The Comprehensive Aramaic Lexicon

2.055:02	ܐܠܗܐ ܘܐܡܪ܂ ܐܠܗܐ ܙܕܝܩܐ ܘܬܪܝܨܐ܂ ܘܥܒܕ
2.055:03	ܛܝܒܘܬܐ ܥܠ ܐܪܥܐ܂ ܫܡܥ ܒܩܠܗ ܕܐܚܝܩܪ ܥܒܕܟ
2.055:04	ܘܐܬܕܟܪ ܕܕܒܚ ܠܟ ܬܘܪ̈ܐ ܡܦܛܡ̈ܐ ܐܝܟ ܐܡܪ̈ܝ
2.055:05	ܚܠܒܐ܂ ܘܗܫܐ ܪܡܐ ܒܓܘܒܐ ܚܫܘܟܐ ܐܬܪ ܕܢܘܗܪܐ
2.055:06	ܠܐ ܚܙܐ܂ ܘܠܐ ܦܪܩ ܐܢܬ ܠܗ ܕܩܪܐ ܠܟ܂ ܫܡܥ ܡܪܝ
2.055:07	ܒܩܠܗ ܕܟܢܬܝ܃ ܘܟܕ ܫܡܥ ܦܪܥܘܢ ܡܠܟܐ ܕܡܨܪܝܢ
2.055:08	ܕܐܢܐ ܐܚܝܩܪ ܐܬܩܛܠܬ܂ ܣܓܝ ܚܕܐ ܗܘܐ ܘܐܓܪܬܐ
2.055:09	ܟܬܒ ܠܣܢܚܪܝܒ ܗܟܢܐ܂ ܦܪܥܘܢ ܡܠܟܐ ܕܡܨܪܝܢ
2.055:10	ܠܣܢܚܪܝܒ ܡܠܟܐ ܕܐܬܘܪ ܘܕܢܝܢܘܐ ܫܠܡ܂ ܒܝܪܬܐ ܚܕܐ
2.055:11	ܒܥܢܐ ܕܐܒܢܐ܂ ܒܝܬ ܐܪܥܐ ܠܫܡܝܐ܂ ܘܒܥܝ ܘܫܕܪ
2.055:12	ܠܝ ܡܢ ܡܠܟܘܬܟ ܓܒܪܐ ܚܕ ܐܪܕܟܠܐ ܚܟܝܡܐ܂ ܕܥܠ
2.055:13	ܟܠ ܡܕܡ ܕܐܫܐܠܝܘܗܝ ܢܬܠ ܠܝ ܦܬܓܡܐ܂ ܘܟܕ
2.055:14	ܬܫܕܪ ܠܝ ܓܒܪܐ ܕܐܝܟ ܗܢܐ܂ ܐܓܒܐ ܘܐܫܕܪ ܠܟ
2.055:15	ܡܕܐܬܐ ܕܡܨܪܝܢ ܕܬܠܬ ܫܢ̈ܝܢ܂ ܘܐܢ ܠܐ ܬܫܕܪ ܠܝ
2.055:16	ܓܒܪܐ ܕܟܠ ܡܕܡ ܕܡܫܐܠ ܐܢܐ ܠܗ ܢܬܠ ܠܝ
2.055:17	ܦܬܓܡܐ܂ ܓܒܝ ܘܫܕܪ ܠܝ ܡܕܐܬܐ ܕܐܬܘܪ ܘܕܢܝܢܘܐ܂
2.055:18	ܕܬܠܬ ܫܢ̈ܝܢ܂ ܒܐܝ̈ܕܝ ܗܠܝܢ ܐܝܙܓܕ̈ܐ ܕܐܬܝܢ ܠܘܬܟ܂
2.055:19	ܘܟܕ ܐܓܪܬܐ ܗܕܐ ܩܕܡ ܡܠܟܐ ܐܬܩܪܝܬ܂ ܩܪܐ
2.055:20	ܠܟܠܗܘܢ ܪܘܪ̈ܒܢܐ ܘܚܐܪ̈ܐ ܕܡܠܟܘܬܗ ܘܐܡܪ ܠܗܘܢ܂
2.055:21	ܐܝܢܐ ܡܢܟܘܢ ܐܙܠ ܠܡܨܪܝܢ ܠܡܬܠ ܦܬܓܡܐ
2.056:01	ܠܡܠܟܐ ܥܠ ܟܠܡܕܡ ܕܢܫܐܠ ܠܗ܂ ܘܢܒܢܐ ܠܗ ܒܝܪܬܐ
2.056:02	ܗܝ ܕܒܥܐ܂ ܘܢܝܬܐ ܡܕܐܬܐ ܕܡܨܪܝܢ ܕܬܠܬ ܫܢ̈ܝܢ
2.056:03	ܘܢܐܬܐ܂ ܘܟܕ ܫܡܥܘ ܪܘܪ̈ܒܢܐ ܥܢܘ ܘܐܡܪܘ ܠܡܠܟܐ܂
2.056:04	ܝܕܥ ܐܢܬ ܡܪܝ ܡܠܟܐ܂ ܕܠܘ ܒܫܢ̈ܝܟ ܕܝܠܟ ܒܠܚܘܕ܂
2.056:05	ܐܠܐ ܒܫܢ̈ܝ ܣܪܚܕܘܡ ܐܒܘܟ܂ ܨܒܘ̈ܬܐ ܕܐܝܟ ܗܠܝܢ
