The Comprehensive Aramaic Lexicon

4.291:13	‍[‍2‍]‍ ܬܠܝ ܚܝܪܟ ܠܘܬ ܐܠܗܐ܂ ܒܪܘܝܐ ܕܫܡܝܐ܂ ܘܥܗܕ ܠܠܚܡܐ
4.291:14	ܘܡܝ̈ܐ ܕܐܟܠܢܢ ܫܘܝܐܝܬ܂ ܘܝܕܥܢܐ ܓܝܪ ܕܣܘܪܚܢܐ ܘܚܛܝܬܐ
4.291:15	ܠܝܬ ܠܝ܂ ܘܢܕܢ ܐܨܛܢܥ ܥܠܝ ܘܫܕܠܢܝ܂ ܐܢܬ ܕܝܢ ܠܐ ܬܥܘܠ
4.291:16	ܒܚܛܝܬܐ ܕܝܠܗ ܘܬܩܛܠܢܝ ܛܠܝܡܐܝܬ܂
4.291:17	‍[‍3‍]‍ ܗܘܝܬ ܓܝܪ ܡܬܕܟܪ ܘܡܝܬܐ ܥܠ ܒܠܟ ܝܘܡܐ ܕܪܓܙ
4.291:18	ܥܠܝܟ ܣܢܚܪܝܒ ܐܒܘܗܝ ܕܡܠܟܐ ܗܢܐ܂ ܘܦܩܕ
4.291:19	ܠܡܩܛܠܢܟ܂ ܘܟܕ ܝܕܥܬ ܕܠܝܬ ܠܟ ܣܘܪܚܢ܂ ܛܫܝܬܟ ܘܠܐ
4.291:20	ܩܛܠܬܟ ܥܕܡܐ ܕܫܠܝ ܪܘܓܙܗ ܕܡܠܟܐ ܘܐܬܕܟܪ ܛܒܬܟ ܘܦܩܕ
4.291:21	ܘܛܝܒܬܟ ܩܕܡܘܗܝ ܘܐܛܐܒ ܠܟ ܘܝܗܒ ܡܘܗܒ̈ܬܐ ܣܓܝ̈ܐܬܐ܂
4.291:22	‍[‍4‍]‍ ܘܐܦ ܐܢܬ ܬܘܒ ܗܫܐ ܛܫܢܝ܂ ܘܦܪܘܥܝܢܝ ܐܟܡܐ ܕܥܒܕܬ
4.291:23	ܥܡܟ܂ ܘܗܐ ܐܝܬ ܠܝ ܥܒܕܐ ܚܝܒܐ ܗܐ ܪܡܐ ܒܚܒܘܫܝܐ ܘܫܡܗ
4.291:24	ܡܕܝܦܪ ܘܚܝܒ ܠܩܛܠܐ ܡܛܠ ܒܝܫ̈ܬܗ܂ ܐܦܩܝܗܝ ܗܫܐ
4.291:25	ܘܢܠܒܫ ܠܒܘ̈ܫܝ܂ ܘܐܦܩ ܠܓܒܪ̈ܐ ܕܥܡܟ ܗܠܝܢ ܪ̈ܘܝܐ
4.291:26	ܘܢܩܛܠܘܢܝܗܝ ܟܕ ܠܐ ܝܕܥܝܢ ܠܡ݁ܢ ܩܛܠܘ܂ ܘܐܪܚܩ ܪܝܫܗ
4.292:01	ܡܢ ܫܠܕܗ ܡܐܐ ܐܡ̈ܝܢ܂ ܘܗܒ ܦܓܪܗ ܕܢܩܒܪܝܗܝ܂ ܘܢܦܘܩ
4.292:02	ܛܒܐ ܒܐܬܘܪ ܘܢܝܢܘܐ ܕܐܚܝܩܪ ܐܬܩܛܠ܂
