The Comprehensive Aramaic Lexicon

1:070.01	ܠܣܘܥܪܢܐ ܕܚܘܠܡܢܗ ܐܝܬ ܗܘܐ ܠܗ܂ 64݁4 ܗܐ ܗܟܝܠ ܐܣܗܕܢ ܐܢܚܢܢ
1:070.02	ܠܐܢܫ ܐܢܫ ܡܢܟܘܢ ܥܠ ܡܕܡ ܕܚܣܝܪ ܗܘܐ ܠܗ܂ ܕܝܠܟܘܢ ܗܝ ܡܟܝܠ
1:070.03	ܕܬܒܚܪܘܢ ܗ݀ܘ ܡܕܡ ܕܥܕܪ ܠܟܘܢ ܘܬܣܥܪܘܢ܂ 65݁1 ܘܟܕ ܗܢܝܢ ܐܢܐ ܐܡܪܬ
1:070.04	ܟܠܗ ܟܢܫܗܘܢ ܕܟܗ̈ܢܐ ܐܝܠܠ ܥܠ ܗܕܐ܂ ܕܓܠܝܐܝܬ ܐܡܪܬ ܥܠ
1:070.05	ܥܩܘܪ̈ܝܗ ܕܗܝܟܠܐ܂ 65݁2 ܘܟܕ ܕܝܢ ܐܬܒܝܢ ܓܡܠܝܐܝܠ ܪܝܫ ܥܡܐ ܗ݀ܘ
1:070.06	ܕܡܛܠ ܥܘܕܪܢܐ ܟܣܝܐܝܬ ܐܚܘܢ ܐܝܬܘܗܝ ܗܘܐ ܒܡܠܬܐ ܕܥܠ ܗܝܡܢܘܬܐ
1:070.07	ܕܣܓܝ ܡܚܪܩܝܢ ܫ̈ܢܝܗܘܢ ܒܚܡܬܐ ܣܓܝܐܬܐ ܕܡܠܝܢ ܥܠܝܢ܂ ܐܡܪ
1:070.08	ܗܠܝܢ 65݁3 ܕܫܠܘ ܘܫܬܘܩܘ ܠܟܘܢ ܐܘ ܐܢܫܐ ܒ̈ܢܝ ܐܝܣܪܝܠ܂ ܠܐ ܓܝܪ
1:070.09	ܝܕܥܝܢ ܐܢܚܢܢ ܡܢܘ ܗܢܐ ܢܣܝܘܢܐ ܕܩܐܡ ܥܠܝܢ܂ ܕܡܛܠ ܕܗܕܐ ܐܪܦܘ
1:070.10	ܐܢܘܢ ܠܗܠܝܢ ܐܢ̈ܫܐ܂ ܘܐܢ ܕܒ̈ܢܝ ܐܢܫܐ ܗܝ ܗܕܐ ܨܒܘܬܐ܂ ܒܛܠܐ܂ ܐܢ ܕܝܢ
1:070.11	ܡܢ ܐܠܗܐ ܗܝ܂ ܠܡܢܐ ܐܢܬܘܢ ܣܪܝܩܐܝܬ ܚܛܝܢ ܐܢܬܘܢ݁ ܟܕ ܡܕܡ ܠܐ
1:070.12	ܡܫܟܚܝܢ ܐܢܬܘܢ ܕܬܣܥܪܘܢ݁܂ ܨܒܝܢܗ ܓܝܪ ܕܐܠܗܐ ܐܡܝܢܐܝܬ ܠܟܠܡܕܡ
1:070.13	ܙܕܩ ܕܢܙܟܐ݂܂ 65݁4 ܘܗܫܐ ܡܛܠ ܕܝܘܡܐ ܕܝܘܡܢܐ ܥܒܪ ܠܗ ܠܡܚܪ ܨܒܐ
1:070.14	ܐܢܐ ܕܬܢܢ ܩܕܡܝܟܘܢ ܥܡܗܘܢ ܐܡܠܠ ܐܝܟܢܐ ܕܠܡܠܬܗܘܢ ܕܛܘܥܝܝ
1:070.15	ܐܟܣ܂ 65݁5 ܗܢܘܢ ܕܝܢ ܟܕ ܡܚܪܩܝܢ ܫ̈ܢܝܗܘܢ ܘܚܡܬܐ ܘܪܘܓܙܐ ܡܠܝܢ
1:070.16	ܗܘܘ܂ ܒܣܒܪܐ ܗܢܐ ܕܠܡܚܪ ܩܕܡ ܟܠܗܘܢ ܡܬܟܣܣܝܢ ܐܢܚܢܢ
1:070.17	ܒܛܘܥܝܝ ܫܬܩܘ܂ ܘܗܘ ܕܝܢ ܗܕܐ ܐܫܬܘܕܝ ܠܗܘܢ܂ ܘܒܫܝܢܐ ܫܪܝܗܝ
1:070.18	ܠܟܢܫܐ܂ 66݁1 ܘܐܢܚܢܢ ܕܝܢ ܗܢܝܢ ܕܐܬܐܡܪ ܐܬܝܢ ܐܫܬܥܝܢ ܠܝܥܩܘܒ܂ ܘܟܕ
1:070.19	ܐܡܪܢܢ ܠܗ ܣܝܒܪܬܐ ܢܣܒܢܢ ܘܠܘܬܗ ܟܠܢ ܒܬܢܢ܂ ܘܟܠܗ ܠܠܝܐ
1:070.20	ܡܨܠܝܢ ܗܘܝܢ ܗܕܐ ܕܠܝܘܡܐ ܕܒܬܪܗ ܒܒܥܬܐ ܕܗܘܝܐ ܡܠܬܐ ܕܫܪܪܐ
1:070.21	ܕܝܠܢ ܬܠܒܘܟ ܘܬܙܟܐ
