The Comprehensive Aramaic Lexicon

2:130.01	47݁1 ܘܗܘ ܣܝܡܘܢ ܠܘܩܒܠ ܗܢܝܢ ܐܡܪ܂ ܕܡܢܗ ܕܝܠܗ ܕܡܠܦܢܟ ܡܟܣܢܐ
2:130.02	ܠܟ܂ ܕܐܦ ܗ݂ܘ ܗ݀ܘ ܐܠܗܐ ܕܠܐ ܝܕܝܥ ܗܘܐ ܠܫܪ̈ܒܬܟܘܢ ܐܥܠ ܘܐܡܪ܂
2:130.03	47݁2 ܟܕ ܓܝܪ ܐܕܡ ܠܗܘ ܕܥܒܕܗ ܝܕܥ ܗܘܐ ܠܗ ܐܠܗܐ ܕܗܘ ܐܝܬܘܗܝ
2:130.04	ܥܒܘܕܗ ܕܥܠܡܐ܂ ܘܠܗ ܐܦ ܚܢܘܟ ܝܕܥ ܕܡܢܗ ܐܫܬܢܝ܂ ܘܢܘܚ ܕܡܢܗ
2:130.05	ܐܬܦܩܕ ܠܗ ܕܢܥܒܕ ܠܗ ܩܒܘܬܐ܂ ܘܒܗ݀ ܒܕܡܘܬܐ ܐܦ ܐܒܪܗܡ ܘܐܝܣܚܩ
2:130.06	ܘܝܥܩܘܒ܂ ܘܡܘܫܐ ܘܟܠܗ ܥܡܐ ܥܡ ܟܠܗܘܢ ܥܡ̈ܡܐ ܡܘܕܝܢ ܗܘܘ
2:130.07	ܒܗ ܕܗܘ ܐܝܬܘܗܝ ܐܠܗܐ ܕܒܪܝܗܝ ܠܥܠܡܐ܂ 47݁3 ܗܘ ܝܫܘܥ ܗܢܐ
2:130.08	ܕܝܠܟܘܢ ܡܢ ܒܬܪ ܐܒܗ̈ܬܟܘܢ ܠܚܪܬܐ ܐܬܚܙܝ ܐܡܪ ܕܠܐ ܐܢܫ ܝܕܥ ܠܐܒܐ
2:130.09	ܐܠܐ ܐܢ ܒܪܐ܂ ܘܐܦܠܐ ܠܒܪܐ ܝܕܥ ܐܢܫ ܐܠܐ ܐܒܐ܂ ܘܐܝܠܝܢ ܕܨܒܐ ܐܠܗܐ
2:130.10	ܕܢܓܠܐ ܠܗܘܢ݁܂ ܗܟܢܐ ܗܟܝܠ ܘܐܦ ܝܫܘܥ ܕܝܠܟܘܢ ܐܚܪܢܐ ܐܠܗܐ
2:130.11	ܕܟܣܐ ܡܢ ܟܠ ܐܢܫ ܘܠܐ ܝܕܝܥ ܒܐܪܙܐ ܐܟܪܙ܂ 48݁1 ܘܗܘ ܦܛܪܘܣ ܐܡܪ
2:130.12	ܠܗ܂ ܕܚܙܝ ܟܡܐ ܙܒ̈ܢܝܢ ܐܡܪ ܐܢܬ ܠܘܩܒܠ ܢܦܫܟ܂ ܘܠܐ ܒܗܬ ܐܢܬ܂ ܐܢ
2:130.13	ܓܝܪ ܘܐܦ ܗܘ ܝܫܘܥ ܕܝܠܢ ܝܕܥ ܠܗ ܠܗܘ ܐܠܗܐ ܟܣܝܐ 48݁2 ‍<‍ܓܠܝܙ
2:130.14	ܗ݀ܝ ܕܠܐ ܝܕܝܥ ܗܘܐ ܠܟ ܒܠܚܘܕܝܟ܂ ܐܢ ܕܝܢ ܝܫܘܥ ܕܝܠܢ ܝܕܥܗ‍>‍ ܘܗ݂ܘ
2:130.15	ܡܘܫܐ ܕܐܬܚܙܝ ܩܕܡ ܒܕܩ ܥܠ ܝܫܘܥ ܢܒܝܐ ܕܐܬܐ ܒܗ ܒܐܣܟܡܐ
2:130.16	ܕܗܘ ܐܝܬܘܗܝ ܗܘܐ܂ ܡܟܝܠ ܟܝ ܘܐܦ ܠܐ ܗܘ ܡܘܫܐ ܠܐ ܝܕܥ ܗܘܐ ܠܗ
2:130.17	ܕܢܒܝܐ ܐܝܬܘܗܝ ܗܘܐ܂ ܐܝܟܢܐ ܕܐܦ ܗܘ ܝܫܘܥ ܕܝܕܥ ܟܣ̈ܝܬܐ ܗܘ܂
2:130.18	48݁3 ܘܡܢܐ ܕܝܢ ܕܐܢ ܗܘ ܐܒܐ ܕܟܘܠ ܕܐܝܬܘܗܝ ܒܟܣܝܘܬܐ܂ ܘܒܪܐ ܐܝܬ ܠܗ
2:130.19	‍<‍ܕ‍>‍ܡܢ ܒܪܫܝܬ ܐܝܟ ܕܨܒܐ ܒܕܪ̈ܝܢ ܕܪ̈ܝܢ ܓܠܝܗܝ ܘܡܛܠ ܗܕܐ ܘܐܦܠܐ ܐܢܫ
