← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60601: SyrAhiq 2

Click on a word for lexical analysis
Click on a red-colored coordinate for comments and/or translations of the line

▲ earlier lines

2.053:15 ܠܦܪ̈ܬܘܝܐ ܘܢܩܛܠܘܢܝܗܝ܂ ܘܐܢܐ ܠܐ ܐܡܘܬ ܒܕܠܐ
2.053:16 ܚܛܝܬ܂ ܘܟܕ ܗܠܝܢ ܐܡܪܬ܂ ܘܐܦ ܗܘ ܝܒܘܣܡܟ
2.053:17 ܡܣܟܝܢ ܟܢܬܝ܃ ܣܓܝ ܟܪܝܬ ܠܗ ܥܠܝ܂ ܘܢܣܒ ܠܒܘ̈ܫܝ
2.053:18 ܐܠܒܫ ܐܢܘܢ ܠܥܒܕܐ ܗܘ ܕܒܒܝܬ ܐܣܝܪ̈ܐ܂ ܘܐܥܝܪ
2.053:19 ܐܢܘܢ ܠܦܪ̈ܬܘܝܐ܂ ܘܩܡܘ ܒܛܥܡ ܚܡܪܗܘܢ
2.053:20 ܘܩܛܠܘܗܝ܂ ܘܐܪܚܩܘ ܪܫܗ ܡܢ ܫܠܕܗ ܡܐܐ ܐܡ̈ܝܢ܂
2.053:21 ܘܝܗܒܘ ܦܓܪܗ ܠܩܒܘܪܬܐ܂ ܗܝܕܝܢ ܢܦܩ ܛܒܐ ܒܐܬܘܪ
2.054:01 ܘܒܢܝܢܘܐ܂ ܕܐܚܝܩܪ ܣܦܪܐ ܩܛܝܠ܂ ܘܩܡ ܝܒܘܣܡܟ
2.054:02 ܡܣܟܝܢ ܟܢܬܝ ܘܐܫܦܓܢܝ ܐܢܬܬܝ܂ ܘܥܒܕܘ ܠܝ ܡܛܫܝܐ
2.054:03 ܒܓܘ ܐܪܥܐ܂ ܦܬܝܗ ܬܠܬ ܐܡ̈ܝܢ܂ ܘܪܘܡܗ ܚܡܫ
2.054:04 ܐܡ̈ܝܢ ܬܚܝܬ ܐܣܟܘܦܬܐ ܕܬܪܥܐ ܕܒܝܬܝ܂ ܘܣܡܘ
2.054:05 ܥܡܝ ܠܚܡܐ ܘܡܝ̈ܐ܂ ܘܐܙܠܘ ܚܘܝܘ ܠܣܢܚܪܝܒ ܡܠܟܐ܂
2.054:06 ܕܐܚܝܩܪ ܣܦܪܐ ܡܝܬ ܠܗ܂ ܘܟܕ ܫܡܥܘ ܓܒܪ̈ܐ ܘܒܟܝܢ
2.054:07 ܗܘܘ܂ ܘܢܫ̈ܐ ܚܪ̈ܛܢ ܐܦܝ̈ܗܝܢ ܘܐܡܪ̈ܢ ܗܘܝ܂ ܚܒܠܟ
2.054:08 ܐܚܝܩܪ ܣܦܪܐ ܚܟܝܡܐ ܣܐܓ ܬܘܪ̈ܥܬܐ ܕܐܬܪܢ܂
2.054:09 ܕܐܟܘܬܟ ܠܐ ܗܘܐ ܠܢ ܠܥܠܡ܂ ܗܝܕܝܢ ܩܪܐ ܣܢܚܪܝܒ
2.054:10 ܡܠܟܐ ܠܢܕܢ ܒܪܝ ܘܐܡܪ ܠܗ܂ ܙܠ ܥܒܕ ܒܝܬ ܒܟܐ
2.054:11 ܠܐܚܝܩܪ ܐܒܘܟ ܘܬܐ ܠܘܬܝ܂ ܘܟܕ ܐܬܐ ܢܕܢ ܒܪܝ
2.054:12 ܠܐ ܒܝܬ ܒܟܐ ܥܒܕ ܠܝ ܘܐܦܠܐ ܡܥܗܕ ܥܗܕܢܝ܂ ܐܠܐ
2.054:13 ܟܢܫ ܠܗ ܐܢ̈ܫܐ ܣܪ̈ܝܩܐ ܘܦܚ̈ܙܐ ܘܐܣܡܟ ܐܢܘܢ
2.054:14 ܥܠ ܦܬܘܪܐ ܕܝܠܝ܂ ܒܙܡܪܐ ܘܒܚܕܘܬܐ ܪܒܬܐ܂ ܘܠܥܒ̈ܕܝ
2.054:15 ܘܠܐܡܗ̈ܬܝ ܚܒܝ̈ܒܐ ܡܫܠܚ ܗܘܐ ܠܗܘܢ ܘܡܢܓܕ
2.054:16 ܗܘܐ ܠܗܘܢ ܕܠܐ ܚܘܣܢ܂ ܘܐܦܠܐ ܡܢ ܐܫܦܓܢܝ