1:070.22	66݁2 ܘܠܝܘܡܐ ܕܝܢ ܕܒܬܪܗ ܣܠܩ ܘܐܦ ܝܥܩܘܒ ܐܦܣܩܘܦܐ ܥܡ ܟܠܗ
1:070.23	ܟܢܫܢ ܠܗܝܟܠܐ܂ ܘܐܦ ܬܡܢ ܕܝܢ ܐܫܟܚܢ ܟܢܫܐ ܣܓܝܐܐ ܕܡܟܬܪ ܗܘܐ
1:070.24	ܠܢ܂ 66݁3 ܘܟܕ ܟܘܠܢ ܒܕܘ̈ܟܝܬܐ ܕܝܘܡܐ ܩܕܡܝܐ ܩܡܢܢ܂ ܐܝܟܢܐ ܕܡܛܠ
1:070.25	ܕܒܕܘ̈ܟܝܬܐ ܕܪ̈ܡܢ ܐܝܬܝܢ ܠܟܠܗ ܥܡܐ ܢܬܚܙܐ܂ 66݁4 ܘܟܕ ܕܝܢ ܫܠܝܐ
1:070.26	ܣܓܝܐܐ ܗܘܐ ܗܘ ܓܡܠܝܐܝܠ ܗ݀ܘ ܕܐܝܟ ܕܩܕܡܬ ܐܡܪܬ ܡܛܠ ܥܘܕܪܢܐ
1:070.27	ܟܣܐ ܗܘܐ ܡܢܗܘܢ ܕܐܚܐ ܗܘܐ ܕܝܠܢ܂ ܡܠܟܐ ܓܝܪ ܕܐܝܠܝܢ ܕܗܟܢܐ ܐܢܘܢ
1:070.28	ܐܝܟ ܕܒ̈ܢܝ ܪܥܝܢܗܘܢ ܐܢܘܢ݁ ܝܬܝܪܐܝܬ ܠܒܟܝܢ܂ ܠܗ݀ ܗܟܝܠ ܠܗܕܐ
1:070.29	ܟܣܝܐܝܬ ܢܦܫܗ ܢܛܪ ܗܘܐ܂ ܡܛܠ ܕܐܡܬܝ ܕܠܘܩܒܠܢ ܡܕܡ
1:070.30	ܡܬܚܫܒܝܢ ܗܘܘ ܗܢܝܢ ܗܢܝܢ ܢܫܟܚ ܐܢܚܢܢ ܕܢܕܥ ܘܢܕܚܘܩ ܐܢܝܢ
1:070.31	ܡܢܢ܂ ܘܒܡܠܟܐ ܕܥܗܢ ܡܫܝܢܐܝܬ ܐܦ ܠܗܢܘܢ ܕܠܩܘܒܠܢ ܒܦܝܣܐ
1:070.32	ܢܫܟܚ܂ ܕܢܫܚܠܦ܂ 66݁5 ܒܪܡ ܕܝܢ ܐܝܟ ܣܢܐܐ ܕܝܠܢ܂ ܗܘ ܩܕܡܝܐ ܚܟܝܡܐܝܬ
1:072.01	ܡܠܠ܂ ܐܬܦܪܣ ܕܝܢ ܐܝܟܢܐ ܒܝܕ ܥܠܬܐ ܕܝܠܗ ܠܥܡܐ ܢܦܝܣ܂ ܕܒܪܚܡܬ
1:072.02	ܫܪܪܐ ܡ̈ܠܐ ܕܡܬܐܡܪ̈ܢ ܢܫܡܥܘܢ܂ ܘܚܪ ܒܝܥܩܘܒ ܐܦܣܩܘܦܐ ܘܫܪܝ
1:072.03	ܒܡܠܬܗ ܗܟܢܐ܂ 67݁1 ܕܐܢܐ ܓܡܠܝܐܝܠ ܕܐܝܬܝ ܣܒܐ܂ ܘܒܡ̈ܠܦܢܐ ܥܠ
1:072.04	ܫܪܪܐ ܬܫܒܘܚܬܐ ܐܝܬ ܠܝ܂ ܠܐ ܢܟܦ ܐܢܐ ܕܐܠܦ ܡܢ ܛܠܝ̈ܐ ܘܗܕܝܘ̈ܛܐ
1:072.05	ܡܕܡ ܕܫܠܡ ܘܡܥܕܪ ܠܚܝ̈ܝ܂ ܠܗܢܘܢ ܓܝܪ ܕܪܥܝܢܐ ܦܪܘܫܐ ܐܝܬ
1:072.06	ܠܗܘܢ܂ ܡܕܡ ܕܡܝܬܪ ܡܢ ܢܦܫܗܘܢ ܠܝܬ ܠܗܘܢ܂܂ 67݁2 ܘܚܘܝ ܕܠܐ ܡ̈ܠܟܐ
1:072.07	ܘܠܐ ܪ̈ܚܡܐ ܘܠܐ ܒ̈ܢܝ ܓܢܣܐ ܘܠܐ ܐܒ̈ܗܐ ܘܠܐ ܡܕܡ ܐܚܪܝܢ ܐܝܬ ܕܡܢ ܫܪܪܐ
1:072.08	ܡܝܬܪ܂ 67݁3 ܘܐܝܟ ܡܫܕܠ ܘܡܓܪܓ ܠܢ ܐܡܪ ܕܐܢ ܡܕܡ ܝܕܥܝܢ ܐܢܬܘܢ
1:072.09	ܠܐ ܬܡܐܢ ܠܟܘܢ ܕܐܦ ܠܥܡܐ ܕܝܠܢ ܬܫܠܡܘܢ݁ ܡܛܠ ܕܐܚܝ̈ܟܘܢ ܐܢܘܢ
1:072.10	ܒܡܠܬܐ ܕܕܚܠܬ ܐܠܗܐ܂ 67݁45 ܢܓܥܠ ܗܟܝܠ ܢܦܫܢ ܐܘ ܐܚ̈ܝ ܒܗܝܡܢܘܬܐ
