The Comprehensive Aramaic Lexicon

2:110.01	ܡܣܟܢܘܬܗܘܢ ܡܠܟܘܬܐ ܕܫܡܝܐ ܕܢܩܒܠܘܢ ܡܫܟܚܝܢ܂ ܐܝܟܢܐ ܕܥܠ
2:110.02	ܐܦ̈ܝ ܣܒܪܐ ܛܒܐ ܒܗ݀ ܒܗܕܐ ܒܚܕܘܬܐ ܢܗܘܘܢ ܘܠܐ ܢܛܠܡܘܢ
2:110.03	ܘܢܬܝܥܢܘܢ݁܂ 28݁4 ܚܕ ܓܝܪ ܡܢ ܚܛܗ̈ܐ ܡܘܒ̈ܕܢܐ ܐܝܬܝܗ݀ ܥܠܘܒܘܬܐ܂
2:110.04	ܘܬܘܒ ܠܗܢܘܢ ܕܟܦܢܝܢ ܘܨܗܝܢ ܕܡܣܬܒܥܝܢ ܡܢ ܛܒ̈ܬܐ ܕܠܥܠܡ
2:110.05	ܐܫܬܘܕܝ܂ ܡܛܠ ܕܕܠܝܠܐܝܬ ܗܢܝܢ ܕܡܣܟܢܘܬܗܘܢ ܢܣܝܒܪܘܢ ܘܠܐ
2:110.06	ܢܨܛܒܘܢ ܕܒܡܕܡ ܢܥܘܠܘܢ݁܂ 28݁6 ܘܒܗ݀ ܒܕܡܘܬܐ ܕܝܢ ܘܐܦ ܠܗܢܘܢ ܕܕܟܝܢ
2:110.07	ܒܠܒܗܘܢ ܛܘ̈ܒܐ ܝܗܒ܂ ܗܟܢܐ ܕܒܝܕ ܗܕܐ ܠܗ ܠܐܠܗܐ ܚܙܝܢ܂ ܐܝܟܢܐ
2:110.08	ܕܟܠ ܐܢܫ ܕܨܒܐ ܕܗܕܐ ܢܩܒܠ ܒܪܓܬܐ ܒܝܫܬܐ ܠܪܥܝܢܗ ܠܐ ܢܛܢܦ܂
2:110.09	29݁1 ܒܪܡ ܕܝܢ ܟܕ ܒܗܢܐ ܢܝܫܐ ܡܬܚܫܚ ܗܘܐ ܡܠܦܢܢ ܡܦܝܣ ܗܘܐ
2:110.10	ܘܡܠܦ܂ ܕܒܫܘܪܝܐ ܥܡ ܫܝܢܐ ܐܦ ܗܢܘܢ ܕܒܐܘܠܨܢܐ ܐܝܬܝܗܘܢ ܢܩܘܘܢ
2:110.11	ܒܡܣܝܒܪܢܘܬܐ ܕܒܗ݀ ܟܐܢܘܬܗܘܢ ܡܫܟܚܐ ܕܬܬܢܛܪ܂ 29݁2 ܘܠܗܢܘܢ ܕܝܢ
2:110.12	ܥܬܝܪ̈ܐ ܕܒܒܘܣܡܐ ܘܒܓܐܘ̈ܬܐ ܐܝܬܝܗܘܢ ܘܝܐ ܝܗܒ܂ ܡܛܠ ܗܕܐ
2:110.13	ܕܠܣܢܝܩ̈ܐ ܢܦܢܘܢ ܘܢܬܠܘܢ ܐܝܟܢܐ ܕܠܐ ܡܛܠ ܣܢܝܩܘܬܗܘܢ ܕܒܗܢܝܢ
2:110.14	ܕܐܠܨ̈ܢ ܘܡܬܒܥܝܢ ܢܚܛܘܢ݁ ܘܗܢܘܢ ܕܝܠܗܘܢ ܢܬܠܘܢ ܕܟܕ ܦܘܩܕܢܐ ܐܝܬ
2:110.15	ܠܗܘܢ܂ ܕܠܩܪ̈ܝܒܝܗܘܢ ܢܚܒܘܢ݁ ܐܦ ܠܐ ܒܐܘܠܨܢܗܘܢ ܪܚܡܘ ܥܠܝܗܘܢ܂܂
2:110.16	29݁3 ܕܟܕ ܗܟܝܠ ܗܢܝܢ ܐܡܪ ܗܘܐ܂ ܘܠܡܢܗܘܢ ܐܦܝܣ ܗܘܐ ܘܡܢܗܘܢ
2:110.17	ܒܥܠܕܒ̈ܒܐ ܗܘܘ ܠܗ܂ 29݁4 ܗܝܕܝܢ ܠܗܢܘܢ ܕܐܬܛܦܝܣܘ ܠܗ܂ ܕܫܝܢܐ
2:110.18	ܥܡ ܚܕ̈ܕܐ ܢܥܒܕܘܢ݁ ܡܠܟ܂ ܒܗܝ ܕܐܡܪ ܕܛܘܒܝܗܘܢ ܠܥܒ̈ܕܝ ܫܠܡܐ
2:110.19	ܕܗܢܘܢ ܒܢܘ̈ܗܝ ܕܐܠܗܐ ܢܬܩܪܘܢ݁܂ 29݁5 ܘܠܗܢܘܢ ܕܝܢ ܕܠܐ ܐܬܛܦܝܣܘ
2:110.20	ܘܒܥܠܕܒܒܘܬܐ ܓܒܘ ܠܗܘܢ ܩܪܒܐ ܐܫܬܘܕܝ܂ ܗ݀ܘ ܕܐܝܬܘܗܝ
2:110.21	ܡܟܣܢܘܬܐ ܒܗ݀ܝ ܕܐܡܪ܂ 29݁6 ܕܡܢ ܗܫܐ ܬܚܙܘܢ ܕܡܬܦܪܫܝܢ ܒܪܐ ܡܢ