2.054:17 ܐܢܬܬܝ ܒܗܬ܂ ܘܒܥܐ ܕܨܒܘܬ ܓܒܪܐ ܘܐܢܬܬܐ
2.054:18 ܠܡܣܥܪ ܥܡܗ݀܂ ܘܐܢܐ ܐܚܝܩܪ ܪܡܐ ܐܢܐ ܒܚܫܘܟܐ
2.054:19 ܒܓܘܒܐ ܕܠܬܚܬ܂ ܘܫܡܥܢܐ ܩܠܐ ܕܢܚ̈ܬܘܡܝ ܘܕܛܒܚ̈ܝ
2.054:20 ܘܕܫܩܘ̈ܬܝ ܟܕ ܒܟܝܢ ܘܡܬܬܢܚܝܢ ܒܓܘ ܒܝܬܝ܂ ܘܡܢ ܒܬܪ
2.054:21 ܩܠܝܠ ܝܘܡ̈ܬܐ ܐܬܐ ܝܒܘܣܡܟ ܡܣܟܝܢ ܟܢܬܝ܂ ܘܦܬܚ
2.054:22 ܒܐ̈ܦܝ ܘܡܠܐ ܒܠܒܝ܂ ܘܣܡ ܠܝ ܠܚܡܐ ܘܡܝ̈ܐ܂ ܘܐܢܐ
2.055:01 ܐܡܪܬ ܠܗ܂ ܟܕ ܬܦܘܩ ܡܢ ܠܘܬܝ܂ ܥܗܕܝܢܝ ܩܕܡ
2.055:02 ܐܠܗܐ ܘܐܡܪ܂ ܐܠܗܐ ܙܕܝܩܐ ܘܬܪܝܨܐ܂ ܘܥܒܕ
2.055:03 ܛܝܒܘܬܐ ܥܠ ܐܪܥܐ܂ ܫܡܥ ܒܩܠܗ ܕܐܚܝܩܪ ܥܒܕܟ
2.055:04 ܘܐܬܕܟܪ ܕܕܒܚ ܠܟ ܬܘܪ̈ܐ ܡܦܛܡ̈ܐ ܐܝܟ ܐܡܪ̈ܝ
2.055:05 ܚܠܒܐ܂ ܘܗܫܐ ܪܡܐ ܒܓܘܒܐ ܚܫܘܟܐ ܐܬܪ ܕܢܘܗܪܐ
2.055:06 ܠܐ ܚܙܐ܂ ܘܠܐ ܦܪܩ ܐܢܬ ܠܗ ܕܩܪܐ ܠܟ܂ ܫܡܥ ܡܪܝ
2.055:07 ܒܩܠܗ ܕܟܢܬܝ܃ ܘܟܕ ܫܡܥ ܦܪܥܘܢ ܡܠܟܐ ܕܡܨܪܝܢ
2.055:08 ܕܐܢܐ ܐܚܝܩܪ ܐܬܩܛܠܬ܂ ܣܓܝ ܚܕܐ ܗܘܐ ܘܐܓܪܬܐ
2.055:09 ܟܬܒ ܠܣܢܚܪܝܒ ܗܟܢܐ܂ ܦܪܥܘܢ ܡܠܟܐ ܕܡܨܪܝܢ
2.055:10 ܠܣܢܚܪܝܒ ܡܠܟܐ ܕܐܬܘܪ ܘܕܢܝܢܘܐ ܫܠܡ܂ ܒܝܪܬܐ ܚܕܐ
2.055:11 ܒܥܢܐ ܕܐܒܢܐ܂ ܒܝܬ ܐܪܥܐ ܠܫܡܝܐ܂ ܘܒܥܝ ܘܫܕܪ
2.055:12 ܠܝ ܡܢ ܡܠܟܘܬܟ ܓܒܪܐ ܚܕ ܐܪܕܟܠܐ ܚܟܝܡܐ܂ ܕܥܠ
2.055:13 ܟܠ ܡܕܡ ܕܐܫܐܠܝܘܗܝ ܢܬܠ ܠܝ ܦܬܓܡܐ܂ ܘܟܕ
2.055:14 ܬܫܕܪ ܠܝ ܓܒܪܐ ܕܐܝܟ ܗܢܐ܂ ܐܓܒܐ ܘܐܫܕܪ ܠܟ
2.055:15 ܡܕܐܬܐ ܕܡܨܪܝܢ ܕܬܠܬ ܫܢ̈ܝܢ܂ ܘܐܢ ܠܐ ܬܫܕܪ ܠܝ
2.055:16 ܓܒܪܐ ܕܟܠ ܡܕܡ ܕܡܫܐܠ ܐܢܐ ܠܗ ܢܬܠ ܠܝ
2.055:17 ܦܬܓܡܐ܂ ܓܒܝ ܘܫܕܪ ܠܝ ܡܕܐܬܐ ܕܐܬܘܪ ܘܕܢܝܢܘܐ܂
2.055:18 ܕܬܠܬ ܫܢ̈ܝܢ܂ ܒܐܝ̈ܕܝ ܗܠܝܢ ܐܝܙܓܕ̈ܐ ܕܐܬܝܢ ܠܘܬܟ܂
2.055:19 ܘܟܕ ܐܓܪܬܐ ܗܕܐ ܩܕܡ ܡܠܟܐ ܐܬܩܪܝܬ܂ ܩܪܐ
2.055:20 ܠܟܠܗܘܢ ܪܘܪ̈ܒܢܐ ܘܚܐܪ̈ܐ ܕܡܠܟܘܬܗ ܘܐܡܪ ܠܗܘܢ܂
2.055:21 ܐܝܢܐ ܡܢܟܘܢ ܐܙܠ ܠܡܨܪܝܢ ܠܡܬܠ ܦܬܓܡܐ
2.056:01 ܠܡܠܟܐ ܥܠ ܟܠܡܕܡ ܕܢܫܐܠ ܠܗ܂ ܘܢܒܢܐ ܠܗ ܒܝܪܬܐ

▼ later lines