The Comprehensive Aramaic Lexicon

3.150:04	ܠܡܠܟܐ ܘܐܡ݁ܪܬ܂ ܠܥܠ‍[‍ܡ‍]‍ ܬܗܘܐ ܡܠܟܘܬܟ܂ ܐܢܬ ܝ݁ܕܥ ܐܢܬ
3.150:05	ܕܦܠܚ‍[‍ܬ‍]‍ ܣܓܝ ܩܕܡܝܟ ܘܩܕܡ ܐܒܘܟ܂ ܐܦ ܐܢܬ ܐܓܪ ܪܘܚܟ
3.150:06	ܥܡ ܒܪܝ܂ ܕܥܦܝܦܐܝܬ ܬܫܬܟ‍[‍ܚ‍]‍ ܛܝܒܘܬܟ ‍[‍ܕ‍]‍ܠܘܬܝ܂ ܘܗ݂ܘ
3.150:07	ܡܠܟܐ ܝܡܝܢܐ ܝܗ݂ܒ ܠܝ ܘܐܫܬܘܕܝ ܟܠ ܕܫܦܝܪ܂ ܗܝܕܝܢ ܐܢܐ
3.150:08	ܠܐ ܫܠܐ ܗ݀ܘܝܐ ܠܐ ܠܠܝܐ ܘܠܐ ܐܝܡܡܐ ܡܢ ܠܡܠܦܘ ܠܒܪܝ
3.150:09	ܢܕܢ܂ ܥܕܡܐ ܕܣܒܥܬܗ ܝܘܠܦܢܐ ܣܓܝ ܡܢ ܠܚܡܐ ܘܡܢ ܡܝ̈ܐ܂
3.150:10	ܘܗܟܢܐ ܐܡ݁ܪ ܗ݀ܘܝܐ ܠܗ܂ ܫܡܥ ܒܪܝ ܘܬܐ ܠܬܪܥܝܬܝ܂ ܘܬܗ݂ܘܐ
3.150:11	ܥܗ݀ܕ ܠܡܠ̈ܝ ܐܝܟ ܡܐܡܪ ܐܠܗ̈ܝܢ܂
3.150:12	ܝܘܠܦܢܐ ܕܐܠܦ ܠܢܕܢ܂
3.150:13	ܒܪܝ ܐܢ ܬܫ݂ܡܥ ܡܠܬܐ ܬܡܘܬܝܗ݀ ܒܠܒܟ ܘܠܐܢܫ ܠܐ
3.150:14	ܬܓܠܝܗ݀܂ ܕܠܡܐ ܬܗܘܐ ܓܡܘܪܐ ܒܦܘܡܟ ܘܬܟܘܝܟ ܘܡܘܡܐ
3.150:15	ܬܣܝ݂ܡ ܒܓܘܫܡܟ܂ ܘܥܠ ܐܠܗܐ ܬܬܪܥܡ܀ ܒܪܝ ܟܠ ܕܚܙ݁ܐ
3.150:16	ܐܢܬ ܠܐ ܬܓܠܐ܂ ܘܟܠ ܕܫܡܥ ܐܢܬ ܠܐ ܬܐܡܪ܀ ܒܪܝ ܐܣܪܐ ܕܚܬܝܡ
3.150:17	ܠܐ ܬܫܪܐ܂ ܕܫ݂ܪܐ ܠܐ ܬܚܬܘܡ܀ ܒܪܝ ܡ̈ܠܐ ܕܠܐ ܕܝܠܟ܂ ܠܐ ܢܡ̈ܠܠܢ
3.150:18	ܣ̈ܦܘܬܟ܀ ܒܪܝ ܠܫܘܦܪܐ ܠܐ ܬܬܪܓܪܓ܂ ܡܛܠ ܕܫܘܦܪܐ ܒܠܐ
3.150:19	ܘܥ݁ܒܪ ܘܫܡܐ ܛܒܐ ܡܩܘܐ ܘܡܟܬܪ܀ ܒܪܝ ܠܐ ܬܫܕܠܟ ܐܢܬܬܐ
3.150:20	ܙܠܝܠܬܐ ܒܡܠ̈ܝܗ݀܂ ܡܛܠ ܕܡܢ ܡܠ̈ܝܗ݀ ܢܒܥܝܢ ܣܡܐ