2:110.22	ܐܒܘܗܝ܂ ܘܓܒܪܐ ܡܢ ܐܢܬܬܗ܂ ܘܒܪܬܐ ܡܢ ܐܡܗ݀܂ ܘܐܚܐ ܡܢ ܐܚܘܗܝ܂
2:110.23	ܘܚܡܬܐ ܡܢ ܟܠܬܗ݀ ܘܪܚܡܐ ܡܢ ܪܚܡܗ܂ ܘܒܥܠܕܒ̈ܒܘܗܝ ܕܓܒܪܐ
2:110.24	ܒ̈ܢܝ ܒܝܬܗ܂ 29݁7 ܟܕ ܓܝܪ ܗܝ ܡܟܣܢܘܬܐ ܒܟܠ ܒ̈ܬܝܢ ܗܘܝܐ ܗܘܬ
2:110.25	ܗܢܘܢ ܕܡܬܦܢܝܢ ܗܘܘ ܘܥܘܡܪܗܘܢ ܬܪ̈ܨܝܢ ܗܘܘ ܡܫܬܘܙܒܝܢ ܗܘܘ
2:110.26	ܘܚܝܝܢ܂ ܘܗܢܘܢ ܕܝܢ ܕܒܗܬܝܢ ܗܘܘ ܘܡܩܘܝܢ ܗܘܘ ܐܝܟ ܕܐܝܬܝܗܘܢ܂
2:110.27	ܝܬܝܪܐܝܬ ܡܬܩܫܝܢ ܗܘܘ܂ ܘܣܓܝ ܝܬܝܪ ܡܢ ܕܡܢ ܩܕܝܡ܂ ܚܛܝ̈ܐ
2:110.28	ܡܬܚܙܝܢ ܗܘܘ܂ ܘܐܒܕܝܢ ܗܘܘ܂ 30݁1 ܘܗ݂ܝ ܕܝܢ ܗܕܐ ܥܒܕ ܒܚܪܬܗ ܕܙܒܢܐ
2:110.29	ܗܘ ܕܐܬܝܗܒ ܠܡܠܦܢܘܬܐ܂ ܘܠܣܦܪ̈ܐ ܘܠܦܪ̈ܝܫܐ ܐܟܣ܂ ܡܛܠ
2:110.30	ܝܘܠܦܢܗܘܢ ܒܝܫܐ ܘܣܘܥܪ̈ܢܝܗܘܢ ܕܠܐ ܬܪ̈ܝܨܝܢ܂ ܘܒܫܪܪܐ ܠܐ ܗܘܐ
2:110.31	ܠܟܠܗܘܢ ܐܠܐ ܠܗܢܘܢ ܕܝܘܠܦܢܐ ܗܘ ܕܡܢ ܡܘܫܐ ܐܫܬܠܡ ܠܗܘܢ܂
2:110.32	ܛܫܝܘܗܝ ܐܝܟ ܕܠܐܩܠܝܕܐ ܕܥܗܢ ܠܒܝܬܐ ܕܡܠܟܘܬܐ܂ 30݁2 ܗܢܝܢ ܗܟܝܠ
2:110.33	ܐܣܗܕ ܥܠܘܗܝ ܕܡܘܫܐ ܡܗܝܡܢܐ܂ ܕܒܟܠܗ ܒܝܬܐ ܥܒܕ ܘܗܘ ܗܟܢܐ
2:110.34	ܗܟܝܠ ܐܦ ܠܢ ܕܢܥܒܕ ܗܘ ܡܪܢ ܦܩܕ܂ ܟܕ ܓܝܪ ܡܫܕܪ ܗܘܐ ܠܢ
2:112.01	ܠܫ̈ܠܝܚܐ ܕܢܟܪܙ ܐܡܪ ܠܢ ܕܠܡܕܝܢܬܐ ܐܘ ܠܒܝܬܐ ܐܝܢܐ ܕܥܐܠܝܢ ܐܢܬܘܢ
2:112.02	ܠܗ܂ ܐܡܪܘ ܫܠܡܐ ܒܒܝܬܐ ܗܢܐ܂ 30݁3 ܘܐܢ ܠܡ ܢܗܘܐ ܬܡܢ ܒܪܗ
2:112.03	ܕܫܠܡܐ ܢܗܘܐ ܫܠܡܟܘܢ ܥܠܝܗܘܢ܂ ܘܐܢ ܕܝܢ ܠܐ ܫܠܡܟܘܢ ܥܠܝܟܘܢ
2:112.04	ܢܦܢܐ܂ 30݁4 ܘܡܐ ܕܢܦܩܝܢ ܐܢܬܘܢ ܡܢ ܬܡܢ܂ ܦܨܘ ܚܠܐ ܕܪ̈ܓܠܝܟܘܢ݁܂
2:112.05	30݁5 ܘܢܗܘܐ ܦܫܝܚ ܠܐܪܥܐ ܕܣܕܘܡ ܘܕܥܡܘܪܐ ܒܝܘܡܐ ܕܕܝܢܐ ܝܬܝܪ ܡܢ
2:112.06	ܕܠܗ݀ܝ ܡܕܝܢܬܐ܂ ܐܘ ܠܗ݀ܘ ܒܝܬܐ܂ 30݁6 ܘܠܐ ܗܘܐ ܕܝܢ ܒܛܝܒܘܬܐ܂ ܕܢܦܨ
2:112.07	ܚܠܐ ܕܪ̈ܓܠܝܢ ܥܠ ܗܢܘܢ ܕܠܐ ܡܬܛܦܝܣܝܢ܂ ܩܕܡ ܕܢܬܟܣܣܘܢ ܐܡܪ
2:112.08	ܠܢ܂ 31݁1 ܘܡܟܝܠ ܐܦ ܐܢܚܢܢ ܢܩܝܦܐܝܬ ܐܝܟ ܡܠܦܢܢ ܥܒܕܝܢ ܐܢܚܢܢ܂
