← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60601: SyrAhiq 2

Click on a word for lexical analysis
Click on a red-colored coordinate for comments and/or translations of the line

▲ earlier lines

2.065:09 ܐܢܐ ܘܐܝܬܝܬ ܡܪܫܐ ܚܕ ܕܪܚܝܐ܂ ܘܫܕܝܬ ܩܕܡ ܡܠܟܐ
2.065:10 ܘܐܡܪܬ ܠܗ܂ ܡܪܝ ܡܠܟܐ ܡܛܠ ܕܐܟܣܢܝܐ ܐܝܬܝ
2.065:11 ܗܪܟܐ܂ ܘܠܝܬ ܥܡܝ ܡܐ̈ܢܝ ܐܘܡܢܘܬܐ܂ ܦܩܘܕ
2.065:12 ܠܐܫ̈ܟܦܐ ܦܣܩܝܢ ܠܝ ܩ̈ܕܐ ܡܢ ܗܢܐ ܡܪܫܐ
2.065:13 ܕܐܝܬܘܗܝ ܒܪ ܙܘܓܗ ܕܪܚܝܐ܂ ܘܡܚܕܐ ܚܐܛ ܐܢܐ
2.065:14 ܠܗ܂ ܘܟܕ ܫܡܥ ܡܠܟܐ܂ ܓܚܟ ܘܐܡܪ ܝܘܡܐ ܗܘ
2.065:15 ܕܐܬܝܠܕ ܒܗ ܐܚܝܩܪ܂ ܢܗܘܐ ܒܪܝ ܩܕܡ ܐܠܗܐ
2.065:16 ܕܡܨܪܝܢ܂ ܘܥܠ ܕܒܚ̈ܝܐ ܚܙܝܬܟ܂ ܝܘܡܐ ܪܒܐ ܘܠܚܡܐ
2.065:17 ܥܒܕ ܐܢܐ܂ ܗܝܕܝܢ ܝܗܒ ܠܝ ܡܕܐܬܐ ܕܡܨܪܝܢ ܕܬܠܬ
2.065:18 ܫܢ̈ܝܢ܂ ܘܒܥܓܠ ܠܘܬ ܣܢܚܪܝܒ ܡܪܝ ܡܠܟܐ ܗܦܟܬ
2.065:19 ܘܡܛܝܬ܂ ܘܗܘ ܢܦܩ ܠܐܘܪܥܝ ܘܩܒܠܢܝ܂ ܘܝܘܡܐ ܪܒܐ
2.065:20 ܥܒܕ܂ ܘܒܪܫ ܒܢ̈ܝ ܒܝܬܗ ܐܘܬܒܢܝ܂ ܘܥܢܐ ܘܐܡܪ
2.065:21 ܠܝ܂ ܫܐܠ ܐܚܝܩܪ ܟܠܡܕܡ ܕܨܒܐ ܐܢܬ܂ ܘܐܢܐ ܣܓܕܬ
2.066:01 ܠܡܠܟܐ ܘܐܡܪܬ܂ ܡܪܝ ܡܠܟܐ܂ ܟܠܡܕܡ ܕܨܒܐ
2.066:02 ܐܢܬ ܠܡܬܠ ܠܝ܂ ܗܒܝܗܝ ܠܝܒܘܣܡܟ ܡܣܟܝܢ ܟܢܬܝ܂
2.066:03 ܡܛܠ ܕܗܘ ܝܗܒ ܠܝ ܚܝ̈ܐ܂ ܘܠܝ ܡܪܝ ܡܠܟܐ ܦܩܘܕ
2.066:04 ܝܗܒܝܢ ܠܝ ܠܢܕܢ ܒܪܝ܂ ܕܐܠܦܝܘܗܝ ܝܘܠܦܢܐ ܐܚܪܢܐ܂
2.066:05 ܡܛܠ ܕܗܘ ܝܘܠܦܢܐ ܩܕܡܝܐ ܛܥܝܗܝ܂ ܘܦܩܕ ܡܠܟܐ
2.066:06 ܘܝܗܒܘܗܝ ܠܝ ܠܢܕܢ ܒܪܝ܂ ܘܐܡܪ ܠܝ ܡܠܟܐ܂ ܕܙܠ
2.066:07 ܐܚܝܩܪ܂ ܘܟܠ ܡܕܡ ܕܨܒܐ ܐܢܬ ܥܒܕ ܠܢܕܢ ܒܪܟ܂
2.066:08 ܘܐܢܫ ܦܓܪܗ ܡܢ ܐܝ̈ܕܝܟ ܠܐ ܢܫܘܙܒ܂ ܗܝܕܝܢ ܕܒܪܬ
2.066:09 ܠܢܕܢ ܒܪܝ܂ ܘܐܝܬܝܬܗ ܠܒܝܬܝ܂ ܘܐܣܪܬܗ ܒܫܝ̈ܫܠܬܐ
