚܢܢ ܕܙܒܢܐ ܕܥܗܢ ܚܝܪܝܢ ܗܘܝܢ܂
1:050.15	44݁4 ܘܐܢܐ ܩܠܡܝܣ ܦܢܝܬ ܠܗ ܦܬܓܡܐ ܕܣܒܪ ܐܢܐ ܕܗ݂ܝ ܗܕܐ ܕܢܒܥܘܢ
1:050.16	ܕܐܢ ܗ݂ܘ ܐܝܬܘܗܝ ܡܫܝܚܐ ܣܓܝ ܡܥܕܪܐ ܠܡܠܬܐ ܕܥܠ ܕܚܠܬ ܐܠܗܐ܂
1:050.17	ܡܛܠ ܕܐܝܟ ܕܐܡܪܬ ܘܐܦ ܪܒ ܟܗ̈ܢܐ ܥܡ ܗܢܘܢ ܫܪܟܐ ܕܐܚܪ̈ܢܐ ܬܟܝܒܐܝܬ
1:050.18	ܡܫܕܪ ܗܘܐ ܘܒܥܐ ܗܘܐ ܕܢܐܠܦ ܐܘ ܕܢܠܦ ܗܢܝܢ ܕܥܠܘܗ݂ܝ܂ 44݁5 ܘܦܛܪܘܣ
1:050.19	ܦܢܝ ܠܝ ܦܬܓܡܐ ܕܬܪܝܨܐܝܬ ܡܠܠܬ ܐܘ ܚܒܝܒܝ ܩܠܡܣ܂ ܘܬܩܢܐܝܬ
1:050.20	ܐܬܒܝܢܬ܂ ܐܝܟܢܐ ܓܝܪ ܕܒܠܥܕ ܥܝܢܐ ܠܐ ܡܫܟܚܐ ܕܢܚܙܐ܂ ܘܒܠܥܕ ܡܫܡܥܬܐ
1:050.21	ܠܐ ܡܫܟܚܐ ܕܢܫܡܥ܂ ܘܒܠܥܕ ܢܚܝܪ̈ܐ ܠܐ ܡܫܟܚܐ ܕܪ̈ܝܚܢܐ ܢܩܒܠ܂ ܘܒܠܥܕ
1:050.22	ܠܫܢܐ ܠܐ ܡܫܟܚܐ ܕܢܡܠܠ܂ ܘܒܠܥܕ ܐܝ̈ܕܝܐ ܠܐ ܡܫܟܚܐ ܕܢܓܘܫ܂ ܗܟܢܐ
1:050.23	ܠܐ ܡܫܟܚܐ ܕܒܠܥܕ ܢܒܝܐ ܕܫܪܪܐ ܕܗܢܝܢ ܕܫܦܪ̈ܢ ܠܐܠܗܐ ܢܕܥ܂ ܗܟܢܐ
1:050.24	ܓܝܪ ܕܝܠܗ ܗܘ ܕܕܚܠܬ ܐܠܗܐ ܒܠܚܘܕܝܗ݀ ܢܒܝܐ ܡܛܠ ܝܕܥܬܐ
1:050.25	ܡܩܕܡܬܐ܂ 44݁6 ܘܡܢ ܒܬܪ ܗܠܝܢ ܦܢܝܬ ܠܗ ܦܬܓܡܐ܂ ܘܐܡܪܬ ܕܗܕܐ
1:050.26	ܕܗܘܝܘ ܐܝܬܘܗܝ ܢܒܝܐ ܕܫܪܪܐ܂ ܡܛܠ ܕܐܢܬ ܐܠܦܬܢ ܝܕܥ ܐܢܐ܂ ܗܕܐ ܕܝܢ
1:050.27	ܕܡܢܐ ܐܝܬܘܗܝ ܡܫܝܚܐ܂ ܘܡܛܠ ܡܢܐ ܡܬܩܪܐ ܨܒܐ ܐܢܐ ܕܐܕܥ܂ ܕܠܐ ܬܗܘܐ

1:050.28	ܦܗܝܐ ܒܝ ܝܕܥܬܐ ܕܥܠܘܗܝ܂ 45݁1 ܘܗܘ ܦܛܪܘܣ ܫܪܝ ܠܡܐܡܪ ܗܟܢܐ܂

1:050.29	ܕܗ݂ܘ ܐܠܗܐ ܗ݀ܘ ܕܥܒܕܗ ܠܥܠܡܐ܂ ܕܐܝܬܘܗܝ ܡܪܐ ܕܟܠܡܕܡ ܂ ܪ̈ܫܢܐ
1:050.30	ܠܟܠ ܡܕܡ ܣܡ܂ ܥܕܡܐ ܠܗܝܢ ܠܢܨܒ̈ܬܐ ܘܠܟܐܦ̈ܐ ܘܠܡܥܝ̈ܢܐ
1:050.31	ܘܠܢܗܪ̈ܘܬܐ܂ ܘܠܟܠܗܝܢ ܒܪ̈ܝܬܐ܂ ܣܓܝ̈ܐܢ ܐܢܝܢ ܓܝܪ ܕܐܡܪ ܐܢܝܢ
1:050.32	ܒܕܡܘܬܗܝܢ܂ 45݁2 ܗܟܢܐ ܗܟܝܠ ܚܪܩ݁ ܪ̈ܫܢܐ ܕܡ̈ܠܐܟܐ ܡܠܐܟܐ܂ ܘܕܪ̈ܘܚܐ ܪܘܚܐ܂
