← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60505: Ps-Clem Homilies

Click on a word for lexical analysis
Click on a red-colored coordinate for comments and/or translations of the line

14:332.01 ܕܐܢܫ ܢܐܡܪ ܕܟܠ ܡܕܡ ܡܢ ܚܠܩܐ ܡܬܕܒܪ܂ ܘܐܢܐ ܐܡܪܬ ܓܘܕܦܐ ܗܘ
14:332.02 ܘܛܒ ܐܢܗܘ ܓܝܪ ܕܟܘܠ ܚܛܗ̈ܝܢ ܘܪ̈ܫܥܝܢ ܘܛܢܦ̈ܘܬܐ ܡܢ ܟܘ̈ܟܒܐ
14:332.03 ܡܣܬܥܪ̈ܢ ܟܘ̈ܟܒܐ ܕܝܢ ܠܡܥܒܕ ܗܕܐ ܡܢ ܐܠܗܐ ܣܝܡܝܢ܂ ܕܡܫ̈ܠܡܢܐ
14:332.04 ܕܟܠ ܒܝܫܢ ܢܗܘܘܢ݁ ܚܛܗ̈ܐ ܕܟܠ ܐܢܫ ܠܘܬܗ ܗܘ ܫܪܟܝܢ܂ ܠܘܬ ܗ݀ܘ
14:332.05 ܕܒܚܠܩܐ ܨ݁ܒܐ܂ 6݁1 ܘܣܒܐ ܕܝܢ ܥ݂ܢܐ ܫܪܝܪܐܝܬ ܛܒܐܝܬ ܐܡ݂ܪܬ ܐܠܐ ܕܝܢ
14:332.06 ܠܟܠܗܝܢ ܬܚܘ̈ܝܬܟ ܬܡܝܗ̈ܬܐ ܬܐܪܬܐ ܕܝܠܝ ܡܥܘܟܐ܂ 6݁2 ܐܢܐ ܓܝܪ ܐܝܬܝ
14:332.07 ܟܠܕܝܐ ܘܥܡܪܬ ܠܘܩܕܡ ܒܪܗܘܡܐ܂ ܘܐܬܪܚܡܬ ܠܐܢܫ ܕܐܝܬܘܗܝ ܗܘܐ ܡܢ
14:332.08 ܛܘܗܡܐ ܕܩܣܪ܂ ܘܕܝܠܗ ܕܝܢ ܘܕܫܘܬܦܬܗ ܚܠܩܗܘܢ ܚ݂ܙܝܬ܂ ܘܐܬܥܪܡܬ
14:332.09 ܘܐܕܪܟܬ ܟܠ ܕܒܚܠܩܗܘܢ ܚ݂ܙܝܬ ܕܒܥܒ݁ܕܐ ܐܫܬ݁ܠܡ܂ ܗܫܐ ܗܟܝܠ
14:332.10 ܒܡܠܬܐ ܠܡܬܛܦܣܘ ܠܐ ܡܫܟܚܢܐ܂ 6݁3 ܗܢܐ ܗܘܐ ܕܝܢ ܚܠܩܗ݀ ܐܡ݁ܪ ܗܘܐ
14:332.11 ܕܓܝܪܬܐ ܬܗܘܐ ܘܠܥܒܕܗ݀ ܬܪܚܡ ܘܒܐܬܪܐ ܢܘܟܪܝܐ ܒܡ̈ܝܐ ܬܡܘܬ܂ ܘܗܟܢܐ
14:332.12 ܕܝܢ ܐܦ ܓܕܫ ܪܓ݂ܬ ܗܘܬ ܓܝܪ ܠܥܒܕܗ݀܂ ܘܡܛܠ ܕܠܐ ܡܣܝܒܪܐ