2:130.20	ܡܢ ܐܒܗ̈ܬܐ ܠܐ ܝܕܥܗ܂ 48݁4 ܘܐܝܟܢܐ ܕܝܢ ܐܢܬ ܡܫܟܚ ܐܢܬ ܕܬܫܘܐ
2:130.21	ܠܝܕܥܬܗ ܕܐܒܐ ܟܕ ܛܠܡ ܐܢܬ ܠܒܪܐ܂ ܗ݀ܘ ܕܟܠܗ ܥܡܐ ܐܝܟ ܕܠܐܒܐ
2:130.22	ܝܩܪܗ܂ ܘܡܝܩܪ ܠܗ ܥܕܡܐ ܠܗ݀ ܠܚܪܬܐ܂ ܡܐ ܕܟܠܗܘܢ ܐܟܚܕܐ
2:130.23	ܢܕܥܘܢܝܗܝ ܕܒܪܐ ܐܝܬܘܗܝ
2:130.24	49݁1 ܘܠܘܩܒܠ ܗܠܝܢ ܣܝܡܘܢ ܐܡܪ܂ ܕܗܘܝܬ ܥܗܕ ܕܐܦ ܒܪܐ ܐܡܪܬ
2:130.25	ܕܐܝܬ ܠܗ ܠܐܠܗܐ܂ ܘܒܠܐ ܡܪܓܫܢܘܬܟ ܡܨܥܪ ܐܢܬ ܠܗ݂܂ ܕܒܕܡܘܬ
2:130.26	ܗܢܘܢ ܢܦܫ̈ܢܐ ܘܕܠܐ ܢܦܫܐ ܐܡܪ ܐܢܬ ܕܚܫ܂ 49݁2 ܐܠܐ ܠܐ ܗܘܐ ܥܕܢܐ ܗ݂ܘ ܕܗܕܐ
2:130.27	ܡܠܬܐ ܕܢܟܣ ܠܗܕܐ ܟܠܗ݀ ܠܐ ܡܪܓܫܢܘܬܟ ܕܡܣܬܪܗܒ ܐܢܐ ܕܐܡܪ ܥܠ
2:130.28	ܗܘ ܢܘܗܪܐ ܕܠܐ ܡܣܬܝܟ܂ 49݁3 ܘܫܡܥ ܗܝ ܗܕܐ܂ ܕܟܒܪ ܐܝܬ ܗܘ ܡܕܡ
2:130.29	ܒܟܣܝܘܬܐ ܢܘܗܪܐ ܕܐܝܬܘܗܝ ܚܝܠܐ ܕܠܐ ܡܣܬܝܟ ܒܪܒܘܬܗ܂ ܗ݀ܘ ܕܐܦܠܐ
2:130.30	ܒܪܘܝܐ ܝܕܥܗ ܘܐܦܠܐ ܡܘܫܐ ܣܐܡ ܢܡܘܣܐ܂ ܘܐܦܠܐ ܝܫܘܥ ܡܠܦܢܐ܂
2:130.31	50݁1 ܘܗܘ ܦܛܪܘܣ ܐܡܪ ܕܠܐ ܟܝ ܡܣܬܒܪܐ ܠܟ ܕܣܓܝ ܚܣܝܪ ܪܥܝܢܐ
2:130.32	ܐܝܬܘܗܝ ܗ݀ܘ ܕܐܦܢ ܡܗܝܡܢ ܕܐܝܬ ܐܚܪܢܐ ܠܥܠ ܡܢ ܗ݀ܘ ܐܠܗܐ ܕܒܫܪܪܐ
2:132.01	ܐܝܬܘܗܝ ܘܗܢܝܢ ܗܢܝܢ ܐܡܪ ܒܦܘܠܓܐ ܕܟܒܪ ܘܩܕܡ ܕܠܢܦܫܗ ܢܫܡܠܐ
2:132.02	ܒܗ ܠܐܚܪܢܐ ܗܝ ܗܕܐ ܨܒܐ ܕܢܫܬܒܗܪ܂ 50݁2 ܐܝܬ ܟܝ ܐܚܪܢܐ ܐܢܫ ܘܡܣܪܗܒ
2:132.03	ܘܚܨܝܦ ܡܢܟ܂ ܕܠܟ ܢܫܪ ܟܕ ܐܦ ܐܢܬ ܡܬܦܠܓ ܐܢܬ܂ ܕܐܢ ܐܝܬ ܐܚܪܢܐ
2:132.04	ܚܝܠܐ ܗܘ ܕܠܐ ܝܕܥܗ ܐܦ ܠܐ ܗ݂ܘ ܒܪܘܝܗ ܕܥܠܡܐ܂ ܘܐܦܠܐ ܡܘܫܐ ܢܒܝܐ
2:132.05	ܘܣܐܡ ܢܡܘܣܐ ܘܐܦ ܠܐ ܝܫܘܥ ܡܠܦܢܐ܂ ܘܐܝܟ ܗܟܢܐ ܟܝ ܐܝܬܘܗܝ ܗ݀ܘ
2:132.06	ܚܝܠܐ ܟܣܝܐ ܕܠܐܢܫ ܠܐ ܢܬܝܕܥ܂ ܐܠܐ ܠܚܕ ܒܠܚܘܕܘܗܝ܂ ܗܢܘ ܕܝܢ ܠܟ
2:132.07	ܕܐܝܬܝܟ ܗܟܢܐ ܒܗܢܝܢ ܟܠܗܝܢ܂ 50݁3 ܐܝܟܢܐ ܕܝܢ ܐܢ ܚܕܬܐ ܐܝܬܘܗܝ ܪܓܫܐ
2:132.08	ܐܚܪܢܐ ܚܕܬܐ ܠܐ ܝܗܒ ܠܢ܂ ܕܒܗ ܒܗܘ ܚܕܬܐ ܕܡܬܝܗܒ ܗܘܐ ܠܢ ܠܗ