1:072.11	ܪܚܡܬ ܫܡܥܐ ܫܪܝܪܐ܂ ܐܝܟܢܐ ܕܗ݀ܘ ܡܕܡ ܕܚܣܝܪ ܐܘ ܠܢ ܐܘ ܠܟܘܢ݁ ܗ݂ܘ
1:072.12	ܐܠܗܐ ܒܝܕ ܐܝܠܝܢ ܕܨܒܐ ܢܡܠܐ܂ 67݁6 ܘܐܢ ܕܝܢ ܟܒܪ ܡܛܠ ܕܚܠܬܐ
1:072.13	ܕܐ̈ܢܫܝܢ ܗܢܘܢ ܕܐܝܬ ܒܢ ܕܕܠܐ ܦܘܪܫܢܐ ܐܬܩܕܡܘ܂ ܐܢܬܘܢ ܡܢ ܢܟܠܗܘܢ
1:072.14	ܕܚܠܝܢ ܐܢܬܘܢ ܘܠܐ ܨܒܝܢ ܐܢܬܘܢ ܕܬܐܡܪܘܢ ܗ݀ܘ ܡܕܡ ܕܡܥܕܪ ܠܢ ܓܠܝܐܝܬ
1:072.15	ܐܢܐ ܐܦ ܗܕܐ ܥܠܬܟܘܢ ܢܣܒ ܐܢܐ ܠܗ݀ ܘܝܡܐ ܐܢܐ ܠܟ݂ܘܢ ܒܐܠܗܐ ܚܝܐ
1:072.16	ܕܠܐ ܐܫܒܘܩ ܠܐܢܫ ܕܐܝ̈ܕܝܐ ܢܘܫܛ ܥܠܝܟܘܢ݁܂ 67݁7 ܟܕ ܐܝܬ ܠܟܘܢ ܟ̈ܢܫܐ
1:072.17	ܗܠܝܢ ܕܩܪ̈ܝܒܝܢ ܘܩܝܡܝܢ ܣܗ̈ܕܐ ܘܡ̈ܨܥܝܐ ܘܡܘܡܬܐ ܗܝ ܕܐܝܟ ܥܪܒܘܬܐ
1:072.18	ܐܬܝܗܒܬ ܠܟܘܢ ܕܠܐ ܥܘܟܪ ܢܐܡܪ ܐܢܫ ܐܢܫ ܡܢܟܘܢ݁ ܗ݀ܘ ܡܕܡ ܕܐܝܠܦ܂
1:072.19	ܘܐܢܚܢܢ ܒܪܚܡܬ ܫܪܪܐ ܫܡܥܝܢ ܐܢܚܢܢ܂ 68݁1 ܘܟܕ ܗܠܝܢ ܐܡܪ ܓܡܠܝܐܝܠ
1:072.20	ܠܐ ܫܦܪ ܠܗ ܠܩܝܦܐ܂ ܘܐܝܟ ܕܪܢܐ ܐܢܐ ܡܕܡ ܣܒܪ ܒܪܥܝܢܗ ܥܠܘܗܝ܂
1:072.21	ܘܗ݂ܘ ܩܒܠ ܥܠܘܗܝ ܕܢܫܐܠ ܘܢܒܥܐ܂ 68݁2 ܘܫܠܝܐܝܬ ܐܝܟ ܓܚܟ ܥܠ
1:072.22	ܓܡܠܝܐܝܠ ܘܥܠ ܝܥܩܘܒ ܪܝܫ ܐܦܝܣܩܘܦܐ ܗ݂ܘ ܗ݀ܘ ܪܒ ܟܗ̈ܢܐ ܒܥܐ
1:072.23	ܕܡܢ ܟܬܒܐ ܥܠ ܡܫܝܚܐ ܫܘܐܠܐ ܘܒܥܬܐ ܢܥܒܕܘܢ݁ ܐܝܟܢܐ ܠܡ ܕܢܕܥ܂
1:072.24	ܕܐܢ ܐܝܢ ܝܫܘܥ ܐܝܬܘܗܝ ܗ݀ܘ ܕܐܬܡܫܚ ܐܘ ܠܐ܂ 68݁3 ܘܗܘ ܝܥܩܘܒ ܐܡܪ
1:072.25	ܕܠܘܩܕܡ ܢܒܥܐ ܕܡܢ ܐܝܟܐ ܒܘܠܝܬܐ ܗ݂ܝ ܒܥܬܐ ܙܕܩ ܕܢܥܒܕ܂ 68݁4 ܗ݂ܘ
1:072.26	ܕܝܢ ܗ݀ܘ ܡܢ ܒܬܪ ܣ̈ܓܝܐܬܐ ܒܩܛܝܪܐ ܕܡܢ ܘܠܝܬܐ ܐܬܐܠܨ ܘܫܠܡ
1:072.27	ܠܗܕܐ ܕܡܢ ܢܡܘܣܐ ܒܥܬܐ ܢܥܒܕ܂ 69݁1 ܘܗܟܢܐ ܐܦ ܥܠܝܗܘܢ ܕܢܒ̈ܝܐ
1:072.28	ܒܡܠܬܗ ܗܘ ܝܥܩܘܒ ܐܡܪ ܘܚܘܝ ܕܟܠܡܕܡ ܕܐܡܪܘ ܡܢ ܢܡܘܣܐ
1:072.29	ܢܣܒܘ܂ ܘܗܠܝܢ ܕܠܗ ܫܠܡ̈ܢ ܫܪܪܐ ܡܠܠܘ܂ 69݁2 ܘܟܢ ܐܦ ܥܠ
1:072.30	ܟܬܒ̈ܐ ܕܡܠܟ̈ܘܬܐ ܐܡܪ ܕܐܝܟܢܐ ܘܐܡܬܝ ܘܡܢ ܡܢܘ ܐܬܟܬܒܘ܂ ܘܐܝܟܢܐ
1:072.31	ܘܠܐ ܕܢܬܚܫܚ ܒܗܘܢ܂ 69݁3 ܘܟܢ ܬܘܒ ܥܠ ܢܡܘܣܐ ܡܠܠ ܘܗܢܝܢ ܕܒܗ
