The Comprehensive Aramaic Lexicon

2:080.10	1݁1 ܘܟܕ ܕܝܢ ܗܘ݁ ܝܘܡܐ ܕܒܗ ܡܡܠܠܐ ܗܘܐ ܗܘܐ܂ ܗ݂ܘ ܦܛܪܘܣ ܥܡ
2:080.11	ܥܕܢܐ ܕܬܪܢܓܠܐ ܩܪܐ ܒܗ ܐܥܝܪ ܠܟܠܢ܂ 1݁2 ܐܝ̈ܬܝܢ ܗܘܝܢ ܕܝܢ ܒܗ
2:080.12	ܒܒܝܬܐ ܟܠܢ ܬܠܬܥܣܪ ܕܩܕܡܝܐ ܡܢܢ ܐܝܬܘܗܝ ܗܘܐ ܕܒܬܪ ܦܛܪܘܣ
2:080.13	ܙܟܝ ܘܟܢ ܨܦܢܝܐ ܘܝܘܣܦ ܘܡܝܟܐ ܘܐܠܝܥܙܪ ܘܦܝܢܚܣ ܘܠܥܙܪ ܘܐܠܝܫܥ
2:080.14	ܘܒܬܪܗܘܢ ܐܢܐ ܩܠܡܣ ܘܢܝܩܕܡܘܣ ܘܟܢ ܢܝܩܛܘܣ ܘܐܩܝܠܘܣ ܗܢܘܢ
2:080.15	ܕܡܢ ܩܕܝܡ ܐܝܬܝܗܘܢ ܗܘܘ ܬܠܡ̈ܝܕܘܗܝ ܕܣܝܡܘܢ ܘܠܚܪܬܐ ܕܝܢ
2:080.16	ܡܢ ܙܟܝ ܐܬܝܠܦܘ ܕܢܫܬܡܠܘܢ ܒܗܝܡܢܘܬܐ ܕܐܠܗܐ ܕܒܝܕ ܡܪܢ ܝܫܘܥ
2:080.17	ܡܫܝܚܐ܂ ܘܡܢ ܢܫ̈ܐ ܕܝܢ ܐܦ ܠܐ ܚܕܐ ܐܝܬ ܗܘܬ ܥܡܢ܂ 1݁3 ܘܟܕ ܕܝܢ
2:080.18	ܠܫܪܓܐ ܗܘ ܪܡܫܝܐ ܟܕ ܕܠܩ ܐܕܪܟܢܢ ܟܠܢ ܝܬܒܢܢ܂ ܘܗܟܢܐ ܗܘ
2:080.19	ܦܛܪܘܣ ܚܙܐ ܕܟܠܢ ܒܥܝܪܘܬܐ ܥܝ̈ܢܝܢ ܒܗ ܡܨܕܝܢ ܗܘܝܢ܂ ܫܠܡܐ ܝܗܒ
2:080.20	ܠܢ܂ ܘܒܪܫܥܬܗ ܥܡܗ ܕܫܠܡܐ ܐܠܝܦ ܡܠܬܗ ܘܐܡܪ 1݁4 ܕܡܬܕܡܪ ܐܢܐ
2:080.21	ܒܗ ܐܘ ܐܚ̈ܝ ܒܟܝܢܐ ܕܐܢܫܘܬܐ܂ ܕܐܝܟܢ ܗܘܐ ܕܥܗܢ ܘܡܛܝܒ ܠܣܓܝܐ̈ܬܐ܂
2:080.22	ܗ݂ܝ ܕܝܢ ܗܕܐ ܕܒܢܣܝܢܐ ܝܠܦܬܗ܂ ܘܗܫܐ ܥܗܕܬܗ ܕܐܡܪܗ݀ ܠܟܘܢ܂ 1݁5 ܒܪ
2:080.23	ܫܥܬܗ ܓܝܪ ܕܥܒܪ ܦܠܓܗ ܕܠܠܝܐ ܐܢܐ ܡܢ ܢܦܫܝ ܡܬܬܥܝܪ ܐܢܐ܂
2:080.24	ܘܬܘܒ ܡܟܝܠ ܕܐܕܡܟ ܠܐ ܡܫܟܚ ܐܢܐ 1݁6 ܘܗ݂ܝ ܕܝܢ ܗܕܐ ܓܕܫܬ ܠܝ܂
2:080.25	ܡܢ ܟܕ ܒܟܠܙܒܢ ܡ̈ܠܐ ܗܢܝܢ ܕܡܢ ܡܪܢ ܫܡܥ ܗܘܝܬ܂ ܡܛܘܠ ܚܘܒܗܝܢ
2:080.26	ܠܪܥܝܢܝ ܦܩܕܬ ܕܗܘܝܬ ܡܬܬܥܝܪ ܐܢܐ ܐܝܟܢܐ ܕܡܐ ܕܐܬܥܝܪܬ ܐܬܕܟܪ ܘܐܕܥ
2:080.27	ܘܐܫܟܚ ܕܐܬܥܗܕ ܐܢܝܢ 1݁7 ܘܟܕ ܗܟܝܠ ܗܟܢܐ ܥܒܕ ܗܘܝܬ ܡܛܠ