2.056:06	ܐܚܝܩܪ ܣܦܪܐ ܫܪܐ ܗܘܐ ܠܗܝܢ܂ ܘܐܦ ܗܫܐ ܗܐ
2.056:07	ܢܕܢ ܒܪܗ܂ ܕܐܦ ܗܘ ܝܠܝܦ ܣܦܪܗ ܘܚܟܡܬܗ܂ ܘܟܕ
2.056:08	ܗܠܝܢ ܫܡܥ ܢܕܢ ܒܪܝ܂ ܩܥܐ ܩܕܡ ܡܠܟܐ ܘܐܡܪ܂
2.056:09	ܐܠܗ̈ܐ ܠܐ ܡܫܟܚܝܢ ܨܒܘ̈ܬܐ ܕܐܝܟ ܗܠܝܢ ܠܡܥܒܕ܂
2.056:10	ܫܒܘܩ ܒܢ̈ܝܢܫܐ܂ ܘܟܕ ܗܠܝܢ ܫܡܥ ܡܠܟܐ ܣܓܝ
2.056:11	ܐܬܬܥܝܩ܂ ܘܢܚܬ ܡܢ ܟܘܪܣܝܗ ܘܥܠ ܐܪܥܐ ܝܬܒ܂
2.056:12	ܘܗܟܢܐ ܐܡܪ܂ ܚܒܠܟ ܐܚܝܩܪ ܚܟܝܡܐ ܕܒܡ̈ܠܝ ܛܠܝܐ
2.056:13	ܐܘܒܕܬܟ܂ ܡ݁ܢ ܕܝܢ ܝܗܒܟ ܠܝ ܒܙܒܢܐ ܗܢܐ܂ ܒܡܬܩܠܟ
2.056:14	ܕܗܒܐ ܝܗܒ ܗܘܝܬ ܠܗ܂ ܘܟܕ ܗܠܝܢ ܫܡܥ ܝܒܘܣܡܟ
2.056:15	ܡܣܟܝܢ ܟܢܬܝ܂ ܩܕܡܘܗܝ ܕܡܠܟܐ ܢܦܠ܂ ܘܐܡܪ ܠܗ܂
2.056:16	ܡܪܝ ܡܠܟܐ ܡ݁ܢ ܕܦܘܩܕܢܐ ܕܡܪܗ ܫܐܛ ܡܘܬܐ
2.056:17	ܚܝܒ܂ ܘܐܢܐ ܡܪܝ ܦܘܩܕܢܐ ܕܡܠܟܘܬܟ ܫܛܬ܂ ܦܩܘܕ
2.056:18	ܕܙܩܦܝܢ ܠܝ܂ ܡܛܠ ܕܐܚܝܩܪ ܗܘ ܕܦܩܕܬ ܠܡܩܛܠܗ܂
2.056:19	ܥܕܟܝܠ ܒܚܝ̈ܐ ܐܝܬܘܗܝ܂ ܘܟܕ ܗܠܝܢ ܫܡܥ ܡܠܟܐ܂
2.056:20	ܥܢܐ ܘܐܡܪ܂ ܡܠܠ ܡܠܠ ܝܒܘܣܡܟ܂ ܡܠܠ ܓܒܪܐ ܟܫܝܪܐ
2.056:21	ܘܛܒܐ ܕܒܝܫܬܐ ܠܐ ܝܕܥ܂ ܐܢ ܐܝܟ ܕܐܡܪ ܐܢܬ
2.056:22	ܐܝܬܝܗ݀܂ ܘܬܚܘܝܢܝ ܐܚܝܩܪ ܒܚܝ̈ܐ܂ ܡܘܗ̈ܒܬܐ ܐܬܠ
2.057:01	ܠܟ ܟܣܦܐ ܡܬܩܠ ܡܐܐ ܟܟܪ̈ܝܢ ܘܐܪ̈ܓܘܢܐ ܡܬܩܠ
2.057:02	ܚܡܫܝܢ ܟܟܪ̈ܝܢ܂ ܐܡܪ ܠܗ ܝܒܘܣܡܟ ܝܡܝ ܠܝ ܡܪܝ
2.057:03	ܡܠܟܐ܂ ܕܐܢ ܚܛܗ̈ܐ ܐܚܪ̈ܢܐ ܠܐ ܢܗܘܘܢ ܠܝ
2.057:04	ܩܕܡܝܟ܂ ܗܕܐ ܠܐ ܬܬܕܟܪ ܠܝ܂ ܘܝܗܒ ܠܗ ܝܡܝܢܐ
2.057:05	ܥܠ ܗܕܐ܂ ܘܒܗ݂݁ ܒܫܥܬܐ ܝܬܒ ܡܠܟܐ ܥܠ ܡܪܟܒܬܐ܂
2.057:06	ܘܩܠܝܠܐܝܬ ܡܛܐ ܠܘܬܝ܂ ܘܦܬܚ ܒܐܦ̈ܝ ܘܣܠܩܬ ܘܐܬܝܬ
2.057:07	ܢܦܠܬ ܩܕܡ ܡܠܟܐ܂ ܟܕ ܣܥܪܐ ܕܪܫܝ ܪܡܐ ܥܠ ܟ̈ܬܦܬܝ
2.057:08	ܘܕܩܢܝ ܡܛܐ ܠܚܕܝܝ܂ ܘܓܘܫܡܝ ܡܚܒܠ ܒܥܦܪܐ܂ ܘܛܦܪ̈ܝ
2.057:09	ܐܪܝܟܝܢ ܐܝܟ ܕܢܫܪܐ܂ ܘܟܕ ܚܙܢܝ ܡܠܟܐ ܒܟܐ ܘܒܗܬ