The Comprehensive Aramaic Lexicon

4.286:18	ܗܪܟܐ ܣܦܩ ܐܚܝܩܪ ܡ̈ܠܐ ܕܚܟܡܬܗ ܕܡܠܦ ܗܘܐ ܠܢܕܢ܀
4.286:19	‍[‍IV‍]‍ ‍[‍1‍]‍ ܗܝܕܝܢ ܐܢܐ ܐܚܝܩܪ ܡ݂ܢ ܒܬܪ ܗܢܐ ܝܘܠܦܢܐ ܕܐܥܦܬ
4.286:20	ܠܢܕܢ ܒܪ ܚܬܝ܂ ܣ݁ܒܪ ܗܘܝܬ ܕܟܠܗ ܝܘܠܦܢܐ ܗܢܐ
4.286:21	ܢܐܚܕܝܘܗܝ ܒܠܒܗ܂ ܘܢܩܘܡ ܒܬܪܥ ܡܠܟܐ ܘܢܗܘܐ ܠܝ ܡܢܗ
4.286:22	ܚܕܘܬܐ ܘܗܢܝܐܘܬ ܚܝ̈ܐ܂ ܒܪܡ ܕܝܢ ܒܗܦܟܐ ܥܒܕ ܘܠܐ ܫܡܥ
4.286:23	ܐܢܝܢ ܡܠ̈ܝ ܐܠܐ ܕܪܐ ܐܢܝܢ ܐܝܟ ܕܒܪܘܚܐ܂
4.287:01	‍[‍2‍]‍ ܘܗܦܟ ܘܐܡܪ܂ ܕܐܚܝܩܪ ܐܒܝ ܣܐܒ ܠܗ܂ ܘܐܗܦܟܗ
4.287:02	ܪܥܝܢܐ ܘܙܩܦ ܢܕܢ ܒܪܝ ܥܠ ܢܟܣ̈ܝ ܘܩܢܝܢܝ ܡܒܕܪ ܘܠܐ
4.287:03	ܚ݁ܐܣ ܥܒܕ̈ܝ ܟܫܝܪ̈ܐ ܡܢܓܕ ܗܘܐ ܠܗܘܢ ܩܕܡܝ܂ ܘܐܦ ܪ̈ܟܫܝ
4.287:04	ܘܟܘܕ̈ܢܘܬܝ ܡܩܛܠ ܘܡܙܒܢ܂
4.287:05	‍[‍3‍]‍ ܘܟܕ ܚܙܝܬ ܗܟܢ ܥܒܝ̈ܕܬܗ܂ ܥܢܝܬ ܘܐܡܪܬ ܠܗ ܕܠܢܟܣ̈ܝ
4.287:06	ܒܪܝ ܠܐ ܬܩܪܘܒ܂ ܐܡܝܪ ܒܡܬܠ̈ܐ ܕܐܝܕܐ ܕܠܐ ܩܢܝܬ ܥܝܢܐ ܠܐ
4.287:07	ܚܣܬ܂
4.287:08	‍[‍4‍]‍ ܘܚܘܝܬ ܐܢܝܢ ܗܠܝܢ ܠܡܪܝ ܡܠܟܐ܂ ܘܦܩܕ ܕܠܐ ܐܢܫ
4.287:09	ܢܬܩܪܒ ܠܩܢܝܢܗ ܕܐܚܝܩܪ ܣܦܪܐ ܟܡܐ ܕܒܚܝ̈ܐ ܐܝܬܘܗܝ܂
4.287:10	‍[‍V‍]‍ ‍[‍1‍]‍ ܒܬܪܟܢ ܢܣܒ ܐܚܝܩܪ ܠܢܒܘܙܪܕܢ ܐܚܘܗܝ ܕܢܕܢ