2:132.09	ܕܐܝܬܘܗܝ ܚܕܬܐ ܢܫܟܚ ܕܢܕܥ܂ ܐܠܐ ܟܒܪ ܐܡܪ ܐܢܬ ܕܠܐ ܡܫܟܚ ܕܢܬܠ܂
2:132.10	ܘܐܝܟܢܐ ܕܝܢ ܠܟ ܝܗܒ܂ ܐܠܐ ܟܒܪ ܡܛܠ ܕܨܒܝܬ܂ ܘܐܦ ܐܢܚܢܢ ܕܝܢ
2:132.11	ܡܫܟܚܝܢ ܐܢܚܢܢ ܕܢܨܒܐ܂ ܐܠܐ ܕܒܩܢܕܝܢܘܣ ܘܒܡܚܫܘܠܐ ܕܢܗܘܐ ܠܐ ܨܒܝܢ
2:132.12	ܐܢܚܢܢ܂ ܐܢ ܡܟܝܠ ܗܘ ܓܠܐ ܠܟ܂ ܡܛܠ ܡܢܐ ܠܐ ܐܦ ܠܢ܂ 50݁4 ܘܐܢ ܕܝܢ
2:132.13	ܐܢܬ ܡܢ ܢܦܫܟ ܝܕܥܬ ܗ݀ܘ ܕܢܒ̈ܝܐ ܠܐ ܝܕܥܘ܂ ܘܐܦܢ ܐܝܟ ܢܒܝܐ ܐܡܪ ܠܢ
2:132.14	ܡܢܐ ܡܬܚܫܒܝܢ ܐܢܚܢܢ ܘܠܐ ܗܘܐ ܗ݀ܘ ܚܕ܂ 50݁5 ܐܢ ܓܝܪ ܪܘܚܐ ܕܫܘܝܐ ܥܡ
2:132.15	ܗܢܘܢ ܕܕܡܝܢ ܠܟ ܐܝܬ ܒܟ ܟܒܪ ܝܕܥ ܐܢܬ ܐܦ ܗܢܝܢ ܡܚܫ̈ܒܬܐ܂
2:132.16	50݁6 ܘܐܢ ܕܝܢ ܡܚܫܒܬܐ ܕܝܠܢ ܕܩܪܝܒܝܢ ܐܢܚܢܢ ܕܬܐܡܪ ܠܐ ܡܫܟܚ ܐܢܬ܂ ܐܝܟܢܐ
2:132.17	ܕܗ݀ܘ ܟܣܝܐ ܝܕܥܬ ܚܘ̈ܫܒܘܗܝ܂ ܐܘ ܐܦܢ ܗܝ ܗܕܐ ܒܠܚܘܕ ܕܐܝܬܘܗܝ
2:132.18	ܐܝܬܘܬܐ ܕܟܣܝܐ ܡܢ ܟܠ܂ 51݁1 ܗܝܡܢܝܢܝ ܕܝܢ ܕܐܦܠܐ ܗܕܐ ܝܕܥ ܗܘܝܬ
2:132.19	ܕܡܢܐ ܐܝܬܘܗܝ ܢܘܗܪܐ ܐܠܘ ܠܐ ܕܡܢܗ ܢܣܒܬ ܐܦ ܗܕܐ ܕܬܚܙܐ ܘܐܦ
2:132.20	ܗܕܐ ܕܗܘ ܕܡܬܚܙܐ܂ ܕܡܢ ܗܕܐ ܕܝܕܥ ܐܢܬ܂ 51݁2 ܒܗܢܝܢ ܚܡ̈ܫܐ ܓܢܣ̈ܝܢ
2:132.21	ܕܪ̈ܓܫܐ ܕܐܬܝܗܒܘ ܠܟ ܡܬܦܪܣ ܐܢܬ ܐܦ ܥܠܝܗܘܢ ܡܢܗܝܢ ܕܗܠܝܢ
2:132.22	ܕܢܣܒܬ ܛܠܘܡܐ ܡܕܡ ܪܒ܂ ܗ݀ܝ ܕܒܫܪܪܐ ܚܠܡܐ ܗ݂ܘ ܘܠܐ ܗܘܐ ܫܪܪܐ܂
2:132.23	51݁3 ܥܕܡܐ ܓܝܪ ܕܪܓܫܐ ܚܕܬܐ ܠܒܪ ܡܢ ܚܡ̈ܫܐ ܕܐܝܬ ܠܢ ܠܐ ܡܫܟܚ
2:132.24	ܐܢܬ ܕܬܚܘܐ ܐܠܗܐ ܚܕܬܐ ܠܐ ܐܝܬ܂ 51݁4 ܘܗܘ ܣܝܡܘܢ ܐܡܪ܂ ܡܛܠ ܕܒܚܡܫܢ
2:132.25	ܪ̈ܓܫܐ ܟܠ ܡܕܡ ܡܫܬܡܠܐ ܗ݀ܘ ܚܝܠܐ ܕܢܬܠ ܚܕܬܐ ܗ݀ܘ ܕܠܐ ܐܝܬܘܗܝ
2:132.26	ܠܐ ܐܫܟܚ܂ 51݁5 ܘܗܘ ܦܛܪܘܣ ܐܡܪ ܡܕܓܠ ܐܢܬ܂ ܐܝܬ ܓܝܪ ܪܓܫܐ
2:132.27	ܕܫܬܐ܂ ܗ݀ܘ ܕܡܬܩܪܐ ܐܝܕܥܬܐ ܡܩܕܡܬܐ܂ ܗܢܝܢ ܓܝܪ ܚܡ̈ܫܐ ܪ̈ܓܫܐ
