The Comprehensive Aramaic Lexicon

2:090.01	ܕܩܢܐ ܝܗܒ ܐܢܐ܂ ܘܒܐܐܪ ܦܪܚ ܐܢܐ܂ ܘܕܗܒܐ ܣܓܝܐܐ ܡܚܘܐ ܐܢܐ ܘܡ̈ܠܟܐ݂
2:090.02	ܥܒܕ ܐܢܐ܂ ܘܠܗܘܢ ܠܗܢܘܢ ܡܬܡܗ ܐܢܐ܂ 9݁6 ܘܡܣܬܓܕܢܐ ܘܠܐܝܩܪ̈ܐ
2:090.03	ܕܡܢ ܟܠ ܐܢܫ ܫܘܐ ܐܢܐ ܐܝܟܢܐ ܕܕܡܘܬܝ ܢܥܒܕܘܢ݁ ܘܐܝܟ ܕܠܐܠܗܐ
2:090.04	ܢܦܠܚܘܢ ܘܢܣܓܕܘܢ ܠܝ܂ 9݁7 ܘܡܢܐ ܡܬܒܥܐ ܕܣܓ̈ܝܐܬܐ ܐܡܪ ܕܟܠ
2:090.05	ܡܕܡ ܕܐܨܒܐ ܕܐܥܒܕ ܡܫܟܚ ܐܢܐ܂ ܗܐ ܓܝܪ ܣܓܝ̈ܐܬܐ ܐܝܟ ܕܠܢܣܝܢܐ
2:090.06	ܥܒ̈ܝܕܢ ܠܝ܂ 9݁8 ܒܙܒܢ ܠܡ ܓܝܪ ܟܕ ܪܚܝܠ ܐܡܝ ܦܩܕܬ ܠܝ ܕܠܚܨܕܐ
2:090.07	ܐܙܠ܂ ܐܢܐ ܠܡܓܠܐ ܕܣܝܡܐ ܦܩܕܬ ܕܬܐܙܠ ܘܬܚܨܘܕ ܘܗܟܢܐ ܗܘܬ ܥܠ
2:090.08	ܥܣܪܐ ܐܥ̈ܦܝܢ݁ 9݁9 ܘܢܨܒ̈ܬܐ ܚܕܬ̈ܬܐ ܠܐܪܥܐ ܕܬܪܒܐ ܐܢܐ ܥܒܕܬ ܘܠܩܘܢܪܐ
2:090.09	ܐܢܐ ܒܪܡܙܐ ܕܫܥܬܐ ܕܢܫܘܚ ܥܒܕܬ܂ ܘܗܢܐ ܛܘܪܐ ܕܩܪܝܒ ܐܢܐ ܒܙܥܬܗ
2:090.10	10݁1 ܘܟܕ ܗܢܝܢ ܗܟܝܠ ܐܡܪ ܗܘܐ ܥܠ ܢܨܒ̈ܬܐ ܘܥܠ ܒܙܥܗ ܕܛܘܪܐ
2:090.11	ܬܡܗܢܢ ܕܐܦ ܠܢ ܕܓܠܐ ܠܢ ܥܠ ܢܦܫܗ ܐܝܟ ܨܒܐ ܗܘܐ ܕܢܛܥܐ܂
2:090.12	ܝܕܥܝܢ ܗܘܝܢ ܓܝܪ ܕܡܢ ܕܪ̈ܐ ܩܕܡ̈ܝܐ ܐܝܬܝ̈ܗܝܢ ܘܗܘ ܕܝܢ ܨܒܐ ܕܢܫܬܒܗܪ
2:090.13	10݁2 ܕܗ݂ܘ ܥܒܕ ܐܢܝܢ܂ ܘܟܕ ܗܟܝܠ ܗܢܝܢ ܘܐܚܪ̈ܢܝܬܐ ܕܪ̈ܫܝܥܢ ܡܢܗܝܢ
2:090.14	ܫܡܥܢ ܗܘܝܢ܂ ܐܢܚܢܢ ܐܣܬܪܗܒܢܢ ܐܝܟ ܨܒܝܢܗ ܘܠܣܓܝ̈ܐܐ ܐܛܒܢ
2:090.15	ܥܠܘܗܝ ܘܣܓܝ̈ܐܬܐ ܥܠܘܗܝ ܕܓܠܢ܂ ܘܗܢܝܢ ܩܕܡ ܕܠܐ ܢܥܒܕ ܚܕܐ
2:090.16	ܡܢܗܝܢ ܕܐܫܬܘܕܝ ܐܝܟܢܐ ܕܢܣܒܪܘܢ ܐܢܫܝܢ ܕܗܘ ܐܝܬܘܗܝ ܐܠܗܐ܂
2:090.17	11݁1 ܒܪܡ ܗܟܝܠ ܒܫܘܪܝܐ ܟܕ ܐܝܬܘܗܝ ܗܘܐ ܥܡ ܗܢܘܢ ܬܠܬܝ̈ܢ ܬܠܡܝܕ̈ܘܗܝ
2:090.18	ܕܕܘܣܝܬܐܘܣ ܐܟܠ ܗܘܐ ܠܗܘܢ ܩܪ̈ܨܘܗܝ ܕܕܘܣܝܬܐܘܣ ܕܠܐ ܠܡ ܕܟܝܐܝܬ
2:090.19	ܡܫܠܡ ܠܟܘܢ ܝܘܠܦܢܐ ܘܗ݂ܝ ܗܕܐ ܠܡ ܥܒܕ ܠܐ ܗܘܐ ܐܝܟ ܕܒܚܣܡܐ
2:090.20	ܐܠܐ ܡܛܠ ܕܠܐ ܝܕܥ܂ 11݁2 ܘܟܕ ܒܙܒܢ ܐܪܓܫ ܕܘܣܝܬܐܘܣ ܒܡܐܟܠ ܩܪܨܗ
