The Comprehensive Aramaic Lexicon

1:060.01	ܡܫܝܚܐ܂ ܘܐܢܚܢܢ ܐܬܚܫܒܢ ܕܠܗܝܟܠܐ ܢܣܩ ܘܩܕܡ ܟܘܠܗ݂ ܥܡܐ
1:060.02	ܥܠܘܗܝ ܕܡܫܝܚܐ ܢܣܗܕ ܠܗܘܢ܂ ܘܒܚܕܐ ܐܦ ܠܣ̈ܓܝܐܐ ܡܢܗܘܢ ܥܠ
1:060.03	ܣܘܪܚܢܐ ܣܓܝܐܐ ܢܟܣ܂ 53݁5 ܠܬܪ̈ܥܝܬܐ ܓܝܪ ܣܓ̈ܝܐܬܐ ܗܘ ܥܡܐ
1:060.04	ܐܬܦܠܓ ܗܘܐ ܕܫܘܪܝܐ ܡܢ ܝܘ̈ܡܝ ܝܘܚܢܢ ܡܥܡܕܢܐ ܢܣܒ܂ 54݁1 ܟܕ ܓܝܪ
1:060.05	ܡܫܝܚܐ ܥܬܝܕ ܗܘܐ ܕܢܬܓܠܐ ܡܛܠ ܒܩܛܠܐ ܕܕܒ̈ܚܐ ܘܡܛܠ ܕܢܓܠܐ
1:060.06	ܘܢܚܘܐ ܡܥܡܘܕܝܬܐ ܗܘ ܐܟܠ ܩܪܨܐ ܕܠܩܘܒܠܐ ܡܢ ܩܕܡ ܚܘܪܩܢܐ ܠܙܒܢܐ
1:060.07	ܝܕܥ ܘܣ̈ܕܩܐ ܘܦ̈ܠܓܘܬܐ ܥܒܕ ܐܝܟܢܐ ܕܐܢ ܗܘ ܚܛܗܐ ܩܕܡܝܐ ܡܬܦܢܝܢܘܬܐ

1:060.08	ܘܬܘܪܨܢܐ ܢܣܒ܂ ܣܘܪܚܢܐ ܕܬܪ̈ܝܢ ܠܦܘܪܩܢܐ ܢܫܟܚ ܕܢܥܟܪ܂ 54݁2 ܩ̈ܕܡܝܐ

1:060.09	ܗܟܝܠ ܕܝܠܗܘܢ ܐܝܬܝܗܘܢ ܗܢܘܢ ܡܬܩܪܝܢ ܙܕܘܩ̈ܝܐ ܕܒܝܘ̈ܡܬܗ ܕܝܘܚܢܢ
1:060.10	ܫܪܝܘ ܕܐܝܟ ܙܕܝܩ̈ܐ ܡܢ ܥܠܡܐ ܢܦܪܫܘܢ ܘܒܩܝܡܬܐ ܕܡܝ̈ܬܐ ܢܟܦܪܘܢ݁܂
1:060.11	ܘܝܘܠܦܢܐ ܕܠܐ ܗܝܡܢܘܬܗܘܢ ܐܝܟ ܡܦܝܣܢܐ ܐܥܠܘ܂ ܕܐܡܪܘ ܕܠܐ ܠܡ ܘܠܐ
1:060.12	ܕܒܐܓܪܐ ܕܛܝܒܘܬܐ ܢܣܓܘܕ ܘܢܕܚܠ ܠܐܠܗܐ܂ 54݁3 ܘܒܗܕܐ ܬܪܥܝܬܐ ܐܝܟ
1:060.13	ܕܐܡܪܬ ܫܪܝ ܕܘܣܝܬܐܘܣ ܘܡܢ ܕܘܣܝܬܐܘܣ ܣܝܡܘܢ ܗܘ ܕܐܦ ܗܘ ܫܪܝ
1:060.14	ܕܦܠܓܘ̈ܬܐ ܒܗ݀ ܒܕܡܘܬܗ ܕܗ݀ܘ ܢܣܥܘܪ܂ 54݁4 ܘܐܚܪ̈ܢܐ ܕܝܢ ܬܘܒ ܕܡܬܩܪܝܢ
1:060.15	ܫܡܪ̈ܝܐ܂ ܕܐܦ ܗܢܘܢ ܟܦܪܝܢ ܒܩܝܡܬܐ ܕܡ̈ܝܬܐ܂ ܘܚܠܦ ܐܘܪܫܠܡ
1:060.16	ܡܕܝܢܬܐ ܩܕܝܫܬܐ ܠܛܘܪܐ ܕܓܪܙܝܡ ܣܓܕܝܢ܂ 54݁5 ܘܠܚܕ ܡܢ ܬܪܝܨܐܝܬ
1:060.17	ܢܒܝܐ ܕܐܬܐ ܡܣܟܝܢ܂ ܕܢܬܩܢ ܘܢܬܪܘܨ ܗܢܝܢ ܕܠܐ ܝܕܝܥܢ ܐܝܟ ܡܐ ܕܡܘܫܐ
1:060.18	ܩܕܡ ܒܕܩ܂ ܕܒܚܪܥܘܬܗ ܕܕܘܣܝܬܐܘܣ ܒܦܠܓܘ̈ܬܐ ܢܦܠܘ܂ ܘܗܟܢܐ
1:060.19	ܐܬܒܛܠܘ ܕܠܐ ܢܬܦܢܘܢ ܒܝܕ ܝܫܘܥ܂ 54݁6 ܘܣܦܪ̈ܐ ܕܝܢ ܘܦܪ̈ܝܫܐ ܂ 54݁7 ܕܡܢ ܝܘܚܢܢ
