The Comprehensive Aramaic Lexicon

4.357:16	ܦܪ̈ܘܓܐ ܕܢܫܪܐ ܘܛܝܒ ܠܟܝ ܛܘܢܒ̈ܝ ܩܢܦܐ܂ ܐܝܟܢܐ ܕܢܗܘܘܢ
4.357:17	ܐܪ̈ܝܟܐ ܬܪܝܢ ܐܠܦܝ̈ܢ ܐܡ̈ܝܢ܂ ܘܦܩܘܕ ܠܢܓܪ̈ܐ ܕܢܥܒܕܘܢ ܬܪܝܢ
4.357:18	ܓܠܘܣܩ̈ܡܐ ܪ̈ܘܪܒܐ܂ ܘܗܒܝ ܢܒܘܠܚܠ ܘܕܒܫܠܝܡ ܠܢܫ̈ܐ
4.357:19	ܡܝܢܩ̈ܢܝܬܐ ܕܢܐܢܩ̈ܢ ܐܢܝܢ܂ ܘܟܠܝܘܡ ܐܡܪܐ ܚܕ ܐܘܟܠܝ ܠܢܫܪ̈ܐ
4.357:20	ܕܢܬܪܒܘܢ ܘܟܠܝܘܡ ܬܪܟܒܝ ܛܠ̈ܝܐ ܥܠ ܚܨܝ̈ ܢܫܪ̈ܐ ܟܡܐ
4.357:21	ܕܙܥܘܪܝܢ ܕܠܐ ܝܘܩܪܐ܂ ܘܩܛܘܪܝ ܛܘܢܒ̈ܐ ܒܪ̈ܓܠܝ ܢܫܪ̈ܐ
4.357:22	ܒܐܐܪ ܘܛܠ̈ܝܐ ܢܪܟܒܘܢ ܥܠ ܚܨܗܘܢ ܟܕ ܙܥܘܪܝܢ ܐܝܟܢܐ ܕܢܬܥܝܕܘܢ
4.357:23	ܠܛܥܘܢܬܗܘܢ܂
4.357:24	‍[‍3‍]‍ ܘܟܕ ܢܦܪܚܘܢ ܐܠܦ ܛܠ̈ܝܐ ܕܢܩܥܘܢ ܥܠ ܚܨ̈ܝ ܢܫܪ̈ܐ ܡܐ
4.357:25	ܕܣܠܩܝܢ ܒܐܐܪ ܘܢܐܡܪܘܢ ܗܟܢܐ܂ ܡܢܥܘ ܠܟ ܟܠܫܐ ܘܓܨܐ
4.357:26	ܘܟ̈ܐܦܐ ܕܒܢܝ̈ܐ ܘܦܥ̈ܠܐ ܒܛ݁ܠܝܢ܂ ܘܨܒܝܢ ܓܝܪ ܠܡܒܢܐ ܒܝܪܬܐ ܒܐܐܪ܂
4.358:01	‍[‍4‍]‍ ܒܬܪܟܢ ܕܝܢ ܓܕܝ ܠܦܪ̈ܘܓܐ ܘܐܚܬܝ ܐܢܘܢ ܠܐܪܥܐ ܘܐܥܠܝ
4.358:02	ܐܢܘܢ ܒܓܘ ܓܠܘܣܩܡܐ ܘܫܕܪܝ ܠܝ ܦܬܓܡܐ ܕܐܪܥ ܒܓܘ
4.358:03	ܫܘܡܠܝܐ ܨܒܘܬܐ ܗܕܐ܂
4.358:04	‍[‍5‍]‍ ܘܐܦ ܐܫܦܓܢܐ ܐܢܬܬܝ ܣܓܝ ܚܟܝܡܬܐ ܐܝܬܝܗ݀ ܗܘܬ܂
4.358:05	ܘܟܠܡܐ ܕܦܩܕܬܗ݀ ܥܒܕܬ ܘܐܘܕܥܬ ܠܝ܂
4.358:06	‍[‍XXVI‍]‍ ‍[‍2‍]‍ ܒܬܪ ܩܠܝܠ ܝܘܡ̈ܬܐ ܐܢܐ ܐܚܝܩܪ ܐܡܪܬ ܠܡܠܟܐ