2:132.28	ܡܩܒ̈ܠܢܐ ܕܝܕܥܬܐ ܐܝܬܝܗܘܢ܂ ܘܗܘ ܕܝܢ ܕܐܫܬܐ ܐܝܬܘܗܝ ܡܒܕܩܢܐ ܕܝܕܥܬܐ
2:132.29	ܡܩܕܡܬܐ܂ 51݁6 ܐܝܟܢܐ ܕܝܢ ܐܢܬ ܝܕܥ ܐܢܬ ܠܗ ܠܗܢܐ ܚܝܠܐ ܟܣܝܐ܂ ܗ݀ܘ
2:132.30	ܕܐܦܠܐ ܢܒ̈ܝܐ ܝܕܥܘܗܝ܂ ܟܕ ܠܐ ܐܝܬܝܟ ܢܒܝܐ ܨܒܐ ܗܘܝܬ ܕܐܫܡܥ܂
2:132.31	51݁7 ܘܗܘ ܕܝܢ ܣܝܡܘܢ ܫܪܝ ܕܢܐܡܪ ܕܗܢܐ ܚܝܠܐ ܕܐܡܪ ܐܢܐ ܕܐܝܬܘܗܝ ܒܟܣܝܐ
2:132.32	ܠܥܠ ܡܢ ܐܠܗܐ ܗ݀ܘ ܕܒܪܝܗܝ ܠܥܠܡܐ܂ ܕܠܗ ܐܦ ܠܐ ܐܢܫ ܡܢ
2:134.01	ܡ̈ܠܐܟܐ ܝܕܥ܂ ܘܐܦ ܠܐ ܡܢ ܕܝܘ̈ܐ ܐܘ ܡܢ ܝܗܘ̈ܕܝܐ܂ ܐܘ ܡܢ ܒܪ̈ܝܬܐ ܗܢܝܢ
2:134.02	ܕܡܢ ܒܪܘܝܐ ܗ̈ܘܝ܂ 51݁8 ܡܐ ܕܐܦ ܠܐ ܗܘ ܒܪܘܝܐ ܝܕܥܗ܂ ܗ݀ܘ ܕܐܦ ܠܗ
2:134.03	ܠܢܡܘܣܐ ܣܡ܂ ܗܘܝܘ ܢܡܘܣܐ ܐܠܦܢܝ ܟܕ ܐܦ ܠܐ ܗܘ ܝܕܥ ܡܕܡ
2:134.04	ܕܐܠܦ܂ 52݁1 ܘܗܘ ܦܛܪܘܣ ܐܡܪ ܡܬܕܡܪ ܐܢܐ ܐܝܟܢܐ ܝܬܝܪ ܡܢ ܢܡܘܣܐ
2:134.05	ܡܠܦܢܟ ܐܢܬ ܕܬܕܥ ܡܫܟܚ ܐܢܬ܂ ܘܐܝܟܢܐ ܕܝܢ ܐܦ ܬܚܘ̈ܝܬܐ܂ ܡܢܗ ܡܝܬܐ
2:134.06	ܐܢܬ 52݁2 ܡܐ ܕܐܦܠܐ ܗܘ ܗ݀ܘ ܕܣܡܗ ܠܢܡܘܣܐ ܘܠܟܠܗ ܥܠܡܐ ܒܪܐ ܠܐ
2:134.07	ܝܕܥ܂ ܐܢܬ ܥܡ ܟܘܠܢ ܗܐ ܩܐܡ ܐܢܬ ܟܕ ܣܦܩܐ ܠܟ ܗܕܐ ܕܪܬܐ
2:134.08	ܙܥܘܪܬܐ܂ 52݁3 ܘܗܘ ܣܝܡܘܢ ܟܕ ܚܙܝܗܝ ܠܦܛܪܘܣ ܕܓܚܟ ܥܡ ܟܠܗ
2:134.09	ܟܢܫܐ ܐܡܪ܂ ܕܓܚܟ ܐܢܬ ܐܘ ܦܛܪܐ ܟܕ ܡܬܐܡܪ̈ܢ ܡ̈ܠܐ ܕܐܝܟ ܗܢܝܢ܂
2:134.10	52݁4 ܘܦܛܪܘܣ ܦܢܝ ܠܗ ܦܬܓܡܐ ܕܠܐ ܬܬܚܡܬ ܣܝܡܘܢ݁ ܠܐ ܓܝܪ ܡܕܡ
2:134.11	ܠܒܪ ܡܢ ܗܢܝܢ ܕܐܫܬܘܕܝܢ ܥܒܕܢ܂ ܠܐ ܓܝܪ ܐܕ̈ܢܝܢ ܣܟܪܢ ܘܐܦ ܠܐ ܟܕ
2:134.12	ܫܡܥܢ ܒܪܫܥܬܗ ܫܢܝܢܢ 52݁5 ܐܠܐ ܘܐܦܠܐ ܠܓܡܪ ܐܬܙܝܥܢܢ܂ ܘܐܦܠܐ ܓܝܪ
2:134.13	ܕܦܝܣܐ ܐܝܬܝܗ݀ ܡܠܬܐ ܗܕܐ ܕܡܢܟ ܐܬܐܡܪܬ ܐܝܟܢܐ ܕܐܦܢ ܡܛܠ ܕܕܡܝܐ
2:134.14	ܠܡܠܬܐ ܫܪܝܪܬܐ ܢܬܪܗܒ ܗܘܝܢ ܘܢܬܙܝܥ ܒܪܥܝܢܢ܂ ܘܐܠܐ ܩܪܒܝܢܝ ܠܗ
2:134.15	ܠܗܢܐ ܫܘܕܝܟ ܕܢܕܥ ܕܐܝܟܢܐ ܟܕ ܐܢܫ ܒܥܐ ܠܐܠܗܐ ܡܢ ܢܡܘܣܐ ܝܕܥ
