The Comprehensive Aramaic Lexicon

4.278:07	ܐܠܗܐ ܚܝܠܬܢܐ܂ ܐܢ ܬܬܠ ܠܝ ܒܪܐ ܠܢܕܢ ܒܪ ܚܬܝ ܟܕ
4.278:08	ܢܪܡܐ ܥܦܪܐ ܥܠܝ ܒܬܪ ܡܘܬܝ ܘܢܥܡܨ ܠܝ ܥܝ̈ܢܝ܂ ܢܐܪܬܢܝ
4.278:09	ܐܘ ܠܐ܂ ܘܡܕܡ ܡܢ ܗܠܝܢ ܦܬܓܡ̈ܐ ܠܐ ܦܢܝ ܠܝ܂
4.278:10	‍[‍II‍]‍ ‍[‍1‍]‍ ܗܝܕܝܢ ܢܣܒܬ ܠܝ ܠܢܕܢ ܒܪ ܚܬܝ ܘܗܘܐ
4.278:11	ܠܝ ܒܪܐ܂ ܐܝܢܐ ܕܡ݂ܢ ܬܪܒܝܬܗ ܟܠܡܕܡ ܕܐܠܦܝܘܗܝ ܢܩܒܠ܂
4.278:12	ܡܛܠ ܕܛܠܐ ܗ݂ܘܐ ܐܫܠܡܬܗ ܒܐܝ̈ܕܝ ܡܝܢ̈ܩܬܐ
4.278:13	ܕܢܪܒܝܢܝܗܝ܂ ܘܒܕܒܫܐ ܘܚܐܘܬܐ ܐܬܬܪܣܝ܂ ܘܠܒܘ̈ܫܝ ܒܘܨܐ
4.278:14	ܘܐܪ̈ܓܘܢܐ ܐܬܟܣܝ܂ ܘܥܠ ܡܝ̈ܠܬܐ ܕܟܠ ܓܢܣ ܐܬܪܒܝ܂
4.278:15	‍[‍2‍]‍ ܘܪܒܐ ܒܪܝ ܢܕܢ ܘܫܪܝ ܠܡܠܦܘܬܗ ܣܦܪܐ ܕܚܟܡܬܐ ܕܠܐ ܫܠܘܐ܂
4.278:17	‍[‍3‍]‍ ܫܘܐܠܐ ܕܡܠܟܐ ܣܪܚܕܘܡ܂ ܘܟܕ ܐܬܐ ܡܠܟܐ ܡܢ ܐܝܟܐ
4.278:18	ܕܐܙ݂ܠ ܗܘܐ܂ ܐܡܪ ܠܝ ܐܘ ܐܚܝܩܪ ܣܦܪܐ ܘܚܟܝܡܐ ܘܒܥܠ
4.278:19	ܬܪܥܝܬܐ ܕܝܠܝ܂ ܟܕ ܬܣܐܒ ܘܬܡܘܬ ܡ݁ܢ ܢܠܦܢܝ ܚܟܡܬܐ܂
4.278:20	‍[‍4‍]‍ ܦܘܢܝܗ ܕܐܚܝܩܪ ܠܡܠܟܐ܂ ܗܝܕܝܢ ܥܢܝܬ ܘܐܡܪܬ
4.278:21	ܠܡܠܟܐ܂ ܡܪܝ ܡܠܟܐ ܠܥܠܡ ܚܝܝ܂ ܐܝܬ ܠܝ ܒܪܐ ܕܐܟܘܬܝ
4.278:22	ܚܟܝܡ܂ ܘܣܦܪܐ ܕܝܠܝ ܗܘ ܝܕܥ܂ ܗܝܕܝܢ ܐܡܪ ܠܝ ܡܠܟܐ܂
4.278:23	ܐܝܬܝܗܝ ܠܝ ܕܐܚܙܝܘܗܝ܂ ܘܐܢ ܡܫܟܚ ܕܢܩܘܡ ܩܕܡܝ܂ ܗܘ