1:060.20	ܥܡܕܘ܂ ܗܟܢܐ ܐܬܛܦܝܣܘ ܕܡܠܬܐ ܕܫܪܪܐ ܗ݀ܝ ܕܒܕܡܘܬ ܐܩܠܝܕܐ ܕܡܠܟܘܬܐ
1:060.21	ܕܫܡܝܐ ܐܝܬܝܗ݀܂ ܗ݀ܝ ܕܒܝܕ ܡܘܫܐ ܩܒܠܘ ܕܢܛܫܘܢܗ݀܂ 54݁8 ܘܗܢܘܢ ܕܝܢ
1:060.22	ܗܢܘܢ ܬܠܡܝܕܘ̈ܗܝ ܕܟ̈ܝܐ ܕܝܘܚܢܢ ܣܓܝ ܦܠܓܘ ܡܢ ܥܡܐ
1:060.23	ܘܠܡܠܦܢܗܘܢ ܐܝܟ ܕܒܟܣܝܘܬܐ ܐܝܬܘܗܝ ܐܡܪܘ܂ 54݁9 ܕܡܢ ܗܕܐ ܡܛܠ
1:060.24	ܕܟܠܗܝܢ ܗܠܝܢ ܦܠܓܘ̈ܬܐ ܒܥܡܐ ܥܠ ܗܘܝ ܡܥܡܘܕܝܬܗ ܕܡܫܝܚܐ
1:060.25	ܐܬܥܟܪܬ ܗܘܬ ܕܬܬܗܝܡܢ
1:060.26	55݁1 ܡܛܠ ܗܟܝܠ ܕܙܒ̈ܢܬܐ ܣܓܝ̈ܐܬܐ ܗܘ ܪܒ ܟܗ̈ܢܐ ܥܡ ܫܪܟܐ ܕܟܗ̈ܢܐ
1:060.27	ܒܥܐ ܡܢܢ ܕܗܢܝܢ ܕܥܠ ܝܫܘܥ ܐܘ ܢܠܦ ܐܘ ܢܐܠܦ ܒܡܠܟܐ ܕܟܠܗ݀
1:060.28	ܥܕܬܐ ܟܠܗ ܟܢܫܢ ܣܠܩܢܢ ܠܗܝܟܠܐ܂ 55݁2 ܘܩܡܢܢ ܥܠ ܕܪ̈ܓܐ ܥܡ
1:060.29	ܟܠܗ ܟܢܫܢ ܡܗܝܡܢܐ܂ ܘܒܫܬܩܐ ܕܟܠ ܐܢܫ ܒܫܠܝܐ ܣܓܝܐܐ܂ ܠܘܩܕܡ
1:060.30	ܫܪܝ ܗܘܐ ܪܒ ܟܗ̈ܢܐ ܕܢܪܝܚ ܠܥܡܐ ܐܝܟ ܗ݀ܘ ܕܒܪܚܡܬ ܫܪܪܐ ܡܟܝܟܐܝܬ
1:060.31	ܨܒܐ ܗܘܐ ܕܢܒܥܐ܂ ܟܕ ܣܗ̈ܕܐ ܘܕܝܢ̈ܐ ܠܗܘܢ ܓܒܐ ܗܘܐ܂ ܕܒܥܬܐ ܗ݀ܝ
1:060.32	ܕܥܬܝܕܐ݁ ܗܘܬ ܕܬܗܘܐ܂ 55݁3 ܘܒܪܡ ܕܝܢ ܣܓܝ ܨܒܐ ܕܢܫܒܚ ܠܗܢܘܢ
1:062.01	ܕܡܠܬܗܘܢ ܚܠܦ ܫܘܒܩܢܐ ܕܚܛܗ̈ܐ ܡܣܬܒܪܝܢ ܕܥܒܕܝܢ܂ ܘܐܬܥܕܠ
1:062.02	ܕܝܢ ܒܡܥܡܘܕܝܬܐ ܗ݀ܝ ܕܒܝܕ ܝܫܘܥ ܕܝܠܢ ܐܬܝܗܒܬ܂ 55݁4 ܗܢܘ ܕܝܢ
1:062.03	ܥܠܝܗ݀ ܕܗܕܐ ܐܡܪ ܘܐܟܣܗ ܡܬܝ ܕܠܐ ܗܘܐ ܒܠܚܘܕ ܡܢ ܡܠܟܘܬܐ
1:062.04	ܕܫܡܝܐ ܡܣܬܠܐ ܗܘ ܕܠܐ ܥܡܕ ܐܠܐ ܐܦ ܒܩܝܡܬܐ ܕܡܝ̈ܬܐ ܒܩܢܕܝܢܘܣ
1:062.05	ܐܝܬܘܗܝ ܐܦ ܛܒܐ ܒܥܘܡܪܗ ܘܒܪܥܝܢܗ ܟܐܢܐ ܗ݂ܘ ܕܡܢ ܚܝ̈ܐ ܕܠܥܠܡ
1:062.06	ܢܦܝܫ܂ ܐܝܟ ܕܒܢܝܚܐ ܗܢܝܢ ܗܟܝܠ ܐܡܪ ܘܗܠܝܢ ܕܠܗܝܢ ܢܩ̈ܦܢ
1:062.07	ܐܣܗܕ ܘܗܝܕܝܢ ܫܬܩ܂ 56݁1 ܘܒܬܪ ܗܕܐ ܙܕܘܩ̈ܝܐ ܗܢܘܢ ܕܠܐ ܡܗܝܡܢܝܢ
1:062.08	ܒܩܝܡܬܐ ܕܡܝ̈ܬܐ ܟܕ ܫܡܥܘ ܐܬܚܡܬܘ܂ ܘܚܕ ܡܢܗܘܢ ܡܢ ܡܨܥܬܗ
1:062.09	ܕܟܢܫܐ ܩܥܐ ܘܐܡܪ܂ ܕܛܘܥܝܝ ܐܝܬܝܗ݀ ܗܕܐ ܕܢܣܒܪ ܕܡܝ̈ܬܐ ܩܝܡܝܢ