2:090.21	ܣܓܝܐܐ ܕܒܐܘܡܢܘܬܐ ܗ݂ܘ ܣܝܡܘܢ ܨܒܐ ܕܢܫܪܐ ܗܢܐ ܡܣܡ ܒܪܥܝܢܐ
2:090.22	ܕܣ̈ܓܝܐܐ܂ ܘܢܚܘܐ ܕܗ݂ܘ ܐܝܬܘܗܝ ܗ݀ܘ ܕܩܐܡ ܘܒܚܡܬܐ ܠܒܝܬ
2:090.23	ܝܘܠܦܢܗܘܢ ܐܝܟ ܕܒܥܝܕܐ ܐܬܐ܂ ܘܐܫܟܚܗ ܠܣܝܡܘܢ ܘܡܚܝܗܝ܂ ܗ݂ܝ
2:090.24	ܕܝܢ ܓܘܙܥܐ ܐܝܟ ܕܒܬܢܢܐ ܐܣܬܒܪܬ ܕܥܒܪܬ ܒܗ ܒܣܝܡܘܢ܂ 11݁3 ܘܡܛܠ
2:090.25	ܗܕܐ ܬܡܗ ܗܘ ܕܘܣܝܬܐܘܣ ܘܐܡܪ ܠܗ܂ ܐܢ ܐܢܬ ܐܢܬ ܗܘ ܕܩܐܡ܂ ܘܐܦ
2:090.26	ܐܣܓܘܕ ܠܟ܂ 11݁4 ܘܟܕ ܐܡܪ ܣܝܡܘܢ ܕܐܢܐ ܐܝܬܝ ܗܘ ܕܘܣܝܬܐܘܣ ܝܕܥ
2:090.27	ܥܠ ܢܦܫܗ ܕܠܐ ܐܝܬܘܗܝ ܗܘ ܕܩܐܡ ܘܢܦܠ ܣܓܕ ܠܗ܂ ܘܗܟܢܐ ܥܡ

2:090.28	ܗܢܘܢ ܥܣܪܝܢ ܘܬܫ̈ܥܐ ܪ̈ܫܢܐ ܬܚܬܝ ܣܡ ܢܦܫܗ ܘܒܕܘܟܬܐ ܕܣܒܪܐ

2:090.29	ܕܝܠܗ ܐܩܝܡ ܠܣܝܡܘܢ ܘܦܩܕ ܕܟܠܡܕܡ ܠܗ ܢܫܡܥܘܢ܂ ܟܕ ܗܟܝܠ
2:090.30	ܣܝܡܘܢ ܩܡ ܒܕܘܟܬܐ ܕܣܒܪܗ ܕܕܘܣܝܬܐܘܣ ܗ݂ܘ ܕܘܣܝܬܐܘܣ ܕܢܣܒ
2:090.31	ܕܘܟܬܗ ܕܣܝܡܘܢ ܢܦܠ ܘܡܝܬ܂ 12݁1 ܘܡܢ ܒܬܪ ܗܟܝܠ ܡܘܬܗ ܕܕܘܣܝܬܐܘܣ
2:090.32	ܗ݂ܘ ܣܝܡܘܢ ܠܗ݀ ܠܣܗܪܐ ܢܣܒܗ݀ ܘܡܬܟܪܟ ܥܕܡܐ ܠܗܫܐ ܐܝܟܢܐ
2:092.01	ܕܚܙܐ ܐܢܬ܂ ܘܡܛܥܐ ܠܟܢܫܐ ܘܐܡܪ ܕܚܝܠܐ ܐܝܬܝ ܡܢ ܒܬܪ ܒܪܘܝܐ ܕܣܓܝ
2:092.02	ܡܫܟܚ ܐܢܐ ܕܐܥܒܕ 12݁2 ܘܥܠ ܣܗܪܐ ܗ݀ܝ ܕܥܡܗ ܐܡܪ ܕܡܢ ܫܡ̈ܝܐ ܠܡ
2:092.03	ܥ̈ܠܝܐ ܢܚܬܬ ܠܥܠܡܐ܂ ܘܐܝܬܝܗ݀ ܠܡ ܚܟܡܬܐ ܘܐܡܐ ܕܟܠܡܕܡ
2:092.04	ܕܡܛܠܬܗ݀ ܠܡ ܝܘ̈ܢܝܐ ܘܒܪ̈ܒܪܝܐ ܐܬܟܬܫܘ ܒܕܡܘܬܐ ܕܨܠܡܐ ܕܫܪܪܗ܂ ܗ݂ܝ
2:092.05	ܓܝܪ ܕܐܢ ܒܫܪܪܐ ܐܝܬܝܗ݀ ܒܗܘ ܙܒܢܐ ܠܘܬ ܗ݀ܘ ܐܠܗܐ ܩܕܡܝܐ ܐܝܬܝܗ݀
2:092.06	ܗܘܬ܂ ܓܠܝܐ ܗܝ ܕܝܢ ܕܠܘܬ ܗܘ ܩܕܡܝܐ ܒܠܚܘܕܘܗܝ܂ 12݁3 ܒܪܡ ܕܝܢ
2:092.07	ܕܐܝܟ ܗܢܝܢ ܟܕ ܡܡܙܓܢ ܒܫ̈ܘܥܝܬܐ ܕܝܘ̈ܢܝܐ ܡܦܝܣܢܐܝܬ ܐܡܪ ܘܠܣܓ̈ܝܐܐ
2:092.08	ܡܛܥܐ܂ 12݁4 ܗ݀ܘ ܗܟܝܠ ܡܕܡ ܕܐܢܐ ܚܙܝܬ ܨܒܢܐ ܕܐܡܪ܂ ܟܕ ܓܝܪ ܗܝ
2:092.09	ܣܗܪܐ ܗܕܐ ܕܝܠܗ ܒܡܓܕܠܐ ܐܝܬܝܗ݀ ܗܘܬ܂ ܘܟܢܫܐ ܕܣ̈ܓܝܐܐ ܒܪܗܛܐ
2:092.10	ܠܚܙܬܗ ܐܬܟܢܫ ܘܡܢ ܟܠܗܘܢ ܓܒ̈ܘܗܝ ܕܡܓܕܠܐ ܩܡܘ ܗ݂ܝ ܡܢ