4.279:01	ܢܩܘܡ ܠܘܬܝ ܘܠܟ ܐܫܪܐ ܒܫܠܡܐ ܐܝܟܢܐ ܕܬܕܒܪ
4.279:02	ܣܝܒܘܬܟ ܟܠܗܘܢ ܝܘ̈ܡܬܐ ܕܚܝ̈ܝܟ ܒܫܠܡܐ܂
4.279:03	‍[‍5‍]‍ ܟܢ ܐܝܬܝܬܗ ܠܢܕܢ ܒܪܝ ܠܘܬ ܡܠܟܐ ܣܪܚܕܘܡ
4.279:04	ܘܩܪܒܬܗ ܩܕܡܘܗܝ܂ ܘܟܕ ܚܙܝܗܝ ܡܠܟܐ ܚܕܝ ܒܗ܂ ܘܐܡܪ
4.279:05	ܝܘܡܢܐ ܩܡܬ ܠܐܚܝܩܪ ܩܪܢܐ ܕܦܘܪܩܢܐ ܘܐܬܒܝܐ ܒ݂ܛܠܝܐ ܗܢܐ܂
4.279:06	ܡܪܝܐ ܢܢܛܪܟ ܒܪܝ܂ ܐܟܡܐ ܕܪܗܛ ܐܚܝܩܪ ܩܕܡܝ ܘܩܕܡ
4.279:07	ܣܢܚܪܝܒ ܐܒܝ ܘܐܬܦܪܥ܂ ܒܗ ܒܙܢܐ ܢܕܢ ܒܪܗ ܩܕܡܝ܂ ܐܚܝܩܪ
4.279:08	ܕܝܢ ܗܫܐ ܢܦܘܫ ܒܚܝܘ̈ܝ ܠܢܝܚܐ ܒܒܝܬܗ܂
4.279:09	‍[‍6‍]‍ ܘܗܝܕܝܢ ܐܢܐ ܣܓܕܬ ܠܡܠܟܐ ܘܐܡܪܬ܂ ܡܪܝ ܡܠܟܐ
4.279:10	ܠܥܠܡ ܚܝܝ܂ ܐܝܟܢܐ ܕܝ݁ܕܥ ܐܢܬ ܕܪܗܛܬ ܩܕܡܝܟ ܘܩܕܡ ܐܒܘܟ
4.279:11	ܐܦ ܐܢܬ ܐܓܪ ܪܘܚܟ ܥܠ ܛܠܝܘܬܗ ܕܒܪܝ܂ ܕܥܦܝܦܐܝܬ ܬܫܬܟܚ
4.279:12	ܛܝܒܘܬܟ ܠܘܬܝ ܐܘ ܡܪܝ ܡܠܟܐ܂
4.279:13	‍[‍7‍]‍ ܗܝܕܝܢ ܡܠܟܐ ܣܪܚܕܘܡ ܥܠ ܗܕܐ ܝܗܒ ܠܗ
4.279:14	ܝܡܝܢܐ܂ ܘܝܡܐ ܠܐܚܝܩܪ܂ ܡܛܠ ܢܕܢ ܒܪܗ܂ ܕܢܗܘܐ ܠܘܬܗ
4.279:15	ܒܐܝܩܪܐ ܐܟܘܬܗ ܘܕܢܦܪܥܝܘܗܝ ܒܛܒ̈ܬܐ ܐܡܝܢܐܝܬ܂
4.279:16	ܟܢ ܐܢܐ ܐܚܝܩܪ ܢܫܩܬ ܦܣܬ ܪ̈ܓܠܝ ܡܠܟܐ܂ ܘܫܩܠܬ
4.279:17	ܠܢܕܢ ܒܪܝ ܘܗܦܟܬ ܠܒܝܬܐ܂ ܟܕ ܠܐ ܫܠܝܬ ܡܢ ܝܘܠܦܢܐ