1:062.10	ܐܡܬܝ ܕܗ݂ܘ܂ 56݁2 ܘܠܩܘܒܠܗ ܕܗܢܐ ܐܢܕܪܝܣ ܐܚܝ ܕܝܠܝ ܡܠܠ ܘܚܘܝ
1:062.11	ܕܠܐ ܗܘܐ ܕܛܘܥܝܝ ܐܝܬܝܗ݀ ܗܕܐ ܕܢܗܝܡܢ ܕܩܝܡܝܢ ܡܝ̈ܬܐ܂ ܡܛܠ ܕܗ݀ܘ
1:062.12	ܕܡܢ ܡܘܫܐ ܐܬܩܕܡ ܘܐܬܟܪܙ ܕܐܬܐ ܢܒܝܐ ܕܐܝܬܘܗܝ ܝܫܘܥ ܒܥܠܬܐ ܕܝܠܗ݀
1:062.13	ܕܩܝܡܝܢ ܡܝ̈ܬܐ ܩܕܡ ܚܘܝ܂ 56݁3 ܘܐܢ ܕܝܢ ܠܐ ܡܬܗܝܡܢܐ ܕܗܢܐ ܐܝܬܘܗܝ
1:062.14	ܢܒܝܐ ܕܡܢ ܡܘܫܐ ܐܬܩܕܡ ܐܬܟܪܙ ܕܐܬܐ ܠܘܩܕܡ ܙܕܩ ܗܘܐ ܕܢܒܥܐ ܕܐܢ
1:062.15	ܗܢܐ ܐܝܬܘܗܝ܂ ܘܡܐ ܕܝܕܥܢܐ ܕܗܢܘ ܙܕܩ ܕܕܠܝܠܐܝܬ ܥܠ ܟܠ ܡܕܡ ܡܢ
1:062.16	ܡܠܦܢܘܬܐ ܕܝܠܗ ܢܐ݁ܠܦ܂ ܗܠܝܢ ܗܟܝܠ ܐܡܪ܂ ܘܗܠܝܢ ܕܠܗܝܢ ܢܩ̈ܦܢ
1:062.17	ܐܣܗܕ ܘܗܝܕܝܢ ܫܬܩ܂ 57݁1 ܘܫܡܪܝܐ ܕܝܢ ܚܕ ܗܘ ܕܕܠܩܘܒܠܐ ܕܥܡܐ
1:062.18	ܘܕܐܠܗܐ ܪܢܐ ܘܡܬܚܫܒ ܐܡܪ ܕܠܐ ܡܝ̈ܬܐ ܩܝܡܝܢ܂ ܘܛܘܪܐ ܕܓܪܙܝܡ ܚܠܦ
1:062.19	ܕܘܟܬܐ ܩܕܝܫܬܐ ܕܒܐܘܪܫܠܡ ܒܝܬ ܣܓܕܬܐ ܐܝܬܘܗܝ܂ ܘܐܝܟ ܒܥܠܕܒܒܐ
1:062.20	ܠܘܩܒܠ ܝܫܘܥ ܐܡܪ܂ ܕܠܐ ܗܘܐ ܗܘܝܘ ܗ݀ܘ ܕܡܢ ܡܘܫܐ ܩܕܡ ܐܬܟܪܙ
1:062.21	ܢܒܝܐ ܕܐܬܐ܂ 57݁2 ܘܠܘܩܒܠܗ ܕܗܢܐ ܘܐܚܪܢܐ ܕܥܕܪܗ ܝܥܩܘܒ ܘܝܘܚܢܢ ܒ̈ܢܝ
1:062.22	ܙܒܕܝ ܚܟܝܡܐܝܬ ܡܠܠܘ܂ 57݁3 ܡܛܠ ܓܝܪ ܕܦܘܩܕܢܐ ܐܝܬ ܗܘܐ ܠܗܘܢ
1:062.23	ܕܠܐ ܙܕܩ ܗܘܐ ܠܗܘܢ ܕܠܡܕܝܢܬܗܘܢ ܢܥܠܘܢ ܐܬܦܪܣܘ ܐܝܟܢܐ ܕܐܦܠܐ
1:062.24	ܢܡܠܠܘܢ ܥܡ ܗܢܘܢ ܕܟܠܝܢ ܗܘܘ ܕܢܡܠܠܘܢ ܥܡܗܘܢ܂ ܘܠܐ ܬܘܒ ܢܫܬܩܘܢ
1:062.25	ܘܢܣܬܒܪܘܢ ܕܐܙܕܟܝܘ܂ ܘܗܝܡܢܘܬܐ ܬܩܢܬܐ ܕܣܓ̈ܝܐܐ ܢܣܓܦܘܢ܂ ܚܟܝܡܐܝܬ
1:062.26	ܗܟܝܠ ܒܝܕ ܡܢ ܫܬܩܐ ܡܠܠܘ ܥܡܗܘܢ܂ 57݁4 ܡܛܠ ܓܝܪ ܕܗܕܐ ܪܚܝܡܐ
1:062.27	ܗܘܬ ܕܢܗܝܡܢܘܢ ܕܩܝܡܝܢ ܡܝ̈ܬܐ ܘܕܘܟܬܐ ܩܕܝܫܬܐ ܕܐܘܪܫܠܡ ܗ݂ܝ ܕܬܬܝܩܪ܂
1:062.28	ܗ݂ܘ ܝܥܩܘܒ ܐܬܥܕܠ ܒܗܘܢ ܕܒܝܫܐܝܬ ܪܢܝܢ ܕܠܐ ܡܗܝܡܢܝܢ ܕܩܝܡܝܢ
1:062.29	ܡܝ̈ܬܐ܂ ܐܚܘܗܝ ܕܝܢ ܕܗܢܐ ܕܡܣܟܠܝܢ ܒܗܝ ܕܩܫܝܐ ܡܢܗ ܚܘܝ܂