2:080.28	ܕܒܚܕܘܬܐ ܫܗܪ ܗܘܝܬ ܥܝܕܐ ܗܘܐ ܠܝ ܕܐܬܬܥܝܪ ܐܦܢ ܡܕܡ ܠܝܬ ܠܝ
2:080.29	ܕܐܬܚܫܒ 1݁8 ܘܡܢܗ ܕܝܠܗ ܕܥܝܕܐ ܒܡܠܬܐ ܗܝ ܟܣܝܬܐ ܗ݂ܝ ܗܕܐ
2:082.01	ܕܬܓܕܫ ܠܝ ܫܠܝܐܝܬ ܐܫܬܚܠܦܬ܂ ܗܟܢܐ ܗܟܝܠ ܥܝܕܐ ܐܚܪܢܐ ܡܬܡܙܓ
2:082.02	ܘܡܫܚܠܦ ܠܥܝܕܐ ܕܩܕܡܘܗܝ܂ ܒܫܪܪܐ ܐܝܟ ܟܡܐ ܕܥܗܢ ܘܙܕܩ ܘܠܐ ܗܘܐ
2:082.03	ܐܝܟ ܟܡܐ ܕܠܐ ܡܟܢ܂ 1݁9 ܠܐ ܓܝܪ ܡܫܟܚܐ ܗܕܐ ܕܠܓܡܪ ܠܐ݁ ܢܕܡܟ܂ ܘܐܠܐ
2:082.04	ܐܦܠܐ ܠܠܝܐ ܗܘܐ ܗܘܐ܂ ܕܥܗܢ ܠܢܝܚܗ݀ ܕܫܢܬܐ܂ 2݁1 ܘܐܢܐ ܟܕ ܫܡܥܬ
2:082.05	ܐܡܪܬ ܕܫܦܝܪ ܐܡܪܬ ܐܘ ܦܛܪܐ ܕܥܝܕܐ ܒܥܝܕܐ ܡܫܬܚܠܦ܂ 2݁2 ܡܛܠ
2:082.06	ܓܝܪ ܕܐܦ ܐܢܐ ܟܕ ܒܫܘܪܝܐ ܪܕܝܬ ܒܝܡܐ܂ ܠܘܩܕܡ ܐܝܟ ܚܫܟܐ ܘܨܘܪ̈ܢܐ
2:082.07	ܐܚܝܕܝܢ ܗܘܘ ܠܝ܂ ܕܡܛܠ ܗܕܐ ܥܪܩ ܗܘܝܬ ܕܠܐ ܡܣܝܒܪ ܗܘܝܬ
2:082.08	ܪܝܚܐ ܘܙܘܦܪܐ ܕܝܡܐ܂ 2݁3 ܘܟܢ ܒܬܪ ܝܘܡ̈ܬܐ ܙܥܘܪ̈ܐ ܗܘܝܬ ܒܥܝܕܐ
2:082.09	ܘܕܠܝܠܐܝܬ ܡܣܝܒܪ ܗܘܝܬ ܠܗ݀ ܠܡܪܕܝܬܐ ܘܠܡܕܡ ܕܐܟܠ ܗ݀ܘܝܬ
2:082.10	ܥܡ ܐܠܦܪܐ܂ ܗ݀ܘ ܕܩܕܡ ܫܒܥ ܫ̈ܥܝܢ ܡܢ ܩܕܝܡ ܘܐܦ ܠܐ ܡܡܬܘܡ
2:082.11	ܩܕܡ ܡܟܘܠܬܐ ܛܥܡ ܗܘܝܬ 2݁4 ܗܫܐ ܕܝܢ ܡܢ ܥܝܕܐ ܕܬܪ̈ܝܢ ܒܗ݀ ܒܗܝ
2:082.12	ܫܥܬܐ ܕܒܗ݀ ܥܡ ܐܠܦܪ̈ܐ ܐܟܠ ܗܘܝܬ ܟܦܢܐ ܥܐܠ ܥܠܝ܂ ܕܐܦ ܗ݂ܘ
2:082.13	ܗܢܐ ܡܢ ܢܣܝܢܐ ܩܕܡܝܐ ܬܘܒ ܝܕܥܢܐ ܕܒܥܝܕܐ ܡܫܬܚܠܦ܂ 2݁5 ܒܪܡ ܕܝܢ
2:082.14	ܡܗܝܡܢ ܐܢܐ ܠܟ ܕܗܕܐ ܗܟܢܐ ܓܕܫܬ ܠܟ ܕܬܬܥܝܪ܂ ܗܫܐ ܕܝܢ ܒܥܕܢܗ݀
2:082.15	ܡܛܠ ܕܚܫܚܐ ܨܒ݁ܝܬ ܕܬܐܡܪܝܗ݀ ܐܝܟܢܐ ܕܐܦ ܐܢܚܢܢ ܩܠܝܠ ܡܢ ܫܢܬܢ
2:082.16	ܕܢܕܚܘܩ ܡܢܢ ܢܨܒܐ ܕܗܟܢܐ ܝܘܠܦܢܐ ܢܫܟܚ ܕܢܬܩܪܒ ܠܘܬܢ܂ 2݁6 ܡܢ
2:082.17	ܒܬܪ ܓܝܪ ܦܘܪܢܣܗ݀ ܕܣܝܒܪܬܐ ܕܒܟܝܢܐ ܗ݂ܘ ܡܕܥܐ ܫܠܝܗ ܕܠܠܝܐ