4.358:07	ܕܐܙܠ ܠܡܨܪܝܢ ܡܛܠ ܕܡܛܐ ܙܒܢܐ ܕܐܪܕܐ ܒܗ܂ ܗܝܕܝܢ ܝܗܒ
4.358:08	ܠܝ ܦܘܩܕܢܐ ܘܢܣܒܬ ܥܡܝ ܚܝܠܐ ܣܓܝܐܐ܂
4.358:09	‍[‍3‍]‍ ܘܟܕ ܥܒܪܢܢ ܡܪܕܐ ܝܘܡܐ ܚܕ ܘܩܡܢ ܒܕܘܟܬܐ ܕܪܘܝܚܐ
4.358:10	ܒܦܩܥܬܐ܂ ܗܝܕܝܢ ܐܦܩܬ ܠܢܫܪ̈ܐ ܡܢ ܓܠܘܣܩ̈ܡܐ܂ ܘܐܣܪܬ
4.358:11	ܒܪ̈ܓܠܝܗܘܢ ܛܘܢܒ̈ܐ ܘܐܪܟܒܬ ܥܠ ܚܨܝܗ̈ܘܢ ܛܠ̈ܝܐ܂ ܘܦܪܚܘ
4.358:12	ܒܐܐܪ ܥܕܡܐ ܕܠܐ ܡܬܚܙܝܢ ܗܘܘ܂
4.358:13	‍[‍4‍]‍ ܗܝܕܝܢ ܫܪܝܘ ܩܥܝܢ ܛܠ̈ܝܐ ܥܠ ܚ̈ܨܝ ܢܫܪ̈ܐ ܒܐܐܪ܂ ܓܨܐ
4.358:14	ܘܟܠܫܐ ܘܟ̈ܐܦܐ ܡܢܥܘ ܠܢ܂ ܕܒܢ̈ܝܐ ܘܦܥ̈ܠܐ ܒܛܠܝܢ܂ ܘܒܥܝܢ

4.358:15	ܕܝܢ ܕܢܒܟܘܢ ܒܝܪܬܐ ܒܫܡܝܐ ܕܥܠܝ܂ ܗܝܕܝܢ ܢܓܕܢ ܐܢܘܢ ܘܢܚܬܘ܂

4.358:16	‍[‍1‍]‍ ܘܟܕ ܫܡܥܘ ܐܬܘܪ̈ܝܐ ܗܕܐ ܚܕܝܘ ܚܕܘܬܐ ܪܒܬܐ܂
4.358:17	‍[‍XXVII‍]‍ ܡܥܠܬܗ ܕܐܚܝܩܪ ܩܕܡ ܦܪܥܘܢ ܡܠܟܐ ܕܡܨܪܝܢ܂
4.358:18	‍[‍1‍]‍ ܟܕ ܥܠܬ ܥܡ ܚܝܠ̈ܘܬܝ ܐܢܐ ܐܚܝܩܪ ܠܡܨܪܝܢ܂ ܐܙܠܘ
4.358:19	ܠܘܬ ܦܪܥܘܢ ܡܠܟܐ ܘܐܘܕܥܘܗܝ ܥܒܕ̈ܘܗܝ ܕܗܐ ܓܒܪܐ ܕܒܥܝܬ
4.358:20	ܡܢ ܡܠܟܐ ܕܐܬܘܪ ܡܢܥ܂ ܡܢܐ ܢܗܘܐ ܦܘܩܕܢܟ܂ ܘܦܩܕ
4.358:21	ܦܪܥܘܢ ܘܝܗܒ ܠܢ ܕܘܟܬܐ ܠܝ ܘܠܚܝܠ̈ܘܬܝ܂
4.358:22	‍[‍2‍]‍ ܟܢ ܦܩܕ ܦܪܥܘܢ ܘܥܠܬ ܩܕܡܘܗܝ ܘܣܓܕܬ ܠܗ܂ ܗܝܕܝܢ