1:050.33	ܘܕܟܘܟ̈ܒܐ ܟܘܟܒܐ܂ ܘܕܦܪܚܬܐ ܦܪܚܬܐ ܘܕܚܝ̈ܘܬܐ ܚܝܘܬܐ܂ ܘܕܪ̈ܚܫܐ ܪܚܫܐ܂
1:052.01	ܘܕܢܘ̈ܢܐ ܢܘܢܐ܂ ܘܕܒ̈ܢܝ ܐܢܫܐ ܒܪ ܐܢܫܐ ܗ݀ܘ ܐܝܬܘܗܝ ܡܫܝܚܐ܂ 45݁3 ܡܬܐܡܪ
1:052.02	ܕܝܢ ܡܫܝܚܐ ܡܝܬܪܐܝܬ ܒܥܝܕܐ ܕܕܚܠܬ ܐܠܗܐ ܫܡܐ܂ ܓܝܪ ܕܟܘܠܗܘܢ
1:052.03	ܪ̈ܫܢܐ ܐܝܬ ܗ݂ܘ ܕܐܝܬܘܗܝ ܕܓܘܐ܂ ܘܐܝܬ ܗ݂ܘ ܕܐܝܬܘܗܝ ܕܚܕ܂ ܕܓܘܐ
1:052.04	ܕܝܢ ܐܝܬܘܗܝ ܫܡܐ ܕܡܠܟܐ܂ ܕܚܕ ܕܝܢ ܗܕܐ ܕܦܪ̈ܬܘܝܐ ܐܪܫܩ܂ ܘܕܪ̈ܗܘܡܝܐ
1:052.05	ܕܝܢ ܩܣܪ ܗܟܢܐ ܐܦ ܕܝܗ̈ܘܕܝܐ ܐܝܬܘܗܝ ܡܫܝܚܐ܂ 45݁4 ܥܠܬܐ ܕܝܢ ܕܐܝܬܝܗ݀
1:052.06	ܕܢܬܩܪܐ ܡܫܝܚܐ ܗܕܐ ܡܛܠ ܕܒܪܐ ܕܐܠܗܐ ܐܝܬܘܗܝ ܗܘܐ ܘܒܪ ܐܢܫܐ
1:052.07	ܗܘܐ܂ ܘܕܐܝܬܘܗܝ ܗܘܐ ܪܝܫܐ ܩܕܡܝܐ܂ ܒܡܫܚܐ ܡܢ ܒܪܫܝܬ ܐܒܘܗܝ
1:052.08	ܡܫܚܗ܂ ܗ݀ܘ ܕܡܢ ܐܝܠܢܐ ܕܚ̈ܝܐ ܐܝܬܘܗܝ܂ 45݁5 ܒܗ ܗܟܝܠ ܒܗܕܐ ܐܦ
1:052.09	ܗܘ ܐܟܘܬܗ ܕܩܕܡ ܚܘܪܩܢܐ ܕܐܒܘܗܝ ܠܗܘܢ ܠܙܕ̈ܝܩܐ ܡܐ ܕܠܬܡܢ ܐܬܘ
1:052.10	ܕܐܝܟ ܕܒܐܘܪܚܐ ܩܫܝܬܐ ܪܕܘ ܡܛܠ ܥܡܠܗܘܢ ܐܝܟ ܕܠܢܝܚܗܘܢ ܒܗ
1:052.11	ܒܗܘ ܡܫܚܐ ܠܗܢܘܢ ܕܠܗ ܕܡܝܢ ܡܫܚ܂ ܘܗܟܢܐ ܐܝܟ ܢܘܗܪܐ ܡܢܗܪܝܢ܂
1:052.12	ܘܪܘܚܐ ܕܩܘܕܫܐ ܢܣܒܝܢ܂ ܘܠܐ ܡܝܘ̈ܬܐ ܒܚ̈ܝܐ ܕܠܥܠܡ ܗܘܝܢ܂ 45݁6 ܥܠ
1:052.13	ܟܝܢܗ ܕܝܢ ܕܐܝܠܢܐ ܕܚܝ̈ܐ܂ ܝܕܥܢܐ ܕܐܡܪܬ ܠܟ ܒܙܒܢ ܐܚܪܝܢ܂ 46݁1 ܗܫܐ ܕܝܢ
1:052.14	ܘܐܦ ܥܠ ܕܡܘܬܗ ܨܒܢܐ ܕܐܡܪ ܠܟ܂ 46݁2 ܒܗܢܐ ܥܠܡܐ ܕܗܫܐ ܩܕܡܝܐ ܪܒ
1:052.15	ܟܗ̈ܢܐ ܐܗܪܘܢ ܒܡܫܚܐ ܡܬܩܢܐ ܕܡܫܝܚܘܬܐ ܐܬܡܫܚ܂ ܗ݀ܘ ܕܗܘܐ ܒܕܡܘܬܗ
1:052.16	ܕܗ݀ܘ ܫܪܝܪܐ ܘܥܠ ܥܡܐ ܐܫܬܠܛ܂ ܕܡܛܠ ܗܕܐ ܐܝܟ ܡܠܟܐ ܪܫܝܬܐ
1:052.17	ܘܟܣܦ ܪܫܐ ܐܝܟ ܡܕܐܬܐ ܢܣܒ ܗܘܐ ܘܦܩܕ ܗܘܐ܂ ܘܐܝܟ ܕܝܢܐ ܕܗܢܝܢ ܕܗܪܟܐ
