The Comprehensive Aramaic Lexicon

4.292:15	ܐܠܐ ܟܢܫ ܠܗ ܐܢܫܐ ܒܝ̈ܫܐ ܘܐܣ̈ܘܛܐ܂ ܘܫܪܝܘ ܐܟܠܝܢ ܘܫܬܝܢ
4.292:16	ܘܪܩܕܝܢ ܘܙܡܪܝܢ܂
4.292:17	‍[‍3‍]‍ ܘܫܪܝ ܢܕܢ ܐܚܕ ܐܡ̈ܗܬܝ ܘܡܥܪܛܠ ܠܗܝܢ܂ ܘܬܒܥ
4.292:18	ܡܢܗܝܢ ܒܝܫ̈ܬܐ܂ ܥܕܡܐ ܠܒܪܬ ܙܘܓܐ ܕܪܒܝܬܗ ܐܝܟ
4.292:19	ܝܠܕܗ݀ ܠܐ ܒܗܬ ܡܢܗ݀ ܐܠܐ ܨܒ݂ܐ ܕܢܦܪܣܝܗ݀ ܘܢܕܡܟ ܥܡܗ݀܂
4.292:20	‍[‍XV‍]‍ ‍[‍1‍]‍ ܐܢܐ ܐܚܝܩܪ ܡܢ ܬܚܝܬ ܐܪܥܐ ܫܡܥܬ ܩܠ
4.292:21	ܓܥܬܗܘܢ ܕܒܢ̈ܝ ܒܝܬܐ ܡܢ ܩܕܡ ܢܕܢ ܒܪܝ܂
4.292:22	‍[‍2‍]‍ ܘܫܪܝܬ ܠܡܨܠܝܘ ܩܕܡ ܐܠܗܐ ܘܠܡܬܟܫܦܘ ܡܛܠܬܗܘܢ܂
4.292:23	‍[‍3‍]‍ ܘܫܡܥ ܐܠܗܐ ܬܢܚ̈ܬܝ ܡܢ ܥܘܡܩ̈ܝܗ݀ ܕܐܪܥܐ܂ ܘܫܕܪ
4.292:24	ܒܬܪ ܩܠܝܠ ܝܘܡ̈ܬܐ ܠܝܒܘܣܡܝܟܝܢܟܬܝ ܠܘܬܝ ܘܒܝܐܢܝ
4.292:25	ܘܡܠܐ ܒܠܒܝ܂ ܘܐܝܬܝ ܠܝ ܠܚܡܐ ܘܡܝ̈ܐ܂ ܘܟܕ ܒ݁ܥܐ ܠܡܐܙܠ
4.292:26	ܐܦܝܣܬܗ ܕܢܨܠܐ ܠܐܠܗܐ ܕܢܦܪܩܘܢܝ ܡܢ ܕܘܟܬܐ ܗܕܐ܂
4.293:01	‍[‍4‍]‍ ܘܨܠܝ ܘܐܡܪ܂ ܐܘ ܐܠܗܐ ܡܪܚܡܢܐ ܘܡܫܒܚܐ܂ ܐܬܕܟܪ
4.293:02	ܠܐܚܝܩܪ ܕܡܣܒܪ ܒܟ ܘܦܨܝܗܝ ܡܢ ܗܢܐ ܚܒܘܫܝܐ܂
4.293:03	‍[‍XVI‍]‍ ‍[‍1‍]‍ ܟܕ ܕܝܢ ܫܡܥ ܦܪܥܘܢ ܕܐܬܩܛܠ ܐܚܝܩܪ ܚܟܝܡܐ
4.293:04	ܚܕܝ ܚܕܘܬܐ ܪܒܬܐ܂ ܘܟܬܒ ܐܓܪܬܐ ܘܫܕܪ ܘܐܡܪ܂
4.293:05	‍[‍2‍]‍ ܡܢ ܦܪܥܘܢ ܡܠܟܐ ܕܡܨܪܝܢ ܠܣܪܚܕܘܡ ܡܠܟܐ ܕܐܬܘܪ