2:134.16	ܗ݀ܘ ܡܕܡ ܕܗ݀ܘ ܕܣܡܗ ܠܐ ܝܕܥ܂ 52݁6 ܘܗܘ ܣܝܡܘܢ ܐܡܪ ܕܐܢ ܬܫܠܐ ܡܢ
2:134.17	ܓܘܚܟܐ ܕܓܚܟ ܐܢܬ܂ ܟܠܗ݀ ܬܚܘܝܬܐ ܝܗܒ ܐܢܐ ܠܟ܂ 52݁7 ܘܗܘ ܦܛܪܘܣ
2:134.18	ܦܢܝ ܠܗ ܦܬܓܡܐ܂ ܕܐܦ ܕܐܓܚܟ ܫܠܐ ܐܢܐ܂ ܡܛܠ ܕܐܫܟܚ ܕܐܕܥ
2:134.19	ܕܐܝܟܢܐ ܟܕ ܡܢ ܐܠܗܐ ܐܬܬܣܝܡ ܢܡܘܣܐ ܝܕܥܬ ܐܢܬ ܗ݀ܝ ܕܐܦ ܠܐ ܗ݀ܘ
2:134.20	ܕܣܡܗ ܠܢܡܘܣܐ ܕܐܝܬܘܗܝ ܐܠܗܐ ܠܐ ܝܕܥ ܐܝܟ ܕܐܡܪ ܐܢܬ܂
2:134.21	53݁1 ܘܗܘ ܣܝܡܘܢ ܐܡܪ ܕܫܡܥ ܡܟܝܠ܂ ܕܟܘܠ ܐܢܫ ܡܘܕܐ ܗ݂ܘ ܐܝܟ ܕܡܢ
2:134.22	ܒܛܝܠܘܬܐ ܗ݀ܝ ܕܠܐ ܡܬܡܠܠܐ܂ ܕܚܕ ܗܘ ܒܠܚܘܕܘܗܝ ܘܠܐ ܕܢܗܘܐ ܐܝܬܘܗܝ
2:134.23	ܐܠܗܐ ܗ݀ܘ ܕܛܒܐ ܗܘ ܝܬܝܪ ܡܢ ܟܠ ܕܡܢܗ ܟܠ ܡܕܡ ܫܘܪܝܐ ܢܣܒ
2:134.24	ܘܠܗ ܡܢ ܩܛܝܪ ܙܕܩ ܕܢܫܬܥܒܕ ܟܘܠ ܡܕܡ ܕܡܢ ܒܬܪܗ ܐܝܟ
2:134.25	ܕܠܪܝܫܐ܂ 53݁2 ܡܟܝܠ ܗܟܝܠ ܕܐܢܐ ܝܕܥܬܗ ܠܗܢܐ ܐܠܗܐ ܒܪܘܝܗ ܕܥܠܡܐ
2:134.26	ܐܝܟ ܡܐ ܕܗ݂ܘ ܢܡܘܣܐ ܕܡܢܗ ܐܬܬܣܝܡ ܐܡܪ ܕܒܐܣܟ̈ܡܐ ܣܓܝ̈ܐܐ ܒܨܝܪܐ
2:134.27	ܗܘ܂ ܘܗ݂ܝ ܗܕܐ ܠܐ ܗܘܐ ܕܐܠܗܐ ܗ݂ܝ ܡܫܠܡܢܐ܂ ܒܐܚܪܢܐ ܕܐܝܬܘܗܝ
2:134.28	ܡܫܠܡܢܐ ܐܪܓܫܬ ܘܐܬܒܝܢܬ ܕܝܬܝܪܐܝܬ 53݁3 ܗܘ ܗܢܐ ܐܝܟ ܕܐܡܪܝܢ ܟ̈ܬܒܐ
2:134.29	ܒܟܠ ܡܕܡ ܒܨܝܪܐ ܘܡܚܝܠܐ ܐܬܚܙܝ܂ 53݁4 ܕܠܘܩܕܡ ܗܕܐ ܕܗ݀ܘ ܒܪ ܐܢܫܐ
2:134.30	ܕܓܒܠ ܠܐ ܩܘܝ ܗܟܢܐ ܐܝܟܢܐ ܕܗܘ ܨܒܐ܂ ܘܛܒܐ ܠܐ ܐܝܬܘܗܝ ܡܛܠ
2:134.31	ܕܠܗ݀ܘ ܒܪ ܐܢܫܐ ܩܕܡܝܐ ܢܡܘܣܐ ܣܡ ܕܡܢ ܟܠܗܘܢ ܐܝ̈ܠܢܐ ܕܒܦܪܕܝܣܐ
2:136.01	ܢܐܟܘܠ܂ ܘܡܢ ܐܝܠܢܐ ܕܝܕܥܬܐ ܠܐ ܢܐܟܘܠ܂ ܘܐܢ ܢܐܟܘܠ ܕܝܢ ܢܡܘܬ܂
2:136.02	53݁5 ܘܡܛܠ ܡܢܐ ܕܝܢ ܟܠܝܗܝ ܠܗ݀ܘ ܕܢܐܟܘܠ ܘܢܕܥ ܕܡܢܐ ܐܝܬܝܗ݀ ܛܒܬܐ
2:136.03	ܐܘ ܒܝܫܬܐ܂ ܐܝܟܢܐ ܕܢܚܙܐ ܘܢܥܪܘܩ ܡܢ ܒܝܫ̈ܬܐ ܘܢܓܒܐ ܛܒ̈ܬܐ܂ 53݁6 ܗܫܐ
