The Comprehensive Aramaic Lexicon

4.356:08	‍[‍XXII‍]‍ ‍[‍1‍]‍ ܘܥܢܐ ܐܚܝܩܪ ܘܐܡܪ܂ ܡܪܝ ܡܠܟܐ ܒܚܙܬܟ ܗܫܐ
4.356:09	ܟܠ ܡܕܡ ܕܥܒܪ ܢܫܒܩܝܘܗܝ ܥܠ ܕܐܫܘܝܢܝ ܐܠܗܐ ܠܚܙܬܐ
4.356:10	ܕܦܪܨܘܦܟ ܪܓܝܓܐ܂
4.356:11	‍[‍2‍]‍ ܘܦܢܝ ܡܠܟܐ ܘܐܡܪ ܢܗܘܐ ܒܪܝܟ ܘܡܒܪܟ ܐܠܗܐ
4.356:12	ܕܐܚܝܩܪ ܕܦܨܝܗ ܡ݂ܢ ܗܢܐ ܛܠܘܡܝܐ܂ ܙܠ ܐܘ ܐܚܝܩܪ ܠܒܢܐ
4.356:13	ܘܓܪܘܥ ܘܐܫܝܓ ܘܗܦܘܟ ܠܒܝܬܟ܂ ܐܟܘܠ ܘܐܫܬܝ ܐܪܒܥܝܢ
4.356:14	ܝܘ̈ܡܝܢ ܥܕܡܐ ܕܬܬܚܝܠ܂ ܘܗܝܕܝܢ ܬܐ ܠܘܬܝ܂
4.356:15	‍[‍3‍]‍ ܘܗܦܟ ܐܚܝܩܪ ܘܥܒܕ ܐܝܟ ܡܠܬܗ ܕܡܠܟܐ܂ ܡܢ ܒܬܪ
4.356:16	ܝܘ̈ܡܬܐ ܥܣܪܝܢ ܗܦܟ ܐܚܝܩܪ ܬܘܒ ܠܘܬ ܡܠܟܐ ܣܪܚܕܘܡ
4.356:17	ܘܣܓܕ ܠܗ ܥܠ ܐܦܘ̈ܗܝ܂
4.357:01	‍[‍XXIII‍]‍ ܗܝܕܝܢ ܡܠܟܐ ܐܦܩ ܠܗ ܐܓܪܬܐ ܕܡܠܟܐ ܕܡܨܪܝܢ
4.357:02	ܘܚܘܝܗ݀܂ ܘܢܣܒܗ݀ ܐܚܝܩܪ ܡܢ ܐܝ̈ܕܝ ܡܠܟܐ ܠܐܓܪܬܐ ܗ݀ܝ ܘܩܪܗ݀܂
4.357:03	ܘܐܣܬܟܠ ܟܠܡܐ ܕܒܗ݀܂
4.357:04	‍[‍XXIV‍]‍ ‍[‍1‍]‍ ܘܐܡܪ ܠܡܠܟܐ܂ ܠܐ ܬܚܫ ܡܪܝܐ ܘܠܐ ܬܪܓܙ܂ ܐܢܐ
4.357:05	ܐܙܠ ܐܢܐ ܠܝ ܠܡܨܪܝܢ ܘܝܗܒ ܐܢܐ ܦܘܢܝܐ ܠܦܪܥܘܢ܂ ܘܟܠܗܘܢ
4.357:06	ܫܘܐܠܘ̈ܗܝ ܡܦܫܩ ܐܢܐ ܠܗܘܢ܂ ܘܡܝܬܐ ܐܢܐ ܫܩܠܐ ܕܡܨܪܝܢ
4.357:07	ܕܬܠܬ ܫܢ̈ܝܢ܂ ܘܐܒܗܬ ܠܟܘܠܗܘܢ ܒܥܠ̈ܕܒܒܝܟ ܒܥܘܕܪܢ