2:112.09	ܘܕܒܫܝܢܐ ܢܡܠܠ ܡܩܕܡܝܢ ܐܢܚܢܢ܂ ܐܡܪܝܢ ܐܢܚܢܢ ܐܝܟܢܐ ܕܕܠܐ ܫܓܘܫܝܐ
2:112.10	ܟܘܠ ܐܢܫ ܢܫܟܚ ܕܢܫܬܘܙܒ ܘܢܚܐ܂ 31݁2 ܘܡܐ ܕܝܢ ܕܒܗܕܐ ܠܐ ܬܪ̈ܨܘ ܘܠܐ
2:112.11	ܩܒܠܘ ܗܝܕܝܢ ܕܢܩܪܒ ܥܡܗܘܢ ܝܕܥܝܢ ܐܢܚܢܢ ܕܡܢܗܘܢ ܐܬܐܠܨܢܢ
2:112.12	ܕܠܡܣܟܢܘܬܗܘܢ ܢܐܬܐ܂ ܕܗ݂ܝ ܗܕܐ ܠܐ ܗܘܐ ܕܠܝܠܐܝܬ ܩܪܒܝܢ ܐܢܚܢܢ
2:112.13	ܠܗ݀܂ 31݁3 ܒܥܠܕܒܒܘܬܐ ܕܝܢ ܘܩܪܒܐ ܘܪܕܘܦܝܐ ܡܢ ܗܢܘܢ ܕܠܐ ܡܗܝܡܢܝܢ܂
2:112.14	ܗ݂ܝ ܗܕܐ ܥܠ ܗܢܘܢ ܕܡܗܝܡܢܝܢ ܡܝܬܝܐ܂ ܕܗܢܘܢ ܕܡܗܝܡܢܝܢ
2:112.15	ܚܟܝܡܐܝܬ ܠܗ ܠܫܝܢܐ ܡܢ ܗܢܘܢ ܕܣܢܝܢ ܠܗ ܥܠܝܗܘܢ ܡܦܢܝܢ
2:112.16	ܠܗ܂ 31݁4 ܕܡܛܠ ܗܕܐ ܐܦ ܠܟ ܗܫܐ ܡܢ ܒܬܪ ܣܗܕܘܬܐ ܕܐܥܒܕ ܗܕܐ
2:112.17	ܡܫܟܚ ܗܘܝܬ܂ ܘܐܠܘ ܠܐ ܕܝܢ ܐܝܬܝ ܗܘܝܬ ܦܥܠܗ݀ ܕܫܪܝܪܬܐ ܟܒܪ
2:112.18	ܫܠܡ ܗܘܝܬ ܠܟ܂ ܐܠܐ ܡܛܠ ܕܫܝܢܐ ܕܐܝܟ ܗܟܢܐ ܕܝܠܝ ܠܘܬܟ ܠܣܓ̈ܝܐܐ
2:112.19	ܕܩܪܝܒܝܢ ܘܠܐ ܕܝܥܝܢ ܟܣܝܘܬܗ ܕܪܥܝܢܐ ܕܢܘܒܕ ܡܫܟܚ ܒܥܐ ܐܢܐ ܗܫܐ
2:112.20	ܠܐ ܗܘܐ ܫܝܢܐ ܗ݀ܘ ܕܢܫܠܡ ܠܚܕ̈ܕܐ ܐܝܟ ܕܣܒܪ ܐܢܬ܂ ܐܠܐ ܗ݀ܘ ܕܫܠܝܐ
2:112.21	ܘܢܘܚܐ ܘܡܣܝܒܪܢܘܬܐ ܐܝܟܢܐ ܕܒܡܓܪܬ ܪܘܚܐ ܗܢܝܢ ܕܡܬܐܡܪ̈ܢ ܕܠܐ
2:112.22	ܫܓܘܫܝܐ ܡܢ ܗܢܐ ܟܢܫܐ ܕܩܪܝܒ ܢܫܟܚܢ ܕܢܬܝ̈ܕܥܢ ܘܢܬܦܪܩܘܢ ܡܢ
2:112.23	ܦܠܓܘܬܐ ܘܢܫܘܘܢ ܕܢܩܘܡܘܢ ܠܗ݀ܘ ܡܠܟܐ ܕܥܬܝܕ 31݁5 ܟܕ ܓܝܪ
2:112.24	ܦܠܝܓܝܢ ܒܪ̈ܥܝܢܝܗܘܢ ܠܐ ܡܫܟܚܐ ܐܠܐ ܐܢ ܕܢܦܠܘܢ݁܂ ܟܠ ܡܠܟܘ ܓܝܪ
2:112.25	ܕܡܬܦܠܓܐ ܥܠ ܢܦܫܗ ܚܪܒܐ܂ ܘܠܘܩܒܠ ܗܠܝܢ ܡܟܝܠ ܡܕܡ
2:112.26	ܕܨܒܐ ܐܢܬ ܐܡܪ܂
2:112.27	32݁1 ܘܗܘ ܣܝܡܘܢ ܐܡܪ ܠܐ ܝܕܥ ܐܢܬ ܥܒܕܗ ܕܠܐ ܝܕܥܬܟ܂ ܕܠܡ̈ܠܐ ܕܡܠܦܢܟ
2:112.28	ܣܐܡ ܐܢܬ܂ ܘܡܡܠܠ ܐܢܬ ܐܝܟ ܗܘ ܕܐܬܝܗܒܬ ܠܗ ܠܟ ܗܕܐ ܕܢܒܝܐ
2:112.29	ܐܝܬܘܗܝ ܗܘܐ܂ ܗ݀ܘ ܕܐܢܐ ܡܫܟܚ ܐܢܐ ܕܐܚܘܐ܂ ܕܒܣܓܝ̈ܐܬܐ ܕܠܩܘܒܠܐ
