The Comprehensive Aramaic Lexicon

4.290:07	ܩܕܡܝ܂ ܗܫܐ ܕܝܢ ܗܦܟܬ ܪܚܡܬܟ ܠܣܢܐܬܐ܂ ܘܗܘܝܬ ܠܟ ܡܢ
4.290:08	ܒܥܠ̈ܕܒܒܝ܂ ܟܢ ܐܦܩ ܘܝܗܒ ܠܝ ܐܓܪ̈ܬܐ ܗ݀ܢܘܢ ܕܢܕܢ ܒܪܝ
4.290:09	ܟܬܒ ܡܢ ܠܫܢܝ܂ ܘܐܝܟ ܟܝܪܬ ܐܝ̈ܕܝ ܕܚܬܡ ܗܘܐ ܐܢܝܢ ܒܚܬܡܝ܂
4.290:10	‍[‍3‍]‍ ܘܟܕ ܩܪܝܬ ܐܢܝܢ ܐܣܪܗܒܬ ܘܦܫܬ ܒܪܥܠܐ ܘܕܚܠܬܐ܂
4.290:11	ܘܐܬܐܣܪ ܠܫܢܝ܂ ܘܟܕ ܨܒܝܬ ܠܡܡܠܠܘ ܡܠܬܐ ܚܕܐ ܡܢ
4.290:12	ܡܠ̈ܝ ܚܟܡܬܐ ܠܐ ܐܫܟܚܬ܂
4.290:13	‍[‍4‍]‍ ܗܝܕܝܢ ܐܙܥܩ ܥ݂ܠܝ ܢܕܢ ܘܐܡܪ ܠܝ܂ ܐܬܦܢܝ ܡ݂ܢ ܩܕܡ
4.290:14	ܡܠܟܐ ܐܘ ܣܒܐ ܣܟܠܐ ܐܘ ܒܝܫ ܓܕܐ ܘܗܒ ܐܝܕ̈ܝܟ ܠܐܣܘ̈ܪܐ
4.290:15	ܘܪ̈ܓܠܝܟ ܠܣܘ̈ܛܡܐ܂
4.290:16	‍[‍5‍]‍ ܒܬܪܟܢ ܡܠܟܐ ܐܦܢܝ ܐܦܘ̈ܗܝ ܡܢܝ ܒܚܟܡܬܐ
4.290:17	ܕܠܐ ܡܬܡܠܠܐ܂ ܘܦܩܕ ܠܐܣܦܘܩܠܛܪܐ ܕܫܡܗ
4.290:18	ܝܒܘܣܡܝܟܡܣܟܝܢܟܬܝ ܘܐܡܪ ܩܘܡ ܣܒ ܐܚܝܩܪ ܘܙܠ
4.290:19	ܩܛܘܠܝܗܝ܂ ܘܐܪܚܩ ܪܝܫܗ ܡܢ ܫܠܕܗ ܡܐܐ ܐܡܝܢ܂ ܗܝܕܝܢ
4.290:20	ܣܓܕܬ ܠܡܠܟܐ ܐܢܐ ܐܚܝܩܪ ܘܐܡܪܬ ܠܗ܂
4.290:21	‍[‍6‍]‍ ܬܚܐ ܡܪܝ ܡܠܟܐ ܠܥܠܡ ܕܨܒܝܬ ܩܛܠܝ ܢܗܘܐ
4.290:22	ܦܘܩܕܢܟ܂ ܡܛܠ ܕܠܝܬ ܠܝ ܣܘܪܚܢܐ ܐܝܟ ܕܝܕܥܢܐ܂ ܒܪܡ
4.290:23	ܡܦܝܣܢܐ ܡܢ ܡܪܝ ܡܠܟܐ ܕܒܬܪܥ ܒܝܬܝ ܢܗܘܐ ܩܛܠܝ
4.290:24	ܘܐܦ ܦܓܪܝ ܢܬܝܗܒ ܠܥܒ̈ܕܝ ܐܝܟ ܕܢܩܒܪܘܢܢܝ܂
4.290:25	‍[‍7‍]‍ ܗܝܕܝܢ ܐܡܪ ܡܠܟܐ ܠܐܣܦܘܩܠܛܪܐ ܙܠ ܐܟܡܐ ܕܐܡܪ
4.290:26	ܐܚܝܩܪ ܥܒܕ ܩܠܝܠܐܝܬ܂
4.291:01	‍[‍X‍]‍ ‍[‍1‍]‍ ܒܬܪܟܢ ܢܦܩܢܢ ܡܢ ܩܕܡ ܡܠܟܐ ܟܠܢ܂ ܘܫܠܚܬ
4.291:02	ܠܐܢܬܬܝ ܐܫܦܓܢܐ ܐܝܟܢܐ ܕܬܦܘܩ ܠܐܘܪܥܝ ܒܐܠܦ ܥܠܝ̈ܡܬܐ
4.291:03	ܒܠܒܘ̈ܫܐ ܗܕܝܪ̈ܐ ܘܪ̈ܓܝܓܐ ܐܝܟ ܕܢܝܠܘܢ ܘܢܒܟܘܢ ܥܠܝ
4.291:04	ܩܕܡ ܕܐܡܘܬ܂
4.291:05	‍[‍2‍]‍ ܘܠܒܪܬ ܙܘܓܝ ܥܗܝܕܬܐ ܕܬܗܦܘܟ ܠܒܝܬܐ ܘܬܛܝܒ ܡܐܟܠܐ