1:052.18	ܦܘܪܫܢܐ ܕܗܢܝܢ ܕܕܟܝ̈ܢ ܘܕܗܢܝܢ ܕܠܐ ܕܟܝ̈ܢ ܐܬܗܝܡܢ ܘܐܦ ܢܒܝܐ ܗܘܐ
1:052.19	ܠܡܘܫܐ܂ ܐܝܟ ܕܠܡܢ ܕܡܝܬܪ ܡܢܗ ܡܛܠ ܥܘܕܪܢܐ ܠܐ ܗܘܐ ܒܨܒܝܢܗ܂
1:052.20	46݁3 ܗܢܘ ܕܝܢ ܟܠ ܐܢܫ ܕܡܢ ܗܘ ܡܫܚܐ ܕܐܬܬܩܢ ܡܬܡܫܚ ܗܘܐ܂ ܐܝܟ
1:052.21	ܕܐܫܬܘܬܦ ܠܗ ܠܗܘ ܡܕܡ ܕܐܝܬ ܠܗ ܫܘܠܛܢܐ ܐܦ ܗܘ ܠܡܠܟܘܬܐ
1:052.22	ܫܘܐ ܗܘܐ ܐܘ ܠܢܒܝܘܬܐ ܐܘ ܠܪܒܘܬ ܟܗܢܘܬܐ܂ 46݁4 ܒܪܡ ܕܝܢ ܕܙܒܢܐ ܐܝܬܝܗ݀
1:052.23	ܗܘܬ ܗܕܐ ܡܘܗܒܬܐ ܕܒܦܘܪܣܐ ܕܡܫܚܐ ܗܘܬ܂ ܐܢܬ ܗܟܝܠ ܕܥ ܟܡܐ
1:052.24	ܡܫܟܚ ܗ݀ܘ ܡܫܚܐ ܚܒܝܒܐ ܘܕܟܝܐ ܕܡܢ ܐܠܗܐ ܕܥܬܝܕ ܗ݂ܘ ܕܢܬܝܗܒ
1:052.25	ܡܐ ܕܐܦ ܗܢܐ ܕܡܢܗ ܗܘܐ ܝܕܥ ܗܘܐ ܕܢܬܠ ܡܘܗܒܬܐ ܕܪܫܢܘܬܐ
1:052.26	ܕܙܒܢܐ܂ 46݁5 ܡܢܐ ܓܝܪ ܐܝܬ ܒܗܢܐ ܥܠܡܐ ܕܗܫܐ ܕܪܒ ܡܢ ܣܒܪܐ ܕܢܒܝܘܬܐ
1:052.27	ܐܘ ܕܪܒܘܬ ܟܗܢܘܬܐ ܐܘ ܕܡܠܟܘܬܐ܂ 47݁1 ܘܐܢܐ ܩܠܡܣ ܦܢܝܬ ܠܗ ܦܬܓܡܐ܂
1:052.28	ܕܥܗܕ ܐܢܐ ܕܐܡܪܬ ܠܝ ܐܘ ܦܛܪܐ ܥܠ ܗܘ ܒܪ ܐܢܫܐ ܩܕܡܝܐ ܕܗܘܐ܂ ܕܢܒܝܐ
1:052.29	ܐܝܬܘܗܝ ܗܘܐ܂ ܘܕܐܬܡܫܚ ܕܝܢ ܠܐ ܐܡܪܬ ܠܝ ܂ 47݁2 ܐܢ ܗܟܝܠ ܒܠܥܕ
1:052.30	ܡܫܝܚܘܬܐ ܐܢܫ ܢܒܝܐ ܠܝܬ ܐܝܟܢܐ ܗ݀ܘ ܒܪ ܐܢܫܐ ܩܕܡܝܐ ܟܕ ܠܐ ܐܬܡܫܚ
1:052.31	ܐܝܬܘܗܝ ܗܘܐ ܢܒܝܐ܂ 47݁3 ܘܗܘ ܦܛܪܘܣ ܓܚܟ ܘܦܢܝ ܠܝ ܦܬܓܡܐ܂
1:054.01	ܕܐܢ ܗ݀ܘ ܒܪ ܐܢܫܐ ܩܕܡܝܐ ܐܬܢܒܝ܂ ܓܠܝܐ ܗܝ ܗܕܐ ܕܐܦ ܡܫܝܚ ܗܘܐ܂
1:054.02	ܡܛܠ ܗܟܝܠ ܕܥܠ ܡܫܝܚܘܬܗ ܫܬܩ ܗܘ ܪܒ ܟܗ̈ܢܐ ܕܢܡܘܣܐ
1:054.03	ܐܥܗܕ ܠܢ ܕܝܠܢ ܗܝ ܨܒܘܬܐ ܓܠܝܐ ܗܝ܂ 47݁4 ܐܝܟܢܐ ܓܝܪ ܕܐܠܘ ܚܘܝ
1:054.04	ܗܘܐ ܕܡܫܝܚ ܗܘܐ܂ ܡܛܘܠ ܡܫܝܚܘܬܐ ܠܗܘ ܕܡܫܝܚ ܗܘܐ ܕܢܒܝܐ
1:054.05	ܐܝܬܘܗܝ ܝܕܥܝܢ ܗܘܝܢ ܐܦܢ ܠܐ ܟܬܝܒܐ ܗܘܬ ܗܟܢܐ܂ ܡܛܠ ܕܚܘܝ