1:072.32	ܕܐܝܟܢܐ ܐܝ̈ܬܝܗܝܢ ܒܡܠܬܗ ܕܟܝ ܘܚܘܝ ܘܠܚܪܬܐ ܡܠܬܐ ܕܥܠ ܡܫܝܚܐ
1:072.33	ܐܡܪ ܘܫܡܠܝ ܡܢ ܟܘܠ ܕܘܟܐ ܒܬܚܘ̈ܝܬܐ ܣ̈ܓܝܐܬܐ ܕܠܐ ܟܝܠܐ ܕܝܫܘܥ
1:072.34	ܐܝܬܘܗܝ ܡܫܝܚܐ ܕܒܗ ܟܠܗܝܢ ܗܠܝܢ ܕܒܡܐܬܝܬܗ ܡܡܟܟܬܐ
1:074.01	ܐܫܬܠܡ܂ 69݁4 ܬܪ̈ܬܝܢ ܓܝܪ ܡܐ̈ܬܝܢ ܕܝܠܗ ܐܝ̈ܬܝܗܝܢ܂ ܚܕܐ ܗ݀ܝ ܕܡܘܟܟܐ
1:074.02	ܕܒܗ݀ ܐܬܐ܂ ܘܕܬܪ̈ܬܝܢ ܕܝܢ ܗ݀ܝ ܕܬܫܒܘܚܬܐ ܕܒܗ ܐܬܐ ܘܡܡܠܟ ܥܠ
1:074.03	ܗܢܘܢ ܕܒܗ ܗܝܡܢܘ ܕܢܥܒܕܘܢ ܟܠܗܝܢ ܗܠܝܢ ܕܦܩܕ܂ 69݁5 ܘܟܢ ܐܦܝܣܗ
1:074.04	ܠܥܡܐ ܟܕ ܚܘܝ ܕܐܠܐ ܐܢ ܐܢܫ ܒܡ̈ܝܐ ܗܢܘܢ ܕܪ̈ܕܝܗܘܢ ܚܝ ܢܥܡܕ
1:074.05	ܒܫܘܡܗܐ ܕܬܠܝܬܝܘܬܐ ܫܒܝܚܬܐ ܐܝܟܢܐ ܕܗ݀ܘ ܢܒܝܐ ܕܫܪܪܐ ܚܘܝ܂ ܘܐܦ
1:074.06	ܠܐ ܫܘܒܩܢܐ ܕܚܛܗ̈ܐ ܗܘܐ ܠܗ܂ ܘܐܦܠܐ ܠܡܠܟܘܬܗ ܕܐܠܗܐ ܥܐܠ܂
1:074.07	ܘܚܘܝ ܕܗܢܝܢ ܟܠܗܝܢ ܩܕܡ ܚܘܪܩܢܐ ܐܝ̈ܬܝܗܝܢ ܕܝܠܗ ܕܐܠܗܐ ܐܝܬܝܐ
1:074.08	ܒܟܣܝܘܬܐ ܕܐܝܬܘܬܗ܂ 69݁6 ܘܥܡ ܗܢܝܢ ܐܡܪ ܕܠܐ ܗܟܝܠ ܬܣܒܪܘܢ ܥܠܝܢ
1:074.09	ܕܬܪ̈ܝܢ ܐܝܬܝ̈ܐ ܐܡܪܝܢ ܐܢܚܢܢ ܐܘ ܚܕ ܕܐܬܦܠܓ܂ ܐܘ ܕܗ݂ܘ ܗܘܐ ܡܐܢܐ
1:074.10	ܕܢܩܒܬܐ ܠܢܦܫܗ܂ ܐܝܟܢܐ ܕܐܡܪܝܢ ܗܢܘܢ ܪ̈ܫܝܥܐ ܢܩܒܬ ܕܟܪ܂ 69݁7 ܗܢܘ
1:074.11	ܕܝܢ ܐܦ ܥܠܘܗܝ ܕܒܪܐ ܐܡܪ܂ ܕܐܝܟܢܐ ܘܡܢ ܡܢ܂ ܘܕܠܐ ܗܘܐ ܕܠܐ ܪܝܫܐ
1:074.12	ܐܝܬܘܗܝ܂ ܘܕܠܐ ܡܟܝܠ ܡܬܐܡܪܐ ܥܠܘܗܝ ܗܕܐ ܕܐܡܬܝ܂ ܗܕܐ ܓܝܪ
1:074.13	ܒܟܣܝܘܬܐ ܢܣܝܡܝܗ݀ ܕܐܝܬܝܗ܂ 69݁8 ܐܦ ܥܠ ܦܪܩܠܛܐ ܘܥܠ ܡܥܡܘܕܝܬܐ
1:074.14	ܣܓ̈ܝܐܬܐ ܐܡܪ ܘܐܦܝܣ ܠܟܘܠܗ ܥܡܐ ܥܡ ܪܒ ܟܗ̈ܢܐ ܒܫܒ̈ܥܐ ܝܘ̈ܡܝܢ
1:074.15	ܟܠܗܘܢ݁܂ ܐܝܟܢܐ ܕܡܢ ܕܘܟܬܗ ܢܣܬܪܗܒܘܢ ܕܠܡܥܡܘܕܝܬܐ ܡܟܝܠ
1:074.16	ܢܐܬܘܢ݁ 70݁1 ܘܟܢ ܚܕ ܐܢܫ ܕܐܝܬܘܗܝ ܗܘܐ ܒܥܠܕܒܒܐ ܥܡ ܐܢܫܐ ܙܥܘܪ̈ܐ
1:074.17	ܠܗܝܟܠܐ ܥܠ ܠܘܬ ܥܠܬܐ ܟܕ ܕܩܥܐ ܘܐܡܪ܂ 70݁2 ܕܡܢܐ ܥܒܕܝܢ ܐܢܬܘܢ ܐܘ
