The Comprehensive Aramaic Lexicon

2:150.01	ܕ̈ܓܠܬܐ ܐܠܐ ܢܩܦܐ ܘܛܟܣܐ ܕܡܢ ܐܢܢܩܐ ܕܒܫܪܪܐ ܐܝܬܘܗܝ ܘܠܐ ܗܘܐ ܡܢ
2:150.02	ܓܒ ܐܚܪܝܢ ܐܠܐ ܡܢܗ ܕܢܡܘܣܐ ܘܡܢܗ ܕܟܝܢܐ ܐܝܟܢܐ ܕܬܕܥ ܕܝܬܝܪܐܝܬ
2:150.03	ܝܕܥ ܗ݂ܘ ܠܗ ܠܗ݀ܘ ܕܠܐ ܡܣܬܝܟ ܗ݂ܘ ܢܡܘܣܐ܂ 67݁3 ܘܐܢ ܕܝܢ ܠܗܘ܂
2:150.04	ܕܠܐ ܡܣܬܝܟ ܝܕܥ ܠܐ ܡܕܡ ܡܟܝܠ ܐܝܬ ܕܟܣܐ ܡܢܗ܂ ܘܒܗ݀ ܒܗܕܐ
2:150.05	ܕܓܠܬܐ ܐܝܬܝܗ݀ ܗ݀ܝ ܕܢܣܒܪ ܕܐܝܬ ܡܕܡ ܕܠܐ ܝܕܥ ܐܠܗܐ܂ ܡܐ ܕܗ݀ܘ
2:150.06	ܢܡܘܣܐ ܕܡܢܗ ܐܬܣܝܡ ܟܠ ܡܕܡ ܝܕܥ܂ ܠܐ ܕܝܢ ܐܡܪܢܐ ܠܟ ܗܫܐ
2:150.07	ܥܠ ܗ݀ܘ ܕܠܐ ܡܣܬܝܟ܂ ܐܠܐ ܐܢ ܠܘܩܕܡ ܥܠ ܡܬܕܪܟܢܘܬܐ ܕܗܢܝܢ ܫܡ̈ܝܐ
2:150.08	ܕܡܣܬܝ̈ܟܝܢ ܥܡܝ ܬܘܕܐ ܐܘ ܕܠܩܘܒܠܐ ܐܝܟ ܕܐܡܪܬ ܐܢ ܬܚܘܐ ܡܢܗ
2:150.09	ܕܢܡܘܣܐ 67݁5 ܘܐܢ ܕܝܢ ܠܗܢܝܢ ܕܡܣܬܝܟܝܢ ܕܬܕܥ ܠܐ ܡܫܟܚ ܐܢܬ܂
2:150.10	ܣܓܝ ܝܬܝܪܐܝܬ ܠܗ݀ܘ ܕܠܐ ܡܣܬܝܟ ܐܦܠܐ ܝܕܥ ܐܢܬ ܐܦ ܠܐ ܕܬܕܥ
2:150.11	ܡܫܟܚ ܐܢܬ܂ 68݁1 ܘܗܘ ܣܝܡܘܢ ܦܢܝ ܦܬܓܡܐ ܠܘܩܒܠ ܗܢܝܢ܂
2:150.12	ܕܡܝܬܪܐ ܗܝ ܗܟܝܠ ܕܢܗܝܡܢ ܗܦܠܘܣ ܘܫܚܝܡܐܝܬ ܕܐܝܬ ܐܠܗܐ܂
2:150.13	ܘܗܢܐ ܒܠܚܘܕܘܗܝ ܫܡܝܐ ܕܥܠ ܟܘܠܗ ܥܠܡܐ ܡܬܚܙܐ܂ 68݁2 ܘܗܘ
2:150.14	ܦܛܪܘܣ ܐܡܪ܂ ܕܠܐ ܗܟܢܐ܂ ܐܠܐ ܕܚܕ ܗ݂ܘ ܐܠܗܐ ܒܫܪܪܐ ܐܝܬܘܗܝ ܢܐܡܪ܂
2:150.15	ܘܫܡ̈ܝܐ ܕܝܢ ܗܢܘܢ ܕܐܝܢ ܒܫܪܪܐ ܗܘܘ ܐܝܟ ܕܢܡܘܣܐ ܐܡܪ ܕܡܢܗܘܢ ܗ݀ܘ
2:150.16	ܥܠܝܐ ܕܚܕܪ ܠܗ 68݁3 ܐܦ ܠܗܢܐ ܕܡܬܚܙܐ ݁݁݁݁݁݁܂ ܒܫܘܠܡܐ ܕܟܠ ܡܕܡ
