← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60601: SyrAhiq 2

Click on a word for lexical analysis
Click on a red-colored coordinate for comments and/or translations of the line

▲ earlier lines

2.062:06 ܐܓܪܬܐ ܐܝܬ ܡܠܬܐ ܕܠܐ ܫܡܝܥܐ ܠܟ܂ ܘܟܕ
2.062:07 ܩܪܝܬܗ݀ ܩܕܡܘܗܝ ܘܩܕܡ ܕܘܪ̈ܒܢܘܗܝ܂ ܐܝܟ ܕܦܩܕܝܢ
2.062:08 ܗܘܘ ܡܢ ܡܠܟܐ܂ ܩܥܘ ܘܐܡܪܘ ܗܕܐ ܫܡܝܥܐ ܠܟܠܢ
2.062:09 ܘܐܝܬܝܗ݀܂ ܗܝܕܝܢ ܐܢܐ ܐܡܪܬ ܠܗܘܢ݁ ܗܐ ܬܫܥܡܐܐ
2.062:10 ܟܟܪ̈ܝܢ ܚܝܒܐ ܡܨܪܝܢ ܠܐܬܘܪ܂ ܘܟܕ ܫܡܥ ܡܠܟܐ ܬܡܗ܂
2.062:11 ܗܝܕܝܢ ܐܡܪ ܠܝ܂ ܒܝܪܬܐ ܚܕܐ ܒܥܢܐ ܕܐܒܢܐ ܒܝܬ
2.062:12 ܐܪܥܐ ܠܫܡܝܐ܂ ܘܢܗܘܐ ܪܘܡܗ݀ ܡܢ ܐܪܥܐ ܐܠܦ
2.062:13 ܓܐܦ̈ܝܢ܂ ܗܝܕܝܢ ܐܦܩܬ ܒܢ̈ܝ ܢܫܪ̈ܐ ܘܩܛܪܬ ܓܪ̈ܓܐ
2.062:14 ܒܪ̈ܓܠܝܗܘܢ݁ ܘܐܪܟܒܬ ܥܠܝܗܘܢ ܛܠܝ̈ܐ܂ ܘܐܡܪܝܢ
2.062:15 ܗܘܘ ܛܝܢܐ ܡܠܛܐ܂ ܐܪ̈ܚܐ ܠܒ̈ܢܐ܂ ܐܘܫܛܘ ܠܐܪ̈ܕܟܠܐ
2.062:16 ܕܒܛܝܠܝܢ܂ ‍{‍ܡܪܐ ܐܓܪܐ ܡܙܘܓ܂‍}‍ ܘܟܕ ܚܙܐ ܡܠܟܐ
2.062:17 ܬܘܗ܂ ܗܝܕܝܢ ܐܢܐ ܐܚܝܩܪ ܢܣܒܬ ܙܩܬܐ ܘܡܚܐ
2.062:18 ܗܘܝܬ ܠܪܘܪ̈ܒܢܐ ܕܡܠܟܐ܂ ܥܕܡܐ ܕܟܠܗܘܢ ܥܪܩܘ܂
2.062:19 ܗܝܕܝܢ ܡܠܟܐ ܐܬܬܦܝܪ ܒܝ ܘܐܡܪ ܠܝ܂ ܡܫܢܐ ܫܢܝܬ
2.062:20 ܠܟ ܐܚܝܩܪ܂ ܡܢܘ ܡܨܐ ܠܡܣܩܘ ܡܕܡ ܠܗܠܝܢ܂
2.063:01 ܘܐܢܐ ܐܡܪܬ ܠܗ܂ ܡܛܠ ܫܪܒܗ ܕܣܢܚܪܝܒ ܡܪܝ
2.063:02 ܡܕܡ ܠܐ ܬܐܡܪܘܢ݁ ܕܐܠܘ ܩܪܝܒ ܗܘܐ܂ ܬܪܬܝܢ
2.063:03 ܒܝܪ̈ܢ ܒܢܐ ܗܘܐ ܒܚܕ ܝܘܡܐ܂ ܘܐܡܪ ܠܝ ܡܠܟܐ܂
2.063:04 ܥܒܪ ܠܟ ܡܢ ܒܝܪܬܐ ܐܚܝܩܪ ܘܙܠ ܠܐܫܦܙܟ܂ ܘܠܨܦܪܐ
2.063:05 ܬܐ ܠܘܬܝ܂ ܘܟܕ ܗܘܐ ܨܦܪܐ ܥܠܬ ܩܕܡܘܗܝ܂ ܘܐܡܪ
2.063:06 ܠܝ܂ ܚܘܢܝ ܐܚܝܩܪ ܡܢܐ ܐܝܬܝܗ݀ ܨܒܘܬܐ ܗܕܐ܂
2.063:07 ܣܘܣܝܗ ܕܡܪܟ ܨܗܠ ܒܐܬܘܪ܂ ܘܫܡܥ ܩܠܗ
2.063:08 ܣܘܣ̈ܝܬܢ ܗܪܟܐ ܘܝܚܛ ܥܘܠܝܗ̈ܝܢ܂ ܗܝܕܝܢ ܢܦܩܬ ܡܢ