3.150:21	ܘܡܘܬܐ܂ ܘܒܡܨܝܕܬܐ ܬܬܦܪܟܠ܂ ܘܒܦܚܐ ܬܬܨܝܕ܀ ܒܪܝ ܐܢ ܚܙ݁ܐ
3.150:22	ܐܢܬܬܐ ܕܡܨܒܬܬܐ ܘܒܡܫ̈ܚܢܐ ܡܕܗܢܐ܂ ܘܒܗܪܘܡܐ ܡܥܛܪܐ ܘܡܙܠܠܐ
3.150:23	ܒܢܦܫܗ݀܂ ܠܐ ܬܐܪܓܝܗ݀ ܒܠܒܟ܂ ܡܛܠ ܕܐܢ ܬܬܠ ܠܗ݀ ܢܦܫܟ܂
3.150:24	ܡܕܡ ܫܪܝܪܐ ܐܘ ܕܫܦܝܪ ܒܗ݀ ܠܐ ܡܫܟܚ ܐܢܬ܂ ܐܠܐ ܐܢ
3.151:01	ܚܛܗܐ ܒܠܚܘܕ ܡܩܒܠ ܐܢܬ܂ ܘܠܐܠܗܐ ܡܪܓܙ ܐܢܬ܂ ܒܪܝ ܠܐ
3.151:02	ܬܗܘܐ ܙܠܝܠ ܐܝܟ ܠܘܙܐ ܕܠܘܩܕܡ ܡܦܪܥ ܘܠܚܪܬܐ ܐܒܗ
3.151:03	ܡܬܐܟܠ܂ ܐܠܐ ܗܘܝ ܪܡܝܣܐ ܘܚܟܝܡ ܐܝܟ ܬܘܬܐ܂ ܕܒܚܪܬܐ
3.151:04	ܡܦܪܥ ܘܒܩܕܡܐ ܐܒܗ ܡܬܐܟܠ܀ ܒܪܝ ܐܪܟܢ ܥܝ̈ܢܝܟ ܠܬܚܬ

3.151:05	ܘܐܡܟ ܩܠܟ ܘܗܘܝ ܡܛܟܣܐ ܘܠܐ ܙܠܝܠܐ ܘܠܐ ܬܪܝܡ ܩܠܟ

3.151:06	ܒܫܘܒܗܪܐ܂ ܡܛܠ ܕܐܠܘ ܒܩܠܐ ܪܡܐ ܡܬܒܢܐ ܗܘܐ ܒܝܬܐ ܚܡܪܐ
3.151:07	ܬܪ̈ܝܢ ܒ̈ܬܐ ܒܚܕ ܝܘܡܐ ܒ݁ܢܐ ܗܘܐ܂ ܘܐܠܘ ܒܚܝܠܐ ܬܩܝܦܐ
3.151:08	ܡܬܕܒܪܐ ܗܘܐ ܦܕܢܐ ܡܢ ܬܚܝܬ ܫܚ̈ܬܗ ܕܓܡܠܐ ܠܐ ܦܪܩܐ ܗܘܬ܀
3.151:09	ܒܪܝ ܬܒ ܠܡܥܪܓܠܘ ܟܐܦ̈ܐ ܥܡ ܓܒܪܐ ܚܟܝܡܐ ܛܒ ܡܢ
3.151:10	ܕܠܡܫܬܐ ܚܡܪܐ ܥܡ ܓܒܪܐ ܣܟܠܐ܂ ܒܪܝ ܐܫܘܕ ܚܡܪܟ ܥܠ
3.151:11	ܩܒܪܐ ܕܙܕܝܩ̈ܐ ܛܒ ܡܢ ܕܠܡܫܬܐ ܥܡ ܐܢܫ̈ܐ ܥܘ̈ܠܐ܀ ܒܪܝ ܠܐ
3.151:12	ܬܩܛܘܪ ܪܐܙܐ ܥܡ ܐܢܫ̈ܐ ܣܟ̈ܠܐ ܡܛܠ ܕܠܐ ܡܫܟܚܝܢ
3.151:13	ܠܡܟܣܝܘܬܗ܀ ܒܪܝ ܐܢ ܩ݁ܢܐ ܐܢܬ ܪܚܡܐ ܒܢܣܝܢܐ ܩܢܝܘܗܝ܂