2:150.17	ܡܬܟܪܟ ܘܥܒܪ ܐܝܟܢܐ ܕܗܘ ܕܩܫܝܫ ܡܢ ܗܢܘܢ ܕܫܘܝܢ ܒܬܪ ܕܝܢܐ
2:150.18	ܢܬܚܙܐ܂ 68݁4 ܘܗܘ ܣܝܡܘܢ ܠܘܩܒܠ ܗܢܝܢ ܐܡܪ܂ ܕܗܠܝܢ ܗܟܢܐ ܢܗܘ̈ܝܢ
2:150.19	ܐܝܬܝܗܝܢ ܐܝܟ ܕܐܢܬ ܐܡܪ ܐܢܬ܂ ܠܗ݀ܘ ܕܡܗܝܡܢ ܡܫܟ̈ܚܢ ܕܢܗ̈ܘܝܢ
2:150.20	ܐܝܬܝܗܝܢ ܗܟܢܐ܂ ܠܗ݀ܘ ܕܝܢ ܕܬܚܘܝܬܗܝܢ ܡܢ ܢܡܘܣܐ ܬܒܥ ܠܟ ܠܐ
2:150.21	ܡܫܟܚܐ ܕܬܬܠ ܠܗ܂ ܝܬܝܪܐܝܬ ܕܝܢ ܥܠ ܐܝܕܥܬܐ ܕܢܘܗܪܐ ܕܠܐ
2:150.22	ܡܣܬܝܟ܂ 69݁1 ܘܗܘ ܦܛܪܘܣ ܐܡܪ܂ ܕܠܐ ܬܣܒܪ ܥܠܝܢ ܕܗܢܝܢ ܗܢܝܢ
2:150.23	ܒܗܝܡܢܘܬܐ ܒܠܚܘܕ ܐܝܬܝܗܝܢ ܠܢ܂ ܐܠܐ ܐܦ ܥܡ ܬܚܘܝܬܐ܂ ܕܡܛܠ
2:150.24	ܗܕܐ ܐܦܠܐ ܨܒܐ ܐܢܐ ܕܒܗܝܡܢܘܬܐ ܐܬܠ ܐܢܝܢ ܐܦܠܐ ܓܝܪ ܐܝܬܝܗ݀ ܗܕܐ
2:150.25	ܙܗܝܪܘܬܐ ܕܛܒ܂ 69݁2 ܗܘ ܓܝܪ ܕܒܬܚܘܝܬܐ ܢܣܒ ܡܕܡ ܡܛܠ ܫܪܪܗ
2:150.26	ܕܗ݀ܘ ܕܐܬܝܗܒ ܠܗ ܠܐ ܡܘܒܕ ܠܗ܂ ܘܗ݂ܘ ܕܝܢ ܕܗܦܠܘܣ ܫܠܡ
2:150.27	ܠܡܕܡ ܕܡܬܐܡܪ ܠܗ܂ ܠܐ ܡܙܕܗܪ ܒܗ ܘܐܦ ܠܐ ܟܒܪ ܐܡܝܢܐܝܬ ܫܪܝܪ
2:150.28	ܒܗ܂ ܠܐ ܓܝܪ ܡܙܕܗܪ ܘܢܛܪ ܗܘ ܕܕܠܝܠܐܝܬ ܡܗܝܡܢ܂ ܕܠܝܠܐܝܬ ܓܝܪ
2:150.29	ܐܦ ܠܐ ܡܗܝܡܢ܂ ܘܠܐ ܕܝܢ ܫܪܝܪ ܡܛܠ ܕܠܐ ܝܕܥ ܕܡܢܐ ܐܝܬܘܗܝ ܗ݀ܘ ܡܕܡ
2:150.30	ܕܡܗܝܡܢ܂ 69݁4 ܡܢ ܠܐ ܗܝܡܢܘܬܐ ܗܟܝܠ ܣܓܝܐܬܐ ܗܝܡܢܘܬܐ ܫܪܝܪܬܐ
2:150.31	ܗܘܝܐ܂ 70݁1 ܘܗܘ ܣܝܡܘܢ ܐܡܪ ܕܪܒ ܗ݂ܘ ܗܢܐ ܫܘܕܝܐ܂ ܕܡܫܬܘܕܐ ܐܢܬ
2:150.32	ܕܡܚܘܐ ܐܢܬ ܥܠ ܢܡܘܣܐ ܕܓܠܐ ܥܠ ܢܘܗܪܐ ܗ݀ܘ ܕܠܐ ܡܣܬܝܟ ܕܡܢ