2:082.18	ܢܣܒ ܠܗ܂ ܘܕܠܝܠܐܝܬ ܡܫܟܚ ܥܘܗܕܢܗܝܢ ܕܗܢܝܢ ܕܡܬܐܡܪ̈ܢ܂ 3݁1 ܘܗܘ
2:082.19	ܕܝܢ ܦܛܪܘܣ ܥܠ ܗܕܐ ܣܓܝ ܚܕܝ ܕܝܕܥܬ ܥܠܬܐ ܡܥܕܪܢܝܬܐ
2:082.20	ܕܬܫܥܝܬܗ ܘܫܒܚܢܝ܂ ܓܠܝܐ ܗܝ ܕܝܢ ܗܕܐ ܕܡܛܠ ܕܠܟܠܢ ܥܠܝܗ
2:082.21	ܕܗܕܐ ܢܓܪܓ܂
2:082.22	ܘܫܪܝ ܕܢܐܡܪ ܗܟܢܐ܂ 3݁2 ܕܥܕܢܐ ܗܘ ܡܟܝܠ ܘܗܕܐ ܥܗܢܐ ܕܥܠ ܗܕܐ
2:082.23	ܕܣܝܡܐ ܩܕܡܝܢ ܐܫܐܠ܂ ܐܡܪ ܐܢܐ ܕܝܢ ܥܠ ܣܝܡܘܢ 3݁3 ܐܝܟܢܐ ܕܐܕܥ
2:082.24	ܕܡܢܐ ܗܘ ܐܣܟܡܗ܂ ܘܡܢܐ ܐܢܘܢ ܣܘܥܪ̈ܢܘܗܝ܂ ܘܗ݂ܝ ܗܕܐ ܡܢ ܕܝܕܥ
2:082.25	ܠܐ ܬܡܐܢ ܠܗ ܕܢܐܡܪ ܠܝ܂ ܣܓܝ ܓܝܪ ܡܥܕܪܐ ܠܝ ܗܕܐ ܕܐܕܥ܂ 3݁4 ܐܢ
2:082.26	ܓܝܪ ܡܛܠ ܡܐܟ̈ܠܬܐ ܦܘܩܕܢܐ ܐܝܬ ܠܢ ܕܠܘܩܕܡ ܢܫܐܠ ܘܢܐܠܦ
2:082.27	ܕܡܢܘ ܫܘܐ ܕܠܘܬܗ ܣܝܒܪܬܐ ܥܬܝܕܝܢ ܕܢܩܒܠ܂ ܐܝܟܢܐ ܠܐ ܝܬܝܪܐܝܬ
2:082.28	ܗܕܐ ܐܠܨܐ ܕܢܕܥ ܕܠܡܢ ܡ̈ܠܐ ܕܥܠ ܚ̈ܝܐ ܕܠܥܠܡ ܚܝܒܝܢ ܐܢܚܢܢ
2:082.29	ܕܢܗܝܡܢ܂ 3݁5 ܡܐ ܓܝܪ ܕܝܨܝܦܝܢ ܐܢܚܢܢ ܘܒܛܝܠ ܠܢ ܥܠ ܡܪ̈ܓܢܝܬܐ
2:082.30	ܕܠܚܙܝܪ̈ܐ ܠܐ ܪܡܝܢ ܐܢܚܢܢ ܠܗܝܢ܂ ܐܝܟܢܐ ܗܟܝܠ ܠܐ ܕܪܘܫܥܐ ܐܝܬܝܗ݀
2:082.31	ܗܕܐ ܕܡ̈ܠܐ ܕܥܠ ܚÝ‰ܝܐ ܕܠܥܠܡ ܠܟܠ ܐܢܫ ܕܡܣܬܩܒܠ ܠܨܥܪܐ
2:082.32	ܢܫܕܐ܂ 4݁1 ܘܬܘܒ ܕܝܢ ܥܗܢܐ ܠܝ ܕܐܕܥ ܕܡܢܐ ܐܝܬܘܗܝ ܗܢܐ ܓܒܪܐ ܡܛܠ
2:084.01	ܗܕܐ܂ 4݁2 ܐܢ ܓܝܪ ܐܠܦ ܥܠܘܗܝ ܕܒܕܘܒܪ̈ܘܗܝ ܬܩܢܐ ܗܘ܂ ܒܗܢܝܢ ܕܠܐ
2:084.02	ܐܢܫ ܡܬܦܠܓ ܥܠܝ̈ܗܝܢ܂ ܝܬܝܪܐܝܬ ܡܢ ܗܢܘܢ ܕܕܚܠܬ ܐܠܗܐ ܡܫܬܘܕܝܢ܂
2:084.03	ܐܡܪ ܐܢܐ ܕܝܢ ܢܟܦܘܬܐ ܘܟܐܢܘܬܐ ܘܡܪܚܡܢܘܬܐ ܘܡܟܝܟܘܬܐ ܘܗܢܝܢ ܕܠܗܝܢ
2:084.04	ܢܩ̈ܦܢ ܗܢܝܢ ܕܟܠ ܐܢܫ ܝܕܥ ܕܫܦܝܪ̈ܬܐ ܐܢܝܢ܂ ܐܦܢ ܕܢܘܕܘܢ ܠܐ ܨܒܝܢ܂