2:136.04	ܕܝܢ ܐܦ ܠܐ ܐܦܣ ܠܗ܂ ܘܟܕ ܐܟܠ ܘܗܘܐ ܒܝܕܥܬܐ܂ ܐܦ ܠܗ ܒܟܘܣܝܐ
2:136.05	ܕܦܘܪܣܝܗ ܝܩܪ ܘܝܕܥ ܕܨܥܪܐ ܗ݂ܝ ܗܕܐ ܕܢܩܘܡ ܒܦܘܪܣܝܐ ܩܕܡܘܗܝ
2:136.06	ܕܐܠܗܐ ܕܥܒܕ ܐܢܘܢ ܗܘ ܠܗܘ ܕܝܠܦ ܕܢܝܩܪܗ ܡܘܬܐ ܣܡ ܒܪܫܗ܂
2:136.07	ܘܠܚܘܝܐ ܗ݀ܘ ܕܚܘܝܗ ܠܛܗ܂ 53݁7 ܘܐܢ ܕܝܢ ܐܝܟ ܕܠܡܣܓܦܢܐ ܠܛܗ܂
2:136.08	ܡܛܠ ܡܢܐ ܠܐ ܩܕܡ ܟܠܝܗܝ܂ ܘܐܢ ܕܝܢ ܡܛܠ ܕܡܢ ܛܒܐ ܥܬܝܕ ܗܘܐ
2:136.09	ܕܢܛܥܡ ܡܛܠ ܗܕܐ ܫܒܩܗ ܠܚܘܝܐ ܕܢܘܕܥܗ܂ ܡܛܠ ܕܡܢ ܫܘܪܝܐ
2:136.10	ܟܠܝܗܝ ܒܝܫܐ ܐܝܬܘܗܝ܂ ܐܘ ܓܝܪ ܠܐ ܩܕܡ ܝܕܥ܂ ܘܒܗܕܐ ܠܐ ܝܕܘܥܐ
2:136.11	ܗ݂ܘ܂ ܘܐܢ ܕܝܢ ܟܕ ܝܕܥ ܗܘܐ ܠܐ ܟܠܐ ܐܦ ܡܚܝܠܐ ܗܘ܂ ܐܘ ܠܐ ܗܘܐ ܛܒܐ
2:136.12	ܗܘ ܕܠܐ ܨܒܐ ܕܢܥܒܕ ܛܒܬܐ܂ 54݁1 ܗܘ ܗܟܝܠ ܗ݀ܘ ܕܠܒܪ ܐܢܫܐ ܓܒܠ܂
2:136.13	ܘܠܥܠܡܐ ܥܒܕ ܐܝܟܢܐ ܕܢܡܘܣܐ ܐܡܪ܂ ܡܛܠ ܕܡܚܝܠܐ ܐܝܬܘܗܝ ܐܝܟܢܐ
2:136.14	ܕܚܘܝܬ ܕܐܚܪܢܐ ܐܝܬܘܗܝ ܡܫܠܡܢܐ ܝܗܒ ܠܢ ܕܢܕܥ܂ 54݁2 ܙܕܩ ܓܝܪ ܕܢܗܘܐ
2:136.15	ܐܝܬܘܗܝ ܗ݀ܘ ܕܚܝܠܬܢ ܡܢ ܟܘܠ ܕܡܛܠܬܗ ܐܦ ܗ݂ܝ ܒܪܝܬܐ ܛܟܣܗ݀
2:136.16	ܢܛܪܐ 54݁3 ܕܡܢ ܗܕܐ ܐܢܐ ܕܝܕܥ ܐܢܐ ܕܐܡܝܢܐܝܬ ܘܠܐ ܕܢܗܘܐ ܐܝܬܘܗܝ ܗܘ
2:136.17	ܕܛܒ ܡܢ ܟܠ ܘܚܝܠܬܢ ܡܢ ܟܠ ܘܠܗ݀ܘ ܕܠܥܠܡܐ ܥܒܕ ܐܝܟ ܕܐܡܪܝܢ
2:136.18	ܟ̈ܬܒܐ ܕܐܠܗܐ ܗܘ ܡܚܝܠܐ ܐܝܟ ܕܒܦܘܚܡܐ ܣܡܬ ܕܡܬܚܝܒ ܗ݂ܘ ܕܢܗܘܐ
2:136.19	ܐܝܬܘܗܝ ܗ݀ܘ ܕܒܠܚܘܕܘܗܝ ܡܫܠܡܢܐ ܗ݂ܘ܂ ܘܕܠܐ ܟܬܒܐ ܡܢܗܘܢ ܕܟ̈ܬܒܐ
2:136.20	ܝܕܥܬܗ ܐܠܗܐ܂ 54݁4 ܘܗܟܢܐ ܕܝܢ ܐܘ ܦܛܪܐ ܐܫܟܚܬ ܡܢܗ ܕܢܡܘܣܐ܂
2:136.21	ܕܐܠܦ ܗ݀ܘ ܡܕܡ ܕܢܡܘܣܐ ܠܐ ܝܕܥ܂ 54݁5 ܐܠܐ ܐܦܢ ܩܕܝܡ ܗܘܝܬ ܠܢܡܘܣܐ
2:136.22	ܐܘ ܗܘ ܢܡܘܣܐ ܡܚܝܠܘܬܗ ܕܗ݀ܘ ܕܒܪܝܗܝ ܠܥܠܡܐ ܕܢܐܡܪ ܠܐ ܨܒܐ ܗܘܐ܂
2:136.23	ܐܢܐ ܡܫܟܚ ܗܘܝܬ ܕܐܕܥ ܡܢܗܝܢ ܕܒܝܫ̈ܬܐ ܕܒܗ ܒܥܠܡܐ ܗ̈ܘܝܢ ܘܠܐ