1:062.30	ܕܠܛܘܪܐ ܕܓܪܙܝܡ ܡܫܒܚܝܢ܂ ܘܕܘܟܬܐ ܩܕܝܫܬܐ ܕܐܘܪܫܠܡ ܡܨܥܪܝܢ܂
1:062.31	ܘܒܬܪ ܗܠܝܢ ܒܪܫܥܬܗ ܐܝܬܝ܂ ܕܐܠܘ ܝܕܥܘ ܠܝܫܘܥ ܡܛܠ ܝܘܠܦܢܗ
1:062.32	ܢܩܦܐܝܬ ܐܦ ܒܩܝܡܬܐ ܕܡܝ̈ܬܐ ܡܗܝܡܢܝܢ ܗܘܘ܂ ܘܠܐܬܪܐ ܕܐܘܪܫܠܡ
1:062.33	ܡܫܟܚܝܢ ܗܘܘ܂ 57݁5 ܕܡܛܠ ܗܕܐ ܐܡܪ܂ ܕܐܠܨܐ ܗ݂ܝ ܕܩܕܡ ܟܠ ܡܕܡ
1:064.01	ܢܕܥ܂ ܐܢ ܗܢܐ ܐܝܬܘܗܝ ܗ݀ܘ ܕܐܬܘ̈ܬܐ ܘܬܕܡܪ̈ܬܐ ܥܒܕ ܐܝܟ ܡܘܫܐ ܗܘ ܕܡܢ
1:064.02	ܡܘܫܐ ܩܕܡ ܐܬܟܪܙ ܢܒܝܐ ܕܐܬܐ܂ ܗܢܝܢ ܗܟܝܠ ܐܡܪܘ ܘܗܢܝܢ ܕܠܗܝܢ
1:064.03	ܢܩ̈ܦܢ ܐܣܗܕܘ ܘܗܝܕܝܢ ܫܬܩܘ܂ 58݁1 ܘܐܢܫ ܕܝܢ ܡܢ ܣܦܪ̈ܐ ܡܢ ܡܨܥܬ
1:064.04	ܥܡܐ ܩܥܐ ܘܐܡܪ ܕܝܫܘܥ ܕܝܠܟܘܢ ܐܬܘ̈ܬܐ ܘܬܕܡܪ̈ܬܐ ܥܒܕ ܐܝܟ ܚܪܫܐ
1:064.05	ܘܠܐ ܗܘܐ ܐܝܟ ܢܒܝܐ܂ 58݁2 ܘܠܩܘܒܠܗ ܕܗܢܐ ܦܝܠܝܦܘܣ ܡܠܠ܂ ܘܐܡܪ
1:064.06	ܕܐܦ ܠܡܘܫܐ ܒܗܕܐ ܡܠܬܐ ܡܩܛܪܓ ܐܢܬ܂ 58݁3 ܡܛܠ ܕܐܦ ܗܘ ܐܬܘ̈ܬܐ
1:064.07	ܘܬܕܡܪ̈ܬܐ ܥܒܕ ܒܡܨܪܝܢ ܒܗܘ݁ ܐܣܟܡܐ ܕܐܦ ܝܫܘܥ ܥܒܕ ܗܪܟܐ܂ ܗܢܝܢ
1:064.08	ܕܝܢ ܐܡܪ ܡܛܠ ܕܢܬܒܝܢ܂ ܕܗ݀ܘ ܡܕܡ ܕܐܡܪ ܥܠ ܝܫܘܥ ܗ݂ܘ ܗܢܐ ܐܦ
1:064.09	ܥܠ ܡܘܫܐ ܡܫܟܚܐ ܕܢܬܐܡܪ܂ ܗܠܝܢ ܗܟܝܠ ܐܡܪ ܘܗܠܝܢ ܕܠܗܝܢ
1:064.10	ܢܩ̈ܦܢ ܐܣܗܕ ܘܗܝܕܝܢ ܫܬܩ܂ 59݁1 ܘܐܢܫ ܕܝܢ ܡܢ ܦܪ̈ܝܫܐ ܟܕ ܫܡܥ
1:064.11	ܗܠܝܢ܂ ܐܬܥܕܠ ܒܦܝܠܝܦܘܣ ܕܐܡܪ ܥܠ ܝܫܘܥ ܕܫܘܐ ܗ݂ܘ ܥܡ
1:064.12	ܡܘܫܐ܂ 59݁2 ܘܠܩܒܘܠܗ ܕܗܢܐ ܒܪ ܬܘܠܡܝ ܡܠܠ ܘܚܘܝ ܕܠܐ ܗܘܐ ܕܫܘܐ
1:064.13	ܥܡ ܡܘܫܐ ܐܡܪܝܢ ܐܢܚܢܢ܂ ܐܠܐ ܕܪܒ ܗ݂ܘ ܡܢ ܡܘܫܐ܂ 59݁3 ܡܛܠ ܕܡܘܫܐ
1:064.14	ܢܒܝܐ ܐܝܬܘܗܝ ܗܘܐ ܗ݀ܘ ܡܕܡ ܕܐܝܬܘܗܝ ܐܦ ܝܫܘܥ܂ ܗ݀ܘ ܕܝܢ ܡܕܡ
1:064.15	ܕܐܝܬܘܗܝ ܝܫܘܥ ܡܫܝܚܐ ܡܘܫܐ ܠܐ ܐܝܬܘܗܝ܂ ܗܟܢܐ ܗܟܝܠ ܗ݀ܘ ܡܕܡ
1:064.16	ܕܐܝܬܘܗܝ ܡܘܫܐ ܐܝܬܘܗܝ ܐܦ ܝܫܘܥ܂ ܗ݀ܘ ܕܝܢ ܡܕܡ ܕܐܝܬܘܗܝ ܝܫܘܥ