2:150.33	ܥܠܡ܂ 70݁2 ܘܟܕ ܗܟܝܠ ܦܛܪܘܣ ܐܡܪ ܕܐܡܬܝ ܕܨܒܝܬ ܗܘ ܣܝܡܘܢ ܐܡܪ
2:152.01	ܕܡܛܘܠ ܕܝܘܡܐ ܕܝܘܡܢܐ ܥܒܪ ܠܗ܂ ܡܚܪ ܟܕ ܩܪܝܒ ܐܢܐ ܘܐܡܪ ܐܢܐ
2:152.02	ܠܩܘܒܠܟ܂ ܚܘܐ ܠܝ ܕܥܒܕܐ ܐܝܬܘܗܝ ܥܠܡܐ܂ ܘܗܢܝܢ ܢܦ̈ܫܬܐ ܠܐ
2:152.03	ܡܝܬܢ̈ ܘܗܘܐ ܐܢܐ ܠܟ ܡܥܕܪܢܐ ܒܟܪܘܙܘܬܟ܂ 70݁3 ܘܟܕ ܗܢܝܢ ܐܡܪ ܢܦܩ
2:152.04	ܠܗ܂ ܘܢܦܩܘ ܕܝܢ ܥܡܗ ܡܢ ܗܢܘܢ ܟܢ̈ܫܐ ܕܥܡܗ ܥܠܘ ܚܕܐ ܡܢ
2:152.05	ܬܠܬ ܡܢܘ̈ܬܗܘܢ ܕܐܝܬܝܗܘܢ ܗܘܘ ܐܝܟ ܐܠܦ܂ 70݁4 ܘܗܢܘܢ ܕܝܢ ܐܚܪ̈ܢܐ ܥܠ
2:152.06	ܒܘܪ̈ܟܝܗܘܢ ܒܪܟܘ ܘܢܦܠܘ ܩܕܡ ܦܛܪܘܣ܂ ܗ݂ܘ ܕܝܢ ܨܠܝ ܥܠܝܗܘܢ

2:152.07	ܘܕܝ̈ܘܐ ܕܐܢܫܝܢ ܡܢܗܘܢ ܐܦܩ܂ ܘܠܡܢܗܘܢ ܕܟܪܝܗܝܢ ܗܘܘ ܐܣܝ܂

2:152.08	ܘܠܟܘܠܗ ܟܢܫܐ ܫܪܝܗܝ ܟܕ ܚܕܐ܂ ܘܦܩܕ ܐܢܘܢ ܕܠܡܚܪ ܒܩܘܕܡܐ
2:152.09	ܢܐܬܘܢ܂ 70݁5 ܗܘ ܗܟܝܠ ܦܛܪܘܣ ܟܕ ܢܦܩܘ ܗܢܘܢ ܟܢ̈ܫܐ ܦܩܕ ܕܥܠ
2:152.10	ܐܪܥܐ ܢܫܘܘܢ ܒܕܘܟܬܐ ܕܕܪܬܐ ܬܚܝܬ ܐܐܪ ܐܬܪ ܕܗܝ ܒܥܬܐ ܗܘܬ܂ ܘܐܣܬܡܟ
2:152.11	ܗ݂ܘ ܥܡ ܗܢܘܢ ܚܕܥܣܪ܂ 70݁6 ܘܐܢܐ ܕܝܢ ܥܡ ܐܚܪ̈ܢܐ ܐܢܫܝܢ ܕܐܦ ܗܢܘܢ
2:152.12	ܫܘܪܝܐ ܗܘܐ ܠܗܘܢ܂ ܕܫܡܘܥܘܬܐ ܕܐܝܬܝܗܘܢ ܗܘܘ ܚܒܝܒ̈ܝܢ ܐܣܬܡܟܢܢ
2:152.13	ܘܣܝܒܪܬܐ ܢܣܒܢܢ܂
2:152.14	71݁1܂2 ܗܘ ܕܝܢ ܦܛܪܘܣ ܛܒܐ ܐܬܚܫܒ܂ ܕܕܠܡܐ ܟܝ ܡܥܩ ܐܢܐ ܘܐܡܪ ܕܠܐ
2:152.15	ܗܘܐ ܐܝܟ ܕܒܪܡܘܬܐ ܐܘ ܩܠܡܣ܂ ܠܐ ܐܟܠ ܐܢܐ ܥܡ ܗܢܘܢ ܕܥܕܟܝܠ ܠܐ
2:152.16	ܐܬܕܟܝܘ ܐܠܐ ܕܕܚܠ ܐܢܐ ܕܕܠܡܐ ܢܦܫܝ ܐܣܓܦ܂ ܘܠܗܘܢ ܡܕܡ ܠܐ