4.291:06	ܘܡܫܬܝܐ ܥܠ ܦܬܘܪ̈ܐ ܕܙܢܝ̈ܢ ܙܢܝ̈ܢ܂ ܘܬܣܝܡ ܠܟܠܗܘܢ

4.291:07	ܡܫܡܫ̈ܢܐ ܕܡܠܟܐ ܘܐܣܦܘܩܠܛܪ̈ܐ ܚܡܪܐ ܛܒܐ ܘܥܬܝܩܐ
4.291:08	ܒܐܝܕܝ̈ܗ܂
4.291:09	‍[‍XI‍]‍ ‍[‍1‍]‍ ܗܝܕܝܢ ܐܫܦܓܢܐ ܐܢܬܬܝ ܡܪܬ ܝܕܥܬܐ ܪܒܬ
4.291:10	ܘܣܟܘܠܬܢܝܬܐ ܥܒܕܬ ܐܟܡܐ ܕܦܩܕܬܗ݀܂
4.291:11	‍[‍2‍]‍ ܘܟܕ ܐܟܠܘ ܘܐܫܬܝܘ ܘܪܘܝܘ ܫܟܒܘ ܒܕܘܟܝ̈ܬܗܘܢ܂
4.291:12	‍[‍XII‍]‍ ‍[‍1‍]‍ ܗܝܕܝܢ ܐܢܐ ܐܚܝܩܪ ܐܡܪܬ ܠܐܣܦܘܩܠܬܪܐ܂
4.291:13	‍[‍2‍]‍ ܬܠܝ ܚܝܪܟ ܠܘܬ ܐܠܗܐ܂ ܒܪܘܝܐ ܕܫܡܝܐ܂ ܘܥܗܕ ܠܠܚܡܐ
4.291:14	ܘܡܝ̈ܐ ܕܐܟܠܢܢ ܫܘܝܐܝܬ܂ ܘܝܕܥܢܐ ܓܝܪ ܕܣܘܪܚܢܐ ܘܚܛܝܬܐ
4.291:15	ܠܝܬ ܠܝ܂ ܘܢܕܢ ܐܨܛܢܥ ܥܠܝ ܘܫܕܠܢܝ܂ ܐܢܬ ܕܝܢ ܠܐ ܬܥܘܠ
4.291:16	ܒܚܛܝܬܐ ܕܝܠܗ ܘܬܩܛܠܢܝ ܛܠܝܡܐܝܬ܂
4.291:17	‍[‍3‍]‍ ܗܘܝܬ ܓܝܪ ܡܬܕܟܪ ܘܡܝܬܐ ܥܠ ܒܠܟ ܝܘܡܐ ܕܪܓܙ
4.291:18	ܥܠܝܟ ܣܢܚܪܝܒ ܐܒܘܗܝ ܕܡܠܟܐ ܗܢܐ܂ ܘܦܩܕ
4.291:19	ܠܡܩܛܠܢܟ܂ ܘܟܕ ܝܕܥܬ ܕܠܝܬ ܠܟ ܣܘܪܚܢ܂ ܛܫܝܬܟ ܘܠܐ
4.291:20	ܩܛܠܬܟ ܥܕܡܐ ܕܫܠܝ ܪܘܓܙܗ ܕܡܠܟܐ ܘܐܬܕܟܪ ܛܒܬܟ ܘܦܩܕ
4.291:21	ܘܛܝܒܬܟ ܩܕܡܘܗܝ ܘܐܛܐܒ ܠܟ ܘܝܗܒ ܡܘܗܒ̈ܬܐ ܣܓܝ̈ܐܬܐ܂
4.291:22	‍[‍4‍]‍ ܘܐܦ ܐܢܬ ܬܘܒ ܗܫܐ ܛܫܢܝ܂ ܘܦܪܘܥܝܢܝ ܐܟܡܐ ܕܥܒܕܬ
4.291:23	ܥܡܟ܂ ܘܗܐ ܐܝܬ ܠܝ ܥܒܕܐ ܚܝܒܐ ܗܐ ܪܡܐ ܒܚܒܘܫܝܐ ܘܫܡܗ
4.291:24	ܡܕܝܦܪ ܘܚܝܒ ܠܩܛܠܐ ܡܛܠ ܒܝܫ̈ܬܗ܂ ܐܦܩܝܗܝ ܗܫܐ
4.291:25	ܘܢܠܒܫ ܠܒܘ̈ܫܝ܂ ܘܐܦܩ ܠܓܒܪ̈ܐ ܕܥܡܟ ܗܠܝܢ ܪ̈ܘܝܐ
4.291:26	ܘܢܩܛܠܘܢܝܗܝ ܟܕ ܠܐ ܝܕܥܝܢ ܠܡ݁ܢ ܩܛܠܘ܂ ܘܐܪܚܩ ܪܝܫܗ
4.292:01	ܡܢ ܫܠܕܗ ܡܐܐ ܐܡ̈ܝܢ܂ ܘܗܒ ܦܓܪܗ ܕܢܩܒܪܝܗܝ܂ ܘܢܦܘܩ
4.292:02	ܛܒܐ ܒܐܬܘܪ ܘܢܝܢܘܐ ܕܐܚܝܩܪ ܐܬܩܛܠ܂
4.292:03	‍[‍XIII‍]‍ ‍[‍1‍]‍ ܗܝܕܝܢ ܐܣܦܘܩܠܛܪܐ ܘܐܫܦܓܢܐ ܒܪܬ ܙܘܓܝ ܥܒܕܗ
4.292:04	ܠܝ ܕܘܟܬܐ ܟܣܝܬܐ ܬܚܝܬ ܐܪܥܐ܂ ܕܐܘܪܟܗ݀ ܐܪ̈ܒܬܥܣܪ
4.292:05	ܐܡܝ̈ܢ܂ ܘܦܬܝܗ݀ ܫܒܥ܂ ܘܗܝ ܬܚܝܬ ܐܣܟܘܦܬܐ ܕܬܪܥܐ܂ ܘܐܥܠܘܢܝ