1:064.17	ܠܐ ܐܝܬܘܗܝ ܗܘܐ ܡܘܫܐ܂ ܗܢܝܢ ܗܟܝܠ ܐܡܪ ܘܗܠܝܢ ܕܠܗܝܢ
1:064.18	ܢܩ̈ܦܢ ܐܣܗܕ ܘܗܝܕܝܢ ܫܬܩ܂ 59݁4 ܘܡܢ ܒܬܪ ܗܢܐ ܝܥܩܘܒ ܒܪ ܚܠܦܝ
1:064.19	ܡܠܠ ܘܐܦܝܣ܂ ܕܠܐ ܘܠܐ ܕܢܗܝܡܢ ܠܝܫܘܥ܂ ܐܢ ܢܒ̈ܝܐ ܐܢܘܢ ܗܢܘܢ ܕܩܕܡܘ
1:064.20	ܐܡܪܘ ܥܠܘܗܝ܂ ܐܠܐ ܠܗܘܢ ܕܢܒܝ̈ܐ ܐܝܬܝܗܘܢ܂ ܐܢ ܗ݂ܘ ܕܗ݂ܘ
1:064.21	ܡܫܝܚܐ ܢܣܗܕ ܥܠܝܗܘܢ܂ 59݁6 ܠܐ ܓܝܪ ܙܕܩ ܕܒܣܗܕܘܬܐ ܕܒܨܝܪ̈ܐ ܢܣܒ
1:064.22	ܗܝܡܢܘܬܐ ܥܠ ܪܒܐ ܘܡܝܬܪܐ܂ ܐܠܐ ܒܣܗܕܘܬܐ ܕܪܒܐ ܘܡܝܬܪܐ ܢܕܥ
1:064.23	ܠܒܨܝܪ̈ܐ܂ ܒܪܡ ܕܝܢ ܗܠܝܢ ܐܡܪ ܘܗܠܝܢ ܕܠܗܝܢ ܢܩ̈ܦܢ ܐܣܗܕ
1:064.24	ܘܗܝܕܝܢ ܫܬܩ܂ 59݁7 ܘܡܢ ܒܬܪ ܗܢܐ ܠܒܝ ܒܣ̈ܓܝܐܬܐ ܒܥܡܐ ܐܬܥܕܠ܂
1:064.25	ܕܠܐ ܗܝܡܢܘ ܒܝܫܘܥ ܗ݀ܘ ܕܒܟܘܠ ܡܕܡ ܥܕܪ ܐܢܘܢ݁ ܒܡܪܬܝܢܘܬܗ
1:064.26	ܘܒܐܣܝܘܬܗ ܘܒܒܘ̈ܝܐܘܗܝ܂ ܘܥܡ ܗܢܝܢ ܘܐܦ ܩܛܠܘܗܝ ܘܣܢܝܢ
1:064.27	ܠܗ܂ ܠܗ݀ܘ ܕܒܟܠܗܝܢ ܡܥܕܪܢܗܘܢ ܘܥܒܕ ܛܒ̈ܬܗܘܢ ܗܘܐ܂ ܗܢܝܢ ܗܟܝܠ
1:064.28	ܐܡܪ ܘܗܠܝܢ ܕܠܗܝܢ ܢܩ̈ܦܢ ܐ݂ܣܗܕ ܘܗܝܕܝܢ ܫܬܩ܂ 60݁1 ܘܩܪܒ ܚܕ ܡܢ
1:064.29	ܬܠܡ̈ܝܕܘܗܝ ܕܝܘܚܢܢ ܘܥܠ ܝܘܚܢܢ ܡܫܬܒܗܪ ܗܘܐ܂ ܕܗ݂ܘ ܐܝܬܘܗܝ
1:064.30	ܡܫܝܚܐ ܘܠܐ ܗܘܐ ܝܫܘܥ܂ ܐܝܟܢܐ ܠܡ ܕܐܦ ܗܘ ܝܫܘܥ ܐܡܪ ܥܠܘܗܝ
1:064.31	ܕܪܒ ܗܘ ܡܢ ܢܒ̈ܝܐ ܗܢܘܢ ܕܡܡܬܘܡ ܗܘܘ܂ 60݁2 ܐܢ ܗܟܝܠ ܠܡ ܡܢ
1:064.32	ܡܘܫܐ ܪܒ ܗܘ ܓܠܝܐ ܗܝ ܕܐܦ ܡܢ ܝܫܘܥ܂ ܡܛܠ ܕܐܝܟ ܡܘܫܐ ܗ݂ܘ
1:064.33	ܩܡ ܝܫܘܥ܂ ܘܗܕܐ ܠܡ ܘܠܝܐ ܕܗ݂ܘ ܝܘܚܢܢ ܕܡܢ ܗܠܝܢ ܪܒ ܗܘ
1:066.01	ܐܝܬܘܗܝ ܡܫܝܚܐ܂ 60݁3 ܘܠܩܒܘܒܠܗ ܕܗܢܐ ܫܡܥܘܢ ܩܢܢܝܐ ܐܦܝܣ ܕܝܘܚܢܢ
1:066.02	ܪܒ ܗܘܐ ܡܢ ܢܒ̈ܝܐ݂ ܗܢܘܢ ܕܐܝܬܝܗܘܢ ܒܝ̈ܠܝܕܝ ܢܫ̈ܐ܂ ܘܠܐ ܗܘܐ ܡܢ ܗ݀ܘ
1:066.03	ܕܒܪܗ ܗܘ ܕܐܢܫܐ݂܂ 60݁4 ܕܡܛܠ ܗܕܐ ܗ݂ܘ ܝܫܘܥ ܐܦ ܡܫܝܚܐ ܐܝܬܘܗܝ܂
1:066.04	ܘܗ݀ܘ ܕܝܢ ܢܒܝܐ ܗܘܐ ܒܠܚܘܕ܂ ܗܢܐ ܕܝܢ ܟܠܗ ܪ̈ܚܝܩܢ ܗܢܝܢ ܕܝܫܘܥ