1:054.06	ܕܢܒܝܐ ܐܝܬܘܗܝ ܗܘܐ ܓܠܝܐ ܗ݂ܝ ܠܢ ܕܐܦ ܡܫܝܚ ܗܘܐ܂ ܒܠܥܕ ܓܝܪ
1:054.07	ܡܫܝܚܘܬܐ ܢܒܝܐ ܠܐ ܗܘܐ܂ 47݁5 ܗܢܘ ܕܝܢ ܗܕܐ ܕܙܕܩ ܗܘܐ ܠܟ ܕܬܐܡܪ ܕܐܢ
1:054.08	ܗܝ ܡܫܝܚܘܬܐ ܒܐܘܡܢܘܬܐ ܕܒܣ̈ܡܢܐ ܐܬܬܩܢܬ ܡܢ ܐܗܪܘܢ ܗ݀ܘ ܒܪ ܐܢܫܐ
1:054.09	ܩܕܡܝܐ ܐ݂ܝܟܢܐ ܐܬܡܫܚ ܒܡܫܚܐ ܕܐܘܡܢܐ ܟܕ ܐܘܡ̈ܢܘܬܐ ܥܕܟܝܠ ܠܝܬ
1:054.10	ܗܘܝ܂ 47݁6 ܘܐܢܐ ܦܢ݁ܝܬ ܠܗ ܦܬܓܡܐ ܕܠܐ ܬܣܛܢܝ ܐܘ ܦܛܪܐ܂ ܠܐ ܗܘܐ
1:054.11	ܓܝܪ ܥܠ ܗܘ ܡܫܚܐ ܡܬܩܢܐ ܕܙܒܢܐ ܐܡܪ ܐܢܐ܂ ܐܠܐ ܥܠ ܗ݀ܘ ܫܦܝܐ
1:054.12	ܘܦܫܝܛܐ ܕܡܢ ܥܠܡ ܕܠܘܬ ܐܠܗܐ ܐܝܬܘܗܝ ܕܒܕܡܘܬܗ ܐܡܪ ܐܢܬ ܕܗܘܐ
1:054.13	ܗܢܐ ܡܬܩܢܐ܂ 48݁1 ܘܗܘ ܦܛܪܘܣ ܪܓܙ ܐܝܟ ܕܣܒܪ ܐܢܐ ܘܐܡܪ ܕܡܢܐ ܣܒܪ
1:054.14	ܐܢܬ ܐܘ ܩܠܡܣ܂ ܕܟܠ ܡܕܡ ܟܠ ܐܢܫ ܩܕܡ ܙܒܢܐ ܡܫܟܚ ܕܢܕܥ܂
1:054.15	48݁2 ܘܗܫܐ ܡܛܠ ܕܠܐ ܢܪܦܐ ܗܕܐ ܡܠܬܐ ܕܣܝܡܐ ܩܕܡܝܢ ܒܙܒܢ ܐܚܪܝܢ ܡܐ
1:054.16	ܕܢܣܝܢܟ ܐܬܝܬܪ ܐܦ ܥܠ ܗܕܐ ܢܗܝܪܐܝܬ ܐܡܪܢܐ ܠܟ܂ 48݁3 ܒܪܡ ܕܝܢ ܡܢ
1:054.17	ܗܢܐ ܡܫܚܐ ܡܬܩܢܐ ܐܬܡܫܚ ܗܘ ܪ̈ܒܟܗܢܐ ܘܢܒܝܘܬܐ ܐܬܗܝܡܢ ܘܥܠܬܐ
1:054.18	ܐܕܠܩ ܘܢܘܪܐ ܐܪܝܡ ܠܥܠ ܘܠܟܠܗ ܥܠܡܐ ܚܘܝ܂ 48݁4 ܡܢ ܒܬܪ ܐܗܪܘܢ
1:054.19	ܗܟܝܠ ܗܘ ܪ̈ܒܟܗܢܐ ܗܢܐ ܕܡܢ ܡܝ̈ܐ ܢܒܥ ܘܐܬܚܙܝ܂ ܘܠܐ ܗܘܐ ܥܠ ܡܘܫܐ
1:054.20	ܐܡܪܢܐ܂ ܐܠܐ ܥܠ ܗ݀ܘ ܕܡܢ ܡܥܡܘܕܝܬܐ ܒܪܐ ܡܫܝܚܐ ܐܫܬܡܗ܂ 48݁5 ܘܐܦ
1:054.21	ܝܫܘܥ ܐܬܩܪܝ܂ ܘܠܗܝ ܥܠܬܐ ܕܗܪܬܡܢ ܡܛܠ ܚ̈ܛܗܐ ܕܠܩܐ ܗܘܬ
1:054.22	ܐܕܥܟ܂ 48݁6 ܟܕ ܓܝܪ ܗܢܐ ܐܬܓܠܝ ܫܬܩܬ ܠܗ݀ ܡܫܝܚܘܬܐ ܕܪܒܘܬ ܟܗܢܘܬܐ
1:054.23	ܘܕܢܒܝܘܬܐ ܘܕܡܠܟܘܬܐ܂ 49݁1 ܡܐܬܝܬܗ ܗܟܝܠ ܓܠܝܬܐ ܕܗܢܐ ܗ݂ܘ ܡܘܫܐ
1:054.24	ܢܒܝܐ܂ ܗܘ ܕܢܡܘܣܐ ܕܐܠܗܐ ܠܒ̈ܢܝ ܐܢܫܐ ܐܥܗܕ ܩܕܡ ܒܕܩ܂ ܘܐܦ