2:152.17	ܐܥܕܪ܂ 71݁3 ܗܕܐ ܓܝܪ ܗܘܝܬ ܡܦܣ܂ ܕܟܠ ܡܢ ܕܠܦܬܟܪ̈ܐ ܣܓܕ ܐܡܬܝ
2:152.18	ܕܗܘ ܐܡܪܢܐ ܕܝܢ ܠܗܠܝܢ ܕܡܬܩܪ̈ܝܢ ܐܠܗ̈ܐ ܡܢ ܪ̈ܘܚܐ ܛܢܦ̈ܬܐ ܠܐ
2:152.19	ܦܪܝܩ܂ 71݁4 ܡܛܠ ܓܝܪ ܕܗܘܐ ܫܘܬܦܐ ܕܕܝ̈ܘܐ ܥܡܘܪܐ ܡܢܗܘܢ ܚܛܦ
2:152.20	ܘܢܓܕ ܠܗ܂ 71݁5 ܠܐ ܗܟܝܠ ܐܝܬܘܗܝ ܕܟܝܐ ܡܢ ܪ̈ܘܚܐ ܛܢܦ̈ܬܐ܂ ܐܢ ܗܘ
2:152.21	ܕܠܦܬܟܪ̈ܐ ܣܓܕ ܗܘܐ ܡܛܠ ܕܚܠܬܐ ܐܘ ܡܛܠ ܚܘܒܐ܂ ܘܐܢ ܗܘ
2:152.22	ܬܘܒ ܕܡܢ ܕܒܚ̈ܐ ܛܡ̈ܐܐ ܛܥܡ ܡܛܠ ܕܐܫܬܘܬܦ ܠܗ ܠܦܬܘܪܐ ܕܕܝܘ̈ܐ܂
2:152.23	ܘܐܢ ܗܘ ܬܘܒ ܕܓܪ ܡܛܠ ܚܘܠܛܢܐ ܕܥܘܠܐ܂ ܗܢܝܢ ܓܝܪ ܐܝܬܝܗܝܢ
2:152.24	ܐܘܪ̈ܚܬܐ ܕܕܝܘ̈ܐ ܠܡܗܦܟܢܘܬܐ ܕܢܦ̈ܫܬܐ ܕܡܢܗܝܢ ܗܘܝܢ ܚܘܒ̈ܠܐ ܕܦܓܪ̈ܐ
2:152.25	ܡܛܠ ܥܪܘܩܝܐ ܕܡܢ ܚ̈ܛܗܐ܂ 71݁6 ܕܡܛܠ ܗܕܐ ܡܢ ܒܬܪ ܕܘܟܝܐ ܡܥܡܕܝܢ
2:152.26	ܐܢܚܢܢ ܠܗܢܘܢ ܕܫܘܝܢ ܐܝܟܢܐ ܕܢܦܩܢ ܡܢܗܘܢ ܪ̈ܘܚܐ ܛܢܦ̈ܬܐ ܗܢܝܢ
2:152.27	ܕܠܓܘ ܒܟܣܝܘܬܐ ܕܢܦܫܗܘܢ ܐܝܬܝܗܝܢ܂ ܘܕܩܫܝܐ ܕܝܢ ܕܐܦܠܐ ܕܠܓܘ
2:152.28	ܐܝܬܝܗܝܢ ܡܚܘܝܢ ܢܦܫܗܝܢ ܕܠܐ ܡܐ ܕܐܬܚܙܝ ܓܠܝܐܝܬ ܢܬܪ̈ܕܦܢ
2:152.29	ܠܗܝܢ܂ 72݁1 ܪܚܝܡܐ ܗܝ ܓܝܪ ܠܗܝܢ ܗܕܐ ܕܗ̈ܘܝ ܐܝܬܝܗܝܢ ܒܦܓܪܐ
2:152.30	ܕܒ̈ܢܝ ܐܢܫܐ܂ ܐܝܟܢܐ ܕܢܩ̈ܒܠܢ ܒܗܘܢ ܒܘܣܡܐ ܕܗܢܝܢ ܕܡܚ̈ܒܢ܂ ܡܐ
2:152.31	ܓܝܪ ܕܗܝ ܢܦܫܐ ܒܡܨܛܠܝܢܘܬܐ ܒܝܫܬܐ ܡܢ ܛܒ̈ܬܐ ܐܬܦܪܫܬ ܠܗ܂
2:152.32	ܠܟܠܗܘܢ ܒ̈ܢܝ ܐܢܫܐ ܕܐܝܟ ܗܟܢܐ ܡܥܡܪܐ ܠܕܝ̈ܘܐ ܥܒܕܐ ܠܗܘܢ݁܂