4.293:06	ܘܢܝܢܘܐ܂ ܫܠܡܐ ܘܢܝܚܐ܂
4.293:07	‍[‍3‍]‍ ܗܘܝܬ ܝ݁ܕܥ ܐܘ ܡܠܟܐ ܕܐܬܪܓܪ‍<‍ܓ‍>‍ܬ ܕܐܒܢܐ ܠܝ ܒܝܪܬܐ ܒܝܬ
4.293:08	ܫܡܝܐ ܠܐܪܥܐ ܘܨܒ݁ܐ ܐܢܐ ܓܝܪ ܕܬܫܕܪ ܠܝ ܡܢ ܨܐܕܝܟ ܓܒܪܐ
4.293:09	ܒܢܝܐ ܕܢܒܢܝܗ݀ ܐܟܡܐ ܕܨܒ݁ܐ ܐܢܐ܂ ܘܕܢܕܥ ܢܓܝܒܢܝ ܥܠ ܟܠ
4.293:10	ܫܘܐܠܐ ܕܐܫܐܠܝܘܗܝ܂
4.293:11	‍[‍4‍]‍ ܘܐܢ ܬܫܟܚ ܬܫܕܪ ܠܝ ܓܒܪܐ ܗܟܢܐ܂ ܫܩܠܐ ܕܡܨܪܝܢ
4.293:12	ܘܟܠܗܘܢ ܐܬܪ̈ܘܬܗ݀ ܕܬܠܬ ܫܢ̈ܝܢ ܡܫܕܪ ܐܢܐ ܠܟ܂ ܘܐܢ ܠܐ ܬܫܟܚ
4.293:13	ܗܟܢ ܓܒܪܐ܂ ܫܕܪ ܥܡ ܐܝܙܓܕܐ ܕܠܘܬܟ ܫܩܠܐ ܕܬܠܬ ܫܢ̈ܝܢ
4.293:14	ܕܐܬܘܪ ܘܢܝܢܘܐ܀
4.293:15	‍[‍XVII‍]‍ ‍[‍1‍]‍ ܟܕ ܕܝܢ ܩܪܐ ܡܠܟܐ ܣܪܚܕܘܡ ܐܓܪܬܐ ܗܕܐ ܟܢܫ
4.293:16	ܠܟܠܗܘܢ ܚܐܪ̈ܐ ܘܚܟܝ̈ܡܐ ܘܦܝ̈ܠܣܘܦܐ ܘܚܪ̈ܫܐ ܘܟܠ̈ܕܝܐ ܘܐܡܪ
4.293:17	ܠܗܘܢ܂ ܡܢܘ ܡܢܟܘܢ ܡܫܟܚ ܕܢܐܙܠ ܘܢܓܝܒ ܠܦܪܥܘܢ ܡܠܟܐ܃
4.293:18	‍[‍2‍]‍ ܘܥܢܘ ܘܐܡܪܘ ܠܡܠܟܐ ܣܪܚܕܘܡ܂ ܒܫܪܪܐ ܢܕܥ
4.293:19	ܡܪܢ ܡܠܟܐ ܕܗܠܝܢ ܫܘ̈ܐܠܐ ܘܣ̈ܥܝܐ ܕܐܚܝܩܪ ܚܟܝܡܐ ܐܝܬܝܗܘܢ܂
4.293:20	ܚܙܝ ܡܢܘ ܕܩ݁ܐܡ ܒܕܘܟܬܗ ܩܪܝܘܗܝ ܫܐܠܝܗܝ܂
4.293:21	‍[‍XVIII‍]‍ ‍[‍1‍]‍ ܗܝܕܝܢ ܩܪܐ ܡܠܟܐ ܠܢܕܢ ܘܐܘܫܛܗ ܠܐܓܪܬܐ ܗ݀ܝ܂
4.293:22	ܘܥ݂ܢܐ ܢܕܢ ܘܐܡ݂ܪ ܠܣܪܚܕܘܡ܂ ܐܘ ܡܪܝ ܡܠܟܐ ܡܛܥܐ ܛܥܐ