2:136.24	ܡܬܬܩ̈ܢܢ ܘܠܐ ܡܬܬܪ̈ܨܢ ܕܗ݀ܘ ܐܠܗܐ ܕܒܪܝܗܝ ܠܥܠܡܐ ܡܚܝܠܐ ܐܝܬܘܗܝ

2:136.25	ܡܛܠ ܕܠܐ ܬܩܢ ܘܬܪܨ ܗܢܝܢ ܕܒܝܫܐܝܬ ܗ̈ܘܝܢ ܐܘ ܐܢ ܗܘ ܕܡܫܟܚ
2:136.26	ܘܐܝܬ ܒܗ ܚܝܠܐ ܘܠܐ ܨܒܐ ܕܢܬܩܢ ܒܝܫܐ ܐܝܬܘܗܝ܂ ܘܐܢ ܕܝܢ ܐܦ ܠܐ ܡܫܟܚ܂
2:136.27	ܘܐܦܠܐ ܨܒܐ ܥܡ ܗܕܐ ܕܡܚܝܠܐ ܐܦ ܒܝܫܐ ܐܝܬܘܗܝ܂ ܘܐܠܨܐ ܠܢ ܕܢܕܥ
2:136.28	ܕܐܝܬ ܐܠܗܐ ܐܚܪܢܐ ܗ݀ܘ ܕܚܝܠܬܢ ܡܢ ܟܘܠ ܘܠܘܩܒܠ ܗܠܝܢ ܡܕܡ
2:136.29	ܕܐܝܬ ܠܟ ܕܬܐܡܪ ܐܡܪ܂ 55݁1 ܘܗܘ ܦܛܪܘܣ ܐܡܪ ܕܗܠܝܢ ܥܘ̈ܕܠܐ ܐܘ ܣܝܡܘܢ
2:136.30	ܡܥܕܝܢ ܐܢܘܢ ܕܢܣܒܘܢ ܠܘܩܒܠ ܐܠܗܐ܂ ܟܠܗܘܢ ܗܢܘܢ ܕܕܠܐ ܒܘܝܢܐ
2:136.31	ܕܢܩܪܘܢ ܠܢܡܘܣܐ ܐܡܪܚܘ܂ ܘܬܘܒ ܕܝܢ ܐܦ ܗܢܘܢ ܕܩܕܡ ܕܢܬܪܕܘܢ ܡܢܗ
2:138.01	ܕܢܡܘܣܐ ܘܢܕܥܘܢܝܗܝ܂ ܣܒܪܘ ܕܚܬܝܬܐܝܬ ܝܕܥܘ ܗܢܝܢ ܕܝܠܗ܂
2:138.02	55݁2 ܒܪܡ ܕܝܢ ܐܝܟ ܗ݀ܘ ܕܐܟܘܬܟ ܗܢܝܢ ܕܟ̈ܬܒܐ ܝܕܥܝܢ ܐܢܚܢܢ ܘܡܦܫܩܝܢ
2:138.03	ܐܢܚܢܢ ܕܗܘ ܐܠܗܐ ܡܚܝܠܐ ܐܝܬܘܗܝ ܘܠܐ ܗܘܐ ܛܒܐ ܗܘ܂ ܘܟܘܠܗܝܢ
2:138.04	ܗܢܝܢ ܕܨܒܝܬ ܕܐܬܐܡܪ܂ ܒܗ ܒܗܢܐ ܥܕܠܝܐ ܢܦܠ ܐܦ ܗ݀ܘ ܚܝܠܐ ܕܣܒܪ
2:138.05	ܐܢܬ ܥܠܘܗܝ܂ ܥܡ ܗܕܐ ܕܒܩܢܕܝܢܘܣ ܘܒܡܚܫܘܠܐ ܪܒܐ ܐܝܬܘܗܝ ܗ݀ܘ
2:138.06	ܕܣܒܪ ܐܢܬ ܥܠܘܗܝ܂ 55݁3 ܟܒܪ ܗܟܝܠ ܘܐܦ ܗܟܢܐ ܐܡܪ ܐܢܐ ܥܠܘܗܝ
2:138.07	ܕܗܢܝܢ ܒܝ̈ܫܬܐ ܕܗܪܟܐ ܗܘ̈ܝܢ ܠܐ ܬܪܨ ܘܠܐ ܬܩܢ ܕܐܘ ܡܚܝܠܐ ܐܝܬܘܗܝ
2:138.08	ܐܘ ܐܢ ܟܕ ܡܫܟܚ ܠܐ ܨܒܐ ܒܝܫܐ ܐܝܬܘܗܝ܂ ܘܐܢ ܕܝܢ ܠܐ ܡܫܟܚ ܡܚܝܠܐ
2:138.09	ܗܘ ܘܐܢ ܕܝܢ ܠܐ ܨܒܐ ܘܠܐ ܡܫܟܚ ܘܐܦ ܒܝܫܐ ܘܐܦ ܡܚܝܠܐ ܐܝܬܘܗܝ܂
2:138.10	55݁4 ܡܛܠ ܗܟܝܠ ܕܬܚܘܬܘܗܝ ܕܝܠܗ ܕܥܕܠܝܐ ܫܘܝܐܝܬ ܐܝܬܘܗܝ ܒܗ܂
2:138.11	55݁5܂܂܂܂܂܂܂ ܗ݀ܘ ܓܝܪ ܕܒܪܝܗܝ ܠܥܠܡܐ ܗ݂ܝ ܗܕܐ ܒܠܚܘܕ ܕܐܝܬܘܗܝ ܡܢ
2:138.12	ܗܕܐ ܕܥܒܕ ܥܠܡܐ ܗܢܐ ܗܐ ܡܬܚܙܐ ܘܟܘܠ ܐܢܫ ܡܘܕܐ܂ 55݁6 ܗ݀ܘ ܕܝܢ