4.287:11	ܕܢܪܒܝܘܗܝ ܒܒܝܬܗ܂ ܗܝܕܝܢ ܟܕ ܚܙܐ ܢܕܢ ܕܢܣܒܬ ܠܢܒܘܙܪܕܢ
4.287:12	ܘܐܩܝܡܬܗ ܩܕܡܝ ܒܒܝܬܐ ܐܬܒܐܫ ܠܗ܂
4.287:13	‍[‍2‍]‍ ܘܩܨܦ ܟܕ ܣܡ ܢܕܢ ܒܬܪܥܝܬܗ ܡ̈ܠܐ ܕܒܝܫܘܬܐ܂
4.287:14	ܠܗܕܐ ܐܡܪ ܗܟܢܐ܂ ܐܚܝܩܪ ܐܒܝ ܣܐܒ ܘܚܟܡܬܗ ܥܒܪܬ܂
4.287:15	ܘܡܠ̈ܘܗܝ ܫܛܪܘ ܕܠܡܐ ܢܟܣܘ̈ܗܝ ܠܐܚܝ ܢܬܠ ܘܠܝ
4.287:16	ܢܪܚܩ ܡܢ ܒܝܬܗ܂
4.287:17	‍[‍3‍]‍ ܘܫܡܥ ܐܚܝܩܪ ܡܠ̈ܘܗܝ ܕܢܕܢ܂ ܗܝܕܝܢ ܐܬܚܫܒ
4.287:18	ܘܗܟܢܐ ܐܡܪ ܠܢܕܢ܂ ܚܒܠܝܗ݀ ܠܚܟܡܬܝ܂ ܐܝܟܢ ܦܟܗܬ ܠܘܬܟ܂
4.287:19	‍[‍4‍]‍ ܘܟܕ ܫܡܥ ܒܪܝ ܢܕܢ܂ ܣܓܝ ܪܓܙ ܘܒܝܫܬܐ ܒܠܒܗ

4.287:20	ܥܬܕ ܥܠܝ܂ ܘܐܙܠ ܠܗ ܠܬܪܥ ܡܠܟܐ ܕܢܝܬܐ ܠܥܒܕܐ ܒܝܫܬܐ

4.287:21	ܕܠܒܗ܂ ܟܕ ܟܬܒ ܡܢ ܦܘܡ ܐܚܝܩܪ ܐܓܪ̈ܬܐ ܕܒܝܫܬܐ ܘܐܙܠ
4.287:22	ܠܬܪܥ ܡܠܟܐ ܕܢܚܘܐ ܐܢܝܢ܂
4.287:23	‍[‍5‍]‍ ܘܬܪ̈ܬܝܢ ܐܓܪ̈ܬܐ ܕܟܬܒ ܠܡܠ̈ܟܐ ܒܥܠܕܒܒ̈ܘܗܝ ܕܣܢܚܪܝܒ
4.288:01	ܘܣܪܚܕܘܡ ܡܢ ܦܘܡܝ ܗܟܢ ܐܝܬܝܗܝܢ ܗ̈ܘܝ܂ ܚܕܐ ܡܛܠ
4.288:02	ܡܠܟܐ ܕܦܪܣ ܘܕܥܝܠܡ ܐܟܝܫ ܒܪ ܣܡܚܠܝܡ܂ ܗܟܢܐ
4.288:03	ܟܬܒ ܒܗ݀܂
4.288:04	‍[‍6‍]‍ ܡܢ ܐܚܝܩܪ ܣܦܪܐ ܘܥܙܩܬܐ ܕܣܪܚܕܘܡ ܡܠܟܐ܂ ܫܠܡ
4.288:05	ܠܟ ܡܠܟܐ ܕܦܪܣ ܘܕܥܝܠܡ܂ ܟܕ ܐܓܪܬܐ ܗܕܐ ܬܩܒܠ܂