2:092.11	ܟܠܗܘܢ ܓܒ̈ܘܗܝ ܕܡܓܕܠܐ ܘܡܢ ܟܠܗܝܢ ܟܘ̈ܐ ܠܟܠܗ ܟܢܫܐ ܐܝܟ
2:092.12	ܗ݀ܘ ܕܡܕܝܩܐ ܡܣܬܒܪܐ ܗܘܬ܂ 12݁5 ܘܬܕܡܪ̈ܬܐ ܣܓܝ̈ܐܬܐ ܥܒܕ ܘܐܦ ܥܒܕ ܐܝܟܢܐ
2:092.13	ܕܢܬܕܡܪܘܢ ܒ̈ܢܝ ܐܢܫܐ ܘܢܣܒܪܘܢ ܥܠܘܗܝ ܕܕܡ ܟܝ ܗ݂ܘ ܐܝܬܘܗܝ
2:092.14	ܐܠܗܐ ܕܟܠ܂ 13݁1 ܘܠܝ ܕܝܢ ܘܠܢܝܩܛܣ ܟܕ ܫܐܠܢܝܗܝ ܕܐܢ ܡܫܟܚܐ
2:092.15	ܕܢܦܫܩ ܠܢ ܐܝܟܢܐ ܗܢܝܢ ܒܚܪܫܘܬܐ ܡܫܟܚ̈ܢ ܕܢܣܬܥܪ̈ܢ݁ ܘܡܢܐ ܐܝܬܘܗܝ
2:092.16	ܟܝܢܐ ܕܗܢܝܢ ܕܐܝܟ ܗܟܢܐ܂ ܗܘ ܣܝܡܘܢ ܐܝܟ ܕܠܪ̈ܚܡܘܗܝ ܚܒܝܒ̈ܐ
2:092.17	ܐܫܬܘܕܝ ܕܡܫܟܚ ܕܢܐܡܪ܂ ܘܫܪܝ ܠܡܐܡܪ ܗܟܢܐ܂ 13݁2 ܠܢܦܫܐ ܠܡ
2:092.18	ܕܛܠܝܐ ܕܠܐ ܡܛܦܠ ܕܒܩܛܝܪܐ ܡܝܬ܂ ܕܒܡܘܡ̈ܝܬܐ ܟܣܝ̈ܬܐ ܐܬܩܪܝܬ
2:092.19	ܥܒܕܬ ܕܬܩܦ ܠܝ ܐܝܟ ܕܠܗܕܐ ܕܬܣܥܘܪ ܟܠܡܕܡ ܒܠܚܘܕ ܕܐܢܐ ܦܩܕ
2:092.20	ܐܢܐ ܠܗ݀܂ 13݁3 ܘܟܕ ܐܢܐ ܐܡܪܬ ܠܗ܂ ܡܫܟܚܐ ܢܦܫܐ ܕܬܥܒܕ ܐܝܟ ܗܢܝܢ܂
2:092.21	13݁4 ܗ݂ܘ ܦܢܝ ܠܝ ܦܬܓܡܐ܂ ܕܗܕܐ ܨܒܐ ܐܢܐ ܕܬܬܛܦܝܣܘܢ ܕܬܪܝܢܘܬܐ ܕܐܠܗܐ
2:092.22	ܡܫܟܚܐ ܢܦܫܐ ܕܟܠ ܒܪ ܐܢܫ ܬܣܥܘܪ ܐܝܕܐ ܕܫܠܚܬ ܗܢܐ ܚܫܘܟܐ ܪܒܐ
2:092.23	ܕܦܓܪܐ܂ ܘܝܕܥܬܐ ܡܩܕܡܬܐ ܐܝܬ ܠܗ݀܂ ܕܡܛܠ ܗܕܐ ܐܦ ܠܢܩܪܡܛܝܐ
2:092.24	ܩܨܡܐ ܕܡܝ̈ܬܐ ܠܗ ܩܪܝܢ ܘܡܣܩܬܐ ܕܢܦܫܐ܂ 13݁5 ܘܐܢܐ ܬܘܒ ܦܢܝܬ ܠܗ
2:092.25	ܦܬܓܡܐ ܕܡܛܠ ܡܢܐ ܗܟܝܠ ܢܦܫ̈ܬܐ ܕܗܢܘܢ ܕܐܬܩܛܠܘ ܠܐ ܣܝܡܢ
2:092.26	ܒܪܝܫܐ ܕܗܢܘܢ ܕܩܛܠܘ ܐܢܝܢ܂ 13݁6 ܘܗܘ ܣܝܡܘܢ ܐܡܪ ܕܐܬܥܗܕ ܡܢܐ ܐܡܪܬ
2:092.27	ܠܟ܂ ܕܡܐ ܕܢܦܩܬ ܡܢ ܦܓܪܐ ܐܦ ܝܕܥܬܐ ܡܩܕܡܬܐ ܐܝܬ ܠܗ݀܂ ܘܐܡܪܬ
2:092.28	ܠܗ ܐܢܐ ܕܥܗܕ ܐܢܐ܂ 13݁7 ܘܗܘ ܦܢܝ ܠܝ ܦܬܓܡܐ ܕܡܛܠ ܗܕܐ ܒܚܕܐ
2:092.29	ܕܡܢ ܦܓܪܐ ܢܦܩܐ܂ ܒܪܫܥܬܗ ܡܛܠ ܕܟܘܠ ܡܕܡ ܡܩܕܡܐ ܝܕܥܐ
2:092.30	ܡܦܣܐ ܗܝ ܕܕܝܢܐ ܗܘܐ܂ ܘܟܠ ܐܢܫ ܚܠܦ ܗܢܝܢ ܒܝܫ̈ܬܐ ܕܗܪܟܐ ܣܥܪ
2:092.31	ܬܒܥܬܗܝܢ ܘܕܝܢܗܝܢ ܝܗܒ܂ ܕܡܛܠ ܗܕܐ ܠܐ ܡܟܝܠ ܨܒܝܐ ܕܬܬܒܥ