14:332.13 ܗܘܬ ܚܣܕܐ ܥ݂ܪܩܬ ܥܡܗ܂ ܘܠܐܬܪܐ ܢܘܟܪܝܐ ܐܙܠ݂ܬ ܘܬܡܢ ܥܡܗ
14:332.14 ܐܫܬܘܬܦܬ ܘܗܝܕܝܢ ܒܝܡܐ ܐܒܕܬ܂ 7݁1 ܘܐܢܐ ܥܢܝܬܗ ܘܐܝܟܢܐ ܕܝܢ ܡܦܣ
14:332.15 ܐܢܬ ܕܗ݀ܝ ܕܥܪܩܬ ܒܐܬܪܐ ܢܘܟܪܝܐ ܠܥܒܕܗ݀ ܐܫܬܘܬܦܬ܂ 7݁2 ܘܗܝܕܝܢ ܡܢ
14:332.16 ܒܬܪ ܕܗܘܬ ܠܗ ܡܝܬܬ܂ ܘܣܒܐ ܐܡ݂ܪ ܫܪܝܪܐܝܬ ܝܕܥ ܐܢܐ ܐܝܟ ܕܒܩܘܫܬܐ
14:332.17 ܕܝܢ ܠܐ ܗܘܐ ܕܡܗܘܐ ܗܘܬ ܠܗ ܡܕܡ ܕܐܦ ܠܐ ܡܐܡܪ ܐܡ݂ܪܬ܂ ܐܠܐ ܡܢ ܒܬܪ
14:332.18 ܕܫ݂ܢܝܬ܂ ܐܚܘܗ݀ܝ ܕܒܥܠܗ݀ ܐܫܬܥܝ ܠܝ ܟܠܡܕܡ ܥܠ ܪܓܬܗ݀
14:332.19 ܘܕܐܝܟܢܐ ܗܘ ܐܝܟ ܢܟܦܐ܂ ܘܬܘܒ ܕܝܢ ܐܝܟ ܡܛܠ ܕܐܚܘܗܝ ܕܒܥܠܗ݀
14:332.20 ܐܝܬܘܗܝ ܗܘܐ ܠܐ ܨܒܐ ܕܢܛܡܐ ܥܪܣܗ܂ ܘܕܐܝܟܢܐ ܗܝ ܡܛܠ ܕܕܚܠܐ ܗܘܬ
14:332.21 ܐܦ ܡܢܗ ܕܚܣܕܐ ܗܝ ܕܘܝܬܐ܂ ܠܐ ܓܝܪ ܡܨܐ ܐܢܫ ܕܢܪܓܙ ܠܗ݀܂ ܡܛܠ
14:332.22 ܕܡܢ ܚܠܩܐ ܗܘ̈ܝ ܗܠܝܢ܂ 8݁1 ݁݁݁ܘܡܢ ܡܠܘ̈ܗܝ ܕܣܒܐ ܗ݀ܘ ܕܐܡ݂ܪ ܗܘܐ
14:332.23 ܥܠܘܗܝ ܕܡ݂ܝܬ ܕܐܒܘܟܘܢ ܗܘܐ܂ ܠܐ ܕܝܢ ܨ݁ܒܝܬ ܕܐܘܕܥܝܘܗܝ ܥܠܝܟܘܢ
14:332.24 ܥܕܡܐ ܕܠܘܩܕܡ ܗܠܝܢ ܐܓܠܐ ܠܟܘܢ݁ ܕܐܝܟܐ ܕܝܢ ܫܪܐ ܝܠܦܬ܂ 8݁2 ܘܐܦ
14:332.25 ܒܝܬ ܡܫܪܝܐ ܕܝܠܝ ܬܘܒ ܐܘܕܥܬܗ ܐܝܟ ܕܫܪܝܪܬܐ ܢܕܥ܂ ܗܕܐ ܕܝܢ ܒܠܚܘܕ
14:332.26 ܫܐܠܬܗ ܕܐܝܢܐ ܗܘ ܫܡܗ ܕܣܒܐ܂ 8݁3 ܗ݂ܘ ܕܝܢ ܐܡ݂ܪ ܦܘܣܛܘܣ܂ ܘܡܢܘ
14:332.27 ܬܘܒ ܐܦ ܠܒ̈ܢܘܗܝ ܬܐܡ̈ܐ ܫܡܗܘܢ ܐܡ݁ܪ ܗܘܐ܂ ܗ݂ܘ ܬܘܒ ܐܡ݂ܪ ܦܘܣܛܘܣ