← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60505: Ps-Clem Homilies

Click on a word for lexical analysis
Click on a red-colored coordinate for comments and/or translations of the line

10:248.01 ܠܢܘܢܐ ܘܠܒܨܠܐ ܘܠܪܘܚܐ ܕܟܪܣܐ ܘܠܪܕܝܐ ܕܣܪܝܘܬܐ ܘܠܗܕܡ̈ܐ ܕܚܝܘ̈ܬܐ
10:248.02 ܕܡܠܬܐ ܠܝܬ ܠܗܝܢ ܥܡ ܪܒܘ ܐܚܪ̈ܢܝܬܐ ܕܛܒ ܨܚ̈ܢܢ ܘܠܐ ܘ̈ܠܝܢ܂
10:248.03 17݁1 ܟܕ ܗܠܝܢ ܦܛܪܘܣ ܐܡ݂ܪ܂ ܥܡܐ ܕܚܕܪ̈ܘܗܝ ܩܐܡ ܗܘܐ ܓܚܟ܂
10:248.04 ܘܦܛܪܘܣ ܠܘܩܒܠ ܓܘܚܟܗܘܢ ܐܡ݂ܪ܂ ܐܢܬܘܢ ܓܚܟܝܢ ܐܢܬܘܢ ܥܠ
10:248.05 ܗܠܝܢ ܟܕ ܠܐ ܡܦܣܝܢ ܐܢܬܘܢ ܕܝܬܝܪܐܝܬ ܡܢ ܗܠܝܢ ܡܬܓܚܟܝܢ
10:248.06 ܐܢܬܘܢ܂ 17݁2 ܐܠܐ ܕܝܢ ܥܠ ܕܚ̈ܕܕܐ ܓܚܟܝܢ ܐܢܬܘܢ݁܂ ܕܝܠܟܘܢ ܓܝܪ ܡܢ
10:248.07 ܥܝ̈ܕܐ ܒܝ̈ܫܐ ܒܛܥܝܘܬܐ ܐܬܛܡܪܬܘܢ ܘܠܐ ܒܚܪܝܢ ܐܢܬܘܢ܂ ܕܟܐܢܐܝܬ ܕܝܢ
10:248.08 ܒܡܨܪ̈ܝܐ ܓܚܟܬܘܢ݁ ܐܦ ܐܢܐ ܡܫܬܘܕܐ ܐܢܐ܂ ܡܛܠ ܕܠܚܝܘ̈ܬܐ ܕܡܠܬܐ
10:248.09 ܠܝܬ ܠܗܝܢ ܒ̈ܢܝ ܐܢܫܐ ܡ̈ܠܠܐ ܣܓܕܝܢ ܗܠܝܢ ܕܐܦ ܡܡܬ ܡ̈ܝܬܢ܂
10:248.10 17݁3 ܐܝܟܢܐ ܕܝܢ ܐܦ ܗܢܘܢ ܒܟܘܢ ܡܓܚܟܝܢ ܘܐܡܪܝܢ ܫܡܥܘ܂ ܐܢܚܢܢ ܠܡ
10:248.11 ܐܦܢ ܠܗܠܝܢ ܕܡ̈ܝܬܢ ܣܓܕܝܢ ܐܢܚܢܢ܂ ܐܠܐ ܐܦܢ ܒܙܒܢ ܚܝܐ ܠܗܝܢ܂
10:248.12 ܐܢܬܘܢ ܕܝܢ ܠܗܠܝܢ ܕܡܡܬܘܡ ܠܐ ܚ̈ܝܝ ܕܚܠܝܢ ܐܢܬܘܢ܂ 17݁4 ܘܥܡ ܗܠܝܢ
10:248.13 ܬܘܒ ܐܡܪܝܢ܂ ܡܛܠ ܕܕܡܘܬܐ ܠܡ ܕܚܕ ܐܠܗܐ ܠܡܝܩܪܘ ܨ݁ܒܝܢ ܐܢܚܢܢ܂
10:248.14 ܘܥܠ ܕܠܐ ܐܫܟܚܢ ܕܐܝܕܐ ܗܝ ܠܟܠ ܕܡܘ̈ܢ ܠܡܝܩܪܘ ܓܒܝܢ܂ ܐܠܐ ܕܝܢ
10:248.15 ܟܕ ܗܠܝܢ ܘܕܐܝܟ ܗܠܝܢ ܐܡܪܝܢ ܟܐܢܐܝܬ ܡܢܟܘܢ ܣܒܪܝܢ ܠܡܬܪܥܝܘ܂