4.279:18	ܕܡܠܦ ܗܘܝܬ ܠܗ ܠܒܪܝ ܕܣܒܥܬܗ ܠܢܕܢ ܝܘܠܦܢܐ ܐܝܟ
4.279:19	ܠܚܡܐ ܘܡ̈ܝܐ܂ ܘܗܟܢܐ ܐܡ݁ܪ ܗ݀ܘܝܬ ܠܗ ܡܠ̈ܝ ܚܟܡܬܐ܂
4.279:20	‍[‍III‍]‍ ܡ̈ܬܠܐ ܕܐܠܦ ܐܚܝܩܪ܂
4.279:21	‍[‍1‍]‍ ܫܡܥ ܒܪܝ ܡ̈ܠܝ ܘܨܘܬ ܐܢܝܢ܂
4.280:01	‍[‍2‍]‍ ܘܢ̈ܗܘܝܢ ܒܠܒܟ ܘܠܐܢܫ ܠܐ ܬܓܠܝܗ݀ ܠܡܠܬܝ܂ ܕܠܡܐ
4.280:02	ܬܗܘܐ ܓܡܘܪܬܐ ܒܦܘܡܟ ܘܬܟܘܟ܂ ܘܡܘܡܐ ܬܥܒܕ ܒܠܫܢܟ ܘܥܠ
4.280:03	ܐܠܗܐ ܬܬܪܥܡ܀
4.280:04	‍[‍3‍]‍ ܒܪܝ ܢܕܢ ܒܟܠ ܕܡܪܓܫ ܐܢܬ ܠܐ ܬܐܡܪ ܘܟܠ ܕܚܙ݁ܐ
4.280:05	ܐܢܬ ܠܐ ܬܓܠܐ܂
4.280:06	‍[‍4‍]‍ ܒܪܝ ܐܣܪܐ ܕܚܬܝܡ ܠܐ ܬܫܪܐ ܘܐܦ ܕܫܪܐ ܠܐ ܬܚܬܘܡ܀
4.280:07	‍[‍5‍]‍ ܒܪܝ ܡ̈ܠܐ ܕܠܐ ܕܝܠܟ ܣܦܘ̈ܬܟ ܠܐ ܢܒ̈ܥܢ܀
4.280:08	‍[‍6‍]‍ ܐܢ ܬܬܪܝܡ ܘܬܚܙܐ ܐܢܬܬܐ ܕܡܫܝܚܐ ܠܐ ܬܪܓܝܗ݀܂ ܡܛܠ
4.280:09	ܕܐܢ ܬܬܠ ܠܗ݀ ܟܠܡܕܡ ܕܩܢܐ ܐܢܬ܂ ܡܕܡ ܕܝܘܬܪܢ ܠܐ
4.280:10	ܬܫܟܚ ܒܗ݀܂ ܘܬܚܛܐ ܠܐܠܗܟ ܚܛܝܬܐ ܪܒܬܐ܀
4.280:11	‍[‍7‍]‍ ܒܪܝ ܠܐ ܬܗܘܐ ܡܣܪܗܒ ܒܠܫܢܟ ܐܝܟ ܠܘܙܐ ܕܠܘܩܕܡ
4.280:12	ܡܚܘܝܐ ܘܠܚܪܬܐ ܐܒܗ݀ ܡܬܐܟܠ܂ ܒܪܝ ܗܘܝ ܪܡܝܣܐ ܐܝܟ
4.280:13	ܐܝܠܢ ܬܘܬܐ ܕܚܪܬܐ ܡܚܘܝܐ܂ ܘܒܩܕܡܐ ܐܒܗ݀ ܡܬܐܟܠ܀
4.280:14	‍[‍8‍]‍ ܒܪܝ ܐܪܟܢ ܥܝ̈ܢܝܟ ܘܐܡܟ ܩܠܟ ܘܚܘܪ ܠܬܚܬ