2:112.30	ܕܢܦܫܗ ܐܡܪ܂ 32݁2 ܘܒܪܫܥܬܗ ܗܟܝܠ ܡܢܗ݀ ܕܗܕܐ ܡܠܬܐ ܕܗܫܐ ܐܡܪܬ
2:112.31	ܡܟܣܢܘܬܗ݀ ܐܥܒܕ܂ ܐܡܪܬ ܓܝܪ ܕܐܡܪ ܗܘ ܡܠܦܢܟ܂ ܕܟܘܠ ܡܠܟܘ ܐܘ
2:112.32	ܡܕܝܢܐ ܐܘ ܒܝܬܐ ܕܢܬܦܠܓ ܥܠ ܢܦܫܗ ܠܐ ܢܩܘܡ܂ 32݁3 ܘܒܕܘܟܬܐ ܐܚܪܬܐ
2:112.33	ܐܡܪ ܕܐܢܐ ܐܢܐ ܣܝܦܐ ܗ݂ܘ ܕܡܦܪܫ ܠܗܢܘܢ ܕܒܗ ܒܒܝܬܐ ܐܝܬܝܗܘܢ܂ ܘܡܢ
2:112.34	ܗܫܐ ܬܚܙܘܢ ܕܡܬܦܪܫ ܐܒܐ ܡܢ ܒܪܗ܂ ܘܐܡܐ ܡܢ ܒܪܬܗ݀܂ ܘܐܚܐ ܡܢ
2:114.01	ܐܚܘܗܝ܂ ܘܚܡܬܐ ܡܢ ܟܠܬܗ݀܂ ܘܪܚܡܐ ܡܢ ܪܚܡܘܗܝ܂ ܐܢ ܠܡ ܓܝܪ
2:114.02	ܢܗܘܘܢ ܚܡܫܐ ܒܚܕ ܒܝܬܐ܂ ܬܠܬܐ ܥܠ ܬܪ̈ܝܢ ܢܬܦܠܓܘܢ݁ ܘܐܢ ܕܝܢ
2:114.03	ܬܠܬܐ ܢܗܘܘܢ ܬܪ̈ܝܢ ܥܠ ܚܕ ܢܬܦܠܓܘܢ݁܂ 32݁4 ܘܡܕܝܢ ܡܛܠ ܕܟܘܠ
2:114.04	ܕܡܬܦܠܓ ܕܢܦܠ ܐܝܬ ܠܗ܂ ܗ݀ܘ ܕܦܠܓܘܬܐ ܥܒܕ ܥܠܬܐ ܕܡܦܘܠܬܐ
2:114.05	ܐܝܬܘܗܝ܂ ܘܕܗܟܢܐ ܐܝܬܘܗܝ ܒܝܫܐ ܗܘ܂ ܘܠܘܩܒܠ ܗܕܐ ܡܕܡ
2:114.06	ܕܡܬܦܪܣ ܐܢܬ ܐܡܪ܂ 33݁1 ܘܗܘ ܦܛܪܘܣ ܐܡܪ ܕܠܐ ܚܨܝܦܐܝܬ ܘܡܣܪܗܒܐܝܬ
2:114.07	ܐܘ ܣܝܡܘܢ ܬܬܥܕܠ ܒܗܢܝܢ ܕܠܐ ܝܕܥ ܐܢܬ ܠܗܝܢ 33݁2 ܠܘܩܕܡ ܕܝܢ
2:114.08	ܐܦܘܩ ܡܦܩ ܒܪܘܚܐ ܥܠ ܗ݀ܝ ܩܕܡܝܬܐ ܕܐܬܥܕܠܬ ܒܝ܂ ܕܡ̈ܠܘܗܝ
2:114.09	ܕܡܠܦܢܝ ܡܩܕܡ ܐܢܐ ܣܐܡ ܐܢܐ ܘܫܪܝܐ ܒܗܝܢ ܥܒܕ ܐܢܐ܂ 33݁3 ܕܗܘ ܡܪܢ
2:114.10	ܟܕ ܡܫܕܪ ܗܘܐ ܠܢ ܠܫ̈ܠܝܚܐ ܦܩܕܢ ܕܐܝܟܢܐ ܠܥܡ̈ܡܐ ܢܠܦ ܟܠܗܝܢ
2:114.11	ܗܢܝܢ ܕܗܘ ܦܩܕܢ܂ 33݁4 ܘܐܦ ܠܐ ܗܟܝܠ ܕܢܐܡܪ ܐܢܝܢ ܗܟܢܐ ܡܫܟܚܝܢ
2:114.12	ܐܢܚܢܢ ܐܝܟܢܐ ܕܫܡܥܢ ܐܢܝܢ܂ ܐܦܠܐ ܓܝܪ ܕܢܐܡܪ ܐܢܝܢ ܦܩܕܢ ܐܠܐ ܕܢܠܦ
2:114.13	ܥܠܝܗܝܢ ܕܐܝܟܢܐ ܚܕܐ ܚܕܐ ܡܢܗܝܢ ܒܫܪܪܐ ܐܝܬܝܗ݀܂ 33݁5 ܘܐܦܠܐ ܕܝܢ ܡܢ
2:114.14	ܕܝܠܢ ܕܢܐܡܪ ܡܦܣ ܠܢ܂ ܫ̈ܠܝܚܐ ܓܝܪ ܐܝܬܝܢ܂ ܡܛܠ ܕܗܢܝܢ
2:114.15	ܕܐܫܬܕܪܢ ܢܣܒ܂ ܘܥܠܝܗܝܢ ܒܠܚܘܕ ܢܡܠܠ܂ ܗܢܘ ܕܝܢ ܕܡ̈ܠܘܗܝ
2:114.16	ܕܗ݀ܘ ܕܫܕܪܢ ܒܝܕ ܬܚܘ̈ܝܬܐ ܢܩܝܡ ܘܢܫܪܪ܂ 33݁6 ܡܟܝܠ ܐܢ ܐܡܪܢܐ ܗܘ ܡܕܡ