2:138.13	ܚܝܠܐ ܕܐܡܪ ܐܢܬ ܕܐܝܬ ܠܐ ܡܕܡ ܡܚܘܐ܂ ܕܐܦܢ ܗܕܐ ܒܠܚܘܕ ܕܐܝܬܘܗܝ
2:138.14	ܢܬܝܕܥ56݁1 ܐܝܟ ܐܝܟܢܐ ܗܟܝܠ ܐܝܬܝܗ݀ ܗܕܐ ܕܢܪܦܐ ܠܐܠܗܐ ܗܘ ܕܥܒܕܢ
2:138.15	ܘܒܥܠܡܗ ܥܡܪܝܢ ܐܢܚܢܢ ܘܒܟܠ ܡܕܡ ܕܝܠܗ ܡܬܒܣܡܝܢ ܐܢܚܢܢ܂
2:138.16	ܘܢܚܘܪ ܠܡܢ ܕܗ݂ܘ ܗ݀ܘ ܕܐܦܠܐ ܡܕܡ ܠܐ ܒܠܚܘܕ ܠܐ ܚܙܝܢ ܐܢܚܢܢ ܕܝܠܗ܂
2:138.17	ܐܠܐ ܐܦܠܐ ܕܢܕܥ ܡܫܟܚܝܢ ܐܢܚܢܢ ܡܛܠ ܕܠܐ ܐܝܬܘܗܝ܂ 56݁2 ܘܐܢ ܕܝܢ ܢܘܗܪܐ
2:138.18	ܐܡܪ ܐܢܬ ܥܠܘܗܝ ܕܐܝܬܘܗܝ ܕܢܗܝܪ ܡܢ ܗܢܐ ܢܘܗܪܐ ܕܬܢܢ ܠܗ ܠܫܡܐ
2:138.19	ܡܢ ܗܪܟܐ ܢܣܒܬ܂ ܘܐܟܚܕܐ ܒܡܠܬܐ ܠܐܝܬܘܬܗ ܡܘܪܒ ܐܢܬ܂ 56݁3 ܘܐܢ
2:138.20	ܬܘܒ ܡܕܥܐ ܘܐܢ ܚܝ̈ܐ ܘܐܢ ܛܒܐ ܘܐܢ ܡܐ ܕܗܘ ܕܬܐܡܪ ܡܟܐ ܢܣܒ ܐܢܬ
2:138.21	ܘܐܡܪ ܐܢܬ ܘܒܡܠܬܐ ܡܘܪܒ ܐܢܬ ܒܠܚܘܕ܂ 56݁4 ܘܐܝܟܢܐ ܗܟܝܠ ܟܕ ܠܝܬ
2:138.22	ܠܟ ܡܕܡ ܚܕܬ ܐܦܢ ܕܬܬܚܫܒ ܬܥܠ ܚܝܠܐ ܚܕܬܐ ܐܚܪܢܐ ܠܒܪ ܡܢ ܗ݀ܘ
2:138.23	ܕܒܫܪܪܐ ܐܠܗܐ ܐܝܬܘܗܝ܂ ܕܐܦ ܠܐ ܫܡܐ ܚܕܬܐ ܕܬܐܡܪ ܥܠܘܗܝ ܐܝܬ
2:138.24	ܠܟ܂ 56݁5 ܚܝܠܐ ܓܝܪ ܠܐ ܗܘܐ ܒܠܚܘܕ ܗ݂ܘ ܗܢܐ ܡܬܐܡܪ ܐܠܐ ܐܦ ܗܢܘܢ
2:138.25	ܚ̈ܝܠܘܬܐ ܕܠܬܫܒ̈ܚܬܗ ܕܝܠܗ ܐܝܬܝܗܘܢ݁܂ 56݁6 ܘܠܐ ܟܝ ܫܦܪܐ ܠܟ ܗܕܐ܂
2:138.26	ܕܒܗ݀ܘ ܐܠܗܐ ܕܒܪܢ ܢܚܘܪ ܕܐܝܟ ܐܒܐ ܪܕܐ ܠܢ ܐܝܟ ܕܝܕܥ܂ 56݁7 ܘܐܢ ܕܝܢ
2:138.27	ܐܝܬ ܐܚܪܢܐ ܡܢ ܕܗ݂ܘ ܛܒܐ ܐܝܟ ܕܐܡܪ ܐܢܬ܂ ܐܡܝܢܐܝܬ ܠܐ ܡܬܢܩܡ ܡܢܢ܂
2:138.28	ܘܐܢ ܕܝܢ ܡܬܢܩܡ ܒܝܫܐ ܗ݂ܘ܂ 56݁8 ܗܢܐ ܕܝܢ ܐܠܗܐ ܕܝܠܢ ܕܐܡܪ ܐܢܐ ܥܠܘܗܝ܂
2:138.29	ܐܢ ܡܬܢܩܡ ܠܐ ܗܘܐ ܒܝܫܐ ܗܘ ܐܠܐ ܟܐܢܐ܂ ܠܒ̈ܢܝ ܐܢܫܐ ܓܝܪ ܕܝܠܗ
2:138.30	ܪܕܐ܂ 56݁9 ܗ݀ܘ ܕܝܢ ܕܡܕܡ ܠܐ ܗܘܐ ܠܢ܂ ܐܢ ܡܬܢܩܡ ܡܢܢ܂ ܡܛܠ ܕܠܐ
2:138.31	ܥܪܩܢܢ ܠܘܬܗ܂ ܐܝܟܢܐ ܛܒܐ ܐܝܬܘܗܝ ܕܣܐܡ ܒܪܫܢ܂ ܥܠ ܕܠܐ ܫܒܩܢ