4.357:08	ܐܠܗܐ܂ ܐܘ ܡܪܝ ܡܠܟܐ܂
4.357:09	‍[‍2‍]‍ ܟܕ ܫܡܥ ܡܠܟܐ ܡ̈ܠܝ ܐܚܝܩܪ ܪܘܙ ܘܡܠܐ ܠܒܗ ܚܕܘܬܐ
4.357:10	ܘܦܨܝܚܘܬܐ܂ ܗܝܕܝܢ ܫܟܢ ܠܐܚܝܩܪ ܘܠܐܢܬܬܗ ܡܘܗܒ̈ܬܐ ܣܓܝ̈ܐܬܐ܂
4.357:11	‍[‍3‍]‍ ܘܠܐܣܦܘܩܠܛܪܐ ܝܒܘܣܡܝܟ ܐܪܝܡ ܫܕܬܗ ܠܕܪܓܐ
4.357:12	ܕܡܥܠܝ ܘܐܘܪܒܗ ܛܒ ܣܓܝ܂
4.357:13	‍[‍XXV‍]‍ ‍[‍1‍]‍ ܠܒܬܪܗ ܕܝܘܡܐ ܗ݀ܘ ܟܬܒܬ ܐܢܐ ܐܚܝܩܪ ܐܓܪܬܐ
4.357:14	ܠܐܫܦܓܢܐ ܒܪܬ ܙܘܓܐ܂ ܘܐܡܪܬ ܠܗ݀ ܗܟܢܐ܂
4.357:15	‍[‍2‍]‍ ܒܡܘܢܥ ܐܓܪܬܝ ܗܕܐ܂ ܦܩܕܝ ܠܨܝ̈ܕܐ ܕܢܨܘܕܘܢ ܠܢ ܬܪܝܢ
4.357:16	ܦܪ̈ܘܓܐ ܕܢܫܪܐ ܘܛܝܒ ܠܟܝ ܛܘܢܒ̈ܝ ܩܢܦܐ܂ ܐܝܟܢܐ ܕܢܗܘܘܢ
4.357:17	ܐܪ̈ܝܟܐ ܬܪܝܢ ܐܠܦܝ̈ܢ ܐܡ̈ܝܢ܂ ܘܦܩܘܕ ܠܢܓܪ̈ܐ ܕܢܥܒܕܘܢ ܬܪܝܢ
4.357:18	ܓܠܘܣܩ̈ܡܐ ܪ̈ܘܪܒܐ܂ ܘܗܒܝ ܢܒܘܠܚܠ ܘܕܒܫܠܝܡ ܠܢܫ̈ܐ
4.357:19	ܡܝܢܩ̈ܢܝܬܐ ܕܢܐܢܩ̈ܢ ܐܢܝܢ܂ ܘܟܠܝܘܡ ܐܡܪܐ ܚܕ ܐܘܟܠܝ ܠܢܫܪ̈ܐ
4.357:20	ܕܢܬܪܒܘܢ ܘܟܠܝܘܡ ܬܪܟܒܝ ܛܠ̈ܝܐ ܥܠ ܚܨܝ̈ ܢܫܪ̈ܐ ܟܡܐ
4.357:21	ܕܙܥܘܪܝܢ ܕܠܐ ܝܘܩܪܐ܂ ܘܩܛܘܪܝ ܛܘܢܒ̈ܐ ܒܪ̈ܓܠܝ ܢܫܪ̈ܐ
4.357:22	ܒܐܐܪ ܘܛܠ̈ܝܐ ܢܪܟܒܘܢ ܥܠ ܚܨܗܘܢ ܟܕ ܙܥܘܪܝܢ ܐܝܟܢܐ ܕܢܬܥܝܕܘܢ
4.357:23	ܠܛܥܘܢܬܗܘܢ܂
4.357:24	‍[‍3‍]‍ ܘܟܕ ܢܦܪܚܘܢ ܐܠܦ ܛܠ̈ܝܐ ܕܢܩܥܘܢ ܥܠ ܚܨ̈ܝ ܢܫܪ̈ܐ ܡܐ