2:084.05	4݁3 ܗܝܕܝܢ ܙܕܩ ܕܡܛܠ ܕܒܗܠܝܢ ܕܓܠܝܢ ܐܢܝܢ ܬܩܢܐ ܐܝܬܘܗܝ ܢܬܠ
2:084.06	ܠܗ ܐܝܕܥܬܐ ܗܝ ܕܚܣܝܪܐ ܠܗ܂ ܐܝܟܢܐ ܕܗܢܝܢ ܒܝ̈ܫܬܐ ܕܡܨܝ̈ܐܢ ܕܘܒܪܗ
2:084.07	ܡܢ ܬܪܥܝܬܗ ܢܬܕܟܝ̈ܢ܂ 4݁4 ܘܐܢ ܕܝܢ ܕܠܩܘܒܠܐ ܕܗܢܝܢ ܐܠܦ ܥܠܘܗܝ܂
2:084.08	ܕܒܗܠܝܢ ܚ̈ܛܗܐ ܓ̈ܠܝܐ ܡܬܕܒܪ܂ ܒܠܚܘܕ ܗܕܐ ܕܐܟܣܝܘܗܝ ܘܐܣܗܕ
2:084.09	ܒܗ ܥܗܢܐ ܠܝ܂ ܕܕܠܡܐ ܟܝ ܢܫܚܠܦ ܐܣܟܡܗ ܘܕܘܒܪܗ܂ ܠܐܝܠܝܢ ܓܝܪ
2:084.10	ܕܕܐܝܟ ܗܟܢܐ ܐܝ̈ܬܝܗܘܢ ܡܢ ܒܬܪ ܣܗܕܘܬܐ ܠܐ ܙܕܩ ܕܩܕܡ ܕܒܥܒ̈ܕܝܗܘܢ
2:084.11	ܢܬܦܢܘܢ ܘܢܬܬܩܢܘܢ ܕܗܢܝܢ ܐܪ̈ܙܐ ܕܥܠ ܐܝܕܥܬܐ ܕܐܠܗܐ ܢܓܠܐ ܠܗܘܢ݁܂
2:084.12	4݁5 ܘܐܢ ܕܝܢ ܟܒܪ ܢܐܬܐ ܘܢܬܓܪܓ ܥܡܢ ܕܢܐܡܪ ܡܢ ܗܢܝܢ ܕܠܐ ܘܠܐ ܕܢܐܡܪ ܠܗ܂
2:084.13	ܡܛܠ ܕܠܐ ܬܩܢ ܒܕܘܒܪ̈ܘܗܝ ܚܟܝܡܐܝܬ ܙܕܩ ܕܢܨܛܕܐ ܒܗ܂ 4݁6 ܡܛܠ
2:084.14	ܕܗܕܐ ܕܢܫܬܐܠ ܐܡܝܢܐܝܬ ܠܐ ܥܗܢܐ ܡܛܠ ܕܐܢܫܝ̈ܢ ܫܡܘ̈ܥܐ ܗܕܝܘ̈ܛܐ܂ ܗܢܘܢ
2:084.15	ܕܟܒܪ ܢܣܒܪܘܢ ܥܠܝܢ ܐܝܟ ܗ݀ܘ ܕܡܕܡ ܠܐ ܝܕܥܝܢ ܐܢܚܢܢ܂ ܘܡܛܠ ܗܕܐ
2:084.16	ܫܢܝܢ ܠܢ ܘܗܟܢܐ ܢܬܦܠܓܘܢ ܘܣܓܝ ܢܣܬܓܦܘܢ ܟܕ ܪܥܝܢܢ ܕܝܠܢ ܠܐ
2:084.17	ܝܕܥܝܢ܂ 5݁1 ܡܢ ܒܬܪ ܗܟܝܠ ܕܐܡܪ ܠܢ ܦܛܪܘܣ ܗܠܝܢ܂ ܢܝܩܛܣ ܒܥܐ
2:084.18	ܡܢܗ܂ ܕܢܦܣ ܠܗ ܕܢܐܡܪ܂ 5݁2 ܘܟܕ ܦܛܪܘܣ ܐܦܣ ܠܗ ܐܡܪ ܕܫܒܘܩ
2:084.19	ܠܝ ܐܘ ܦܛܪܐ ܕܪܘܪܒܐܝܬ ܩܢܝܛ ܐܢܐ ܕܕܡ ܒܒܥܬܐ ܕܥܡ ܣܝܡܘܢ ܒܨܝܪܐ
2:084.20	ܬܫܬܟܚ 5݁3 ܓܕܫܐ ܓܝܪ ܐܡܬܝ ܕܗ݂ܘ ܕܟܕ ܫܪܪܐ ܐܢܫ ܐܡܪ ܠܐ ܢܙܟܐ
2:084.21	ܡܛܠ ܫܡ̈ܘܥܐ ܕܐܘ ܠܐ ܦܪ̈ܘܫܐ ܐܢܘܢ ܐܘ ܕܐܬܩܕܡܘ ܠܗܘ ܕܠܩܘܒܠܐ ܐܘ
2:084.22	ܕܠܐ ܒܛܝܠ ܠܗܘܢ ܥܠ ܡܝܬܪܘܬܐ ܘܙܟܘܬܐ ܠܡܢ ܕܨܒܝܢ ܒܛܝܒܘܬܐ