2:092.32	ܥܝܪܬܐ ܡܢ ܗܢܘܢ ܕܐܥܘܠܘ ܒܗ܂ ܡܛܠ ܕܐܦ ܥܠ ܗܢܝܢ ܒܝܫ̈ܬܐ
2:094.01	ܕܣܥܪܬܐ ܗܪܟܐ ܐܒܝܠܐ ܗܝ܂ 13݁8 ܘܥܡ ܗܢܝܢ ܕܝܢ ܟܠܗܝܢ ܘܐܦ ܠܐ ܡܦܣܝܢ
2:094.02	ܠܗܝܢ ܕܢܐܬܝ̈ܢ ܐܘ ܢܥ̈ܒܕܢ ܡܕܡ ܡ̈ܠܐܟܐ ܗܢܘܢ ܕܡܛܠ ܗܕܐ ܥܠܝܗܝܢ
2:094.03	ܩܝܡܝܢ܂ 13݁9 ܘܐܢܐ ܬܘܒ ܦܢܝܬ ܠܗ ܦܬܓܡܐ܂ ܕܐܢ ܠܐ ܡܦܣܝܢ ܠܗܝܢ
2:094.04	ܕܢܐ̈ܬܝܢ ܠܗܪܟܐ܂ ܐܘ ܕܢܥ̈ܒܕܢ ܡܕܡ ܕܨ̈ܒܝܢ܂ ܐܝܟܢܐ ܠܚܪܫܐ ܕܩܪܐ ܠܗܝܢ
2:094.05	ܐ̈ܬܝܢ ܘܡ̈ܫܠܡܢ ܨܒܝܢܗ܂ 13݁10 ܘܗܘ ܐܡܪ ܠܝ ܕܐܦ ܟܕ ܨܒ̈ܝܢ ܗܢܝܢ ܕܢܐܬܝܢ
2:094.06	ܠܐ ܡܦܣܝܢ ܠܗܝܢ܂ ܡܐ ܕܝܢ ܕܠܗܘܢ ܠܡܠܐ̈ܟܐ ܐܘܡܝܘ ܐܢܘܢ ܒܡܘܡܬܐ
2:094.07	ܗܝ ܕܪܒܐ ܘܡܥܠܝܐ܂ ܡܛܠ ܕܐܝܬ ܠܗܘܢ ܗܢܐ ܡܦܩ ܒܪܘܚܐ ܩܛܝܪܐ
2:094.08	ܕܝܠܢ ܕܡܘܡܝܢ ܐܢܚܢܢ ܠܗܘܢ ܢܦܫ̈ܬܐ ܕܐܝܠܝܢ ܕܒܥܝܢ ܐܢܚܢܢ ܝܗܒܝܢ
2:094.09	ܠܢ܂ ܐܝܟ ܗ݀ܘ ܕܠܐ ܗܘܐ ܗܢܘܢ ܡܣܟܠܝܢ ܕܩܛܝܪܐ ܡܣܝܒܪܝܢ܂ ܐܠܐ ܐܢܚܢܢ
2:094.10	ܕܩܛܝܪܐ ܡܝܬܝܢ ܐܢܚܢܢ ܥܠܝܗܘܢ܂ 13݁11 ܘܗܘ ܗܟܝܠ ܚܒܪܝ ܢܝܩܛܝܣ
2:094.11	ܗܢܐ ܕܚܙܐ ܐܢܬ ܡܛܠ ܕܬܘܒ ܠܐ ܐܫܟܚ ܕܢܣܝܒܪ ܡܣܪܗܒܐܝܬ ܦܢܝ
2:094.12	ܦܬܓܡܐ܂ ܗ݀ܘ ܕܐܦ ܐܢܐ ܥܬܝܕ ܗܘܝܬ ܕܐܥܒܕ ܟܕ ܠܘܩܕܡ ܨܒܐ ܗܘܝܬ
2:094.13	ܕܐܡܨܝܘܗܝ ܒܟܠܗܝܢ܂ 13݁12 ܒܪܡ ܕܝܢ ܐܡܪ ܠܗ ܗܘ ܢܝܩܛܣ ܕܐܢܬ
2:094.14	ܗܟܝܠ ܠܐ ܕܚܠ ܐܢܬ ܡܢ ܝܘܡܐ ܕܕܝܢܐ ܕܕܒܪ ܐܢܬ ܒܩܛܝܪܐ ܠܡܠܐܟ̈ܐ
2:094.15	ܘܩܪܐ ܐܢܬ ܢܦܫ̈ܬܐ ܘܠܒ̈ܢܝ ܐܢܫܐ ܡܛܥܐ ܐܢܬ ܘܕܬܣܬܒܪ ܕܐܠܗܐ ܐܢܬ
2:094.16	ܠܘܬ ܣܓܝ̈ܐܐ ܡܬܬܓܪ ܐܢܬ܂ 13݁13 ܘܐܝܟܢܐ ܕܝܢ ܐܦ ܡܦܝܣ ܗܘܝܬ ܠܢ
2:094.17	ܕܐܦܠܐ ܕܝܢܐ ܗܘܐ ܐܝܟܢܐ ܕܐܢܫܝܢ ܡܢ ܝܗܘܕܝܐ ܐܡܪܝܢ܂ ܘܕܐܦ ܢܦ̈ܫܬܐ ܠܐ ܗܘܐ
2:094.18	ܠܐ ܡܝܘ̈ܬܬܐ ܐܢܝܢ ܐܝܟܢܐ ܕܐܢܫܝܢ ܣܒܪܝܢ ܕܟܕ ܐܢܬ ܒܥܝ̈ܢܝܟ ܚܙܐ ܐܢܬ
2:094.19	ܠܗܝܢ ܘܥܗܕ ܐܢܬ ܕܝܢܐ ܕܡܢ ܐܠܗܐ ܥܠ ܒ̈ܢܝ ܐܢܫܐ ܗܘܐ ܐܝܟ ܕܐܡܪ