10:248.16 18݁1 ܡܛܠ ܗܢܐ ܐܦ ܐܢܬܘܢ ܐܬܝܒܘ ܐܢܘܢ ܕܡܕܓܠܝܢ ܐܢܬܘܢ܂ ܠܐ ܗܘܐ ܓܝܪ
10:248.17 ܐܝܟ ܕܠܐܝܩܪܗ ܕܗ݀ܘ ܐܠܗܐ ܕܫܪܪܐ ܠܗܠܝܢ ܕܚܠܝܢ ܐܢܬܘܢ ܘܐܠܐ ܠܟܠ
10:248.18 ܕܡ̈ܘܢ ܟܠܟܘܢ ܣܓܕܝܢ ܗܘܝܬܘܢ܂ ܗܫܐ ܕܝܢ ܗܟܢܐ ܥ݁ܒܕܝܢ ܐܢܬܘܢ܂
10:248.19 18݁2 ܐܝܬ ܓܝܪ ܡܢܟܘܢ ܕܒܨܠܐ ܣܒܪܘ ܕܐܝܬܘܗܝ ܐܠܗܐ ܘܠܗܠܝܢ ܕܠܪܘܚܐ
10:248.20 ܕܟܪܣܐ ܕܚܠܝܢ ܡܩܪܒܝܢ܂ ܘܒܗܕܐ ܕܡܘܬܐ ܟܠܟܘܢ ܚܕ ܚܕ ܡܕܡ ܝܩܪܬܘܢ
10:248.21 ܘܐܢܫ ܒܕܚܒܪܗ ܡܒܙܚܝܢ ܐܢܬܘܢ܂ 18݁3 ܐܝܬ ܕܝܢ ܕܐܝܟ ܕܒܪܥܝܢܐ ܕܡܝܬܪ
10:248.22 ܘܠܗܕܡ ܗܕܡ ܡܢ ܚܝܘܬܐ ܣܓܕܝܢ܂ ܐܝܬ ܕܠܗܢܐ ܘܐܚܪܢܐ ܠܐܚܪܢܐ܂ 18݁4 ܐܠܐ
10:248.23 ܕܝܢ ܟܡܐ ܐܝܬ ܡܢܗܘܢ ܕܥܕܡܐ ܠܗܫܐ ܒܚܘܫܒܐ ܗܘ ܕܐܒܕܢܐ ܢܦܝܚܝܢ܂
10:248.24 ܘܡܛܠ ܕܒܗܬܝܢ ܒܛܢܦܘܬܐ ܗ݀ܝ ܕܠܘܬ ܟܘܠ ܐܢܫ ܓܠܝܐ ܨܒܝܢ
10:248.25 ܕܠܦ̈ܠܐܬܐ ܢܓܕܘܢ ܐܢܝܢ ܘܒܝܕ ܨ݁ܢܥܬܐ ܐܚܪܬܐ ܛܥܝܘܬܗܘܢ ܩܛܘܠܬܐ ܨܒܝܢ
10:248.26 ܕܢܩܝܡܘܢ 18݁5 ܐܠܐ ܕܝܢ ܐܦ ܠܗܝܢ ܠܦ̈ܠܐܬܗܘܢ ܡܟܘܢܝܢ ܗܘܝܢ܂ ܐܠܘ
10:248.27 ܠܬܡܢ ܩܪܝܒܝܢ ܗܘܝܢ܂ ܠܗܢ݁ܘܢ ܕܗܢܐ ܟܠܗ ܟܐܒܐ ܕܫܛܝܘܬܐ ܕܐܡܠܟ
10:248.28 ܥܠܝܗܘܢ ܘܠܢܦܫܐ ܒܟܘܪܗܢܐ ܪܒܐ ܐܫܪܝܘܗܝ܂ ܠܐ ܓܝܪ ܡܬܒܥܐ
10:248.29 ܕܠܗܕܡܐ ܕܚܠܝܡ ܒܦܓܪܐ ܐܣܦܠܢܝܐ ܠܡܩܪܒܘ܂ ܐܠܐ ܐܢ ܠܗ݀ܘ ܕܒܟܐܒܐ
10:248.30 ܚܫܝܫ܂ 18݁6 ܡܛܠ ܕܝܢ ܕܐܢܬܘܢ ܒܗ݀ܝ ܕܡܨܪ̈ܝܐ ܓܚܟܬܘܢ ܐܬܚܙܝܬܘܢ
10:248.31 ܕܒܟܐܒܗܘܢ ܠܐ ܚܫܝܢ ܐܢܬܘܢ܂ ܙܕܩܐ ܗܘܬ ܠܝ ܕܠܡܕܡ ܕܚܫܝܢ ܐܢܬܘܢ
10:248.32 ܐܣܝܘܬܐ ܠܡܩܪܒܘ ܠܟܐܒܐ ܕܒܟܘܢ ܫܪܐ܂ 19݁1 ܐܝܢܐ ܗܟܝܠ ܕܠܐܠܗܐ
10:248.33 ܠܡܕܚܠ ܨܒܐ ܡܢ ܩܕܡ ܟܠ ܡܕܡ ܡܬܒܥܐ ܠܗ ܠܡܕܥ ܡܢܐ ܐܝܬ
10:248.34 ܕܕܟܝܢܗ ܕܐܠܗܐ ܒܠܚܘܕ ܐܝܬܘܗܝ܂ ܗ݀ܘ ܕܠܘܬ ܐܚܪܢܐ ܠܡܗܘܐ ܠܐ