1:074.18	ܐܢܫܐ ܒ̈ܢܝ ܐܝܣܪܝܠ ܐܝܟܢܐ ܒܥܓܠ ܐܬܚܛܦܬܘܢ ܠܐ̈ܢܫܐ ܕܘ̈ܝܐ ܕܛܥܘ ܒܬܪ
1:074.19	ܚܪ̈ܫܐ܂ 70݁3 ܒܪܡ ܕܝܢ ‍<‍ܟܕ‍>‍ ܐܟܘܬܗܝܢ ܕܗܢܝܢ ܐܡܪ܂ ܘܠܩܘܒܠܗܝܢ ܫܡܥ
1:074.20	ܘܕܐܙܕܟܝ ܡܢ ܝܥܩܘܒ ܐܦܣܩܘܦܐ܂ ܫܪܝ ܕܢܥܒܕ ܫܓܘܫܝܐ ܣܓܝܐܐ܂
1:074.21	ܐܝܟܢܐ ܕܗܢܝܢ ܕܫܦܝܪ ܡܬܐܡܪ̈ܢ ܗ̈ܘܝ܂ ܒܫܠܝܐ ܠܐ ܢܬܒܚܪ̈ܢ ܘܠܐ ܢܬܝܕܥ̈ܢ
1:074.22	ܘܢܬܗܝ̈ܡܢܢ܂ 70݁4 ܕܡܛܠ ܗܕܐ ܩܥܬܐ ܐܪܦܝ ܥܠ ܠܠܘܬܐ ܘܥܠ ܢܫܝܫܘܬܐ
1:074.23	ܕܟܗ̈ܢܐ ܘܚܣܕ ܐܢܘܢ݁܂ 70݁5 ܘܐܡܪ ܕܡܢܐ ܡܒܝܥܝܢ ܐܢܬܘܢ݁ ܘܡܛܠ ܡܢܐ ܕܝܢ ܠܐ
1:074.24	ܠܟܠܗܘܢ ܗܢܘܢ ܕܥܡܗ ܒܪ ܫܥܬܗ ܠܒܟܝܢ ܐܢܬܘܢ܂ 70݁6 ܘܟܕ ܗܢܝܢ ܐܡܪ
1:074.25	ܗ݂ܘ ܩܕܡܝܐ ܫܘܪ ܘܐܘܕܐ ܡܢ ܥܠܬܐ ܚܛܦ܂ ܘܫܪܝ ܕܢܡܚܐ ܒܗ܂ 70݁7 ܘܟܢ
1:074.26	ܐܦ ܫܪܟܐ ܕܟܗ̈ܢܐ ܕܚܙܐܘܗܝ ܒܕܡܘܬܗ ܥܒܕܘ܂ 70݁8 ܘܒܥܪܘܩܝܐ ܗܟܝܠ
1:074.27	ܣܓܝܐܐ ܕܗܘܐ܂ ܡܢܗܘܢ ܢܦܠܝܢ ܗܘܘ ܥܠ ܚܒܪ̈ܝܗܘܢ ܘܡܢܗܘܢ ܒܠܥܝܢ
1:074.28	ܗܘܘ܂ ܘܠܐ ܙܥܘܪܝܢ ܗܢܘܢ ܕܡܝܬܘ܂ ܕܕܡܐ ܣܓܝܐܐ ܕܗܢܘܢ ܕܐܬܩܛܠܘ
1:074.29	ܐܫܬܦܥ ܗܘܐ܂ ܘܗ݂ܘ ܕܝܢ ܗ݀ܘ ܓܒܪܐ ܒܥܠܕܒܒܐ ܠܗ ܠܝܥܩܘܒ ܫܕܝܗܝ
1:074.30	ܡܢ ܠܥܠ ܡܢ ܕܪ̈ܓܐ܂ ܘܟܕ ܕܝܢ ܢܦܠ ܘܗܘܐ ܐܝܟ ܡܝܬܐ܂ ܠܐ
1:074.31	ܡܚܝܗܝ ܕܬܪܬܝܢ ܙܒ̈ܢܝܢ܂ 71݁1 ܗܢܘܢ ܕܝܢ ܟܕ ܚܙܐܘܗܝ ܠܝܥܩܘܒ ܕܗܕܐ
1:074.32	ܓܕܫܬ ܠܗ܂ ܩܪܒܘ ܘܚܛܦܘܗܝ܂ ܣܓܝܐܝܢ ܗܘܘ ܓܝܪ ܡܢܗܘܢ܂ ܐܠܐ
1:074.33	ܡܛܠ ܕܚܠܬܐ ܕܐܠܗܐ ܗܢܘܢ ܝܬܝܪܐܝܬ ܣܝܒܪܘ ܕܢܬܩܛܠ݂ܘܢ݁ ܘܠܐ ܢܩܛܠܘܢ݁܂
1:074.34	ܘܟܕ ܣܓܝ ܡܢܗܘܢ ܚܝܠܬܢܝܢ ܗܘܘ܂ ܐܝܟ ܒܨܝܪ̈ܐ ܐܬܚܙܝܘ ܡܛܠ ܕܚܠܬ
1:076.01	ܐܠܗܐ܂ 71݁2 ܘܟܕ ܕܝܢ ܪܡܫܐ ܐܕܪܟ ܗܘܐ܂ ܗܢܘܢ ܟܗ̈ܢܐ ܠܗܝܟܠܐ ܐܚܕܘ܂
1:076.02	ܘܐܢܚܢܢ ܕܝܢ ܠܒܝܬܗ ܕܝܥܩܘܒ ܐܬܝܢ܂ ܘܬܡܢ ܨܠܝܢ܂ ܘܩܕܡ ܕܬܓܗ
1:076.03	ܠܐܝܪܝܚܘ ܢܚܬܢ݁ ܘܐܝ̈ܬܝܢ ܗܘܝܢ ܐܝܟ ܚܡ̈ܫܐ ܐܠܦܝܢ ܓܒܪ̈ܝܢ܂ 71݁3 ܘܡܢ
1:076.04	ܒܬܪ ܬܠܬܐ ܝܘ̈ܡܝܢ ܐܬܐ ܐܢܫ ܡܢ ܐܚ̈ܐ ܘܐܫܬܥܝ ܠܢ ܡܕܡ ܕܗܘܐ ܡܢ