1:054.25	ܐܚܪܢܐ ܩܕܡܘܗܝ܂ ܐܝܟܢܐ ܕܒܙܒܢ ܐܚܪܝܢ ܐܡܪܬ ܠܟ܂ 49݁2 ܕܐܦ ܗ݂ܘ ܩܕܡ
1:054.26	ܒܕܩ ܕܐܬܐ ܗܘ ܗܢܐ ܒܡܐܬܝܬܗ ܩܕܡܝܬܐ ܡܡܟܟܬܐ܂ ܘܒܡܐܬܝܬܗ ܕܝܢ
1:054.27	ܕܬܪܬܝܢ ܡܫܒܚܬܐ ܗܕܐ ܕܗܘ ܗܟܢܐ ܐܝܬܝܗ݀܂ 49݁3 ܠܗܝ ܓܝܪ ܩܕܡܝܬܐ
1:054.28	ܫܠܡ ܟܕ ܐܬܐ ܘܐܠܦ ܗܘ ܕܝܢܐ ܘܐܬܕܝܢ ܘܐܬܩܛܠ܂ 49݁4 ܘܒܗܝ ܕܝܢ ܡܐܬܝܬܗ
1:054.29	ܕܬܪܬܝܢ ܐܬܐ ܕܢܕܘܢ ܘܢܚܝܒ ܠܪ̈ܫܝܥܐ ܘܢܒܣܡ ܠܙܕܝܩ̈ܐ܂ 49݁5 ܡܬܗܝܡܢܐ
1:054.30	ܕܝܢ ܡܐܬܝܬܗ ܕܬܪܬܝܢ ܡܢ ܗ݀ܝ ܡܐܬܝܬܗ ܩܕܡܝܬܐ܂ ܢܒ̈ܝܐ ܓܝܪ ܗܢܘܢ
1:054.31	ܕܐܡܪܘ ܥܠܘܗܝ ܥܠ ܗ݀ܝ ܩܕܡܝܬܐ܂ ܗܢܘܢ ܐܡܪܘ ܐܦ ܥܠ ܗ݀ܝ ܕܬܪܬܝܢ܂
1:054.32	ܘܬܪ̈ܝܗܘܢ ܢܒ̈ܝܐ ܐܝܬܝܗܘܢ܂ ܝܥܩܘܒ ܘܡܘܫܐ܂ 49݁6 ܪܒܘܬܗ ܗܟܝܠ ܕܢܒܝܘܬܐ
1:054.33	ܗܕܐ ܗ݂ܝ ܕܠܐ ܗܘܐ ܐܝܟ ܕܥܗܢܐ ܘܢܩܦܐ ܕܢܚܒܘܢܝܗܝ ܗ݀ܢܘܢ ܕܥܬܝܕܝܢ
1:056.01	ܗܘܘ ܕܢܗܘܘܢ ܐܬܩܕܡܬ ܐܬܐܡܪܬ ܕܠܐ ܢܣܒܪ ܐܢܫ ܕܕܘܡܝܐ ܗܘ ܘܠܐ ܗܘܐ
1:056.02	ܢܒܝܘܬܐ ܐܝܬܝܗ݀܂ 50݁1 ܗܕܐ ܕܝܢ ܕܐܡܪ ܐܢܐ ܗܟܢܐ ܐܝܬܝܗ݀܂ ܕܡܫܝܚܐ ܕܡܐ
1:056.03	ܕܐܬܐ ܗܘܐ܂ ܢܩܦܐ ܗܘܬ ܘܥܗܢܐ ܠܝܗܘ̈ܕܝܐ ܕܢܗܝܡܢܘܢܝܗܝ ܕܠܗ ܠܗܢܐ
1:056.04	ܕܢܣܟܘܢ ܠܦܘܪܩܢܐ ܐܫܬܠܡ ܠܗܘܢ܂ ܐܝܟܢܐ ܕܐܒܗ̈ܬܐ ܗܢܘܢ ܕܟܠܡܕܡ
1:056.05	ܫܦܝܪ ܝܕܥܝܢ ܗܘܘ ܐܫܠܡܘ ܠܗܘܢ ܘܠܐ ܗܘܐ ܠܗܢܘܢ ܕܡܢ ܥܡ̈ܡܐ
1:056.06	ܕܒܛܘܥܝܝ ܗܘܘ܂ ܗܢܘܢ ܕܠܐ ܫܡܝܥ ܗܘܐ ܠܗܘܢ ܐܦ ܠܐ ܫܡܗ ܐܦ ܠܐ
1:056.07	ܡܐܬܝܬܗ܂ 50݁2 ܗܢܘ ܕܝܢ ܗܘ ܢܒܝܐ ܗ݀ܘ ܡܕܡ ܕܠܐ ܡܬܗܝܡܢ ܩܕܡ ܓܠܐ
1:056.08	ܘܒܕܩ ܕܗܘܐ܂ ܘܐܡܪ ܕܢܗܘܐ ܣܒܪܐ ܠܥ̈ܡܡܐ܂ ܗܕܐ ܕܥܡ̈ܡܐ ܢܣܒܪܘܢ
1:056.09	ܒܗ܂ ܘܠܐ ܗܘܐ ܝܗܘ̈ܕܝܐ ܗܢܘܢ ܕܩܒܠܘ ܘܫܡܥܘ܂ 50݁3 ܕܗܝ ܗܕܐ ܗܘ ܗܟܢܐ
