← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60601: SyrAhiq 2

Click on a word for lexical analysis
Click on a red-colored coordinate for comments and/or translations of the line

▲ earlier lines

2.069:05 ܡܘܬܐ ܠܐ ܡܫܘܙܒ܂ ܘܠܩܠܗ ܚܒܪ̈ܘܗܝ ‍{‍ܡܛܒܥ‍}‍‍<‍ܡܛܒܚ‍>‍܂ ܗܘܝܬ
2.069:06 ܠܝ ܒܪܝ ܐܝܟ ܬܝܫܐ ܕܡܥܠ ܚܒܪ̈ܘܗܝ ܠܒܝܬ ܛܒܚ̈ܐ܂
2.069:07 ܘܗܘ ܠܢܦܫܗ ܠܐ ܡܫܘܙܒ܂
2.069:08 ܗܘܝܬ ܠܝ ܒܪܝ ܐܝܟ ܟܠܒܐ ܕܥܠ ܠܐܬܘܢܐ ܕܩܘ̈ܩܝܐ
2.069:09 ܕܢܫܚܢ܂ ܘܡܢ ܒܬܪ ܕܫܚܢ ܩܡ ܠܡܒܚ ܒܗܘܢ݁ ܗܘܝܬ
2.069:10 ܠܝ ܒܪܝ ܐܝܟ ܚܙܝܪܐ ܕܐܙܠ ܗܘܐ ܠܒܢ̈ܐ܂ ܘܟܕ ܚܙܐ
2.069:11 ܓܘܡܬܐ ܕܣܝܢܐ܂ ܢܚܬ ܣܚܐ ܒܗ݀܂ ܘܩܪܐ ܠܚܒܪ̈ܘܗܝ
2.069:12 ܕܬܘ ܣܚܘ܂
2.069:13 ܕܝܠܝ ܒܪܝ ܨܒܥܝ ܠܦܘܡܟ܂ ܘܕܝܠܟ ܨܒܥܟ ܠܥܝܢ̈ܝ܂
2.069:14 ܥܠ ܡ݁ܢ ܐܪܒܝܟ ܬܥܠܐ܂ ܕܥܝܢ̈ܝܟ ܥܠ ܚܙܘܪ̈ܐ ܚܝܪ̈ܢ݁
2.069:15 ܒܪܝ ܟܠܒܐ ܕܡܢ ܨܝܕܗ ܐܟܠ܂ ܡܢܬܐ ܕܕܐܒ̈ܐ ܢܗܘܐ܂
2.069:16 ܘܐܝܕܐ ܕܠܐ ܟܫܪܐ ܡܢ ܫܚܬܗ݀ ܬܬܦܣܩ܂ ܘܥܝܢܐ
2.069:17 ܕܠܐ ܚܙܝܐ ܒܗ݀܂ ܥܘܪܒܐ ܢܚܨܝܗ݀܂ ܡܢܐ ܛܒ ܥܒܕܬ
2.069:18 ܠܝ ܒܪܝ܂ ܕܐܬܕܟܪܬܟ ܘܐܬܬܢܝܚܬ ܒܟ ܢܦܫܝ܂
2.069:19 ܒܪܝ ܐܢ ܐܠܗ̈ܐ ܓܢܒܝܢ ܒܡ݁ܢ ܡܘܡܝܢ ܠܗܘܢ݁
2.069:20 ܘܐܪܝܐ ܕܓܢܒ ܐܪܥܐ ܐܝܟܢܐ ܝܬܒ ܐܟܠ ܠܗ݀܂ ܐܢܐ
2.069:21 ܒܪܝ ܐܦ̈ܝ ܡܠܟܐ ܚܘܝܬܟ܂ ܘܠܐܝܩܪܐ ܪܒܐ ܡܛܝܬܟ܂
2.069:22 ܘܐܢܬ ܨܒܝܬ ܠܡܒܐܫܘ ܠܝ܂
2.070:01 ܗܘܝܬ ܠܝ ܒܪܝ ܐܝܟ ܐܝܠܢܐ ܕܐܡܪ ܠܦܣܘܩ̈ܘܗܝ܂
2.070:02 ܕܐܠܘ ܠܐ ܡܢܝ ܒܐܝܕܝ̈ܟܘܢ ܥܠܝ ܠܐ ܢܦܠܬܘܢ܂
2.070:03 ܗܘܝܬ ܠܝ ܒܪܝ ܐܝܟ ܒܢ̈ܝ ܣܢܘܢܝܬܐ ܕܢܦܠܘ ܡܢ ܩܢܗܘܢ݁
2.070:04 ܘܩܒܠܬ ܐܢܘܢ ܟܟܘܫܬܐ ܘܐܡܪܬ ܠܗܘܢ݁ ܕܐܠܘ ܠܐ
2.070:05 ܐܢܐ ܒܝܫܬܐ ܪܒܬܐ ܗܘܝܐ ܗܘܬ ܠܟܘܢ݁ ܥܢܘ ܘܐܡܪܝܢ