4.292:03	‍[‍XIII‍]‍ ‍[‍1‍]‍ ܗܝܕܝܢ ܐܣܦܘܩܠܛܪܐ ܘܐܫܦܓܢܐ ܒܪܬ ܙܘܓܝ ܥܒܕܗ
4.292:04	ܠܝ ܕܘܟܬܐ ܟܣܝܬܐ ܬܚܝܬ ܐܪܥܐ܂ ܕܐܘܪܟܗ݀ ܐܪ̈ܒܬܥܣܪ
4.292:05	ܐܡܝ̈ܢ܂ ܘܦܬܝܗ݀ ܫܒܥ܂ ܘܗܝ ܬܚܝܬ ܐܣܟܘܦܬܐ ܕܬܪܥܐ܂ ܘܐܥܠܘܢܝ
4.292:06	ܘܛܫܝܘܢܝ ܒܗ݀ ܘܣܡܘ ܠܘܬܝ ܠܚܡܐ ܘܡܝ̈ܐ ܘܟܢ ܫܒܩܘܢܝ
4.292:07	ܘܐܙܠܘ ܐܘܕܥܘ ܠܡܠܟܐ ܕܐܬܩܛܠ ܐܚܝܩܪ ܐܝܟ ܦܘܩܕܢܟ܂
4.292:08	‍[‍2‍]‍ ܘܟܕ ܢܦ݂ܩ ܛܒܐ ܒܐܬܘܪ ܘܢܝܢܘܐ ܐܝܠܠܘ ܥܠܝ ܘܐܡܪܘ܂
4.292:09	ܚܒܠܝܟ ܐܚܝܩܪ ܣܦܪܐ ܡܗܝܪܐ ܘܝܕ݁ܥ ܟܣ̈ܝܬܐ܂ ܡܢܘ ܢܩܘܡ
4.292:10	ܐܟܘܬܗ܂
4.292:11	‍[‍XIV‍]‍ ‍[‍1‍]‍ ܗܝܕܝܢ ܩܪܐ ܡܠܟܐ ܣܪܚܕܘܡ ܠܢܕܢ ܘܐܡܪ ܠܗ܂
4.292:12	ܙܠ ܠܟ ܘܥܒܕ ܒܝܬ ܒܟܬܐ ܠܐܒܘܟ ܐܚܝܩܪ ܐܝܟ ܥܝܕܐ
4.292:13	ܕܐܢܫܐ܂
4.292:14	‍[‍2‍]‍ ܘܢܦܩ ܢܕܢ ܘܐܬܐ ܠܒܝܬܐ ܘܠܐ ܣܟ ܥܒܕ ܒܝܬ ܒܟܬܐ܂
4.292:15	ܐܠܐ ܟܢܫ ܠܗ ܐܢܫܐ ܒܝ̈ܫܐ ܘܐܣ̈ܘܛܐ܂ ܘܫܪܝܘ ܐܟܠܝܢ ܘܫܬܝܢ
4.292:16	ܘܪܩܕܝܢ ܘܙܡܪܝܢ܂
4.292:17	‍[‍3‍]‍ ܘܫܪܝ ܢܕܢ ܐܚܕ ܐܡ̈ܗܬܝ ܘܡܥܪܛܠ ܠܗܝܢ܂ ܘܬܒܥ
4.292:18	ܡܢܗܝܢ ܒܝܫ̈ܬܐ܂ ܥܕܡܐ ܠܒܪܬ ܙܘܓܐ ܕܪܒܝܬܗ ܐܝܟ
4.292:19	ܝܠܕܗ݀ ܠܐ ܒܗܬ ܡܢܗ݀ ܐܠܐ ܨܒ݂ܐ ܕܢܦܪܣܝܗ݀ ܘܢܕܡܟ ܥܡܗ݀܂
4.292:20	‍[‍XV‍]‍ ‍[‍1‍]‍ ܐܢܐ ܐܚܝܩܪ ܡܢ ܬܚܝܬ ܐܪܥܐ ܫܡܥܬ ܩܠ