1:066.05	ܕܢܬܦܚ̈ܡܢ ܥܡ ܗܢܝܢ ܕܝܘܚܢܢ܂ ܐܝܟ ܡܐ ܕܪܚܝܩ ܗ݀ܘ ܕܡܫܬܕܪ ܘܡܩܕܡ
1:066.06	ܪܗܛ ܡܢ ܗ݀ܘ ܕܡܫܕܪ ܠܗ ܕܩܕܡܘܗܝ ܢܪܗܛ܂ ܘܗ݀ܘ ܕܦܠܚ ܥܒܕܘܬܐ
1:066.07	ܕܢܡܘܣܐ ܡܢ ܗ݀ܘ ܕܗ݂ܘ ܣܡܗ ܠܢܡܘܣܐ܂ ܗܢܝܢ ܗܟܝܠ ܐܡܪ ܘܗܢܝܢ
1:066.08	ܕܠܗܝܢ ܢܩ̈ܦܢ ܐܣܗܕ ܘܗܝܕܝܢ ܫܬܩ܂ 60݁5 ܘܡܢ ܒܬܪ ܗܢܐ ܒܪ ܐܒܐ܂ ܗ݀ܘ
1:066.09	ܕܚܠܦ ܝܗܘܕܐ ܡܫܠܡܢܐ ܫܠܝܚܐ ܗܘܐ ܠܗ ܠܥܡܐ݂ ܡܠܟ ܗܘܐ ܕܠܝܫܘܥ
1:066.10	ܠܐ ܢܣܢܘܢܝܗܝ ܘܐܦܠܐ ܢܨܥܪܘܢܝܗܝ 60݁6 ܡܛܠ ܕܗܕܐ ܡܝܬܪܐ ܠܗ݀ܘ ܡܢ
1:066.11	ܕܠܐ ܝܕܥܗ ܠܝܫܘܥ ܕܡܫܝܚܐ ܗܘ ܕܠܐ ܢܣܢܝܘܗܝ ܐܠܗܐ ܓܝܪ ܐܓܪܐ
1:066.12	ܥܠ ܚܘܒܐ ܗ݂ܘ ܚܪܩ܂ ܘܠܐ ܗܘܐ ܥܠ ܣܢܐܬܐ܂ 60݁7 ܘܗ݂ܝ ܕܝܢ ܗܕܐ ܕܦܓܪܐ
1:066.13	ܡܢ ܒܝܬ ܝܗ̈ܘܕܝܐ ܢܣܒ ܘܗܘܐ ܝܗܘܕܝܐ܂ ܠܐ ܙܥܘܪ ܐܒܕܢܐ ܡܝܬܐ ܐܠܗܐ
1:066.14	ܥܠ ܗܘ ܕܣܢܐ ܠܗ܂ ܗܢܝܢ ܗܟܝܠ ܐܡܪ ܘܗܠܝܢ ܕܠܗܝܢ ܢܩ̈ܦܢ
1:066.15	ܐܣܗܕ ܘܗܝܕܝܢ ܫܬܩ܂ 61݁1 ܡܢ ܒܬܪ ܗܟܝܠ ܡܠܟܗ ܕܒܪ ܐܒܐ܂ ܗܘ ܩܝܦܐ
1:066.16	ܒܝܘܠܦܢܗ ܕܝܫܘܥ ܡܬܥܕܠ ܗܘܐ܂ ܡܛܠ ܗܕܐ ܕܨܒ̈ܘܬܐ ܠܡ ܣܦܝܩ̈ܬܐ
1:066.17	ܒܡܐܬܝܗ ܡܠܠ 61݁2 ܕܝܗܒ ܛܘܒܐ ܠܡܣ̈ܟܢܐ݂ ܘܡܘܗܒ̈ܬܐ ܠܡ ܐܪ̈ܥܢܝܬܐ܂
1:066.18	ܐܫܬܘܕܝ ܕܗܟܢܐ ܕܗܢܘܢ ܡܝܬܪܐ ܠܡ ܐܪܥܐ ܢܐܪܬܘܢ ܘܒܡ̈ܐܟܠܬܐ ܘܒܡܫܬܝܐ
1:066.19	ܢܣܬܒܥܘܢ ܘܗܢܝܢ ܕܠܗܝܢ ܕܡ̈ܝܢ܂ 61݁3 ܘܠܩܘܒܠܗ ܕܗܢܐ ܡܠܠ ܬܐܘܡܐ
1:066.20	ܘܚܘܝ ܕܥܘܠܐܝܬ ܡܬܚܡܬ ܥܠ ܝܫܘܥ ܘܐܘܕܥ ܕܐܦ ܢܒ̈ܝܐ ܗܢܘܢ ܕܩܕܡ
1:066.21	ܗܝܡܢ ܐܢܘܢ݁ ܗܢܘܢ ܕܕܡܝܢ ܠܗܘܢ ܐܡܪܘ ܐܠܐ ܠܐ ܐܘܕܥܘ ܕܐܝܟܢܐ ܡܫܟܚܐ
1:066.22	ܕܗܢܝܢ ܗܢܝܢ ܢܩܒܠܘܢ ܒ̈ܢܝ ܐܢܫܐ܂ ܗܘ ܕܝܢ ܐܦ ܚܘܝ ܘܓܠܐ ܕܐܝܟܢܐ
1:066.23	ܡܩܒܠܝܢ ܠܗܝܢ܂ ܒܪܡ ܕܝܢ ܗܢܝܢ ܐܡܪ ܘܗܢܝܢ ܕܐܟܘܬܗܝܢ ܐܣܗܕ
1:066.24	ܘܗܝܕܝܢ ܫܬܩ܂ 62݁1 ܡܢ ܒܬܪܗ ܕܗܢܐ ܚܪ ܒܝ ܗܘ ܩܝܦܐ ܘܡܢܗܝܢ ܐܝܟ