2:084.23	ܝܗܒܝܢ܂ 5݁4 ܘܥܡ ܗܢܝܢ ܕܝܢ ܟܠܗܝܢ ܐܦ ܗ݂ܘ ܣܝܡܘܢ ܐܝܬܘܗܝ
2:084.24	ܣܘܦܣܛܐ ܨܢܝܥܐ ܘܚܪܥܐ ܕܒܗ̈ܦܟܬܐ ܘܥܘ̈ܬܕܐ ܕܚܘܫ̈ܒܐ ܐܬܪܒܝ܂ ܘܕܩܫܝܐ
2:084.25	ܕܝܢ ܘܒܝܫܐ ܡܢ ܟܘܠܗܝܢ ܕܐܦ ܒܚܪ̈ܫܘܬܐ ܪܘܪܒܐܝܬ ܡܢܦܩ܂ 5݁5 ܕܡܛܠ
2:084.26	ܗܕܐ ܕܚܠܢܐ ܕܕܡ ܡܛܠ ܕܡܢ ܟܠ ܕܘܟܐ ܥܫܝܢܐܝܬ ܡܚܡܣܢ ܠܘܬ
2:084.27	ܗܢܘܢ ܫܡܘܥ̈ܐ ܕܠܐ ܝܕܥܝܢ ܠܗ ܕܓ̈ܠܬܐ ܟܕ ܢܐܡܪ ܫܪ̈ܝܪܬܐ ܢܣܬܒܪ̈ܢ
2:084.28	ܠܗܘܢ݁܂ 5݁6 ܐܦ ܠܐ ܓܝܪ ܐܢܚܢܢ ܕܢܥܪܘܩ ܡܢܗ ܘܒܝܫܘܥ ܢܗܝܡܢ
2:084.29	ܡܫܟܚܝܢ ܗܘܝܢ ܐܠܘ ܠܐ ܕܡܥܕܪ̈ܢܘܗܝ ܗܘ ܒܥܒ̈ܕܘܗܝ ܐܝܬܝܢ ܗܘܝܢ
2:084.30	ܥܡܗ ܒܚܪܫܘܬܐ ܘܕܡܛܥܝܢܐ ܗܘ ܝܕܥܝܢ ܗܘܝܢ܂ 6݁1 ܘܟܕ ܢܝܩܛܣ ܗܠܝܢ
2:084.31	ܐܡܪ ܐܦ ܐܩܝܠܘܣ ܒܥܐ ܕܐܦ ܠܗ ܢܦܣ ܠܗ܂ ܕܡܕܡ ܢܐܡܪ ܘܢܣܒ
2:086.01	ܕܢܐܡܪ 6݁2 ܕܩܒܠܝܢܝ ܐܦ ܠܝ ܘܠܨܒܝܢܝ ܛܒܐ ܕܠܘܬܟ ܕܐܦ ܐܢܐ ܐܟܘܬܗ
2:086.02	ܕܢܝܩܛܣ ܒܐܝܓܘܢܐ ܐܝܬܝ܂ 6݁3 ܘܠܐ ܬܒܣܘܪܝܢܝ ܡܛܠ ܗܕܐ܂ ܕܢܬܒܛܠ
2:086.03	ܓܝܪ ܠܐܢܫ ܥܠ ܚܒܪܗ ܡܢ ܚܘܒܐ ܗ݂ܘ ܗܘܝܐ܂ ܘܕܢܒܣܐ ܕܝܢ ܐܢܫ ܠܐ
2:086.04	ܒܨܝܪܐ ܡܢ ܣܢܐܬܐ܂ 6݁4 ܣܗܕܐ ܓܝܪ ܠܐܠܗܐ ܩܪܐ ܐܢܐ ܕܠܐ ܗܘܐ ܡܛܠ
2:086.05	ܕܒܨܝܪ ܐܢܬ ܒܥܝ̈ܢܝ ܘܐܝܟ ܗ݀ܘ ܕܢܫܝܫ ܐܢܬ ܒܒܥܬܐ܂ ܕܚܠ ܐܢܐ ܕܕܡ
2:086.06	ܒܨܝܪܐ ܬܫܬܟܚ ܡܢ ܣܝܡܘܢ݁܂ ܐܝܟܢܐ ܓܝܪ ܐܝܬܝܗ݀ ܗܕܐ ܡܛܠ ܕܐܦܠܐ
2:086.07	ܡܡܬܘܡ ܩܪܝܒ ܗܘܝܬ ܟܕ ܒܥܬܐ ܥܒܕ ܗܘܝܬ܂ ܕܡܛܠ ܗܕܐ ܕܗܢܝܢ
2:086.08	ܕܝܠܟ ܠܐ ܝܕܥ ܐܢܐ ܘܗܢܝܢ ܕܝܢ ܪ̈ܘܫܥܘܗܝ ܕܗ݀ܘ ܝܕܥܢܐ܂ ܘܥܠ ܐܝܩܪܟ
2:086.09	ܕܝܢ ܒܛܝܠ ܠܝ܂ ܘܐܦ ܥܠ ܢܦܫ̈ܬܗܘܢ ܕܫܡܘ̈ܥܐ܂ ܘܩܕܡ ܟܠ ܡܕܡ
2:086.10	ܥܠܝܗ݀ ܕܫܪܝܪܬܐ 6݁5 ܒܟܠܡܕܡ ܓܝܪ ܕܨܒܐ ܗ݂ܘ ܗ݀ܘ ܚܪܫܐ ܡܫܟܚ܂