1:076.05	ܒܬܪܢ ܒܗ ܒܗܝܟܠܐ܂ ܡܦܝܣܝܢ ܗܘܘ ܠܗ ܓܝܪ ܗܢܘܢ ܟܗ̈ܢܐ ܕܥܡܗܘܢ
1:076.06	ܢܗܘܐ ܒܟܠܗܘܢ ܚܘܫܒ̈ܢܝܗܘܢ ܐܝܟ ܕܠܟܗܢܐ܂ ܟܕ ܠܐ ܝܕܥܝܢ ܗܘܘ ܕܒܪ
1:076.07	ܗܝܡܢܘܬܐ ܗ݂ܘ ܕܝܠܢ܂ ܐܡܪ ܠܢ ܗܟܝܠ ܕܐܝܟܢܐ ܗ݂ܘ ܗ݀ܘ ܓܒܪܐ ܒܥܠܕܒܒܐ
1:076.08	ܩܕܡܝܗܘܢ ܕܟܗ̈ܢܐ ܐܫܬܘܕܝ ܠܩܝܦܐ ܪܒ ܟܗ̈ܢܐ ܕܠܟܠܗܘܢ ܗܢܘܢ
1:076.09	ܕܒܝܫܘܥ ܡܗܝܡܢܝܢ ܢܚܪܘܒ܂ 71݁4 ܘܠܕܪܡܣܘܩ ܢܦܩ ܕܢܐܙܠ ܟܕ ܫܩܝܠ
1:076.10	ܐܓܪ̈ܬܐ ܡܢܗܘܢ܂ ܕܡܐ ܕܠܬܡܢ ܐܙܠ ܢܥܕܪܘܢܝܗܝ ܗܢܘܢ ܕܠܐ ܡܗܝܡܢܝܢ
1:076.11	ܘܢܚܪܒܘܢ ܠܗܢܘܢ ܕܡܗܝܡܢܝܢ܂ ܠܬܡܢ ܠܡ ܗܟܝܠ ܠܘܩܕܡ ܨܒܐ
1:076.12	ܕܢܐܙܠ܂ ܡܛܠ ܕܣܒܪ ܕܦܛܪܘܣ ܠܬܡܢ ܐܙܠ܂ 71݁5 ܒܪܡ ܕܝܢ ܡܢ ܒܬܪ
1:076.13	ܬܠܬܝܢ ܝܘ̈ܡܝܢ ܥܒܪ ܥܠܝܢ ܒܐܝܪܝܚܘ܂ ܠܬܡܢ ‍>‍݁݁݁‍<‍ ܠܬܪ̈ܝܢ ܐܚ̈ܝܢ ܒܠܠܝܐ
1:076.14	ܒܗ݀ ܒܕܘܟܬܐ ܩܒܪܢ݁ ܘܕܝܠܗܘܢ ܕܗܠܝܢ ܩܒܪ̈ܝܗܘܢ ܒܟܠ ܫܢܐ ܡܢ ܫܠܝܐ
1:076.15	ܚ݂ܘܪܝܢ܂ 71݁6 ܘܚܡܬܐ ܕܣ̈ܓܝܐܐ ܐܕܥܟܘ܂ ܕܝܕܥܘ ܕܒ̈ܢܝ ܗܝܡܢܘܬܢ ܐܝ̈ܬܝܗܘܢ
1:076.16	ܘܠܥܘܗܕܢܐ ܐܠܗܝܐ ܫܘܘ܂
1:076.17	72݁1 ܡܢ ܒܬܪ ܗܟܝܠ ܥܪܘܩܝܢ ܕܡܢ ܐܘܪܫܠܡ ܠܐܝܪܝܚܘ܂ ܘܨܠܘܬܢ ܕܗܘܬ
1:076.18	ܬܡܢ܂ ܡܢ ܒܬܪ ܨܘܡܐ ܐܬܐ ܐܢܫ ܡܢ ܬܡܢ ܠܘܬܢ݁ ܩܕܡ ܐܝܟ ܫ̈ܬܐ ܝܘ̈ܡܝܢ
1:076.19	ܕܐܫܬܕܪ ܡܢ ܠܘܬ ܝܥܩܘܒ܂ ܕܫܕܪܗ ܠܘܬܝ ܘܐܡܪ܂ 72݁2 ܕܠܐ ܬܬܥܝܩ
1:076.20	ܕܒܠܚܘܕܝܟ ܪܕܐ ܐܢܬ܂ ܗܘܝܢ ܠܟ ܠܡ ܣܓ̈ܝܐܐ ܒܢ̈ܝ ܠܘܝܬܐ
1:076.21	ܕܡܣܬܪܗܒܝܢ ܕܥܡܟ ܢܗܘܘܢ ܒܟܠܙܒܢ ܕܡܛܠ ܗܕܐ ܗܫܐ ܙܠ ܥܠ
1:076.22	ܣܘܥܪܢܐ ܗ݀ܘ ܕܥܠܘܗܝ ܐܬܣܝܡܬ܂ 72݁3 ܙܟܝ ܓܝܪ ܗ݀ܘ ܕܐܝܬܘܗܝ ܒܩܣܪܝܐ
1:076.23	ܕܣܛܪܛܘܢ ܟܬܒ ܠܝ ܕܣܝܡܘܢ ܓܒܪܐ ܫܡܪܝܐ ܕܡܢ ܓܬܢܝܢ ܩܪܝܬܐ
1:076.24	ܕܒܐܘܡܢܘܬܗ ܐܝܬܘܗܝ ܚܪܫܐ ܠܣܓܝ̈ܐܐ ܡܢ ܕܝܠܢ ܡܗܦܟ܂ ܘܦܠܓܘ̈ܬܐ
1:076.25	ܥܒܕ ܘܥܠ ܢܦܫܗ ܐܡܪ ܕܐܢܐ ܐܢܐ ܗܘ ܕܩܐܡ܂ ܘܐܚܪܢܝܐܝܬ ܕܐܝܬܝ ܠܡ