1:056.10	ܓܕܫܬ܂ ܟܕ ܓܝܪ ܐܬܐ ܗܢܘܢ ܕܡܢ ܡܫܠܡܢܘܬܐ ܡܣܟܝܢ ܗܘܘ
1:056.11	ܠܗ ܠܐ ܝܕܥܘܗܝ ܘܗܢܘܢ ܕܝܢ ܕܐܦܠܐ ܡܕܡ ܠܓܡܪ ܠܐ ܩܕܡܘ ܫܡܥܘ
1:056.12	ܝܕܥܘܗܝ ܟܕ ܐܬܐ ܘܕܐܙܠ ܡܣܟܝܢ ܠܗ܂ 50݁4 ܘܗܟܢܐ ܟܠܗܝܢ ܗܠܝܢ
1:056.13	ܕܗ݀ܝ ܢܒܝܘܬܐ ܕܠܐ ܡܬܗܝܡܢܐ ܗܘܬ ܚܬܝܬܐܝܬ ܐܫܬܠܡ܂ ܘܗ݂ܘ ܗܘܐ ܣܒܪܐ
1:056.14	ܕܥܡ̈ܡܐ܂ 50݁5 ܛܥܘ ܗܟܝܠ ܝܗܘ̈ܕܝܐ ܥܠ ܡܐܬܝܬܗ ܩܕܡܝܬܐ ܕܡܪܢ
1:056.15	ܘܬܟܬܘܫܐ ܕܐܝܬ ܠܗܘܢ ܥܡܢ܂ ܥܠ ܝܫܘܥ ܗ݂ܘ ܒܠܚܘܕ܂ 50݁6 ܗܕܐ
1:056.16	ܓܝܪ ܕܐܬܐ ܡܫܝܚܐ܂ ܘܐܦ ܗܢܘܢ ܝܕܥܝܢ܂ ܡܣܟܝܢ ܐܢܘܢ ܠܗ ܓܝܪ܂
1:056.17	ܗܕܐ ܕܝܢ ܕܐܬܐ ܠܗ ܒܡܘܟܟܐ ܗ݀ܘ ܕܐܬܩܪܝ ܝܫܘܥ ܠܐ ܝܕܥܘ܂ 50݁7 ܕܗܝ
1:056.18	ܗܕܐ ܝܬܝܪܐܝܬ ܡܚܬܡܐ ܘܡܫܪܪܐ ܕܗܘ ܐܝܬܘܗܝ ܐܝܟ ܡܐ ܕܟܠܗܘܢ ܠܐ
1:056.19	ܡܗܝܡܢܝܢ ܒܗ܂ ܬܟܬܘܫܢ ܗܟܝܠ ܕܠܘܬܗܘܢ ܐܝܬܘܗܝ ܗܢܐ܂ ܕܐܢ ܗܘܝܘ
1:056.20	ܗܢܐ ܗ݀ܘ ܕܐܬܐ ܕܗܐ ܐܦ ܐܬܐ ܠܗ ܐܘ ܐܚܪܢܐ ܗܘ ܕܥܕܟܝܠ ܠܐ ܐܬܐ ܗܢܐ ܗܘ
1:056.21	ܗܟܝܠ ܐܝܬܘܗܝ ܚܕ ܢܒܝܐ܂ ܐܝܟܢܐ ܕܒܙܒܢ ܐܚܪܝܢ ܒܡܠܬܐ ܕܥܠ ܢܒܝܘܬܐ
1:056.22	ܐܫܠܡܬ ܠܟ܂ 51݁1 ܒܪܡ ܕܝܢ ܠܗ ܠܗܢܐ ܚܪܩ ܐܠܗܐ ܠܐܦ̈ܝ ܚܪܬܗ
1:056.23	ܕܥܠܡܐ܂ ܠܐ ܓܝܪ ܡܫܟܚܐ ܗܘܐ ܕܒܝܫ̈ܬܗܘܢ ܕܒ̈ܢܝ ܐܢܫܐ ܢܬܡܪܩܢ
1:056.24	ܘܢܬܫܝܓܢ ܒܝܕ ܐܢܫ ܐܚܪܝܢ ܘܬܬܦܪܩ ܘܬܚܐ ܗܝ ܒܪܝܬܐ܂ ܐܡܪ ܐܢܐ ܕܝܢ
1:056.25	ܥܠ ܕܘܒܪ̈ܐ ܕܒܚܐܪܘܬܐ ܕܪܥܝܢܐ ܕܫܠܝܛ ܒܢܦܫܗ܂ ܟܕ ܗܢܝܢ ܗܠܝܢ
1:056.26	ܢܛܝܪܢ ܗܘܝ܂ 51݁2 ܕܢܡܠܟ ܥܡ ܗܢܘܢ ܙܕܝܩ̈ܐ ܕܡܕܪܟ ܠܗܘܢ ܘܗܢܘܢ
1:056.27	ܕܡܛܠ ܕܫܦܪܘ ܠܗ ܒܟܣܝܘܬܐ ܕܢܩܘܘܢ ܐܫܬܢܝܘ܂ ܡܐ ܕܐܘܪܫܠܡ ܗܝ
1:056.28	ܕܒܫܡܝܐ ܠܙܕܝܩ̈ܐ ܩܒܠܬ܂ ܕܡܢ ܢܘܗܪܐ ܕܫܡܫܐ ܣܓܝ ܢܗܝܪܐ܂