2:094.20	ܐܢܬ܂ 14݁1 ܘܗܘ ܣܝܡܘܢ ܡܛܠ ܗܢܝܢ ܝܪܩ ܓܘܢܗ ܘܦܢܝ ܦܬܓܡܐ ܕܠܐ
2:094.21	ܬܣܒܪܘܢ ܥܠܝ ܕܓܒܪܐ ܐܢܐ ܒܪ ܓܢܣܟܘܢ܂ ܐܢܐ ܓܝܪ ܘܐܦܠܐ ܚܪܫܐ
2:094.22	ܐܝܬܝ܂ ܘܐܦܠܐ ܪܚܘܡܗ݀ ܐܢܐ ܕܣܗܪܐ܂ ܘܐܦܠܐ ܒܪܗ ܐܢܐ ܕܐܢܛܘܢ܂ 14݁2 ܩܕܡ
2:094.23	ܓܝܪ ܕܪܚܝܠ ܐܡܝ ܬܫܬܘܬܦ ܠܗ܂ ܟܕ ܒܬܘܠܬܐ ܗ݂ܝ ܒܛܢܬܢܝ
2:094.24	ܡܛܠ ܕܡܫܟܚ ܐܢܐ ܕܐܗܘܐ ܪܒܐ ܘܙܥܘܪܐ ܟܡܐ ܕܨܒܐ ܐܢܐ܂ ܒܪ ܐܢܫܐ
2:094.25	ܗܟܝܠ ܒܝܬ ܐܢܫܐ ܐܬܚܙܝܬ܂ 14݁3 ܘܡܛܠ ܢܣܝܢܐ ܠܟܘܢ ܠܘܩܕܡ
2:094.26	ܓܒܝܬ ܠܝ ܪ̈ܚܡܐ ܐܝܟܢܐ ܕܒܗܘܢ ܒܫܡ̈ܝܐ ܘܒܗܢܘܢ ܐܬܪ̈ܘܬܐ ܟܣ̈ܝܐ ܡܢ
2:094.27	ܒܬܪ ܢܣܝܢܐ ܐܣܝܡܟܘܢ܂ 14݁4 ܗܢܝܢ ܗܟܝܠ ܐܢܫ̈ܝܬܐ ܕܓܠܬ ܥܠ ܢܦܫܝ
2:094.28	ܕܓܡܝܪܐܝܬ ܐܕܥ ܕܐܝܢܐ ܚܘܒܐ ܢܛܪܝܢ ܐܢܬܘܢ ܠܘܬܝ܂ 14݁5 ܘܐܢܐ ܕܝܢ ܐܩܝܠܘܣ
2:094.29	ܟܕ ܗܠܝܢ ܫܡܥܬ ܘܒܣܪܬܗ ܐܬܕܡܪܬ ܒܓܘܡܕܗ ܕܠܐ ܒܗܬ܂ ܘܐܢܐ ܢܟܦܬ
2:094.30	ܚܠܦܘܗܝ܂ ܘܕܚܠܬ ܕܕܡ ܡܕܡ ܢܓܕܫ ܠܢ ܡܢܗ܂ ܘܪܡܙܬ ܠܗ
2:094.31	ܠܢܝܩܛܣ ܕܢܬܕܢܐ ܠܗ ܥܡܝ܂ 14݁6 ܘܐܡܪܬ ܠܗ ܕܠܐ ܬܪܓܙ ܕܐܠܗܐ ܐܝܬܝܟ
2:094.32	ܥܠܝܢ܂ ܕܐ̈ܢܫܐ ܐܢܚܢܢ ܡܬܚܒ̈ܠܢܐ݂ ܐܢܬ ܕܠܐ ܡܬܚܒܠ ܐܢܬ܂
2:094.33	14݁7 ܐܠܐ ܩܒܠ ܨܒܝܢܢ ܬܪܝܨܐ ܕܟܕ ܥܕܟܝܠ ܠܐ ܝܕܥܝܢ ܗܘܝܢ ܡܢ ܐܢܬ
2:094.34	ܕܢܬܛܦܝܣ ܥܠܝܟ ܗܢܝܢ ܕܥܠ ܐܠܗܐ ܐܝܟ ܫܪܝܪܐ ܠܐ ܐܫܟܚܢ܂ ܕܠܐ ܝܕܥܝܢ
2:094.35	ܗܘܝܢ ܕܐܢܬ݂ ܐܢܬ ܗ݀ܘ ܕܡܢܢ ܡܬܒܥܐ ܗܘܐ܂ 15݁1 ܗܠܝܢ ܗܟܝܠ ܘܐܝܠܝܢ
2:094.36	ܕܠܗܠܝܢ ܕܡ̈ܝܢ܂ ܒܟܪܘܡܐ ܐܡܪܢ ܠܗ܂ ܘܗܘ ܠܠܐ ܘܡܙܝܥܐ ܣܒܪ ܠܗ
2:096.01	ܕܐܛܥܝܢܝ܂ ܘܬܘܒ ܝܬܝܪܐܝܬ ܐܬܪܝܡ ܘܦܢܝ ܠܢ ܦܬܓܡܐ 15݁2 ܕܡܪܚܡ ܐܢܐ
2:096.02	ܥܠܝܟܘܢ ܡܛܠ ܚܘܒܟܘܢ ܕܠܘܬܝ ܕܐܝܬܝ ܐܠܗܐ܂ ܟܕ ܠܝ ܓܝܪ
2:096.03	ܡܚܒܝܢ ܗܘܝܬܘܢ ܠܐ ܝܕܥܝܢ ܗܘܝܬܘܢ܂ ܘܟܕ ܠܝ ܒܥܝܢ ܗܘܝܬܘܢ ܠܐ
2:096.04	ܡܦܣܝܢ ܗܘܝܬܘܢ܂ ܐܠܘ ܠܐ ܓܝܪ ܝܕܥܝܢ ܐܢܬܘܢ ܕܗܕܐ ܐܝܬܝܗ݀ ܕܐܠܗܐ