2:114.17	ܕܡܪܢ ܕܫܕܪܢܝ ܠܐ ܐܡܪ ܫܠܝܚܐ ܕܓܠܐ ܐܝܬܝ ܕܠܢܦܫܝ ܐܦܣܬ ܕܐܡܪ ܗ݀ܘ
2:114.18	ܡܕܡ ܕܠܗ ܠܐ ܫܦܪ܂ 33݁7 ܗ݀ܘ ܓܝܪ ܡܢ ܕܡܕܡ ܕܐܝܟ ܗܟܢܐ ܥܒܕ ܛܥܐ
2:114.19	ܠܗ ܕܥܠ ܢܦܫܗ ܣܒܪ ܕܡܝܬܪ ܗܘ ܡܢ ܗ݀ܘ ܕܫܕܪܗ܂ ܘܐܡܪ ܒܨܝܪ̈ܬܐ
2:114.20	ܘܚܣܝܪ̈ܬܐ܂ ܠܒܪ ܡܢ ܡܕܡ ܕܠܗܘ ܕܫܕܪܗ ܫܦܪ 33݁8 ܘܡܣܟܠ ܐܘ
2:114.21	ܠܗܝܢ ܣܐܡ ܘܥܠܝܗܝܢ ܐܡܪ ܘܗܝܕܝܢ ܡܬܩܒܠ ܡܛܠ ܕܡܫܪ܂ ܘܐܦ
2:114.22	ܠܐ ܗܟܢܐ ܐܡܝܢܐܝܬ ܫܠܝܚܐ ܐܝܬܘܗܝ܂ ܐܠܐ ܐܝܟ ܕܫܠܡܘܬܐ ܕܗܢܝܢ
2:114.23	ܕܡܣܬܒܪ̈ܢ ܕܣܩܘܒܠܐ ܐܢܝܢ ܡܫܟܚ ܕܢܚܘܐ ܕܐܝܟ ܫܠܝܚܐ ܥܒܕ ܡܣܬܒܪ
2:114.24	ܘܠܐ ܗܘܐ ܕܝܢ ܕܫܠܝܚܐ ܐܝܬܘܗܝ ܡܬܒܚܪ܂ ܠܐ ܓܝܪ ܐܝܬܝܗ݀ ܗܕܐ ܘܠܝܬܐ
2:114.25	ܕܐܢ ܐܢܫ ܥܒܕ ܡܕܡ ܕܕܡܐ ܠܐܢܫ ܗ݂ܘ ܐܝܬܘܗܝ ܗ݀ܘ ܕܐܫܟܚ ܕܢܕܡܐ
2:114.26	ܠܗ܂ ܒܪܡ ܕܝܢ ܡܛܠ ܦܝܣܐ ܕܫܡ̈ܘܥܐ ܙܕܩ ܕܒܦܣ̈ܝܩܬܐ ܬܚܘܝܬܝ
2:114.27	ܐܥܒܕ ܗܕܐ ܕܐܢܐ ܗܫܐ ܩܐܡ ܐܢܐ ܕܐܥܒܕ܂ ܐܠܐ ܠܟ ܠܐ ܫܦܪ ܐܢܐ܂ 33݁9 ܘܐܢ
2:114.28	ܕܝܢ ܗܟܢܐ ܡܢܣܐ ܐܢܐ ܕܐܥܒܕ ܕܐܬܟܣܣ ܨܒܢܐ ܥܡ ܗ݀ܘ ܕܫܕܪܢܝ ܗܕܐ
2:114.29	ܕܠܐ ܡܫܟܚܐ ܕܬܗܘܐ܂ 33݁10 ܢܒܝܐ ܓܝܪ ܐܝܬܘܗܝ ܗܘܐ܂ ܘܒܟܠܙܒܢ ܠܢܦܫܗ
2:114.30	ܫܠܡ ܗܘܐ܂ ܘܐܢ ܕܝܢ ܠܐ ܐܝܬܘܗܝ ܢܒܝܐ܂ ܗܕܐ ܠܘܩܕܡ ܢܒܥܐ܂ 34݁1 ܘܗܘ
2:114.31	ܣܝܡܘܢ ܐܡܪ ܕܠܐ ܣܢܝܩܢܐ ܕܗܕܐ ܐܠܦ܂ ܐܠܐ ܕܐܝܟܢܐ ܗܕܐ ܫܠܡܐ ܠܗ݀ܝ܂
2:114.32	ܐܢ ܓܝܪ ܬܬܚܘܐ ܗܕܐ ܕܠܐ ܗܝ ܫܠܡܐ ܠܗ݀܂ ܐܬܚܙܝܬ ܠܗ݀ ܕܠܐ ܐܝܬܘܗܝ
2:114.33	ܢܒܝܐ܂ 34݁2 ܘܗܘ ܦܛܪܘܣ ܐܡܪ ܐܠܐ ܐܢ ܗ݂ܘ ܕܠܘܩܕܡ ܐܚܘܐ ܕܢܒܝܐ
2:116.01	ܐܝܬܘܗܝ܂ ܐܦ ܗܢܝܢ ܕܡܣܬܒܪ̈ܢ ܕܣܩܘܒܠܐ ܐܢܝܢ ܠܐ ܐܝܬ̈ܝܗܝܢ ܣܩܘܒܠܐ܂
2:116.02	ܠܐ ܗܘܐ ܓܝܪ ܡܢ ܫܠܡܘܬܐ ܕܡ̈ܠܐ ܢ݁ܒܝܐ ܐܢܫ ܐܝܬܘܗܝ܂ ܗܕܐ ܓܝܪ
2:116.03	ܣܓܝ̈ܐܐ ܡܫܟܚܝܢ ܕܢܥܒܕܘܢܗ݀܂ ܡܐ ܗܟܝܠ ܕܗܝ ܫܠܡܘܬܐ ܢܒܝܐ ܠܐ
2:116.04	ܡܚܘܝܐ܂ ܣܓܝ ܝܬܝܪܐܝܬ ܐܦ ܠܐ ܣܩܘܒܠܐ܂ 34݁3 ܡܛܠ ܗܟܝܠ ܕܣܓܝ̈ܐܬܐ