1:056.29	51݁3 ܘܗܝܕܝܢ ܗܝ ܟܐܢܘܬܐ ܣܝܡܐ ܒܪܝܫܐ ܕܗܢܘܢ ܕܥܘܠܐ ܣܥܪܘ ܐܝܟ ܕܫܘܝܢ܂
1:056.30	ܐܝܟܢܐ ܕܐܦ ܗܢܘܢ ܡܕܡ ܙܥܘܪ ܣܒܪܘ ܕܐܝܬܝܗܘܢ ܗܢܘܢ ܚܝ̈ܐ ܕܐܬܝܗܒܘ
1:056.31	ܠܗܘܢ ܘܠܒܝܫܘܬܐ ܐܫܬܚܠܦܘ ܘܠܥܕܢܐ ܕܣܘܥܪܢܐ ܕܟܐܢܘܬܐ ܠܗ ܠܗܢܐ
1:056.32	ܦܘܪܣܐ ܕܥܘܠܐ ܕܢܥܒܕܘܢܝܗܝ ܠܐ ܚܣܘ܂ 51݁4 ܥܠ ܫܪܟܐ ܕܝܢ ܕܗܢܝܢ
1:058.01	ܕܬܡܢ ܗܘܝܢ ܕܢܬܐܡܪ̈ܢ ܠܐ ܡܫܟܚܐ܂ ܘܐܦܠܐ ܠܡܠܐܟ̈ܐ ܘܐܦܠܐ ܠܒ̈ܢܝ ܐܢܫܐ
1:058.02	ܐܠܐ ܒܠܚܘܕ ܕܢܕܥܘܢ ܕܐܠܗܐ ܩܕܡ ܛܒ̈ܐ ܝܬܒ ܡܛܠ ܛܒ̈ܬܐ ܘܠܥܠܡ
1:058.03	ܕܠܐ ܡܣܬܝܟ ܫܦܪ ܠܗܢܘܢ ܕܢܡܘܣܗ ܢܛܪܘ ܘܥܒܕܘ܂ 52݁1 ܘܟܕ ܗܠܝܢ
1:058.04	ܐܡܪ ܐܡܪܬ ܠܗ ܕܐܢ ܡܠܟܘܬܗ ܕܡܫܝܚܐ ܡܩܒܠܝܢ ܡܬܒܣܡܝܢ ܗܢܘܢ
1:058.05	ܙܕܝܩ̈ܐ ܕܠܗܘܢ ܡܕܪܟ ܡܕܝܢ ܗܢܘܢ ܕܩܕܡܘ ܡܝܬܘ ܐܦܝܫܘ ܠܗܘܢ ܡܢܗ݀
1:058.06	ܕܡܠܟܘܬܗ܂ 52݁2 ܘܗܘ ܦܛܪܘܣ ܦܢܝ ܦܬܓܡܐ ܘܐܡܪ܂ ܕܐܓܠܐ ܡܕܡ ܡܢ
1:058.07	ܗ̈ܢܝܢ ܟܣ̈ܝܬܐ ܨܒ݁ܐ ܐܢܬ ܐܘ ܩܠܡܣ܂ ܒܪܡ ܕܝܢ ܥܕܡܐ ܠܐܝܟܐ ܕܫܠܝܛ
1:058.08	ܕܐܓܠܐ ܠܐ ܡܐܢܐ ܠܝ 52݁3 ܕܐ݁ܡܪ܂ ܗܘ݂ ܡܫܝܚܐ ܡܢ ܒܪܫܝܬ ܒܟܠ ܕܪ̈ܝܢ
1:058.09	ܐܝܬܘܗܝ܂ ܘܥܡ ܗܢ݁ܘܢ ܕܨܒܘ ܕܒܕܚܠܬ ܐܠܗܐ ܢܗܘܘܢ ܟܣܝܐܝܬ ܐܝܬܘܗܝ
1:058.10	ܗܘܐ܂ ܘܐܝܟ ܗܘ݁ ܕܪܚܝܩ ܗܘܐ ܡܣܟܝܢ ܗܘܘ ܠܗ܂ 52݁4 ܡܛܠ ܕܗ݀ܢܘܢ
1:058.11	ܕܒܙܒܢܗܘܢ ܡܬܚܙܐ݂ ܝܘܬܪܢܐ ܗ݂ܘ ܠܗܘܢ ܗܢܐ܂ ܕܠܐ ܡܐ ܕܐܫܬܪܝ ܦܓܪܗܘܢ
1:058.12	ܗܝܕܝܢ ܢܩܘܡܘܢ݁ ܐܠܐ ܕܢܩܘܘܢ ܐܝܟ ܕܐܝܬܝܗܘܢ݂ ܐܢ ܙܕܝܩ̈ܐ ܢܫܬܟܚܘܢ܂
1:058.13	52݁5 ܟܠܗܘܢ ܓܝܪ ܗܢ݁ܘܢ ܕܐܡܬܝ ܕܗ݂ܘ ܠܗ ܫܦ݂ܪܘ ܐܝܟ ܬܚܘܝܬܐ ܕܗܘ݁ ܐܢܫ
1:058.14	ܩܕܡܝܐ܂ ܕܡܛܠ ܕܫ݂ܦܪ ܠܗ ܐܫܬܢܝ܂ ܒܕܡܘܬܗ ܗܘ݁ܝܢ ܒܦܪܕܝܣܐ
1:058.15	ܘܠܡܠܟܘܬܗ ܕܛܒܐ ܡܬܢܛܪܝܢ܂ ܗܢ݁ܘܢ ܕܝܢ ܕܡܫܘܚܬܐ ܕܙܕܝܩܘܬܗܘܢ ܠܐ