2:096.05	ܕܢܗܘܐ ܙܥܘܪܐ ܘܪܒܐ ܟܡܐ ܕܐܦ ܨܒܐ܂ ܘܐܝܟܢܐ ܕܝܢ ܐܬܚܙܝܬ ܠܒ̈ܢܝ
2:096.06	ܐܢܫܐ܂ 15݁4 ܗܫܐ ܡܫܪܐ ܐܢܐ ܕܫܪܪܐ ܐܡܪ ܠܟܘܢ܂ ܐܢܐ ܒܙܒܢ ܒܚܝܠܐ ܕܝܠܝ ܠܐܐܪ
2:096.07	ܠܡ̈ܝܐ ܚܠܦܬ܂ ܘܠܡ̈ܝܐ ܠܕܡܐ ܫܚܠܦܬ ܘܠܒܣܪܐ ܩܒܥܬ ܐܢܘܢ݁ ܘܒܪ
2:096.08	ܐܢܫܐ ܛܠܝܐ ܚܕܬܐ ܨܪܬ܂ ܘܥܒܕܐ ܕܪܒ ܡܢ ܗ݀ܘ ܕܥܒܕܗ ܠܥܠܡܐ
2:096.09	ܚܘܝܬ܂ 15݁5 ܗ݀ܘ ܓܝܪ ܕܒܪܝܗܝ ܠܥܠܡܐ ܡܢ ܐܪܥܐ ܥܒܕܗ ܠܒܪ ܐܢܫܐ
2:096.10	ܘܐܢܐ ܕܝܢ ܡܢ ܐܐܪ ܕܟܝܐ ܗܕܐ ܕܥܛܠܐ ܗܝ ܥܒܕܬܗ ܘܠܗ ܠܗܢܐ ܫܪܝܬܗ
2:096.11	ܘܦܢܝܬܗ ܠܐܐܪ ܘܒܕܡܘܬܐ ܨܪܬ ܨܠܡܐ ܘܒܒܝܬܝ ܓܘܝܐ ܣܡܬܗ ܡܛܠ
2:096.12	ܬܚܘܝܬܐ ܘܕܘܟܪܢܐ܂ 15݁6 ܘܟܕ ܗ݂ܘ ܗܢܝܢ ܐܡܪ ܗܘܐ ܐܢܚܢܢ ܝܕܥܢܢ ܕܗܢܘ
2:096.13	ܗܘ ܛܠܝܐ ܕܒܩܛܝܪܐ ܡܝܬ܂ ܘܢܦܫܗ ܠܟܠܡܕܡ ܕܨܒܐ ܡܫܡܫܐ ܠܗ
2:096.14	ܐܝܟ ܕܐܡܪ܂
2:096.15	16݁1 ܘܗܘ ܗܟܝܠ ܦܛܪܘܣ ܟܕ ܗܠܝܢ ܫܡܥ ܗܘܐ ܒܟܐ ܗܘܐ ܘܐܡܪ
2:096.16	ܕܡܬܕܡܪܢܐ ܒܢܓܝܪܘܬ ܪܘܚܗ ܣܓܝܐܬܐ ܕܐܠܗܐ ܘܒܡܪܚܘܬܗܘܢ ܕܡܢ
2:096.17	ܥܠܡ ܕܒ̈ܢܝ ܐܢܫܐ܂ 16݁2 ܐܝܕܐ ܓܝܪ ܡܠܬܐ ܡܟܝܠ ܕܬܦܝܣ ܡܫܟܚܐ
2:096.18	ܠܣܝܡܘܢ ܕܢܘܕܐ ܥܠ ܐܠܗܐ ܕܕܐܢ ܐܡܬܝ ܕܗ݂ܘ ܠܗܢܘܢ ܕܥ̈ܘܠܐ ܘܚܛܗ̈ܐ
2:096.19	ܣܥܪܘ ܡܐ ܕܐܝܟ ܕܣܒܪ ܕܡܢ ܢܦ̈ܫܬܐ ܡܫܬܡܫ ܒܗܢܝܢ ܕܨܒܐ܂ ܒܫܪܪܐ
2:096.20	ܕܝܢ ܠܐ ܗܘܐ ܢܦ̈ܫܬܐ ܐܢܝܢ ܐܠܐ ܕܝܘ̈ܐ ܐܢܘܢ ܕܡܨܛܕܝܢ ܒܗ܂ 16݁3 ܗܘ ܗܟܝܠ
2:096.21	ܕܐܦܝܣ ܢܦܫܗ܂ ܕܢܦܫ̈ܬܐ ܠܐ ܡܝܘ̈ܬܬܐ ܐܝܬܝ̈ܗܝܢ ܘܡܬܕܝ̈ܢܢ ܥܠ ܗܢܝܢ
2:096.22	ܕܗܪܟܐ ܣܥܪ̈ܢ ܘܝܬܝܪܐܝܬ ܕܒܥܒܕܐ ܚܙܐ ܗ݀ܘ ܡܕܡ ܕܠܢ ܒܡܠܬܐ
2:096.23	ܡܗܝܡܢ܂ ܡܢܐ ܓܝܪ ܐܦܢ ܡܨܛܕܝܢ ܒܗ ܕܝܘ̈ܐ܂ ܐܠܐ ܗ݂ܘ ܣܒܪ ܕܩܢܘܡ̈ܐ
2:096.24	ܕܢܦܫ̈ܬܐ ܚܙܐ܂ ܘܒܗܕܐ ܟܠܗ݀ ܒܝܫܬܐ ܡܬܪܒܐ܂ 16݁4 ܘܐܡܬܝ ܕܝܢ ܡܘܕܐ
2:096.25	ܕܒܝܫܐܝܬ ܣܥܪ ܘܥܒܕ ܐܘ ܕܡܛܠܬܗܝܢ ܕܗܢܝܢ ܡܬܕܝܢ ܕܚܕܐ ܙܒܢ
2:096.26	ܢܦܫܗ ܒܥܠܕܒܒܐ ܠܐܠܗܐ ܥܒܕ ܘܥܡ ܗܢܝܢ ܡܡܪܚ ܗܢܝܢ ܕܐܦܠܐ