2:116.05	ܐܢܝܢ ܗܢܝܢ ܕܡܣܬܒܪ̈ܢ ܠܐܢܫܝܢ ܕܣܩܘܒܠܐ ܕܚ̈ܕܕܐ ܐܝ̈ܬܝܗܝܢ܂ ܘܗܢܝܢ
2:116.06	ܒܫܪܪܐ ܫܠܡܘܬܐ ܕܚܕ̈ܕܐ ܐܝܬ ܒܗܝܢ܂ ܐܟܙܢܐ ܕܐܦ ܕܠܝ̈ܠܬܐ ܕܡܣܬܒܪ̈ܢ
2:116.07	ܕܫ̈ܠܡܢ ܐܢܝܢ ܠܚܕ̈ܕܐ܂ ܘܒܫܘܐܠܐ ܣܩܘܒܠܐ ܐܝܬ ܒܗܝܢ܂ 34݁4 ܡܛܠ ܗܕܐ
2:116.08	ܐܡܪ ܐܢܐ܂ ܕܠܐ ܐܝܬ ܐܚܪܬܐ ܐܘܪܚܐ ܕܬܪܝܨܐ ܡܢ ܗܕܐ ܠܒܥܬܐ ܘܠܒܘܚܪܢܐ
2:116.09	ܕܐܝܠܝܢ ܕܐܝܟ ܗܟܢܐ܂ ܐܠܐ ܕܠܘܩܕܡ ܢܕܥ܂ ܐܢ ܗ݀ܘ ܕܡܠܠ ܗܠܝܢ
2:116.10	ܕܡܣܬܒܪ̈ܢ ܕܣܩܘܒܠܐ ܢܒܝܐ ܐܝܬܘܗܝ܂ 34݁5 ܐܢ ܓܝܪ ܐܝܬܘܗܝ ܢܒܝܐ
2:116.11	ܗܢܝܢ ܕܡܣܬܒܪ̈ܢ ܕܣܩܘܒܠܐ ܐܢܝܢ ܫܠܡܘܬܐ ܐܝܬ ܒܗܝܢ ܘܠܐ ܝܕܝܥܐ܂
2:116.12	34݁6 ܘܡܟܝܠ ܐܦܢ ܐܢܐ ܕܐܝܬܝ ܫܠܝܚܐ ܡܢ ܕܝܠܝ ܐܡܪ ܫܠܝܚܐ ܠܐ ܐܝܬܝ܂
2:116.13	ܒܗܕܐ ܕܠܐ ܗܘܐ ܗܢܝܢ ܕܗ݀ܘ ܕܫܕܪܢ ܐܡܪ ܐܢܐ܂ ܐܠܐ ܘܐܦܢ ܡܢ ܕܝܠܝ ܕܠܩܘܒܠܐ
2:116.14	ܠܐ ܐܡܪ ܒܘܠܝܬܐ ܠܐ ܡܬܗܝܡܢ ܐܢܐ܂ ܠܐ ܗܘܐ ܓܝܪ ܗܢܐ ܦܘܩܕܢܐ ܐܝܬ
2:116.15	ܠܝ܂ ܘܡܟܝܠ ܗܘܝܬ ܝܕܥ ܕܐܢܚܢܢ ܠܐ ܡܕܡ ܡܢ ܕܝܠܢ ܐܡܪܝܢ ܐܢܚܢܢ܂
2:116.16	ܐܠܐ ܟܠ ܗܢܝܢ ܡ̈ܠܐ ܕܗ݀ܘ ܕܫܕܪܢ ܘܦܩܕܢ ܕܢܠܦ܂ ܗܢܘ ܕܝܢ ܕܢܫܡܠܐ ܥܠ
2:116.17	ܫܪܪܐ ܕܡ̈ܠܘܗܝ܂ 35݁1 ܘܗܘ ܣܝܡܘܢ ܐܡܪ ܐܠܦܝܢܝ ܕܐܝܟܢܐ ܫܠܡܐ
2:116.18	ܗܕܐ ܕܐܢ ܦܠܓܘ̈ܬܐ ܠܡܦܘܠܬܐ ܗܘ̈ܝܢ ܗ݀ܘ ܕܐܫܬܘܕܝ ܕܡܚܐ ܘܡܫܘܙܒ
2:116.19	ܐܢܗܘ ܕܗ݂ܘ ܗܢܝܢ ܥܒܕ ܐܝܟܢܐ ܛܒܐ ܐܝܬܘܗܝ܂ 35݁2 ܘܗܘ ܦܛܪܘܣ ܐܡܪ
2:116.20	ܫܡܥ ܕܐܝܟܢܐ ܟܘܠܗ݀ ܫܠܡܘܬܐ ܢܩܝܦܐ ܠܗܕܐ ܕܡܣܬܒܪܐ ܠܟ
2:116.21	ܕܣܩܘܒܠܐ ܐܝܬܝܗ݀܂ ܗ݂ܘ ܡܠܦܢܢ ܐܡܪ ܕܟܠ ܡܠܟܘ ܘܡܕܝܢܐ ܘܒܝܬܐ ܠܐ
2:116.22	ܡܫܟܚܐ ܕܬܩܘܡ ܐܢ ܬܬܦܠܓ܂ ܘܗ݂ܝ ܗܕܐ ܐܡܪ ܕܒܝܫܐ ܗ݂ܝ܂ 35݁3/4 ܘܗ݂ܘ
2:116.23	ܕܝܢ ܥܠ ܐܦ̈ܝ ܛܒ̈ܬܐ ܕܢܥܒܕ ܗܕܐ ܐܫܬܘܕܝ ܘܕܒܘܠܝܬܐ ܘܫܠܡܐܝܬ
2:116.24	ܐܝܬܝܗ݀ ܫܡܥ܂ ܡܛܠ ܕܟܠ ܡܕܡ ܕܡܬܦܠܓ ܠܐ ܩܐܡ܂ ܐܘ ܒܝܫܐ ܐܘ