1:058.16	ܫܠܡܘ݂܂ ܐܝܟ ܗܘ݁ ܕܫܪܟܢܐ ܕܒ̈ܝܫܬܐ ܒܦܓܪ̈ܝܗܘܢ ܐܝܬ ܗܘܐ܂ ܡܫܬܪܝܢ
1:058.17	ܦܓܪ̈ܝܗܘܢ ܘܢܦܫ̈ܬܗܘܢ ܕܝܢ ܡܬܢܛܪ̈ܢ ܒܐܬܪܐ ܡܝܬܪܐ ܒܐܝܩܪܐ ܘܗܟܢܐ
1:058.18	ܒܩܝܡܬܐ ܕܡܝ̈ܬܐ ܠܦܓܪܗܘܢ ܗ݀ܘ ܕܒܫܪܝܗ ܐܬܕܟܝ ܠܒܫ̈ܢ ܠܗ
1:058.19	ܢܦ̈ܫܬܗܘܢ܂ ܘܡܛܠ ܣܘܥܪ̈ܢܐ ܕܥܒܕ̈ܝܗܘܢ ܛܒ̈ܐ ܚ̈ܝܐ ܕܠܥܠܡ
1:058.20	ܝܪܬܝܢ܂ 52݁6 ܕܡܛܠ ܗܕܐ ܛܘܒ̈ܢܐ ܐܢܘܢ݁ ܗܢܘܢ ܕܐܪܥܝܢ ܘܡܩܒܠܝܢ ܠܗ݀
1:058.21	ܠܡܠܟܘܬܗ ܕܡܫܝܚܐ܂ ܕܐܦ ܡܢ ܡܣܡ ܒܪܫܗ ܕܫܝܘܠ ܥܪܩܝܢ
1:058.22	ܘܡܓܗܝܢ ܘܕܠܐ ܚܒܠܐ ܡܩܘܝܢ܂ ܐܝܟܢܐ ܕܐܦ ܗܢܘܢ ܡܢ ܕܚܝܠܘܬܗ ܕܕܝܢܐ
1:058.23	ܐܬܝܐܒܘ ܕܢܥܪܩܘܢ݁ ܘܬܘܒ ܕܝܢ ܐܦ ܠܐܒܐ ܗܢܘܢ ܩܕܡܝܐ ܚܙܝܢ ܘܒܩܕܡ̈ܝܐ
1:058.24	ܗܢܘܢ ܕܐܝܬܝܗܘܢ ܩܕܡ ܐܠܗܐ ܒܛܟܣܐ ܡܬܬܣܝܡܝܢ
1:058.25	53݁1 ܕܡܢ ܗܕܐ ܕܡܛܠ ܕܠܐ ܗܘܬ ܙܥܘܪܝܐ ܒܥܬܐ ܕܥܠ ܡܫܝܚܐ ܗܢܘܢ ܕܠܐ
1:058.26	ܗܝܡܢܘ ܡܢ ܝܗܘ̈ܕܝܐ ܪ̈ܘܪܒܐܝܬ ܫ̈ܢܝܗܘܢ ܥܠܝܢ ܡܚܪܩܝܢ ܗܘܘ܂ ܟܕ
1:058.27	ܡܬܦܠܓܝܢ ܗܘܘ܂ ܕܕܡ ܟܝ ܗܘ ܐܝܬܘܗܝ ܗ݀ܘ ܕܒܗ ܩܕܡܘ ܚܛܘ
1:058.28	ܘܐܣܟܠܘ܂ 53݁2 ܘܬܘܒ ܝܬܝܪܐܝܬ ܗ݂ܝ ܕܚܠܬܐ ܒܗܘܢ ܝܪܒܐ ܗܘܬ ܘܣܓܝܐ
1:058.29	ܗܘܬ܂ ܡܛܠ ܕܒܪ ܫܥܬܗ ܕܗܘ ܕܐܬܩܒܥ ܒܙܩܝܦܐ ܥܡܗ ܚܫ ܟܠ
1:058.30	ܡܕܡ܂ ܘܬܘܒ ܕܟܕ ܦܓܪܗ ܡܬܢܛܪ ܗܘܐ ܠܐ ܐܫܬܟܚ܂ ܘܠܗܝܡܢܘܬܐ
1:058.31	ܕܡܠܬܐ ܕܥܠܘܗܝ ܒܟܠܙܒܢ ܣܓ̈ܝܐܐ ܐܬܝܢ ܗܘܘ܂ 53݁3 ܐܬܐܠܨܘ ܗܟܝܠ
1:058.32	ܗܢܘܢ ܗܢܘܢ ܕܠܐ ܗܝܡܢܘ ܥܡ ܩܝܦܐ ‍<‍ܪܒ‍>‍ ܟܗ̈ܢܐ ܕܝܠܗܘܢ ܕܢܐܬܘܢ ܠܒܥܬܐ
1:058.33	ܕܥܠ ܗ݀ܘ ܕܚܫ܂ 53݁4 ܘܡܛܠ ܗܕܐ ܐܝܟ ܕܩܕܡܬ ܐܡܪܬ ܙܒ̈ܢܬܐ ܣܓ̈ܝܐܬܐ
1:058.34	ܫܕܪܘ ܠܘܬܢ ܘܒܥܘ ܡܢܢ ܐܝܟܐ ܕܢܐܠܦܘܢ ܐܘ ܢܠܦܘܢ ܐܢ ܝܫܘܥ ܐܝܬܘܗܝ