4.292:21	ܓܥܬܗܘܢ ܕܒܢ̈ܝ ܒܝܬܐ ܡܢ ܩܕܡ ܢܕܢ ܒܪܝ܂
4.292:22	‍[‍2‍]‍ ܘܫܪܝܬ ܠܡܨܠܝܘ ܩܕܡ ܐܠܗܐ ܘܠܡܬܟܫܦܘ ܡܛܠܬܗܘܢ܂
4.292:23	‍[‍3‍]‍ ܘܫܡܥ ܐܠܗܐ ܬܢܚ̈ܬܝ ܡܢ ܥܘܡܩ̈ܝܗ݀ ܕܐܪܥܐ܂ ܘܫܕܪ
4.292:24	ܒܬܪ ܩܠܝܠ ܝܘܡ̈ܬܐ ܠܝܒܘܣܡܝܟܝܢܟܬܝ ܠܘܬܝ ܘܒܝܐܢܝ
4.292:25	ܘܡܠܐ ܒܠܒܝ܂ ܘܐܝܬܝ ܠܝ ܠܚܡܐ ܘܡܝ̈ܐ܂ ܘܟܕ ܒ݁ܥܐ ܠܡܐܙܠ
4.292:26	ܐܦܝܣܬܗ ܕܢܨܠܐ ܠܐܠܗܐ ܕܢܦܪܩܘܢܝ ܡܢ ܕܘܟܬܐ ܗܕܐ܂
4.293:01	‍[‍4‍]‍ ܘܨܠܝ ܘܐܡܪ܂ ܐܘ ܐܠܗܐ ܡܪܚܡܢܐ ܘܡܫܒܚܐ܂ ܐܬܕܟܪ
4.293:02	ܠܐܚܝܩܪ ܕܡܣܒܪ ܒܟ ܘܦܨܝܗܝ ܡܢ ܗܢܐ ܚܒܘܫܝܐ܂
4.293:03	‍[‍XVI‍]‍ ‍[‍1‍]‍ ܟܕ ܕܝܢ ܫܡܥ ܦܪܥܘܢ ܕܐܬܩܛܠ ܐܚܝܩܪ ܚܟܝܡܐ
4.293:04	ܚܕܝ ܚܕܘܬܐ ܪܒܬܐ܂ ܘܟܬܒ ܐܓܪܬܐ ܘܫܕܪ ܘܐܡܪ܂
4.293:05	‍[‍2‍]‍ ܡܢ ܦܪܥܘܢ ܡܠܟܐ ܕܡܨܪܝܢ ܠܣܪܚܕܘܡ ܡܠܟܐ ܕܐܬܘܪ
4.293:06	ܘܢܝܢܘܐ܂ ܫܠܡܐ ܘܢܝܚܐ܂
4.293:07	‍[‍3‍]‍ ܗܘܝܬ ܝ݁ܕܥ ܐܘ ܡܠܟܐ ܕܐܬܪܓܪ‍<‍ܓ‍>‍ܬ ܕܐܒܢܐ ܠܝ ܒܝܪܬܐ ܒܝܬ
4.293:08	ܫܡܝܐ ܠܐܪܥܐ ܘܨܒ݁ܐ ܐܢܐ ܓܝܪ ܕܬܫܕܪ ܠܝ ܡܢ ܨܐܕܝܟ ܓܒܪܐ
4.293:09	ܒܢܝܐ ܕܢܒܢܝܗ݀ ܐܟܡܐ ܕܨܒ݁ܐ ܐܢܐ܂ ܘܕܢܕܥ ܢܓܝܒܢܝ ܥܠ ܟܠ
4.293:10	ܫܘܐܠܐ ܕܐܫܐܠܝܘܗܝ܂
4.293:11	‍[‍4‍]‍ ܘܐܢ ܬܫܟܚ ܬܫܕܪ ܠܝ ܓܒܪܐ ܗܟܢܐ܂ ܫܩܠܐ ܕܡܨܪܝܢ