4.358:23	ܐܡܪ ܠܝ܂ ܡܢܘ ܫܡܟ܂ ܐܡܪܬ ܐܒܝܩܡ ܫܡܗ ܕܥܒܕܟ ܐܝܬܘܗܝ
4.358:24	ܫܘܫܡܢܐ ܡܢ ܫܘܫܡ̈ܢܝ ܣܪܚܕܘܡ ܡܠܟܐ ܕܐܬܘܪ ܘܢܝܢܘܐ܂
4.358:25	‍[‍3‍]‍ ܘܟܕ ܫܡܥ ܦܪܥܘܢ ܪܓܙ ܥܠܝ ܘܐܡܪ܂ ܕܗܟܢ ܒܨܝܪ ܐܢܐ
4.358:26	ܠܘܬ ܡܪܟ ܕܫܘܫܡܢܐ ܢܫܕܪ ܠܝ ܕܢܓܝܒܢܝ܂
4.359:01	‍[‍4‍]‍ ܗܫܐ ܙܠ ܐܘ ܐܒܝܩܡ ܠܬܘܢܟ ܘܡܚܪ ܗܦܘܟ ܠܘܬܝ܂
4.359:02	ܘܐܙܠܬ܂
4.359:03	‍[‍5‍]‍ ܫܘ̈ܐܠܐ ܕܡܠܟܐ܂ ܐ܂ ܘܦܩܕ ܦܪܥܘܢ ܠܪ̈ܘܪܒܢܘܗܝ ܕܢܠܒܫܘܢ
4.359:04	ܡܚܪ ܠܒܘܫܐ ܕܒܘܨܐ ܣܘܡܩܐ ܘܢܐܙܠܘܢ ܠܘܬܗ܂ ܘܐܦ ܡܠܟܐ
4.359:05	ܠܒܫ ܐܪܓܘܢܐ ܣܘܡܩܐ ܘܝܬܒ ܥܠ ܟܘܪܣܝܗ܂ ܘܟܠܗܘܢ
4.359:06	ܥܒܕܘ̈ܗܝ ܘܪ̈ܘܪܒܢܘܗܝ ܚܕܪܘܗܝ܂
4.359:07	‍[‍6‍]‍ ܟܢ ܦܩܕ ܘܐܥܠܘܢܝ ܠܘܬܗ ܘܐܡܪ ܠܝ܂ ܐܘ ܐܒܝܩܡ܂ ܠܡ݁ܢ
4.359:08	ܕܡ݁ܐ ܐܢܐ܂ ܘܚܝܠ̈ܘܬܝ ܠܡܢܘ ܕܡ݁ܝܢ܂ ܘܐܡܪܬ ܠܗ܂ ܕܝܢ
4.359:09	ܡܪܝ܃ ܕܡ݁ܐ ܐܢܬ ܠܒܝܠ ܨܠܡܐ܂ ܘܥܒܕ̈ܝܟ ܠܡܫܡܫ̈ܢܘܗܝ܂
4.359:10	‍[‍7‍]‍ ܗܝܕܝܢ ܐܡܪ ܠܝ܂ ܙܠ ܐܘ ܐܒܝܩܡ ܗܫܐ܂ ܘܡܚܪ ܬܐ܂
4.359:11	‍[‍8‍]‍ ܒ܂ ܘܦܩܕ ܡܠܟܐ ܠܪ̈ܘܪܒܢܘܗܝ ܕܢܠܒܫܘܢ ܠܒܘ̈ܫܐ ܚܘܪ̈ܐ
4.359:12	ܕܡ݂ܢ ܬܟܠܬܐ ܘܢܬܛܝܒܘܢ ܠܘܬܗ܂ ܘܐܦ ܡܠܟܐ ܠܒܫ ܘܝܬܒ
4.359:13	ܥܠ ܟܘܪܣܝܗ ܘܪ̈ܘܪܒܢܘܗܝ ܩܝܡܝܢ ܩܕܡܘܗܝ܂
4.359:14	‍[‍9‍]‍ ܘܦܩܕ ܘܐܬܛܝܒܬ ܠܘܬܗ ܘܐܡܪ ܠܝ܃ ܐܘ ܐܒܝܩܡ ܠܡܢ