2:116.25	ܛܒܐ ܐܝܬܘܗܝ܂ ܗ݂ܘ ܠܗܢܘܢ ܕܒܛܘܥܝܝ ܐܢܘܢ ܦܠܓ ܐܢܘܢ ܒܡܠܬܗ
2:116.26	ܫܪܝܪܬܐ ܡܛܠ ܕܗܝ ܛܘܥܝܝ ܬܦܠ܂ ܒܗ݀ܘ ܐܣܟܡܐ ܕܐܦ ܗ݂ܝ ܒܝܫܬܐ
2:116.27	ܨܒܝܐ ܕܠܫܪܪܐ ܬܦܠܓ ܒܡܡܠܠܐ ܡܕܡ ܕܛܘܥܝܝ ܐܝܟܢܐ ܕܗܘ ܫܪܪܐ ܠܐ
2:116.28	ܢܫܟܚ ܕܢܩܘܡ܂ 35݁5 ܘܗܘ ܣܝܡܘܢ ܐܡܪ ܕܗܕܐ ܠܐ ܓܠܝܐ܂ ܕܐܢ ܗ݂ܘ
2:116.29	ܕܠܛܘܥܝܝ ܦܠܓ ܗܘܐ ܡܠܦܢܟܘܢ ܐܘ ܠܗ ܠܫܪܪܐ ܐܝܟܢܐ ܕܢܦܠ܂
2:116.30	35݁6 ܘܦܛܪܘܣ ܐܡܪ܂ ܕܗܕܐ ܒܥܬܐ ܗ݂ܝ ܐܚܪܬܐ܂ ܐܢ ܗܟܝܠ ܫܠܡܐ ܠܟ
2:116.31	ܗܕܐ ܕܟܠ ܡܕܡ ܕܡܬܦܠܓ ܕܢܦܠ ܐܝܬ ܠܗ܂ ܠܝ ܡܟܝܠ ܫܪܟܐ
2:116.32	ܠܝ ܕܐܚܘܐ܂ ܐܢ ܒܫܝܢܐ ܨܒܐ ܐܢܬ ܕܬܫܐܠ܂ ܕܗ݂ܘ ܝܫܘܥ ܕܝܠܢ ܫܪܪܐ
2:116.33	ܡܡܠܠ ܘܠܛܘܥܝܝ ܦܠܓ܂ ܡܛܠ ܕܬܫܬܪܐ ܘܬܦܠ܂ 36݁1 ܘܗ݂ܘ ܣܝܡܘܢ
2:118.01	ܐܡܪ ܐܪܦܐ ܡܠܬܐ ܗܕܐ ܕܫܝܢܐ ܕܬܟܝܒܐܝܬ ܐܡܪ ܐܢܬ܂ ܘܗ݀ܘ ܡܕܡ ܕܝܕܥ
2:118.02	ܐܢܬ ܘܡܠܦ ܐܢܬ ܒܦ̈ܣܝܩܬܐ ܐܡܪ܂ 36݁2 ܘܗܘ ܦܛܪܘܣ ܐܡܪ ܕܡܢܐ ܕܚܠ
2:118.03	ܐܢܬ ܕܬܟܝܒܐܝܬ ܥܠ ܫܝܢܐ ܬܫܡܥ܂ ܐܘ ܠܐ ܝܕܥܬ ܕܚܪܬܗ݀ ܕܟܐܢܘܬܗ
2:118.04	ܕܢܡܘܣܐ ܫܝܢܐ ܗܘ܂ ܡܢ ܓܝܪ ܚ̈ܛܗܐ ܗܘܝܢ ܚܪ̈ܝܢܐ܂ ܕܠܗܘܢ ܢܩܝܦܝܢ
2:118.05	ܩܪ̈ܒܐ܂ ܘܗܟܢܐ ܡܢ ܗ݀ܝ ܕܡܫܬܡܥܝܢ ܠܢܡܘܣܐ ܡܛܠ ܕܠܐ ܚܛܝܢ
2:118.06	ܫܝܢܐ ܗܘܐ܂ ܐܦ ܒܒܥܬܐ ܕܝܢ ܐܢ ܒܪܚܡܬ ܫܪܪܐ ܠܚܕ̈ܕܐ ܢܫܐܠܘܢ܂
2:118.07	ܘܒܗܘܢ ܕܝܢ ܒܣܘܥܪ̈ܢܐ ܐܢ ܗܘ ܕܠܐ ܢܚܛܘܢ݁܂ 36݁3 ܘܣܝܡܘܢ ܐܡܪ ܕܡܣܬܒܪ
2:118.08	ܐܢܬ ܠܝ ܕܠܐ ܡܫܟܚ ܐܢܬ ܕܦܣܝܩ̈ܬܐ ܬܐܡܪ ܗ݀ܘ ܡܕܡ ܕܝܕܥ ܐܢܬ
2:118.09	ܘܡܠܦ ܐܢܬ܂
2:118.10	36݁4 ܘܦܛܪܘܣ ܐܡܪ ܒܨܒܝܢܝ ܐܡܪܢܐ ܠܒܪ ܡܢ ܛܟܣܐ܂ ܟܕ ܠܐ ܗܘܐ ܡܢ
2:118.11	ܫܘܐܠܟ ܕܒܡܨܥܬܐ ܐܬܐܠܨܬ ܐܠܐ ܒܨܒܝܢܝ ܕܡܣܬܪܗܒ ܐܢܐ ܕܗܘ ܡܕܡ
2:118.12	ܕܡܥܕܪ ܠܓܘܐ ܒܡܨܥܬܐ ܐܡܪ܂ 36݁5 ܕܡܛܠ ܗܕܐ ܒܦܣܝܩ̈ܬܐ ܐܡܪ ܐܢܐ
2:118.13	ܕܚܕ ܐܝܬܘܗܝ ܐܠܗܐ ܘܥܠܡܐ ܗܢܐ ܥ݁ܒܕܗ ܗ݂ܘ܂ ܗ݀ܘ ܕܡܛܠ ܕܟܐܢܐ