4.288:06	ܒܥܓܠ ܦܘܩ ܘܬܐ ܠܐܬܘܪ܂ ܘܐܢܐ ܡܫܠܡ ܐܢܐ ܠܗ݀ ܒܐܝ̈ܕܝܟ ܕܠܐ
4.288:07	ܩܪܒܐ ܘܕܠܐ ܩܐܪܣܐ܂ ܘܡܠܟܘܬܗ ܬܐܚܘܕ ܕܠܐ ܟܠܝܢܐ܀
4.288:08	‍[‍7‍]‍ ܘܬܘܒ ܐܓܪܬܐ ܐܚܪܬܐ ܒܫܡܝ ܠܦܪܥܘܢ ܡܠܟܐ ܕܡܨܪܝܢ܂
4.288:09	ܘܗܟܢܐ ܟܬܒ ܒܗ݀܂
4.288:10	‍[‍8‍]‍ ܟܕ ܕܝܢ ܐܓܪܬܐ ܬܡܛܐ ܠܐܝܕܟ܂ ܦܘܩ ܠܐܘܪܥܝ ܠܦܩܥܬܐ
4.288:11	ܕܒܬܝܡܢܐ܂ ܒܝܘܡ ܥܣܪܝܢ ܘܚܡܫܐ ܒܐܒ ܝܪܚܐ܂ ܘܐܢܐ ܐܥܠܟ
4.288:12	ܠܢܝܢܘܐ܂ ܘܬܐܚܘܕ ܒܗ݀ ܡܠܟܘܬܐ ܕܠܐ ܩܪܒܐ܂
4.288:13	‍[‍9‍]‍ ܘܕܡܝ ܐܢܝܢ ܟܬܝܒ̈ܬܐ ܒܟܬܝܒ̈ܬܝ܂ ܘܛܒܥ ܐܢܝܢ
4.288:14	ܒܥܙܩ̈ܬܝ ܘܫܕܐ ܐܢܝܢ ܒܚܕ ܡܢ ܬܘ̈ܢܘܗܝ ܕܡܠܟܐ܂
4.288:15	‍[‍VI‍]‍ ‍[‍1‍]‍ ܒܬܪܟܢ ܬܘܒ ܟܬܒ ܐܓܪܬܐ ܐܚܪܬܐ ܡܢ ܦܘܡ ܡܠܟܐ ܠܘܬܝ܀
4.288:16	‍[‍2‍]‍ ܡܢ ܣܪܚܕܘܡ ܠܐܚܝܩܪ ܣܦܪܐ ܕܡܪܝ ܫܠܡ܂ ܟܕ
4.288:17	ܐܓܪܬܐ ܗܕܐ ܐܬܩܒܠܬ ܟܢܫ ܚܝܠܐ ܟܠܗ ܠܛܘܪܐ ܕܨܚܘ܂
4.288:18	ܘܡܢ ܬܡܢ ܦܘܩ ܠܦܩܥܬ ܢܫܪܝܢ܂ ܒܝܘܡ ܥܣܪܝܢ ܘܚܡܫܐ
4.288:19	ܒܝܪܚܐ ܐܒ܂ ܘܡܐ ܕܚ݁ܙܐ ܐܢܬ ܠܝ ܕܡܬܩܪܒ ܐܢܐ
4.288:20	ܠܘܬܟ܂ ܣܕܘܪ ܚܝܠܐ ܠܘܩܒܠܝ ܐܝܟ ܓܒܪܐ ܕܥܬܝܕ ܠܩܪܒܐ܂
4.288:21	ܡܛܠ ܕܐܝ̈ܙܓܕܐ ܕܦܪܥܘܢ ܡܠܟܐ ܕܡܨܪܝܢ ܐܬܘ ܠܘܬܝ܂ ܕܢܕܥܘܢ
4.288:22	ܡܢܐ ܚܝܠܐ ܐܝܬ ܠܝ܂ ܘܕܐܝܟ ܐܝܟܐ ܐܢܘܢ ܚܝܠ̈ܘܬܝ