2:152.33	ܕܚܕ ܡܢܗܘܢ ܐܝܬܘܗܝ ܣܝܡܘܢ ܗܢܐ ܕܒܗ ܒܗܢܐ ܟܘܪܗܢܐ ܐܬܠܒܟ܂
2:154.01	ܘܐܣܝܘܬܐ ܡܛܠ ܩܘܕܡܗ ܠܐ ܡܫܟܚܐ ܕܬܗܘܐ ܠܗ܂ 72݁3 ܠܐ ܗܘܐ ܓܝܪ
2:154.02	ܕܠܐ ܒܨܒܝܢܗ ܐܝܬܘܗܝ ܒܗ ܗ݀ܘ ܕܝܘܐ ܕܠܗ ܠܗܢܐ ܐܢܗܘ ܕܢܨܒܐ
2:154.03	ܕܢܪܕܦܝܘܗܝ ܡܢܗ ܡܛܠ ܕܐܝܟ ܕܐܢܫ ܢܐܡܪ ܢܦܫܗ ܡܢܗ ܠܐ ܦܪܝܫܐ
2:154.04	ܡܐܬ ܠܗ܂ ܘܕܝܢܐ ܕܩܛܠܐ ܡܬܚܝܒܝܢ ܐܢܚܢܢ܂ 72݁4 ܒܪܡ ܕܝܢ ܠܐ ܐܢܫ
2:154.05	ܡܢܟܘܢ ܢܬܥܝܩ ܕܦܪܫ ܡܢ ܦܬܘܪܢ ܐܢܫ ܐܢܫ ܓܝܪ ܙܒܢܐ ܟܡܐ ܕܗܘ
2:154.06	ܨܒܐ ܡܬܦܪܫ܂ ܩܠܝܠ ܓܝܪ ܐܬܦܪܫܘ ܗܢܘܢ ܕܒܬܪ ܩܠܝܠ ܨܒܘ
2:154.07	ܕܢܥܡܕܘܢ݁ ܘܣ݁ܓܝ ܕܝܢ ܗܢܘܢ ܕܒܬܪ ܙܒܢܐ ܣܓܝܐܐ ܨܒܘ܂ 72݁5 ܠܐܢܫ
2:154.08	ܐܢܫ ܓܝܪ ܒܫܘܠܛܢܐ ܕܝܠܗ ܐܝܬ ܠܗ ܕܢܥܒܕ ܙܒܢܐ ܙܥܘܪܐ ܐܘ ܐܪܝܟܐ
2:154.09	ܕܬܝܒܘܬܗ ܕܥܠ ܦܘܪܩܢܗ ܘܥܠ ܚܝܘ̈ܗܝ܂ ܘܡܟܝܠ ܠܟܘܢ ܗ݀ܘ
2:154.10	ܕܥܡܢ ܬܐܟܠܘܢ ܫܠܝܛ ܠܟܘܢ݁ ܐܡܬܝ ܕܨܒܝܢ ܐܢܬܘܢ ܘܠܐ ܗܘܐ ܐܡܬܝ
2:154.11	ܕܨܒܝܢ ܐܢܚܢܢ܂ ܠܐ ܓܝܪ ܡܦܣ ܠܢ ܕܥܡܟܘܢ ܢܐܟܘܠ܂ ܐܠܐ ܐܢ ܕܠܘܩܕܡ
2:154.12	ܬܩܒܠܘܢ ܡܥܡܘܕܝܬܐ܂ 72݁6 ܘܡܟܝܠ ܐܢܬܘܢ ܗ݂ܘ ܟܠܝܢ ܐܢܬܘܢ ܠܢ ܕܥܡܟܘܢ ܠܐ ܢܐܟܘܠ܂
2:154.13	ܘܠܐ ܗܘܐ ܐܢܚܢܢ ܠܟܘܢ ܕܗܐ ܒܪܫܥܬܗ ܨܒܝܢܢ ܕܢܥܡܕܟܘܢ܂
2:154.14	ܘܟܕ ܗܢܝܢ ܐܡܪ ܒܪܟ ܘܐܟܠ܂ ܘܡܢ ܒܬܪ ܕܣܒܥ ܐܘܕܝ 72݁7 ܘܫܒܚ
2:154.15	ܘܥܠ ܕܡܟ܂ ܘܗܟܢܐ ܕܝܢ ܘܐܦ ܐܢܚܢܢ ܥܒܕܢ܂ ܗܘܐ ܗܘܐ ܠܗ ܓܝܪ
2:154.16	ܪܡܫܐ܂