2:118.14	ܗܘ ܐܡܝܢܐܝܬ ܠܟܠ ܡܕܡ ܘܠܟܠ ܐܢܫ ܐܝܟ ܥܒܕ̈ܘܗܝ ܦܪܥ ܐܡܬܝ
2:118.15	ܕܗܘ܂ ܒܪܡ ܕܝܢ ܝܕܥ ܐܢܐ ܕܠܘܩܒܠ ܬܚܘܝܬܐ ܕܥܠ ܗܕܐ ܪ̈ܒܘܬܐ

2:118.16	ܣܓܝ̈ܐܬܐ ܕܡ̈ܠܐ ܡܙܕ‍{‍ܥ‍}‍‍<‍ܟ‍>‍ܝܢ܂ 37݁1 ܘܗܘ ܣܝܡܘܢ ܐܡܪ ܕܡܬܕܡܪ ܐܢܐ ܒܗ݀

2:118.17	ܒܚܪܝܦܘܬܐ ܕܡܚܫܒܬܟ ܐܠܐ ܕܝܢ ܠܐ ܡܩܒܠܐ ܥܠܝ ܠܐ ܬܪܝܨܘܬܗ
2:118.18	ܕܪܥܝܢܟ܂ 37݁2 ܚܟܝܡܐܝܬ ܓܝܪ ܩܕܡܬ ܐܪܓܫܬ ܒܗܢܝܢ ܕܡܬܐܡܪ̈ܢ
2:118.19	ܠܘܩܒܠ ܗܢܐ ܫܘܕܝܟ ܘܩܕܡܬ ܐܘܕܝܬ܂ ܕܐܦ ܐܢܬ ܝܕܥ ܐܢܬ ܒܬܚܘܝܬܐ
2:118.20	ܕܥܠ ܗܕܐ ܣܓ̈ܝܐܬܐ ܪ̈ܒܘܬܐ ܕܡ̈ܠܐ ܡܙܕ‍{‍ܥ‍}‍‍<‍ܟ‍>‍ܝܢ܂ ܘܐܦ ܠܐ ܓܝܪ ܡܕܡ ܫܠܡ
2:118.21	ܗܢܐ ܫܘܕܝܟ ܕܐܝܬܘܗܝ ܒܫܪܪܐ܂ 37݁3 ܒܪ ܫܥܬܗ ܗܟܝܠ ܗܕܐ ܕܚܕ ܗ݂ܘ
2:118.22	ܐܠܗܐ ܘܥܠܡܐ ܥܒܕܗ ܗܘ ܒܗ݀ ܒܗܕܐ ܠܘܩܕܡ ܡܢܘ ܫܠܡ ܠܟ܂
2:118.23	ܣܒܪܢܐ ܕܐܦ ܠܐ ܡܢ ܝܘ̈ܢܝܐ ܐܘ ܗܕܝܘ̈ܛܐ ܐܘ ܦܝܠܘ̈ܣܦܐ ܘܐܦܠܐ ܡܢ
2:118.24	ܝܗܘ̈ܕܝܐ ܠܐ ܝܕܘܥܐ ܐܘ ܚܠܫܐ ܕܒܗܘܢ܂ ܘܐܦܠܐ ܐܢܐ ܕܠܗ ܠܢܡܘܣܐ
2:118.25	ܕܝܠܗܘܢ ܝܕܥܢܐ܂ 37݁4 ܘܗܘ ܦܛܪܘܣ ܦܢܝ ܦܬܓܡܐ܂ ܕܐܪܦܐ ܕܬܐܡܪ ܡܣܡ
2:118.26	ܒܪܥܝܢܐ ܕܐܚܪ̈ܢܐ܂ ܐܡܪ ܠܝ ܐܢܬ ܕܩܪܝܒ ܐܢܬ ܠܝ ܘܩܪܝܒ ܐܢܐ ܠܟ ܡܢܐ
2:118.27	ܫܦܪ ܠܟ37݁5 ܘܗܘ ܣܝܡܘܢ ܐܡܪ ܕܡܫܟܚ ܐܢܐ ܕܐܡܪ ܗ݀ܘ ܡܕܡ ܕܒܫܪܪܐ
2:118.28	ܝܕܥ ܐܢܐ܂ ܡܐܢܐ ܠܝ ܕܝܢ ܒܗܕܐ܂ ܘܩܢܝܛ ܐܢܐ ܕܡܬܚܫܒ ܐܢܐ܂ ܕܐܢ ܐܡܪ
2:118.29	ܗ݀ܘ ܡܕܡ ܕܐܦܠܐ ܠܟ ܫܠܡ܂ ܘܐܦܠܐ ܠܟܢ̈ܫܐ ܗܢܘܢ ܕܠܐ ܪܕܝܢ ܫܦܪ܂
2:118.30	37݁6 ܐܢܬ ܐܝܟ ܗ݀ܘ ܕܡܛܘܠ ܕܡܬܙܝܥ ܐܢܬ ܐܕ̈ܢܝܟ ܡܣܟܪ ܐܢܬ܂ ܘܥܪܩ ܐܢܬ
2:118.31	ܡܛܠ ܕܠܝܬ ܠܟ ܕܬܐܡܪ ܠܘܩܒܠܗܝܢ 37݁7 ܘܗܢܘܢ ܕܝܢ ܟܢ̈ܫܐ ܐܝܟ ܠܐ
2:118.32	ܦܪ̈ܘܫܐ ܢܥܕܪܘܢܟ ܘܠܟ ܢܩܒܠܘܢ ܕܐܝܬܝܟ ܠܗܘܢ ܗܕܝܐ ܢܝܚܐ܂ ܒܗܢܝܢ
2:118.33	ܕܒܥܝܕܐ ܐܝܬܝܗܘܢ ܒܗܝܢ܂ ܘܠܝ ܕܝܠܝ ܢܣܠܘܢ ܐܝܟ ܗ݀ܘ ܕܒܣܒܪܐ ܚܕܬܐ