2:086.11	ܡܛܠ ܕܝܬܝܪܐܝܬ ܪ̈ܚܡܐ ܠܝܬ ܠܗ܂ 6݁6 ܟܠܗܝܢ ܓܝܪ ܕܗ݀ܘ ܚܬܝܬܐܝܬ
2:086.12	ܝܕܥܝܢ ܐܢܚܢܢ ܕܡܢ ܛܠܝܘܬܢ ܦ̈ܥܠܐ ܡܥܕܪ̈ܢܐ ܒܒܝܫ̈ܬܗ ܗܘܝܢ ܠܗ܂
2:086.13	ܘܐܠܘ ܠܐ ܕܐܝܢ ܒܫܪܪܐ ܪ̈ܚܡܝ ܐܠܗܐ ܐܝܬܝܢ ܗܘܝܢ ܐܦ ܥܕܡܐ ܠܗܫܐ
2:086.14	ܐܝܟ ܕܒܛܘܥܝܝ ܗܢܝܢ ܗܢܝܢ ܕܝܠܗ ܥܡܗ ܣܥܪܝܢ ܗܘܝܢ܂ 6݁7 ܐܠܐ ܚܘܒܐ
2:086.15	ܗ݀ܘ ܕܐܠܗܐ ܕܡܟܢ ܗܘܐ ܒܢ ܐܫܟܚ ܕܢܥܒܕܢ ܒܥܠܕܒ̈ܒܐ ܠܒܝܫܐ ܘܒ̈ܢܝ
2:086.16	ܒܝܬܐ ܠܛܒܐ܂ 6݁8 ܕܡܛܠ ܗܕܐ ܣܒܪ ܐܢܐ ܕܠܐ ܗܘܐ ܕܠܐ ܒܛܝܠܘܬܐ ܨܒܘܬܐ
2:086.17	ܕܝܠܢ ܗܘܝܬ܂ ܕܠܘܩܕܡ ܪ̈ܚܡܐ ܠܗܘ ܢܗܘܐ ܘܢܕܥ ܕܐܝܟܢܐ ܗܢܝܢ ܣܘܥܪ̈ܢܐ
2:086.18	ܕܬܕܡܘܪܬܐ ܥܒܕ ܘܗܝܕܝܢ ܢܒܣܪܝܘܗܝ ܘܢܪܚܩ ܡܢܗ܂ 6݁9 ܡܢܘ ܓܝܪ
2:086.19	ܗ݀ܘ ܕܠܐ ܬܗܪ ܥܠ ܗܠܝܢ ܬܕܡܪ̈ܬܐ ܕܡܢܗ ܗܘܝܢ ܘܢܣܒܪ ܥܠܘܗܝ ܕܡܢ
2:086.20	ܫܡܝܐ ܠܦܘܪܩܢܐ ܕܒ̈ܢܝ ܐܢܫܐ ܐܬܐ ܐܝܟ ܐܠܗܐ܂ 6݁10 ܘܐܢܐ ܕܝܢ ܥܠ ܗܢܝܢ
2:086.21	ܕܝܠܝ ܡܘܕܐ ܐܢܐ܂ ܕܐܠܘ ܠܐ ܡܥܕܪܢܗ ܗܘܝܬ ܒܗܢܝܢ ܕܡܢܗ ܗܘܝܢ
2:086.22	ܗܘܝ ܡܬܚܛܦ ܗܘܝܬ ܐܦ ܐܢܐ܂ ܕܡܛܠ ܗܕܐ ܕܝܠܢ ܠܐ ܪܒܐ ܕܫܢܝܢ
2:086.23	ܘܥܪܩܢ ܡܢܗ ܕܝܕܥܢܢ ܕܒܚܪܫܘܬܐ ܥܒܕ ܠܗܝܢ ܕܓܒܪܐ ܗܘ ܚܪܫܐ
2:086.24	ܘܡܓܘܫܐ܂ 6݁11 ܘܐܢ ܕܝܢ ܨܒܝܬ ܐܦ ܐܢܬ܂ ܕܟܘܠܗܝܢ ܗܢܝܢ ܕܝܠܗ
2:086.25	ܚܬܝܬܐܝܬ ܬܕܥ ܕܒܪ ܡܢܘ ܘܡܢ ܐܝܟܘ܂ ܘܡܢܐ ܨܒܐ ܘܐܝܠܝܢ ܐܢܝܢ ܕܝܠܗ
2:086.26	ܘܐܝܟܢܐ ܐܝܬܝܗܝܢ ܗܢܝܢ ܕܣܥܪ ܫܡܥ ܡܟܝܠ܂
2:086.27	7݁1 ܣܝܡܘܢ ܗܢܐ ܐܝܬܘܗܝ ܐܒܘܗܝ ܐܢܛܘܢ ܘܐܡܗ ܪܚܝܠ ܡܢ ܥܡܐ
2:086.28	ܕܫܡܪ̈ܝܐ ܘܡܢ ܓܬܢܝܢ ܩܪܝܬܐ ܘܐܝܬܘܗܝ ܚܪܫܐ ܘܒܡܪܕܘܬܐ ܕܝܘ̈ܢܝܐ