2.066:10 ܕܦܪܙܠܐ ܡܬܩܠ ܥܣܪܝܢ ܟܟܪ̈ܝܢ܂ ܘܐܪܡܝܬ ܐܢܝܢ
2.066:11 ܒܥܙܩ̈ܐ ܘܐܪܡܝܬ ܩܘ̈ܠܕܐ ܒܩܕܠܗ܂ ܘܡܚܝܬܗ ܥܠ
2.066:12 ܟܬܦܬ̈ܗ ܐܠܦ ܫܒ̈ܛܝܢ܂ ܘܥܠ ܡܬܢ̈ܬܗ ܐܠܦ ܘܚܕ܂
2.066:13 ܘܣܡܬܗ ܒܦܪܘܣܬܕܐ ܕܬܪܥܐ ܕܕܪܬܐ ܕܝܠܝ ܘܝܗܒܬ
2.066:14 ܠܗ ܠܚܡܐ ܒܡܬܩܠܐ ܘܡܝ̈ܐ ܒܡܬܩܠܐ܂ ܘܐܫܠܡܬܗ
2.066:15 ܠܢܒܘܐܝܠ ܛܠܝܐ ܕܝܠܝ ܕܢܛܪܝܘܗܝ ܘܐܡܪܬ ܠܗ ܠܛܠܝܝ܃
2.066:16 ܗܘܝܬ ܟܬܒ ܒܦܢܩܝܬܐ ܟܠܡܕܡ ܕܐܡܪ ܐܢܐ ܠܢܕܢ
2.066:17 ܒܪܝ܂ ܒܡܥܠܝ ܘܡܦܩܝ܂ ܘܥܢܝܬ ܘܐܡܪܬ ܠܗ ܠܢܕܢ
2.066:18 ܒܪܝ܂
2.066:19 ܒܪܝ ܡ݁ܢ ܕܠܐ ܫܡܥ ܡܢ ܐܕܢ̈ܘܗܝ܂ ܡܢ ܒܣܬܪ ܩܕܠܗ
2.066:20 ܡܫܡܥܝܢ ܠܗ܂
2.067:01 ܥܢܐ ܢܕܢ ܒܪܝ ܘܐܡܪ ܠܝ܂ ܠܡܢܐ ܐܬܚܡܬܬ
2.067:02 ܥܠ ܒܪܟ܂
2.067:03 ܥܢܝܬ ܘܐܡܪܬ ܠܗ܂ ܐܢܐ ܒܪܝ ܥܠ ܟܘܪܣܝܐ
2.067:04 ܕܐܝܩܪܐ ܐܘܬܒܬܟ܂ ܘܐܢܬ ܡܢ ܟܘܪܣܝ ܣܚܦܬܢܝ܂
2.067:05 ܘܠܝ ܟܐܢܘܬܝ ܫܘܙܒܬܢܝ܂ ܗܘܝܬ ܠܝ ܒܪܝ ܐܝܟ ܥܩܪܒܐ
2.067:06 ܕܡܚܝܐ ܠܫܘܥܐ܂ ܘܐܡܪ ܠܗ݀ ܥܠ ܠܒܐ ܫܠܝܐ
2.067:07 ܡܚܝܬܝ܂ ܘܡܚܬ ܠܡܚܛܐ܂ ܘܐܡܪܝܢ ܠܗ݀܂ ܡܚܝܬܝ
2.067:08 ܠܥܘܩܣܐ ܕܒܝܫ ܡܢ ܕܝܠܟܝ܂
2.067:09 ܗܘܝܬ ܠܝ ܒܪܝ ܐܝܟ ܥܙܐ ܕܩܝܡܐ ܗܘܬ ܥܠ ܐܘܓܐ
2.067:10 ܘܐܟܠܐ ܠܗ܂ ܘܐܡܪ ܠܗ ܐܘܓܐ܂ ܡܛܠ ܡܢܐ ܐܟܠܐ
2.067:11 ܐܢܬܝ ܠܝ܂ ܕܡܫܟܟܝ ܒܥܩܪܝ ܦܠܚܝܢ ܠܗ܂ ܐܡܪܐ ܠܗ
2.067:12 ܥܙܐ܂ ܐܟܠܬܟ ܒܚܝ̈ܝ ܘܒܡܘܬܝ ܡܢ ܥܩܪܟ ܢܥܩܪܘܢܟ܂
2.067:13 ܗܘܝܬ ܠܝ ܒܪܝ ܐܝܟ ܗܘ ܕܫܕܐ ܟܐܦܐ ܠܫܡܝܐ܂
2.067:14 ܘܠܫܡܝܐ ܠܐ ܡܛܬ܂ ܘܚܛܗܐ ܡܢ ܐܠܗܐ ܩܒܠ܂
2.067:15 ܗܘܝܬ ܠܝ ܒܪܝ ܐܝܟ ܗܘ ܕܚܙܐ ܠܚܒܪܗ ܕܪܥܠ ܡܢ
2.067:16 ܩܘܪܫܗ܂ ܘܫܩܠ ܓܪܒܐ ܕܡܝ̈ܐ ܘܪܡܐ ܥܠܘܗܝ܂
2.067:17 ܠܘܝ ܕܝܢ ܒܪܝ ܡܐ ܕܩܛܠܬܢܝ ܡܫܟܚ ܗܘܝܬ ܕܬܩܘܡ
2.067:18 ܒܕܘܟܬܝ܂ ܗܘܝܬ ܕܝܢ ܝܕܥ ܐܢܬ ܒܪܝ܂ ܕܐܠܘ ܢܪܒܐ

▼ later lines