2.070:06 ܠܗ݀܂ ܥܠ ܗܕܐ ܣܡܬܝܢܢ ܒܦܘܡܟܝ܂ ܗܘܝܬ ܠܝ ܒܪܝ ܐܝܟ
2.070:07 ܗܝ ܟܟܘܫܬܐ ܕܐܡܪܝܢ ܠܗ݀܂ ܫܒܘܩܝ ܓܘܢܒܟܝ ܘܬܗܘܐ
2.070:08 ܥܐܠܐ ܐܢܬܝ ܘܢܦܩܐ ܠܒܝܬ ܡܠܟܐ ܐܝܟ ܕܨܒܝܐ
2.070:09 ܢܦܫܟܝ܂ ܘܥܢܬ ܘܐܡܪܬ ܠܗܘܢ݁ ܐܠܐ ܢܗܘܘܢ ܠܝ
2.070:10 ܥܝܢ̈ܐ ܕܣܐܡܐ ܘܐܕܢ̈ܐ ܕܣܐܡܐ܂ ܐܢܐ ܓܘܢܒܝ ܠܐ
2.070:11 ܫܒܩܐ ܐܢܐ܂
2.070:12 ܗܘܝܬ ܠܝ ܒܪܝ ܐܝܟ ܚܘܝܐ ܕܪܟܝܒ ܗܘܐ ܥܠ ܣܢܝܐ
2.070:13 ܘܫܕܐ ܒܢܗܪܐ܂ ܘܚܙܐ ܐܢܘܢ ܕܐܒܐ ܘܐܡܪ ܠܗܘܢ݁
2.070:14 ܕܒܝܫ ܥܠ ܕܒܝܫ ܪܟܝܒ܂ ܘܕܒܝܫ ܡܢ ܬܪ̈ܝܗܘܢ ܡܕܒܪ
2.070:15 ܠܗܘܢ݁ ܐܡܪ ܠܗ ܚܘܝܐ܂ ܐܠܘ ܐܬܝܬ ܠܗܪܟܐ ܥܒܕ
2.070:16 ܗܘܝܬ ܚܘܫܒܢܐ ܕܥܙ̈ܐ ܘܕܒܢܝ̈ܗܝܢ܂
2.070:17 ܐܢܐ ܒܪܝ ܚܙܝܬ ܥܙܐ ܕܐܥܠܘܗ݀ ܠܒܝܬ ܛܒܚ̈ܐ܂
2.070:18 ܘܥܠ ܕܙܒܢܗ݀ ܠܐ ܡܛܝ ܗܘܐ܂ ܗܦܟܬ ܠܕܘܟܬܗ݀܂ ܘܚܙܬ
2.070:19 ܒܢܝܗ݀ ܘܒܢ̈ܝ ܒܢ̈ܝܗ݀܂
2.070:20 ܒܪܝ ܐܢܐ ܚܙܝܬ ܥܝ̈ܠܐ ܕܗܘܘ ܩܛܘ̈ܠܐ ܠܐܡܗܬܗܘܢ݁
2.070:21 ܒܪܝ ܐܢܐ ܟܠܡܕܡ ܕܒܣܝܡ ܐܘܟܠܬܟ ܘܐܢܬ ܒܪܝ
2.070:22 ܠܚܡܐ ܒܥܦܪܐ ܐܘܟܠܬܢܝ܂ ܘܠܐ ܣܒܥܬ
2.071:01 ܐܢܐ ܒܪܝ ܡܫܚ̈ܢܐ ܡܒܣ̈ܡܐ ܡܫܚܬܟ܂ ܘܐܢܬ
2.071:02 ܒܪܝ ܓܘܫܡܝ ܒܥܦܪܐ ܚܒܠܬܝܗܝ܂
2.071:03 ܐܢܐ ܒܪܝ ܪܒܝܬ ܩܘܡܬܟ ܐܝܟ ܐܪܙܐ܂ ܟܦܦܬܢܝ
2.071:04 ܒܚܝ̈ܝ ܘܐܪܘܝܬܢܝ ܐܢܬ ܒܒܝܫܬܟ܂
2.071:05 ܒܪܝ ܐܢܐ ܐܘܪܒܬܟ ܐܝܟ ܡܓܕܠܐ ܘܐܡܪ ܗܘܝܬ܂
2.071:06 ܕܐܢ ܐܬܐ ܥܠܝ ܒܥܠܕܒܒܝ ܐܣܩ ܘܐܥܡܪ ܒܟ܂
2.071:07 ܘܐܢܬ ܟܕ ܚܙܝܬ ܒܥܠܕܒܒܝ ܐܪܟܢܬ ܩܕܡܘܗܝ܂
2.071:08 ܗܘܝܬ ܠܝ ܒܪܝ ܐܝܟ ܚܘܠܕܐ ܕܣܠܩ ‍{‍ܡ‍}‍ܡܢ ܓܘ ܐܪܥܐ܂
2.071:09 ܕܢܩܒܠ ܠܫܡܫܐ܂ ܥܠ ܕܠܝܬ ܠܗ ܥܝܢ̈ܐ܂ ܘܚܙܝܗܝ
2.071:10 ܢܫܪܐ ܘܡܚܝܗܝ ܘܚܛܦܗ܂
2.071:11 ܥܢܐ ܢܕܢ ܒܪܝ ܘܐܡܪ ܠܝ܂ ܚܣ ܠܟ ܡܢ ܗܠܝܢ ܐܒܝ

▼ later lines