2.063:09 ܩܕܡ ܡܠܟܐ܂ ܘܦܩܕܬ ܠܥܒ̈ܕܝ ܕܢܨܘܕܘܢ ܠܝ ܟܟܘܫܬܐ
2.063:10 ܚܕܐ܂ ܘܢܓܕܬܗ݀ ܒܫܘ̈ܩܐ ܕܡܕܝܢܬܐ܂ ܘܟܕ ܚܙܘ ܡܨܪ̈ܝܐ܂
2.063:11 ܐܙܠܘ ܐܡܪܘ ܠܡܠܟܐ܂ ܕܐܚܝܩܪ ܐܥܠܝ ܥܠ ܥܡܢ
2.063:12 ܘܡܓܚܟ ܒܢ܂ ܟܟܘܫܬܐ ܓܝܪ ܠܒܝܟ ܘܡܢܓܕ ܠܗ݀܂
2.063:13 ܒܫܘܩ̈ܐ ܕܡܕܝܢܬܢ݁ ܘܫܕܪ ܡܠܟܐ ܒܬܪܝ ܘܩܪܐܘܢܝ܂
2.063:14 ܘܥܠܬ ܩܕܡܘܗܝ ܘܐܡܪ ܠܝ܂ ܒܐܝܕܐ ܨܒܘܬܐ ܡܨܥܪ
2.063:15 ܐܢܬ ܠܢ܂ ܘܥܢܝܬ ܘܐܡܪܬ ܠܗ܂ ܡܪܝ ܡܠܟܐ ܠܥܠܡ
2.063:16 ܚܝܝ܂ ܟܟܘܫܬܐ ܗܕܐ ܣܓܝ ܐܗܪܬܢܝ ܕܠܐ ܒܙܥܘܪ܂
2.063:17 ܬܪܢܓܠܐ ܓܝܪ ܚܕ ܡܫܠܡ ܗܘܐ ܠܝ ܡܢ ܡܪܝ܂ ܘܩܠܗ
2.063:18 ܣܓܝ ܫܦܝܪ ܗܘܐ܂ ܘܒܗܘ ܥܕܢܐ ܕܩܪܐ ܗܘܐ܂
2.063:19 ܡܣܬܟܠ ܗܘܝܬ ܕܒܥܐ ܠܝ ܡܪܝ܂ ܘܐܙܠ ܗܘܝܬ ܠܬܪܥܗ
2.063:20 ܕܡܪܝ܂ ܘܒܠܠܝܐ ܗܢܐ ܕܥܒܪ܂ ܐܙܠܬ ܟܟܘܫܬܐ ܗܕܐ
2.063:21 ܠܐܬܘܪ ܘܩܛܥܬ ܪܫܗ ܕܗܘ ܬܪܢܓܠܐ ܘܐܬܬ܂ ܘܥܢܐ
2.063:22 ܡܠܟܐ ܘܐܡܪ ܠܝ܂ ܐܝܟ ܕܚܙܐ ܐܢܐ ܐܚܝܩܪ ܡܢ ܟܕ
2.064:01 ܣܐܒܬ ܡܫܢܐ ܫܢܝܬ܂ ܬܠܬܡܐܐ ܓܝܪ ܘܫܬܝܢ
2.064:02 ܦܪܣܚܝܢ ܡܟܐ ܠܐܬܘܪ܂ ܘܐܝܟܢ ܐܡܪ ܐܢܬ ܒܚܕ ܠܠܝܐ
2.064:03 ܐܙܠܬ ܟܟܘܫܬܐ ܗܕܐ ܘܦܣܩܬ ܪܫܗ ܕܬܪܢܓܠܐ ܘܐܬܬ܂
2.064:04 ܗܝܕܝܢ ܐܢܐ ܐܡܪܬ ܠܗ܂ ܘܐܝܟܢ ܟܕ ܬܠܬܡܐܐ ܘܫܬܝܢ
2.064:05 ܦܪ̈ܣܚܝܢ ܡܢ ܡܨܪܝܢ ܠܐܬܘܪ܂ ܫܡܥ ܣܘܣܝ̈ܬܟܘܢ
2.064:06 ܗܪܟܐ ܩܠ ܣܘܣܝܗ ܕܡܪܝ ܘܝܚܛ ܥܘܠܝܗ̈ܝܢ܂ ܘܟܕ
2.064:07 ܫܡܥ ܡܠܟܐ ܣܓܝ ܩܨܦ܂ ܘܐܡܪ ܠܝ܂ ܐܚܝܩܪ ܦܫܩ
2.064:08 ܠܝ ܡܬܠܐ ܗܢܐ܂ ܐܣܛܘܢܐ ܚܕ ܐܝܬ ܥܠ ܪܫܗ
2.064:09 ܬܪܥܣܪ ܐܪ̈ܙܐ܂ ܒܟܠ ܐܪܙܐ ܬܠܬܝܢ ܓܝ̈ܓܠܐ܂ ܘܒܟܠ
2.064:10 ܓܝܓܠܐ ܬܪܝܢ ܚܒ̈ܠܝܢ܂ ܚܕ ܚܘܪܐ ܘܚܕ ܐܘܟܡܐ܂
2.064:11 ܘܥܢܝܬ ܐܢܐ ܘܐܡܪܬ ܠܗ܂ ܡܪܝ ܡܠܟܐ ܪ̈ܥܝܝ ܬܘܪ̈ܐ
2.064:12 ܕܐܬܪܢ ܝܕܥܝܢ ܠܗ ܠܡܬܠܐ ܕܐܢܬ ܐܡܪ ܐܢܬ܂
2.064:13 ܐܣܛܘܢܐ ܕܐܡܪܬ ܠܝ܂ ܐܝܬܝܗ݀ ܫܢܬܐ܂ ܬܪܥܣܪ ܐܪ̈ܙܐ
2.064:14 ܬܪܥܣܪ ܝܪ̈ܚܐ ܕܫܢܬܐ܂ ܬܠܬܝܢ ܓܝ̈ܓܠܐ ܬܠܬܝܢ

▼ later lines