1:066.25	ܡܠܟ ܠܝ܂ ܘܡܢܗܝܢ ܐܝܟ ܡܬܥܕܠ ܒܝ܂ ܘܐܡܪ ܕܫܬܘܩ ܕܠܐ ܬܟܪܙ ܥܠ
1:066.26	ܝܫܘܥ ܕܡܫܝܚܐ ܗ݂ܘ ܡܛܠ ܠܡ ܕܐܒܕܢܐ ܥܠ ܢܦܫܟ ܡܝܬܐ ܐܢܬ܂
1:066.27	ܕܛܥܝܬ ܐܢܬ ܒܬܪܗ܂ ܘܠܐܚܪ̈ܢܐ ܡܛܥܐ ܐܢܬ܂ 62݁2 ܘܡܬܥܕܠ ܗܘܐ ܕܝܢ ܬܘܒ
1:066.28	ܒܝ ܐܝܟ ܕܡܣܪܗܒܐ܂ ܕܟܕ ܗܕܝܘܛܐ ܠܡ ܐܝܬܝܟ ܘܒܐܘܡܢܘܬܟ ܨܝܕܐ
1:066.29	ܐܢܬ ܐܫܟܚܬ ܕܡܠܦܢܐ ܬܗܘܐ܂ 62݁3 ܘܟܕ ܗܢܝܢ ܐܡܪ ܘܐܝܠܝܢ ܕܠܗܢܝܢ
1:066.30	ܕܡ̈ܝܢ܂ ܐܦ ܐܢܐ ܡ̈ܠܐ ܕܐܝܟ ܗܢ݁ܝܢ ܐܡܪܬ ܠܗ܂ ܕܠܝ ܕܝܠܝ ܩܢܕܝܢܘܣ ܗ݂ܘ
1:066.31	ܠܝ ܙܥܘܪܐ܂ ܐܢ ܐܝܟ ܕܐܡܪ ܐܢܬ܂ ܕܗܢܐ ܠܐ ܐܝܬܘܗܝ ܡܫܝܚܐ܂ ܡܠܦܢܐ
1:066.32	ܓܝܪ ܕܢܡܘܣܐ ܩܒܠܬܗ܂ ܠܟ ܕܝܢ ܕܝܠܟ ܩܢܕܝܢܘܣ ܗ݂ܘ ܠܟ ܪܒܐ
1:068.01	ܕܠܐ ܙܥܘܪ܂ ܐܢ ܢܗܘܐ ܕܗܘܝܘ ܡܫܝܚܐ܂ ܗܝ ܕܐܝܢ ܒܫܪܪܐ ܗܘܝܘ
1:068.02	ܐܝܬܘܗܝ܂ 62݁4 ܐܢܐ ܓܝܪ ܗܝܡܢܬ ܒܗܢܐ ܕܐܬܚܙܝ ܘܐܬܓܠܝ܂ ܐܢܬ ܕܝܢ ܠܐܚܪܢܐ
1:068.03	ܐܝܢܐ ܕܠܐ ܝܕܝܥ ܗܝܡܢܘܬܟ ܡܣܒܪ ܐܢܬ ܕܢܛܪ ܐܢܬ܂ 62݁5 ܘܐܢ ܕܝܢ ܐܝܟ ܗܕܐ
1:068.04	ܕܐܡܪܬ ܕܗܕܝܘܛܐ ܐܢܐ ܘܠܐ ܝܕܘܥܐ ܘܨܝܕܐ ܘܝܬܝܪ ܡܢ ܣܒ̈ܐ ܚܟܝ̈ܡܐ
1:068.05	ܡܫܬܘܕܐ ܐܢܐ ܕܝܕܥ ܐܢܐ܂ ܐܡܪܬ ܠܗ܂ ܕܗܝ ܗܕܐ ܝܬܝܪܐܝܬ ܘܠܐ ܕܬܕܚܠܟ܂
1:068.06	62݁6 ܐܠܘ ܓܝܪ ܡܢ ܡܪܕܘܬܐ ܢܦܩܢܢ ܘܡܟܣܝܢ ܗܘܝܢ ܠܟܘܢ ܠܚܟܝܡ̈ܐ܂
1:068.07	ܥܒܕܐ ܗܘ ܗܢܐ ܕܙܒܢܐ ܕܚܦܝܛܘܬܐ ܕܠܟܝܢܐ ܡܬܬܚܝܒ ܗܘܐ ܘܠܐ ܗܘܐ
1:068.08	ܠܚܝܠܐ ܕܐܠܗܐ܂ 62݁7 ܡܛܠ ܕܝܢ ܕܐ̈ܢܫܐ ܐܢܚܢܢ ܕܠܐ ܪܕܝܢ ܐܢܚܢܢ ܘܠܟܘܢ
1:068.09	ܠܚܟ̈ܝܡܐ ܒܡܟܣܢܘܬܢ ܙܟܝܢ ܐܢܚܢܢ܂ ܡܢܘ ܗܢܐ ܕܐܝܬ ܒܗ ܪܥܝܢܐ ܕܠܐ
1:068.10	ܓܠܝܐ ܗ݂ܝ ܠܗ܂ ܕܠܐ ܗܘܐ ܕܒ̈ܢܝ ܐܢܫܐ ܗ݂ܝ ܗܕܐ ܨܒܘܬܐ ܕܝܠܢ܂ ܐܠܐ
1:068.11	ܕܐܠܗܐ ܗ݂ܘ ܗܢܐ ܨܒܝܢܐ ܕܗ݀ܘ ܕܟܠܡܕܡ ܡܫܟܚ܂ ܒܪܡ ܕܝܢ ܐܢܐ ܗܢܝܢ
1:068.12	ܐܡܪܬ ܠܗ ܘܗܢܝܢ ܕܠܗܝܢ ܢ̈ܩܦܢ܂ 63݁1 ܘܐܢܚܢܢ ܗܟܝܠ ܗܕܝܘ̈ܛܐ ܘܨܝ̈ܕܐ