4.293:23	ܡܠܟܐ ܦܪܥܘܢ܂ ܡܢܘ ܡܨܐ ܠܡܒܢܐ ܒܢܝܢܐ ܒܝܬ ܐܪܥܐ ܠܫܡܝܐ܂
4.293:24	ܐܦܠܐ ܐܠܗ̈ܐ ܡܨܝܢ܂ ܟܒܪ ܫܓܡ‍<‍ܐ ‍>‍ܗܝ ܗ݀ܝ ܕܟܬܘܒܐ܂
4.293:25	‍[‍2‍]‍ ܘܟܕ ܫܡܥ ܡܠܟܐ ܡܠ̈ܝ ܢܕܢ ܚܫ ܣܓܝ܂ ܘܢܚܬ ܡܢ
4.293:26	ܟܘܪܣܝܗ ܘܝܬܒ ܥܠ ܩܛܡܐ ܘܐܡܪ܂
4.294:01	‍[‍3‍]‍ ܚܒܠܝܟ ܐܚܝܩܪ ܚܟܝܡܐ ܘܝ݁ܕܥ ܟܣܝ̈ܬܐ܂ ܡܢܘ ܢܣܒܪܢܝ
4.294:02	ܘܢܐܡܪ ܠܝ ܕܗܐ ܐܚܝܩܪ ܒܚܝ̈ܐ܂ ܝܗ݀ܒ ܗܘ݁ܝܬ ܠܡܣܒܪܢܐ܂
4.294:03	ܦܠܓܗ ܕܟܠܗ݀ ܡܠܟܘܬܝ܂
4.294:04	‍[‍XIX‍]‍ ‍[‍1‍]‍ ܗܝܕܝܢ ܫܡܥ ܝܒܘܣܡܝܟܡܣܟܝܢܬܝ ܩܠ
4.294:05	ܡܡܠܠܗ ܕܡܠܟܐ ܘܩܪܒ ܩܕܡܘܗܝ ܘܣܓܕ ܠܗ ܘܐܡܪ܂ ܡܪܝ
4.294:06	ܡܠܟܐ ܠܥܠܡ ܚܝܝ܂ ܗܐ ܗܟܝܠ ܐܚܝܩܪ ܒܚܝ̈ܐ ܬܚܝܬ
4.294:07	ܐܪܥܐ܂ ܠܐ ܬܒܟܐ܂ ܦܩܘܕ ܘܢܐܬܐ ܩܕܡܝܟ܂
4.294:08	‍[‍2‍]‍ ܟܕ ܕܝܢ ܫܡܥ ܡܠܟܐ ܩܡ ܒܥܓܠ ܡܢ ܩܛܡܐ ܘܣܠܩ
4.294:09	ܥܠ ܟܘܪܣܝܐ܂ ܘܦܩܕ ܠܡܝܬܝܘܬܗ ܠܐܚܝܩܪ ܡܢ ܟܪ ܕܐܝܬܘܗܝ܂
4.356:01	‍[‍XX‍]‍ ‍[‍1‍]‍ ܐܙܠ ܝܒܘܣܡܝܟ ܘܐܦܩܗ ܡܢ ܬܚܝܬ ܐܪܥܐ
4.356:02	ܘܐܩܝܡܗ ܩܕܡ ܡܠܟܐ ܡܢ ܒܬܪ ܕܣܓܕܘ ܬܪܝܗܘܢ܂
4.356:03	‍[‍XXI‍]‍ ‍[‍2‍]‍ ܗܝܕܝܢ ܟܕ ܐܬܒܩܝ ܒܐܚܝܩܪ ܡܠܟܐ ܣܪܚܕܘܡ ܘܚܙܐ
4.356:04	ܕܐܫܬܚܠܦ ܨܘܪܬܟ ܘܐܬܒܠܒܠ ܟܠܗ ܓܘܫܡܗ܂ ܗܝܕܝܢ ܟܕ