4.357:25	ܕܣܠܩܝܢ ܒܐܐܪ ܘܢܐܡܪܘܢ ܗܟܢܐ܂ ܡܢܥܘ ܠܟ ܟܠܫܐ ܘܓܨܐ
4.357:26	ܘܟ̈ܐܦܐ ܕܒܢܝ̈ܐ ܘܦܥ̈ܠܐ ܒܛ݁ܠܝܢ܂ ܘܨܒܝܢ ܓܝܪ ܠܡܒܢܐ ܒܝܪܬܐ ܒܐܐܪ܂
4.358:01	‍[‍4‍]‍ ܒܬܪܟܢ ܕܝܢ ܓܕܝ ܠܦܪ̈ܘܓܐ ܘܐܚܬܝ ܐܢܘܢ ܠܐܪܥܐ ܘܐܥܠܝ
4.358:02	ܐܢܘܢ ܒܓܘ ܓܠܘܣܩܡܐ ܘܫܕܪܝ ܠܝ ܦܬܓܡܐ ܕܐܪܥ ܒܓܘ
4.358:03	ܫܘܡܠܝܐ ܨܒܘܬܐ ܗܕܐ܂
4.358:04	‍[‍5‍]‍ ܘܐܦ ܐܫܦܓܢܐ ܐܢܬܬܝ ܣܓܝ ܚܟܝܡܬܐ ܐܝܬܝܗ݀ ܗܘܬ܂
4.358:05	ܘܟܠܡܐ ܕܦܩܕܬܗ݀ ܥܒܕܬ ܘܐܘܕܥܬ ܠܝ܂
4.358:06	‍[‍XXVI‍]‍ ‍[‍2‍]‍ ܒܬܪ ܩܠܝܠ ܝܘܡ̈ܬܐ ܐܢܐ ܐܚܝܩܪ ܐܡܪܬ ܠܡܠܟܐ
4.358:07	ܕܐܙܠ ܠܡܨܪܝܢ ܡܛܠ ܕܡܛܐ ܙܒܢܐ ܕܐܪܕܐ ܒܗ܂ ܗܝܕܝܢ ܝܗܒ
4.358:08	ܠܝ ܦܘܩܕܢܐ ܘܢܣܒܬ ܥܡܝ ܚܝܠܐ ܣܓܝܐܐ܂
4.358:09	‍[‍3‍]‍ ܘܟܕ ܥܒܪܢܢ ܡܪܕܐ ܝܘܡܐ ܚܕ ܘܩܡܢ ܒܕܘܟܬܐ ܕܪܘܝܚܐ
4.358:10	ܒܦܩܥܬܐ܂ ܗܝܕܝܢ ܐܦܩܬ ܠܢܫܪ̈ܐ ܡܢ ܓܠܘܣܩ̈ܡܐ܂ ܘܐܣܪܬ
4.358:11	ܒܪ̈ܓܠܝܗܘܢ ܛܘܢܒ̈ܐ ܘܐܪܟܒܬ ܥܠ ܚܨܝܗ̈ܘܢ ܛܠ̈ܝܐ܂ ܘܦܪܚܘ
4.358:12	ܒܐܐܪ ܥܕܡܐ ܕܠܐ ܡܬܚܙܝܢ ܗܘܘ܂
4.358:13	‍[‍4‍]‍ ܗܝܕܝܢ ܫܪܝܘ ܩܥܝܢ ܛܠ̈ܝܐ ܥܠ ܚ̈ܨܝ ܢܫܪ̈ܐ ܒܐܐܪ܂ ܓܨܐ
4.358:14	ܘܟܠܫܐ ܘܟ̈ܐܦܐ ܡܢܥܘ ܠܢ܂ ܕܒܢ̈ܝܐ ܘܦܥ̈ܠܐ ܒܛܠܝܢ܂ ܘܒܥܝܢ
4.358:15	ܕܝܢ ܕܢܒܟܘܢ ܒܝܪܬܐ ܒܫܡܝܐ ܕܥܠܝ܂ ܗܝܕܝܢ ܢܓܕܢ ܐܢܘܢ ܘܢܚܬܘ܂