1:076.26	ܡܫܝܚܐ ܘܐܦ ܣܓ̈ܝܐܬܐ ܐܝܟ ܕܒ݁ܐܪܙܐ ܐܡܪ ܥܠ ܢܦܫܗ ܕܚܝܠܐ ܠܡ ܐܝܬܝ
1:076.27	ܡܢ ܗܘ ܚܝܠܐ ܐܝܢܐ ܕܗܘ ܥܠܝܐ܂ ܕܪܡ ܐܦ ܡܢܗ ܕܗ݀ܘ ܐܠܗܐ ܕܠܥܠܡܐ
1:076.28	ܒܪܐ܂ ܗܢܐ ܗܘ ܕܝܢ ܐܬܘ̈ܬܐ ܣ̈ܓܝܐܬܐ ܒܚܪܫܘܬܐ ܥܒܕ ܘܠܡܢܗܘܢ ܕܐܢܫܝܢ
1:076.29	ܦܠܓ ܐܢܘܢ݁ ܘܠܡܢܗܘܢ ܐܗܦܟ ܐܢܘܢ݁ ܘܠܡܢܗܘܢ ܠܘܬܗ ܫܢܝ ܐܢܘܢ܂
1:076.30	72݁4 ܘܟܠܗܝܢ ܕܝܢ ܗܠܝܢ ܕܥܠܘܗܝ ܙܟܝ ܟܬܒ܂ ܘܐܦ ܕܐܝܟܢܐ ܥܒܕ ܬܕܡܪ̈ܬܐ
1:076.31	ܕܐܝܠܦ ܡܢ ܐܢܫܝܢ ܗܢܘܢ ܕܒܙܒܢ ܬܠܡ̈ܝܕܐ ܗܘܘ ܕܝܠܗ܂ ܘܡܢ ܩܕܝܡ
1:076.32	ܡܥܕܪ̈ܢܘܗܝ ܒܥ̈ܒܕܘܗܝ ܐܝܬܝ̈ܗܘܢ ܗܘܘ܂ 72݁5 ܣܓܝ̈ܐܐ ܠܡ ܗܟܝܠ ܐܘ

1:076.33	ܦܛܪܐ ܬܡܢ ܡܣܟܝܢ ܠܡܐܬܝܬܟ ܕܬܒܥܐ ܥܡܗ݂ ܐܝܟܢܐ ܕܢܚܙܘܢ ܡ̈ܠܐ

1:076.34	ܕܡܢܘ ܫܪܝܪ̈ܢ܂ 72݁6 ܙܠ ܗܟܝܠ ܒܥܓܠ ܠܒܝܒܐܝܬ܂ ܟܕ ܐܝܬ ܠܟ
1:078.01	ܡܥܕܪܢܐ ܕܐܠܗܐ ܒܐܝܕܗ ܕܡܫܝܚܐ܂ 72݁7 ܘܗܘܝܬ ܟܬܒ ܠܝ ܒܟܠ ܫܢܐ
1:078.02	ܗܢܝܢ ܕܫܠܡܢ ܠܡܠܬܐ ܕܝܘܠܦܢܢ܂ ܝܬܝܪܐܝܬ ܕܝܢ ܒܫ̈ܢܝܐ ܕܫܒ̈ܘܥܐ܂
1:078.03	72݁8 ܘܟܕ ܗܠܝܢ ܐܡܪ ܗܦܟ ܠܘܬܗ܂
1:078.04	ܘܐܢܐ ܕܝܢ ܒܝܘ̈ܡܬܐ ܫ̈ܬܐ ܠܟܐ ܠܩܣܪܝܐ ܐܬܝܬ܂ 73݁1 ܘܟܕ ܥܐܠ ܐܢܐ ܩܕܡ
1:078.05	ܬܪܥܐ ܐܪܥܢܝ ܐܚܘܢ ܚܒܝܒܐ ܙܟܝ܂ ܘܥܦܩܢܝ ܘܢܫܩܢܝ܂ ܘܠܡܫܟܢܗ ܗܢܐ
1:078.06	ܕܗܪܟܐ ܐܝܬܝܢܝ܂ ܘܒܪ ܫܥܬܗ ܫܐܠܢܝ ܥܠ ܐܚ̈ܐ܂ ܟܕ ܫܪܝ ܡܢ ܝܥܩܘܒ
1:078.07	ܡܝܩܪܐ܂ 73݁2 ܘܐܢܐ ܐܡܪܬ ܠܗ ܕܡܢ ܫܩܗ ܡܚܓܪ܂ ܘܟܕ ܗܘ ܥܠܝܗ݀ ܕܥܠܬܐ
1:078.08	ܫܐܠܢܝ܂ ܟܠܗܝܢ ܡܢ ܫܘܪܝܐ ܗܢܝܢ ܕܡܢܗܝܢ ܩܕܡ ܗܘܐ ܫܡܥ܂ ܐܫܬܥܝܬ
1:078.09	ܘܐܡܪܬ ܠܗ܂ 73݁3 ܕܐܝܟܢܐ ܗܢܘܢ ܟܗ̈ܢܐ ܠܒܥܬܐ ܩܕܡ ܟܠܗ ܥܡܐ ܙܡܢܘܢ܂
1:078.10	ܘܕܐܝܟܢܐ ܐܢܫ ܐܢܫ ܡܢܢ ܕܬܪ̈ܥܣܪ ܥܠ ܕܪ̈ܓܐ ܕܗܝܟܠܐ ܩܡ ܘܐܣܗܕ ܘܕܐܝܟܢܐ
1:078.11	ܒܝܘܡܐ ܐܚܪܢܐ ܗ݂ܘ ܩܝܦܐ ܪܒ ܟܗ̈ܢܐ ܥܡ ܝܥܩܘܒ ܐܦܣܩܘܦܐ ܕܥܡܢ