2:086.29	ܢܦܩ ܢܦܫܗ ܣܘܓܐܐ ܕܛܒ ܘܐܬܪܝܡ ܘܐܬܢܦܚ܂ ܘܨܒܐ ܕܢܣܬܒܪ ܕܐܝܬܘܗܝ

2:086.30	ܚܝܠܐ ܕܠܥܠ ܡܢ ܒܪܘܝܐ ܘܥܠ ܢܦܫܗ ܒܐܪܙܐ ܐܡܪ ܕܡܫܝܚܐ ܐܢܐ ܘܡܬܩܪܐ
2:086.31	ܕܩܐܡ܂ 7݁2 ܡܬܚܫܚ ܕܝܢ ܒܗܢܐ ܫܡܐ܂ ܡܛܠ ܕܐܡܪ ܕܠܐ ܡܫܬܪܐ ܐܢܐ܂ ܐܝܟ
2:086.32	ܗܘ ܕܦܓܪܗ ܒܗ݀ ܒܐܠܗܘܬܐ ܐܬܩܒܥ܂ ܐܝܟ ܕܢܫܟܚ ܕܒܟܠܙܒܢ ܢܩܘܐ܂
2:086.33	7#3 ܕܡܛܠ ܗܕܐ ܕܩܐܡ ܐܬܩܪܝ ܐܝܟ ܕܬܚܝܬ ܚܒܠܐ ܠܐ ܡܫܟܚ ܕܢܦܠ܂ 8݁1 ܟܕ
2:088.01	ܓܝܪ ܐܬܩܛܠ ܝܘܚܢܢ ܡܥܡܕܢܐ ܐܝܟܢܐ ܕܐܦ ܐܢܬ ܝܕܥ ܐܢܬ܂ ܘܢܣܒ
2:088.02	ܫܘܠܛܢܐ ܕܘܣܝܬܐܘܣ ܕܝܠܗ݀ ܕܦܠܓܘܬܐ ܥܡ ܗܢܘܢ ܪ̈ܫܢܐ ܕܐܝܬܝ̈ܗܘܢ
2:088.03	ܬܠ̈ܬܝܢ܂ ܘܥܡ ܐܢܬܬܐ ܚܕܐ ܕܡܬܩܪܝܐ ܣܗܪܐ ܐܝܟܢܐ ܕܬܠ̈ܬܝܢ ܐܝܟ ܪܗܛܗ
2:088.04	ܕܣܗܪܐ ܢܗܘܘܢ܂ ܗܘ ܗܢܐ ܣܝܡܘܢ ܠܐ ܝܕܥܢܐ ܐܝܟܢܐ ܡܛܠ ܕܬܫܒܘܚܬܐ
2:088.05	ܣܪܝܩܬܐ ܡܚܒ ܐܪܥܗ ܠܕܘܣܝܬܐܘܣ 8݁2 ܘܥܡ ܚܘܒܐ ܕܙܐܦܐ ܒܥܐ ܡܢܗ
2:088.06	ܕܐܡܬܝ ܕܐܢܫ ܡܢ ܗܢܝܢ ܬܠܬܝ̈ܢ ܢܡܘܬ ܒܪܫܥܬܗ ܒܕܘܟܬܗ ܕܗ݀ܘ ܕܡܝܬ
2:088.07	ܠܗ ܢܣܝܡ܂ ܐܦܠܐ ܓܝܪ ܩܕܡ ܒܘܚܪܢܐ ܥܐܠ ܘܡܬܣܝܡ ܘܐܦ ܠܐ
2:088.08	ܥܠܘܗܝ ܕܡܢܝܢܐ ܐܢܫ ܡܬܬܘܣܦ ܐܘ ܒܨܪ܂ 8݁3 ܕܡܛܠ ܗܕܐ ܗܢܘܢ ܗܢܘܢ
2:088.09	ܟܠܗܘܢ ܫܪܟܐ ܕܢܩܝܦܝܢ ܠܗܘܢ ܡܛܠ ܕܪ̈ܓܝܓܝܢ ܕܢܫܘܘܢ ܠܗ݀
2:088.10	ܠܕܘܟܬܐ܂ ܕܘܒܪ̈ܐ ܕܫܦܪܝܢ ܠܗ ܠܣܕܪܗܘܢ ܡܚܘܝܢ܂ ܡܛܠ ܕܡܢ
2:088.11	ܒܬܪ ܡܘܬܐ ܕܚܕ ܐܢܫ ܡܢ ܗܢܘܢ ܬܠܬܝ̈ܢ ܡܢ ܐ̈ܢܫܐ ܕܢܩܝܦܝܢ ܠܗܘܢ
2:088.12	ܗ݀ܘ ܐܝܢܐ ܕܒܚܪܝܢ ܕܫܘܐ ܒܕܘܟܬܗ ܕܗܘ ܕܡܝܬ ܣܝܡܝܢ܂ 8݁4 ܗܘ ܗܟܝܠ
2:088.13	ܕܘܣܝܬܐܘܣ ܒܣܓܝܐ̈ܬܐ ܐܬܟܚܕ ܘܟܕ ܚܣܪ ܡܢܝܢܐ ܣܡܗ ܠܣܝܡܘܢ܂
2:088.14	9݁1 ܘܗܘ ܕܝܢ ܣܝܡܘܢ ܒܬܪ ܩܠܝܠ ܪܚܡܗ݀ ܠܗܝ ܕܡܬܩܪܝܐ ܣܗܪܐ ܘܠܢ