2:096.27	ܫܠܝܛ ܕܢܬܐܡܪ̈ܢ 16݁5 ܗܟܢܐ ܗܟܝܠ ܐܘ ܐܚ̈ܝ ܠܐܢ̈ܫܝܢ ܠܐ ܗܘܐ ܡܛܠ
2:096.28	ܚܣܝܪܘܬܐ ܕܬܚܘܝܬܐ ܐܝܬ ܠܗܘܢ ܗܕܐ ܕܠܐ ܢܬܛܦܝܣܘܢ ܠܡܠܬܐ ܕܕܚܠܬ
2:096.29	ܐܠܗܐ܂ ܐܠܐ ܡܛܠ ܪܒܘܬܐ ܕܚܛܗ̈ܝܗܘܢ ܐܝܠܝܢ ܕܗܢܘܢ ܐܘ ܕܩܘܕܡܗܘܢ
2:096.30	ܒܝܫܐ ܕܗܢܘܢ ܗܠܝܢ ܒܡܕܥܗܘܢ ܡܣܬܡܝܢ ܘܡܛܠ ܗܕܐ ܘܐܦ ܠܐ
2:096.31	ܕܢܗܝܡܢܘܢ ܬܟܝܒܐܝܬ ܡܫܟܚܝܢ܂ 17݁1 ܒܪܡ ܕܝܢ ܡܛܠ ܕܣܦܩ ܗܘ
2:096.32	ܚܘܒܐ ܕܠܘܬ ܒܪܘܝܗ ܕܥܠܡܐ ܕܢܫܘܙܒ ܘܢܚܐ ܠܗܢܘܢ ܕܡܚܒܝܢ ܠܗ܂
2:096.33	ܐܬܦܪܣ ܗܘ ܒܝܫܐ ܕܢܥܒܕ ܐܢܘܢ ܠܒ̈ܢܝ ܐܢܫܐ ܒܥܠܕܒ̈ܒܐ ܠܗ܂ ܕܡܛܠ
2:096.34	ܗܕܐ ܐܦ ܐܟܣ ܐܢܘܢ݁ ܘܠܓܠܝܐ ܐܝܬܝ ܛܠܘܡܘܬܐ ܕܐܢܫܝܢ ܡܢܗܘܢ܂
2:098.01	17݁2 ܣܗ̈ܕܐ ܓܝܪ ܩܪܐ ܐܢܐ ܫܡ̈ܝܐ ܘܐܪܥܐ܂ ܕܐܠܘ ܐܝܟ ܕܨܒܐ ܗܘܐ ܒܝܫܐ ܕܢܚܛܐ
2:098.02	ܠܒ̈ܢܝ ܐܢܫܐ ܡܦܣ ܗܘܐ ܠܗ ܡܢ ܐܠܗܐ܂ ܟܒܪ ܕܝܢ ܐܦ ܡܢ ܩܕܝܡ܂
2:098.03	ܟܘܠܗܘܢ ܒ̈ܢܝ ܐܢܫܐ ܐܒܕܘ ܗܘܘ܂ ܘܗ݂ܝ ܕܝܢ ܗܕܐ ܐܠܗܐ ܣܥܪ ܠܗ
2:098.04	ܡܛܠ ܡܪܚܡܢܘܬܗ܂ 17݁3 ܘܐܠܘ ܓܝܪ ܒܚܘܒܐ ܕܠܘܬܗ ܡܚܡܣܢܝܢ
2:098.05	ܗܘܘ܂ ܘܡܣܝܒܪܝܢ ܗܘܘ ܒܢ̈ܝ ܐܢܫܐ ܟܘܠܗܘܢ ܡܫܬܘܙܒܝܢ ܗܘܘ
2:098.06	ܘܚ̈ܝܝܢ܂ ܟܕ ܡܛܠ ܚ̈ܛܗܐ ܕ̈ܠܝܠܐ ܡܬܪܕܝܢ ܗܘܘ ܡܛܠ ܟܐܢܘܬܗ܂
2:098.07	17݁4 ܗܫܐ ܕܝܢ ܐܬܟܣܣܘ ܣܓ̈ܝܐܐ ܕܒܥܠܕܒܒ̈ܐ ܕܐܠܗܐ ܐܝܬܝܗܘܢ܂ ܘܗܘ ܒܝܫܐ
2:098.08	ܠܡܢܗܘܢ ܥܕܡܐ ܠܪܥܝܢܗܘܢ ܥܐܠ܂ ܘܐܝܟ ܗ݀ܘ ܕܝܬܝܪ ܡܢ ܒܪܘܝܐ ܗܘ
2:098.09	ܡܚܘܐ ܠܗܘܢ܂ 17݁5 ܘܠܡܢܗܘܢ ܕܝܢ ܟܕ ܥܝܪ̈ܝܢ ܒܣܒܪܐ ܕܫܪ̈ܓܪܓܝܬܐ
2:098.10	ܡܬܚܙܐ܂ ܘܗܢܝܢ ܕܡܝܬܪ̈ܢ ܡܢ ܒܪܘܝܐ ܡܫܬܘܕܐ܂ ܘܕܢܥܒܕ ܕܝܢ ܗܢܝܢ
2:098.11	ܗܢܝܢ ܒܡܠܬܐ ܕܟܐܢܘܬܐ܂ ܐܝܕܐ ܕܗܝ ܫܒܩܗ ܘܐܦܣ ܠܗ܂ 18݁1 ܘܠܘܩܒܠ
2:098.12	ܗܠܝܢ ܐܩܝܠܘܣ ܐܡܪ ܕܡܢܐ ܗܟܝܠ ܡܣܟܠܝܢ ܒ̈ܢܝ ܐܢܫܐ ܐܢ ܗ݂ܘ ܒܝܫܐ
2:098.13	ܡܫܬܚܠܦ ܘܡܬܕܡܐ ܐܝܟܢ ܕܨܒܐ ܘܗܢܝܢ ܕܡܝܬܪ̈ܢ ܡܢ ܒܪܘܝܐ ܡܫܬܘܕܐ
