The Comprehensive Aramaic Lexicon

2.037:01	ܬܘܒ ܥܠ ܚܝܠܐ ܐܠܗܝܐ ܟܬܒܢܐ ܡܬ̈ܠܐ܂ ܐܘܟܝܬ
2.037:02	ܬܫܥܝܬܐ ܕܐܚܝܩܪ ܚܟܝܡܐ ܘܣܦܪܐ ܕܣܢܚܪܝܒ
2.037:03	ܡܠܟܐ ܕܐܬܘܪ ܘܕܢܝܢܘܐ܂
2.037:04	ܒܫܢܬ ܥܣܪܝܢ ܕܣܢܚܪܝܒ ܒܪ ܣܪܚܕܘܡ ܡܠܟܐ ܕܐܬܘܪ
2.037:05	ܘܕܢܝܢܘܐ܂ ܐܝܬܝ ܗܘܝܬ ܐܢܐ ܐܚܝܩܪ ܣܦܪܐ ܕܝܠܗ
2.037:06	ܕܡܠܟܐ܂ ܘܟܕ ܛܠܐ ܗܘܝܬ ܐܬܐܡܪ ܗܘܐ ܠܝ ܕܒܪܐ
2.037:07	ܠܐ ܗܘܐ ܠܟ܂ ܘܥܘܬܪܐ ܕܩܢܐ ܗܘܝܬ ܣܓܝ ܗܘܐ
2.037:08	ܡܢ ܕܠܡܐܡܪ܂ ܫܬܝܢ ܢ̈ܫܝܢ ܢܣܒܬ܂ ܘܒܢܝܬ ܠܗܝܢ ܫܬܝܢ
2.037:09	ܒܝܪ̈ܢ܂ ܘܒܪܐ ܠܐ ܗܘܐ ܠܝ܂ ܗܝܕܝܢ ܐܢܐ ܐܚܝܩܪ
2.037:10	ܒܢܝܬ ܠܝ ܥܠܬܐ ܚܕܐ ܪܒܬܐ ܟܠܗ݀ ܩܝܣ̈ܐ܂ ܘܫܒܩܬ

2.037:11	ܒܗ݀ ܢܘܪܐ ܘܣܡܬ ܥܠܝܗ݀ ܣܝܒܪܬܐ ܛܒܐ ܘܗܟܢ

2.037:12	ܐܡܪܬ܂ ܐܘܢ ܐܠܗܐ ܡܪܝ܂ ܟܕ ܐܡܘܬ ܘܒܪܐ ܠܐ
2.037:13	ܫܒܩܢܐ܂ ܡܢܐ ܐܡܪ̈ܝܢ ܥܠܝ ܒܢ̈ܝܢܫܐ܂ ܕܗܐ ܠܡ ܐܚܝܩܪ
2.037:14	ܟܐܢܐ ܘܛܒܐ ܘܦܠܚ ܠܐܠܗܐ܂ ܡܝܬ ܘܠܐ ܫܒܩ
2.038:01	ܒܪܐ ܠܩܒܘܪܬܗ܂ ܐܦܠܐ ܒܪܬܐ܂ ܘܢܟܣܘ̈ܗܝ ܐܝܟ
2.038:02	ܕܠܝܛܐ ܝܪܬܐ ܠܐ ܗܘܐ ܠܗܘܢ ܐܠܐ ܒܥܢܐ ܡܢܟ
2.038:03	ܐܠܗܐ܂ ܕܢܗܘܐ ܠܝ ܒܪܐ ܕܟܪܐ܂ ܕܟܕ ܐܡܘܬ ܢܪܡܐ
2.038:04	ܥܦܪܐ ܥܠ ܥܝܢ̈ܝ܂ ܘܐܫܬܡܥܬ ܠܝ ܒܪܬ ܩܠܐ ܗܕܐ܂
2.038:05	ܐܘ ܐܚܝܩܪ ܣܦܪܐ ܚܟܝܡܐ܂ ܟܠܡܕܡ ܕܒܥܝܬ ܡܢܝ
2.038:06	ܝܗܒܬ ܠܟ܂ ܘܕܠܐ ܒܢ̈ܝܢ ܫܒܩܬܟ܂ ܣܦܩ ܠܟ܂ ܠܐ
2.038:07	ܬܬܛܪܦ܂ ܐܠܐ ܗܐ ܢܕܢ ܒܪ ܚܬܟ܂ ܗܘ ܢܗܘܐ
2.038:08	ܠܟ ܒܪܐ܂ ܕܥܡ ܬܪܒܝܬܐ ܕܩܘܡܬܗ ܡܫܟܚ ܐܢܬ
2.038:09	ܠܡܠܦܘܬܗ ܟܠ ܡܕܡ܂ ܘܟܕ ܗܠܝܢ ܫܡܥܬ ܬܘܒ ܟܪܝܬ
2.038:10	ܠܝ ܘܐܡܪܬ܂ ܐܘܢ ܐܠܗܐ ܡܪܝ܂ ܐܢ ܬܬܠ ܠܝ ܒܪܐ
2.038:11	ܠܢܕܢ ܒܪ ܚܬܝ ܕܟܕ ܐܡܘܬ ܢܪܡܐ ܥܦܪܐ ܥܠ ܥܝܢ̈ܝ܂
2.038:12	ܘܡܕܡ ܬܘܒ ܦܬܓܡܐ ܠܐ ܐܬܦܢܝ ܠܝ܂ ܘܦܘܩܕܢܗ
2.038:13	ܥܒܕܬ܂ ܘܢܣܒܬ ܠܝ ܠܢܕܢ ܒܪ ܚܬܝ ܒܪܐ܂ ܘܡܛܠ
2.038:14	ܕܛܠܐ ܗܘܐ ܐܫܠܡܬ ܠܗ ܬܡܢܐ ܡܝܢ̈ܩܢ܂ ܘܪܒܝܬܗ
2.038:15	ܠܒܪܝ ܒܕܒܫܐ ܘܐܓܣܬܗ ܥܠ ܡܝ̈ܠܬܐ܂ ܘܐܠܒܫܬܗ
2.038:16	ܒܘܨܐ ܘܐܪܓܘܢܐ܂ ܘܪܒܐ ܒܪܝ܂ ܘܫܘܚ ܐܝܟ ܐܪܙܐ܂
2.038:17	ܘܟܕ ܪܒܐ ܒܪܝ܂ ܐܠܦܬܗ ܣܦܪ̈ܐ ܘܚܟܡܬܐ܂ ܘܟܕ ܐܬܐ
2.038:18	ܡܠܟܐ ܡܢ ܐܝܟܐ ܕܐܙܠ܂ ܩܪܢܝ ܘܐܡܪ ܠܝ܂ ܐܘ ܐܚܝܩܪ
2.038:19	ܣܦܪܐ ܚܟܝܡܐ ܘܒܥܠ ܬܪܒܝܬܐ ܕܝܠܝ܂ ܟܕ ܬܣܐܒ
2.038:20	ܘܬܡܘܬ܂ ܡܢ ܒܬܪܟ ܡܢܘ ܟܝ ܢܦܠܚܢܝ ܐܟܘܬܟ܂
2.039:01	ܘܥܢܝܬ ܘܐܡܪܬ ܠܗ ܠܥܠܡ ܚܝܝ ܡܪܝ ܡܠܟܐ܂ ܐܝܬ ܠܝ
2.039:02	ܒܪܐ ܕܐܟܘܬܝ ܚܟܝܡ܂ ܘܝܕܥ ܐܟܘܬܝ ܣܦܪܐ ܘܐܠܝܦ܂