2:088.15	ܕܝܠܢ ܟܠܗܝܢ ܗܢܝܢ ܕܝܠܗ ܐܫܬܥܝ ܕܐܝܟܢܐ ܚܪܫܐ ܐܝܬܘܗܝ ܘܠܗܝ
2:088.16	ܕܡܬܩܪܝܐ ܣܗܪܐ ܪܚܡ ܘܕܬܫܒܘܚܬܐ ܡܚܒ܂ ܘܡܛܠ ܨܥܪܐ ܕܒܥܓܠ
2:088.17	ܢܩܪܘܒ ܠܗ݀ ܠܨܒܘܬܐ ܠܐ ܨܒܐ܂ ܐܠܐ ܐܡܪ ܠܢ ܕܒܡܓܪܬ ܪܘܚܐ ܒܐܣܟܡܐ
2:088.18	ܡܫܟܚ ܐܢܐ ܕܐܣܥܘܪ ܐܢ ܐܦ ܐܢܚܢܢ ܢܥܕܪܝܘܗܝ ܒܗܢܝܢ ܕܨܒܐ܂ 9݁2 ܘܐܓܪܐ
2:088.19	ܕܗܕܐ ܬܫܡܫܬܢ ܐܫܬܘܕܝ ܕܢܬܠ ܠܢ ܕܐܠܗ̈ܐ ܢܣܬܒܪ ܘܠܟܠܗܘܢ
2:088.20	ܐܝܩܪ̈ܐ ܢܫܘܐ܂ ܘܟܠܗܝܢ ܗܢܝܢ ܕܝܠܗ ܕܝܠܢ ܢܗܘ̈ܝܢ܂ ܘܐܡܪ ܠܢ
2:088.21	ܕܒܠܚܘܕ ܠܝ ܗܕܐ ܐܦܣܘ ܕܐܗܘܐ ܠܟܘܢ ܪܝܫܐ ܐܢܐ ܕܒܚܪܫܘܬܐ ܐܬܘ̈ܬܐ
2:088.22	ܣܓ̈ܝܐܬܐ ܕܐܥܒܕ ܡܫܟܚ ܐܢܐ ܐܝܟܢܐ ܕܬܫܒܘܚܬܢ ܘܐܝܩܪܢ ܢܫܟܚ
2:088.23	ܕܢܩܘܐ܂ 9݁3 ܐܢ ܠܡ ܓܝܪ ܢܨܒܘܢ ܕܢܠܒܟܘܢܢ ܡܫܟܚ ܐܢܐ ܕܠܐ ܐܬܚܙܐ܂
2:088.24	ܘܡܐ ܕܨܒܝܬ ܕܐܬܚܙܐ݂ ܡܬܚܙܐ ܐܢܐ܂ ܘܐܢ ܐܥܪܘܩ ܛܘܪܐ ܒܙܥ ܐܢܐ ܐܝܟ ܛܝܢܐ
2:088.25	ܪܓܝܐ ܘܥܒܪ ܐܢܐ܂ ܘܡܢ ܛܘܪܐ ܪܡܐ ܐܢ ܐܫܕܐ ܢܦܫܝ܂ ܐܝܟ ܗ݀ܘ ܕܛܥܝܢܝܢ
2:088.26	ܠܝ݂ ܢܛܝܠܐܝܬ ܠܐܪܥܐ ܢܚܬ ܐܢܐ܂ 9݁4 ܘܢܦܫܝ ܫܪܐ ܐܢܐ܂ ܘܠܗܢܘܢ ܕܐܣܪܘܢܝ
2:088.27	ܕܢܬܐܣܪܘܢ ܥܒܕ ܐܢܐ܂ ܘܒܝܬ ܐܣܝܪ̈ܐ ܐܢ ܐܬܚܒܫ ܬܪܥܐ ܦܬܚ ܐܢܐ܂
2:088.28	ܘܒܨ̈ܠܡܐ ܢܦܫ̈ܬܐ ܝܗܒ ܐܢܐ܂ ܐܝܟܢܐ ܕܢܣܒܪܘܢ ܠܗܘܢ ܗ݀ܢܘܢ ܕܚܙܝܢ
2:088.29	ܠܗܘܢ ܕܒ̈ܢܝ ܐ̈ܢܫܐ ܐܝ̈ܬܝܗܘܢ܂ ܘܢܨܒ̈ܬܐ ܚ̈ܕܬܬܐ ܒܪܡܙܐ ܥܒܕ ܐܢܐ܂
2:088.30	ܕܢܦܪ̈ܥܢ܂ ܘܐܝ̈ܠܢܐ ܒܗ݀ ܒܫܥܬܐ ܡܢ ܐܪܥܐ ܡܦܩ ܐܢܐ܂ ܘܒܢܘܪܐ ܐܢ ܐܫܕܐ
2:088.31	ܢܦܫܝ ܠܐ ܝܩܕ ܐܢܐ܂ 9݁5 ܘܢܦܫܝ ܡܫܚܠܦ ܐܢܐ܂ ܘܕܬܪ̈ܝܢ ܦܪ̈ܨܘܦܘܗܝ
2:088.32	ܠܒ̈ܢܝ ܐܢܫܐ ܡܬܚܙܐ ܐܢܐ܂ ܘܥܪܒܐ ܗܘܐ ܐܢܐ܂ ܘܥܙܐ ܡܬܚܙܐ ܐܢܐ܂ ܘܠܝܠܘܕܐ