2:098.14	18݁2 ܘܗܘ ܦܛܪܘܣ ܐܡܪ ܕܣܒܪ ܐܢܐ ܕܠܐ ܐܝܬ ܕܟܐܢܐ ܡܢ ܗܕܐ ܘܕܐܝܟܢܐ ܗܝ ܕܝܢ
2:098.15	ܫܡܥ܂ 18݁3 ܘܦܢܐ ܠܝ ܦܬܓܡܐ܂ ܕܐܢ ܒܪܟ ܕܝܠܟ ܕܒܟܠܗ݀ ܡܪܕܘܬܐ
2:098.16	ܘܒܛܝܠܘܬܐ ܐܬܪܒܝ܂ ܘܗܘܐ ܓܒܪܐ ܡܢ ܠܘܬܟ܂ ܘܠܟ ܕܝܢ ܒܛܠܘܡܘܬܗ
2:098.17	ܢܪܦܐ ܘܠܐܚܪܢܐ ܐܝܟ ܕܥܬܝܪܐ ܗܘ ܐܝܩܪܐ ܗ݀ܘ ܕܠܟ ܡܬܬܚܝܒ ܢܬܠ܂ ܘܥܠ
2:098.18	ܝܘܬܪܢܐ ܕܣܓܝ ܠܐܒܐ ܕܟܝܢܗ ܢܛܠܘܡ ܕܟܐܢܐܝܬ ܥܒܕ ܐܡܪ ܐܢܬ ܥܠܘܗܝ܂
2:098.19	ܐܘ ܕܥܘܠܐܝܬ ܥܒܕ܂ 18݁4 ܘܗܘ ܐܩܝܠܘܣ ܦܢܝ ܠܗ ܦܬܓܡܐ܂ ܕܠܟܠ
2:098.20	ܐܢܫ ܓܠܝܐ ܗܝ ܕܥܘܠܐܝܬ ܥܒܕ܂ 18݁5 ܘܗܘ ܦܛܪܘܣ ܐܡܪ ܕܐܢ ܗܟܝܠ
2:098.21	ܒܗܕܐ ܕܥܠ ܒܪ ܐܢܫܐ ܐܡܪ ܐܢܬ܂ ܕܥܘܠܐ ܐܝܬܝܗ݀܂ ܚܕ ܟܡܐ ܝܬܝܪܐܝܬ
2:098.22	ܥܠ ܐܠܗܐ ܕܗ݂ܘ ܒܠܚܘܕܘܗܝ ܡܝܩܪܐ ܐܝܬܘܗܝ܂ 18݁6 ܕܥܡ ܗܕܐ ܕܥܒܕ
2:098.23	ܒܢ ܛܝܒܘܬܐ܂ ܕܡܢ ܠܐ ܡܕܡ ܥܒܕܢ ܕܢܗܘܐ ܐܝܬܝܢ܂ ܘܐܦ ܐܫܬܘܕܝ ܠܢ
2:098.24	ܡܢ ܒܬܪ ܕܫܦܪܝܢ ܐܢܚܢܢ ܠܗ ܗܪܟܐ܂ ܕܢܬܠ ܠܢ ܚ̈ܝܐ ܘܒܘܣܡܐ
2:098.25	ܕܠܥܠܡ܂ ܠܐ ܣܓܝ ܝܬܝܪܐܝܬ ܕܥܘܠܐ ܐܝܬܝܗ݀܂ 18݁7 ܕܡܛܠ ܗܕܐ ܐܝܟܢܐ
2:098.26	ܕܢܬܟܣܣܘܢ ܛܠܘܡ̈ܐ܂ ܐܦܣ ܠܗ ܠܒܝܫܐ ܕܒܐܣܟ̈ܡܐ ܣܓܝ̈ܐܐ
2:098.27	ܢܬܚܙܐ܂ ܘܐܚܪ̈ܢܝܬܐ ܐܝܟ ܕܠܝܘܬܪ̈ܢܐ ܣܓܝ̈ܐܐ ܢܫܬܘܕܐ܂ 18݁8 ܘܡܢܐ ܕܝܢ ܐܠܘ
2:098.28	ܒܫܪܪܐ ܐܝܬ ܗܘܐ ܐܚܪܢܐ ܢܘܟܪܝܐ ܠܒܪ ܡܢ ܐܠܗܐ ܗܘ ܕܒܪܢ܂ ܒܙܕܩܐ
2:098.29	ܘܒܘܠܝܬܐ ܠܗ݀ܘ ܕܒܫܪܪܐ ܥܒܘܕܢ ܗ݂ܘ ܘܐܒܘܢ ܗ݂ܘ ܡܪܦܝܢ ܗܘܝܢ܂ ܘܗܘ
2:098.30	ܐܩܝܠܘܣ ܐܡܪ ܕܚܣ ܘܠܐ ܬܗܘܐ܂ 18݁9 ܘܦܛܪܣ ܐܡ݁ܪ ܐܝܟܢܐ ܗܟܝܠ
2:098.31	ܡܫܟܚܝܢ ܐܢܚܢܢ ܕܢܐܡܪ ܕܠܐ ܡܣܟܠܝܢ ܐܢܚܢܢ ܕܗܐ ܗܘ ܒܝܫܐ ܒܡܦܣܢܘܬܐ
2:098.32	ܕܗ݀ܘ ܕܒܫܪܪܐ ܐܝܬܘܗܝ ܐܠܗܐ܂ ܐܚܪ̈ܢܐ ܐܠܗ̈ܐ ܡܫܬܘܕܐ܂ ܐܘ ܠܥܠ ܡܢܗ
2:098.33	ܕܗ݀ܘ ܕܒܫܪܪܐ ܐܝܬܘܗܝ ܐܘ ܠܬܚܬ ܡܢܗ܂ ܡܛܠ ܕܗܢܘܢ ܕܨܒܝܢ
2:098.34	ܕܢܪܦܘܢܝܗܝ ܠܒܪܘܝܗܘܢ ܒܝܘܡܐ ܕܕܝܢܐ ܩܕܡ ܟܠ ܐܢܫ ܢܬܟܣܣܘܢ