3.151:14	ܘܥܕ ܠܐ ‍[‍ܬ‍]‍ܒܩܐ ܠܐܢܫ ܠܐ ܬܫܟܚ܂ ܒܩ݂ܝ ܘܗܝܕܝܢ ‍[‍ܕ‍]‍ܢܝ܀ ܒܪܝ
3.151:15	ܥܡ ܚܟܝܡܐ ܠܐ ܬܣܪܘܚ ܡܠ̈ܝܟ܂ ܘܥܡ ܣܪܘܚܐ ܘܣܟܠܐ ܠܐ
3.151:16	ܬܬܚܟܡ܀ ܒܪܝ ܐܬܠܘܐ ܠܓܒܪܐ ܚܟ݂ܝܡܐ ܕܬܬܚܟܡ ܐܟܘܬܗ܂ ܘܠܐ
3.151:17	ܬܬܢܩܦ ܠܓܒܪܐ ܣܟܠܐ ܕܠܡܐ ܬܬܡܢܐ ܘܬܬܕܡܐ ܒܥܒܝܕܬܗ܀ ܒܪܝ
3.151:18	ܥܕ ܐܝܬ ܡܣ̈ܐܢܐ ܒܪ̈ܓܠܝܟ ܕܘܫ ܥܠ ܟܘ̈ܒܐ ܘܕܪܕܪ̈ܐ ܘܥ݂ܒܕ
3.151:19	ܐܘܪܚܐ ܠܒܢ̈ܝܟ ܘܠܒܢ̈ܝ ܒܢ̈ܝܟ܀ ܒܪܝ ܐܟܠ ܥܬܝܪܐ ܚܘܝܐ
3.151:20	ܐܡ݁ܪܝܢ ܠܐܣܝܘܬܐ ܒܠܗ܂ ܘܐܟܠ ܡܣܟ‍{‍ܫ‍}‍‍<‍ܝ‍>‍ܢܐ ܘܐܡܪܝܢ ܡܢ ܟܦܢܗ
3.151:21	ܐܟܠܗ܀ ܒܪܝ ܐܟ݂ܘܠ ܡܢܬܟ ܒܠܚܘܕ܂ ܘܠܗ݀ܝ ܕܚܒܪܟ ܠܐ
3.151:22	ܬܣܬܪܗܒ܀ ܒܪܝ ܒܛܒ̈ܬܐ ܕܣܢܐܟ ܠܐ ܬܚ݂ܣܡ ܘܒܒܝ̈ܫܬܗ ܠܐ
3.151:23	ܬܚܕܐ܀ ܒܪܝ ܥܡ ܐܢܬܬܐ ܦܟܢܝܬܐ ܠܐ ܬܡܠܠ ܣܟ܂
3.151:24	ܘܠܐܝܕܐ ܕܪܡ ܩܠܗ݀ ܠܐ ܬܬܩܪܒ܀ ܒܪܝ ܒܬܪ ܫܘܦܪܐ ܕܐܢܬܬܐ ܠܐ
3.151:25	ܬܐܙܠ܂ ܘܒܫܘܦ‍[‍ܪܐ‍]‍ ܕܐܢܬܬܐ ܠܐ ܬܛܥܐ܂ ܫܘܦܪܐ ܕܐܢܬܬܐ ܐܝ‍[‍ܬܘܗܝ
3.151:26	ܡܛܟܣܘܬܗ ܘܡܠܬ ܦܘܡܗ݀ ܘܛܥܡ‍[‍ܬܗ݀‍]‍܂ ܒܪܝ ܫܘܦܪܐ ܕܐܢܬܬܐ
3.152:01	ܣܪܝܬ ܛܥܡ‍[‍ܬܐ‍]‍ ܘܡܠܠܬ܂ ܐܝܟ ܩܕܫܐ ‍[‍ܕ‍]‍ܕܗܒܐ ܒܐܕܢܗ ܕܚܙܝܪܐ
3.152:02	ܗܟܢܐ ܐܝܬܘܗܝ ܫܘܦܪܐ ܕܐܢܬܬܐ܀ ܒܪܝ ܐܢ ܐܪܥ ܠܟ ܣܢܐܟ
3.152:03	ܒܒܝܫ ܐܢܬ ܐܪܥܝܗܝ ܒܛܒ ܘܒܚܟܡܬܐ ܡܠܠ ܥܡܗ܀ ܒܪܝ
3.152:04	ܢܦ݁ܠ ܚܟܝܡܐ ܘܩ݁ܐܡ܂ ܘܣܟܠܐ ܟܠܝܘܡ ܡܬܬܩܠ܀ ܒܪܝ ܒܪܟ