1:068.13	ܐܣܗܕܢ ܠܘܩܒܠ ܟܗ̈ܢܐ ܥܠ ܐܠܗܐ ܗ݀ܘ ܕܗܘܝܘ ܒܠܚܘܕܘ݁ܗܝ ܒܫܡ̈ܝܐ܂
1:068.14	ܘܠܘܩܒܠ ܙܕܘܩ̈ܝܐ ܥܠ ܩܝܡܬܐ ܕܡܝ̈ܬܐ܂ ܘܠܘܩܒܠ ܫܡܪ̈ܝܐ ܥܠ
1:068.15	ܐܘܪܫܠܡ ܒܫܪܪܐ ܟܕ ܠܐ ܗܘܐ ܠܡܕܝܢܬܗܘܢ ܥܠܢܢ ܐܠܐ ܠܒܪ ܒܓܠܝܐ
1:068.16	ܡܠܠܢ܂ ܘܠܘܩܒܠ ܣܦܪ̈ܐ ܘܦܪ̈ܝܫܐ ܥܠ ܡܠܟܘܬܐ ܕܫܡ̈ܝܐ܂ ܘܠܘܩܒܠ
1:068.17	ܬܠܡ̈ܝܕܘܗܝ ܕܝܘܚܢܢ ܕܠܐ ܢܬܟܫܠܘܢ ܒܗ܂ ܗܢܘ ܕܝܢ ܠܘܩܒܠ ܟܠܗܘܢ
1:068.18	ܐܡܪܢ݁ ܕܝܫܘܥ ܐܝܬܘܗܝ ܡܫܝܚܐ ܕܡܢ ܥܠܡ܂ 63݁2 ܘܠܚܪܬܐ ܕܝܢ ܡܠܟܬ
1:068.19	ܐܢܘܢ܂ ܕܡܢ ܩܕܡ ܕܠܥܡ̈ܡܐ ܢܦܘܩ ܕܢܟܪܙ ܝܕܥܬܐ ܕܐܠܗܐ ܕܥܠ ܟܠ܂
1:068.20	ܗܢܘܢ ܠܘܩܕܡ ܢܪܥܘܢ ܥܡܐ ܕܝܠܗܘܢ ܠܐܠܗܐ ܒܗܝ ܕܡܩܒܠܝܢ
1:068.21	ܠܝܫܘܥ܂ 63݁3 ܘܐܡܪܬ ܠܗܘܢ ܕܗܟܢܐ ܓܝܪ ܡܫܟܚܝܢ ܐܢܬܘܢ ܡܐ
1:068.22	ܕܝܕܥܬܘܢܝܗܝ ܠܝܫܘܥ ܕܬܩܒܠܘܢ ܪܘܚܐ ܕܩܘܕܫܐ ܒܡܥܡܘܕܝܬܐ ܕܫܘܡܗܐ
1:068.23	ܕܬܠܬܝܘܬܐ ܫܒܝܚܬܐ ܗ݀ܝ ܕܗ݂ܝ ܫܪܪܐ܂ 63݁4 ܘܬܘܕܝܬܐ ܬܥܒܕܘܢ݁ ܘܒܠܚܘܕ
1:068.24	ܠܗ ܠܐܠܗܐ ܥܠ ܗܢܝܢ ܕܐܠܦ ܬܗܝܡܢܘܢ݁ ܘܗܟܢܐ ܦܘܪܩܢܐ ܘܚ̈ܝܐ
1:068.25	ܕܠܥܠܡ ܬܩܒܠܘܢ܂ ܐܚܪܢܝܐܝܬ ܓܝܪ ܠܐ ܡܫܟܚܐ܂ ܐܦܢ ܪ̈ܒܘܬܐ ܕܥ̈ܠܘܬܐ
1:068.26	ܠܗ ܬܣܩܘܢ܂ 64݁1 ܗܟܢܐ ܓܝܪ ܐܢܚܢܢ ܝܕܥܝܢ ܐܢܚܢܢ ܕܝܬܝܪܐܝܬ ܥܠ
1:068.27	ܕܡܕܒܚܝܢ ܐܢܬܘܢ ܪܓܙ܂ ܡܢ ܒܬܪ ܫܘܠܡܗ ܕܙܒܢܐ ܕܕܒ̈ܚܐ܂ 64݁2 ܕܡܛܠ
1:068.28	ܗܕܐ ܐܦ ܗ݂ܘ ܗܝܟܠܐ ܡܬܥܩܪ ܘܛܢܦܘܬܐ ܕܚܘܪܒܐ ܒܗ ܒܐܬܪܐ ܩܕܝܫܐ
1:068.29	ܣܝܡܝܢ܂ ܘܗܝܕܝܢ ܣܒܪܬܐ ܠܥܡ̈ܡܐ ܠܣܗܕܘܬܐ ܡܫܬܪܪܐ ܡܛܠ ܐܣܝܘܬܐ
1:068.30	ܕܦܠܓ̈ܘܬܐ ܗܢܝܢ ܕܗܘܝܢ ܐܝܟܢܐ ܕܐܦ ܕܝܠܟܘܢ ܦܘܪܫܢܟܘܢ ܢܗܘܐ܂
1:068.31	64݁3 ܟܕ ܟܠܗ ܓܝܪ ܥܠܡܐ ܒܕܪ̈ܝܢ ܕܪ̈ܝܢ ܟܪܝܗ ܗܘܐ ܒܨܒܝܢܐ ܒܝܫܐ ܐܘ
1:068.32	ܟܣܝܐܝܬ ܐܘ ܓܠܝܐܝܬ܂ ܒܪܡ ܕܝܢ ܐܣܝܐ ܗ݀ܘ ܕܐܝܟ ܟܡܐ ܕܡܬܒܥܐ ܗܘܐ