1:078.12	ܣܠܩ ܠܗܝܟܠܐ܂ ܘܫܒ̈ܥܐ ܝܘ̈ܡܝܢ ܒܥܬܐ ܥܒܕ ܘܐܬܛܦܝܣ܂ ܘܗܟܢܐ ܨܒܐ
1:078.13	ܗܘܐ ܕܠܟܠܗ ܥܡܐ ܢܟܢܫ ܘܢܥܡܕܘܢ݁ 73݁4 ܘܒܚܕܐ ܕܫܪܝܘ ܕܢܩܪܒܘܢ܂
1:078.14	ܓܒܪܐ ܚܕ ܕܐܝܬܘܗܝ ܗܘܐ ܒܥܠܕܒܒܐ ܐܬܚܙܝ܂ ܘܥܒܕ ܗܢܝܢ ܟܠܗܝܢ
1:078.15	ܕܩܕܡܬ ܐܡܪܬ ܕܠܐ ܬܘܒ ܗܢܝܢ ܟܕ ܗܢܝܢ ܐܡܪ܂ ܘܐܝܟܢܐ ܠܐܝܪܚܘ ܒܠܠܝܐ
1:078.16	ܥܪܩܢܢ܂ ܘܐܝܟܢܐ ܗ݀ܘ ܓܒܪܐ ܕܐܝܬܘܗܝ ܒܥܠܕܒܒܐ ܠܕܪܡܣܘܩ ܐܙܠ
1:078.17	ܕܢܚܪܘܒ ܗܢܘܢ ܕܬܡܢ܂ ܘܕܐܦ ܠܝ ܠܟܐ ܫܕܪܢܝ ܠܘܬܟ܂ ܡܛܠ ܕܐܢܬ
1:078.18	ܟܬܒܬ ܠܗ ܗܢܝܢ ܕܥܠ ܣܝܡܘܢ ܐܝܟܢܐ ܕܩܕܡܬ ܐܡܪܬ ܕܐܢܐ ܐܬܐ ܘܠܗܢܝܢ
1:078.19	ܕܬܢܢ ܐܬܩܢ ܟܡܐ ܕܡܫܟܚ ܐܢܐ܂ 74݁1 ܒܪܡ ܕܝܢ ܟܕ ܗܠܝܢ ܐܡܪܬ ܠܗ܂
1:078.20	ܘܗܘ ܙܟܝ ܗܢܝܢ ܕܥܠ ܣܝܡܘܢ ܬܢܝ ܠܝ܂ ܠܐ ܝܕܥܢܐ ܡܢ ܐܝܡܟܐ ܝܠܦ
1:078.21	ܕܐܬܝܬ܂ ܘܫܕܪ ܒܥܐ ܡܢܝ ܕܩܕܡ ܟܠܗ ܟܢܫܐ ܡܚܪ ܐܡܠܠ ܥܡܗ܂
1:078.22	ܘܟܕ ܐܢܐ ܐܫܬܘܕܝܬ ܠܗ 74݁2 ܟܠܗ݀ ܡܕܝܢܬܐ ܫܡܥܬ܂ ܒܪܫܥܬܗ ܒܗ
1:078.23	ܒܝܘܡܐ ܕܣܡܟܬ ܠܟܐ܂ ܕܦܛܪܘܣ ܬܠܡܝܕܗ ܒܚܝܪܐ ܕܗ݀ܘ ܕܐܩܝܡ
1:078.24	ܡܝ̈ܬܐ ܘܟܠ ܟ̈ܐܒܝܢ ܘܟܘܪ̈ܗܢܝܢ ܪܕܦ ܠܡܚܪ ܥܡ ܣܝܡܘܢ ܕܡܢ
1:078.25	ܓܬܢܝܢ ܒܥܬܐ ܕܡ̈ܠܐ ܥܒܕ܂ ܘܐܢܬ ܕܝܢ ܐܝܟ ܕܐܡܪܬ܂ ܐܘ ܩܠܡܣ ܬܢܢ
1:078.26	ܫܐܠܬ ܘܩܡܬ ܥܠ ܡܥܡܪܢ݁ ܘܥܠܬ ܠܘܬܝ ܟܕ ܢܓܝܕ ܠܟ ܒܪܢܒܐ
1:078.27	ܡܝܬܪܐ܂ 74݁3 ܘܐܢܐ ܩܒܠܬܟ ܡܛܠ ܕܗܘ ܩܕܡ ܬܢܝ ܠܝ ܥܠܝܟ܂ ܘܕܝܠܦܬ
1:078.28	ܒܥܒ̈ܕܐ ܚܦܝܛܘܬܟ܂ ܒܝܕ ܡܐܬܝܟ ܣܓܝ ܚܕܝܬ܂ ܘܠܐ ܝܕܥܢܐ ܐܝܟܢܐ
1:078.29	ܒܪܥܝܢܝ ܐܬܙܝܥܬ܂ ܘܒܥܓܠ ܥܠ ܟܠܡܕܡ ܠܟ ܐܫܠܡܬ܂ ܩܕܡ
1:078.30	ܟܠܗܝܢ ܕܝܢ ܗܕܐ ܚܕܐ ܕܪܒܐ ܘܡܝܬܪܐ ܥܠ ܢܒܝܐ ܫܪܝܪܐ܂ ܕܗ݂ܘ
1:078.31	ܒܠܚܘܕܘܗܝ ܐܝܬܘܗܝ ܡܐܢܐ ܛܒܐ ܠܝܘܠܦܢܐ ܕܕܚܠܬ ܐܠܗܐ܂ 74݁4 ܘܗܝܕܝܢ
1:078.32	ܫܪܝܬ ܠܟ ܡܢ ܢܡܘܣܐ ܗ݀ܘ ܕܐܬܟܬܒ܂ ܘܥܠ ܚܕ ܚܕ ܡܢ ܪ̈ܝܫܐ܂
1:078.33	ܕܟܬܝܒܝܢ ܚܒܝܒܐܝܬ ܓܠܝܬ ܠܟ܂ ܘܠܐ ܟܣܝܬ ܟܠܗܝܢ ܛܒ̈ܬܐ ܡܢܟ